Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଉପର ତଳ ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୨୮୦ କୋଭିଡ୍ ପଜିଟିଭ୍
  • ||
  • ଗୁରୁବାରଠୁ ରାଜ୍ୟରେ ପ୍ରବଳ ବର୍ଷା, ୧୯ ଓ ୨୦ ପାଇଁ ଜାରି ହେଲେ ୟେଲୋ ଓ୍ୱାର୍ଣ୍ଣିଂ
  • ||
  • ଜଳେଶ୍ୱର: ତ୍ରୀର୍ଥଯାତ୍ରୀ ବସ୍‌କୁ ପିଟିଲା ମାଲବାହୀ ଟ୍ରକ୍, ଜଣେ ମୃତ ଓ ୪ ଗୁରୁତର
  • ||
  • ମୟୁରଭଞ୍ଜ: ଆଇଟିଆଇ କଲେଜରେ ଆଦିବାସୀ ଛାତ୍ରଙ୍କୁ ମାଡ ଘଟଣା, ୧୨ ଘଣ୍ଟିଆ ମୟୁରଭଞ୍ଜ ବନ୍ଦ ଡାକରା
  • ||
  • ବିଜେପିରେ ବଡ ଧରଣର ପରିବର୍ତ୍ତନ, ସଂସଦୀୟ ବୋର୍ଡରୁ ହଟିଲେ ଗଡକରୀ ଓ ଚୌହାନ
  • ||

କଟକରେ ଜାଇକାର ପ୍ରଥମ ପ୍ରୋଜେକ୍ଟ ଉଦ୍ଦଘାଟିତ : ସିଡିଏରେ ୨୦୦ କୋଟି ଟଙ୍କା ବ୍ୟୟରେ ନିର୍ମିତ ସିଓ୍ୱେଜ୍ ଟ୍ରିଟ୍‌ମେଣ୍ଟ ପ୍ଲାଣ୍ଟକୁ ଉଦ୍ଦଘାଟନ କଲେ ମୁଖ୍ୟମନ୍ତ୍ରୀ

5/12/2018 at 7:51 PM

କଟକ୫|୧୨: କଟକରେ ଜାଇକାର ପ୍ରଥମ ପ୍ରୋଜେକ୍ଟ ଉଦ୍‌ଘାଟିତ ।ସିଡିଏରେ ୨୦୦ କୋଟି ଟଙ୍କା ବ୍ୟୟରେ ନିର୍ମିତ ସିଓ୍ବେଜ୍ ଟ୍ରିଟ୍‌ମେଣ୍ଟ ପ୍ଲାଣ୍ଟକୁ ଉଦ୍‌ଘାଟନ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏହି ଜଳ ବିଶୋଧନାଗାରରେ ପ୍ରତ୍ୟେକ ଦିନ ୩ କୋଟି ୬୦ ଲକ୍ଷ ଲିଟର ଦୂଷିତ ଜଳ ବିଶୋଧନ କରାଯାଇ ପାରିବ । ଯାହାଦ୍ବାରା ସହରର ପ୍ରାୟ ୪ ଲକ୍ଷ ଲୋକ ଉପକୃତ ହୋଇପାରିବେ ।

ଦୀର୍ଘ ବର୍ଷ ପରେ କଟକରେ ଜାଇକାର ପ୍ରଥମ ପ୍ରୋଜେକ୍ଟ ଉଦଘାଟିତ ହୋଇଛି । ଉଦ୍‌ଘାଟନ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । କଟକ ସହରର ଆବର୍ଜନା ଜଳକୁ ବିଶୁଦ୍ଧ କରିବା ପାଇଁ ୨୦୦ କୋଟି ଟଙ୍କା ବ୍ୟୟରେ ଜାଇକା ନିର୍ମାଣ କରିଛି ସିଓ୍ବେଜ୍ ଟ୍ରିଟ୍‌ମେଣ୍ଟ ପ୍ଲାଣ୍ଟ । ଏଠାରେ ପ୍ରତ୍ୟେକ ଦିନ ୩ କୋଟି ୬୦ ଲକ୍ଷ ଲିଟର ଜଳ ବିଶୋଧନ ହୋଇପାରିବ । ସିଡିଏରେ ନିର୍ମିତ ଏହି ଟ୍ରିଟ୍‌ମେଣ୍ଟ ପ୍ଲାଣ୍ଟକୁ ମୁଖ୍ୟମନ୍ତ୍ରୀ ଉଦ୍‌ଘାଟନ କରିଛନ୍ତି । ତେବେ ଜାପାନ ଇଣ୍ଟରନ୍ୟାସନାଲ କୋପରେସନ୍ ଏଜେନ୍ସି ବା ଜାଇକାର ମୁଖ୍ୟ ପ୍ରତିନିଧି ମଧ୍ୟ ଉଦ୍‌ଘାଟନୀ ଉତ୍ସବରେ ଯୋଗଦେଇଥିଲେ ।

କଟକ ସହରରେ ପ୍ରାୟ ୨ ହଜାର କୋଟି ଟଙ୍କା ବ୍ୟୟରେ ସ୍ବେରଜ୍ ଓ ଡ୍ରେନେଜ୍ ବ୍ୟବସ୍ଥା କାମ କରୁଛି ଜାଇକା । ତେବେ ପ୍ରଥମ ପର୍ଯ୍ୟାୟରେ ଏହି ଜଳ ବିଶୋଧନାଗାର ଉଦ୍‌ଘାଟିତ ହୋଇଥିବା ବେଳେ ମତ୍ତଗଜପୁରରେ ନିର୍ମାଣ ଚାଲିଛି ଅନ୍ୟ ଏକ ଟ୍ରିଟ୍‌ମେଣ୍ଟ ପ୍ଲାଣ୍ଟ । ଉଦ୍‌ଘାଟିତ ହୋଇଥିବା ଜଳ ବିଶୋଧନାଗାର ଦ୍ବାରା ଦୈନିକ ୪ ଲକ୍ଷ ଲୋକ ଉପକୃତ ହେବେ ବୋଲି ଜାଇକାର ପ୍ରକଳ୍ପ ନିର୍ଦ୍ଦେଶକ କହିଛନ୍ତି । ଏହି ସିଓ୍ବେଜ୍ ଟ୍ରିଟ୍‌ମେଣ୍ଟ ପ୍ଲାଣ୍ଟ ସହରର ପୁରୀଘାଟଠାରୁ ଆରମ୍ଭ କରି ସିଡିଏ ପର୍ଯ୍ୟନ୍ତ ଲମ୍ବିଥିବା ସମସ୍ତ ଡ୍ରେନ୍‌ରୁ ଆବଜର୍ନା ପାଣିକୁ ବିଶୁଦ୍ଧ କରି ପାରିବ ବୋଲି ଜାଇକା ପକ୍ଷରୁ କୁହାଯାଇଛି ।

ଏହି ଉଦ୍‌ଘାଟନୀ ଉତ୍ସବରେ ମୁଖ୍ୟମନ୍ତ୍ରୀଙ୍କ ସମେତ ସ୍ବାସ୍ଥ୍ୟମନ୍ତ୍ରୀ, ସାଂସଦ, ବିଧାୟକଙ୍କ ସହ ଜାଇକାର ବହୁ ଅଧିକାରୀ ଯୋଗଦେଇଥିଲେ ।

   Related Posts