ଚୌଦ୍ବାର ୧୪।୦୫: କଟକ ଜିଲ୍ଲା ଚୌଦ୍ୱାର ଥାନା ମୁଣ୍ଡାମାଳ ଛକରେ ଗୁଳିକାଣ୍ଡ । ୧୦ରୁ ୧୨ ଯୁବକ ଦୁଇ ରାଉଣ୍ଡ ଗୁଳି ଫୁଟାଇଥିବାର ଜଣାପଡିଛି । ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
ଖବର ଅନୁଯାୟୀ, ସୋମବାର ବିଳମ୍ବିତ ରାତିରେ ପପୁ ଚାନ୍ଦ ନାମକ ଜଣେ ଯୁବକ ସହିତ ୧୦ରୁ ୧୨ ଜଣ ଯୁବକ ମୋଟର ସାଇକେଲରେ ଆସିଥିଲେ । ଏହାପରେ ମୁଣ୍ଡମାଳ ଛକ ଉପରେ ଠିଆ ହୋଇଥିବା ମାଲ ବୋଝେଇ ଥିବା ୪ଟି ପିକଅପ୍ ଭ୍ୟାନ୍ ଗାଡ଼ି କାଚ ଏବଂ ୪ଟି ମୋଟର ସାଇକେଲକୁ ଭଙ୍ଗାରୁଜା କରିଥିଲେ । ଏହାସହିତ ଦୁର୍ବୃତ୍ତ ମାନେ ଗାଡ଼ିର ମାଲିକଙ୍କ ସମେତ କର୍ମଚାରୀଙ୍କୁ ଆକ୍ରମଣ କରିବା ସହ ଦୁଇ ରାଉଣ୍ଡ ଗୁଳି ଫୁଟାଇ ଫେରାର ହୋଇଯାଇଛନ୍ତି l ବର୍ତ୍ତମାନ ସୁଦ୍ଧା ଚୌଦ୍ୱାର ପୋଲିସ ଦୁର୍ବୃତ୍ତଙ୍କ ଟେର୍ ପାଇନି l