oroinfra
maganna
anutap
FileReOpen
TASTEtheBEST
EVOS_WebBanner_728X90
oroinfra
ChampionMaganna_WebBanner_728X90
Anutap_WebBanner_728X90
FileReOpen_WebBanner_728X90
TASTEtheBEST_WebBanner_728X90
EVOS_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଯାଜପୁର: ଗଡିବ ମା’ ବିରଜାଙ୍କ ସିଂହଧ୍ଵଜ ରଥ, ୯ ଦିନ ଧରି ଭକ୍ତଙ୍କୁ ଦର୍ଶନ ଦେବେ ଦେବୀ
  • ||
  • ହିମାଚଳ ପ୍ରଦେଶର କୁଲୁରେ ମର୍ମନ୍ତୁଦ ଦୁର୍ଘଟଣା, ୭ ପର୍ଯ୍ୟଟକ ମୃତ
  • ||
  • ସୋମବାରଠୁ ନବରାତ୍ର ପୂଜା, ମାଆଙ୍କ ଷୋଡ଼ଶ ପୂଜାପାଠରେ କମ୍ପୁଛି ଶକ୍ତିପୀଠ
  • ||
  • ମୋହନା : ଘାଟିରେ ଓଲଟିଲା ଯାତ୍ରୀବାହୀ ବସ୍, ଅଳ୍ପକେ ବର୍ତ୍ତିଲେ ୨୪ଯାତ୍ରୀ
  • ||

ମହାଶିବରାତ୍ରିରେ ହରିଦ୍ୱାରରେ ମହାକୁମ୍ଭର ପ୍ରଥମ ଶାହୀ ସ୍ନାନ: ଗଙ୍ଗାରେ ବୁଡ ପକାଇଲେ ୨୨ ଲକ୍ଷ ଶ୍ରଦ୍ଧାଳୁ

11/03/2021 at 11:40 AM

ହରିଦ୍ୱାର ୧୧/୦୩ : ଆଜି ମହାଶିବରାତ୍ରୀର ପବିତ୍ର ଅବସରରେ ହରିଦ୍ୱାରରେ ଆରମ୍ଭ ହୋଇଥିବା ମହାକୁମ୍ଭରେ ପ୍ରଥମ ଶାହୀ ସ୍ନାନ। ଶାହୀ ସ୍ନାନ ଆରମ୍ଭରେ ଜୁନା ଆଖଡ଼ା, ଆହ୍ୱାନ ଆଖଡ଼ା, ଅଗ୍ନି ଆଖଡ଼ା, କିନ୍ନର ଆଖଡ଼ାର ପାଖାପାଖି ୨୨ ଲକ୍ଷ ଲୋକ ପୋୖଡି ବ୍ରହ୍ମକୁଣ୍ଡରେ ବୁଡ଼ ପକାଇଛନ୍ତି। ଏହାପରେ ଅପରାହ୍ନ ପ୍ରାୟ ଗୋଟାଏ ବେଳେ ନିରଞ୍ଜନୀ ଆଖଡ଼ା ଓ ଆନନ୍ଦ ଆଖଡ଼ା ହର କି ପୋୖଡି ବ୍ରହ୍ମକୁଣ୍ଡରେ ସ୍ନାନ କରିବେ। ଏହାପରେ ପ୍ରାୟ ୪ଟା ସମୟରେ ମହାନିର୍ବାଣି ଆଖଡ଼ା ଓ ଅଟଳ ଆଖଡ଼ା ହର କି ପୋୖଡି ବ୍ରହ୍ମକୁଣ୍ଡରେ ସ୍ନାନ କରିବେ। ଏହି ସମୟରେ ଶ୍ରଦ୍ଧାଳୁଙ୍କ ଉପରେ ହେଲିକେପ୍ଟରରୁ ଫୁଲ ବର୍ଷା କରାଯିବ।

ରାଷ୍ଟ୍ରପତି ରାମନାଥ କୋବିନ୍ଦ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, କଂଗ୍ରେସ ସାଂସଦ ରାହୁଲ ଗାନ୍ଧୀଙ୍କ ସମେତ ଅନେକ ନେତା ଦେଶବାସୀଙ୍କୁ ମହାଶିବରାତ୍ରିର ଶୁଭକାମନା ଦେଇଛନ୍ତି।

ନାଗା ବାବା ଓ ସାଧୁଙ୍କ ଶାହୀ ସ୍ନାନକୁ ଦୃଷ୍ଟିରେ ରଖି ସାଧାରଣ ଶ୍ରଦ୍ଧାଳୁଙ୍କୁ ସକାଳ ୭ଟା ପରେ ସ୍ନାନ ଅନୁମତି ଦିଆଯାଇଛି। ମହାକୁମ୍ଭ ପ୍ରଥମ ସ୍ନାନ ପାଇଁ ପ୍ରଶାସନ ସମ୍ପୂର୍ଣ ସତର୍କ। ୭ଟା ପରେ ହର କି ପୋୖଡି ଅଞ୍ଚଳକୁ ଖାଲି କରାଯାଇଥିଲା। ଏହାପରେ ଘାଟ ସଫା କରାଯାଇଛି। ଏହି ସମୟରେ ଘାଟକୁ କାହାର ଯିବା ଆସିବା ଉପରେ ପ୍ରତିବନ୍ଧକ ରହିଛି।

ମହାକୁମ୍ଭ ଶାହୀ ସ୍ନାନ ପାଇଁ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି। ସ୍ଥାନ ସ୍ଥାନରେ ପୋଲିସ କର୍ମୀ ନିୟୋଜିତ ଅଛନ୍ତି। କୁମ୍ଭମେଳାର ସୁରକ୍ଷା ବ୍ୟବସ୍ଥା ସୁନିଶ୍ଚିତ କରିବାକୁ ମେଳା ଅଞ୍ଚଳକୁ ୩ ସୁପର ଜୋନ, ୯ ଜୋନ ଓ ୨୫ ସେକ୍ଟରରେ ବଣ୍ଟାଯାଇଛି। ପ୍ରତ୍ୟେକ ଜୋନରେ ଉଚ୍ଚ ପୋଲିସ ଅଧିକ୍ଷକ ଏବଂ ସେକ୍ଟରରେ ପୋଲିସ ଉପାଧ୍ୟକ୍ଷ ନିଯୁକ୍ତ କରାଯାଇଛି। ସୁରକ୍ଷା ବ୍ୟବସ୍ଥାରେ ଯେପରି କିଛି ଗଡବଡ ନ ହୁଏ ସେଥିପାଇଁ ପୋଲିସକର୍ମୀଙ୍କୁ ଖାସ ଟ୍ରେନିଂ ଦିଆଯାଇଛି।

ସୂଚନା ଅନୁଯାୟୀ, ହରିଦ୍ୱାର କୁମ୍ଭରେ ମହାଶିବରାତ୍ରି ଅବସରରେ ଆଜି ଶାହୀ ସ୍ନାନକୁ ନେଇ ରାଜ୍ୟ ସରକାର ପୂର୍ବରୁ ଏସଓପି ଜାରି କରିଛନ୍ତି। ଏସଓପି ଅନୁଯାୟୀ, ଶାହୀ ସ୍ନାନ ପାଇଁ କୋଭିଡ ନେଗେଟିଭ ରିପୋର୍ଟ ଉପଲବ୍ଧ ଓ ହେଲ୍ଥ ସାର୍ଟିଫିକେଟ ଦେଖାଇବା ଜରୁରୀ। ଏହା ବିନା ହରିଦ୍ୱାରରେ ଏଣ୍ଟ୍ରି ମିଳିବନି। ରାଜ୍ୟ ସରକାରଙ୍କ ଏସଓପି ମାର୍ଚ୍ଚ ୧୨ ତାରିଖ ଯାଏଁ ଲାଗୁ ହେବ। ରାଜ୍ୟ ସରକାରଙ୍କ ଏସଓପି ଅନୁଯାୟୀ, ପର୍ଯ୍ୟଟକ ଭିଡ କରି ଭଜନ କୀର୍ତ୍ତନ କରିପାରିବେନି। କୌଣସି ଶ୍ରଦ୍ଧାଳୁ ନିୟମ ଉଲଙ୍ଘନ କଲେ ବିପର୍ଯ୍ୟୟ ମହାମାରୀ ଆକ୍ଟ ଅନୁସାରେ ତାଙ୍କ ବିରୋଧରେ ଆକ୍ସନ ନିଆଯିବ।

   Related Posts