vridhi excotica
ori homes
vridhi excotica
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୂର୍ବ ୟୁକ୍ରେନରେ ଋଷର ଘନଘନ ଆକ୍ରମଣ, ଲୁହାଂସ୍କକୁ କବଜା କଲା ପୁଟିନ ସେନା
  • ||
  • ସେୟାର ବଜାରରେ ଉତ୍ସାହ : ଆରମ୍ଭରୁ ସବୁଜ ରଙ୍ଗରେ ଖୋଲିଲା ସେନସେକ୍ସ ଓ ନିଫ୍ଟି
  • ||
  • ‘ଶିବସେନାକୁ ଶେଷ କରିବାକୁ ଚାହୁଁଚି ବିଜେପି’ : ଗୁରୁତର ଅଭିଯୋଗ ଆଣିଲେ ଉଦ୍ଧବ
  • ||
  • କାହିଁକି ମ୍ୟାଚରେ ପଛେଇଗଲା ଭାରତ ? କାରଣ କହିଲେ ବ୍ୟାଟିଂ କୋଚ୍
  • ||
  • ଭୂମିକମ୍ପରେ ଥରିଲା ଆଣ୍ଡାମାନ-ନିକୋବର, ରିକ୍ଟର ସ୍କେଲରେ ତୀବ୍ରତା ୫.୦
  • ||
  • ଲଘୁଚାପ ପ୍ରଭାବରେ ୪ ଦିନ ପ୍ରବଳ ବର୍ଷା, ଅଧିକ ଭିଜିବ ଏହି ସବୁ ଜିଲ୍ଲା
  • ||
  • ବୁମରାହଙ୍କ ପଡିଆ ଛାଡିବା ଟିମ୍‌କୁ ପଡିଲା ମହଙ୍ଗା, ଦୁଇଟି ରିଭ୍ୟୁ ବରବାଦ କଲେ ପନ୍ତ
  • ||

ମହନ୍ତ ନରେନ୍ଦ୍ର ଗିରିଙ୍କ ମୃତ୍ୟୁ ମାମଲାରେ ଶିଷ୍ୟ ଆନନ୍ଦ ଗିରିଙ୍କ ବିରୋଧରେ ମାମଲା ରୁଜ୍ଜୁ: ପୋଲିସ ହାତରେ ଅନେକ ସୁରାକ

21/09/2021 at 3:21 PM

ପ୍ରୟାଗରାଜ ୨୧/୦୯ : ଅଖିଳ ଭାରତୀୟ ଆଖଡ଼ା ପରିଷଦ ଅଧ୍ୟକ୍ଷ ମହନ୍ତ ନରେନ୍ଦ୍ର ଗିରିଙ୍କ ମୃତ୍ୟୁ ମାମଲାରେ ତାଙ୍କ ଶିଷ୍ୟ ଆନନ୍ଦ ଗିରିଙ୍କ ବିରୋଧରେ ମାମଲା ରୁଜ୍ଜୁ କରାଯାଇଛି। ପୋଲିସ ପ୍ରବକ୍ତା ମଙ୍ଗଳବାର ଦିନ ଏ ସମ୍ପର୍କରେ ସୂଚନା ଦେଇଛନ୍ତି। ସେ ଏକହିଛନ୍ତି ଯେ ସୋମବାର ବିଳମ୍ବିତ ରାତିରେ ବନ୍ଧବା ସ୍ଥିତ ହନୁମାନ ମନ୍ଦିର ବ୍ୟବସ୍ଥାପକ ଅମର ଗିରିଙ୍କ ତରଫରୁ ଅଭିଯୋଗ ପରେ ଜର୍ଜଟାଉନ ଥାନାରେ ଆନନ୍ଦ ଗିରିଙ୍କ ବିରୋଧରେ ଆଇପିସି ଧାରା ୩୦୬ ଅନୁସାରେ ମାମଲା ରୁଜ୍ଜୁ ହୋଇଛି। ତାଙ୍କ ବିରୋଧରେ ଆତ୍ମହତ୍ୟା ପାଇଁ ଉସୁକାଇବା ଆରୋପ ହୋଇଛି। ପୋଲିସ ହାତରେ ଗୁରୁତ୍ତ୍ୱପୂର୍ଣ ସୁରାକ ମଧ୍ୟ ପଡିଛି ବୋଲି କୁହାଯାଉଛି।

ସେ କହିଛନ୍ତି ଯେ ଆମର ଗିରିଙ୍କ ଆବେଦନରେ ନରେନ୍ଦ୍ର ଗିରି ଓ ତାଙ୍କ ଶିଷ୍ୟ ଆନନ୍ଦ ଗିରିଙ୍କ ମଧ୍ୟରେ ଥିବା ବିବାଦ ସମ୍ପର୍କରେ କୁହାଯାଇଛି। ଅଭିଯୋଗରେ ଘଟଣାକ୍ରମ ସମ୍ପର୍କରେ ବର୍ଣ୍ଣନା କରାଯାଇଛି। ନରେନ୍ଦ୍ର ଗିରିଙ୍କ ସୁଈସାଇଡ ନୋଟରେ ଆନନ୍ଦ ଗିରିଙ୍କ ଛଡା ହନୁମାନ ମନ୍ଦିର ମୁଖ୍ୟ ପୂଜାରୀ ଆଦ୍ୟ ପ୍ରସାଦ ଓ ତାଙ୍କ ପୁଅ ସନ୍ଦୀପ ମଧ୍ୟ ହଇରାଣ କରୁଥିବା ଅଭିଯୋଗ ରହିଛି। ପୋଲିସ କହିଛି ଯେ ସୁଈସାଇଡ ନୋଟ ଓ ପୋଷ୍ଟମର୍ଟମ ରିପୋର୍ଟ ଆଧାରରେ ଆଗକୁ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।

ମାମଲାରେ ଉତ୍ତରାଖଣ୍ଡ ପୋଲିସ ଆନନ୍ଦ ଗିରିଙ୍କୁ ସୋମବାର ଦିନ ଶ୍ୟାମପୁର କାଙ୍ଗଡି ସ୍ଥିତ ତାଙ୍କ ଆଶ୍ରମରୁ ହାଜତକୁ ନେଇଥିଲା। ସୋମବାର ରାତିରେ ମନ୍ଦିରର ମୁଖ୍ୟ ପୂଜାରୀ ଆଦ୍ୟ ପ୍ରସାଦ ଓ ତାଙ୍କ ପୁଅ ସନ୍ଦୀପଙ୍କୁ ଅଟକ ରଖି ପଚରାଉଚୁରା କରୁଛି। 

ସୂଚନାଯୋଗ୍ୟ ଯେ ଅଖିଳ ଭାରତୀୟ ଆଖଡ଼ା ପରିଷଦ ଅଧ୍ୟକ୍ଷ ମହନ୍ତ ନରେନ୍ଦ୍ର ଗିରିଙ୍କର ସୋମବାର ସନ୍ଧ୍ୟାରେ ବାଘମ୍ବରୀ ମଠରେ ସନ୍ଦିଗ୍ଧ ସ୍ଥିତିରେ ମୃତ୍ୟୁ ହୋଇଛି। ତାଙ୍କ ମୃତଦେହ ମଠର ଏକ କୋଠରୀରେ ପଙ୍ଖାରେ ଝୁଲୁଥିବା ଅବସ୍ଥାରେ ଉଦ୍ଧାର ହୋଇଥିଲା। ଘଟଣାସ୍ଥଳରୁ ପୋଲିସ ୮ ପେଜରେ ଏକ ସୁଈସାଇଡ ନୋଟ ମଧ୍ୟ ଜବତ କରିଛି। ମାମଲାରେ ପୋଲିସ ୩ ଜଣଙ୍କୁ ଗିରଫ କରିଛି।

   Related Posts