AKK 2023
Hari omm 2
AKK2023
hari om films
WEB_F-8
HARI-OMM_728X90_B
WEB_F-9
Showcase2022
hari om films
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ହିପିଣ୍ଡା ସଂରକ୍ଷିତ ଜଙ୍ଗଲରେ ଦନ୍ତା ମୃତଦେହ ଠାବ, ହାତୀକୁ ମାରି ନେଇଗଲେ ଦାନ୍ତ
  • ||
  • MKCG ମେଡିକାଲ ମୁଖ୍ୟ ଫାଟକ ସମ୍ମୁଖରେ ଦୁର୍ଘଟଣା: ସ୍କୁଟି-କାର୍ ମୁହାଁମୁହିଁ ଧକ୍କା, ଦୁଇ ମୃତ
  • ||
  • ଭୁବନେଶ୍ୱର: ରାତିରେ ପାରଦ କମିବ ଓ ଶୀତ ବଢ଼ିବ, ଦିନରେ ସ୍ୱାଭାବିକଠାରୁ ଅଧିକ ରହିବ ତାପମାତ୍ରା
  • ||
  • ତୋଲକୋଇ: ଦନ୍ତା ଆକ୍ରମଣରେ ହାତୀଛୁଆର ମୃତ୍ୟୁ, ଜଙ୍ଗଲରେ ପଡିଛି ମୃତଦେହ
  • ||

ମେସିଙ୍କ ସହ ପାଟିତୁଣ୍ଡ କରିଥିବା ରେଫରୀଙ୍କୁ ବିଦା କଲା ଫିଫା, ଭାରି ପଡିଲା ୧୫ କାର୍ଡ

13/12/2022 at 5:13 PM

ନୂଆଦିଲ୍ଲୀ: ଫିଫା ବିଶ୍ୱ କପ ୨୦୨୨ର ସବୁଠୁ ବିବାଦୀୟ ରେଫରୀ ଆଣ୍ଟୋନିଓ ମାତେଓ ଲାହୋଜଙ୍କୁ ଫିଫା ବାହାର ରାସ୍ତା ଦେଖାଇଛି । ବଳକା ମ୍ୟାଚରେ ତାଙ୍କୁ ଆଉ ଦେଖିବାକୁ ମିଳିବନି । ଫିଫା ବିଶ୍ୱ କପ ସେମିଫାଇନାଲ ଏବଂ ଫାଇନାଲରେ ରେଫରୀ ହେବା ସମସ୍ତଙ୍କ ସ୍ୱପ୍ନ ଥାଏ। କିନ୍ତୁ ଆଣ୍ଟୋନିଓ ଏବେ ଏହି ସୁଯୋଗ ହରାଇଛନ୍ତି । ନେଦରଲାଣ୍ଡ ଏବଂ ଆର୍ଜେଣ୍ଟିନା ମଧ୍ୟରେ ହୋଇଥିବା ମୁକାବିଲରେ ହୋଇଥିବା ବିବାଦ ପରେ ଏହି ପଦକ୍ଷେପ ନିଆଯାଇଥିବା ଦାବି କରାଯାଉଛି । ଏହି କ୍ୱାର୍ଟର ଫାଇନାଲ ମୁକାବିଲାରେ ଆଣ୍ଟୋନିଓ ଉଭୟ ଟିମକୁ ୧୫ କାର୍ଡ ଦେଖାଇଥିଲେ । ଏଥିରେ ଗୋଟିଏ ରେଡ୍ କାର୍ଡ ମଧ୍ୟ ସାମିଲ ଥିଲା । ଆର୍ଜେଣ୍ଟିନାର କ୍ୟାପ୍ଟେନ ଲିୟୋନେଲ ମେସିଙ୍କୁ ମଧ୍ୟ ୟେଲୋ କାର୍ଡ ଦେଖାଇଥିଲେ ।

ଏହି ମ୍ୟାଚରେ ଦୁଇ ଟିମର ଖେଳାଳିଙ୍କ ମଧ୍ୟରେ ବିବାଦ ହୋଇଥିଲା । ଏହା ପରେ ବି ୧୫ କାର୍ଡ ବାଣ୍ଟିବାକୁ ନେଇ ସ୍ପେନର ରେଫରୀଙ୍କୁ ଖୁବ ସମାଲୋଚନା କରାଯାଇଥିଲା । ଲିୟୋନେଲ ମେସିଙ୍କ ସହ ମଧ୍ୟ ତାଙ୍କର ପାଟିତୁଣ୍ଡ ହୋଇଥିଲା । ଏବେ ଆଣ୍ଟୋନିଓଙ୍କୁ ସ୍ୱଦେଶ ପଠାଇ ଦିଆଯାଇଛି ।

୩୫ ବର୍ଷୀୟ ମହାନ ଖେଳାଳି କହିଥିଲେ ଯେ ଫିଫାକୁ ଏହିପରି ନିଷ୍ପତ୍ତି ନେବା ଉପରେ ବିଚାର କରିବାକୁ ପଡିବ, କାରଣ ତାଙ୍କ ମତରେ ସ୍ପେନର ରେଫରୀ ଏଥିପାଇଁ ଉପଯୁକ୍ତ ନୁହନ୍ତି । ମୁଁ ରେଫରୀଙ୍କ ବିଷୟରେ କହିବାକୁ ଚାହୁଁନି, କାରଣ ସେ ସଚ୍ଚୋଟ ନଥିଲେ । କିନ୍ତୁ ଆମେ ଖେଳ ପୂର୍ବରୁ ଭୟଭୀତ ଥିଲୁ, କାରଣ କଣ ହେବାକୁ ଯାଉଛି ତାହା ଆମେ ଜାଣିଥିଲୁ ।

ଉଲ୍ଲେଖଯୋଗ୍ୟ ଯେ ଆର୍ଜେଣ୍ଟିନା ଏବଂ ନେଦରଲାଣ୍ଡ ମଧ୍ୟରେ ହୋଇଥିବା ମୁକାବିଲାରେ ମେସିଙ୍କ ଟିମ୍ ପେନେଲ୍ଟି ସୁଟ୍ ଆଉଟରେ ବିଜୟୀ ହୋଇଥିଲା। ନିର୍ଦ୍ଧାରିତ ସମୟରେ ଉଭୟ ଦେଶ ୨-୨ ଗୋଲରେ ବରାବର ଥିଲେ । ଏହାପରେ ପେନେଲ୍ଟି ସୁଟ୍ ଆଉଟରେ ଆର୍ଜେଣ୍ଟିନା ୪ ଗୋଲ କରିଥିଲା । ଅନ୍ୟପଟେ ଡଚ୍ ଖେଳାଳି ୩ଟି ଗୋଲ କରିବାରେ ସଫଳ ହୋଇଥିଲେ।

   Related Posts