ପୁରୀ ୨୭।୦୭: ପୁରୀ ମଙ୍ଗଳାମୁହାଣ ବେଳାଭୂମିରେ ମାଛ ମଡକ। ଗୋଟିଏ ନୁହେଁ କି ଦୁଇଟି ନୁହେଁ ଶହ ଶହ ସଂଖ୍ୟାରେ ମେଞ୍ଜିଆ ଓ ପଥରମୁଣ୍ତି ମାଛ ମରି ପଡିଥିବା ଦେଖିବାକୁ ମିଳିଛି। ସେପଟେ ବିଭାଗୀୟ ଅଧିକାରୀଙ୍କ ନିକଟରେ ନାହିଁ କିଛି ଖବର ।
ଖବର ଅନୁଯାୟୀ, ମଙ୍ଗଳାଘାଟରୁ ଆସୁଥିବା ଡ୍ରେନ୍ ପାଣି ମଙ୍ଗଳା ମୁହାଣରେ ମିଶିବା ସହ ଏହା ସିଧାସଳଖ ସମୁଦ୍ର ଭିତରକୁ ପ୍ରବେଶ କରୁଛି। ଯାହା ଫଳରେ ମଙ୍ଗଳା ଏହି ପାଣି ବିଷାକ୍ତ ହେବା ଯୋଗୁ ଶହ ଶହ ସଂଖ୍ୟାରେ ମାଛ ମରି ପଡୁଛନ୍ତି। ତେବେ ଏନେଇ ଆମେ ମତ୍ସ୍ୟ ବିଭାଗ ଅଧିକାରୀଙ୍କ ସହ ଯୋଗାଯୋଗ କରିଥିଲେ ମଧ୍ୟ ଏନେଇ ତାଙ୍କ ପାଖରେ କୌଣସି ଖବର ନଥିବା ସେ କହିଛନ୍ତି।
