scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଶୀତ ଦିନେ ଉଦାସ ଅନୁଭବ କରୁଛନ୍ତି କି ? ବଦଳାନ୍ତୁ ଏହି ସବୁ ଅଭ୍ୟାସ

1/12/2023 at 2:49 PM

ମୁମ୍ଵାଇ ୦୧।୧୨: ଶୀତଦିନ ଆରମ୍ଭ ହେବା ସହ ଜୀବନଶୈଳୀରେ ହଠାତ୍‌ ପରିବର୍ତ୍ତନ ଆସିଥାଏ । ଋତୁ ଅନୁସାରେ ଆମର ଖାଦ୍ୟପାନୀୟ ଏପରିକି ପୋଷାକପତ୍ର ମଧ୍ୟ ବଦଳିଥାଏ । ଏହି ପରିବର୍ତ୍ତନ ସହ ବହୁ ଲୋକ ନିରାଶ ବା ଉଦାସୀନତାର ଶିକାର ହୋଇଥାନ୍ତି । ଏହା ଋତୁକାଳୀନ ଅବସାଦର ଅନ୍ୟତମ ଲକ୍ଷଣ । ଶୀତଋତୁ କିଛି ଲୋକଙ୍କର ଖୁବ୍‌ ପସନ୍ଦ । କାରଣ ସେମାନେ ଥଣ୍ଡାକୁ ବେଶ୍‌ ଉପଭୋଗ କରିଥାନ୍ତି । ବଦଳୁଥିବା ଖାଦ୍ୟପାନୀୟ ଓ ପୋଷାକପତ୍ର ଏମାନଙ୍କୁ ଖୁବ୍‌ ଆନନ୍ଦ ଦେଇଥାଏ । କିନ୍ତୁ ଏହା ଶରୀର ଉପରେ ଗଭୀର ପ୍ରଭାବ ପକାଇଥାଏ, ଯାହା ମାନସିକ ସ୍ୱାସ୍ଥ୍ୟକୁ ଖୁବ୍‌ ବିଗାଡ଼ି ଦେଇଥାଏ । ଫଳରେ କିଛି ଲୋକ ଶକ୍ତିହୀନ ଅନୁଭବ କରିବା ସହ ଉଦାସ ହୋଇପଡିଥାନ୍ତି । ପ୍ରାୟ ଲୋକଙ୍କଠାରେ ଉଦାସ ମନୋଭାବ ଜାତ ହେବା ସହ ମୁଡ୍‌ସୁଇଂ ଦେଖା ଦେଇଥାଏ। ଫଳରେ ଅବସାଦର ଶିକାର ହୋଇଥାନ୍ତି । ଚାଲନ୍ତୁ ଜାଣିବା କେମିତି ନିୟନ୍ତ୍ରିତ କରିପାରିବା ଏହି ଶୀତକାଳୀନ ଅବସାଦକୁ ।

ଶରୀରକୁ ସକ୍ରିୟ ରଖନ୍ତୁ

ଥଣ୍ଡାଦିନେ ପ୍ରାୟଲୋକ କମ୍ବଳ ବା ରେଜେଇ ତଳୁ ବାହାରିବାକୁ ପସନ୍ଦ କରି ନଥାନ୍ତି । ଫଳରେ ଅଳସୁଆ ଅନୁଭବ କରିଥାନ୍ତି । ସେଥିପାଇଁ ଯଥାସମ୍ଭବ ନିଜକୁ ଶାରିରୀକ ଓ ମାନସିକ ଭାବେ ସକ୍ରିୟ ରଖିବା ଜରୁରି । ନିୟମିତ ବ୍ୟାୟାମ କରିବା ଦ୍ୱାରା ହାପି ହର୍‌ମୋନ୍‌ କ୍ଷରଣ ହୋଇଥାଏ, ଯାହା ଶୀତଦିନିଆ ଅବସାଦକୁ କମାଇଥାଏ ।

ଅଭ୍ୟାସ ବଦଳାନ୍ତୁ

ଶୀତଦିନିଆ ଅବସାଦରୁ ମୁକ୍ତି ପାଇବା ପାଇଁ ନକାରାତ୍ମକ ଅଭ୍ୟାସଠାରୁ ଦୂରେଇ ସକାରାତ୍ମକ ହେବାକୁ ପ୍ରୟାସ କରନ୍ତୁ । ନିଜର ଯତ୍ନ ନିଅନ୍ତୁ । ଏହା ମାନସିକ ସ୍ୱାସ୍ଥ୍ୟକୁ ଠିକ୍‌ ରଖିବା ଅବସାଦଠାରୁ ଦୂରେଇ ରଖିବାରେ ସାହାଯ୍ୟ କରିଥାଏ । ସୋସିଆଲ୍‌ ମିଡିଆଠାରୁ ଦୂରେଇ ରହିବା ସହ ପୋଷକତତ୍ତ୍ୱରେ ଭରା ଖାଦ୍ୟକୁ ଡାଏଟ୍‌ରେ ସାମିଲ୍‌ କରିବା ଉଚିତ୍‌ ।

ସାମାଜିକ ସମ୍ପର୍କ ଯୋଡ଼ନ୍ତୁ

ଥଣ୍ଡାଦିନେ ଏକାକୀ ସମୟ ବିତାଇବା ଦ୍ୱାରା ଉଦାସ ଲାଗିଥାଏ । ସେଥିପାଇଁ ଏହି ସମୟରେ ଏକାକୀ ରହିବା ପରିବର୍ତ୍ତେ ପରିବାର ଓ ସାମାଜିକ ସମ୍ପର୍କକୁ ଗୁରୁତ୍ୱ ଦେବା ଉଚିତ୍‌ । ନିଜ ସାଙ୍ଗସାଥୀ ଓ ସହଯୋଗୀଙ୍କ ସହ ମିଶି କିଛି ସମୟ ବିତାଇବାକୁ ଚେଷ୍ଟା କରନ୍ତୁ । ସାଙ୍ଗ ହୋଇ ଜୀବନ ବିତାଇବା ଦ୍ୱାରା ଏହି ଅବସାଦ ଦୂର ହୋଇଥାଏ ।

କିଛି ସମୟ ସୂର୍ଯ୍ୟକିରଣରେ ବସନ୍ତୁ

ଶୀତଦିନେ କିଛି ସମୟ ପାଇଁ ସୂର୍ଯ୍ୟକିରଣରେ ବସିବା ଆବଶ୍ୟକ ।ସୂର୍ଯ୍ୟକିରଣ ଭିଟାମିନ୍‌-ଡି’ର ପ୍ରମୁଖ ସ୍ରୋତ । ସୂର୍ଯ୍ୟକିରଣରେ ବସିବା ଦ୍ୱାରା ମସ୍ତିଷ୍କରେ ସୋରୋଟେନିନ୍‌ ନାମକ ହର୍‌ମୋନ୍‌ କ୍ଷରଣ ହୋଇଥାଏ, ଯାହା ମୁଡ୍‌କୁ ଭଲକରିବା ସହ ଚିନ୍ତାକୁ କମ୍‌ କରିଥାଏ ।

   Related Posts