ଖଲ୍ଲିକୋଟ ୨୧/୦୨: ପୋଷା ବିଲେଇ ପାଇଁ ଥାନାରେ ଏତଲା । ଏମିତି ଏକ ଘଟଣା ଦେଖିବାକୁ ମିଳିଛି ଗଞ୍ଜାମ ଜିଲ୍ଲା ଛତ୍ରପୁର ଏନଏସି ୧୦ ନଂ ଓ୍ୱାର୍ଡ ଶଙ୍କର ମଠ ସାହି ପାଣି କଲୋନୀରେ ।

ସାହିର ଜଣେ ମହିଳାଙ୍କ ଘରେ ୩୦ରୁ ଅଧିକ ବିଲେଇ ପାଳିଛି । ଆଉ ବିଲେଇ ମାନେ ଏଣେ ତେଣେ ବୁଲା ବୁଲି କରିବା ସହ ଯେଉଠି ସେଇଠି ମଳମୁତ୍ର ତ୍ୟାଗ କରୁଛି । ଯାହା ଫଳରେ ସାହି ବାସିନ୍ଦାମାନେ ନାନା ପ୍ରକାରର ହଇରାଣ ହେଉଛନ୍ତି । ଫଳରେ ପରିମଳ ବିପର୍ଯ୍ୟସ୍ତ ହେଉଥିବା ସାହିବାସିନ୍ଦାଙ୍କ ସଂପର୍କୀୟଙ୍କ ଘରକୁ ଆସିବାକୁ ଅନିଛା ପ୍ରକାଶ କରୁଛି ।

ଏପରିକି ଏହି ସାହିକୁ ପରିବା ବିକାଳି ମଧ୍ୟ ଆସୁନାହାଁନ୍ତି । ଏଣୁ ଏନେଇ ପଦେକ୍ଷପ ଗ୍ରହଣ କରିବାକୁ ୧୦ ନଂ ଓ୍ୱାର୍ଡର କାଉନସିଲର ଦେବାଶିଷ ମିଶ୍ରଙ୍କ ନେତୃତ୍ୱରେ ମହିଳା ମାନେ ଛତ୍ରପୁର ଥାନାର ଦ୍ୱାରସ୍ତ ହୋଇଛି । ପୂର୍ବରୁ ଘର ମାଲିକଙ୍କୁ ସଫେଇ ପାଇଁ ଅବଗତ କରାଯାଇଥିଲେ ସୁଦ୍ଧା, ସେ କିଛି ଶୁଣୁନାହାଁନ୍ତି । ବରଂ ସାହିବାସିନ୍ଦାଙ୍କୁ ଗାଳିଗୁଲଜ କରୁଛି ।

ଏନେଇ ପୂର୍ବରୁ ଏନଏସି କାର୍ଯ୍ୟନିର୍ବ।ହୀ ଆଧିକାରୀଙ୍କ ଦୃଷ୍ଟି ଆକର୍ଷଣ କରାଯାଇଥିଲା । କିନ୍ତୁ କୌଣସି ସୁଫଳନମିଳିବାରୁ ୧୦ନଂ ଓ୍ୱାର୍ଡର ମହିଳାମାନେ ଛତ୍ରପୁର ଥାନାରେ ଲିଖିତ ଅଭିଯୋଗ ଦାଖଲ କରିଛି । ଏପରିକି ଗତକାଲି ସେଥିରୁ ୨ଟି ବିଲେଇ ମଧ୍ୟ ମରିପଡିଛି । ଯାହାଫଳରେ ଦୁର୍ଗନ୍ଧ ହେଉଥିବା ସାହି ବାସିନ୍ଦାମାନେ କହିଛନ୍ତି । ଏପରିକି ମହିଳା ଜଣକ ନିଜର ଦୁଇଟି ଘର ଥିବାରୁ ଗୋଟିଏ ଘରେ ଏହି ସବୁ ବିଲେଇ ରଖି ମହିଳା ଜଣକ ଅନ୍ୟ ଏକ ଘରେ ରହିଛି । ଏଥିପ୍ରତି ପ୍ରଶାସନ ଏଥିପ୍ରତି ଦୃଷ୍ଟି ଦେବାକୁ ସାହିର ମହିଳାମାନେ ଦାବି କରିଛି ।