en-US Fri, 23 Oct 2026 20:01:10 +0530 https://www.prameyanews7.com/spanish-journalist-swept-away-by-giant-wave-during-live-sea-reporting-in-spain https://www.prameyanews7.com/spanish-journalist-swept-away-by-giant-wave-during-live-sea-reporting-in-spain ନୂଆଦିଲ୍ଲୀ: ପ୍ରାକୃତିକ ବିପର୍ଯ୍ୟୟର ରିପୋର୍ଟିଂ ବେଳେ ଅନେକ ସମୟରେ କିଛି ସାମ୍ୱାଦିକ ଦୁଃସାହାସିକ ଭାବେ ଲୋକଙ୍କ ପାଖରେ ଖବର ପହଞ୍ଚାଇଥାନ୍ତି । ଏହି ସମୟରେ ରିପୋର୍ଟରଙ୍କୁ ମଧ୍ୟ ଅନେକ ଅସୁବିଧାର ସାମନା କରିବାକୁ ପଡ଼ିଥାଏ । ଏହିଭଳି ଏକ ରିପୋର୍ଟିଂ ସମୟର ଭିଡିଓ ସୋସିଆଲ୍ ମିଡିଆରେ ଭାଇରାଲ୍ ହେବାରେ ଲାଗିଛି । ସ୍ପାନିସ୍ ରିପୋର୍ଟର ଅଶାନ୍ତ ସମୁଦ୍ରର ଲାଇଭ ରିପୋର୍ଟିଂ କରୁଥିବା ବେଳେ ବିଶାଳ ଲହଡ଼ି ତାଙ୍କୁ ଭସାଇ ନେଉଛି । ଏହା ଦେଖି ଷ୍ଟୁଡିଓରେ ଥିବା ଆଙ୍କର ଆଶ୍ଚର୍ଯ୍ୟ ହୋଇଯାଉଛନ୍ତି । ଓଣ୍ଡାରୋଆରେ ଏକ ଲାଇଭ୍ ପ୍ରସାରଣ ସମୟରେ ଜଣେ ସ୍ପାନିସ୍ ରିପୋର୍ଟର ଏବଂ କ୍ୟାମେରାଓମ୍ୟାନ୍ ଏକ ଶକ୍ତିଶାଳୀ ଲହଡ଼ିର ଶିକାର ହୋଇଥିଲେ । ସମୁଦ୍ର ପାଚେରୀ ଡେଇଁ ପାଣିର ଏକ ଶକ୍ତିଶାଳୀ ଢେଉ ଆସି ରିପୋର୍ଟର ଏବଂ ତାଙ୍କ ସହିତ ଥିବା କ୍ୟାମେରାମ୍ୟାନଙ୍କୁ ଭାସି ନେଇଯାଇଥିଲା । ତେବେ ଏକ ବଡ଼ ଅଘଟଣରୁ ଉଭୟ ବଞ୍ଚିଯାଇଥିଲେ । ଏହି ଦୁଇ ଜଣଙ୍କ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି ।   🇪🇸 A Spanish TV reporter gets HIT by a BIG WAVE while covering the storm live. The wave crashed over the promenade wall in Ondarroa, slamming him and the camera. The signal briefly dropped, but both he and the camerawoman are fine. Reporting rough seas just got a LIVE demonstration 🌊 Writer: Lucas https://t.co/bYaX8r2s5T — Mario Nawfal (@MarioNawfal) October 22, 2026 ଏହି ଘଟଣାଟି ସ୍ପେନର ବାସ୍କ କଣ୍ଟ୍ରି ଓଣ୍ଡାରୋଆରେ ଘଟିଛି । ସାମ୍ବାଦିକ ସେର୍ଗିଓ ଓଭେଜେରୋ ETB2ର କାର୍ଯ୍ୟକ୍ରମ "ୟୁସ୍କାଡି କୁଡାଟେ" ପାଇଁ ରିପୋର୍ଟିଂ କରୁଥିଲେ । ଓଭେଜେରୋ ଦର୍ଶକଙ୍କୁ ବିପଦପୂର୍ଣ୍ଣ ସମୁଦ୍ର ପରିସ୍ଥିତି ବିଷୟରେ ସତର୍କ କରାଉଥିଲେ ଯେତେବେଳେ ଏକ ଲହଡ଼ି ମାଡ଼ି ଆସିଥିଲା । ହଠାତ୍ ଲହଡ଼ି ପାଣି ମାଡ଼ ହେବା ପରେ ଲାଇଭ୍ ଫିଡ୍ ବନ୍ଦ ହୋଇଯାଇଥିଲା । ଷ୍ଟୁଡିଓରେ ଥିବା ଉପସ୍ଥାପିକା ଓଡେଇ ଏସନାଓଲାଙ୍କ ମୁହଁର ଆବଭାବ ବଦଳି ଯାଇଥିଲା । ସେ ଅତ୍ୟନ୍ତ ଚିନ୍ତିତ ନଜର ଆସିଥିଲେ । ]]> Fri, 23 Oct 2026 20:01:10 +0530 https://www.prameyanews7.com/raj-thackeray-corners-the-bjp-over-an-audio-clip-regarding-a-payment-of-rs-500-crore https://www.prameyanews7.com/raj-thackeray-corners-the-bjp-over-an-audio-clip-regarding-a-payment-of-rs-500-crore ମୁମ୍ବାଇ : ମହାରାଷ୍ଟ୍ର ନବନିର୍ମାଣ ସେନା (ଏମଏନଏସ୍) ମୁଖ୍ୟ ରାଜ ଠାକରେ ଶୁକ୍ରବାର ବିଜେପି ବିରୋଧରେ ଅଭିଯୋଗ ଆଣିଛନ୍ତି ଯେ ସେ ଗଣମାଧ୍ୟମ ଉପରେ ଚାପ ପକାଇ ଏବଂ ପ୍ରସଙ୍ଗରୁ ଲୋକଙ୍କ ଧ୍ୟାନ ହଟାଇବା ପାଇଁ ଧାର୍ମିକ ଧ୍ରୁବିକରଣ କରି ଗଣତନ୍ତ୍ରକୁ ହତ୍ୟା କରୁଛି। ମରାଠା ସଂରକ୍ଷଣ କର୍ମୀ ମନୋଜ ଜରାଙ୍ଗେଙ୍କୁ ୫୦୦ କୋଟି ଟଙ୍କା ଦିଆଯାଇଥିବାର ଦାବିକୁ ନେଇ ଜାରି ଅଡିଓ କ୍ଲିପ୍ ଯୋଗୁ ଯେଉଁ ରାଜନୈତିକ ହଟଚମଟ ଦେଖା ଦେଇଛି ତା ବାଦେ ଏମଏନଏସ ମୁଖ୍ୟ ଏହି ସମାଲୋଚନା କରିଛନ୍ତି। ଠାକରେ ଏ ନେଇ ଏକ୍ସ ରେ ଏକ ପୋଷ୍ଟ ମଧ୍ୟ କରିଛନ୍ତି। ସେ ଉଲ୍ଲେଖ କରିଛନ୍ତି ଯେ ୨୯ ମିନିଟ୍ ର ଏହି ରେକର୍ଡିଂ ଯାହା ଏବେ ମହାରାଷ୍ଟ୍ରରେ ଭାଇରାଲ ହେଉଛି ସେଥିରେ କଥିତ ରୂପେ ବିଜେପି ପଦାଧିକାରୀ, ରାଷ୍ଟ୍ରୀୟ ସ୍ୱୟଂ ସେବକ ସଂଘ (ଆରଏସଏସ)ର ଜନୈକ ବରିଷ୍ଠ ପଦାଧିକାରୀ ଓ ଜନୈକ ମିଡିଆ ଇନଫ୍ଲୁଏନସର ରାଜନୈତିକ ରଣନୀତି, ଗଣମାଧ୍ୟମ ଚାପ ଓ ଧାର୍ମିକ ଧ୍ରୁବିକରଣର କଥା ଉଠାଇ ସମ୍ବେଦନଶୀଳ ପ୍ରସଙ୍ଗ ଉପରୁ ଲୋକଙ୍କ ଧ୍ୟାନ ହଟାଇବାର ଉପାୟ ଉପରେ ଚର୍ଚ୍ଚା କରୁଥିବା ଶୁଣା ଯାଉଛି। ଏଥିରେ ମହାରାଷ୍ଟ୍ର ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନବୀଶଙ୍କ ମିଡିଆ କ୍ଲିପର ଫରେନସିକ ଯାଞ୍ଚ ଘୋଷଣା କଥା ଉଲ୍ଲେଖ କରି ଠାକରେ କହିଛନ୍ତି ଯେ ଏହା ଦ୍ୱାରା ସମୟ ଅପଚୟ କରାଯାଉଛି ଓ ମୁଖ୍ୟମନ୍ତ୍ରୀ କେବଳ ନ୍ୟାୟର ଦେଖାଇ ହେଉଛନ୍ତି। ଠାକରେ କହିଛନ୍ତି ଯେ ‘ଯଦି ଆପଣ ସତରେ ଏଥିରେ ହେଉଥିବା କଥାବାର୍ତ୍ତା ଶୁଣିବେ , ତେବେ ଆପଣ ଜାଣିପାରିବେ ଏହା ଡେମୋକ୍ରାସୀର ହତ୍ୟା ଓ ବଳତ୍କାରଠାରୁ କମ୍ ନୁହେଁ’। ଠାକରେ କହିଛନ୍ତି ଯେ ରେକର୍ଡିଂରେ କୁହାଯାଉଥିବା କଥିତ ୫୦୦ କୋଟି ଟଙ୍କା ପୈଠ ଲାଗି ସ୍ପଷ୍ଟିକରଣ ଦେବାର ଆବଶ୍ୟକତା ରହିଛି। ସେହିପରି ମିଡିଆ ଓ ପବ୍ଲିକ କଥାବାର୍ତ୍ତାକୁ ପ୍ରଭାବିତ କରୁଥିବା ଉଦ୍ୟମର ତଦନ୍ତ ହେବା ଦରକାର। ଫଡନବୀଶଙ୍କୁ ଠାକରେ କହିଛନ୍ତି ଯେ କ୍ଲିପରେ କଥିତ ରୂପେ ରେକର୍ଡ ହୋଇଥିବା କଥାବାର୍ତ୍ତାର ଯାଞ୍ଚ କରାନ୍ତୁ କେବଳର ଅଡିଓ କ୍ଲିପର ନୁହେଁ। सध्या महाराष्ट्रात एक ‘फ्रेंडशिप फाईल’ ऑडिओ क्लिप व्हायरल होत आहे. तुम्ही सगळ्यांनी ऐकली असेल. भारतीय जनता पक्षाचे काही पदाधिकारी, या पक्षाच्या सोशल मीडियात महत्वाची भूमिका बजावणारे, राष्ट्रीय स्वयंसेवक संघाचे एक ज्येष्ठ पदाधिकारी आणि स्वतःला निष्पक्ष राजकीय विश्लेषक म्हणवणारे पण खरंतर भारतीय जनता पक्षाच्या चिखलफेक सैन्याचं चिलखत घालून फिरणारे काही युट्युब प्रभावक यांच्यातल्या मैत्रीची ’फ्रेंडशिप फाईल’ ऑडिओ क्लिप. यांत कोणी कोणाला ५०० कोटी दिले इथपासून ते थेट माध्यमांना आम्ही कशी जरब दाखवू शकतो, ते एखादा भावनिक मुद्दा सरकारच्या अंगाशी आला तर लगेच त्या मुद्द्यापासून लोकांचं लक्ष कसं भरकटवायचं यासाठी नविन धार्मिक ध्रुवीकरणाचा मुद्दा कसा रेटला पाहिजे यासाठी काय केलं पाहिजे याचीही चर्चा करताना ऐकायला येत आहे. ही क्लिप खरंतर २९ मिनिटांची आहे. त्यातल्या ५०० कोटींचा मुद्दा गाजतोय. त्यावर खुलासे येतील आणि यायलाच पाहिजेत. पण भारतीय जनता पक्ष काय पद्धतीने समाज माध्यमं, माध्यमं यांच्यावर दडपशाही आणत आहे यावर पण चर्चा व्हायला हवी. मुख्यमंत्र्यांनी मी ऑडिओ क्लिपचा फॉरेन्सिक रिपोर्ट मागवला आहे असं म्हणून वेळ मारून न्यायचा प्रयत्न केला आहे. फॉरेन्सिक अहवाल हा ऑडिओ किंवा व्हिडिओची तथ्यता याबरोबर खून, बलात्कार, आर्थिक घोटाळे यांच्यासारख्या गंभीर गुन्ह्यात पुराव्यांची तथ्यता तपासण्यासाठी मागवला जातो. खरतर यातलं संभाषण ऐकलं तर समजतंच आहे की हा लोकशाहीचा खुन आणि बलात्कारच आहे ! म्हणजे जे बोललं आहे ते गंभीर आहे आणि त्याची तपासणी व्हायला पाहिजे हे मुख्यमंत्र्यांना मान्य आहे हे बरं झालं. पुराव्यातील तथ्य तपासाच पण यांत बोललं गेलं आहे याबद्दल तुम्ही जर अनभिज्ञ असाल तर तुमच्या पाठीमागे काय काय सुरु होतं हे पण तपासा. मुख्यमंत्री म्हणाले की ही क्लिप बहुदा २ वर्षांपूर्वीची असावी, ती आत्ताच का आली ? खरतर ही क्लिप बाहेर आली कशी आणि ती आणली कोणी हा पण महत्वाचा प्रश्न आहे. खरतर याच्यात सरकार मधलं नेहमीप्रमाणे शहा काट’शाहाचं’ राजकारणच दिसतंय , आणि हो फॉरेन्सिक अहवाल, त्यातील तांत्रिकता याच्यात महाराष्ट्राला गोल गोल घुमवू नका. महाराष्ट्राला जे कळायचं आहे ते कळलं आहे. ते तुम्हाला मान्य आहे आणि मुख्यमंत्री म्हणून तुम्ही किती निष्पक्ष आहात आणि तुम्ही कारवाई केली आहेत हे महाराष्ट्राला दाखवून द्या. तरंच या फॉरेन्सिकला अर्थ आहे, अन्यथा तुमच्या फायद्यासाठी वाकवलेला फॉरेन्सिक ठरेल. — Raj Thackeray (@RajThackeray) October 23, 2026 ଦେଶରେ ଏହି ବିବାଦ ସେତେବେଳେ ଆରମ୍ଭ ହେଲା ଯେତେବେଳେ ଜରାଙ୍ଗେ ଗୁରୁବାର ଅଡିଓ କ୍ଲିପର ଗୋଟିଏ ଅଂଶ ଜାରି କଲେ, ଯେଉଁଥିରେ ଅଭିଯୋଗ କରାଯାଇଛି ଯେ ତାଙ୍କୁ ଚୁପ କରାଇବାକୁ ଓ ମରାଠା ଆରକ୍ଷଣ ଲାଗି ତାଙ୍କ ଆନ୍ଦୋଳନ କୁ ଦୁର୍ବଳ କରିବା ପାଇଁ ଷଡ଼ଯନ୍ତ୍ର କରାଯାଉଛି। ଅଡିଓ କ୍ଲିପର ଗୋଟିଏ ଅଂଶରେ ଜନୈକା ମହିଳା କଥିତ ରୂପେ ଦାବି କରୁଛନ୍ତି ଯେ ଶିବସେନା ସାଂସଦ ଶ୍ରୀକାନ୍ତ ସିନ୍ଦେଙ୍କ ମାଧ୍ୟମରେ ଜରାଙ୍ଗେଙ୍କୁ ୫୦୦ କୋଟି ଟଙ୍କା ଦିଆଯାଇଛି। ଶ୍ରୀକାନ୍ତ ସିନ୍ଦେ ଉପମୁଖ୍ୟମନ୍ତ୍ରୀ ଏକନାଥ ସିନ୍ଦେଙ୍କ ପୁତ୍ର ଓ ସେ ଲୋକସଭା ସାଂସଦ ଅଛନ୍ତି। ରେକର୍ଡିଂରେ କଥିତ ରୂପେ ୨୦୨୪ ମହାରାଷ୍ଟ୍ର ବିଧାନସଭା ନିର୍ବାଚନ ପୂର୍ବରୁ ଜରାଙ୍ଗେଙ୍କ ବଢୁଥିବା ରାଜନୈତିକ ପ୍ରଭାବ ଓ ମରାଠାୱାଡା କ୍ଷେତ୍ରରେ ତାଙ୍କ ଆନ୍ଦୋଳନର ମୁକାବିଲା ଲାଗି ରଣନୀତିର ମଧ୍ୟ ଚର୍ଚ୍ଚା ରହିଛି। ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନବୀଶ କହିଛନ୍ତି ଯେ ଅଡିଓ କ୍ଲିପ ଓ କଥାବାର୍ତ୍ତାର ଫରେନସିକ୍ ଯାଞ୍ଚ ହେବ। ଅନ୍ୟପଟେ ବିଜେପି ନେତାମାନେ ରେକର୍ଡିଂ ଅସଲି କି ଓ ରିଲିଜ ହେବାର ସମୟକୁ ନେଇ ପ୍ରଶ୍ନ ଉଠାଉଛନ୍ତି। ବିଜେପି ଆଇଟି ମନ୍ତ୍ରୀ ଆଶିଷ ସେଲାର ଏହି କ୍ଲିପ୍ କିପରି ଲିକ୍ ହେଲା ଓ ଜରାଙ୍ଗେଙ୍କ ପର୍ଯ୍ୟନ୍ତ କେମିତି ପହଞ୍ଚିଲା ତାହାର ତଦନ୍ତ ଦାବି କରିଛନ୍ତି। ସେହିପରି ପାର୍ଟି ମୁଖପାତ୍ର ନଭନାଥ ବାନ ଏହା ହୁଏତ ଏଆଇ ଦ୍ୱାରା ପ୍ରସ୍ତୁତ ବୋଲି ସନ୍ଦେହ କରିଛନ୍ତି। ]]> Fri, 23 Oct 2026 19:40:30 +0530 https://www.prameyanews7.com/potential-cyclone-will-pass-through-odisha-and-chhattisgarh-before-moving-into-jharkhand https://www.prameyanews7.com/potential-cyclone-will-pass-through-odisha-and-chhattisgarh-before-moving-into-jharkhand ଭୁବନେଶ୍ବର ୨୩।୧୦: ସମ୍ଭାବ୍ୟ ବାତ୍ୟା ଓଡ଼ିଶା ଅତିକ୍ରମ କରି ଛତିଶଗଡ଼ ଓ ଝାଡ଼ଖଣ୍ଡ ଆଡ଼କୁ ଯିବାର ଆକଳନ କରାଯାଉଥିଲେ ମଧ୍ୟ ଏହା କେଉଁଠି ସ୍ଥଳଭାଗ ଛୁଇଁବ, ସେନେଇ ଭାରତୀୟ ପାଣିପାଗ ବିଭାଗ (IMD) ପକ୍ଷରୁ ସ୍ପଷ୍ଟ ସୂଚନା ଦିଆଯାଇନାହିଁ । ତେବେ ଉପରମୁଣ୍ଡରେ ବର୍ଷା ହେଲେ ନଦୀରେ ଜଳସ୍ତର ବୃଦ୍ଧି ପାଇବାର ଆଶଙ୍କା ଥିବାରୁ ପ୍ରଶାସନକୁ ସତର୍କ ରହିବାକୁ କୁହାଯାଇଛି । ସମ୍ଭାବ୍ୟ ବାତ୍ୟାକୁ ନେଇ ସଜାଗ ରାଜ୍ୟ ସରକାର । ବାତ୍ୟାର ମୁକାବିଲା ପାଇଁ ରାଜ୍ୟର ସମସ୍ତ ୩୦ଟି ଜିଲ୍ଲାରେ ପ୍ରସ୍ତୁତି ଜୋରଦାର କରାଯାଇଥିବା ବେଳେ ୧୬ଟି ଜିଲ୍ଲା ଉପରେ ଅଧିକ ଗୁରୁତ୍ୱ ଦିଆଯାଇଛି । ତଳିଆ ଓ ସମ୍ବେଦନଶୀଳ ଅଞ୍ଚଳ ଚିହ୍ନଟ ସହ ଆଶ୍ରୟସ୍ଥଳୀଗୁଡ଼ିକୁ ପ୍ରସ୍ତୁତ ରଖିବାକୁ ଜିଲ୍ଲା ପ୍ରଶାସନକୁ ନିର୍ଦ୍ଦେଶ ଦିଆଯାଇଛି । ସମ୍ଭାବ୍ୟ ବାତ୍ୟାର ମୁକାବିଲା ପାଇଁ ସମସ୍ତ ବିଭାଗ ସହ ସମନ୍ୱୟ ବୈଠକ କରାଯାଇଛି । ଜିଲ୍ଲାସ୍ତରରେ ବିଭିନ୍ନ ବିଭାଗର ଅଧିକାରୀଙ୍କ ସହ ପ୍ରସ୍ତୁତି ସମୀକ୍ଷା କରାଯାଇଛି । ସମସ୍ତ ସରକାରୀ ଅଧିକାରୀଙ୍କ ଛୁଟି ବାତିଲ କରାଯାଇଥିବା ବେଳେ ଆବଶ୍ୟକ ପଡ଼ିଲେ ସ୍କୁଲ ଓ କଲେଜ ଛୁଟି ଘୋଷଣା କରିବାକୁ ଜିଲ୍ଲାପାଳମାନଙ୍କୁ କ୍ଷମତା ଦିଆଯାଇଛି । ବାତ୍ୟା ମୁକାବିଲା ପାଇଁ ଓଡ୍ରାଫ୍, ଏନ୍ଡିଆରଏଫ୍ ଓ ଅଗ୍ନିଶମ ବାହିନୀକୁ ପ୍ରସ୍ତୁତ ରଖାଯାଇଛି । ପ୍ରଭାବିତ ହେବାକୁ ଥିବା ଅଞ୍ଚଳ ଚିହ୍ନଟ କରି ଲୋକଙ୍କୁ ଆଜିଠାରୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରିବା ଲାଗି ବ୍ୟବସ୍ଥା ହୋଇଛି । ଆଶ୍ରୟସ୍ଥଳୀରେ ପାନୀୟ ଜଳ, ଖାଦ୍ୟ ଓ ଅନ୍ୟାନ୍ୟ ମୌଳିକ ସୁବିଧା ସୁନିଶ୍ଚିତ କରିବା ସହ ଗର୍ଭବତୀ ମହିଳାଙ୍କୁ ନିକଟସ୍ଥ ଡାକ୍ତରଖାନାକୁ ସ୍ଥାନାନ୍ତର କରିବାକୁ ପଦକ୍ଷେପ ନିଆଯାଉଛି । ଏଥିସହ ଏସ୍ଏମ୍ଏସ୍ ଜରିଆରେ ଲୋକଙ୍କୁ ସଚେତନ କରାଯାଉଛି । Also Read:-ସମ୍ଭାବ୍ୟ ବାତ୍ୟା ନେଇ ସରକାର ତତ୍ପର ; ଆଶ୍ରୟସ୍ଥଳୀ ପ୍ରସ୍ତୁତ, ସରକାରୀ ଅଧିକାରୀଙ୍କ ଛୁଟି ବାତିଲ୍ ଅନ୍ୟପଟେ, ଲୋକମାନେ ଘର ଛାଡ଼ି ଆଶ୍ରୟସ୍ଥଳୀକୁ ଯିବା ସମୟରେ ସେମାନଙ୍କ ଧନସମ୍ପତ୍ତିର ସୁରକ୍ଷା ଦାୟିତ୍ୱ ପୋଲିସ ନେବ । ଘରେ ଚୋରି ଓ ଲୁଟ୍ପାଟ୍ ରୋକିବା ପାଇଁ ପୋଲିସ ପକ୍ଷରୁ ସ୍ୱତନ୍ତ୍ର ବ୍ୟବସ୍ଥା କରାଯାଇଛି । ସମୁଦ୍ରରେ ଥିବା ମତ୍ସ୍ୟଜୀବୀଙ୍କୁ ଆସନ୍ତାକାଲି ସକାଳ ସୁଦ୍ଧା କୂଳକୁ ଫେରିଆସିବାକୁ ପରାମର୍ଶ ଦିଆଯାଇଛି । ସମ୍ଭାବ୍ୟ ବାତ୍ୟାକୁ ନେଇ ଭୟଭୀତ ନହୋଇ ପ୍ରଶାସନକୁ ସହଯୋଗ କରିବା ସହ ସୁରକ୍ଷିତ ସ୍ଥାନକୁ ଯିବାକୁ ରାଜ୍ୟବାସୀଙ୍କୁ ପରାମର୍ଶ ଦିଆଯାଇଛି । ବାତ୍ୟାର ଗତିପଥ ଓ ପ୍ରଭାବ ସମ୍ପର୍କରେ ସ୍ପଷ୍ଟ ଚିତ୍ର ମିଳିବା ପରେ ପରବର୍ତ୍ତୀ ପଦକ୍ଷେପ ନିଆଯିବ ବୋଲି ରାଜସ୍ବ ଓ ବିପର୍ଯ୍ୟୟ ପରିଚାଳନା ମନ୍ତ୍ରୀ କହିଛନ୍ତି । ]]> Fri, 23 Oct 2026 19:36:37 +0530 https://www.prameyanews7.com/supreme-court-grants-bail-to-ex-rajasthan-minister-in-979-crore-jal-jeevan-mission-scam-case https://www.prameyanews7.com/supreme-court-grants-bail-to-ex-rajasthan-minister-in-979-crore-jal-jeevan-mission-scam-case ଲକ୍ଷ୍ନୌ: ମକଦ୍ଦମାର ଶୁଣାଣି ଆରମ୍ଭ ହେବା ପୂର୍ବରୁ କୌଣସି ଅଭିଯୁକ୍ତଙ୍କୁ ଦୀର୍ଘଦିନ ଧରି କଷ୍ଟୁଡିରେ ରଖିବା ବିନା ଟ୍ରାୟଲରେ ବି ଦଣ୍ଡ ଭୋଗିବା ସହ ସମାନ। ଗମ୍ଭୀର ଆର୍ଥିକ ହେରଫେର ଅଭିଯୋଗ ଗୁଡ଼ିକରେ ବି ଅଭିଯୁକ୍ତଙ୍କର ବ୍ୟକ୍ତିଗତ ସ୍ୱତନ୍ତ୍ରତା ଓ ଶୀଘ୍ର ଶୁଣାଣିର ଅଧିକାରକୁ ସୁରକ୍ଷା ଦେବା ଜରୁରୀ। ଏହି ଅଧିକାର ସମ୍ବିଧାନର ଧାରା ୨୧ରେ ବି ଅଛି ବୋଲି କହିଛନ୍ତି ସୁପ୍ରିମକୋର୍ଟ। ସୁପ୍ରିମକୋର୍ଟ ଏପରି କହିବାର କାରଣ ହେଉଛି ଗୁରୁବାର ଏଭଳି ଏକ ମାମଲାରେ ଶୁଣାଣି ହୋଇଛି। ଏହି ମାମଲାରେ ରାଜସ୍ଥାନର ପୂର୍ବତନ କଂଗ୍ରେସ ମନ୍ତ୍ରୀ ମହେଶ ଚନ୍ଦ୍ର ଯୋଶୀ ଓ ମୁକେଶ ପାଠକଙ୍କୁ ନିୟମିତ ବେଲ୍ ପ୍ରଦାନ କରାଯାଇଛି। ରାଜସ୍ଥାନର ଜଳଜୀବନ ମିଶନର ଟେଣ୍ଡର ପ୍ରକ୍ରିୟାରେ ୯୭୯ କୋଟି ଟଙ୍କାର ଦୁର୍ନୀତି ଅଭିଯୋଗ ସମ୍ପର୍କିତ ମାମଲାର ଏହି ଦୁଇ ଅଭିଯୁକ୍ତ ସମ୍ପୃକ୍ତି ନେଇ ଶୁଣାଣି କରିଥିଲେ ସୁପ୍ରିମକୋର୍ଟ। ଜଷ୍ଟିସ ଦୀପଙ୍କର ଦତ୍ତ ଓ ଜଷ୍ଟିସ୍ ଶିଳ ନାଗୁଙ୍କ ଖଣ୍ଡପୀଠ ମାମଲାର ଶୁଣାଣି କରି ଯୋଶୀ ଓ ମୁକେଶଙ୍କୁ ଜାମିନ ପ୍ରଦାନ କରିଛନ୍ତି। ଗମ୍ଭୀର ଅଭିଯୋଗ ଆଧାରରେ ଅନିଶ୍ଚିତକାଳ ପର୍ଯ୍ୟନ୍ତ କଷ୍ଟୁଡି ଉଚିତ ନୁହେଁ ଶୁଣାଣି ବେଳେ ସୁପ୍ରିମକୋର୍ଟ କହିଛନ୍ତି ଯେ ଜଳଜୀବନ ମିଶନ ଭଳି ଜନକଲ୍ୟାଣକାରୀ ଯୋଜନାରେ ବଡ଼ ଧରଣର ହେର୍ଫେର୍ ଅଭିଯୋଗ ଏକ ଗମ୍ଭୀର ବ୍ୟାପାର। ଏହାର ତଦନ୍ତ ହେବା ଉଚିତ। ରାଜ୍ୟ ସରକାରଙ୍କର ମଧ୍ୟ ଅଭିଯୁକ୍ତଙ୍କ ଜାମିନକୁ ବିରୋଧ କରିବାର ଅଧିକାର ରହିଛି। ତେବେ ଏହାର ଅର୍ଥ ନୁହେଁ ଯେ ମାମଲା ଗମ୍ଭୀର ଅଛି ବୋଲି ଜାମିନର ଅନ୍ୟ ଦିଗଗୁଡ଼ିକୁ ବିଚାର କରାଯାଇପାରିବ ନାହିଁ। ଗମ୍ଭୀର ଅଭିଯୋଗ କୌଣସି ବ୍ୟାକ୍ତିଙ୍କୁ ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ କଷ୍ଟୁଡିରେ ରଖିବାର ଆଧାର ହୋଇପାରିବ ନାହିଁ ବୋଲି ଖଣ୍ଡପୀଠ କହିଛନ୍ତି। ଏପରି କରିବା ଦ୍ୱାରା ଅଭିଯୁକ୍ତଙ୍କ ବ୍ୟକ୍ତିଗତ ସ୍ୱାଧୀନତା ଏବଂ ଶୀଘ୍ର ବିଚାରର ମୌଳିକ ଅଧିକାର ଉଲ୍ଲଂଘନ ହେବ ବୋଲି ଖଣ୍ଡପିଠ କହିଛନ୍ତି। ତଦନ୍ତ ଶେଷ, ଚାର୍ଜଶିଟ୍ ଦାଖଲ ହୋଇଛି ତଥାପି ଅଟକ କାହିଁକି ? ମାମଲାର ଶୁଣାଣି ବେଳେ ଖଣ୍ଡପୀଠ କହିଛନ୍ତି ଯେ ଉଭୟ ଅଭିଯୁକ୍ତଙ୍କ ବିରୁଦ୍ଧରେ ତଦନ୍ତ ସମାପ୍ତ ହୋଇଛି ଏବଂ ଏକ ଚାର୍ଜସିଟ୍ ଦାଖଲ କରାଯାଇଛି। ସମସ୍ତ ପ୍ରମାଣ ପୂର୍ବରୁ ତଦନ୍ତକାରୀ ସଂସ୍ଥା ପାଖରେ ରହିଛି। ତେଣୁ ଅଭିଯୁକ୍ତଙ୍କୁ ଅଧିକ ସମୟ ପର୍ଯ୍ୟନ୍ତ କଷ୍ଟୁଡିରେ ରଖି ଜେରା କରିବାର କୌଣସି ଆବଶ୍ୟକତା ନାହିଁ ବୋଲି କୋର୍ଟ କହିଛନ୍ତି। ଡକ୍ୟୁମେଣ୍ଟ ଏବଂ ଇଲେକ୍ଟ୍ରୋନିକ୍ ପ୍ରମାଣ ସହିତ ହେରଫେର ହେବାର ସମ୍ଭାବନା ମଧ୍ୟ ଯଥେଷ୍ଟ କମ ବୋଲି କୋର୍ଟ ଦର୍ଶାଇଛନ୍ତି। Also Read- ଉତ୍ତରପ୍ରଦେଶ ଭୋଟର ତାଲିକାରେ ମହା ଗଡ଼ବଡ଼: ୧୦,୪୭୦ ନାଁ ଭୁଲ୍, ୨ ନିର୍ବାଚନ ଅଧିକାରୀଙ୍କ ବିରୋଧରେ ଆକ୍ସନ ୫ ମାସ ହେଲାଣି ଜେଲରେ ବନ୍ଦୀ ମହେଶ ଏହି ଦୁର୍ନୀତି ଅଭିଯୋଗରେ ୭୨ ବର୍ଷୀୟ ମହେଶ ଚନ୍ଦ୍ର ଯୋଶୀ ୭ ମେ ୨୦୨୬ରୁ ଜେଲ୍ରେ ବନ୍ଦୀ ଅଛନ୍ତି। ତାଙ୍କ ଅଟକ ଅବଧି ୫ ମାସରୁ ଅଧିକ ହୋଇ ସାରିଛି। ସେହିପରି ମୁକେଶ ପାଠକଙ୍କ ଜେଲରେ ରହିବାର ଅବଧି ୮ ମାସ ହୋଇଗଲାଣି। ମାମଲାର ଶୁଣାଣି ପାଇଁ ଲମ୍ଭା ସମୟ ଲାଗିବ। ତେଣୁ ଯେ ପର୍ଯ୍ୟନ୍ତ ଦୋଷ ସାବ୍ୟସ୍ତ ହୋଇ ନାହିଁ ସେପର୍ଯ୍ୟନ୍ତ ଏମାନଙ୍କୁ ଅଟକ ରଖିବାର କୌଣସି ଆବଶ୍ୟକତା ନାହିଁ। ]]> Fri, 23 Oct 2026 19:33:06 +0530 https://www.prameyanews7.com/vigilance-reveals-asset-list-of-arrested-badachana-rb-assistant-executive-engineer https://www.prameyanews7.com/vigilance-reveals-asset-list-of-arrested-badachana-rb-assistant-executive-engineer କଟକ ୨୩।୧୦: ଆୟ ବର୍ହିଭୂତ ସମ୍ପତ୍ତି ଠୁଳ ମାମଲାରେ ସହକାରୀ କାର୍ଯ୍ୟନିର୍ବାହୀ ଯନ୍ତ୍ରୀ ତପନ ସେଠୀଙ୍କୁ ଗିରଫ କରିଛି ଭିଜିଲାନ୍ସ । ଗିରଫ ଯନ୍ତ୍ରୀ ତପନ ସେଠୀଙ୍କର ବିପୁଳ ସମ୍ପତ୍ତି ସମ୍ପର୍କରେ ସୂଚନା ଦେଇଛନ୍ତି କଟକ ଭିଜିଲାନ୍ସ ସେଲ୍ ଏସ୍ପି । ବଡଚଣା ଆର ଆଣ୍ଡ ବି ସବ୍ଡିଭିନରେ କାର୍ଯ୍ୟରତ ଆସିଷ୍ଟାଣ୍ଟ ଏକଜିକ୍ୟୁଟିଭ୍ ଇଞ୍ଜିନିୟର ତପନ ସେଠୀ ତାଙ୍କ ଆୟଠାରୁ ୧୭୦ ପ୍ରତିଶତ ଅଧିକ ସମ୍ପତ୍ତି ଠୁଳ କରିଥିବା ଭିଜିଲାନ୍ସ ସୂଚନା ଦେଇଛି । Also Read:- ସମ୍ଭାବ୍ୟ ବାତ୍ୟା ନେଇ ସରକାର ତତ୍ପର ; ଆଶ୍ରୟସ୍ଥଳୀ ପ୍ରସ୍ତୁତ, ସରକାରୀ ଅଧିକାରୀଙ୍କ ଛୁଟି ବାତିଲ୍ ଭିଜିଲାନ୍ସ ଏସ୍ପି ସୁଶାନ୍ତ କୁମାର ବିଶ୍ବାଳ ଏ ସମ୍ପର୍କରେ ସୂଚନା ଦେଇ କହିଛନ୍ତି, ତପନ ସେଠୀଙ୍କ ଘରୁ ୭ ଶହ ୪୭ ଗ୍ରାମ ସୁନା ଜବତ ହୋଇଛି । ଏହାସହ କଟକ, ଭୁବନେଶ୍ୱର ଓ ପୁରୀରେ ବଡ଼ ବଡ଼ ତିନୋଟି କୋଠା ଏବଂ ଫାର୍ମହାଉସ ରହିଥିବା ମଧ୍ୟ ସୂଚନା ଦେଇଛନ୍ତି ଭିଜିଲାନ୍ସ ଏସ୍ପି । ତପନଙ୍କ ବିଭିନ୍ନ ବ୍ୟାଙ୍କ ଆକାଉଣ୍ଟରେ ଥିବା ୨୦ ଲକ୍ଷ ୫୭ ହଜାର ଟଙ୍କାର ଜମା ମଧ୍ୟ ଜବତ କରାଯାଇଛି । ]]> Fri, 23 Oct 2026 19:24:01 +0530 https://www.prameyanews7.com/know-your-horoscope-for-saturday-24th-october-2026 https://www.prameyanews7.com/know-your-horoscope-for-saturday-24th-october-2026 ​​​​​​​ମେଷ- କର୍ମକ୍ଷେତ୍ରରେ କାମର ଚାପ ଅନୁଭବ କରିପାରନ୍ତି। ଅଟକିଥିବା କାମକୁ ଧୈର୍ଯ୍ୟର ସହିତ ଆଗକୁ ବଢ଼ାନ୍ତୁ। ଆର୍ଥିକ କାରବାରରେ ସତର୍କ ରୁହନ୍ତୁ। ପରିବାରରେ କୌଣସି କଥାକୁ ନେଇ ମତଭେଦ ହୋଇପାରେ। ଅନାବଶ୍ୟକ ଖର୍ଚ୍ଚରୁ ଦୂରେଇ ରହିଲେ ଭଲ। ସ୍ୱାସ୍ଥ୍ୟ ପ୍ରତି ଯତ୍ନବାନ ହୁଅନ୍ତୁ। ବୃଷ- ଆୟ ବୃଦ୍ଧି ପାଇଁ ନୂଆ ସୁଯୋଗ ମିଳିପାରେ। ବନ୍ଧୁବାନ୍ଧବଙ୍କ ସହଯୋଗରେ ଅଟକିଥିବା କାମ ସମ୍ପନ୍ନ ହେବାର ଆଶା ରହିଛି। ବ୍ୟବସାୟରେ ନୂଆ ଯୋଜନା କରିପାରନ୍ତି। ଦାମ୍ପତ୍ୟ ଜୀବନରେ ବୁଝାମଣା ବଢ଼ିବ। ପୁରୁଣା ବନ୍ଧୁଙ୍କ ସହ ସାକ୍ଷାତ ହୋଇପାରେ। ନିବେଶ ପୂର୍ବରୁ ଭଲଭାବେ ବିଚାର କରନ୍ତୁ। ମିଥୁନ- କର୍ମକ୍ଷେତ୍ରରେ ନିଜର ଦକ୍ଷତା ପ୍ରମାଣ କରିବାର ସୁଯୋଗ ମିଳିପାରେ। ଉଚ୍ଚପଦସ୍ଥ ବ୍ୟକ୍ତିଙ୍କ ସହ ଆଲୋଚନାରୁ ଲାଭ ମିଳିବ। ନୂଆ କାମ ଆରମ୍ଭ କରିବା ପୂର୍ବରୁ ଯୋଜନା ପ୍ରସ୍ତୁତ କରନ୍ତୁ। ଆର୍ଥିକ କ୍ଷେତ୍ରରେ ମଧ୍ୟମ ଫଳ ମିଳିବ। ପରିବାରରେ ଦାୟିତ୍ୱ ବଢ଼ିପାରେ। ମାନସିକ ଚାପରୁ ଦୂରେଇ ରହନ୍ତୁ। କର୍କଟ- ଭାଗ୍ୟର ସହଯୋଗରେ କେତେକ କାମରେ ସଫଳତା ମିଳିପାରେ। ଧାର୍ମିକ କାର୍ଯ୍ୟ ଓ ଆଧ୍ୟାତ୍ମିକ ଚିନ୍ତା ପ୍ରତି ଆଗ୍ରହ ବଢ଼ିବ। ଚାକିରିରେ ନୂଆ ଦାୟିତ୍ୱ ମିଳିପାରେ। ଉଚ୍ଚଶିକ୍ଷାର୍ଥୀଙ୍କ ପାଇଁ ଦିନଟି ଉତ୍ସାହଜନକ ରହିବ। ଅନାବଶ୍ୟକ ବିତର୍କରୁ ଦୂରେଇ ରହନ୍ତୁ। ବଡ଼ ଆର୍ଥିକ ନିଷ୍ପତ୍ତି ନେବାରେ ତରବର ହୁଅନ୍ତୁ ନାହିଁ। ସିଂହ- ଆର୍ଥିକ କାରବାରରେ ସତର୍କତା ଅବଲମ୍ବନ କରିବା ଆବଶ୍ୟକ। ପୁରୁଣା ଦେଣାପାଉଣାକୁ ନେଇ ଚିନ୍ତା ବଢ଼ିପାରେ। କର୍ମକ୍ଷେତ୍ରରେ ସହକର୍ମୀଙ୍କ ସହ ମିଳିମିଶି କାମ କରନ୍ତୁ। ପରିବାରର ବରିଷ୍ଠ ସଦସ୍ୟଙ୍କ ପରାମର୍ଶ ଉପକାରରେ ଆସିବ। ନୂଆ ନିବେଶ କରିବା ପୂର୍ବରୁ ଲାଭକ୍ଷତି ବିଚାର କରନ୍ତୁ। ମନକୁ ଶାନ୍ତ ରଖନ୍ତୁ। କନ୍ୟା- ଦାମ୍ପତ୍ୟ ଜୀବନରେ ମଧୁରତା ବଢ଼ିବ। ବ୍ୟବସାୟରେ ସହଭାଗୀଙ୍କ ସହଯୋଗ ମିଳିପାରେ। ନୂଆ ସମ୍ପର୍କ ସ୍ଥାପନ ଦ୍ୱାରା ଭବିଷ୍ୟତରେ ଲାଭର ସୁଯୋଗ ସୃଷ୍ଟି ହେବ। ଚାକିରିରେ ନିଜର କାର୍ଯ୍ୟଦକ୍ଷତା ପାଇଁ ପ୍ରଶଂସା ପାଇପାରନ୍ତି। ଛାତ୍ରଛାତ୍ରୀ ପଢ଼ାରେ ମନୋନିବେଶ କରନ୍ତୁ। ସ୍ୱାସ୍ଥ୍ୟ ଓ ବିଶ୍ରାମ ପ୍ରତି ଧ୍ୟାନ ଦିଅନ୍ତୁ। ତୁଳା- କାର୍ଯ୍ୟକ୍ଷେତ୍ରରେ ଉନ୍ନତିର ସମ୍ଭାବନା ରହିଛି। ଅଧାପନ୍ତରିଆ କାମଗୁଡ଼ିକୁ ସମ୍ପନ୍ନ କରିବାରେ ସଫଳ ହୋଇପାରନ୍ତି। ଆର୍ଥିକ ଦିଗରେ ସଞ୍ଚୟ ବଢ଼ାଇବାର ସୁଯୋଗ ମିଳିବ। ପରିବାରରେ ସୁଖଶାନ୍ତି ରହିବ। ଜୀବନସାଥୀଙ୍କ ସହ ଭଲ ବୁଝାମଣା ରହିବ। ନିଜର ଦକ୍ଷତା ଓ ଅନୁଭବକୁ ଉପଯୋଗ କରି ନୂଆ ସଫଳତା ପାଇବାକୁ ଚେଷ୍ଟା କରନ୍ତୁ। ବିଛା- ନିଜର ପ୍ରତିଭା ପ୍ରଦର୍ଶନ କରିବାର ସୁଯୋଗ ମିଳିବ। ଶିକ୍ଷା ଓ ସୃଜନଶୀଳ କାର୍ଯ୍ୟରେ ଆଗ୍ରହ ବଢ଼ିବ। ପ୍ରେମ ସମ୍ପର୍କରେ ମଧୁରତା ରହିବ। ସନ୍ତାନଙ୍କ ଉନ୍ନତି ନେଇ ଖୁସି ଖବର ମିଳିପାରେ। କୌଣସି ନୂଆ ଯୋଜନାରେ ଅର୍ଥ ଲଗାଇବା ପୂର୍ବରୁ ଭଲଭାବେ ବିଚାର କରନ୍ତୁ। ଭାବପ୍ରବଣତାରେ ନିଷ୍ପତ୍ତି ନିଅନ୍ତୁ ନାହିଁ। ଧନୁ- ପାରିବାରିକ କାର୍ଯ୍ୟରେ ବ୍ୟସ୍ତତା ବଢ଼ିପାରେ। ଘରର ବରିଷ୍ଠ ସଦସ୍ୟଙ୍କ ସହ ସମୟ ବିତାଇବାର ସୁଯୋଗ ମିଳିବ। ଘର ଓ ଜମି ସମ୍ପର୍କିତ କାମରେ ଧୈର୍ଯ୍ୟ ରଖନ୍ତୁ। କର୍ମକ୍ଷେତ୍ରରେ ନିଜର ଦାୟିତ୍ୱକୁ ଗୁରୁତ୍ୱ ଦିଅନ୍ତୁ। ମନରେ ଥିବା ଚିନ୍ତାକୁ ନିଜ ଲୋକଙ୍କ ସହ ବାଣ୍ଟିଲେ ଆଶ୍ୱସ୍ତି ମିଳିବ। ଯାତ୍ରା ସମୟରେ ସତର୍କ ରୁହନ୍ତୁ। ମକର- ଯୋଗାଯୋଗ ଓ ନିଜର ଉଦ୍ୟମ ଦ୍ୱାରା କାମରେ ଅଗ୍ରଗତି ହେବ। ଭାଇଭଉଣୀଙ୍କ ସହଯୋଗ ମିଳିପାରେ। ବ୍ୟବସାୟୀମାନେ ନୂଆ ଗ୍ରାହକଙ୍କ ସହ ସମ୍ପର୍କ ସ୍ଥାପନ କରିପାରନ୍ତି। ଛୋଟ ଯାତ୍ରାରୁ ଲାଭ ମିଳିବାର ସମ୍ଭାବନା ରହିଛି। କଥାବାର୍ତ୍ତାରେ ସଂଯମ ରଖନ୍ତୁ। ନିଜର ଯୋଜନାକୁ ସଫଳ କରିବା ପାଇଁ ନିୟମିତ ପରିଶ୍ରମ କରନ୍ତୁ। କୁମ୍ଭ- ଆର୍ଥିକ କ୍ଷେତ୍ରରେ ଆୟ ଓ ବ୍ୟୟ ମଧ୍ୟରେ ସନ୍ତୁଳନ ରଖିବା ଆବଶ୍ୟକ। ପରିବାର ପାଇଁ କିଛି ଖର୍ଚ୍ଚ କରିପାରନ୍ତି। କର୍ମକ୍ଷେତ୍ରରେ ନୂଆ ଦାୟିତ୍ୱ ମିଳିବାର ସମ୍ଭାବନା ରହିଛି। ଅଟକିଥିବା ଅର୍ଥ ଫେରିପାଇବା ପାଇଁ ଉଦ୍ୟମ କରିପାରନ୍ତି। କଥାବାର୍ତ୍ତା ସମୟରେ ଧୈର୍ଯ୍ୟ ରଖନ୍ତୁ। ଅନାବଶ୍ୟକ କିଣାକିଣିରୁ ଦୂରେଇ ରହିଲେ ଆର୍ଥିକ ସ୍ଥିତି ସୁଦୃଢ଼ ହେବ। ମୀନ- ଆତ୍ମବିଶ୍ୱାସ ବଢ଼ିବା ସହ ନିଜ କାମକୁ ନୂଆ ଢଙ୍ଗରେ କରିବାର ଆଗ୍ରହ ଜାଗ୍ରତ ହେବ। ବ୍ୟବସାୟ ଓ ଚାକିରିରେ ନିଜର ଯୋଜନାକୁ ଆଗକୁ ବଢ଼ାଇପାରନ୍ତି। ସୃଜନଶୀଳ କାର୍ଯ୍ୟରେ ସଫଳତା ମିଳିପାରେ। ପରିବାରରେ ଆନନ୍ଦମୟ ପରିବେଶ ରହିବ। ଆର୍ଥିକ ନିଷ୍ପତ୍ତି ନେବାବେଳେ ଦୂରଦୃଷ୍ଟି ରଖନ୍ତୁ। ନିଜ ସ୍ୱାସ୍ଥ୍ୟ ଓ ମାନସିକ ଶାନ୍ତିକୁ ଗୁରୁତ୍ୱ ଦିଅନ୍ତୁ। ଜ୍ୟୋତିର୍ବିଦ୍ ଶ୍ରୀ ସିଦ୍ଧାର୍ଥ ଶେଖର ନାୟକ ଯୋଗାଯୋଗ – 8249826682 ]]> Fri, 23 Oct 2026 19:12:32 +0530 https://www.prameyanews7.com/the-odisha-government-has-made-extensive-preparations-to-deal-with-a-potential-cyclone https://www.prameyanews7.com/the-odisha-government-has-made-extensive-preparations-to-deal-with-a-potential-cyclone ଭୁବନେଶ୍ବର ୨୩।୧୦: ସମ୍ଭାବ୍ୟ ବାତ୍ୟା ମୁକାବିଲା ପାଇଁ ସରକାରଙ୍କ ବ୍ୟାପକ ପ୍ରସ୍ତୁତି । ୩୦ ଜିଲ୍ଲାରେ ପ୍ରଶାସନ ସଜାଗ, ୧୬ ଜିଲ୍ଲା ଉପରେ ସ୍ୱତନ୍ତ୍ର ନଜର । ସମ୍ଭାବ୍ୟ ବାତ୍ୟାକୁ ନେଇ ସଜାଗ ରାଜ୍ୟ ସରକାର । ବାତ୍ୟାର ମୁକାବିଲା ପାଇଁ ରାଜ୍ୟର ସମସ୍ତ ୩୦ଟି ଜିଲ୍ଲାରେ ପ୍ରସ୍ତୁତି ଜୋରଦାର କରାଯାଇଥିବା ବେଳେ ୧୬ଟି ଜିଲ୍ଲା ଉପରେ ଅଧିକ ଗୁରୁତ୍ୱ ଦିଆଯାଇଛି । ତଳିଆ ଓ ସମ୍ବେଦନଶୀଳ ଅଞ୍ଚଳ ଚିହ୍ନଟ ସହ ଆଶ୍ରୟସ୍ଥଳୀଗୁଡ଼ିକୁ ପ୍ରସ୍ତୁତ ରଖିବାକୁ ଜିଲ୍ଲା ପ୍ରଶାସନକୁ ନିର୍ଦ୍ଦେଶ ଦିଆଯାଇଛି । ସମ୍ଭାବ୍ୟ ବାତ୍ୟାର ମୁକାବିଲା ପାଇଁ ସମସ୍ତ ବିଭାଗ ସହ ସମନ୍ୱୟ ବୈଠକ କରାଯାଇଛି । ଜିଲ୍ଲାସ୍ତରରେ ବିଭିନ୍ନ ବିଭାଗର ଅଧିକାରୀଙ୍କ ସହ ପ୍ରସ୍ତୁତି ସମୀକ୍ଷା କରାଯାଇଛି । ସମସ୍ତ ସରକାରୀ ଅଧିକାରୀଙ୍କ ଛୁଟି ବାତିଲ କରାଯାଇଥିବା ବେଳେ ଆବଶ୍ୟକ ପଡ଼ିଲେ ସ୍କୁଲ ଓ କଲେଜ ଛୁଟି ଘୋଷଣା କରିବାକୁ ଜିଲ୍ଲାପାଳମାନଙ୍କୁ କ୍ଷମତା ଦିଆଯାଇଛି । ବାତ୍ୟା ମୁକାବିଲା ପାଇଁ ଓଡ୍ରାଫ୍, ଏନ୍ଡିଆରଏଫ୍ ଓ ଅଗ୍ନିଶମ ବାହିନୀକୁ ପ୍ରସ୍ତୁତ ରଖାଯାଇଛି । ପ୍ରଭାବିତ ହେବାକୁ ଥିବା ଅଞ୍ଚଳ ଚିହ୍ନଟ କରି ଲୋକଙ୍କୁ ଆଜିଠାରୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରିବା ଲାଗି ବ୍ୟବସ୍ଥା ହୋଇଛି । ଆଶ୍ରୟସ୍ଥଳୀରେ ପାନୀୟ ଜଳ, ଖାଦ୍ୟ ଓ ଅନ୍ୟାନ୍ୟ ମୌଳିକ ସୁବିଧା ସୁନିଶ୍ଚିତ କରିବା ସହ ଗର୍ଭବତୀ ମହିଳାଙ୍କୁ ନିକଟସ୍ଥ ଡାକ୍ତରଖାନାକୁ ସ୍ଥାନାନ୍ତର କରିବାକୁ ପଦକ୍ଷେପ ନିଆଯାଉଛି । ଏଥିସହ ଏସ୍ଏମ୍ଏସ୍ ଜରିଆରେ ଲୋକଙ୍କୁ ସଚେତନ କରାଯାଉଛି । ଅନ୍ୟପଟେ, ଲୋକମାନେ ଘର ଛାଡ଼ି ଆଶ୍ରୟସ୍ଥଳୀକୁ ଯିବା ସମୟରେ ସେମାନଙ୍କ ଧନସମ୍ପତ୍ତିର ସୁରକ୍ଷା ଦାୟିତ୍ୱ ପୋଲିସ ନେବ । ଘରେ ଚୋରି ଓ ଲୁଟ୍ପାଟ୍ ରୋକିବା ପାଇଁ ପୋଲିସ ପକ୍ଷରୁ ସ୍ୱତନ୍ତ୍ର ବ୍ୟବସ୍ଥା କରାଯାଇଛି । ସମୁଦ୍ରରେ ଥିବା ମତ୍ସ୍ୟଜୀବୀଙ୍କୁ ଆସନ୍ତାକାଲି ସକାଳ ସୁଦ୍ଧା କୂଳକୁ ଫେରିଆସିବାକୁ ପରାମର୍ଶ ଦିଆଯାଇଛି । Also Read:- ଶକ୍ତିଶାଳୀ ହେଉଛି ବାତ୍ୟା ! ଓଡ଼ିଶା ଉପରେ ରହିପାରେ ଅଧିକ ପ୍ରଭାବ, ଦେଖନ୍ତୁ କ'ଣ କହିଲେ ପାଣିପାଗ କେନ୍ଦ୍ର ନିର୍ଦ୍ଦେଶିକା ସମ୍ଭାବ୍ୟ ବାତ୍ୟା ଓଡ଼ିଶା ଅତିକ୍ରମ କରି ଛତିଶଗଡ଼ ଓ ଝାଡ଼ଖଣ୍ଡ ଆଡ଼କୁ ଯିବାର ଆକଳନ କରାଯାଉଥିଲେ ମଧ୍ୟ ଏହା କେଉଁଠି ସ୍ଥଳଭାଗ ଛୁଇଁବ, ସେନେଇ ଭାରତୀୟ ପାଣିପାଗ ବିଭାଗ (IMD) ପକ୍ଷରୁ ସ୍ପଷ୍ଟ ସୂଚନା ଦିଆଯାଇନାହିଁ । ତେବେ ଉପରମୁଣ୍ଡରେ ବର୍ଷା ହେଲେ ନଦୀରେ ଜଳସ୍ତର ବୃଦ୍ଧି ପାଇବାର ଆଶଙ୍କା ଥିବାରୁ ପ୍ରଶାସନକୁ ସତର୍କ ରହିବାକୁ କୁହାଯାଇଛି । ସମ୍ଭାବ୍ୟ ବାତ୍ୟାକୁ ନେଇ ଭୟଭୀତ ନହୋଇ ପ୍ରଶାସନକୁ ସହଯୋଗ କରିବା ସହ ସୁରକ୍ଷିତ ସ୍ଥାନକୁ ଯିବାକୁ ରାଜ୍ୟବାସୀଙ୍କୁ ପରାମର୍ଶ ଦିଆଯାଇଛି । ବାତ୍ୟାର ଗତିପଥ ଓ ପ୍ରଭାବ ସମ୍ପର୍କରେ ସ୍ପଷ୍ଟ ଚିତ୍ର ମିଳିବା ପରେ ପରବର୍ତ୍ତୀ ପଦକ୍ଷେପ ନିଆଯିବ ବୋଲି ରାଜସ୍ବ ଓ ବିପର୍ଯ୍ୟୟ ପରିଚାଳନା ମନ୍ତ୍ରୀ କହିଛନ୍ତି । Watch Video: ]]> Fri, 23 Oct 2026 18:57:00 +0530 https://www.prameyanews7.com/gorakhpur-450-people-anti-rabies-vaccine-cow-milk-prasad https://www.prameyanews7.com/gorakhpur-450-people-anti-rabies-vaccine-cow-milk-prasad ଲକ୍ଷ୍ନୌ: ଉତ୍ତରପ୍ରଦେଶର ଗୋରଖପୁରରେ ବୁଲା କୁକୁର କାମୁଡ଼ାରେ ଗାଈର ମୃତ୍ୟୁ ଦାବି ପରେ ଲୋକଙ୍କ ମଧ୍ୟରେ ଆତଙ୍କ ଖେଳି ଯାଇଛି । ସ୍ଥିତି ଏପରି ହୋଇଥିଲା ଯେ ୪୫୦ ଜଣ ଆଣ୍ଟି-ରାବିସ୍ ଟୀକା ମଧ୍ୟ ନେଇଛନ୍ତି । ସୂଚନା ଅନୁସାରେ, କୁକୁର କାମୁଡ଼ାରେ ମୃତ ଗାଈର କ୍ଷୀରରୁ ପ୍ରସ୍ତୁତ ଚରଣାମୃତ ଖାଇବା ପରେ ଲୋକଙ୍କ ମଧ୍ୟରେ ଭୟ ଖେଳିଯାଇଥିଲା । ସୂଚନା ଅନୁସାରେ, ଗୋଲା ବ୍ଲକ ଅନ୍ତର୍ଗତ ଦାଦି ଖାସ୍ ଗାଁରେ ଦୁର୍ଗାପୂଜା ଉତ୍ସବ ସମୟରେ ଭକ୍ତମାନେ ଏହି ଚରଣାମୃତ ପିଇଥିଲେ । ଗାଈଟିକୁ କୁକୁର କାମୁଡ଼ିଥିବା ଏବଂ ମରିବା ପୂର୍ବରୁ ଅସ୍ୱାଭାବିକ ଆଚରଣ କରିଥିବା କଥା ଗ୍ରାମବାସୀ ଜାଣିବା ପରେ ସେଠାରେ ଆତଙ୍କ ଖେଳିଯାଇଥିଲା । ସ୍ୱାସ୍ଥ୍ୟ ଅଧିକାରୀଙ୍କ କହିବାନୁଯାୟୀ, ମଙ୍ଗଳବାର ପ୍ରାୟ ୫୦ ଜଣ ଲୋକ ଆଣ୍ଟି-ରାବିସ୍ ଇଞ୍ଜେକ୍ସନ୍ ନେଇଥିବାବେଳେ ବୁଧବାର ଦିନ ଆଉ ୪୦୦ ଜଣଙ୍କୁ ଟୀକା ଦିଆଯାଇଥିଲା । ସମ୍ଭାବ୍ୟ ସଂକ୍ରମଣକୁ ନେଇ ଚିନ୍ତା ବୃଦ୍ଧି ପାଇବାରୁ ଦାଦି ଖାସ୍ ଏବଂ ଗୋବିନ୍ଦପୁର ଗ୍ରାମର ଲୋକମାନେ ଡାକ୍ତରୀ ଚିକିତ୍ସା ପାଇଁ ପହଞ୍ଚିଥିଲେ । ସେପଟେ ଗାଈର ମାଲିକ ନବମୀ ଯାଦବ କହିଛନ୍ତି ଯେ ବୁଲା କୁକୁର କେବେ ଗାଈକୁ କାମୁଡ଼ିଥିଲା, ସେ ବିଷୟରେ ସେ ଜାଣିନାହାନ୍ତି । ସେ ନିୟମିତ ଭାବେ ଗାଁର ଦୁଇଟି ଦୋକାନ ଏବଂ କିଛି ପରିବାରକୁ କ୍ଷୀର ଦେଇ ଆସୁଥିଲେ । ଗାଈଟି ଗୋଟିଏ କିମ୍ବା ଦୁଇ ଦିନ ହେବ ଅସୁସ୍ଥ ହୋଇଥିଲା, କିନ୍ତୁ ମଙ୍ଗଳବାର ଏହାର ଅବସ୍ଥା ଅଧିକ ଖରାପ ହୋଇଯାଇଥିଲା । ସେ ସ୍ଥାନୀୟ ପ୍ରାଣୀ ଚିକିତ୍ସାଳୟର ଜଣେ ଡାକ୍ତରଙ୍କ ସହିତ ପରାମର୍ଶ କରିଥିଲେ । ଗାଈଟିକୁ କୌଣସି କୁକୁର କାମୁଡ଼ିଥାଇପାରେ ବୋଲି ପ୍ରାଣୀ ଚିକିତ୍ସକ ସନ୍ଦେହ କରିଥିଲେ । ନବୀନ କହିଛନ୍ତି ଯେ ମଙ୍ଗଳବାର ମୃତ୍ୟୁ ବରଣ କରିବା ପୂର୍ବରୁ ଗାଈଟି ଅସ୍ୱାଭାବିକ ଆଚରଣ କରିବା ସହ ଭୁକିବା ଆରମ୍ଭ କରିଦେଇଥିଲା । ପ୍ରାଣୀ ଚିକିତ୍ସକ ମଧ୍ୟ ଜଳାନ୍ତକ ସମ୍ଭାବନା କଥାକୁ ଅସ୍ୱୀକାର କରିନାହାନ୍ତି । ]]> Fri, 23 Oct 2026 19:51:20 +0530 https://www.prameyanews7.com/salepur-hospital-power-outage-patients-treated-mobile-flashlights https://www.prameyanews7.com/salepur-hospital-power-outage-patients-treated-mobile-flashlights ସାଲେପୁର: ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ବଡ଼ ବିଦ୍ୟୁତ ବିଭ୍ରାଟ । ବିଦ୍ୟୁତ୍ ସରବରାହ ବନ୍ଦ ଯୋଗୁ ହନ୍ତସନ୍ତ ହେଲେ ରୋଗୀ ଓ ସଂପର୍କୀୟ । ପରିସ୍ଥିତି ଏଭଳି ହୋଇଥିଲା ଯେ, ଟର୍ଚ୍ଚ ଓ ମୋବାଇଲ୍ ଲାଇଟରେ କରିବାକୁ ପଡ଼ିଥିଲା ରୋଗୀସେବା। ସବୁଠାରୁ ଚିନ୍ତାଜନକ ବିଷୟ ହେଉଛି ହସ୍ପିଟାଲର ଡିଜି ଲାଇଟ୍ ବ୍ୟବସ୍ଥା ଦୀର୍ଘ ୮ ଦିନ ହେଲା ଅଚଳ ହୋଇପଡ଼ିଛି । ଗୁରୁବାର କଟକ ସାଲେପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଦେଖିବାକୁ ମିଳିଛି ଏଭଳି ସ୍ଥିତି । ସୂଚନା ଅନୁଯାୟୀ, ସାଲେପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ଉପରେ ପ୍ରତିଦିନ ଶହ ଶହ ରୋଗୀ ନିର୍ଭର କରୁଛନ୍ତି। ଏଭଳି ଏକ ଗୁରୁତ୍ୱପୂର୍ଣ୍ଣ ସ୍ୱାସ୍ଥ୍ୟକେନ୍ଦ୍ରରେ ବିଦ୍ୟୁତ୍ ସରବରାହ ବନ୍ଦ ହେବା ପରେ ବିକଳ୍ପ ଆଲୋକ ବ୍ୟବସ୍ଥା ନଥିବାରୁ ରୋଗୀସେବା ବାଧାପ୍ରାପ୍ତ ହୋଇଥିବା ଜଣାପଡ଼ିଛି। ଏପରିକି ଔଷଧ ବିତରଣ କେନ୍ଦ୍ରରେ ଫାର୍ମାସିଷ୍ଟ ମୋବାଇଲ୍ ଲାଇଟ୍ ସାହାଯ୍ୟରେ ରୋଗୀଙ୍କୁ ଔଷଧ ବିତରଣ କରୁଥିବା ଦୃଶ୍ୟ ସ୍ୱାସ୍ଥ୍ୟକେନ୍ଦ୍ରର ବ୍ୟବସ୍ଥାକୁ ନେଇ ପ୍ରଶ୍ନ ଉଠାଇଛି। ଜରୁରୀକାଳୀନ ପରିସ୍ଥିତିରେ ଆଲୋକର ଅଭାବ ରୋଗୀଙ୍କ ଚିକିତ୍ସା ଓ ସୁରକ୍ଷା ପ୍ରତି ବିପଦ ସୃଷ୍ଟି କରିପାରେ। ଏଭଳି ସ୍ଥିତିରେ ହସ୍ପିଟାଲର ଡିଜି ଲାଇଟ୍ ବ୍ୟବସ୍ଥା ଦୀର୍ଘ ୮ ଦିନ ଧରି ଅଚଳ ହୋଇ ରହିଥିବା ସତ୍ତ୍ୱେ ଏହାର ମରାମତି ଦିଗରେ କାହିଁକି ତ୍ୱରିତ ପଦକ୍ଷେପ ନିଆଯାଇନାହିଁ, ତାହାକୁ ନେଇ ପ୍ରଶ୍ନ ଉଠିଛି। Also Read: ବଡ଼ଧରଣର ଜବରଦଖଲ ଉଚ୍ଛେଦ, ସରକାରୀ ଖାତାକୁ ଫେରିଲା ୧୧୦ କୋଟି ଟଙ୍କାରୁ ଅଧିକ ମୂଲ୍ୟର ଜମି ଅନ୍ୟପକ୍ଷରେ, ଏହି ଅବ୍ୟବସ୍ଥାକୁ ନେଇ ରୋଗୀଙ୍କ ସମ୍ପର୍କୀୟଙ୍କ ମଧ୍ୟରେ ଅସନ୍ତୋଷ ବଢ଼ିଥିବା ଜଣାପଡ଼ିଛି। ତୁରନ୍ତ ଡିଜି ଲାଇଟ୍ ମରାମତି କରିବା ସହ ବିଦ୍ୟୁତ୍ ବିଭ୍ରାଟ ସମୟରେ ରୋଗୀସେବା ଯେପରି ବାଧାପ୍ରାପ୍ତ ନହୁଏ, ସେଥିପାଇଁ ଏକ ସ୍ଥାୟୀ ବିକଳ୍ପ ବିଦ୍ୟୁତ୍ ବ୍ୟବସ୍ଥା କରିବାକୁ ଦାବି ହୋଇଛି। ଏମିତିରେ ପ୍ରଶ୍ନ ଉଠୁଛି, ରୋଗୀଙ୍କ ଜୀବନ ଓ ସୁରକ୍ଷା ସହ ଜଡ଼ିତ ଏହି ଗୁରୁତର ସମସ୍ୟାର ସମାଧାନ କେବେ ହେବ? ସ୍ୱାସ୍ଥ୍ୟ ବିଭାଗ ଓ ସମ୍ପୃକ୍ତ କର୍ତ୍ତୃପକ୍ଷ ଏଦିଗରେ କେବେ ତତ୍ପରତା ପ୍ରକାଶ କରିବେ ? ତାହାକୁ ଅପେକ୍ଷା କରିଛନ୍ତି ରୋଗୀ ଓ ସେମାନଙ୍କ ପରିବାରବର୍ଗ । ]]> Fri, 23 Oct 2026 18:50:47 +0530 https://www.prameyanews7.com/pilibhit-voter-list-controversy-irregularities-in-10470-voter-entries https://www.prameyanews7.com/pilibhit-voter-list-controversy-irregularities-in-10470-voter-entries Pilibhit voter list controversy: ଦେଶରେ ଏସଆଇଆର୍ ନେଇ ବିବାଦ ଜାରି ରହିଥିବା ବେଳେ ଉତ୍ତରପ୍ରଦେଶର ଏକ ବିଧାନସଭା କ୍ଷେତ୍ରର ଭୋଟର ତାଲିକାରେ ମହାଗଡ଼ବଡ଼ ସାମ୍ନାକୁ ଆସିଛି। ଏଠାରେ ୧୦ ହଜାରରୁ ଅଧିକ ଭୋଟରଙ୍କର ନାଁରେ ତ୍ରୁଟି ପରିଲକ୍ଷିତ ହୋଇଛି। ଘଟଣାକୁ ନେଇ ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ ଅସନ୍ତୋଷ ପ୍ରକାଶ କରିବା ସହ ଦୁଇ ନିର୍ବାଚନ ପଞ୍ଜୀକରଣ ଅଧିକାରୀ (ERO)ଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେବାକୁ ନିର୍ଦ୍ଦେଶ ଦେଇଛନ୍ତି। ରିପୋର୍ଟ ଅନୁସାରେ, ପିଲିଭିତ୍ ବିଧାନସଭା କ୍ଷେତ୍ରର ଭୋଟର ତାଲିକାରେ ଏହି ତ୍ରୁଟି ପରିଲକ୍ଷିତ ହୋଇଛି। ଏଠାରେ ମୋଟ ୧୦,୪୭୦ଟି ଏଣ୍ଟ୍ରିରେ ତ୍ରୁଟି ଥିବା ଗୁରୁବାର ୟୁପି ସିଇସି ସୂଚନା ଦେଇଛନ୍ତି। ଘଟଣାାରେ ନିର୍ବାଚନ ମଣ୍ଡଳୀର ଭୋଟର ରେଜିଷ୍ଟ୍ରେସନ ସେଣ୍ଟରରେ କାମ କରୁଥିବା କମ୍ପ୍ୟୁଟର ଆସିଷ୍ଟାଣ୍ଟଙ୍କୁ ଟର୍ମିନେଟ୍‌ କରାଯାଇଛି। ସମ୍ପୃକ୍ତ ୩ ଜଣଙ୍କ ବିରୁଦ୍ଧରେ ସହକାରୀ ଜିଲ୍ଲା ନିର୍ବାଚନ ଅଧିକାରୀ ଏତଲା ମଧ୍ୟ ଦାଏର କରିଛନ୍ତି। ମୁଖ୍ୟ ନିର୍ବାଚନ ଅଧିକାରୀଙ୍କ କହିବା ଅନୁସାରେ, ପିଲିଭିତ୍ ଜିଲ୍ଲା ନିର୍ବାଚନ ଅଧିକାରୀଙ୍କ ତଦନ୍ତ ପରେ ତ୍ରୁଟି ସାମ୍ନାକୁ ଆସିଥିଲା। ସମ୍ପୃକ୍ତ କମ୍ପ୍ୟୁଟର ସହାୟକ ଭୋଟର ବିବରଣୀ ସଂଶୋଧନ ପାଇଁ ୩୧ ମେ ୨୦୨୬ ଠାରୁ ଅଗଷ୍ଟ ୨୯ ତାରିଖ ମଧ୍ୟରେ ୧୩,୭୭୯ଟି ଫର୍ମ-୮ ଆବେଦନ ଏଣ୍ଟ୍ରି କରିଥିଲେ। କିନ୍ତୁ ଏହି ଆବେଦନଗୁଡ଼ିକ ସମ୍ପର୍କିତ କୌଣସି ମୂଳ କାଗଜପତ୍ର ଅଫିସ୍‌ରେ ମିଳିନଥିଲା। ୧୩,୭୭୯ଟି ଏଣ୍ଟ୍ରି ମଧ୍ୟରୁ ୧୦,୪୭୦ଟିରେ ସଂଶୋଧନକୁ ଅନୁମୋଦନ ମିଳିଥିଲା। ହେଲେ ଅନୁମୋଦିତ ସମସ୍ତ ଏଣ୍ଟ୍ରିରେ ଅନିୟମିତତା ଥିବା ଜଣାପଡ଼ିଛି। ତ୍ରୁଟି ଜଣାପଡ଼ିବା ପରେ ଏଗୁଡ଼ିକର ସଂଶୋଧନ ପାଇଁ ନିର୍ଦ୍ଦେଶ ଦିଆଯାଇଛି। ​​​​​​​Also Read- SIR ବିରୋଧରେ ଜନତା ଆନ୍ଦୋଳନ : ଦେଶବ୍ୟାପୀ ରାସ୍ତାକୁ ଓହ୍ଲାଇବେ ଛାତ୍ର-ଚାଷୀ ଏବଂ ଶ୍ରମିକ ସଙ୍ଗଠନ ଉତ୍ତରପ୍ରଦେଶରେ ଏସଆଇଆର୍ ପ୍ରକ୍ରିୟା ପରେ ୨୦୨୬ ଏପ୍ରିଲ ୧୦ରେ ଚୂଡ଼ାନ୍ତ ଭୋଟର ତାଲିକା ପ୍ରକାଶ ପାଇଥିଲା। ତାଲିକାରେ ଥିବା କିଛି ଭୋଟରଙ୍କ EPIC ନମ୍ବର ଯାଞ୍ଚ କରିବା ସମୟରେ ଅନ୍ୟ ଲୋକଙ୍କ ନାଁ ଦେଖାଯାଉଥିବା ଅଭିଯୋଗ ହୋଇଥିଲା। ଏହାପରେ ମୁଖ୍ୟ ନିର୍ବାଚନ ଅଧିକାରୀ ତଦନ୍ତ ନିର୍ଦ୍ଦେଶ ଦେବା ସହ ଭୋଟରଙ୍କ ନାଁ ଯୋଡ଼ିବା ପାଇଁ ଫର୍ମ-୬ ଏବଂ ନାଁ ବାଦ୍ ଦେବା ପାଇଁ ଫର୍ମ-୭ ଏଣ୍ଟ୍ରିଗୁଡ଼ିକର ଯାଞ୍ଚ କରିବାକୁ ପିଲିଭିତ୍ ଜିଲ୍ଲା ନିର୍ବାଚନ ଅଧିକାରୀଙ୍କୁ କହିଥିଲେ। ଏନେଇ ଶୁକ୍ରବାର ସୁଦ୍ଧା ବିସ୍ତୃତ ରିପୋର୍ଟ ଦାଖଲ କରିବାକୁ ନିର୍ଦ୍ଦେଶ ଦିଆଯାଇଛି। କଂଗ୍ରେସର ଯାଞ୍ଚରେ ୧୩,୧୫୦ ଏଣ୍ଟ୍ରିରେ ତ୍ରୁଟି ଅଭିଯୋଗ ଭୋଟର ତାଲିକାରେ ତ୍ରୁଟି ନେଇ ଫୈଜାନ ଅଲି ଖାନ ନାମକ ଜଣେ ଓକିଲ ଅକ୍ଟୋବର ୧୪ ତାରିଖରେ ପିଲିଭିତ ଜିଲ୍ଲା ପ୍ରଶାସନ ପାଖରେ ଏକ ଅଭିଯୋଗ କରିଥିଲେ। ଏପିକ ନମ୍ବର ଚେକ୍ କରିବା ପରେ ତାଙ୍କ ନାଁ ରଇଜ ଅଲୀ ଓ ତାଙ୍କ ଭାଇ ଫରହାନଙ୍କ ନାଁ ଗୁଫ୍ରାନ ଆସଲମ ଦେଖାଉ ଥିଲା ବୋଲି ସେ ତାଙ୍କ ଅଭିଯୋଗରେ ଦର୍ଶାଇଛନ୍ତି। ଏବଂ ଦୁଇ ଭାଇଙ୍କ ବାପାଙ୍କ ନାଁରେ ବି ତ୍ରୁଟି ରହିଥିବା ସେ ଅଭିଯୋଗ କରିଛନ୍ତି। ଏହି ଘଟଣାକୁ ନେଇ କଂଗ୍ରେସ ମଧ୍ୟ ବଡ  ଅଭିଯୋଗ କରିଛି। ସ୍ଥାନୀୟ କଂଗ୍ରେସ ନେତା କୁମୁଦ ଗଙ୍ଗୱାର କହିଛନ୍ତି ଯେ ସେ ଓକିଲ ରେହାନ ଅଲିଙ୍କଠାରୁ ଭୋଟର ନାଁରେ ଅନିୟମିତତା ବିଷୟରେ ଜାଣିବା ପରେ ସେ ଏହା ସତର୍କ ରହିବାର ବେଳ ବୋଲି କହିଥିଲେ। ଅଭିଯୋଗ ପାଇବା ପରେ କଂଗ୍ରେସ ପକ୍ଷରୁ ଏହାର ସ୍ୱତନ୍ତ୍ର ଯାଞ୍ଚ କରାଯାଇଥିଲା। ଦଳ ଏକ ୫୫ ଜଣିଆ ଟିମ ଗଠନ କରି ପିଲିଭିତ୍ ବିଧାନସଭା କ୍ଷେତ୍ରରେ ଭୋଟର ତାଲିକା ଯାଞ୍ଚ କରିଥିଲା। ପ୍ରାୟ ୩.୪୮ ଲକ୍ଷ ଭୋଟରଙ୍କ ତାଲିକା ଯାଞ୍ଚ ପରେ ୧୩,୧୫୦ଟି ଏଣ୍ଟ୍ରିରେ ତ୍ରୁଟି ଥିବା କଂଗ୍ରେସ ଜାଣିବାକୁ ପାଇଥିଲା ବୋଲି ଗଙ୍ଗୱାର ଦାବି କରିଛନ୍ତି। ସେପଟେ ସମାଜବାଦୀ ପାର୍ଟି ସାମ୍ପ୍ରଦାୟିକ ଦୃଷ୍ଟିରୁ ଘଟଣାକୁ ସମାଲୋଚନା କରିଛି। ପରିବର୍ତ୍ତିତ ନାଁଗୁଡ଼ିକ ମଧ୍ୟରୁ ଅଧିଂକାଶ ମୁସ୍ଲିମଙ୍କ ନାଁ ରହିଛି ବୋଲି ସପା ଅଭିଯୋଗ କରିଛି। ଦଳ ୧୦୦ ବିଧାନସଭା କ୍ଷେତ୍ରରେ ଭୋଟର ତାଲିକାର ଯାଞ୍ଚ କରିବ ବୋଲି କହିଛି। ]]> Fri, 23 Oct 2026 18:29:53 +0530 https://www.prameyanews7.com/jaleswar-iic-transferred-outpost-officer-suspended-over-jaleswar-minor-case https://www.prameyanews7.com/jaleswar-iic-transferred-outpost-officer-suspended-over-jaleswar-minor-case ଜଳେଶ୍ବର ୨୩।୧୦: ଅଭିଯୁକ୍ତ ବିରୋଧରେ ତଦନ୍ତ ନ କରି ଫାଣ୍ଡି ଅଧିକାରୀ ଓ ଜଳେଶ୍ୱର ଆଇଆଇସି ଛାଡ଼ିଦେବା ଘଟଣାରେ ଆକ୍ସନ । ଦାୟିତ୍ୱହୀନତା ପାଇଁ ଉଭୟଙ୍କୁ ଜିଲ୍ଲା ପୋଲିସ ହେଡ୍କ୍ବାର୍ଟରକୁ ବଦଳି କରାଯାଇଛି । ଏଭଳି ଘଟଣା ଦେଖିବାକୁ ମିଳିଛି ବାଲେଶ୍ୱର ଜିଲ୍ଲା ଜଳେଶ୍ୱର ଥାନା ଅଞ୍ଚଳରେ । ଗତ ୧୬ ତାରିଖ ଦିନ ଜଳେଶ୍ୱର ଥାନା ଅଞ୍ଚଳରେ ଜଣେ ନାବାଳିକାଙ୍କୁ ଅପହରଣ ନେଇ ପରିବାର ପକ୍ଷରୁ ନାମ୍ପୋ ଫାଣ୍ଡିରେ ଅଭିଯୋଗ ହୋଇଥିଲା । ଅଭିଯୁକ୍ତକୁ ଧରି ପରିବାର ଲୋକେ ଥାନାରେ ଜିମା ଦେଇଥିଲେ । ପରେ ନାମ୍ପୋ ଫାଣ୍ଡି ଅଧିକାରୀ ତଦନ୍ତ ନକରି ଅଭିଯୁକ୍ତକୁ ଛାଡି ଦେଇଥିଲେ । Also Read:- କୋଟିଆରେ ବିଜେଡିର ୧୬ ଜଣିଆ ଟିମ୍, ‘ଆନ୍ଧ୍ର ଗୋ ବ୍ୟାକ୍’ ନାରାରେ କମ୍ପିଲା ସାରା ଅଞ୍ଚଳ ଗତ ଗୁରୁବାର ବର୍ତ୍ତନା ପଞ୍ଚାୟତ ଘେରାପଦା ସ୍ଥିତ ଏକ ଧାନ ବିଲରୁ ନାବାଳିକାଙ୍କ ମୃତଦେହ ଉଦ୍ଧାର ହେବା ସହ ଅଭିଯୁକ୍ତ ଥାନାରେ ଆତ୍ମସମର୍ପଣ କରିଥିଲା । ପରେ ନାମ୍ପୋ ଫାଣ୍ଡି ଅଧିକାରୀ କରଣ ମାରାଣ୍ଡି ଓ ଜଳେଶ୍ୱର ଆଇଆଇସି ଅଶୋକ ବାରିକଙ୍କ ଦାୟିତ୍ୱ ହୀନତା ଦର୍ଶାଇ ବାଲେଶ୍ୱର ଏସ୍ପି ପ୍ରତ୍ୟୁଷ ଦିବାକର ଆକ୍ସନ ନେଇଛନ୍ତି । ନାମ୍ପୋ ଫାଣ୍ଡି ଅଧିକାରୀ କରଣ ମାରାଣ୍ଡିକୁ ଚାକିରିରୁ ସସ୍ପେଣ୍ଡ କରିବା ସହ ଜଳେଶ୍ୱର ଆଇଆଇସି ଅଶୋକ ବାରିକଙ୍କୁ ବାଲେଶ୍ୱର ପୋଲିସ ହେଡ୍କ୍ଵାର୍ଟରକୁ ବଦଳି କରାଯାଇଛି । ]]> Fri, 23 Oct 2026 18:27:01 +0530 https://www.prameyanews7.com/software-removed-from-the-countrys-largest-nuclear-plant https://www.prameyanews7.com/software-removed-from-the-countrys-largest-nuclear-plant ନୂଆଦିଲ୍ଲୀ: ନ୍ୟୁକ୍ଲିୟର ପ୍ଲାଣ୍ଟରେ ସଫ୍ଟୱେର କ୍ରାସ ଓ ସାଇବର ଆକ୍ରମଣ ଭଳି ବିପଦରୁ ବର୍ତ୍ତିବା ଲାଗି ଭାରତରେ ନୂଆ ଟେକ୍ନୋଲଜି ଉପଯୋଗ ହେଉଛି। ଋଷିଆରେ ନିର୍ମିତ ଏହି ହାର୍ଡୱେର ଆଧାରିତ ଟେକ୍ନୋଲଜି ଏବେ ତାମିଲନାଡୁସ୍ଥିତ ନ୍ୟୁକ୍ଲିୟର ପ୍ଲାଣ୍ଟରେ ଲଗାଯାଉଛି। ଋଷିଆ ପରମାଣୁ ଶକ୍ତି କମ୍ପାନୀ ରୋସାଟମ ନିକଟରେ କୁଡନକୁଲମ ପରମାଣୁ ବିଦ୍ୟୁତ ପ୍ଲାଣ୍ଟ ନିମନ୍ତେ ନୂଆ ଟେକ୍ନୋଲଜି ଆଧାରିତ ସୁରକ୍ଷା ଉପକରଣ ଯୋଗାଇ ଦେଇଛି। ଏହି ଟେକ୍ନୋଲଜି ଜରୁରିକାଳୀନ ପରିସ୍ଥିତିରେ ବିନା ମାଇକ୍ରୋ ପ୍ରୋସେସର ଓ ସଫ୍ଟୱେରରେ କାମ କରିବ। ଏହା ଉଦ୍ଦେଶ୍ୟ ହେଉଛି ସଫ୍ଟୱେର ଉପରେ ନିର୍ଭରଶୀଳତାରୁ ବର୍ତ୍ତିବା। ଏବେ ସାଇବର ଆକ୍ରମଣ ଭଳି କୌଣସି ଘଟଣା ଘଟିଲେ ସୁରକ୍ଷା ବ୍ୟବସ୍ଥା ପ୍ରଭାବିତ ହେବ ନାହିଁ। କୁଡନକୁଲମର ପ୍ରଥମ ୟୁନିଟ୍ ସଞ୍ଚାଳନର ଅଭିଜ୍ଞତାରୁ ନୂଆ ୟୁନିଟ୍ ଲାଗି ସୁରକ୍ଷା ବ୍ୟବସ୍ଥା ପ୍ରସ୍ତୁତ କରାଯାଉଛି। ନୂଆ ସିଷ୍ଟମରେ ନନ ପ୍ରୋଗ୍ରାମେବଲ ମଡ୍ୟୁଲ ଉପଯୋଗ କରାଯାଉଛି। ଏହା ସିଧା ହାର୍ଡୱେର ସର୍କିଟରେ କାମ କରିବ। ଏହା ଦ୍ୱାରା ବୈଷୟିକ ତ୍ରୁଟି ଅଥବା ସଫ୍ଟୱେର କ୍ରାସ ସ୍ଥିତିରେ ପ୍ଲାଣ୍ଟର ସୁରକ୍ଷା ଉପରେ କୌଣସି ପ୍ରଭାବ ପଡିବ ନାହିଁ। ଯଦି ରିଆକ୍ଟରରେ ନିର୍ଦ୍ଧାରିତ ସୀମାଠାରୁ ଅଧିକ ତାପମାତ୍ରା ବଢେ ଅଥବା ଅଧିକ ତାପମାତ୍ରାର ଚାପ ବଢେ ତେବେ ଏହି ସିଷ୍ଟମ ଆକ୍ଟିଭେଟ ହୋଇ ବୋରନ ଇଞ୍ଜେକ୍ସନ ପମ୍ପ ଭଳି ଜରୁରିକାଳୀନ ଉପକରଣକୁ ଆଦେଶ ପଠାଇ ଥାଏ। ଏହା ଦ୍ୱାରା ରିଆକ୍ଟର ଆପେ ଆପେ ଥଣ୍ଡା ହେବାକୁ ଲାଗେ ଓ କୌଣସି ପ୍ରକାରର ଦୁର୍ଘଟଣା ବିପଦ ଟଳି ପାରିବ। ଏହି ନୂଆ ସିଷ୍ଟମରେ ବିନା ପ୍ରୋଗ୍ରାମିଂର ହାର୍ଡୱେର ସର୍କିଟ ଥିବା କାରଣରୁ ଏହାର ସୁରକ୍ଷା ପ୍ରଣାଳୀକୁ ବାହାରର କୌଣସି ପ୍ରକାରର ଡିଜିଟାଲ ଆକ୍ରମଣ ଅଥବା ସାଇବର ଆକ୍ରମଣ ସମ୍ଭବ ହେବନି। ]]> Fri, 23 Oct 2026 18:00:37 +0530 https://www.prameyanews7.com/pm-narendra-modi-calls-for-unity-against-divisive-forces https://www.prameyanews7.com/pm-narendra-modi-calls-for-unity-against-divisive-forces ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶୁକ୍ରବାର ଚିନ୍ମୟ ଅମୃତ ମହୋତ୍ସବ ଗ୍ଲୋବାଲ୍ ସମ୍ମିଳନୀର ଉଦଘାଟନ କରିଛନ୍ତି । ଏହି କାର୍ଯ୍ୟକ୍ରକୁ ସମ୍ୱୋଧନ କରି ପିଏମ୍ ମୋଦୀ କହିଛନ୍ତି ଯେ ଆମ ଦେଶ ଆମ ସଂସ୍କୃତିର ଜନ୍ମସ୍ଥଳୀ ଅଟେ ଏବଂ ଏହା ଆମ ଅସ୍ତିତ୍ୱର ମୂଳଦୁଆ ମଧ୍ୟ । ସେ କହିଛନ୍ତି ଯେ ଗତ କିଛି ଦଶନ୍ଧିରେ ସମୟ ବଦଳିଛି, ଦେଶ ସାମନାରେ ଅନେକ ନୂଆ ଆହ୍ୱାନ ଉଭା ହୋଇଛି ଏବଂ ସମାଜରେ ନୂତନ ଖରାପ ବିଷୟ ମଧ୍ୟ ସାମନାକୁ ଆସିଛି । ଆଜି ଏହା ସହିତ ଲଢ଼ିବାର ଦାୟିତ୍ୱ ଆମ ସମସ୍ତଙ୍କ ଉପରେ ରହିଛି । ପ୍ରଧାନମନ୍ତ୍ରୀ ମୋଦୀ କହିଛନ୍ତି, ସମାଜରେ ବିଭାଜନ ସୃଷ୍ଟିକାରୀ ଶକ୍ତି ବିରୋଧରେ ଆମ ସମସ୍ତଙ୍କୁ ଏକାଠି ହେବାକୁ ପଡ଼ିବ । ଆମକୁ ଆମର ନାଗରିକମାନଙ୍କୁ ସ୍ୱାବଲମ୍ବୀ ହେବା ପାଇଁ ସଚେତନ ଏବଂ ପ୍ରେରିତ କରିବାକୁ ପଡ଼ିବ । ଆମକୁ ପ୍ରତ୍ୟେକ ବ୍ୟକ୍ତିଙ୍କୁ ୨୦୪୭ ସୁଦ୍ଧା ଏକ ବିକଶିତ ଭାରତର ସଂକଳ୍ପ ସହିତ ଯୋଡ଼ିବାକୁ ପଡ଼ିବ । ଏହି ଉଦ୍ଦେଶ୍ୟଗୁଡ଼ିକୁ ହାସଲ କରିବା ପାଇଁ ଆମକୁ ଅଧିକ ସକ୍ରିୟ ହେବାକୁ ପଡ଼ିବ । ପ୍ରଧାନମନ୍ତ୍ରୀ କହିଛନ୍ତି ଯେ ଭାରତ ରାଷ୍ଟ୍ର ହେଉଛି ଭାରତୀୟ ସଂସ୍କୃତିର ଜନ୍ମସ୍ଥାନ ଏବଂ ଦେଶର ଅସ୍ତିତ୍ୱର ମୂଳଦୁଆ । ପ୍ରଧାନମନ୍ତ୍ରୀ ମୋଦୀ କହିଛନ୍ତି, "ଆମର ଉପନିଷଦରେ କୁହାଯାଇଛି, 'ଭୟମ୍ ଅମୃତସ୍ୟ ପୁତ୍ରଃ' । ଏହାର ଅର୍ଥ ହେଉଛି ଆମେ ଅମୃତର ସନ୍ତାନ । ଏହି ଧାରଣା କେବଳ ଏକ ଆଧ୍ୟାତ୍ମିକ ଦର୍ଶନ ନୁହେଁ, ଏହା ଆମର ସାଂସ୍କୃତିକ ବିଶ୍ୱାସ ମଧ୍ୟ । ଏହାର ଅର୍ଥ ହେଉଛି ଆମର ଚେତନା ଅମର । ଆମର ଜ୍ଞାନ ଏବଂ ବୁଝାମଣା ଅମର । ଏହି ବୁଝାମଣା ଯୋଗୁଁ, ଭାରତ ହଜାର ହଜାର ବର୍ଷ ଧରି ଅମର ହୋଇ ରହିଛି, କାରଣ ଭାରତ ଶବ୍ଦର ଅର୍ଥ ହେଉଛି ଜ୍ଞାନ ଏବଂ ଆଲୋକର ଗବେଷଣାରେ ନିୟୋଜିତ ବ୍ୟକ୍ତି । ସେଥିପାଇଁ, ଯେତେବେଳେ ଭାରତର ସ୍ୱାଧୀନତାର ୭୫ ବର୍ଷ ଆସିଲା, ମୋ ମନରେ ଏହି ଚିନ୍ତା ଆସିଲା ଯେ ଆମେ ଏହି ଅବସରକୁ ଏକ ବିକଶିତ ଭାରତ ପାଇଁ ପ୍ରେରଣାର ଏକ ମଞ୍ଚ କରିବା । ଆମକୁ ସେହି ଭାରତର ରୂପକୁ ଜୀବନ୍ତ କରିବାକୁ ପଡ଼ିବ ଯାହା ଅମୃତ ଚିନ୍ତାଧାରାକୁ ବଞ୍ଚିବାର ଜାଣେ ।"   #WATCH | Delhi: Prime Minister Narendra Modi will inaugurate the Chinmaya Amrit Mahotsav Global Sammelan at Bharat Mandapam. (Source: DD News) https://t.co/wKZWk8MaaB — ANI (@ANI) October 23, 2026 ପ୍ରଧାନମନ୍ତ୍ରୀ ଆହୁରି କହିଛନ୍ତି, ମୁଁ ସେହି ଉତ୍ସବକୁ ଅମୃତ ମହୋତ୍ସବ ଭାବେ ପାଳନ କରିବାକୁ ଆହ୍ୱାନ କରିଥିଲି । ସମୟ ସହିତ ଗୋଟିଏ ଗୋଟିଏ ଅଦ୍ଭୂତ ଯାତ୍ରା ଏହି ସଂକଳ୍ପ ସହ ଯୋଡ଼ି ହେଉଛନ୍ତି । ଏବେ ଚିନ୍ମୟ ମିଶନ ମଧ୍ୟ ଅମୃତ ମହୋତ୍ସବ ରୂପେ ଭାରତର ଅମୃତକାଳର ଅଭିଯାନ ସହ ଯୋଡ଼ି ହୋଇଛି । ଏହା ହିଁ ଭାରତର ସଂକଳ୍ପର ପ୍ରକୃତ ଶକ୍ତି । ଏହା ହିଁ ଆମର ଅମୃତସ୍ୟ ପୁତ୍ରଃ ହେବାର ପ୍ରେରଣା । ]]> Fri, 23 Oct 2026 17:43:36 +0530 https://www.prameyanews7.com/indigo-has-announced-the-cancellation-of-flights-to-saudi-arabia-until-the-27th-and-to-riyadh-until-october-31st https://www.prameyanews7.com/indigo-has-announced-the-cancellation-of-flights-to-saudi-arabia-until-the-27th-and-to-riyadh-until-october-31st ନୂଆଦିଲ୍ଲୀ: ସାଉଦୀ ଆରବର ଦମ୍ମମସ୍ଥିତ କିଙ୍ଗ ଫହଦ ଇଣ୍ଟରନ୍ୟାସନାଲ ଏୟାରପୋର୍ଟ ଉପରେ ହୋଇଥିବା ପ୍ରଚଣ୍ଡ ଆକ୍ରମଣ ପରେ ସେଠାକାର ସୁରକ୍ଷା ପରିସ୍ଥିତିକୁ ଦୃଷ୍ଟିରେ ରଖି ଇଣ୍ଡିଗୋ ଏୟାରଲାଇନ୍ସ ଯାତାୟାତ କରୁଥିବା ନିଜ ଉଡାଣକୁ ଅକ୍ଟୋବର ୩୧ ତାରିଖ ପର୍ଯ୍ୟନ୍ତ ବାତିଲ କରିଦେଇଛି। ସେହିପରି ଜେଦ୍ଦା, ଦମ୍ମମ ଓ ମଦିନା ଲାଗି ବିମାନ ସେବା ଅକ୍ଟୋବର ୨୭ ତାରିଖ ପର୍ଯ୍ୟନ୍ତ ବନ୍ଦ ରହିବ। ଏକ୍ସ ରେ ଜାରି ଏକ ଟ୍ରାଭେଲ ଆଡଭାଇଜରୀରେ ଏୟାରଲାଇନ୍ସ ଏହି ସୂଚନା ଦେଇଥିବା ବେଳେ କହିଛି ଯେ ଏବେକା ସୁରକ୍ଷା ପରିସ୍ଥିତିକୁ ଆକଳନ କରାଯିବା ପରେ ଏହି ନିଷ୍ପତ୍ତି ନିଆଯାଇଛି। ଏୟାରଲାଇନ କହିଛି ଯେ ‘ଯାତ୍ରା ପରାମର୍ଶ । ସୁରକ୍ଷାର ପରିବର୍ତ୍ତିତ ପରିସ୍ଥିତିକୁ ଦୃଷ୍ଟିରେ ରଖି ଓ ସାବଧାନତା ପୂର୍ବକ ଆକଳନ ପରେ ରିୟାଦ ୟାତାୟାତ କରୁଥିବା ଇଣ୍ଡିଗୋ ବିମାନଙ୍କ ଉଡାଣ ୩୧ ଅକ୍ଟୋବର ୨୦୨୬ ପର୍ଯ୍ୟନ୍ତ ରଦ୍ଦ ରହିବ। ସେହିପରି ଜେଦ୍ଦା, ଦମ୍ମମ ଓ ମଦିନା ଯାତାୟାତ କରୁଥିବା ଉଡାଣ ୨୭ ଅକ୍ଟୋବର ୨୦୨୬ ପର୍ଯ୍ୟନ୍ତ ବନ୍ଦ ରହିବ।’ ଇଣ୍ଡିଗୋ କହିଛି ଯେ ସେ ପରିସ୍ଥିତି ଉପରେ ତୀକ୍ଷ୍ଣ ନଜର ରଖିଛି ଓ ପରିସ୍ଥିତି ଆକଳନ ନିମନ୍ତେ ସମ୍ବଦ୍ଧିତ ଅଧିକାରୀଙ୍କ ସହ ସମ୍ପର୍କରେ ରହିଛି। ଏୟାରଲାଇନ୍ସ କହିଛି ଯେ ଆମର ଗ୍ରାହକ ଓ କ୍ରୁ ଙ୍କ ସୁରକ୍ଷା ଆମର ସର୍ବୋଚ୍ଚ ପ୍ରାଥମିକତା। ଏଥି ଯୋଗୁ ପ୍ରଭାବିତ ହେଉଥିବା ଯାତ୍ରୀଙ୍କୁ ବୁକିଂ ସମୟରେ ଦିଆଯାଇଥିବା ସମ୍ପର୍କରେ ସୂଚନା ସେୟାର କରାଯିବ। ଏୟାରଲାଇନ ଯାତ୍ରୀଙ୍କୁ ଏକ ପରାମର୍ଶରେ ଏୟାରପୋର୍ଟ ପହଞ୍ଚିବା ପୂର୍ବରୁ ଅଧିକାରୀକ ୱେବସାଇଟ୍ କୁ ଯାଇ ଫ୍ଲାଇଟ୍ ଷ୍ଟାଟସ ଜାଣି ନିଅନ୍ତୁ। ଯଦି ଫ୍ଲାଇଟ ରଦ୍ଦ ଥାଏ ତେବେ ବିମାନ ବନ୍ଦର ଆସିବାକୁ କଷ୍ଟ କରନ୍ତୁନି ବୋଲି କହିଛି । ସେହିପରି ଅସୁବିଧା ଯୋଗୁ ଆମେ ଦୁଃଖିତ ବୋଲି ଏୟାରଲାଇନ୍ସ କହିଛି। ଏହି ଘୋଷଣା ଏପରି ସମୟରେ ହୋଇଛି ଯେତେବେଳେ ସୁରକ୍ଷାକୁ ନେଇ ଚିନ୍ତା ଲାଗି ରହିଛି। ସାଉଦୀ ଅଧିକାରୀଙ୍କ ଅନୁସାରେ ବୁଧବାର ସନ୍ଧ୍ୟାରେ ଦମ୍ମମର କିଙ୍ଗ ଫହଦ ଇଣ୍ଟରନ୍ୟାସନାଲ ଏୟାରପୋର୍ଟରେ ହୋଇଥିବା ବିସ୍ଫୋରଣରେ ଜଣେ ଭାରତୀୟ ନାଗରିକଙ୍କ ସମେତ ୨ ଜଣଙ୍କ ମୃତ୍ୟୁ ହୋଇଛି ଓ ଅନ୍ୟ ୮ ଜଣ ଆହତ ହୋଇଛନ୍ତି। ]]> Fri, 23 Oct 2026 17:30:51 +0530 https://www.prameyanews7.com/central-range-ig-satyajit-nayak-puri-brundabati-niwas-visit https://www.prameyanews7.com/central-range-ig-satyajit-nayak-puri-brundabati-niwas-visit ପୁରୀ ୨୩।୧୦ : ଆସନ୍ତା ୨୬ ତାରିଖ ସୋମବାର ଠାରୁ ଶ୍ରୀକ୍ଷେତ୍ରରେ ଆରମ୍ଭ ହେବ କାର୍ତ୍ତିକ ବ୍ରତ। ଶ୍ରୀକ୍ଷେତ୍ରରେ ରହି ହବିଷ୍ୟ ବ୍ରତ ପାଳନ କରିବା ସହ ଶ୍ରୀମନ୍ଦିର ଯାଇ ମହାପ୍ରଭୁଙ୍କ ସ୍ବତନ୍ତ୍ର ବେଶ ଦର୍ଶନ କରିବେ ବ୍ରତ ଧାରିଣୀ। ବ୍ରତ ଧାରିଣୀଙ୍କ ସୁରକ୍ଷା ଓ ଶୃଙ୍ଖଳିତ ଦର୍ଶନ ପାଇଁ ପୁରୀ ପୋଲିସ ପକ୍ଷରୁ ବ୍ୟାପକ ପ୍ରସ୍ତୁତି କରାଯାଇଛି। କେନ୍ଦ୍ରାଞ୍ଚଳ ଆଇଜି ସତ୍ୟଜିତ ନାୟକ ପୁରୀ ଗସ୍ତରେ ଆସି ବୃନ୍ଦାବତୀ ନିବାସ ଯାଇ ସମସ୍ତ ପ୍ରସ୍ତୁତିର ସମୀକ୍ଷା କରିଛନ୍ତି। ପୁରୀ ଏସପି ପ୍ରତୀକ ସିଂ, ସିଟି ଡିଏସପି ସମସ୍ତ ବ୍ୟବସ୍ଥା ଉପରେ ଆଇଜିଙ୍କୁ ଅବଗତ କରାଇଥିଲେ। ସମୀକ୍ଷା ପରେ କେନ୍ଦ୍ରାଞ୍ଚଳ ଆଇଜି କହିଛନ୍ତି ହବିଷ୍ୟାଳୀ ଶିବିର ଠାରୁ ଶ୍ରୀମନ୍ଦିର ଯାଏଁ ସମସ୍ତ ପ୍ରସ୍ତୁତି ପୋଲିସ ପକ୍ଷରୁ କରାଯାଇଛି। ବିଶେଷ କରି ଭିଡ଼ ନିୟନ୍ତ୍ରଣ, ଟ୍ରାଫିକ ସୁପରିଚାଳନା, ଶ୍ରୀମନ୍ଦିର ଭିତରେ ଓ ବାହାରେ ଭକ୍ତଙ୍କ ସୁରକ୍ଷା ନେଇ ପୋଲିସ ସମ୍ପୂର୍ଣ୍ଣ ସଜାଗ ଅଛି। Also Read:-ଦୀର୍ଘ ୧୦ ମାସ ପରେ ପ୍ରଥମ ଥର ୨ ଲକ୍ଷ ତଳକୁ ଖସିଲା ରୁପା ଦର; ସୁନା ଦରରେ ୩୫ ହଜାର ଟଙ୍କା ହ୍ରାସ ସେହିପରି ସୁରକ୍ଷା ଦାୟିତ୍ବରେ ସମୁଦାୟ ୨୦ ପ୍ଲାଟୁନ ପୋଲିସ ଫୋର୍ସ ସହ ବରିଷ୍ଠ ପୋଲିସ ଅଧିକାରୀ ମୁତୟନ ରହିବେ। କେବଳ ହବିଷ୍ୟାଳୀ ଶିବିରରେ ପାଞ୍ଚ ପ୍ଲାଟୁନ ପୋଲିସ ଫୋର୍ସ ମୁତୟନ ହେବେ। ଚଳିତ ଥର ବୃନ୍ଦାବତୀ ନିବାସ, ମୋଚି ସାହି କଲ୍ୟାଣ ମଣ୍ଡପ, ରେଲୱେ ଟୁରିଷ୍ଟ କମ୍ପ୍ଲେକ୍ସ ଠାରେ ହବିଷ୍ୟାଳୀ ମାନେ ରହି ବ୍ରତ ପାଳନ କରିବେ। ସେହିପରି ବିଭିନ୍ନ ମଠବାଡି, ଲଜ୍, ଧର୍ମଶାଳାରେ ରହି ହବିଷ ବ୍ରତ ପାଳନ କରିବେ ହବିଷ୍ୟାଳୀ। ହବିଷ୍ୟାଳୀମାନଙ୍କୁ ପୋଲିସ କିଭଳି ଉତ୍ତମ ବ୍ୟବହାର କରିବ ସେନେଇ ସମସ୍ତ ପୋଲିସ ଅଧିକାରୀ ଓ କର୍ମଚାରୀଙ୍କୁ ନିର୍ଦ୍ଦେଶ ଦିଆଯାଇଛି ବୋଲି କହିଛନ୍ତି କେନ୍ଦ୍ରାଞ୍ଚଳ ଆଇଜି। ]]> Fri, 23 Oct 2026 17:04:08 +0530 https://www.prameyanews7.com/punjab-woman-wins-1-crore-lottery-rs-7-ticket https://www.prameyanews7.com/punjab-woman-wins-1-crore-lottery-rs-7-ticket ନୂଆଦିଲ୍ଲୀ: ଜୀବନରେ କେତେବେଳେ କାହାର ଭାଗ୍ୟ ବଦଳିଯିବ, ତାହା କେହି କହିପାରିବେ ନାହିଁ । ଏହାର ଏକ ଜ୍ୱଳନ୍ତ ଉଦାହରଣ ଦେଖିବାକୁ ମିଳିଛି ପଞ୍ଜାବର କୋଟକପୁରା ସହରରେ । ପିଲାଙ୍କ ପାଇଁ ପୋଷାକ କିଣିବାକୁ ବଜାରକୁ ବାହାରିଥିବା ଜଣେ ସାଧାରଣ ଗୃହିଣୀ ମାତ୍ର ୭ ଟଙ୍କା ଖର୍ଚ୍ଚରେ ଏକ ଲଟେରୀ ଟିକେଟ୍ କିଣିଥିଲେ । ଯାହା ତାଙ୍କୁ ରାତା ରାତି କୋଟିପତି କରିଦେଇଛି । ମିଳିଥିବା ସୂଚନା ଅନୁଯାୟୀ, ସିକ୍କିମ କୋଟକପୁରାର ବିମଳା ଦେବୀ ନିଜ ପିଲାଙ୍କ ପାଇଁ ସପିଂ କରିବାକୁ ରେଳଷ୍ଟେସନ ନିକଟସ୍ଥ 'ଷ୍ଟାର୍ ଲଟେରୀ ଷ୍ଟଲ୍' ପାଖକୁ ଯାଇଥିଲେ । ସେଠାରେ ସେ ଏକ ଲଟେରୀ ଦୋକାନ ଦେଖିଥିଲେ ଏବଂ ହଠାତ୍ ଇଚ୍ଛା ହେବାରୁ ମାତ୍ର ୭ ଟଙ୍କା ଦେଇ ଗୋଟିଏ ଲଟେରୀ ଟିକେଟ୍ କିଣିନେଇଥିଲେ । ହେଲେ ସେ ସ୍ୱପ୍ନରେ ସୁଦ୍ଧା ଭାବିନଥିଲେ ଯେ, ଏହି ସାତ ଟଙ୍କା ତାଙ୍କ ପରିବାରର ସବୁ ଆର୍ଥିକ ସମସ୍ୟା ଦୂର କରିଦେବ । ସିକ୍କିମ୍ ସରକାରଙ୍କ ଏହି ଲଟେରୀର ଫଳାଫଳ ବାହାରିବା ପରେ ଲଟେରୀ ଦୋକାନୀ ନରେଶ ମୋଙ୍ଗା ସିଧାସଳଖ ବିମଳାଙ୍କ ପରିବାର ସହିତ ଯୋଗାଯୋଗ କରିଥିଲେ । ସେ ଖୁବ୍ ଖୁସିର ସହ ଜଣାଇଥିଲେ ଯେ, ବିମଳା କିଣିଥିବା ଟିକେଟଟି ୧ କୋଟି ଟଙ୍କାର ପ୍ରଥମ ପୁରସ୍କାର ଜିତିଛି । ଏହି ସମ୍ବାଦ ଶୁଣିବା ମାତ୍ରେ ପରିବାରର ଆନନ୍ଦର ସୀମା ରହି ନଥିଲା । ଜଣାପଡ଼ିଛି, ବିମଳାଙ୍କ ସ୍ୱାମୀ ଜଣେ ଦିନମଜୁରିଆ । ଆଜିର ମହଙ୍ଗା ଯୁଗରେ ପରିବାର ପ୍ରତିପୋଷଣ କରିବା ତାଙ୍କ ପାଇଁ ଅତ୍ୟନ୍ତ କଷ୍ଟକର ଥିଲା । ଏଭଳି ସ୍ଥିତିରେ ଏହି କୋଟିଏ ଟଙ୍କାର ପୁରସ୍କାର ଖବର ପାଇବା ପରେ ସମସ୍ତେ ଲଟେରୀ ଦୋକାନରେ ପହଞ୍ଚିଥିଲେ ଏବଂ ଦୋକାନୀ ମଧ୍ୟ ସେଠାରେ ମିଠା ବାଣ୍ଟି ସେଲିବ୍ରେସନ୍ କରିଥିଲେ । ପରିବାର ଲୋକେ ଖୁସିରେ ନାଚିଥିବାବେଳେ ଆଖପାଖର ପଡ଼ୋଶୀ ଓ ପରିଜନ ମଧ୍ୟ ଶୁଭେଚ୍ଛା ଜଣାଇଛନ୍ତି । Also Read: ଟେସଲାକୁ ସ୍ୱାଗତ କଲା ଆଲେଫ୍ ଏରୋନେଟିକ୍ସ: ଚର୍ଚ୍ଚାରେ ଏହି ଦୁଇ କମ୍ପାନୀର ଫ୍ଲାଇଂ କାର୍ ବିମଳା ଦେବୀ କହିଛନ୍ତି ଯେ, ସ୍ୱାମୀଙ୍କ ଅଳ୍ପ ଆୟରେ ପରିବାର ଚଳାଇବା ବହୁତ କଷ୍ଟକର ଥିଲା । କିନ୍ତୁ ଏହି ଟଙ୍କା ମିଳିବା ପରେ ସେମାନଙ୍କ ଜୀବନରେ ଏକ ନୂଆ ଆଶା ସଞ୍ଚାର ଦେଖାଦେଇଛି । ଟଙ୍କାକୁ କିପରି ସଠିକ୍ ଭାବେ ବିନିଯୋଗ କରାଯିବ ସେନେଇ ପରିବାରର ସମସ୍ତ ସଦସ୍ୟଙ୍କ ସହ ଆଲୋଚନା କରାଯିବ । ପିଲାମାନଙ୍କ ଭବିଷ୍ୟତକୁ ସୁରକ୍ଷିତ କରିବା ସହିତ ଏକ ଛୋଟ ବ୍ୟାବସାୟ ଆରମ୍ଭ କରିବା ପାଇଁ ସେମାନେ ଚିନ୍ତା କରୁଛନ୍ତି । ଲଟେରୀ ଷ୍ଟଲ୍ ଅପରେଟର୍ ନରେଶ ମୋଙ୍ଗା କହିଛନ୍ତି ଯେ ସେ ଗତ ୬ ମାସ ହେଲା ଏହି ବ୍ୟବସାୟ କରୁଛନ୍ତି । ତାଙ୍କ ଦୋକାନରୁ ପୂର୍ବରୁ ମଧ୍ୟ କିଛି ଛୋଟମୋଟ ପୁରସ୍କାର ବାହାରିଥିଲା, କିନ୍ତୁ ପ୍ରଥମ ଥର ପାଇଁ ତାଙ୍କ ଦୋକାନରୁ କେହି କୋଟିପତି ହୋଇଛନ୍ତି, ଯାହାକୁ ନେଇ ସେ ମଧ୍ୟ ବେଶ୍ ଖୁସି ଅଛନ୍ତି । ]]> Fri, 23 Oct 2026 16:56:46 +0530 https://www.prameyanews7.com/piyush-goyal-slams-developed-nations-over-climate-funding-promises-to-developing-countries https://www.prameyanews7.com/piyush-goyal-slams-developed-nations-over-climate-funding-promises-to-developing-countries ନୂଆଦିଲ୍ଲୀ: କେନ୍ଦ୍ର ବାଣିଜ୍ୟ ଏବଂ ଉଦ୍ୟୋଗ ମନ୍ତ୍ରୀ ପୀୟୂଷ ଗୋୟଲ ଜଳବାୟୁ ପରିବର୍ତ୍ତନ ସହ ମୁକାବିଲା ପାଇଁ ବିକାଶଶୀଳ ଦେଶଙ୍କ ଦୋମୁହାଁ ଚରିତ୍ରକୁ ତୀବ୍ର ଆକ୍ଷେପ କରିଛନ୍ତି । ଜଳବାୟୁ ପରିବର୍ତ୍ତନର ମୁକାବିଲା ପାଇଁ ବିକାଶଶୀଳ ଦେଶଗୁଡ଼ିକୁ ଆର୍ଥିକ ଏବଂ ବୈଷୟିକ ସାହାଯ୍ୟ ନେଇ ଦେଇଥିବା ପ୍ରତିଶ୍ରୁତି ଉପରେ ବିକଶିତ ଦେଶଗୁଡ଼ିକୁ ଆଇନା ଦେଖାଇଛନ୍ତି । ସେ କହିଛନ୍ତି ଯେ ବିକଶିତ ଦେଶ ଦଶନ୍ଧି ଦଶନ୍ଧି ଧରି ଦୁନିଆର ପରିବେଶକୁ କ୍ଷତି ପହଞ୍ଚାଇବାରେ ସବୁଠୁ ବେଶି ଦାୟୀ । କିନ୍ତୁ ବିକାଶଶୀଳ ଦେଶର ସାହାଯ୍ୟ କରିବା ନେଇ ନିଜ ପ୍ରତିବଦ୍ଧତାକୁ ପୂରଣ କରିବ ନାହିଁ । ବର୍ଲିଂ ଗ୍ଲୋବାଲ୍ ଡାଏଲଗର ରାଉଣ୍ଡ ଟେବୁଲ୍ ଚର୍ଚ୍ଚାରେ କେନ୍ଦ୍ରମନ୍ତ୍ରୀ ଗୋୟଲ କହିଛନ୍ତି, ବିକଶିତ ଦେଶ ଏବଂ ୟୁରୋପୀୟ ସଂଘ ଜଳବାୟୁ ଫଣ୍ଡିଂକୁ ନେଇ ସେମାନଙ୍କ ପ୍ରତିଶ୍ରୁତି ପୂରଣ କରିବାରେ କଣ କରିଛନ୍ତି କହିବା ଦରକରା । ଏହି ଚର୍ଚ୍ଚାରେ ପୀୟୂଷ ଗୋୟଲ ଗରିବ ଦେଶଗୁଡ଼ିକର ହିତ ପାଇଁ ଜୋରଦାର ସ୍ୱର ଉଠାଇଥିଲେ । ୟୁରୋପୀୟ ପ୍ୟାନେଲକୁ ସେ ସ୍ପଷ୍ଟ ଶବ୍ଦରେ କହିଛନ୍ତି ଯେ ନିଜ ଅଙ୍ଗାରକାମ୍ଲ ନିର୍ଗମନ କରି ଧନୀ ହୋଇଗଲ, କିନ୍ତୁ ଏବେ ଆପଣ ଗରିବ ଦେଶଗୁଡ଼ିକ ଉପରେ କଟକଣା ଚାହୁଁଛ । ୨୦୧୫ରେ ପ୍ୟାରିସ୍ ଜଳବାୟୁ ସମ୍ମିଳନୀରେ ବିକାଶଶୀଳ ଦେଶଗୁଡ଼ିକୁ ସାହାଯ୍ୟ ପାଇଁ ପ୍ରତିବର୍ଷ ୧୦୦ ବିଲିୟନ ଡଲାର ସହଯୋଗ ନେଇ ପ୍ରତିଶ୍ରୁତି ଦିଆଯାଇଥିଲା, କିନ୍ତୁ ଗତ ୧୧ ବର୍ଷରେ ଏଦି ଦିଗରେ କୌଣସି ବି ଦେଶ ଦୃଢ଼ ପଦକ୍ଷେପ ନେଇନାହାନ୍ତି । ପୀୟୂଷ ଗୋୟଲ ବିକଶିତ ଦେଶଗୁଡ଼ିକର ଐତିହାସିକ କାର୍ବନ ନିର୍ଗମନ ଏବଂ ଭାରତ ଭଳି ବିକାଶଶୀଳ ଦେଶଗୁଡ଼ିକର ସ୍ଥିତି ମଧ୍ୟରେ ଥିବା ପାର୍ଥକ୍ୟକୁ ରେଖାଙ୍କିତ କରିଥିଲେ । ସେ କହିଛନ୍ତି ଯେ ଭାରତ ବିଶ୍ୱ ଜନସଂଖ୍ୟାର ପ୍ରାୟ ୧୭ ପ୍ରତିଶତ ପ୍ରତିନିଧିତ୍ୱ କରେ, କିନ୍ତୁ ବିଶ୍ୱ କାର୍ବନ ନିର୍ଗମନରେ ଏହାର ଅବଦାନ ୩ ପ୍ରତିଶତରୁ କମ୍ । ସେ ୟୁରୋପର ଉଦାହରଣ ଦେଇଥିଲେ, ଯେଉଁଠାରେ ବିଶ୍ୱ ଜନସଂଖ୍ୟାର ପ୍ରାୟ ୩ରୁ ୪ ପ୍ରତିଶତ ଅଛନ୍ତି, କିନ୍ତୁ ବିଶ୍ୱ କାର୍ବନ ନିର୍ଗମନରେ ଏହାର ଅବଦାନ ବହୁତ ଅଧିକ । ଗୋୟଲ କହିଛନ୍ତି ଯେ ଜଳବାୟୁ ସଙ୍କଟ ପାଇଁ ଦାୟୀ ଦେଶମାନଙ୍କୁ ସେମାନଙ୍କର ଭୂମିକା ସ୍ୱୀକାର କରିବାକୁ ପଡ଼ିବ । ସେ ପ୍ରଶ୍ନ କରିଥିଲେ ଯେ ବାୟୁମଣ୍ଡଳରେ କିଏ କାର୍ବନ ଛାଡ଼ିଲା ଏବଂ ଓଜନ ସ୍ତରକୁ ହ୍ରାସ କରିବାରେ କିଏ ଭୂମିକା ଗ୍ରହଣ କଲା । ଗୋୟଲ କହିଛନ୍ତି ଯେ ଆଜି ମଧ୍ୟ ଭାରତର ପ୍ରତି ମୁଣ୍ଡପିଛା କାର୍ବନ ନିର୍ଗମନ ୟୁରୋପ ତୁଳନାରେ ଯଥେଷ୍ଟ କମ୍ । ତାଙ୍କ ଅନୁସାରେ, ୟୁରୋପର ପ୍ରତି ମୁଣ୍ଡପିଛା କାର୍ବନ ନିର୍ଗମନ ଏବଂ ପ୍ରତି ମୁଣ୍ଡପିଛା ପରିବେଶଗତ ପ୍ରଭାବ ଭାରତ ତୁଳନାରେ ପ୍ରାୟ ସାତରୁ ଆଠ ଗୁଣ ଅଧିକ । ସେ କହିଛନ୍ତି ଯେ ଭାରତ ବିଶ୍ୱର ୧୭ ପ୍ରତିଶତ ଜନସଂଖ୍ୟାର ଆବଶ୍ୟକତା ପୂରଣ କରିବା ସହିତ, ସମ୍ବଳ ଅପଚୟ ହ୍ରାସ କରିବା ଏବଂ ଏକ ସର୍କୁଲାର ଅର୍ଥନୀତିକୁ ପ୍ରୋତ୍ସାହିତ କରିବା ପାଇଁ ମଧ୍ୟ ପ୍ରତିବଦ୍ଧ । ପୀୟୁଷ ଗୋୟଲ କହିଛନ୍ତି ଯେ ଭାରତକୁ ଜାତୀୟ ସୁରକ୍ଷା ସୁନିଶ୍ଚିତ କରିବା ସହିତ ଏହାର ୧.୪ ବିଲିୟନ ଲୋକଙ୍କ ଶକ୍ତି ଏବଂ ଖାଦ୍ୟ ଆବଶ୍ୟକତା ପୂରଣ କରିବାକୁ ପଡିବ । ଏହି ଚ୍ୟାଲେଞ୍ଜ ସତ୍ତ୍ୱେ, ଭାରତ ବିଶ୍ୱର ସବୁଠାରୁ ଦ୍ରୁତ ଗତିରେ ବୃଦ୍ଧି ପାଉଥିବା ସ୍ୱଚ୍ଛ ଶକ୍ତି କାର୍ଯ୍ୟକ୍ରମ ମଧ୍ୟରୁ ଗୋଟିଏକୁ ଅନୁସରଣ କରୁଛି । ସେ କହିଛନ୍ତି ଯେ ଜଳବାୟୁ ପରିବର୍ତ୍ତନର ମୁକାବିଲା କରିବା ସମୟରେ ବିକାଶଶୀଳ ଦେଶଗୁଡ଼ିକୁ ସେମାନଙ୍କର ବିକାଶ ଆବଶ୍ୟକତାକୁ ଧ୍ୟାନରେ ରଖିବାକୁ ପଡିବ । ତେଣୁ, ବିକଶିତ ଦେଶଗୁଡ଼ିକ ଆର୍ଥିକ ଏବଂ ବୈଷୟିକ ସହାୟତାର ପ୍ରତିଶ୍ରୁତି ପୂରଣ କରିବା ଉଚିତ ।   ]]> Fri, 23 Oct 2026 17:04:34 +0530 https://www.prameyanews7.com/haryana-in-the-dark-people-struggle-for-electricity-and-water-for-48-hours https://www.prameyanews7.com/haryana-in-the-dark-people-struggle-for-electricity-and-water-for-48-hours ହିସାର: ଗୁରୁଗ୍ରାମ-ନୁହରେ ଘରୋଇ କମ୍ପାନୀକୁ ଲାଇସେନ୍ସ ଦେବା ବିରୋଧରେ ସରକାର ଓ ବିଦ୍ୟୁତ ନିଗମ ମଧ୍ୟରେ ଟଣାଓଟରା ଯୋଗୁ ଗତ ୨୪ ଘଣ୍ଟା ହେଲା ହିସାର ସର୍କଲର ୩୫୫ କ୍ଷେତ୍ର ବ୍ଲାକ୍ ଆଉଟ ରହିଛି। ହରିୟାଣା ବିଦ୍ୟୁତ କର୍ମଚାରୀ ଓ ଇଞ୍ଜିନିୟର୍ସ ମିଳିତ ସଂଘର୍ଷ ମୋର୍ଚ୍ଚାର ୪୦ ହଜାରରୁ ଅଧିକ ଇଞ୍ଜିନିୟର ଓ କର୍ମଚାରୀଙ୍କ ହରତାଳ ଯୋଗୁ ଏପରି ପରିସ୍ଥିତି ଉପୁଜିଛି। କର୍ମଚାରୀ ଓ ଇଞ୍ଜିନିୟରମାନେ ଚେତାବନୀ ଦେଇଛନ୍ତି ଯେ ଯଦି ସରକାର ଲାଇସେନ୍ସ କ୍ୟାନସଲ ନ କରନ୍ତି ତେବେ ଅକ୍ଟୋବର ୨୪ରେ ମିଟିଂ କରି ହରତାଳକୁ ଜୋରଦାର କରିବେ। ବିଦ୍ୟୁତ କର୍ମଚାରୀଙ୍କ ଆନ୍ଦୋଳନ ଯୋଗୁ ଗ୍ୟାବିପୁର,ଚୁଲି-ମୋଢାଖେଡା, ଅଗ୍ରୋହା-ନଙ୍ଗଥଲା, ଚୌଧୁରୀଭାସ, ଆର୍ଯ୍ୟନଗର, ଜମାଲପୁର, ଥୁରାନା ମିର୍ଚ୍ଚପୁର, ଖରଡ, ଅଲିପୁର, ଭାଟଲା, ଦୟାଲ ସିଂହ କଲୋନୀ, ହଂସୀ ରେଲୱେ, ଲୋହାରୀ ରାଧୋ, ମାଜରା, ଢଂଢେରୀ, ଖେଡୀ ଲୋହଚବ, ଉମରା, ବାସ, ମୁଣ୍ଢାଲ,ରଜାଲୀ, ସଦଲପୁର, ସ୍ୟାହଡବା, ପାୟଲ, ଦୁର୍ଜନପୁର, ଜେଏନଭି ଇଣ୍ଡୋ, ପ୍ରଭୁଭାଟା ଏପି, ସତାରଡ ପମ୍ପ, ସୈନୀପୁରା, ଏଚପିସିଏଲ ଇଣ୍ଡୋ ସହିତ ଲାଗି ରହିଥିବା ଅଞ୍ଚଳକୁ ବିଦ୍ୟୁତ ଯୋଗାଣ ବାଧିତ ହୋଇଛି। ସେହିପରି ନାଗୋରୀ ଗେଟ୍, ରାଜଗୁରୁ ମାର୍କେଟ, ଗାଂବଜୁଗଲାନ, କୁଞ୍ଜଲାଲ ଗାର୍ଡନ, ପୁରାନୀ ସବଜୀ ମଣ୍ଡି, ସୂର୍ଯ୍ୟନଗର ନିକଟ ବଡୱାଲୀ ଢାଣୀ, ଇନ୍ଦ୍ର କଲୋନୀ, ଶାନ୍ତିନଗର, ଉତ୍ତମ ନଗର, ୟୋଗ ନଗର, ମନଫୁଲ ନଗର, ବକ୍ସିନଗର, ପୁରୁଣା ସବଜୀମଣ୍ଡି ନିକଟବର୍ତ୍ତି ଅଞ୍ଚଳ, ସୁଭାଷ ନଗର, କୃଷ୍ଣା ନଗର, ନଇ ଅନାଜ ମଣ୍ଡି,ପଟେଲ ନଗର, ଜବାହାର ନଗର ଓ ଅଟୋ ମାର୍କେଟ ଆଦି ସହରାଞ୍ଚଳ ମଧ୍ୟ ବିଦ୍ୟୁତ ଯୋଗାଣରୁ ବାଦ ପଡିଛି। ହିସାରେ ୨୪ ଘଣ୍ଟା ଧରି ୩୫୫ କ୍ଷେତ୍ର ବ୍ଲାକ୍ ଆଉଟ୍ ଥିବା ବେଳେ ସକାଳ ୬ଟାରୁ ସନ୍ଧ୍ୟା ୬ ପର୍ଯ୍ୟନ୍ତ ୯୭ ପ୍ରତିଶତ କର୍ମଚାରୀ ହରତାଳରେ ଯୋଗ ଦେଇଛନ୍ତି। ସେହିପରି ରୋହତକ ଅନ୍ତର୍ଗତ ମହମ ଓ ସାମ୍ପଲାର ଅଧିକାଂଶ ଅଞ୍ଚଳ ରାତିରେ ଅନ୍ଧାର ଥିଲା। ହାଂସୀର ୧୨ ସବଷ୍ଟେସନ ଓ ଫିଡର କ୍ଷେତ୍ରରେ ବିଦ୍ୟୁତ ଯୋଗାଣ ବାଧିତ ଥିଲା। ଲୋକେ ପାନୀୟ ଜଳ ପାଇଁ ଅସୁବିଧାର ସମ୍ମୁଖୀନ ହୋଇଥିବା ଅଭିଯୋଗ କରିଛନ୍ତି। ସିରସା ଅନ୍ତର୍ଗତ କାଲାମ୍ବାଲୀ ଓ ନାଥୁସରୀ ଚୋପଟାରେ ରାତିରୁ ବିଦ୍ୟୁତ ଯୋଗାଣ ବାଧିତ ରହିଛି। ତେବେ ଲୋକଙ୍କୁ ବିଦ୍ୟୁତ ଯୋଗାଇ ଦେବାକୁ ନିଗମ ଠିକାଦାରଙ୍କ ୨୦ ଜଣ କର୍ମଚାରୀ ଓ ଆଇଟିଆଇର ୧୭୬ ଜଣ ଆପ୍ରେଣ୍ଟିସଙ୍କୁ ନିୟୋଜତ କରାଯାଇଥିଲା। ସେହିପରି ଝାଝରରେ ୨୩ରୁ ୧୦ ଫିଡର ବ୍ରେକଡାଉନ ରହିଛି। ପରିସ୍ଥିତି ସମ୍ଭାଳିବା ପାଇଁ ପ୍ରଶାସନ ୧୩୨ ଟେକ୍ନିକାଲ କର୍ମଚାରୀ ଉପଲବ୍ଧ କରାଇଛି। ଫତେହବାଦରେ ୭୩ରୁ ୨୧ ସବଷ୍ଟେସନ ବନ୍ଦ ପଡିଛି। ଟୋହାନାର ୧୩୨ କେଭି ସବଷ୍ଟେସନରେ ବିସ୍ଫୋରଣ ପରେ ଅଧାରୁ ଅଧିକ ସହରର ବିଦ୍ୟୁତ କଟି ଯାଇଛି। ]]> Fri, 23 Oct 2026 16:43:24 +0530 https://www.prameyanews7.com/16-member-bjd-team-reached-at-kotia-in-koraput-district https://www.prameyanews7.com/16-member-bjd-team-reached-at-kotia-in-koraput-district କୋରାପୁଟ ୨୩।୧୦: କୋଟିଆରେ ଓଡ଼ିଶାର ଅଧିକାରକୁ ନେଇ ପୁଣି ତେଜିଲା ରାଜନୈତିକ ତାତି। କୋଟିଆରେ ପହଞ୍ଚିଲା ଅବିଭକ୍ତ କୋରାପୁଟ ଜିଲ୍ଲାର ବିଜେଡିର ୧୬ ଜଣିଆ ପ୍ରତିନିଧି ଦଳ । ଦଳ ପହଞ୍ଚିବା ପରେ ଆନ୍ଧ୍ର ଗୋ-ବ୍ୟାକ୍ ନାରାରେ ପ୍ରକମ୍ପିତ ହୋଇଥିଲା କୋଟିଆ ଅଞ୍ଚଳ । କୋଟିଆରେ ଓଡ଼ିଶାର ସ୍ଥିତି ଓ ଅଧିକାରକୁ ନେଇ ରାଜନୈତିକ ଚର୍ଚ୍ଚା ଜୋର ଧରିଥିବା ବେଳେ ବିଜେଡିର ଏହି ଗସ୍ତକୁ ଗୁରୁତ୍ୱପୂର୍ଣ୍ଣ ମନେ କରାଯାଉଛି । ଦୀର୍ଘଦିନ ଧରି କୋଟିଆକୁ ନେଇ ଓଡ଼ିଶା ଓ ଆନ୍ଧ୍ରପ୍ରଦେଶ ମଧ୍ୟରେ ବିବାଦ ଲାଗି ରହିଥିବା ବେଳେ ବିଜେଡିର ଏହି ପ୍ରତିନିଧି ଦଳର ଗସ୍ତ ରାଜନୈତିକ ମହଲରେ ଚର୍ଚ୍ଚା ସୃଷ୍ଟି କରିଛି । Also Read:- ସମ୍ଭାବ୍ୟ ବାତ୍ୟାକୁ ନେଇ ସରକାରଙ୍କ ହାଇଲେଭଲ୍ ବୈଠକ, ଆଲୋଚନାରେ ୧୬ ଜିଲ୍ଲା ଏହି ୧୬ ଜଣିଆ ପ୍ରତିନିଧି ଦଳରେ ପୂର୍ବତନ ମନ୍ତ୍ରୀ ରବି ନାରାୟଣ ନନ୍ଦ, ପୂର୍ବତନ ମନ୍ତ୍ରୀ ଜଗନ୍ନାଥ ସାରକା, ଜିଲ୍ଲା ସଭାପତି ଝିନ୍ନ ହିକକା, ଡାବୁଗାଁ ବିଧାୟକ ମନୋହର ରନ୍ଧାରୀ, ଭୃଗୁ ବକ୍ସି ପାତ୍ର, ପ୍ରଦୀପ ମାଝୀ, ପୂର୍ବତନ ବିଧାୟକ ରଘୁରାମ ପଡ଼ାଲ ଓ ପ୍ରୀତମ ପାଢ଼ୀଙ୍କ ସମେତ ବହୁ ବିଜେଡି ନେତା ଓ କର୍ମୀ ସାମିଲ ହୋଇଛନ୍ତି । କୋଟିଆରେ ଲୋକଙ୍କ ସହ ଆଲୋଚନା କରିବା ସହ ଆନ୍ଧ୍ର ନିର୍ବାଚନରେ ସାମିଲ ନହେବାକୁ ନେଇ ସଚେତନ କରିଛନ୍ତି । Watch Video: ]]> Fri, 23 Oct 2026 16:42:30 +0530 https://www.prameyanews7.com/land-worth-over-rs-110-crore-restored-to-government-records-in-konark https://www.prameyanews7.com/land-worth-over-rs-110-crore-restored-to-government-records-in-konark କୋଣାର୍କ: ବିଶ୍ବପ୍ରସିଦ୍ଧ କୋଣାର୍କ ସୂର୍ଯ୍ୟମନ୍ଦିର ସମ୍ମୁଖରୁ ହେଲା ବଡ଼ଧରଣର ଜବରଦଖଲ ଉଚ୍ଛେଦ । ମାନ୍ୟବର ହାଇକୋର୍ଟଙ୍କ ନିର୍ଦ୍ଦେଶ କ୍ରମେ ପୁରୀ ଜିଲ୍ଲା ପ୍ରଶାସନ ପ୍ରାୟ ୧୧୦ କୋଟିରୁ ଅଧିକ ମୂଲ୍ୟର ୧୧ ଏକରରୁ ଅଧିକ ଜମିକୁ ନିଜ ଅଧିକାରକୁ ଆଣିଛନ୍ତି । ସୂଚନାଥାଉକି, କୋଣାର୍କ ହେଲିପ୍ୟାଡ୍ ପଡ଼ିଆ ଓ ଚନ୍ଦ୍ରଭାଗା ତୀର୍ଥ ପୁଷ୍କରିଣୀ ପାର୍ଶ୍ଵରେ ଥିବା ଏସବୁ ଜମିକୁ ୧୯୮୯ ମସିହାରୁ କିଛି ମୁଷ୍ଟିମେୟ ବ୍ୟକ୍ତି ଏହି ମୂଲ୍ୟବାନ ଜମିକୁ ଜବରଦଖଲ କରି ରଖିଥିଲେ । ତେବେ ମାମଲାରେ ଶେଷରେ ହାଇକୋର୍ଟଙ୍କ ନିର୍ଦ୍ଦେଶ ବଳରେ ଗୋପ ତହସିଲଦାର ଜୟଦର୍ଥ ଆଚାର୍ଯ୍ୟ, କୋଣାର୍କ ଆର.ଆଇ. ଯଶୋବନ୍ତ ନାୟକ ଏବଂ ସ୍ଥାନୀୟ ବାସିନ୍ଦାମାନେ ଘଟଣାସ୍ଥଳରେ ପହଞ୍ଚିଥିଲେ । ପ୍ରଶାସନ ପକ୍ଷରୁ ସେଠାରେ ନାଲି ପତାକା ଲଗାଯାଇ ଏହାକୁ ରାଜ୍ୟ ସରକାରଙ୍କ ଅଧୀନକୁ ଅଣାଯାଇଥିବା ସ୍ପଷ୍ଟ କରାଯାଇଛି ଏବଂ ଏହି ୧୧ ଏକରରୁ ଅଧିକ ଜମି ସରକାରୀ ଖାତାକୁ ଫେରିପାରିଛି। ତେବେ ଏସବୁ ଜମି ସରକାରୀ ଅଧିକାରକୁ ଆସିବା ଦ୍ୱାରା ଅଞ୍ଚଳର ବିକାଶ ପଥ ପରିଷ୍କାର ହୋଇଛି। ଜବରଦଖଲମୁକ୍ତ ହୋଇଥିବା ଏହି ବିରାଟ ପରିମାଣର ଜମି ଆଗାମୀ ଦିନରେ କୋଣାର୍କର ପର୍ଯ୍ୟଟନ ବିକାଶ ଏବଂ ସାଧାରଣ ଲୋକଙ୍କ ଜମି ସମସ୍ୟା ସମାଧାନରେ ବଡ଼ ଭୂମିକା ଗ୍ରହଣ କରିବା ନେଇ ଆଶା କରାଯାଉଛି । Also Read: ଓଡ଼ିଶାରେ ବଡ଼ ପୁଞ୍ଜିନିବେଶ ଆଶା ! POSCO ଓ JSW ଗ୍ରୁପ୍ ସହ ଆଲୋଚନା ଏହି ପ୍ରସଙ୍ଗରେ ରାଜସ୍ୱ ମନ୍ତ୍ରୀ କହିଛନ୍ତି, କୋଣାର୍କ ସୂର୍ଯ୍ୟମନ୍ଦିର ସମ୍ମୁଖରେ ଥିବା ପ୍ରାୟ ୧୧ ଏକରର ବହୁମୂଲ୍ୟ ଜମି ଦୀର୍ଘ ଦିନର ବିବାଦ ପରେ ପୁଣି ସରକାରୀ ଖାତାକୁ ଫେରିଛି। ଏହି ଜମିକୁ ନେଇ କୋର୍ଟରେ ମାମଲା ଚାଲିଥିଲା। ଦୀର୍ଘ ଦିନ ଧରି ଚାଲିଥିବା ଆଇନଗତ ପ୍ରକ୍ରିୟାର ଅନ୍ତ ଘଟାଇ ପ୍ରଶାସନ ପକ୍ଷରୁ ଏହି ବହୁମୂଲ୍ୟ ସରକାରୀ ଜମିକୁ ସଫଳତାର ସହ ନିଜ ଅଧୀନକୁ ନିଆଯାଇଛି ଏବଂ ସରକାରୀ ରେକର୍ଡରେ ଏହାକୁ ସାମିଲ କରାଯାଇଛି। ରାଜସ୍ୱ ମନ୍ତ୍ରୀ କହିଛନ୍ତି ଯେତେ ପ୍ରଭାବ ଶାଳୀ ଲୋକ ହୁଅନ୍ତୁ ନା କାହିଁକି, ଯିଏ ବି ସରକାରୀ ଜମି ବେଆଇନ ଭାବରେ ମାଡ଼ି ବସିଥିବ ସରକାର ତାକୁ ଫେରାଇ ଆଣିବେ । ଏହି ପ୍ରକ୍ରିୟା ଆରମ୍ଭ ହୋଇଛି । ଆଗକୁ ବହୁତ ଜମି ଫେରିବ । ]]> Fri, 23 Oct 2026 16:28:12 +0530 https://www.prameyanews7.com/two-bodies-found-in-baitarani-river-in-odisha https://www.prameyanews7.com/two-bodies-found-in-baitarani-river-in-odisha ବଡ଼ବିଲ ୨୩।୧୦ :  ନଦୀରୁ ମିଳିଲା ଦୁଇ ମୃତଦେହ । ବୈତରଣୀ ନଦୀରୁ ମିଳିଲା ଦୁଇଟି ମୃତଦେହ । ଜଣେ ପାଣିରେ ବୁଡ଼ିବା ଲାଗି ମୃତ୍ୟୁ ହୋଇଥିବା ବେଳେ ଅନ୍ୟ ଜଣଙ୍କୁ ହତ୍ୟା କରି ପୋଡି ଫିଙ୍ଗି ଦେଇଥିବା ସନ୍ଦେହ କରାଯାଉଛି । ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରି ଛାନ୍‌ଭିନ୍‌ କରୁଛି । ଖବର ଅନୁଯାୟୀ, କେନ୍ଦୁଝର ଜିଲ୍ଲା ଯୋଡ଼ା ଥାନା ଇଙ୍ଗାନୀଝରଣ ନିକଟସ୍ଥ ପିଛଲା ଘାଟ ବୈତରଣୀ ନଦୀ କୂଳରୁ ପୋଲିସ ଦୁଇଟି ମୃତଦେହ ଠାବ କରିଛି। ଉଦ୍ଧାର ହୋଇଥିବା ଦୁଇଟି ମୃତଦେହ ମଧ୍ୟରୁ ଜଣଙ୍କର ପରିଚୟ ମିଳିଥିବା ବେଳେ ଅନ୍ୟ ଜଣଙ୍କ ପରିଚୟ ଏପର୍ଯ୍ୟନ୍ତ ଅସ୍ପଷ୍ଟ ରହିଛି। ଅଜଣା ବ୍ୟକ୍ତିଙ୍କୁ ହତ୍ୟା ପରେ ପ୍ରମାଣ ନଷ୍ଟ ଉଦ୍ଦେଶ୍ୟରେ ନଦୀରେ ଫିଙ୍ଗି ଦିଆଯାଇଥିବା ସନ୍ଦେହ କରାଯାଉଛି। ତେବେ ଚିହ୍ନଟ ହୋଇଥିବା ମୃତକ ଜଣକ ହେଲେ ବାମେବାରୀ ଥାନା ଅନ୍ତର୍ଗତ ଜୁରୁଡ଼ି ପେଣ୍ଠେଇ ବସ୍ତିର ୪୫ ବର୍ଷୀୟ ସନାତନ ପେଣ୍ଠେଇ ।  ଗତ ୨୧ ତାରିଖ ବୁଧବାର ସନାତନ ସାଙ୍ଗମାନଙ୍କ ସହ ଗୁରୁବେଡ଼ା ସ୍ଥିତ ବୈତରଣୀ ନଦୀକୁ ଗାଧୋଇବାକୁ ଯାଇଥିଲେ । ଗାଧୋଇବା ସମୟରେ ପାଣି ସୁଅରେ ଭାସି ନିଖୋଜ ହୋଇଯାଇଥିଲେ। ମୃତଦେହଟି ଭାସି କୂଳରେ ଲାଗିଥିବା ଅନୁମାନ କରାଯାଉଛି । ଅଗ୍ନିଶମ ବାହିନୀର ସହାୟତାରେ ନଦୀରୁ ସନାତନଙ୍କ ମୃତଦେହ  ଉଦ୍ଧାର କରାଯାଇଛି। ବାମେବାରୀ ପୋଲିସ ମୃତଦେହକୁ ଉଦ୍ଧାର ପରେ ବ୍ୟବଚ୍ଛେଦ ପାଇଁ ପଠାଇଛି । Also Read:-ରବିବାର ଓଡ଼ିଶା ଗସ୍ତରେ ଆସିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ଜାଣନ୍ତୁ ପୂରା କାର୍ଯ୍ୟସୂଚୀ ଅନ୍ୟପଟେ ନଦୀର ଅପର ପାର୍ଶ୍ୱରେ ଭାସୁଥିବା ୨ୟ ମୃତଦେହଟି ଏକ ଅଜଣା ବ୍ୟକ୍ତିଙ୍କର । ତାଙ୍କ ଦୁଇ ହାତ ପଛପଟକୁ ବନ୍ଧା ହୋଇଥିବା ସହ ଶରୀରଟି ଅର୍ଦ୍ଧଦଗ୍ଧ ଅବସ୍ଥାରେ ନଦୀରେ ଭାସୁଥିବା ଦେଖିବାକୁ ମିଳିଛି । ନଦୀ କୂଳର ପଥର ଚଟାଣରେ ରକ୍ତର ଛିଟା ଏବଂ ପୋଡ଼ା ପାଉଁଶ ପଡ଼ିଥିବା ଦେଖିବାକୁ ମିଳିଛି ।  ଉକ୍ତ ବ୍ୟକ୍ତିଙ୍କୁ ପ୍ରଥମେ ହତ୍ୟା କରାଯାଇ ପ୍ରମାଣ ନଷ୍ଟ କରିବାକୁ ଚେଷ୍ଟା କରାଯାଇଥିଲା । ପରେ ମୃତଦେହକୁ ନଦୀକୁ ଫିଙ୍ଗି ଦିଆଯାଇଛି। ଏହି ଘଟଣାରେ ଯୋଡ଼ା ଥାନା ଆଇଆଇସି ଓ ଅନ୍ୟ ପୋଲିସ ଅଧିକାରୀ ଘଟଣାସ୍ଥଳରେ ପହଞ୍ଚି ସ୍ଥିତି ଅନୁଧ୍ୟାନ କରିଛନ୍ତି। ଅଧିକ ତଦନ୍ତ ପାଇଁ ସାଇଣ୍ଟିଫିକ୍‌ଟିମକୁ ମଧ୍ୟ ଡକାଯାଇଛି । ଘଟଣାସ୍ଥଳରୁ ରକ୍ତ ଓ ଅନ୍ୟାନ୍ୟ ନମୁନା ସଂଗ୍ରହ କରାଯାଇଛି। ଏସହିତ ଅଜଣା ମୃତଦେହର ପରିଚୟ ଖୋଜିବା ଏବଂ ସମ୍ଭାବ୍ୟ ହତ୍ୟାକାଣ୍ଡର ତଦନ୍ତ ଆରମ୍ଭ କରିଛି ଯୋଡ଼ା ପୋଲିସ। ]]> Fri, 23 Oct 2026 16:27:49 +0530 https://www.prameyanews7.com/gold-silver-price-today-gold-and-silver-rates-fall-in-india https://www.prameyanews7.com/gold-silver-price-today-gold-and-silver-rates-fall-in-india ନୂଆଦିଲ୍ଲୀ: ଦୀର୍ଘ ୧୦ ମାସ ପରେ ପ୍ରଥମ ଥର ପାଇଁ ୨ ଲକ୍ଷ ତଳକୁ ଖସିଲା ରୁପା ଦର। ଇଣ୍ଡିଆ ବୁଲିଅନ ଆଣ୍ଡ ଜୁଏଲର୍ସ ଆସୋସିଏସନ(IBJA) ଅନୁସାରେ, ଶୁକ୍ରବାର ଏକ କିଲୋ ରୁପା ଦରରେ ୪,୭୫୦ ଟଙ୍କା ହ୍ରାସ ପାଇଛି। ଫଳରେ ନୂଆ ଦର କିଲୋପ୍ରତି ୧ ଲକ୍ଷ ୯୫ ହଜାର ଟଙ୍କାକୁ ଖସି ଆସିଛି। ଏହା ପୂର୍ବରୁ ଗୁରୁବାର ରୁପା କିଲୋ ୨ ଲକ୍ଷ ଟଙ୍କା ଥିଲ। ରୁପା ଦରରେ ବଡ଼ ହ୍ରାସ ହୋଇଥିବାରୁ ଫେଷ୍ଟିଭି ସିଜନରେ ଗ୍ରାହକଙ୍କୁ କିଣିବାକୁ ଏକ ସୁବର୍ଣ୍ଣ ସୁଯୋଗ ଆଣିଛି। ଏହା ପୂର୍ବରୁ ୨୦୨୫ ଡିସେମ୍ବର ୧୭ ତାରିଖରେ ରୁପା ଦାମ ପ୍ରଥମ ଥର ପାଇଁ ୨ ଲକ୍ଷ ପାର୍ ହୋଇଥିଲା। ଯାହା ୨୦୨୬ ଜାନୁଆରୀ ବେଳକୁ ସାଢ଼େ ୩ ଲକ୍ଷ ପାର୍ ହୋଇଯାଇଥିଲା। କିନ୍ତୁ ବର୍ଷ ଶେଷ ବେଳକୁ ରୁପା ଦରରେ ଏତେବଡ଼ ହ୍ରାସ ସମସ୍ତଙ୍କୁ ଆଶ୍ଚର୍ଯ୍ୟ କରିଛି। ସେହିପରି ଆଜି ସୁନା ଦରରେ ମଧ୍ୟ ହ୍ରାସ ଦେଖିବାକୁ ମିଳିଛି। ୧୦ ଗ୍ରାମ ୨୪ କ୍ୟାରେଟ ସୁନା ଦରରେ ୧୨୪୬ ଟଙ୍କା ହ୍ରାସ ପାଇ ଦାମ ୧ ଲକ୍ଷ ୪୧ ହଜାର ଟଙ୍କାକୁ କମିଛି। ଏହା ପୂର୍ବରୁ ଅକ୍ଟୋବର ୨୨ ତାରିଖରେ ସୁନା ଦର ୧ ଲକ୍ଷ ୪୩ ହଜାର ଟଙ୍କା ଥିଲା। ଗତ ୪ ଦିନ ହେଲାଣି ସୁନା ଦରରେ ଲଗାତର ହ୍ରାସ ଯୋଗୁ ଏହି ଧାତୁର ମୂଲ୍ୟରେ ୪,୯୭୮ ଟଙ୍କା ଶସ୍ତା ହୋଇଛି। ସେହିପରି ରୁପା ଦରରେ ୧୫,୮୯୧ ଟଙ୍କା ହ୍ରାସ ପାଇଛି। ୧୬ ଅକ୍ଟୋବରରେ ସୁନା ୧.୪୬ ଲକ୍ଷ ଟଙ୍କା ଓ ରୁପା ୨.୧୦ ଲକ୍ଷ ଟଙ୍କା ଥିଲା।ସର୍ବୋଚ୍ଚ ସ୍ତରରୁ ୧.୮୫ ଲକ୍ଷ ଟଙ୍କା କମିଲାଣି ରୁପା ଚଳିତ ବର୍ଷ ସୁନା-ରୁପା ଦରରେ ନିୟମିତ ଅପଡାଉନ ଜାରି ରହିଛି। ୨୦୨୫ ଡିସେମ୍ବର ୩୧ ତାରିଖରେ ସୁନା ଦର ୨.୩୦ ଲକ୍ଷ ଟଙ୍କା ଥିଲା। ଯାହା ୨୯ ଜାନୁଆରୀ ୨୦୨୬ରେ ୩ ଲକ୍ଷ ୮୬ ହଜାରର ସର୍ବୋଚ୍ଚ ସ୍ତର ଛୁଇଁଥିଲା। ସେବେଠାରୁ ଏପର୍ଯ୍ୟନ୍ତ ରୁପା ୧.୮୫ ଲକ୍ଷ ଟଙ୍କା ପର୍ଯ୍ୟନ୍ତ ଶସ୍ତା ହେଲାଣି। ସେହିପରି ସୁନା କଥା ଯଦି ଦେଖିବା ତେବେ ୩୧ ଡିସେମ୍ବର ୨୦୨୫ରେ ସୁନା ଦର ୧ ଲକ୍ଷ ୩୩ ହଜାର ଟଙ୍କା ଥିଲା। ଯାହା ଚଳିତ ବର୍ଷ ଜାନୁଆରେ ୨୯ ତାରିଖରେ ୧.୭୬ ଲକ୍ଷକୁ ବୃଦ୍ଧି ପାଇଥିଲା। ଯାହା ଏହି ଧାତୁର ସର୍ବୋଚ୍ଚ ସ୍ତର ଥିଲା। ଆଉ ବର୍ତ୍ତମାନ ଏହାର ଦର ୧ ଲକ୍ଷ ୪୧ ହଜାର ଟଙ୍କାକୁ ହ୍ରାସ ପାଇଛି। ଅର୍ଥାତ୍ ସୁନା ଦରରେ ୩୫ ହଜାର ଟଙ୍କାର ହ୍ରାସ ଦେଖିବାକୁ ମିଳିଛି। ]]> Fri, 23 Oct 2026 17:23:17 +0530 https://www.prameyanews7.com/odisha-govt-holds-high-level-meeting-regarding-potential-cyclone https://www.prameyanews7.com/odisha-govt-holds-high-level-meeting-regarding-potential-cyclone ଭୁବନେଶ୍ବର ୨୩।୧୦: ସମ୍ଭାବ୍ୟ ବାତ୍ୟାକୁ ନେଇ ରାଜ୍ୟ ସରକାର ଡାକିଲେ ଉଚ୍ଚସ୍ତରୀୟ ସମୀକ୍ଷା ବୈଠକ । ଅପରାହ୍ନ ୪ଟାରେ ରାଜସ୍ୱ ମନ୍ତ୍ରୀଙ୍କ ଅଧ୍ୟକ୍ଷତାରେ ବସିବାକୁ ଥିବା ଏହି ବୈଠକରେ ମୁଖ୍ୟ ଶାସନ ସଚିବ, ଏସଆରସି ଓ ୧୬ ଜିଲ୍ଲାର ଜିଲ୍ଲାପାଳ ଉପସ୍ଥିତ ରହିବେ । ଏହି ବୈଠକରେ ମୁକାବିଲା ନେଇ ପ୍ରସ୍ତୁତ ହେବ ରୋଡ୍ ମ୍ୟାପ୍ । ସବୁ ପ୍ରକାର ପ୍ରାକୃତିକ ବିପର୍ଯ୍ୟୟ ମୁକାବିଲା ପାଇଁ ସରକାର ପ୍ରସ୍ତୁତ ଅଛନ୍ତି । ପ୍ରାରମ୍ଭିକ ପ୍ରସ୍ତୁତିର ସମୀକ୍ଷା ହେବ । ସମ୍ଭାବ୍ୟ ବାତ୍ୟାର ଗତିପଥ, ଏହାର ପ୍ରଭାବକୁ ନେଇ ବି ଆଲୋଚନା ହେବ । ଜିଲ୍ଲା ପ୍ରଶାସନ ପ୍ରସ୍ତୁତ ଅଛି, ଲୋକେ ଭୟଭୀତ ହୁଅନ୍ତୁ ନାହିଁ ବୋଲି ରାଜସ୍ବ ମନ୍ତ୍ରୀ କହିଛନ୍ତି । ]]> Fri, 23 Oct 2026 16:16:06 +0530 https://www.prameyanews7.com/namashi-chakraborty-casting-couch-revelation-bollywood https://www.prameyanews7.com/namashi-chakraborty-casting-couch-revelation-bollywood ମୁମ୍ବାଇ: ବଲିଉଡରେ କାଷ୍ଟିଂ କାଉଚ୍କୁ ନେଇ ପୁଣି ଚର୍ଚ୍ଚା ଆରମ୍ଭ । ବରିଷ୍ଠ ଅଭିନେତା ମିଥୁନ ଚକ୍ରବର୍ତ୍ତୀଙ୍କ ପୁଅ ତଥା ଅଭିନେତା ନମାଶୀ ଚକ୍ରବର୍ତ୍ତୀ ନିଜ ସଂଘର୍ଷମୟ କ୍ୟାରିୟରର ଏକ ଖରାପ ଅନୁଭୂତି ବିଷୟରେ ସମସ୍ତଙ୍କୁ ଜଣାଇଛନ୍ତି । ନିଜ ଅଭିନୟ କ୍ୟାରିୟର ଆରମ୍ଭ ସମୟରେ ସେ ଅନେକ ଅସୁବିଧାର ସାମ୍ନା କରିଛନ୍ତି । ତନ୍ମଧ୍ୟରୁ ସେ ଏକ ଆଶ୍ଚର୍ଯ୍ୟକର ଘଟଣା ବିଷୟରେ କହିଛନ୍ତି । ଯେଉଁଥିରେ ଜଣେ ୬୫ ବର୍ଷୀୟ ବ୍ୟକ୍ତି ତାଙ୍କୁ ଫିଲ୍ମରେ କାମ ଦେବାର ଲାଳସା ଦେଖାଇ କିପରି ରାତି ୧୧ଟାରେ ରୁମ୍କୁ ଆସିବାକୁ କହିବା ସହ ଅଶ୍ଳୀଳ ମେସେଜ୍ ପଠାଇଥିଲେ ସେନେଇ ସେ ଦାବି କରିଛନ୍ତି। ନମାଶୀଙ୍କ କହିବା ଅନୁସାରେ, ଅଭିନୟ ଜଗତରେ ନିଜର ପରିଚୟ ସୃଷ୍ଟି କରିବା ପାଇଁ ସେ ଅନେକ ଅଡିସନ୍ ଦେଇଥିଲେ। ଏହି ସମୟରେ ତାଙ୍କୁ ଜଣେ ବୟସ୍କ ବ୍ୟକ୍ତିଙ୍କ ଅସ୍ୱାଭାବିକ ଆଚରଣର ସାମ୍ନା କରିବାକୁ ପଡ଼ିଥିଲା। ଉକ୍ତ ବ୍ୟକ୍ତି ତାଙ୍କୁ ରାତି ୧୧ଟାରେ ରୁମ୍କୁ ଆସି ଦେଖା କରିବାକୁ କହିଥିଲେ। ଏପରି ନକଲେ ଫିଲ୍ମରେ କାମ ମିଳିବ ନାହିଁ ବୋଲି ମଧ୍ୟ କହିଥିବା ନମାଶୀ ଅଭିଯୋଗ କରିଛନ୍ତି। ଏହା ସହ ତାଙ୍କୁ ଅଶ୍ଳୀଳ ମେସେଜ୍ ମଧ୍ୟ ପଠାଯାଇଥିଲା ବୋଲି ସେ କହିଛନ୍ତି। ଏହି ଘଟଣା ସମ୍ପର୍କରେ ନମାଶୀ ନିଜ ବାପା ମିଥୁନ ଚକ୍ରବର୍ତ୍ତୀଙ୍କୁ ସବୁ କଥା ଜଣାଇଥିଲେ। ରିପୋର୍ଟ ଅନୁସାରେ, ମିଥୁନ ତାଙ୍କୁ ଏହି ଘଟଣାକୁ ଅଣଦେଖା କରିବାକୁ ପରାମର୍ଶ ଦେଇଥିଲେ। ପରେ ସେ ଉକ୍ତ ବ୍ୟକ୍ତିଙ୍କୁ ନିଜକୁ ମିଥୁନ ଚକ୍ରବର୍ତ୍ତୀଙ୍କ ପୁଅ ବୋଲି ଜଣାଇଥିଲେ। ଏହା ଜାଣିବା ପରେ ବ୍ୟକ୍ତି ଜଣକ ଭୟଭୀତ ହୋଇ ନମାଶୀଙ୍କୁ କ୍ଷମା ମାଗିଥିବା ସେ କହିଛନ୍ତି । ଏହି ଘଟଣା ନମାଶୀଙ୍କୁ ଗଭୀରଚିନ୍ତାରେ ପକାଇଥିଲା । ତାଙ୍କ କହିବା ଅନୁସାରେ, ଯଦି ତାଙ୍କ ସ୍ଥାନରେ କୌଣସି ସାଧାରଣ ଯୁବକ ଥାଆନ୍ତେ, ତେବେ ତାଙ୍କ ପାଇଁ ପରିସ୍ଥିତି କେତେ ଜଟିଳ ହୋଇଥାଆନ୍ତା, ତାହା ଭାବି ସେ ଚିନ୍ତିତ ହୋଇଥିଲେ। ନମାଶୀଙ୍କ ଏହି ଅନୁଭୂତି ପୁଣି ଥରେ ଫିଲ୍ମ ଇଣ୍ଡଷ୍ଟ୍ରିରେ କାମ ପାଇବା ପାଇଁ ସଂଘର୍ଷ କରୁଥିବା ନୂଆ କଳାକାରଙ୍କ ସୁରକ୍ଷା ଓ କାଷ୍ଟିଂ କାଉଚ୍ ଭଳି ସମସ୍ୟାକୁ ନେଇ ଆଲୋଚନା ଆରମ୍ଭ କରିଛି। ସୂଚନା ଥାଉ କି, ନମାଶୀ ଚକ୍ରବର୍ତ୍ତୀ ୨୦୨୩ରେ 'Bad Boy' ଫିଲ୍ମ ମାଧ୍ୟମରେ ଅଭିନୟ ଜଗତରେ ପାଦ ରଖିଥିଲେ। ଷ୍ଟାର୍ କିଡ୍ ହୋଇଥିଲେ ମଧ୍ୟ ନିଜର ସ୍ୱତନ୍ତ୍ର ପରିଚୟ ଗଢ଼ିବା ପାଇଁ ତାଙ୍କୁ ଅନେକ ଅଡିସନ୍ ଓ ରିଜେକ୍ଟର ସାମ୍ନା କରିବାକୁ ପଡ଼ିଥିବା କଥା ସେ ବିଭିନ୍ନ ସାକ୍ଷାତକାରରେ କହିଛନ୍ତି। ]]> Fri, 23 Oct 2026 15:47:21 +0530 https://www.prameyanews7.com/viral-maa-durga-emotional-farewell-raipur https://www.prameyanews7.com/viral-maa-durga-emotional-farewell-raipur ରାୟପୁର : କିଛି ଚିତ୍ର ଆଖିକୁ ଆକର୍ଷିତ କରିଥାଏ । ଆଉ କିଛି ମନର ଗଭୀରତାକୁ ଛୁଇଁଯାଇଥାଏ । ଠିକ ସେହିଭଳି ମାଙ୍କ ଏକ ଅପୂର୍ବ ସୁନ୍ଦର ମୂର୍ତ୍ତି ଲୋକଙ୍କ ମନକୁ ଖୁବ ଆକର୍ଷିତ କରିଛି । ଯାହା ଭକ୍ତମାନଙ୍କୁ ଭାବପ୍ରବଣ କରି ସୋସିଆଲ ମିଡିଆରେ ଆକର୍ଷଣର କେନ୍ଦ୍ରବିନ୍ଦୁ ପାଲଟିଛି । ସୋସିଆଲ ମିଡିଆରେ ଫୋନ ସ୍କ୍ରୋଲ କରୁ କରୁ ଆଖି ଆଗକୁ ଚାଲି ଆସୁଛି ମା'ଙ୍କ ସେହି ଦିବ୍ୟ ପ୍ରତିମା ରୂପ । ମାଙ୍କ ଏପରି ଦିବ୍ୟ ଓ ଜୀବନ୍ତ ରୂପକୁ ଦେଖିଲେ ଆପଣଙ୍କ ଆଖି ମଧ୍ୟ ଛଳଛଳ ହୋଇଯିବ, ଆଉ ହୃଦୟରେ ଭରିଯିବ ଅପାର ଭକ୍ତି ଓ ଶ୍ରଦ୍ଧା । ମା’ ଜଗତ୍ଜନନୀଙ୍କ ଏହି ଅନନ୍ୟ ପ୍ରତିମା ଏବେ ‘ଭାଇରାଲ୍ ମା’ ଦୁର୍ଗା’ ନାମରେ ବେଶ ଚର୍ଚ୍ଚାରେ। ମା’ଙ୍କ ମୁଖମଣ୍ଡଳର ଦିବ୍ୟ ଜ୍ୟୋତି, ଜୀବନ୍ତ ନୟନ ଏବଂ ଅତି ସୂକ୍ଷ୍ମ କାରୁକାର୍ଯ୍ୟ ଦେଖି ଭକ୍ତମାନେ ବିମୋହିତ। ନିକଟରେ ସରିଛି ଶାରଦୀୟ ଦୁର୍ଗାପୂଜା ଆଉ ହିନ୍ଦୁ ପରମ୍ପରା ଅନୁଯାଇ ମାଙ୍କୁ ଦିଆଯାଇଛି ମେଲାଣ | କିନ୍ତୁ ଏପଟେ ଶୁଖୁନି ଭକ୍ତଙ୍କ ଆଖିରୁ ଲୁହ । ତେବେ କାହିଁକି ଏକ ମୂର୍ତ୍ତିକୁ ନେଇ ଲୋକେ ଏଟେ ଭାବବିହ୍ୱଳ ? କ’ଣ ରହିଛି ଏହି ପ୍ରତିମାର ବିଶେଷତ୍ୱ? କାହିଁକି ସୋସିଆଲ୍ ମିଡିଆରେ ଏହାକୁ ନେଇ ଏତେ ଚର୍ଚ୍ଚା? ଆସନ୍ତୁ, ଜାଣିବା ମା’ଙ୍କ ଏହି ମନମୋହକ ରୂପ ଏବଂ ଏହା ପଛରେ ଥିବା ଆକର୍ଷଣୀୟ କାହାଣୀ। ରାୟପୁରର ଭାଇରଲ ମା' ଦୁର୍ଗାଙ୍କ ମୂର୍ତ୍ତି । ଆଉ ମାଙ୍କ ବିସର୍ଜନକୁ ନେଇ ଭାବୁକ ସମଗ୍ର ଦେଶବାସୀ । ଚଳିତବର୍ଷ ଦଶହରାରେ ଛତିଶଗଡ଼ ରାୟପୁରରରେ ସ୍ଥାପିତ ହୋଇଥିଲା ମା’ ଦୁର୍ଗାଙ୍କ ଏକ ଦିବ୍ୟ ପ୍ରତିମା ଯାହା ଏବେ ଭକ୍ତି ଓ କଳାର ଏକ ଅନନ୍ୟ ଉଦାହରଣ ପାଲଟିଛି । ମାଙ୍କ ଏହି ଅନନ୍ୟ ପ୍ରତିମା ନିଜର ଜୀବନ୍ତ ରୂପ ଓ ଅଦ୍ଭୁତ କାରୁକାର୍ଯ୍ୟ ପାଇଁ ଲୋକଙ୍କ ମନ ଜିଣିଛି । ଗତକାଲି ଭସାଣିରେ ମାଙ୍କୁ ଭାବବିହ୍ୱଳ ବିଦାୟ ଦିଆଯାଇଛି । ମାଙ୍କୁ ମେଲାଣି ଦେଲାବେଳେ କାହାରି ଆଖିରେ ଲୁହ ଅଟକିପାରିନଥିଲା । ସମସ୍ତଙ୍କ ଆଖିରେ ଲୁହରେ ଛଳଛଳ । କେହି କେହି ତ ମାଙ୍କୁ ମେଲାଣି ନଦେବାକୁ ମଧ୍ୟ ଅପିଲ କରିଥିଲେ । ମାଙ୍କ ଏହି ମୂର୍ତ୍ତି ଦେଖିବାକୁ ଏତେ ସୁନ୍ଦର ଓ ଜୀବନ୍ତ ହୋଇଥିଲା ଯେ ସୋସିଆଲ ମିଡିଆରେ ଅନେକ ଲୋକଙ୍କ ପ୍ରତିକ୍ରିୟା ଦେଖିବାକୁ ମିଳିଥିଲା । କୋମଳ ଦୃଷ୍ଟି, ମୁଖମଣ୍ଡଳର ବର୍ଣ୍ଣ, ସୁନା ଅଳଙ୍କାର, ସୂକ୍ଷ୍ମ ଖୋଦିତ କାରୁକାର୍ଯ୍ୟ ଏବଂ ଲାଲ୍ ବନାରସୀ ଶାଢ଼ିରେ ସଜ୍ଜିତ ମା’ ଦୁର୍ଗାଙ୍କ ସିଂହ ଉପରେ ବିରାଜମାନ ଅତ୍ୟନ୍ତ ମନୋରମ ଥିଲା । ଯାହାକୁ ଦେଖି ସେଠାରେ ଅଟକି ଯାଉଥିଲେ ଦର୍ଶକ । ସ୍ଥାନୀୟ ଖବର ଅନୁସାରେ, ଗୌରା-ଗୌରୀ ସମିତି ଏହି ଆୟୋଜନରେ ଗୁରୁତ୍ୱପୂର୍ଣ୍ଣ ଭୂମିକା ନେଇଥିଲା। ଏହି ଖବରର ସବୁଠାରୁ ଆକର୍ଷଣୀୟ ଦିଗ ହେଉଛି ପ୍ରତିମା ପଛରେ ଥିବା ଶିଳ୍ପୀଙ୍କ କାହାଣୀ। ମୂର୍ତ୍ତିକୁ ନିଜ ହାତରେ ଗଢି ଜୀବନ୍ତ ରୂପ ଦେଇଥିଲେ ଦୁଇ ଭାଇ ଯେ କି ଥିଲେ ମୂର୍ତ୍ତିକାର | ରିପୋର୍ଟ ଅନୁସାରେ, ଦୁଇ ଭାଇଙ୍କ ନାମ ଲକ୍ଷ୍ମୀ ନାରାୟଣ ଚକ୍ରଧାରୀ ଓ ପରମେଶ୍ୱର ଚକ୍ରଧାରୀ। ଯିଏକି ଦୁଇ ମାସର ପରିଶ୍ରମରେ ଏହି ପ୍ରତିମା ତିଆରି କରିଥିଲେ | ଯାହାର ଭିଡିଓ ସୋସିଆଲ ମିଡିଆରେ ଏବେ ୪୮ ଲକ୍ଷ ଭ୍ୟୁଜ୍ ଛୁଇଁଛି । ପ୍ରକୃତରେ ମା’ଙ୍କ ମୁଖମଣ୍ଡଳର ଅପୂର୍ବ ସୌନ୍ଦର୍ଯ୍ୟ, ଭାବପୂର୍ଣ୍ଣ ନୟନ ଏବଂ ଦିବ୍ୟ ଚାହାଣୀ ଦେଖିଲେ ଏପରି ଅନୁଭବ ହେଉଥିଲା , ଯେପରି ସ୍ୱୟଂ ମା’ ଦୁର୍ଗା ନିଜ ଭକ୍ତମାନଙ୍କୁ ଦର୍ଶନ ଦେବା ପାଇଁ ଧରାପୃଷ୍ଠକୁ ଓହ୍ଲାଇ ଆସିଥିଲେ । ପ୍ରତିମାର ପ୍ରତ୍ୟେକ ସୂକ୍ଷ୍ମ କାରୁକାର୍ଯ୍ୟ ଶିଳ୍ପୀଙ୍କ ଅସାଧାରଣ ପ୍ରତିଭା ଓ ନିଷ୍ଠାର ପରିଚୟ ଦେଉଥିଲା । ଇନ୍ଷ୍ଟାଗ୍ରାମ୍, ଫେସବୁକ୍ ଏବଂ ୟୁଟ୍ୟୁବ୍ରେ ଏହି ପ୍ରତିମାକୁ ନେଇ ବ୍ୟାପକ ଚର୍ଚ୍ଚା ହେଉଛି। ମା’ଙ୍କ ଦର୍ଶନ ପାଇଁ ପୂଜା ମଣ୍ଡପରେ ଦୂରଦୂରାନ୍ତରୁ ଭକ୍ତଙ୍କ ଭିଡ଼ ଜମିଥିଲା । କିନ୍ତୁ ଗତକାଲି ଯେବେ ମାଙ୍କୁ ପୂଜାର୍ଚନା କରାଯାଇ ଶେଷ ବିଦାୟ ଦିଆଗଲା ସେବେ ସମସ୍ତଙ୍କ ଆଖି ଛଳଛଳ ହୋଇଯାଇଥିଲା । ମାଙ୍କୁ ଭାବବିହ୍ୱଳ ବିଦାୟ ଦେବାବେଳେ ଦର୍ଶକଙ୍କ ଭକ୍ତିଭାବ ପୂର୍ଣ୍ଣ ଶ୍ରଦ୍ଧା ସାରା ଇଣ୍ଟରନେଟରେ ଭାଇରଲ କରିଛି । ମାଙ୍କ ଏହି ପ୍ରତିମା କେବଳ ଏକ ମୂର୍ତ୍ତି ନଥିଲା , ବରଂ ଅସଂଖ୍ୟ ଭକ୍ତଙ୍କ ବିଶ୍ୱାସ, ଭାବନା ଓ ଆଦିଶକ୍ତି ପ୍ରତି ଅସୀମ ଶ୍ରଦ୍ଧାର ପ୍ରତୀକ ଅଟେ । ]]> Fri, 23 Oct 2026 15:20:17 +0530 https://www.prameyanews7.com/prime-minister-narendra-modi-will-visit-odisha-on-sunday https://www.prameyanews7.com/prime-minister-narendra-modi-will-visit-odisha-on-sunday ଭୁବନେଶ୍ବର ୨୩।୧୦: ଆସନ୍ତା ୨୫ତାରିଖରେ ଓଡ଼ିଶା ଗସ୍ତରେ ଆସୁଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏହି ଗସ୍ତରେ ପ୍ରଧାନମନ୍ତ୍ରୀ ୨ ଘଣ୍ଟା ୨୫ ମିନିଟ୍ ଓଡ଼ିଶାରେ ରହିବେ । ରବିବାର ଅପରାହ୍ନ ୪ଟା ୧୦ରେ ଭୁବନେଶ୍ୱର ବିମାନବନ୍ଦରରେ ପହଞ୍ଚିବେ ମୋଦି । ସେଠାରେ ତାଙ୍କୁ ହଜାର ହଜାର କାର୍ଯ୍ୟକର୍ତ୍ତା ସ୍ୱାଗତ କରିବେ । Also Read:- ଓଡ଼ିଶାରେ ବଡ଼ ପୁଞ୍ଜିନିବେଶ ଆଶା ! POSCO ଓ JSW ଗ୍ରୁପ୍ ସହ ଆଲୋଚନା ଏହାପରେ ସ୍ୱତନ୍ତ୍ର ହେଲିକପ୍ଟର ଯୋଗେ ଖୋର୍ଦ୍ଧା ହେଲିପ୍ୟାଡ଼ ଯିବେ । ସେଠାରେ ୪ଟା ୩୫ରେ ପହଞ୍ଚିବେ । ଆରବିଆଇର ଗ୍ରୀନ୍ ଫିଲ୍ଡ ଡାଟା ସେଣ୍ଟର ଉଦଘାଟନ କାର୍ଯ୍ୟକ୍ରମରେ ୪ ଟା ୪୫ମିନିଟରେ ପହଞ୍ଚି ସେଠାରେ ପ୍ରାୟ ୧ ଘଣ୍ଟା ରହିବେ । ଗ୍ରୀନ ଫିଲ୍ଡ ଡାଟା ସେଣ୍ଟର ଉଦଘାଟନ ସହ ଅଭିଭାଷଣ ଦେବାର କାର୍ଯ୍ୟକ୍ରମ ରହିଛି । ୫ ଟା ୪୫ ସେଠାରୁ ଆସି ଭୁବନେଶ୍ୱର ବିମାନବନ୍ଦରରେ ପହଞ୍ଚିବେ । ସନ୍ଧ୍ୟା ୬ଟା ୩୫ ମିନିଟରେ ଭୁବନେଶ୍ୱରରୁ ଦିଲ୍ଲୀ ଫେରିଯିବେ । Watch Video: ]]> Fri, 23 Oct 2026 15:45:04 +0530 https://www.prameyanews7.com/a-delegation-from-odisha-govt-held-discussions-with-top-leadership-of-posco-and-jsw-groups https://www.prameyanews7.com/a-delegation-from-odisha-govt-held-discussions-with-top-leadership-of-posco-and-jsw-groups ଭୁବନେଶ୍ବର ୨୩।୧୦: ଓଡ଼ିଶାକୁ ଏକ ପ୍ରମୁଖ ଶିଳ୍ପ ଓ ପୁଞ୍ଜିନିବେଶ କେନ୍ଦ୍ର ଭାବେ ଗଢ଼ିତୋଳିବା ଲକ୍ଷ୍ୟରେ ମୁମ୍ବାଇ ଗସ୍ତର ତୃତୀୟ ଦିନରେ POSCO ଓ JSW ଗ୍ରୁପ୍ର ଶୀର୍ଷ ନେତୃତ୍ୱଙ୍କ ସହ ଆଲୋଚନା କରିଛନ୍ତି ଓଡ଼ିଶା ସରକାରଙ୍କ ପ୍ରତିନିଧିମଣ୍ଡଳୀ । ଏହି ବୈଠକରେ POSCO Indiaର ମୁଖ୍ୟ ଏସ୍ . ଏଲ୍ . ଚୁନ୍, ମୁମ୍ବାଇ କାର୍ଯ୍ୟାଳୟର ପରିଚାଳନା ନିର୍ଦ୍ଦେଶକ Jacy Kim ଏବଂ JSW ଗ୍ରୁପ୍ ଅଧ୍ୟକ୍ଷ ସଜ୍ଜନ ଜିନ୍ଦଲ ଯୋଗ ଦେଇଥିଲେ । ସୌହାର୍ଦ୍ଦ୍ୟପୂର୍ଣ୍ଣ ପରିବେଶରେ ହୋଇଥିବା ଏହି ଆଲୋଚନାରେ ଓଡ଼ିଶାରେ ଶିଳ୍ପ ବିକାଶ, ପୁଞ୍ଜିନିବେଶ ଏବଂ ନୂତନ ନିଯୁକ୍ତି ସୁଯୋଗ ସୃଷ୍ଟିର ସମ୍ଭାବନା ନେଇ ଆଶା ସୃଷ୍ଟି ହୋଇଛି । ଏହି ଅବସରରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ କହିଛନ୍ତି, ଓଡ଼ିଶା ଶିଳ୍ପାୟନ ଓ ପୁଞ୍ଜିନିବେଶ ପାଇଁ ଏକ ଅନୁକୂଳ ଗନ୍ତବ୍ୟସ୍ଥଳ । ଆମ ସରକାର ନିବେଶକମାନଙ୍କୁ ଆବଶ୍ୟକ ସହଯୋଗ, ସୁବିଧା ଓ ଅନୁକୂଳ ପରିବେଶ ଯୋଗାଇଦେବାକୁ ପ୍ରତିବଦ୍ଧ । ଆମର ଲକ୍ଷ୍ୟ ହେଉଛି ରାଜ୍ୟରେ ଅଧିକ ପୁଞ୍ଜିନିବେଶ ଆଣିବା, ଯୁବପିଢ଼ିଙ୍କ ପାଇଁ ନୂଆ ନିଯୁକ୍ତି ସୁଯୋଗ ସୃଷ୍ଟି କରିବା ଏବଂ ଓଡ଼ିଶାର ଅର୍ଥନୈତିକ ବିକାଶକୁ ଆହୁରି ଗତିଶୀଳ କରିବା । Also Read:- ଓଡ଼ିଶାକୁ ନୂଆ ପୁଞ୍ଜିନିବେଶ ଆଣିବାକୁ ଉଦ୍ୟମ, L&T ସହ ଶିଳ୍ପ ଆଲୋଚନା ଉପରେ ନଜର POSCO ଓ JSW ପରି ପ୍ରମୁଖ ଶିଳ୍ପଗୋଷ୍ଠୀଙ୍କ ସହ ଏହି ଆଲୋଚନା ରାଜ୍ୟର ଶିଳ୍ପ ସମ୍ଭାବନାକୁ ଆଗକୁ ନେବା ଦିଗରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ । ଏହି ଆଲୋଚନାରୁ ଓଡ଼ିଶା ପାଇଁ ସକାରାତ୍ମକ ଫଳାଫଳ ମିଳିବା ନେଇ ଆଶା ପ୍ରକାଶ ପାଇଛି । ]]> Fri, 23 Oct 2026 14:51:54 +0530 https://www.prameyanews7.com/smita-jayakar-on-salman-aishwaryas-hddcs-shoot https://www.prameyanews7.com/smita-jayakar-on-salman-aishwaryas-hddcs-shoot ମୁମ୍ଵାଇ ୨୩।୧୦; ବଲିଉଡ୍‌ର ଏକ ଚର୍ଚ୍ଚିତ ପ୍ରେମ କାହାଣୀ ସଲମାନ ଖାନ୍ ଏବଂ ଐଶ୍ୱର୍ଯ୍ୟା ରାୟ ବଚ୍ଚନଙ୍କ ସମ୍ପର୍କକୁ ନେଇ ଆଜି ମଧ୍ୟ ଚର୍ଚ୍ଚା ଥମିନାହିଁ। ଦୁହିଁଙ୍କ ପ୍ରେମ ସମ୍ପର୍କର ଅନେକ ରୋଚକ ଘଟଣା ଆଜି ବି ପ୍ରଶଂସକଙ୍କ ମନରେ ଉତ୍ସୁକତା ସୃଷ୍ଟି କରେ। ଏବେ ଏହି ପୁରୁଣା ପ୍ରେମ କାହାଣୀକୁ ନେଇ ଏକ ନୂଆ ଖୁଲାସା କରିଛନ୍ତି ଅଭିନେତ୍ରୀ ସ୍ମିତା ଜୟକର। ସଞ୍ଜୟ ଲୀଲା ଭନସାଲୀଙ୍କ ଲୋକପ୍ରିୟ ଚଳଚ୍ଚିତ୍ର ‘ହମ୍ ଦିଲ୍ ଦେ ଚୁକେ ସନମ୍’ର ସୁଟିଂ ସମୟର ଏକ ଘଟଣା ବଖାଣିଛନ୍ତି ସ୍ମିତା। ତାଙ୍କ କହିବା ଅନୁଯାୟୀ, ଚଳଚ୍ଚିତ୍ରର ‘ଆଖୋଁ କି ଗୁସ୍ତାଖିୟାଁ’ ଗୀତର ସୁଟିଂ ବେଳେ ସଲମାନ ଖାନ୍ ସ୍କ୍ରିପ୍ଟରେ ନଥିବା ଏକ କାମ କରିଥିଲେ। ସିନ୍ ଅନୁସାରେ, ସଲମାନଙ୍କୁ ଐଶ୍ୱର୍ଯ୍ୟାଙ୍କ ସାମ୍ନାରେ ଯାଇ ଛିଡ଼ା ହେବାର ଥିଲା। କିନ୍ତୁ ସେ ଯାଇ ଐଶ୍ୱର୍ଯ୍ୟାଙ୍କ ବାହୁକୁ ଛୁଇଁ ଦେଇଥିଲେ। ଏହି ଘଟଣା ଦେଖି ନିର୍ଦ୍ଦେଶକ ସଞ୍ଜୟ ଲୀଲା ଭନସାଲୀ ତୁରନ୍ତ ସଲମାନଙ୍କୁ ପ୍ରଶ୍ନ କରିଥିଲେ। ସିନ୍ରେ ଏପରି କିଛି ନଥିବା ସତ୍ତ୍ୱେ ସେ କାହିଁକି ଐଶ୍ୱର୍ଯ୍ୟାଙ୍କୁ ଛୁଇଁଲେ ବୋଲି ପଚାରିଥିଲେ। ସ୍ମିତାଙ୍କ ମତରେ, ସେହି ସମୟରେ ସଲମାନ ଐଶ୍ୱର୍ଯ୍ୟାଙ୍କ ପ୍ରେମରେ ପଡ଼ିଥିଲେ। ଏହାକୁ ସେ ଅନ୍ତରରୁ ପ୍ରେମକୁ ପ୍ରକାଶ କରିଥିଲେ। କେବଳ ଏତିକି ନୁହେଁ, ସ୍ମିତା ଏହା ମଧ୍ୟ କହିଛନ୍ତି ଯେ ଦୁହିଁଙ୍କ ମଧ୍ୟରେ ଥିବା ନିବିଡ଼ତା ସୁଟିଂ ସେଟ୍ରେ ମଧ୍ୟ ସ୍ପଷ୍ଟ ଜଣାପଡ଼ୁଥିଲା। ଏପରିକି ସକାଳ ୭ଟାରେ ସୁଟିଂ ଆରମ୍ଭ ହେବାକୁ ଥିଲେ ମଧ୍ୟ, ଅନେକ ସମୟରେ ସଲମାନ ଓ ଐଶ୍ୱର୍ଯ୍ୟା ସକାଳ ପ୍ରାୟ ୧୧ଟାରେ ପହଞ୍ଚୁଥିଲେ। ଫଳରେ ଅନ୍ୟ କଳାକାର ଓ ସୁଟିଂ ଟିମକୁ ଅପେକ୍ଷା କରିବାକୁ ପଡ଼ୁଥିଲା ବୋଲି ସେ ମନେ ପକାଇଛନ୍ତି। ‘ହମ୍ ଦିଲ୍ ଦେ ଚୁକେ ସନମ୍’ରେ ଦୁହିଁଙ୍କ ଅନସ୍କ୍ରିନ୍ କେମିଷ୍ଟ୍ରି ଦର୍ଶକଙ୍କ ମନ ଜିଣିଥିଲା। ଆଉ ଏବେ ସ୍ମିତା ଜୟକରଙ୍କ ଏହି ଖୁଲାସା ପୁଣିଥରେ ସଲମାନ ଓ ଐଶ୍ୱର୍ଯ୍ୟାଙ୍କ ପୁରୁଣା ପ୍ରେମ କାହାଣୀକୁ ଚର୍ଚ୍ଚାକୁ ଆଣିଛି। ପରଦାରେ ଦେଖାଯାଇଥିବା ପ୍ରେମ ପଛରେ ବାସ୍ତବ ଜୀବନର ଭାବନା କେତେ ଗଭୀର ଥିଲା, ତାହାକୁ ନେଇ ପୁଣି ଆରମ୍ଭ ହୋଇଛି ଆଲୋଚନା। ]]> Fri, 23 Oct 2026 14:47:50 +0530 https://www.prameyanews7.com/manorama-mohanty-said-odisha-could-experience-greater-impact-due-to-possible-cyclone https://www.prameyanews7.com/manorama-mohanty-said-odisha-could-experience-greater-impact-due-to-possible-cyclone ଭୁବନେଶ୍ବର ୨୩।୧୦: ଆସୁଛି ବାତ୍ୟା । ଏ ନେଇ ସ୍ପଷ୍ଟ କରିଛି ଭାରତୀୟ ପାଣିପାଗ ବିଭାଗ । ଆସନ୍ତା ୨୬ ତାରିଖ ବେଳକୁ ପଶ୍ଚିମ କେନ୍ଦ୍ରୀୟ ବଙ୍ଗୋପସାଗରରେ ଏହା ବାତ୍ୟାର ରୂପ ନେବ । ବର୍ତ୍ତମାନ ପୂର୍ବ କେନ୍ଦ୍ରୀୟ ଏବଂ ସଂଲଗ୍ନ ଦକ୍ଷିଣ ପୂର୍ବ ବଙ୍ଗୋପସାଗରରେ ଲଘୁଚାପ କ୍ଷେତ୍ର ସୃଷ୍ଟି ହୋଇଛି । ୨୪ ତାରିଖ ବେଳକୁ ଏହା ଅବପାତ ରେ ପରିଣତ ହେବ । ୨୫ରେ ଗଭୀର ଅବପାତ ହେବକୁ ନେଇ ପୂର୍ବାନୁମାନ କରିଛି ପାଣିପାଗ ବିଭାଗ । ବାତ୍ୟାର ସ୍ପଷ୍ଟ ଦିଗ ଅବପାତର ରୂପ ନେବା ପରେ ଜଣା ପଡିବ । ତେବେ ପ୍ରାଥମିକ ଆକଳନରୁ ଏହା ପଶ୍ଚିମ- ଉତ୍ତର- ପଶ୍ଚିମ ଦିଗ ଆଡ଼କୁ ଗତି କରୁଥିବା ପୂର୍ବାନୁମାନ ହୋଇଛି । ଏହା ପ୍ରଭାବ ରେ ରାଜ୍ୟରେ ୨୬ ରୁ ବର୍ଷା ଆରମ୍ଭ ହୋଇଯିବ । ଉପକୂଳ ଓଡ଼ିଶାରେ ବର୍ଷା ଅଧିକ ରହିବ । ୨୭ ବେଳକୁ ପବନ ମଧ୍ୟ ପ୍ରବାହିତ ହେବ । ୪୦ରୁ ୫୦ ଓ ଝଟ୍କା ପବନ ୬୦ କିଲୋମିଟର ପ୍ରତି ଘଣ୍ଟା ପ୍ରବାହିତ ହେବାକୁ ନେଇ ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର । ତେବେ ଏହି ବାତ୍ୟା ଅଧିକ ଶକ୍ତିଶାଳୀ ହେବାର ସମ୍ଭାବନା ରହିଛି । Also Read:- ବଙ୍ଗୋପସାଗରରେ ଘନଉଛି ବିପଦ ! ସମ୍ଭାବ୍ୟ ବାତ୍ୟାକୁ ନେଇ SRCଙ୍କ ଆଲର୍ଟ, ସବୁ ଜିଲ୍ଲାପାଳଙ୍କୁ ଚିଠି ତେବେ ଆସନ୍ତୁ ଶୁଣିବା କ’ଣ କହୁଛନ୍ତି ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର ନିର୍ଦ୍ଦେଶିକା ମନୋରମା ମହାନ୍ତି… ]]> Fri, 23 Oct 2026 17:02:23 +0530 https://www.prameyanews7.com/hair-transplant-myths-facts https://www.prameyanews7.com/hair-transplant-myths-facts ଭୁବନେଶ୍ୱର : ଆଜିକାଲି କେଶ ଝଡ଼ିବା ଓ ମୁଣ୍ଡରେ ଚନ୍ଦାପଣ ଦେଖାଦେବା ସମସ୍ୟା ଅନେକଙ୍କ ପାଇଁ ଚିନ୍ତାର ବିଷୟ ପାଲଟିଛି। ପରିବର୍ତ୍ତିତ ଜୀବନଶୈଳୀ, ଚାପ, ପ୍ରଦୂଷଣ ଏବଂ ଜେନେଟିକ୍ କାରଣ ଯୋଗୁଁ, କମ ବୟସରେ କେଶ ଝଡ଼ିବାର ସମସ୍ୟା ଦ୍ରୁତ ଗତିରେ ବୃଦ୍ଧି ପାଉଛି। ଆଉ ଏହି ସମସ୍ୟାରୁ ମୁକ୍ତି ପାଇବା ପାଇଁ ଅନେକ ଲୋକ ହେୟାର ଟ୍ରାନ୍ସପ୍ଲାଣ୍ଟ ବା କେଶ ପ୍ରତିରୋପଣର ସାହାଯ୍ୟ ନେଉଛନ୍ତି। ତଥାପି, ଏହାକୁ ନେଇ ଅନେକ ଲୋକଙ୍କ ମନରେ ଭୁଲ ଧାରଣା ରହିଛି । କେହି ଭାବୁଛନ୍ତି ଏହା ଅତ୍ୟନ୍ତ ଯନ୍ତ୍ରଣାଦାୟକ, ଆଉ କେହି ମନେ କରୁଛନ୍ତି ଏହାର ଫଳାଫଳ ସବୁବେଳେ ସଫଳ ହୋଇଥାଏ। ତେବେ ଆସନ୍ତୁ ଜାଣିବା ଏହି ଧାରଣାଗୁଡ଼ିକ କେତେ ସତ ଏବଂ କେତେ ମିଛ ? ବିଶେଷଜ୍ଞଙ୍କ ମତରେ, ଅସମ୍ପୂର୍ଣ୍ଣ ସୂଚନା ଯୋଗୁଁ, ଅନେକ ଲୋକ ଅଯଥା ଭୟଭୀତ ହୋଇଯାଆନ୍ତି କିମ୍ବା ଗୁଜବ ସୃଷ୍ଟି କରନ୍ତି। ତେଣୁ, ପ୍ରଥମେ କେଶ ପ୍ରତିରୋପଣ ସହିତ ଜଡିତ ତଥ୍ୟଗୁଡ଼ିକୁ ବୁଝିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ମାନେ ରଖନ୍ତୁ, କେଶ ପ୍ରତିରୋପଣ ଏକ ଯାଦୁକରୀ ପ୍ରକ୍ରିୟା ନୁହେଁ, ବରଂ ଏକ ବୈଜ୍ଞାନିକ ଏବଂ ସ୍ଥାୟୀ ଚିକିତ୍ସା। ଭଲ ଫଳାଫଳ ପାଇଁ ସଠିକ୍ ରୋଗୀ, ଜଣେ ଅଭିଜ୍ଞ ସର୍ଜନ ଏବଂ ଉପଯୁକ୍ତ ଯତ୍ନ ଚୟନ କରିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ପ୍ରଥମ କଥା, ହେୟାର ଟ୍ରାନ୍ସପ୍ଲାଣ୍ଟ କଲେ ତୁରନ୍ତ କେଶ ଉଠିଯାଏ । ଏହା ଏକ ସାଧାରଣ ଭୁଲ ଧାରଣା। ହେୟାର ଟ୍ରାନ୍ସପ୍ଲାଣ୍ଟ ପରେ ନୂଆ କେଶ ହେବା ପାଇଁ ସମୟ ଲାଗେ। ପ୍ରଥମ କିଛି ସପ୍ତାହରେ ପ୍ରତିରୋପିତ କେଶ ଝଡ଼ିପାରେ, ଯାହାକୁ ସାମୟିକ କେଶ ଝଡ଼ିବା କୁହାଯାଏ। ସାଧାରଣତଃ ୩ରୁ ୪ ମାସ ପରେ ନୂଆ କେଶ ଉଠିବା ଆରମ୍ଭ ହୋଇପାରେ। ଫଳାଫଳ ଅଧିକ ସ୍ପଷ୍ଟ ହେବାକୁ ୬ରୁ ୧୨ ମାସ କିମ୍ବା ତା’ଠାରୁ ଅଧିକ ସମୟ ଲାଗିପାରେ। ଦ୍ୱିତୀୟରେ, ହେୟାର ଟ୍ରାନ୍ସପ୍ଲାଣ୍ଟର ଫଳାଫଳ ସବୁବେଳେ ସଫଳ । ପ୍ରତ୍ୟେକ ବ୍ୟକ୍ତିଙ୍କଠାରେ ଏହି ଚିକିତ୍ସାର ଫଳାଫଳ ସମାନ ହୋଇନଥାଏ। କେଶର ଘନତା, ଗୁଣବତ୍ତା, ଚର୍ମର ଅବସ୍ଥା, ବୟସ ଏବଂ ଚିକିତ୍ସା ପରବର୍ତ୍ତୀ ଯତ୍ନ ଭଳି ଅନେକ କାରଣ ଫଳାଫଳକୁ ପ୍ରଭାବିତ କରିଥାଏ। ତେଣୁ ଟ୍ରାନ୍ସପ୍ଲାଣ୍ଟ ପୂର୍ବରୁ ଯୋଗ୍ୟ ଚର୍ମରୋଗ ବିଶେଷଜ୍ଞ କିମ୍ବା ହେୟାର ଟ୍ରାନ୍ସପ୍ଲାଣ୍ଟ ସର୍ଜନଙ୍କ ପରାମର୍ଶ ନେବା ଜରୁରୀ। ତୃତୀୟରେ ଏହି ଚିକିତ୍ସା ଅତ୍ୟନ୍ତ ଯନ୍ତ୍ରଣାଦାୟକ । ହେୟାର ଟ୍ରାନ୍ସପ୍ଲାଣ୍ଟ ସାଧାରଣତଃ ଲୋକାଲ୍ ଆନାସ୍ଥେସିଆ ଦେଇ କରାଯାଏ। ଏହାଦ୍ୱାରା ପ୍ରକ୍ରିୟା ସମୟରେ ଯନ୍ତ୍ରଣା ଅନେକ ମାତ୍ରାରେ ନିୟନ୍ତ୍ରିତ ରହିଥାଏ। ତଥାପି ଇଞ୍ଜେକ୍ସନ୍ ଦେବା ସମୟରେ ଅସ୍ୱସ୍ତି ଏବଂ ଚିକିତ୍ସା ପରେ କିଛି ଦିନ ଯନ୍ତ୍ରଣା, ଫୁଲା କିମ୍ବା ଟାଣିବା ଭଳି ଅନୁଭବ ହୋଇପାରେ। ଆଉ କିଛି ଲୋକଙ୍କ ଭୁଲ ଧାରଣା ଯେ ହେୟାର ଟ୍ରାନ୍ସପ୍ଲାଣ୍ଟ କଲେ ଆଉ କେବେ କେଶ ଝଡ଼ିନଥାଏ । ପ୍ରତିରୋପିତ କେଶ ସାଧାରଣତଃ ଦାତାଙ୍କ ଠାରୁ ନିଆଯାଏ, ଯେଉଁଠାର କେଶ ଅନେକ କ୍ଷେତ୍ରରେ ହରମୋନ୍ଜନିତ କେଶ ଝଡ଼ିବା ପ୍ରତି ଅଧିକ ପ୍ରତିରୋଧୀ ହୋଇଥାଏ। କିନ୍ତୁ ମୁଣ୍ଡର ଅନ୍ୟ ଅଞ୍ଚଳରେ ଥିବା କେଶ ଝଡ଼ିପାରେ। ତେଣୁ ଡାକ୍ତରଙ୍କ ପରାମର୍ଶ ଅନୁସାରେ ଦୀର୍ଘମିଆଦୀ ଯତ୍ନ ଓ ଆବଶ୍ୟକ ଚିକିତ୍ସା ଜାରି ରଖିବା ଜରୁରୀ। ତେବେ ହେୟାର ଟ୍ରାନ୍ସପ୍ଲାଣ୍ଟ କେବଳ ପୁରୁଷଙ୍କ ପାଇଁ ନୁହେଁ। କିଛି ମହିଳାଙ୍କ କ୍ଷେତ୍ରରେ ମଧ୍ୟ ଏହା ଉପଯୋଗୀ ହୋଇପାରେ। ସମସ୍ତ ମହିଳା କିମ୍ବା ପୁରୁଷ ଏହି ପ୍ରକ୍ରିୟା ପାଇଁ ଉପଯୁକ୍ତ ନୁହନ୍ତି।ଯଦିଓ ଏହା ଏକ ପ୍ରଚଳିତ ଚିକିତ୍ସା ପଦ୍ଧତି, ତଥାପି ଏଥିରେ କିଛି ବିପଦ ରହିଛି। ସଂକ୍ରମଣ, ରକ୍ତସ୍ରାବ, ଦାଗ, ଫୁଲା ଏବଂ ପ୍ରତିରୋପିତ କେଶ ଆଶାନୁଯାୟୀ ନ ବଢ଼ିବା ଭଳି ସମସ୍ୟା ହୋଇପାରେ । ତେଣୁ ଚିକିତ୍ସା ପୂର୍ବରୁ ସମ୍ଭାବ୍ୟ ବିପଦ, ଖର୍ଚ୍ଚ ଏବଂ ଫଳାଫଳ ବିଷୟରେ ଡାକ୍ତରଙ୍କଠାରୁ ସ୍ପଷ୍ଟ ଭାବରେ ବୁଝିନେବା ଆବଶ୍ୟକ। ହେୟାର ଟ୍ରାନ୍ସପ୍ଲାଣ୍ଟ କେଶ ଝଡ଼ିବା ସମସ୍ୟାରେ କିଛି ଲୋକଙ୍କ ପାଇଁ ଉପଯୋଗୀ ବିକଳ୍ପ ହୋଇପାରେ। କିନ୍ତୁ ଏହାକୁ ନେଇ ଥିବା ଭ୍ରାନ୍ତ ଧାରଣା ଉପରେ ବିଶ୍ୱାସ ନକରି ବୈଜ୍ଞାନିକ ତଥ୍ୟ ଓ ଡାକ୍ତରୀ ପରାମର୍ଶ ଆଧାରରେ ନିଷ୍ପତ୍ତି ନେବା ଜରୁରୀ। ମନେ ରଖନ୍ତୁ, ସଠିକ୍ ତଥ୍ୟ ହିଁ ସୁରକ୍ଷିତ ଚିକିତ୍ସାର ପ୍ରଥମ ପଦକ୍ଷେପ। ]]> Fri, 23 Oct 2026 14:20:14 +0530 https://www.prameyanews7.com/deepika-padukone-ranveer-singh-daughter-devi-name-first-glimpse https://www.prameyanews7.com/deepika-padukone-ranveer-singh-daughter-devi-name-first-glimpse ନୂଆଦିଲ୍ଲୀ ୨୩।୧୦; ବଲିଉଡ୍ ତାରକା ଦମ୍ପତି ଦୀପିକା ପାଦୁକୋନ ଏବଂ ରଣବୀର ସିଂ ବେଶ୍ ଉତ୍ସାହର ସହ ଦଶହରା ପାଳନ କରିଛନ୍ତି। ଚଳିତ ବର୍ଷର ଦଶହରା ଏହି ଦମ୍ପତିଙ୍କ ପାଇଁ ଦ୍ୱିଗୁଣିତ ଖୁସି ନେଇ ଆସିଛି । କାରଣ ସେମାନେ ନିଜର ଉଭୟ ଝିଅଙ୍କ ସହ ଏହି ପର୍ବ ପାଳନ କରିଛନ୍ତି । ଦୀପିକା ନିକଟରେ ନିଜର ଦ୍ୱିତୀୟ କନ୍ୟାର ମାଆ ହୋଇଥିଲେ ଏବଂ ଦଶହରା ଅବସରରେ, ଏହି ଦମ୍ପତି ନିଜର ନବଜାତ ଶିଶୁକନ୍ୟାର ପ୍ରଥମ ଝଲକ ପ୍ରଶଂସକମାନଙ୍କ ସହ ସେୟାର କରିବା ସହ ତାଙ୍କ ନାମ ମଧ୍ୟ ଘୋଷଣା କରିଛନ୍ତି। ରଣବୀର ଏବଂ ଦୀପିକା ଏକ ସୁନ୍ଦର ଫଟୋ ପୋଷ୍ଟ କରିଛନ୍ତି, ଯେଉଁଥିରେ ସେମାନେ ନିଜର ଦୁଇ ଝିଅଙ୍କ ସହ ପାରମ୍ପରିକ ପୋଷାକ ପିନ୍ଧିଥିବାର ନଜର ଆସୁଛନ୍ତି। ବିଶେଷ କଥା ହେଉଛି, ଦୀପିକାଙ୍କ ସାନ ଝିଅର ନାମ ବଲିଉଡ୍ ତାରକା ବିପାଶା ବସୁଙ୍କ ଝିଅର ନାଁ ସହ ସମାନ ରହିଛି। ଦୀପଭୀରଙ୍କ ସାନ ଝିଅଙ୍କ ନାମ ଦଶହରାରେ ଦୀପିକା ଏବଂ ରଣବୀର ନିଜ ସାନ ଝିଅଙ୍କ ପ୍ରଥମ ଝଲକ ପ୍ରଶଂସକମାନଙ୍କୁ ଦେଖାଇଛନ୍ତି । ସେପ୍ଟେମ୍ବର ୧୯ ତାରିଖରେ ଦୀପିକା ଏକ କନ୍ୟା ସନ୍ତାନକୁ ଜନ୍ମ ଦେଇଥିଲେ । ପ୍ରଶଂସକମାନେ ଏହି ଦମ୍ପତିଙ୍କ ଦ୍ୱିତୀୟ ଝିଅଙ୍କୁ ଦେଖିବା ପାଇଁ ଉତ୍ସୁକତାର ସହ ଅପେକ୍ଷା କରିଥିଲେ ଏବଂ ଦଶହରା ଅବସରରେ ସେମାନେ ଏହି ଇଚ୍ଛା ପୂରଣ କରିଛନ୍ତି । ଗତକାଲି ଦଶହରାରେ ଦୀପିକା ଓ ରଣବୀର ନିଜର ଉଭୟ ଝିଅଙ୍କ ସହ ଏକ ଫଟୋ ସେୟାର କରିଛନ୍ତି । ଏହି ସୁନ୍ଦର ପାରିବାରିକ ଫଟୋ ସହ ସେମାନେ ଲେଖିଛନ୍ତି: "ପ୍ରଚୁର ଲପାଇବା... ଦେବୀ ପାଦୁକୋନ ସିଂ। ରଣବୀର ଏବଂ ଦୀପିକା ନିଜ ଦ୍ୱିତୀୟ ଝିଅଙ୍କ ନାମ 'ଦେବୀ ପାଦୁକୋନ ସିଂ' ରଖିଛନ୍ତି। ଏହି ଦମ୍ପତିଙ୍କ ପ୍ରଥମ ଝିଅଙ୍କ ନାମ ଦୁଆ ପାଦୁକୋନ ସିଂ; ତାଙ୍କର ଜନ୍ମ ୨୦୨୪ ମସିହା ସେପ୍ଟେମ୍ବର ୮ ତାରିଖରେ ହୋଇଥିଲା । ଦମ୍ପତିଙ୍କ ଉଭୟ ଝିଅ ସେପ୍ଟେମ୍ବର ମାସରେ ଜନ୍ମଗ୍ରହଣ କରିଛନ୍ତି। 'ଦୀପବୀର'ଙ୍କ ଏହି ଫଟୋରେ, ଦୀପିକା ନିଜର ଏକ ଝିଅକୁ କୋଳରେ ଧରିଥିବା ବେଳେ, ବଡ଼ ଝିଅ ରଣବୀରଙ୍କ କୋଳରେ ବସିଛି। ଏଥିରେ ଦୁଆକୁ ତା’ର ସାନ ଭଉଣୀ ଦେବୀଙ୍କୁ ଚୁମ୍ବନ ଦେଉଥିବାର ଦେଖିବାକୁ ମିଳୁଛି। ବିପାଶା ଏହି ପୋଷ୍ଟରେ "ଦେବୀ" ବୋଲି କମେଣ୍ଟ କରିଛନ୍ତି। ଉଲ୍ଲେଖଯୋଗ୍ୟ ଯେ, ବିପାଶାଙ୍କ ନିଜ ଝିଅର ନାମ ମଧ୍ୟ ଦେବୀ ଅଟେ। ଆଲିଆ ଭଟ୍ଟ ସମେତ କରିସ୍ମା କପୁର, ବାନୀ କପୁର, ଶର୍ବରୀ, ଡାଏନା ପେଣ୍ଟି, ଭୂମି ପେଡନେକର, ଚିତ୍ରାଙ୍ଗଦା ସିଂ, ହୁମା କୁରେଶୀ, ମସାବା ଗୁପ୍ତା, ଦିୟା ମିର୍ଜା, ବୀର ପାହାରିଆ ଓ ଶମିତା ସେଟ୍ଟୀଙ୍କ ସମେତ ଅନେକ ତାରକା ମଧ୍ୟ ଏହି ଫଟୋକୁ 'ଲାଇକ୍' କରିଛନ୍ତି। ଫଟୋଟି ୬.୩ ନିୟୁତ (୬୩ ଲକ୍ଷ) 'ଲାଇକ୍' ପାଇସାରିଛି। ]]> Fri, 23 Oct 2026 14:04:39 +0530 https://www.prameyanews7.com/cyclone-may-hit-coast-on-october-28 https://www.prameyanews7.com/cyclone-may-hit-coast-on-october-28 ଭୁବନେଶ୍ୱର ୨୩।୧୦ : ୨୬ରେ ବାତ୍ୟା ୨୮ରେ ଲ୍ୟାଣ୍ଡଫଲ । ଆଜି ବଙ୍ଗୋପସାଗରରେ ସୃଷ୍ଟ ଲଘୁଚାପ ଆସନ୍ତାକାଲି ଅବପାତର ରୂପ ନେବ । ୨୫ ତାରିଖ ବେଳକୁ ଏହା ଗଭୀର ଅବପାତରେ ପରଣିତ ହେବ । ୨୬ ତାରିଖରେ ବାତ୍ୟାର ରୂପ ନେବ । ଆଉ ୨୮ ତାରିଖ ବେଳକୁ ଏହା ଆନ୍ଧ୍ର ଓ ଦକ୍ଷିଣ ଓଡ଼ିଶା ଉପକୂଳ ଛୁଇଁବା ସମ୍ଭାବନା ରହିଛି ।  ଏହାର ପ୍ରଭାବରେ ମୁଖ୍ୟତଃ ଆନ୍ଧ୍ର ପ୍ରଦେଶ ଓ ଦକ୍ଷିଣ ଓଡ଼ିଶା ଉପକୂଳବର୍ତ୍ତୀ ଅଂଚଳ ଗୁଡ଼ିକ ପ୍ରଭାବିତ ହେବ । IMD  ଡିଜି ମୃତ୍ୟୁଞ୍ଜୟ ମହାପାତ୍ରଙ୍କ ସୂଚନା ଅନୁସାରେ, ଉପକୂଳବର୍ତ୍ତୀ ଅଂଚଳ ଗୁଡ଼ିକରେ ୨୪ ତାରିଖରେ ପବନର ବେଗ ଘଣ୍ଟା ପ୍ରତି ୪୫ରୁ ୫୫ କିମି ଏବଂ କିଛି ସ୍ଥାନରେ ୬୫କିମି ପର୍ଯ୍ୟନ୍ତ ରହିପାରେ। ୨୫ ତାରିଖରେ ପବନର ବେଗ ଘଣ୍ଟା ପ୍ରତି ୫୫ରୁ ୬୫ କିମି ଏବଂ ସର୍ବାଧିକ ୭୫ କିମି ପର୍ଯ୍ୟନ୍ତ ବୃଦ୍ଧି ପାଇପାରେ । ୨୬ ତାରିଖ ସକାଳ ବେଳକୁ ପବନର ବେଗ ୭୦ରୁ ୮୦ କିମି ଏବଂ ଝଟକା ପବନ ୯୦ କିମି ପ୍ରତି ଘଣ୍ଟା ରହିବାର ସମ୍ଭାବନା ଅଛି । ବାତ୍ୟା ଉପକୂଳ ମୁହାଁ ହେଲେ ଏହି ବେଗ କ୍ରମଶଃ ବୃଦ୍ଧି ପାଇବ । Also Read:-ଗମ୍ଭୀରଙ୍କ ଚାଲ୍ ଫେଲ୍ ଏବେ ଖେଳିବେ ବୈଭବ, ଇଶାନ ଆହତ ହେଲା ପରେ ବେବି ବସ୍‌ଙ୍କୁ ମିଲିବ ଚାନ୍ସ ସେହିପରି ୨୮ ତାରିଖ ସକାଳ ବେଳକୁ ବାତ୍ୟା ଉପକୂଳରେ ପହଞ୍ଚିବା ସମୟରେ  ସର୍ବାଧିକ ପବନ ପ୍ରବାହିତ ହେବ।  ୨୬ ତାରିଖରୁ ସାମାନ୍ୟ ଧରଣର ବର୍ଷା ଆରମ୍ଭ ହୋଇପାରେ । ୨୭ ତାରିଖରୁ ଉପକୂଳ ଓଡ଼ିଶାର ଜିଲ୍ଲାଗୁଡ଼ିକରେ ପ୍ରବଳରୁ ଅତିପ୍ରବଳ ବର୍ଷା ହେବାର ସମ୍ଭାବନା ରହିଛି।୨୮ ତାରିଖ: ଉପକୂଳ ଅଞ୍ଚଳରେ ପ୍ରବଳରୁ ଅତିପ୍ରବଳ ସହିତ ଅତ୍ୟନ୍ତ ପ୍ରବଳ ବର୍ଷା ହେବାର ସମ୍ଭାବନା ରହିଛି, ଯାହାକି ୨୦ ରୁ ୩୦ ସେମି ବା ତା'ଠାରୁ ଅଧିକ ମଧ୍ୟ ହୋଇପାରେ ।୨୯ ତାରିଖ: ସମ୍ପୂର୍ଣ୍ଣ ଓଡ଼ିଶାରେ ବର୍ଷା ଜାରି ରହିବ ଏବଂ ଏହି ସମୟରେ ମଧ୍ୟ ଅତ୍ୟନ୍ତ ପ୍ରବଳ ବର୍ଷା ହେବାର ଆଶଙ୍କା ରହିଛି । ଏହି ସମୟରେ ସମୁଦ୍ର ଅଶାନ୍ତ ରହୁଥିବାରୁ ମତ୍ସ୍ୟଜୀବୀଙ୍କ ପାଇଁ ସତର୍କତା ଜାରି କରାଯାଇଛି ।୨୯ ତାରିଖ ପର୍ଯ୍ୟନ୍ତ ସମୁଦ୍ର ଅଶାନ୍ତ ରହିବ ବୋଲି କହିଛନ୍ତି IMD ଡିଜି ମୃତ୍ୟୁଞ୍ଜୟ ମହାପାତ୍ର । Watch Video:-   ]]> Fri, 23 Oct 2026 14:00:36 +0530 https://www.prameyanews7.com/sourav-ganguly-plea-doosra-film-release https://www.prameyanews7.com/sourav-ganguly-plea-doosra-film-release ନୂଆଦିଲ୍ଲୀ: ପୂର୍ବତନ ଭାରତୀୟ କ୍ରିକେଟ୍ ଅଧିନାୟକ ସୌରଭ ଗାଙ୍ଗୁଲିଙ୍କୁ ଦିଲ୍ଲୀ ହାଇକୋର୍ଟରୁ ମିଳିଛି ଜୋରଦାର ଝଟକା । ତାଙ୍କ ଆବେଦନ ଉପରେ ଶୁଣାଣି କରି ଫିଲ୍ମ ‘ଦୂସରା’ ଥିଏଟର ରିଲିଜ୍ ଉପରେ ରୋକ୍ ଲଗାଇବାକୁ ଅଦାଲତ ମନା କରିଛନ୍ତି। ଏହି ଫିଲ୍ମ ୨୩ ଅକ୍ଟୋବର ୨୦୨୬ରେ ରିଲିଜ୍ ହେବାକୁ ଧାର୍ଯ୍ୟ ହୋଇଥିଲା। ଫିଲ୍ମକୁ ନେଇ କୋର୍ଟର ଦ୍ୱାରସ୍ଥ ହୋଇଛନ୍ତି ଗାଙ୍ଗୁଲି । ତେବେ ଗାଙ୍ଗୁଲିଙ୍କ ବ୍ୟକ୍ତିତ୍ୱ ଅଧିକାର ସମ୍ପର୍କିତ ମାମଲାର ଶୁଣାଣି ଜାରି ରହିବ। ସୂଚନାନୁଯାୟୀ, ଏହି ମାମଲା ପୂର୍ବତନ କ୍ରିକେଟର ସୌରଭ ଗାଙ୍ଗୁଲି ଓ ଫିଲ୍ମ ପ୍ରଡକ୍ସନ ହାଉସ 'ଲଭ୍ ଫିଲ୍ମସ୍ ଏଲ୍ଏଲ୍ପି' ପକ୍ଷରୁ ମିଳିତ ଭାବେ ଫିଲ୍ମ ‘ଦୁସରା’ର ନିର୍ଦ୍ଦେଶକ ଅଭିନୟ ଦେବ ଏବଂ ଡିଷ୍ଟ୍ରିବ୍ୟୁଟର ପିଭିଆର୍ ,ଆଇନକ୍ସ ବିରୋଧରେ ଆବେଦନ ଦାଖଲ କରାଯାଇଥିଲା। ଏହି ଆବେଦନରେ ଫିଲ୍ମର ଥିଏଟର ଓ ଡିଜିଟାଲ୍ ରିଲିଜ୍ ସହ ଏହାର ପ୍ରଚାରମୂଳକ ବିଷୟବସ୍ତୁ ଉପରେ ମଧ୍ୟ ରୋକ୍ ଲଗାଇବାକୁ ଦାବି କରାଯାଇଥିଲା। ଅଭିଯୋଗ ଅନୁସାରେ, ‘ଦୂସରା’ ଫିଲ୍ମରେ ଗାଙ୍ଗୁଲିଙ୍କ ନାମ, ପରିଚୟ ଏବଂ କ୍ରିକେଟ୍ କ୍ୟାରିୟର୍ର କିଛି ଐତିହାସିକ ଘଟଣାକୁ ତାଙ୍କ ଅନୁମତି ବିନା ବ୍ୟବସାୟିକ ଲାଭ ପାଇଁ ବ୍ୟବହାର କରାଯାଇଥିବା ଆଶଙ୍କା ରହିଛି। ଏହାଦ୍ୱାରା ତାଙ୍କ ବ୍ୟକ୍ତିତ୍ୱ ଅଧିକାର ଏବଂ ପ୍ରସ୍ତାବିତ ବାୟୋପିକ୍ର ସ୍ୱତନ୍ତ୍ର ଚୁକ୍ତିଗତ ଅଧିକାର ପ୍ରଭାବିତ ହୋଇପାରେ ବୋଲି ଆବେଦନରେ ଦର୍ଶାଯାଇଥିଲା। ଏହି ବିବାଦର ମୁଖ୍ୟ କାରଣ ୨୦୦୨ ମସିହାର ନେଟୱେଷ୍ଟ ସିରିଜ୍ ଫାଇନାଲ୍। ଇଂଲଣ୍ଡ ବିପକ୍ଷରେ ଭାରତର ଐତିହାସିକ ବିଜୟ ପରେ ଲର୍ଡସ୍ର ବାଲକୋନିରେ ସୌରଭ ଗାଙ୍ଗୁଲି ନିଜ ସାର୍ଟ ଖୋଲି ଉତ୍ସବ ପାଳନ କରୁଥିବା ଦୃଶ୍ୟ ଆଜି ମଧ୍ୟ କ୍ରିକେଟ୍ ପ୍ରେମୀଙ୍କ ମନରେ ତାଜା ରହିଛି। ଏହି ଘଟଣା ସମେତ ଗାଙ୍ଗୁଲିଙ୍କ କ୍ରିକେଟ୍ ଜୀବନ ସହ ଜଡ଼ିତ କିଛି ଦୃଶ୍ୟକୁ ଫିଲ୍ମର ପ୍ରଚାରରେ ବ୍ୟବହାର କରାଯାଇଥିବା ନେଇ ଆପତ୍ତି ଉଠାଯାଇଛି । ଅନ୍ୟପକ୍ଷରେ, ଫିଲ୍ମ ନିର୍ମାତାଙ୍କ ପକ୍ଷରୁ କୋର୍ଟରେ କୁହାଯାଇଥିଲା ଯେ ଏହା ସୌରଭ ଗାଙ୍ଗୁଲିଙ୍କ ଜୀବନୀ ଉପରେ ନୁହେଁ। ଫିଲ୍ମର କାହାଣୀ ରାଜସ୍ଥାନର ଏକ ମଧ୍ୟବିତ୍ତ ପରିବାରର ଝିଅ ତାରାକୁ କେନ୍ଦ୍ର କରି ତିଆରି ହୋଇଛି। କାହାଣୀରେ ଗାଙ୍ଗୁଲିଙ୍କ ଠାରୁ ପ୍ରେରଣା ପାଇ ତାରା ନିଜ ଜୀବନରେ ସାମାଜିକ ପ୍ରତିବନ୍ଧକକୁ ଅତିକ୍ରମ କରି କିପରି ନିଜ ପାଇଁ ନିଜେ ନିଷ୍ପତ୍ତି ନେବାକୁ ସାହସ ଜୁଟାଉଛି ତାହା ଦର୍ଶାଯାଇଛି । ନିର୍ମାତାଙ୍କ ଓକିଲ ଏହା ମଧ୍ୟ ଦର୍ଶାଇଥିଲେ ଯେ ଫିଲ୍ମରେ ବ୍ୟବହୃତ କିଛି କ୍ରିକେଟ୍ ଫୁଟେଜ୍ ପାଇଁ ବିସିସିଆଇ ଠାରୁ ଆବଶ୍ୟକ ଅନୁମତି ନିଆଯାଇଛି। ରିଲିଜ୍ ପାଇଁ ୧୦୦ରୁ ଅଧିକ ସିନେମା ହଲ୍ରେ ବୁକିଂ ଏବଂ ଅନ୍ୟାନ୍ୟ ପ୍ରସ୍ତୁତି ସରିଥିବାରୁ ଶେଷ ମୁହୂର୍ତ୍ତରେ ଫିଲ୍ମ ଉପରେ ରୋକ୍ ଲାଗିଲେ ନିର୍ମାତାଙ୍କ କ୍ଷତି ହୋଇପାରେ ବୋଲି ଯୁକ୍ତି ଦିଆଯାଇଥିଲା। ମାମଲାର ଶୁଣାଣି ସମୟରେ ଜଷ୍ଟିସ୍ ଦିନେଶ ଭଟ୍ଟଙ୍କ ଖଣ୍ଡପୀଠ ପ୍ରାଥମିକ ଭାବେ ମତ ଦେଇଥିଲେ ଯେ ଏହି ପର୍ଯ୍ୟାୟରେ ଫିଲ୍ମ ରିଲିଜ୍କୁ ରୋକିଲେ ନିର୍ମାତାଙ୍କ ଅଧିକ କ୍ଷତି ହେବାର ଆଶଙ୍କାକୁ କୋର୍ଟ ବିଚାରକୁ ନେଇଥିଲେ। ତେବେ ଫିଲ୍ମ ରିଲିଜ୍ରେ ରୋକ୍ ଲଗାଇବାକୁ ମନା କରିବାର ଅର୍ଥ ନୁହେଁ ଯେ ଗାଙ୍ଗୁଲିଙ୍କ ବ୍ୟକ୍ତିତ୍ୱ ଅଧିକାର ସମ୍ପର୍କିତ ସମସ୍ତ ଦାବିକୁ ଅଦାଲତ ଖାରଜ କରିଦେଇଛନ୍ତି। ଏହି ନିଷ୍ପତ୍ତି କେବଳ ଅନ୍ତରୀଣ ରୋକ୍ ଲଗାଇବା ସମ୍ପର୍କିତ ଆବେଦନ ଉପରେ ଥିଲା। ମାମଲାର ଶୁଣାଣି ଆଗକୁ ମଧ୍ୟ ଜାରି ରହିବ। ତେବେ ଅଭିନୟ ଦେବଙ୍କ ନିର୍ଦ୍ଦେଶିତ ଫିଲ୍ମ ‘ଦୂସରା: ଇଣ୍ଡିଆଜ୍ ଅଦର୍ ଫ୍ରିଡମ୍ ଷ୍ଟ୍ରଗଲ୍’ରେ ପ୍ଲାବିତା ବୋରଠାକୁର, ଅଙ୍କୁର ବିକଳ ଏବଂ ସମିଧା ଗୁରୁଙ୍କ ଭଳି କଳାକାର ମୁଖ୍ୟ ଭୂମିକାରେ ନଜରରେ ଆସିବେ । ଚଳଚ୍ଚିତ୍ରଟି ୨୩ ଅକ୍ଟୋବର ୨୦୨୬ରେ ସିନେମା ହଲ୍ରେ ମୁକ୍ତିଲାଭ ପାଇଁ ଧାର୍ଯ୍ୟ ହୋଇଥିଲା। ଦିଲ୍ଲୀ ହାଇକୋର୍ଟ ତତ୍କାଳ ରୋକ୍ ଲଗାଇବାକୁ ମନା କରିବା ପରେ ଏହାର ନିର୍ଦ୍ଧାରିତ ରିଲିଜ୍ ପାଇଁ ରାସ୍ତା ଖୋଲା ରହିଛି। ]]> Fri, 23 Oct 2026 14:55:53 +0530 https://www.prameyanews7.com/frequent-urination-at-night-causes-and-treatment https://www.prameyanews7.com/frequent-urination-at-night-causes-and-treatment ନୂଆଦିଲ୍ଲୀ ୨୩।୧୦; ରାତିରେ ଶାନ୍ତିରେ ଶୋଇଥିବା ବେଳେ ବାରମ୍ବାର ପରିସ୍ରା କରିବା ପାଇଁ ଆପଣଙ୍କ ନିଦ ଭାଙ୍ଗୁଛି କି? ଯଦି ଏହା ନିୟମିତ ଭାବେ ହେଉଛି, ତେବେ ଏହାକୁ ସାଧାରଣ ସମସ୍ୟା ଭାବି ଅଣଦେଖା କରନ୍ତୁ ନାହିଁ। କାରଣ, ଏହା ପଛରେ ମଧୁମେହ, ମୂତ୍ରନଳୀ ସଂକ୍ରମଣ କିମ୍ବା ମୂତ୍ରାଶୟ ଜନିତ ସମସ୍ୟା ଭଳି କିଛି ସ୍ୱାସ୍ଥ୍ୟଗତ କାରଣ ରହିଥାଇପାରେ। ଡାକ୍ତରୀ ଭାଷାରେ ରାତିରେ ବାରମ୍ବାର ପରିସ୍ରା କରିବାକୁ ‘ନକ୍ଟୁରିଆ’ କୁହାଯାଏ। ଶୋଇବା ପୂର୍ବରୁ ଅଧିକ ପାଣି ପିଇବା, ଚା’ କିମ୍ବା କଫି ପିଇବା ଯୋଗୁଁ ମଧ୍ୟ ଏପରି ହୋଇପାରେ। ତେବେ ଏହା ସହିତ ଅତ୍ୟଧିକ ଶୋଷ ଲାଗିବା, ପରିସ୍ରା କରିବା ସମୟରେ ଜଳାପୋଡ଼ା କିମ୍ବା ଯନ୍ତ୍ରଣା ହେବା ଭଳି ଲକ୍ଷଣ ଦେଖାଦେଲେ ସତର୍କ ହେବା ଜରୁରୀ। ଏହି ସମସ୍ୟାକୁ କମାଇବା ପାଇଁ ସନ୍ଧ୍ୟା ପରେ ଚା’, କଫି ଏବଂ ଅତ୍ୟଧିକ ପାନୀୟ ସେବନରୁ ଦୂରେଇ ରୁହନ୍ତୁ। କିନ୍ତୁ ଶରୀରକୁ ଆବଶ୍ୟକ ପାଣି ପିଇବା କମାନ୍ତୁ ନାହିଁ। ଯଦି ସମସ୍ୟା ଲଗାତାର ରହୁଛି, ନିଦ ବାରମ୍ବାର ଭାଙ୍ଗୁଛି କିମ୍ବା ଅନ୍ୟ ଲକ୍ଷଣ ଦେଖାଦେଉଛି, ତେବେ ଡାକ୍ତରଙ୍କ ପରାମର୍ଶ ନିଅନ୍ତୁ। ତେଣୁ ରାତିରେ ବାରମ୍ବାର ପରିସ୍ରା ଲାଗିବାକୁ ଅଣଦେଖା ନକରି ଏହାର ପ୍ରକୃତ କାରଣ ଜାଣିବା ଜରୁରୀ। ସଚେତନ ରୁହନ୍ତୁ, ସୁସ୍ଥ ରୁହନ୍ତୁ। ]]> Fri, 23 Oct 2026 13:15:26 +0530 https://www.prameyanews7.com/src-issues-alert-regarding-potential-cyclone-writes-to-all-district-collectors https://www.prameyanews7.com/src-issues-alert-regarding-potential-cyclone-writes-to-all-district-collectors ଭୁବନେଶ୍ବର ୨୩।୧୦: ବଙ୍ଗୋପସାଗରରେ ସୃଷ୍ଟି ହେଲା ଲଘୁଚାପ । ସକାଳେ ପୂର୍ବ-କେନ୍ଦ୍ରୀୟ ଏବଂ ସଂଲଗ୍ନ ଦକ୍ଷିଣ-ପୂର୍ବ ବଙ୍ଗୋପସାଗରରେ ଲଘୁଚାପ କ୍ଷେତ୍ର ସୃଷ୍ଟି ହୋଇଛି । ଅକ୍ଟୋବର ୨୪ରେ ଅବପାତ ଏବଂ ଅକ୍ଟୋବର ୨୫ରେ ଗଭୀର ଅବପାତର ରୂପ ନେବ । ଅକ୍ଟୋବର ୨୬ ସକାଳ ସୁଦ୍ଧା ଏହା ପଶ୍ଚିମ-କେନ୍ଦ୍ରୀୟ ବଙ୍ଗୋପସାଗରରେ ବାତ୍ୟାରେ ପରିଣତ ହେବା ସମ୍ଭାବନା ରହିଛି । ପରବର୍ତ୍ତୀ ୨ ଦିନ ମଧ୍ୟରେ ଉତ୍ତର ଆନ୍ଧ୍ରପ୍ରଦେଶ ଏବଂ ଦକ୍ଷିଣ ଓଡ଼ିଶା ଉପକୂଳ ଆଡ଼କୁ ମୁହାଁଇବ । ଯାହାକୁ ନେଇ ବାତ୍ୟ ଭୟ ବଢିବାରେ ଲାଗିଛି । ସମ୍ଭାବ୍ୟ ବାତ୍ୟାକୁ ନେଇ ସବୁ ଜିଲ୍ଲାପାଳଙ୍କୁ ଆଲର୍ଟ କରିଛନ୍ତି SRC । ସତର୍କ ରହିବାକୁ ସ୍ବତନ୍ତ୍ର ରିଲିଫ୍ କମିଶନରଙ୍କ ପକ୍ଷରୁ ଏନେଇ ସବୁ ଜିଲ୍ଲାପାଳଙ୍କୁ ଚିଠି କରାଯାଇଛି । ସବୁ ବିଭାଗକୁ ମଧ୍ୟ ଏନେଇ ଆଲର୍ଟ କରାଯାଇଛି । ଚିଠିରେ କୁହାଯାଇଛି ଯେ, ଶୁକ୍ରବାର ସକାଳ ସାଢେ ୫ଟାରେ ବଙ୍ଗୋପସାଗରରେ ଲଘୁଚାପ ସୃଷ୍ଟି ହୋଇଛି । ଶନିବାର ଏହା ଅବପାତର ରୂପ ନେବ । ପଶ୍ଚିମ-ଉତ୍ତର ଦିଗରେ ଏହା ଗତି କରି ୨୫ ତାରିଖରେ ଗଭୀର ଅବପାତର ରୂପ ନେବ । ୨୬ ତାରିଖ ବେଳକୁ ଏହା ବାତ୍ୟାର ରୂପ ନେବ । ଉତ୍ତର ଆନ୍ଧ୍ର ପ୍ରଦେଶ ଏବଂ ଦକ୍ଷିଣ ଓଡ଼ିଶା ଉପକୂଳ ମଧ୍ୟରେ ଏହା ସ୍ଥଳଭାଗ ଛୁଇଁପାରେ । ଆଇଏମଡି ପୂର୍ବାନୁମାନ ଅନୁସାରେ ଏହା ଭୀଷଣ ବାତ୍ୟା ନୁହେଁ ସାଧାରଣ ବାତ୍ୟା ଆକାରରେ ସ୍ଥଳଭାଗ ଛୁଇଁବ । କିନ୍ତୁ କିଛି ବିଦେଶୀ ପାଣିପାଗ ସଂସ୍ଥା କହିଛନ୍ତି, ଏହା ଭୀଷଣ ବାତ୍ୟାର ଆକାର ନେଇପାରେ । ୟୁରୋପୀୟ ମଡେଲ- ECMWFର ମ୍ୟାପ୍ ଅନୁସାରେ ବାତ୍ୟା ୨୮ ତାରିଖ ବେଳକୁ ଆନ୍ଧ୍ରପ୍ରଦେଶର ମଛଲି ପଟ୍ଟନମ୍ରେ ନିକଟରେ ସ୍ଥଳଭାଗ ଛୁଇଁ ଉତ୍ତରକୁ ମୁହାଁଇବ । ଏହା ଭୀଷଣ ବାତ୍ୟାର ରୂପ ନେଇପାରେ । ସେହିପରି ୱିଣ୍ଡି ଦେଇଥିବା ପୂର୍ବାନୁମାନ ମଧ୍ୟ ଅନୁରୂପ ରହିଛି । ବାତ୍ୟା ୨୭ ଓ ୨୮ ତାରିଖ ରାତିରେ ଆନ୍ଧ୍ର ପ୍ରଦେଶର ମଛଲି ପଟ୍ଟମନ୍ ନିକଟରେ ସ୍ଥଳଭାଗ ଛୁଇଁବ । ସେତେବେଳକୁ ଏହା ଭୀଷଣ ବାତ୍ୟା ଆକାରରେ ଥିବାରୁ ବଡ଼ କ୍ଷୟକ୍ଷତି କରିପାରେ । ଏହା ବାତ୍ୟାର ରୂପ ନେବା ପରେ ଅଧିକ ଶକ୍ତିଶାଳୀ ହେବା ନେଇ ପୂର୍ବାନୁମାନ କରିଛନ୍ତି ସୋଆ ସିଇସି ନିର୍ଦ୍ଦେଶକ ଶରତ ଚନ୍ଦ୍ର ସାହୁ । Also Read:- ବଙ୍ଗୋପସାଗରରେ ସୃଷ୍ଟି ହେଲା ଲଘୁଚାପ : ୨୬ ତାରିଖରେ ବାତ୍ୟା ! ତେବେ ୨୬ରୁ ୨୯ ତାରିଖ ପର୍ଯ୍ୟନ୍ତ ରାଜ୍ୟର ଦକ୍ଷିଣ ଓ ଉପକୂଳ ଓଡିଶାରେ ପ୍ରବଳ ବର୍ଷା ହେବ ବୋଲି କହିଛି ଭାରତୀୟ ପାଣିପାଗ ବିଭାଗ । ବାତ୍ୟା ଯେଉଁଠି ମାଡ଼ ହେଲେ ବି ଓଡ଼ିଶା ଉପରେ ଏହାର ପ୍ରଭାବ ରହିବ । ୨୭ ତାରିଖରେ ଓଡ଼ିଶାର ଦକ୍ଷିଣ ଏବଂ ଉପକୂଳବର୍ତ୍ତୀ ଜିଲ୍ଲାଗୁଡ଼ିକରେ ପବନର ବେଗ ୭୫ରୁ୧୦୦ କି.ମି. ରହିପାରେ । ଅକ୍ଟୋବର ୨୬ ଅପରାହ୍ନରୁ ବର୍ଷା ଆରମ୍ଭ ହେବ । ୨୮ ତାରିଖ ସକାଳ ଠାରୁ ଓଡ଼ିଶାର ଉପକୂଳବର୍ତ୍ତୀ ଜିଲ୍ଲାରେ ପ୍ରବଳ ବର୍ଷା ହେବ । ଏହାକୁ ଦୃଷ୍ଟିରେ ରଖି ପ୍ରଶାସନ ଆଗୁଆ ପ୍ରସ୍ତୁତି ଆରମ୍ଭ କରିଛି । ]]> Fri, 23 Oct 2026 13:05:34 +0530 https://www.prameyanews7.com/vaibhav-suryavanshi-may-play-india-vs-new-zealand-2nd-t20i https://www.prameyanews7.com/vaibhav-suryavanshi-may-play-india-vs-new-zealand-2nd-t20i ମୁମ୍ବାଇ ୨୩।୧୦ : ବୈଭବ ସୂର୍ଯ୍ୟବଂଶୀଙ୍କ ପାଇଁ ଆସିପାରେ ବଡ଼ ସୁଯୋଗ । ଦୀର୍ଘ ଦିନ ହେବ ପ୍ଲେଇଙ୍ଗ ଇଲେଭନରେ ହୋଇପାରୁନଥିଲା ଚୟନ । ଏବେ ତାଙ୍କ ପାଇଁ ଆସିଛି ସୁଯୋଗ । ଶନିବାର ଖେଳାଯିବାକୁ ଥିବା ନ୍ୟୁଜିଲାଣ୍ଡ ବିପକ୍ଷ ୨ୟ ଟି-୨୦ ମ୍ୟାଚରେ ଖେଳିପାରନ୍ତି । ଏନେଇ କୌଣସି ସ୍ପଷ୍ଟ ସୂଚନା ମିଳିନାହିଁ । ଶନିବାର (ଅକ୍ଟୋବର ୨୪) ରେ ଭାରତ-ନ୍ୟୁଜିଲାଣ୍ଡ ମଧ୍ୟରେ ୨ୟ ଟି-୨୦ ମ୍ୟାଚ୍ ଖେଳାଯିବ । ନ୍ୟୁଜିଲାଣ୍ଡ କ୍ରିଷ୍ଟଚର୍ଚ୍ଚ ଷ୍ଟା଼ଡିୟମ୍ରେ ଖେଳାଯିବ ୨ୟ ଟି-୨୦ ମ୍ୟାଚ୍ । ଏହି ମ୍ୟାଚ୍ ପୂର୍ବରୁ ଟିମ୍ ଇଣ୍ଡିଆକୁ ଲାଗିଛି ଜୋରଦାର ଝଟ୍କା । ଟିମ ଇଣ୍ଡିଆର ଷ୍ଟାର ବ୍ୟାଟସମ୍ୟାନ୍ ଇଶାନ କିଷାନ ଆହତ ଜନିତ ସମସ୍ୟା ଶିକାର ହୋଇଛନ୍ତି । ଯାହାଫଳରେ ଆଗାମୀ ମ୍ୟାଚରୁ ତାଙ୍କୁ ବାଦ୍ ଦିଆଯାଇଛି । ଏନେଇ ଭାରତୀୟ କ୍ରିକେଟ୍ ବୋର୍ଡ ପକ୍ଷରୁ ସୂଚନା ଦିଆଯାଇଛି । Also Read:-ମାଡ଼ି ଆସୁଥିଲା ଡ୍ରାଗନ ସେନା, ଅଟକାଇଲେ ଭାରତୀୟ ଯବାନ...ଅରୁଣାଚଳ ପ୍ରଦେଶରେ ଭୟଙ୍କର ସଂଘର୍ଷ ବୋର୍ଡ ଜାରି କରିଥିବା ସୂଚନା ଅନୁସାରେ, ଓ୍ୱିକେଟ୍ କିପର ବ୍ୟାଟସମ୍ୟାନ୍ ଇଶାନ କିଷାନ ୨ୟ ଟି-୨୦ ମ୍ୟାଚରୁ ଆହତ ସମସ୍ୟା ଲାଗି ବାଦ୍ ପଡିଛନ୍ତି । ଅଭ୍ୟାସ ସମୟରେ ଡାହାଣ ଗୋଡ଼ରେ ଆଘାତ ଲାଗିଥିଲା । ମେଡିକାଲ ଟିମଙ୍କ ପରୀକ୍ଷଣ ପରେ ଇଶାନଙ୍କୁ ବିଶ୍ରାମ ଦରକାର । ତେଣୁ ଆଗାମୀ ମ୍ୟାଚରୁ ତାଙ୍କୁ ବାଦ୍ ଦିଆଯାଇଛି ।  ତେବେ ଇଶାନଙ୍କୁ ବିଶ୍ରାମ ପରେ ତାଙ୍କ ସ୍ଥାନରେ କିଏ ଖେଳିବ । ସେନେଇ ଚର୍ଚ୍ଚା ଜୋର ଧରିଛି । ହେଲେ ଏସବୁ ଭିତରେ ଗୋଟିଏ ନାଁ ବହୁତ ଆଗରେ ରହିଛି । ୧୫ ବର୍ଷୀୟ ଯୁବ ବ୍ୟାଟର ବୈଭବ ସୂର୍ଯ୍ୟବଂଶୀ ଟିମ୍‌ରେ ସାମିଲ ହେବା ନେଇ ଆଲୋଚନା ଚାଲିଛି । କୋଚ କିମ୍ବା ବୋର୍ଡ ପକ୍ଷରୁ  ଇଶାନଙ୍କ ସ୍ଥାନରେ କିଏ ଖେଳିବ । ସେନେଇ ସ୍ପଷ୍ଟ ସୂଚନା ଦେଇନାହାନ୍ତି । ଶନିବାର ମ୍ୟାଚ୍‌ ପୂର୍ବରୁ ସ୍ପଷ୍ଟ ହୋଇଯିବ କି , କିଏ ଖେଳିବ ଇଶାନଙ୍କ ସ୍ଥାନରେ ।    ]]> Fri, 23 Oct 2026 12:52:11 +0530 https://www.prameyanews7.com/flowers-to-avoid-offering-lord-vishnu-goddess-durga-puja https://www.prameyanews7.com/flowers-to-avoid-offering-lord-vishnu-goddess-durga-puja ନୂଆଦିଲ୍ଲୀ ୨୩।୧୦:ହିନ୍ଦୁ ଧର୍ମରେ ପୂଜାପାଠ ସମୟରେ ଫୁଲର ବିଶେଷ ମହତ୍ତ୍ୱ ରହିଛି। ଧାର୍ମିକ ମାନ୍ୟତା ଅନୁଯାୟୀ, ଦେବଦେବୀଙ୍କୁ ସେମାନଙ୍କ ପ୍ରିୟ ଫୁଲ ଅର୍ପଣ କଲେ ଭକ୍ତି ଓ ସମର୍ପଣର ଭାବ ପ୍ରକାଶ ପାଇଥାଏ। ତେବେ, ବିଭିନ୍ନ ଧାର୍ମିକ ପରମ୍ପରାରେ କେତେକ ନିର୍ଦ୍ଦିଷ୍ଟ ଫୁଲକୁ କିଛି ଦେବଦେବୀଙ୍କ ପୂଜାରେ ବ୍ୟବହାର ନ କରିବାକୁ ପରାମର୍ଶ ଦିଆଯାଇଛି। ଏହି କ୍ରମରେ ଭଗବାନ ବିଷ୍ଣୁ ଓ ମା’ ଦୁର୍ଗାଙ୍କ ପୂଜା ସମୟରେ କେଉଁ ଫୁଲ ଅର୍ପଣ କରିବାରୁ ଦୂରେଇ ରହିବା ଉଚିତ, ଆସନ୍ତୁ ଜାଣିବା। ଧାର୍ମିକ ମାନ୍ୟତା ଅନୁଯାୟୀ, ହଳଦିଆ ରଙ୍ଗ ଭଗବାନ ବିଷ୍ଣୁଙ୍କର ଅତ୍ୟନ୍ତ ପ୍ରିୟ। ତେଣୁ, ତାଙ୍କ ପୂଜାରେ ହଳଦିଆ ଓ ଧଳା ରଙ୍ଗର ଫୁଲ ଅର୍ପଣ କରିବାର ପରମ୍ପରା ରହିଛି। ଅନ୍ୟପକ୍ଷରେ, କେତେକ ଧାର୍ମିକ ପରମ୍ପରା ଅନୁସାରେ ଭଗବାନ ବିଷ୍ଣୁଙ୍କ ପୂଜାରେ ଚାଉଳ ଅର୍ପଣ କରିବାକୁ ଅନୁଚିତ ବୋଲି ମନେ କରାଯାଏ। ଏହା ବ୍ୟତୀତ ଅରଖ ଓ ଧତୁରା ଫୁଲକୁ ମଧ୍ୟ ଭଗବାନ ବିଷ୍ଣୁଙ୍କ ପୂଜାରେ ଅର୍ପଣ ନ କରିବାକୁ କେତେକ ପରମ୍ପରାରେ ପରାମର୍ଶ ଦିଆଯାଇଛି। ସେହିପରି ମା’ ଦୁର୍ଗାଙ୍କ ପୂଜାରେ ଫୁଲର ବିଶେଷ ମହତ୍ତ୍ୱ ରହିଛି। ତେବେ, କେତେକ ଧାର୍ମିକ ମାନ୍ୟତା ଅନୁଯାୟୀ, ଦୁର୍ବା ଘାସ, ଅରଖ, ଗଙ୍ଗଶିଉଳି, ଟଗର ଓ ନାଗଚମ୍ପା ଫୁଲକୁ ଦେବୀଙ୍କ ପୂଜାରେ ଅର୍ପଣ କରିବା ଉଚିତ ନୁହେଁ ବୋଲି କୁହାଯାଏ। ଦେବୀଙ୍କ ପୂଜାରେ ସାଧାରଣତଃ ଫୁଲର କଢ଼ ଅର୍ପଣ ନ କରିବାକୁ ପରାମର୍ଶ ଦିଆଯାଏ। ତେବେ ଚମ୍ପା ଓ ପଦ୍ମ ଫୁଲର କଢ଼କୁ ଏଥିରୁ ବ୍ୟତିକ୍ରମ ଭାବେ ଗ୍ରହଣ କରାଯାଏ ବୋଲି କେତେକ ପରମ୍ପରାରେ ବିଶ୍ୱାସ ରହିଛି। ସନାତନ ଧର୍ମରେ ପୂଜାପାଠ ସମୟରେ ଭକ୍ତି, ଶ୍ରଦ୍ଧା ଓ ପବିତ୍ରତାକୁ ସର୍ବାଧିକ ଗୁରୁତ୍ୱ ଦିଆଯାଏ। ତେଣୁ, ଯେଉଁ ଦେବଦେବୀଙ୍କ ପୂଜା କରାଯାଉଛି, ସେମାନଙ୍କ ସହ ଜଡ଼ିତ ପାରମ୍ପରିକ ନିୟମ ଅନୁସରଣ କରିବା ଉଚିତ। ଫୁଲ ଅର୍ପଣ କରିବା ସମୟରେ ତାହାର ପବିତ୍ରତା ଓ ପୂଜା ପାଇଁ ଉପଯୁକ୍ତତା ପ୍ରତି ମଧ୍ୟ ଧ୍ୟାନ ଦେବା ଆବଶ୍ୟକ। ]]> Fri, 23 Oct 2026 12:24:03 +0530 https://www.prameyanews7.com/wife-with-boyfriend-tourist-spot-husband-confrontation-shivpuri https://www.prameyanews7.com/wife-with-boyfriend-tourist-spot-husband-confrontation-shivpuri ଭୋପାଳ, ୨୩/୧୦: ସ୍ୱାମୀ ସହ ଭଲ ଲାଗୁ ନଥିଲା । ନିଜ ପାଇଁ ପ୍ରେମିକ ଠିକ୍ କରିଥିଲା ପତ୍ନୀ । ସ୍ୱାମୀ ଘରେ ନଥିବା ବେଳେ ଘଣ୍ଟା ଘଣ୍ଟା ଧରି ଫୋନରେ ଗପୁଥିଲା । ଭିଡିଓ କଲ୍ ବି ଚାଲିଥିଲା । ପରେ କିନ୍ତୁ ସ୍ୱାମୀର ସନ୍ଦେହ ହୋଇଥିଲା । ଆଉ ସନ୍ଦେହ ନେଇଥିଲା ବାସ୍ତବତାର ରୂପ । ସ୍ତ୍ରୀକୁ ପ୍ରେମିକ ସହ ରେଡ୍ ହ୍ୟାଣ୍ଡେଡ୍ ଧରିଥିଲା ସ୍ୱାମୀ ଏବଂ ଆରମ୍ଭ ହୋଇଯାଇଥିଲା ହାଇଡ୍ରାମା । ରିପୋର୍ଟ ଅନୁସାରେ, ମଧ୍ୟପ୍ରଦେଶର ଶିବପୁରୀ ଅଞ୍ଚଳରେ ସ୍ୱାମୀ ସ୍ତ୍ରୀ ବିବାଦ ଚରମ ରୂପ ନେଇଛି । ଏପରିକି ଉଭୟେ ଏକ ଦର୍ଶନୀୟ ସ୍ଥାନରେ ମାରପିଟ୍ ହୋଇଛନ୍ତି । ଅଭିଯୋଗ ଅନୁସାରେ, ଜଣେ ମହିଳା ତାଙ୍କ ପ୍ରେମିକଙ୍କ ସହ ଭଦେୟାକୁଣ୍ଡ ବୁଲିବାକୁ ଯାଇଥିଲେ । ଏହି ସମୟରେ ମହିଳାଙ୍କ ପତି ସେଠାରେ ପହଁଚି ଯାଇଥିଲେ । ଏହାପରେ ସ୍ତ୍ରୀ ଏବଂ ପ୍ରେମିକଙ୍କୁ ପତି ବେଲ୍ଟରେ ପିଟିଥିଲେ । ଯାହାର ଭିଡିଓ ମଧ୍ୟ ଭାଇରାଲ ହେଉଛି । Also Read :- ବଙ୍ଗୋପସାଗରରେ ସୃଷ୍ଟି ହେଲା ଲଘୁଚାପ : ୨୬ ତାରିଖରେ ବାତ୍ୟା ! ପୋଲିସର କହିବାନୁସାରେ, ପୂଜା ନାମକ ଜଣେ ମହିଳା ଭଦେୟାକୁଣ୍ଡ ବୁଲି ଆସିଥିଲେ । ତାଙ୍କ ପ୍ରେମିକ ମଧ୍ୟ ସେଠାରେ ଥିଲେ । ସବୁ କଛି ଠିକଠାକ୍ ଚାଲିଥିଲା ।କିନ୍ତୁ ଏହି ସମୟରେ ମହିଳାଙ୍କ ପତି ଗୋବିନ୍ଦ ସେଠାରେ ପହଁଚିଯାଇଥିଲେ । ସେ ଉଭୟଙ୍କୁ ଦେଖି ରାଗି ଯାଇଥିଲେ । ଏପରିକି ବେଲ୍ଟରେ ପତ୍ୱୀଙ୍କୁ ମାଡ ମାରିବା ସହ ପ୍ରେମିକଙ୍କ ଗୋଡକୁ ମଧ୍ୟ ବାନ୍ଧି ଦେଇଥିଲେ । ଖବର ପାଇ ପୋଲିସ ପହଁଚି ସ୍ଥିତି ନିୟନ୍ତ୍ରଣକୁ ଆଣିଥିଲା । ପୋଲିସ ମହିଳା, ପ୍ରେମିକା ଏବଂ ସ୍ୱାମୀଙ୍କୁ ଥାନାକୁ ନେଇଛି । ମହିଳା ମଧ୍ୟ ସ୍ୱାମୀଙ୍କ ନାଁରେ ଅଭିଯୋଗ କରିଛନ୍ତି । ଉଭୟଙ୍କ ମଧ୍ୟରେ ପୂର୍ବରୁ ବିବାଦ ଥିଲା । ଯାହା ଏବେ ଉଗ୍ରରୂପ ନେଇଥିବା ସ୍ଥାନୀୟ ଥାନା ଅଧିକାରୀ କହିଛନ୍ତି । Also Read :- ଗମ୍ଭୀରଙ୍କ ଚାଲ୍ ଫେଲ୍ ଏବେ ଖେଳିବେ ବୈଭବ, ଇଶାନ ଆହତ ହେଲା ପରେ ବେବି ବସ୍‌ଙ୍କୁ ମିଲିବ ଚାନ୍ସ ]]> Fri, 23 Oct 2026 13:28:34 +0530 https://www.prameyanews7.com/efforts-to-attract-new-investments-to-odisha-focus-on-industrial-discussions-with-lt https://www.prameyanews7.com/efforts-to-attract-new-investments-to-odisha-focus-on-industrial-discussions-with-lt ଭୁବନେଶ୍ବର ୨୩।୧୦: ମୁଖ୍ୟମନ୍ତ୍ରୀଙ୍କ ନେତୃତ୍ୱରେ ଓଡ଼ିଶା ସରକାରଙ୍କ ଦୁଇ ଦିନିଆ ମୁମ୍ବାଇ ଗସ୍ତର ଆଜି ଶେଷ ଦିନ । L&T କମ୍ପାନୀ ପରିଦର୍ଶନ କରିବେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ଶୁକ୍ରବାର L&T କମ୍ପାନୀ ପରିଦର୍ଶନ ସହ ଶିଳ୍ପପତିମାନଙ୍କ ସହ ନିବେଶ ନେଇ ଆଲୋଚନା ଉପରେ ରହିବ ଫୋକସ୍ । ଶିଳ୍ପ ନେତୃତ୍ୱଙ୍କ ସହ ଏକକ ବୈଠକ ଚାଲିଥିବା ବେଳେ ଓଡ଼ିଶାରେ ନୂଆ ଶିଳ୍ପ ପ୍ରତିଷ୍ଠା, ପୁଞ୍ଜିନିବେଶ ବୃଦ୍ଧି ଓ ନିଯୁକ୍ତି ସୃଷ୍ଟି ନେଇ ଆଶା ବଢ଼ିଛି । ରାଜ୍ୟର ଶିଳ୍ପ ଭିତ୍ତିଭୂମି, ନିବେଶ ଅନୁକୂଳ ପରିବେଶ ଓ ଯୁବପିଢ଼ିଙ୍କ ପାଇଁ ରୋଜଗାର ସୁଯୋଗ ସୃଷ୍ଟି ଉପରେ ଗୁରୁତ୍ୱ ଦିଆଯାଇଛି । ଦୁଇଦିନିଆ ଗସ୍ତରୁ ଓଡ଼ିଶାକୁ କେତେ ପୁଞ୍ଜିନିବେଶ ଓ କେତେ ନିଯୁକ୍ତି ସୁଯୋଗ ମିଳିବ ତାହା ଉପରେ ନଜର ରହିଛି । Also Read:- କେବଳ ନିବେଶ ଆଗ୍ରହ ନୁହେଁ, ଓଡ଼ିଶା ଆସି ବାସ୍ତବ ଉତ୍ପାଦନ ଆରମ୍ଭ କରନ୍ତୁ: 'ଇଣ୍ଡିଆ କେମ୍ ୨୦୨୬'ରେ ବିଶ୍ୱ ଶିଳ୍ପପତିଙ୍କୁ ମୁଖ୍ୟମନ୍ତ୍ରୀଙ୍କ ଆହ୍ୱାନ ଓଡ଼ିଶାକୁ ଶିଳ୍ପ ସମୃଦ୍ଧ କରିବା ଏବଂ ଯୁବପିଢ଼ିଙ୍କ ପାଇଁ ରୋଜଗାରର ନୂଆ ଦ୍ୱାର ଖୋଲିବା ଲକ୍ଷ୍ୟରେ ରାଜ୍ୟ ସରକାରଙ୍କ ଏହି ଗସ୍ତ ବେଶ୍ ଗୁରୁତ୍ୱପୂର୍ଣ୍ଣ ରହିଛି । Watch Video: ]]> Fri, 23 Oct 2026 12:06:18 +0530 https://www.prameyanews7.com/itbp-dg-confirms-face-offs-with-chinese-troops-in-arunachal-pradesh https://www.prameyanews7.com/itbp-dg-confirms-face-offs-with-chinese-troops-in-arunachal-pradesh ନୂଆଦିଲ୍ଲୀ ୨୩।୧୦ : ଭାରତ-ଚୀନ୍‌ ସୀମାରେ ପୁଣି ମୁହାଁମୁହିଁ। ଭାରତ ଏବଂ ଚୀନ୍ ମଧ୍ୟରେ ପ୍ରକୃତ ନିୟନ୍ତ୍ରଣ ରେଖା, LACରେ ଉତ୍ତେଜନା କିଛି ନୂଆ ନୁହେଁ। କିନ୍ତୁ ITBP ମହାନିର୍ଦ୍ଦେଶକ ଶତ୍ରୁଜିତ୍ କପୁର ପ୍ରଥମ ଥର ପାଇଁ ସାର୍ବଜନୀନ ଭାବେ ଉତ୍ତେଜନା କଥାକୁ ସ୍ବୀକାର କରିଛନ୍ତି।  ସେ ଆହୁରି ମଧ୍ୟ କହିଛନ୍ତି ଯେ, ଅରୁଣାଚଳ ପ୍ରଦେଶର ଅନେକ ଅଞ୍ଚଳରେ ପିଏଲଏ ସୈନ୍ୟଙ୍କ ସହ ମୁହାଁମୁହିଁ ସ୍ଥିତି ଲାଗି ରହିଛି। ରାଜସ୍ଥାନର ଅଲୱାରରେ ITBP ଯବାନଙ୍କୁ ସମ୍ବୋଧିତ କରି କହିଛନ୍ତି ଯେ, ଚୀନ୍ ସୈନ LAC ଠାରୁ ମାତ୍ର ଛଅରୁ ୭ କିଲୋମିଟର ଦୂରରେ କ୍ୟାମ୍ପ ପକାଇଛନ୍ତି।  ଯାହାର ଜବାବରେ ଭାରତୀୟ ସେନା ମଧ୍ୟ କାଉଣ୍ଟର-ଡିପ୍ଲୟମେଣ୍ଟ କରି ନିଜ ସ୍ଥିତି ମଜବୁତ ରଖିଛି। ITBP ମହାନିର୍ଦ୍ଦେଶକଙ୍କ ଏହି ବୟାନ ସ୍ପଷ୍ଟ କରିଦେଇଛି ଯେ ସୀମାରେ ଅନେକ ସ୍ଥାନରେ ଚୀନ ସହ ମୁହାଁମୁହିଁ ସ୍ଥିତି ଲାଗି ରହିଛି।   Also Read:-୯ ମାସ ହେଲା ପାଇନାହାନ୍ତି ଭତ୍ତା, ବ୍ଲକ ଅଫିସ ଦୌଡି ଦୌଡି ହେଲେଣି ନୟାନ୍ତ... ସେହିପରି ଇଣ୍ଡୋ-ତିବ୍ବତୀୟ ବର୍ଡର ପୋଲିସ ମହାନିର୍ଦ୍ଦେଶକ ଶତ୍ରୁଜିତ କପୁରଙ୍କ ସୂଚନା ଅନୁଯାୟୀ, ଅରୁଣାଚଳ ପ୍ରଦେଶର ତକ୍ ସିଂ ଏବଂ ଆସାଫିଲା ଭଳି ଏକାଧିକ ସ୍ଥାନରେ ଚୀନ୍ ର ପିପୁଲ୍ସ ଲିବରେସନ ଆର୍ମି ସହିତ ମୁହାଁମୁହିଁ ସ୍ଥିତି ଉପୁଜିଛି। ଏହି ପରିସ୍ଥିତିକୁ ସାମ୍ନା କରିବା ପାଇଁ ITBP ପକ୍ଷରୁ ସ୍ୱେଚ୍ଛାକୃତ ଭାବେ ବିଶେଷ ତାଲିମପ୍ରାପ୍ତ 'ଶୌର୍ଯ୍ୟ କମାଣ୍ଡୋ' ୟୁନିଟ୍ ଗଠନ କରାଯାଇ ସୀମାରେ ମୁତୟନ କରାଯାଉଛି। ସେପ୍ଟେମ୍ବର ୨୦୨୬ ରେ ଅନୁଷ୍ଠିତ ବ୍ରିକ୍ସ ସମ୍ମିଳନୀ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ଚୀନ୍ ରାଷ୍ଟ୍ରପତି ସି ଜିନପିଙ୍ଗଙ୍କ ମଧ୍ୟରେ ସୀମା ଶାନ୍ତି ପାଇଁ ଦ୍ୱିପାକ୍ଷିକ ଆଲୋଚନା ହୋଇଥିଲା। ଏହା ପୂର୍ବରୁ ଅଗଷ୍ଟରେ ଜାତୀୟ ସୁରକ୍ଷା ପରାମର୍ଶଦାତା ଅଜିତ ଡୋଭାଲ ମଧ୍ୟ ବେଜିଂ ଗସ୍ତ କରି ସୀମା ମାମଲାରେ ସମାଧାନ ପାଇଁ ଆଲୋଚନା କରିଥିଲେ। ଏଭଳି ସ୍ଥିତିରେ  ITBP ମହାନିର୍ଦ୍ଦେଶକଙ୍କ ବୟାନ ଏବେ ବଡ ଚର୍ଚ୍ଚା ସୃଷ୍ଟି କରିଛି। ]]> Fri, 23 Oct 2026 11:57:25 +0530 https://www.prameyanews7.com/mahhi-vij-reveals-divorce-court-judge-asked-about-alimony https://www.prameyanews7.com/mahhi-vij-reveals-divorce-court-judge-asked-about-alimony ମୁମ୍ଵାଇ ୨୩।୧୦; ଟିଭି ରିଆଲିଟି ଶୋ’ ‘ବିଗ୍ ବସ୍ ୨୦’ରେ ଭାବପ୍ରବଣ ହେଲେ ଅଭିନେତ୍ରୀ ମାହି ଭିଜ୍। ଝିଅ ତାରାକୁ ଏକାକୀ ପାଳିବା ଏବଂ ଜଣେ ସିଙ୍ଗଲ୍ ମଦର୍ ଭାବେ ନିଜ ଦାୟିତ୍ୱ ତୁଲାଇବା ବିଷୟରେ କହିବା ବେଳେ କାନ୍ଦି ପକାଇଲେ ମାହି। ଅରିଶଫା ଖାନଙ୍କ ସହ ଯୁକ୍ତିତର୍କ ପରେ ସେ ନିଜ ମନର କଥା ଖୋଲି କହିଥିଲେ। ଆଲୋଚନା ସମୟରେ ମାହି କହିଥିଲେ ଯେ, ଛାଡ଼ପତ୍ର ପ୍ରକ୍ରିୟା ସମୟରେ ବିଚାରପତି ତାଙ୍କୁ ଚାରିଥର ଭରଣପୋଷଣ ଅର୍ଥାତ୍ ଏଲିମନି ନେବାକୁ କହିଥିଲେ। ହେଲେ ସେ ଏହାକୁ ଗ୍ରହଣ କରିନଥିଲେ। ତାଙ୍କ କହିବା ଅନୁସାରେ, ସେହି ଟଙ୍କା ଜୟ ଭାନୁଶାଳୀଙ୍କ କଠିନ ପରିଶ୍ରମର ଅର୍ଜିତ ଧନ। ମାହି ଆହୁରି କହିଥିଲେ ଯେ, ତାଙ୍କ ଜୀବନ ଏବେ ଝିଅ ତାରାକୁ କେନ୍ଦ୍ର କରି ଗତି କରୁଛି। ଝିଅର ଭବିଷ୍ୟତକୁ ସୁରକ୍ଷିତ କରିବା ସହ ନିଜେ ଆର୍ଥିକ ଭାବେ ସ୍ୱାଧୀନ ରହିବାକୁ ସେ ଚାହାଁନ୍ତି। ଜୟ ତାଙ୍କୁ ନିଜ ଜୀବନ ଜିଇଁବାକୁ ଓ ବାହାରକୁ ଯିବାକୁ କହୁଥିଲେ ମଧ୍ୟ, ଝିଅର ଯତ୍ନ ନେବା ତାଙ୍କ ପ୍ରାଥମିକତା ବୋଲି ମାହି କହିଛନ୍ତି। ତେବେ ମାହି ସ୍ପଷ୍ଟ କରିଥିଲେ ଯେ, ଜୟ ତାଙ୍କୁ ଆର୍ଥିକ ସହାୟତା ଦେବାକୁ ମନା କରିନାହାନ୍ତି। ବରଂ ଜୟଙ୍କ ପରିଶ୍ରମର ଅର୍ଥ ନେବାକୁ ସେ ନିଜେ ଚାହିଁନଥିଲେ। ବିଗ୍ ବସ୍ରେ ମାହିଙ୍କ ଏହି ଭାବପ୍ରବଣ କଥାବାର୍ତ୍ତା ଏବେ ଚର୍ଚ୍ଚାର ବିଷୟ ପାଲଟିଛି। ]]> Fri, 23 Oct 2026 11:21:50 +0530 https://www.prameyanews7.com/cyclone-fear-grips-aryapalli-coast-in-ganjam https://www.prameyanews7.com/cyclone-fear-grips-aryapalli-coast-in-ganjam ଛତ୍ରପୁର ୨୩।୧୦ : ବାତ୍ୟା ନାଁ ଶୁଣି ଛାନିଆ ହେଲେଣି ଲୋକେ। ବିଶେଷ କରି ଗଞ୍ଜାମ ଆର୍ଯ୍ୟପଲ୍ଲୀ ସମୁଦ୍ର କୂଳରେ ରହୁଥିବା ଲୋକେ ଭୟଭୀତ ଅବସ୍ଥାରେ ଅଛନ୍ତି। ସମୁଦ୍ର ଗାଁ ମୁହାଁ ହେଉଥିବା ବେଳେ ଧିରେ ଧିରେ କୂଳ ଖାଇବାରେ ଲାଗିଛି। ଅନେକ ଘର ସମୁଦ୍ର ଗର୍ଭରେ ଲୀନ ହୋଇ ସାରିଛି। ସେହିପରି ବାତ୍ୟା ପ୍ରଭାବରେ ସମୁଦ୍ର ଆହୁରି ଅଶାନ୍ତ ହେବ। ସ୍ଥଳଭାଗ ଆଡ଼କୁ ମାଡ଼ି ଆସିବ। ଯାହାକୁ ନେଇ ଆର୍ଯ୍ୟପଲ୍ଲୀ ବାସିନ୍ଦା ଭୟଭୀତ ହୋଇପଡ଼ିଛନ୍ତି। ସେହିପରି ବାତ୍ୟା ପାଇଁ ମତ୍ସ୍ୟଜୀବୀଙ୍କୁ ସମୁଦ୍ର ଭିତରକୁ ଯିବାକୁ ବାରଣ କରାଯାଇଛି। ତେଣୁ ଏହି ସମୟରେ କିଭଳି ଗୁଜୁରାଣ ମେଣ୍ଟାଇବେ ମତ୍ସ୍ୟଜୀବୀ ପରିବାର ସେନେଇ ଚିନ୍ତାରେ ପଡ଼ିଛନ୍ତି। Also Read:-ବଙ୍ଗୋପସାଗରରେ ସୃଷ୍ଟି ହେଲା ଲଘୁଚାପ : ୨୬ ତାରିଖରେ ବାତ୍ୟା ! ସୂଚନାଯୋଗ୍ୟ ଯେ, ବଙ୍ଗୋପସାଗରରେ ସୃଷ୍ଟି ହୋଇଛି ଲଘୁଚାପ । ସକାଳେ ପୂର୍ବ-କେନ୍ଦ୍ରୀୟ ଏବଂ ସଂଲଗ୍ନ ଦକ୍ଷିଣ-ପୂର୍ବ ବଙ୍ଗୋପସାଗରରେ ଏକ ଲଘୁଚାପ କ୍ଷେତ୍ର ସୃଷ୍ଟି ହୋଇଛି। ଏହା ଆସନ୍ତାକାଲି ଅବପାତ ଏବଂ ୨୫ ଅକ୍ଟୋବରରେ ଗଭୀର ଅବପାତର ରୂପ ନେବ। ୨୬ ଅକ୍ଟୋବର ସକାଳ ସୁଦ୍ଧା ଏହା ପଶ୍ଚିମ-କେନ୍ଦ୍ରୀୟ ବଙ୍ଗୋପସାଗରରେ ଏକ ବାତ୍ୟାରେ ପରିଣତ ହେବା ସମ୍ଭାବନା ରହିଛି। ପରବର୍ତ୍ତୀ ୨ ଦିନ ମଧ୍ୟରେ ଉତ୍ତର ଆନ୍ଧ୍ରପ୍ରଦେଶ ଏବଂ ଦକ୍ଷିଣ ଓଡ଼ିଶା ଉପକୂଳ ଆଡ଼କୁ ମୁହାଁଇବ।ଯାହାକୁ ନେଇ ବାତ୍ୟ ଭୟ ବଢିବାରେ ଲାଗିଛି। ଆଇଏମଡି ପୂର୍ବାନୁମାନ ଅନୁସାରେ ଏହା ଭୀଷଣ ବାତ୍ୟା ନୁହେଁ ସାଧାରଣ ବାତ୍ୟା ଆକାରରେ ସ୍ଥଳଭାଗ ଛୁଇଁବ। Watch Video:-   ]]> Fri, 23 Oct 2026 11:10:26 +0530 https://www.prameyanews7.com/elderly-people-wait-9-months-for-allowance-in-bhadrak https://www.prameyanews7.com/elderly-people-wait-9-months-for-allowance-in-bhadrak ଭଦ୍ରକ ୨୩।୧୦ : ବୟସ ଆସି ୯୦ ଛୁଇଁଲାଣି। ଚମ ଧୁଡ଼ୁ ଧୁଡ଼ୁ ହୋଇଗଲାଣି। ଆଖିକୁ ଭଲରେ ଦେଖାଯାଉନଥିବା ବେଳେ ଅଣ୍ଟା ସଳଖି ଚାଲିବା ବି କଷ୍ଟ। ହେଲେ ଏହି ବୟସରେ ବି ତାଙ୍କୁ ଭତ୍ତା ପାଇଁ ନୟାନ୍ତ ହେବାକୁ ପଡ଼ୁଛି। ଦୀର୍ଘ ୯ ମାସ ହେବ ଭତ୍ତା ନପାଇ ବ୍ଲକ କାର୍ଯ୍ୟାଳୟ ଆଗରେ ବସି କାନ୍ଦୁଛନ୍ତି ପଢୁଆଁ ଗାଁର ରଘୁନାଥ ପାଢ଼ୀ। ଖବର ଅନୁଯାୟୀ, ଦୀର୍ଘ ୯ମାସ ହେବ ଭତ୍ତା ନପାଇ ବାରମ୍ବାର ପଂଚାୟତକୁ ଦୌଡ଼ୁଥିବା ବେଳେ ବି କିଛି ସୁଫଳ ମିଳିଲାନି। ଗତକାଲି ରଘୁନାଥଙ୍କୁ ସାଥିରେ ଧରି ଭିନ୍ନକ୍ଷମ ପୁଅ ରତ୍ନାକର ବାସୁଦେବପୁର ବ୍ଲକ କାର୍ଯ୍ୟାଳୟରେ ପହଂଚିଥିଲେ। ବ୍ଲକରେ ପହଂଚିବା ପରେ ରଘୁନାଥ କାନ୍ଦି ପକାଇଥିଲେ। ଘରେ କିଛି ଖାଇବାକୁ ନାହିଁ ଭତ୍ତା ଦିଅ ବୋଲି କାନ୍ଦି କାନ୍ଦି ଗୁହାରୀ କରିଥିଲେ। ୯ ମାସ ହେବ ଭତ୍ତା କାହିଁକି ଦିଆଯାଇନଥିଲା ତାହାକୁ ନେଇ ନାନା ପ୍ରସ୍ନ ଉଠିଛି। ବୋଲି ପ୍ରଶ୍ନ ଉଠିଥିଲା। ଏବିଡିଓଙ୍କ ହସ୍ତକ୍ଷେପ ପରେ ଘଟଣାର ତୁରନ୍ତ ସମାଧାନ କରାଯିବା ବୋଲି ବିଭାଗୀୟ ଅଧିକାରୀ ପ୍ରତିଶ୍ରୁତି ଦେଇଛନ୍ତି। ସେହିପରି ଆଉ ଜଣେ ବୃଦ୍ଧା ମଧ୍ୟ ୩ ମାସ ହେବ ଭତ୍ତା ନପାଇ ବ୍ଲକରେ ପହଂଚି କାକୁତି ମିନତୀ ହେଉଥିବା ମଧ୍ୟ ଦେଖିବାକୁ ମିଳିଥିଲା। Watch Video:-   ]]> Fri, 23 Oct 2026 11:12:11 +0530 https://www.prameyanews7.com/india-record-unwanted-t20i-bowling-record-5-bowlers-concede-40-plus-runs-ind-vs-nz-christchurch https://www.prameyanews7.com/india-record-unwanted-t20i-bowling-record-5-bowlers-concede-40-plus-runs-ind-vs-nz-christchurch ନୂଆଦିଲ୍ଲୀ, ୨୩/୧୦:ନ୍ୟୁଜିଲାଣ୍ଡ ବିପକ୍ଷ୫ଟିକିଆ ଟି୨୦ସିରିଜର ପ୍ରଥମ ମୁକାବିଲାକୁ ଜିତି ନେଇଛି ଭାରତ । ମୁକାବିଲାରେ ଭାରତୀୟ ବ୍ୟାଟର ଦମଦାର୍ ପ୍ରଦର୍ଶନ କରିତିଲେ । ପ୍ରଥମେ ବ୍ୟାଟିଂ କରି ନ୍ୟୁଜିଲାଣ୍ଡ୮ଓ୍ୱିକେଟ୍ ହରାଇ୨୨୫ରନ୍ କରିଥିଲା । ଇନିଂସରେ ଭାରତର୫ଜଣ ବୋଲର୪୦ବା ଏହାଠୁ ଅଧିକ ରନ୍ ବ୍ୟୟ କରିଥିଲେ । ଟି୨୦ମୁକାବିଲାରେ ଏପରି ପ୍ରଥମ ଥର ହୋଇଛି ଯେତେବେଳେ ୫ ଭାରତୀୟ ବୋଲର ଗୋଟିଏ ଇନିଂସରେ ୪୦ ବା ଏହାଠୁ ଅଧିକ ରନ୍ ବ୍ୟୟ କରିଛନ୍ତି । ମ୍ୟାଚରେ ଅକ୍ଷର ପଟେଲ ୪ ଓଭର ବୋଲିଂ କରି ୫୧ ରନ୍ ଦେଇଥିଲେ । ଭୁବନେଶ୍ୱର କୁମାର ମଧ୍ୟ ୪୯ ରନ୍ ବ୍ୟୟ କରିଥିଲେ । ସେହିପରି ଅର୍ଶଦୀପ ସିଂ୪୫, ମୟଙ୍କ ଯାଦବ ଏବଂ ନୀତିଶ ରେଡ୍ଡି ୪୦ରନ୍ ଲେଖାଏଁ ବ୍ୟୟ କରିଥିଲେ ।\ Also Read :- Amitabh Bachchan: ବିଗ୍ ବିଙ୍କ ପୋଷ୍ଟକୁ ନେଇ ବଢିଲା ଚିନ୍ତା, କହିଲେ-‘ମୁଁ ଏବେ କିଛି ଲେଖିବା ସ୍ଥିତିରେ ନାହିଁ’… ଭୁବନେଶ୍ୱର ପ୍ରାୟ୪ବର୍ଷ ପରେ ଅନ୍ତର୍ଜାତୀୟ ମୁକାବିଲା ଖେଳିଥିଲେ । କିନ୍ତୁ ସେପରି କିଛି ଖାସ୍ କରିପାରିନଥିଲେ । ଜସପ୍ରିତ ବୁମରାଙ୍କ ଅନୁପସ୍ଥିତି ସ୍ପଷ୍ଟ ଭାବେ ବାରି ହୋଇ ପଡୁଥିଲା । ଭାରତୀୟ ବୋଲର ପ୍ରଭାବହୀନ ଏବଂ ଦିଗହରା ହୋଇଯାଇଥିଲେ । ହାଗଲେ ଓଭାଲରେ ପ୍ରଥମେ ବ୍ୟାଟିଂ କରି ନ୍ୟୁଜିଲାଣ୍ଡ ୨୨୫ ରନର ବିଶାଳ ସ୍କୋର ଛିଡ଼ା କରିଥିଲା। କିଓ୍ଵି ମାଟିରେ ସବୁଠାରୁ ବଡ଼ ସଫଳ ରନ୍ ଚେଜ୍ କରି ଇତିହାସ ରଚିବାକୁ ଥିବା ଭାରତକୁ ସଞ୍ଜୁ ସାମସନ୍ ଓ ଅଭିଷେକ ଶର୍ମା ଦ୍ରୁତ ଆରମ୍ଭ ଦେଇଥିଲେ। ଦୁହେଁ ମାତ୍ର ୫.୫ ଓଭରରେ ୯୩ ରନର ଭାଗିଦାରୀ ଗଢ଼ି ବିପକ୍ଷ ବୋଲରଙ୍କୁ ପ୍ରହାର କରିଥିଲେ। ତେବେ ପ୍ରଥମ ୱିକେଟ୍ ପତନ ପରେ ମ୍ୟାଜିକ୍ ଫର୍ମରେ ଥିବା ଇଶାନ କିଷନଙ୍କୁ ୩ ନମ୍ବରରେ ନପଠାଇ ତିଲକ ବର୍ମାଙ୍କୁ ପ୍ରମୋଟ୍ କରାଯାଇଥିଲା। ଗତ କିଛି ଦିନ ହେବ ଧୀମା ବ୍ୟାଟିଂ ପାଇଁ ସମାଲୋଚିତ ହେଉଥିବା ତିଲକଙ୍କୁ ଆଗୁଆ ବ୍ୟାଟିଂ ଦେବା ନିଷ୍ପତ୍ତି ସମ୍ପୂର୍ଣ୍ଣ ଓଲଟା ପଡ଼ିଥିଲା। ମ୍ୟାଚ୍ ସମ୍ପୂର୍ଣ୍ଣ ଭାବେ ନ୍ୟୁଜିଲାଣ୍ଡ କବଜାକୁ ଚାଲିଯାଇଥିବା ସମୟରେ ଶେଷଭାଗରେ କ୍ରିଜ୍କୁ ଆସିଥିଲେ ନମନ ଧୀର। ସେ ନ୍ୟୁଜିଲାଣ୍ଡ ବୋଲିଂ ଆକ୍ରମଣକୁ ଚାପରେ ପକାଇ ମାତ୍ର ୧୫ଟି ବଲରୁ ୫ଟି ଚୌକା ଓ ୨ଟି ଛକା ସହାୟତାରେ ଅପରାଜିତ ୪୨ ରନର ବିସ୍ଫୋରକ ଇନିଂସ ଖେଳିଥିଲେ। ତାଙ୍କର ଏହି ନିର୍ଭୟ ବ୍ୟାଟିଂ ବଳରେ ଭାରତ ୨ ବଲ୍ ବାକି ଥାଇ ୨୨୬ ରନର ସଫଳ ରନ୍ ଚେଜ୍ କରିବାରେ ସମର୍ଥ ହୋଇଛି। ଗମ୍ଭୀର-ଶ୍ରେୟସଙ୍କ ନିଷ୍ପତ୍ତି ଯୋଗୁଁ ସିରିଜର ପ୍ରଥମ ମ୍ୟାଚରେ ହାରିବାର ଯେଉଁ ଆଶଙ୍କା ଦେଖାଦେଇଥିଲା, ତାହାକୁ ନମନ ନିଜ ବ୍ୟାଟିଂ ବଳରେ ଏକାକୀ ଟାଳି ଦେଇଥିଲେ । ]]> Fri, 23 Oct 2026 12:16:31 +0530 https://www.prameyanews7.com/jaipur-rural-road-accident-car-falls-into-gorge-four-dead https://www.prameyanews7.com/jaipur-rural-road-accident-car-falls-into-gorge-four-dead ନୂଆଦିଲ୍ଲୀ ୨୩।୧୦; ରାଜସ୍ଥାନର ଜୟପୁର ଗ୍ରାମୀଣ ଅଞ୍ଚଳରେ ଘଟିଛି ଏକ ମର୍ମନ୍ତୁଦ ସଡ଼କ ଦୁର୍ଘଟଣା। ଭାରସାମ୍ୟ ହରାଇ ଏକ କାର୍ ରାସ୍ତାକଡ଼ର ଖାଲକୁ ଖସିପଡ଼ିବାରୁ ଚାରି ଜଣଙ୍କର ମୃତ୍ୟୁ ହୋଇଛି। ଏଥିରେ ଅନ୍ୟ ଦୁଇ ଜଣ ଗୁରୁତର ଆହତ ହୋଇଛନ୍ତି। ମନୋହରପୁର-ଦୌସା ରାଜପଥରେ ଜମୱାରାମଗଡ଼ ଅଞ୍ଚଳର ରାଇସାର ନିକଟରେ ଏହି ଦୁର୍ଘଟଣା ଘଟିଛି। ସୂଚନା ଅନୁଯାୟୀ, କାର୍ଟି ମନୋହରପୁରରୁ ଦୌସା ଅଭିମୁଖେ ଯାଉଥିବା ବେଳେ ହଠାତ୍ ଭାରସାମ୍ୟ ହରାଇ ଖାଲ ମଧ୍ୟକୁ ଖସିପଡ଼ିଥିଲା। ଦୁର୍ଘଟଣା ପରେ କାର୍ ଭିତରେ ଯାତ୍ରୀମାନେ ଫସି ରହିଥିଲେ। ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ସ୍ଥାନୀୟ ଲୋକଙ୍କ ସହାୟତାରେ ପ୍ରାୟ ଏକ ଘଣ୍ଟାର ପରିଶ୍ରମ ପରେ ଉଦ୍ଧାର କାର୍ଯ୍ୟ ଶେଷ ହୋଇଥିଲା। ଦୁର୍ଘଟଣାରେ ଚାରି ଜଣଙ୍କ ମୃତ୍ୟୁ ହୋଇଥିବା ବେଳେ ଦୁଇ ଗୁରୁତର ଆହତଙ୍କୁ ଚିକିତ୍ସା ପାଇଁ ଡାକ୍ତରଖାନା ପଠାଯାଇଛି। ମୃତକଙ୍କ ପରିଚୟ ଜଣାପଡ଼ିନଥିବା ବେଳେ ପୋଲିସ ଘଟଣାର ତଦନ୍ତ ଜାରି ରଖିଛି। ସେହିପରି ଅନ୍ୟ ଏକ ସଡ଼କ ଦୁର୍ଘଟଣାରେ ଜଣେ ୨୨ ବର୍ଷୀୟ ଯୁବକଙ୍କ ଜୀବନ ଯାଇଛି। ଗୁରୁବାର ସନ୍ଧ୍ୟାରେ ଦାନ୍ତିୱାଡାରୁ ବାଲି ଅଭିମୁଖେ ମୋଟରସାଇକେଲରେ ଯାଉଥିବା ବେଳେ ଏକ ପୋଲ ଉପରେ ବିପରୀତ ଦିଗରୁ ଆସୁଥିବା ଟ୍ରକ୍-ଟ୍ରେଲର୍ ତାଙ୍କୁ ଧକ୍କା ଦେଇଥିଲା। ଫଳରେ ଯୁବକଙ୍କର ମୃତ୍ୟୁ ହୋଇଥିଲା। ପୋଲିସ ମୃତଦେହକୁ ଶବଗୃହକୁ ପଠାଇ ଘଟଣାର ତଦନ୍ତ କରୁଛି। ]]> Fri, 23 Oct 2026 10:38:21 +0530 https://www.prameyanews7.com/minor-kills-minor-over-fish-catch-dispute-in-bargarh-odisha https://www.prameyanews7.com/minor-kills-minor-over-fish-catch-dispute-in-bargarh-odisha ବରଗଡ଼ ୨୫।୧୦ : ମାଛ ଧରାକୁ ନେଇ ବିବାଦ । ନାବାଳକକୁ ହତ୍ୟା କଲା ନାବାଳକ । ବରଗଡ଼ ଜିଲ୍ଲା ବିଜେପୁର ଅଞ୍ଚଳରେ ଖେଳିଯାଇଛି ଚାଞ୍ଚଲ୍ୟ । ପୋଲିସ ଘଟଣାସ୍ଥଳରେ ପହଞ୍ଚି ଛାନଭିନ୍ ଆରମ୍ଭ କରିଛି । ଖବର ଅନୁଯାୟୀ, ତିନି ଦିନ ତଳେ ନାବାଳକ ନିଖୋଜ ଥିବା ନେଇ ବିଜେପୁର ଥାନାରେ ଅଭିଯୋଗ କରିଥିଲେ ପରିବାର ଲୋକେ । ବହୁ ଖୋଜାଖୋଜି ପରେ ବି ତାଙ୍କର କୌଣସି ପତ୍ତା ମିଳିନଥିଲା । ଶେଷରେ ଶୁକ୍ରବାର ସକାଳୁ ଗାଁ ପୋଖରୀ ହୁଡ଼ାରୁ ନିଖୋଜ ନାବାଳକଙ୍କ ମୃତଦେହ ମିଳିଛି । ତେବେ ଏହି ଘଟଣାକୁ ନେଇ ପୁରା ଅଞ୍ଚଳରେ ଖେଳିଯାଇଛି ଚାଞ୍ଚଲ୍ୟ । Also Read:-Prabhas: ୬ ହଜାର ବିବାହ ପ୍ରସ୍ତାବକୁ ନା, ଆଜି ବି ଅବିବାହିତ ପ୍ରଭାସ! ଜାଣନ୍ତୁ କେଉଁ ବ୍ୟବସାୟ କରିବାକୁ ଚାହୁଁଥିଲେ ଅଭିନେତା ସେପଟେ ଘଟଣା ସଂପର୍କରେ ସୂଚନା ପାଇ ବିଜେପୁର ପୋଲିସ ଘଟଣାର ତଦନ୍ତ ଜାରି ରଖିଛି। ହତ୍ୟା ପଛର ପ୍ରକୃତ କାରଣ ଓ ଘଟଣାରେ କାହାର ସମ୍ପୃକ୍ତି ରହିଛି, ତାହା ପୋଲିସ ତଦନ୍ତ ପରେ ସ୍ପଷ୍ଟ ହେବ। ହେଲେ ପ୍ରାଥମିକ ତଦନ୍ତରୁ ଅନୁମାନ ହେଉଛି କି, ଏହି ହତ୍ୟା ପଛରେ ଜଣେ ନାବାଳକଙ୍କ ହାତ ରହିଛି । ମାଛ ଧରାକୁ ନେଇ ହତ୍ୟା କରାଯାଇଥିବା ଅନୁମାନ କରାଯାଉଛି । ]]> Fri, 23 Oct 2026 10:20:15 +0530 https://www.prameyanews7.com/kareena-kapoor-shahid-kapoor-hug-iifa-evnt https://www.prameyanews7.com/kareena-kapoor-shahid-kapoor-hug-iifa-evnt ବଲିଉଡ୍ର ଗ୍ଲାମରସ୍ ଦୁନିଆ… ଗୋଟିଏ ମଞ୍ଚରେ ଅନେକ ଷ୍ଟାର୍, ଆଉ ଏହାରି ଭିତରେ ଏମିତି ଏକ ମୁହୂର୍ତ୍ତ, ଯାହା ଏବେ ସୋସିଆଲ୍ ମିଡିଆରେ ଚର୍ଚ୍ଚା ହେଉଛି। IIFA ଆୱାର୍ଡକୁ ନେଇ ଆୟୋଜିତ କାର୍ଯ୍ୟକ୍ରମରେ ଏକାଠି ନଜର ଆସିଛନ୍ତି ଶାହିଦ କପୁର ଓ କରିନା କପୁର ଖାନ୍। ଦିନେ ପରଦାରେ ଯେଉଁ ଯୋଡ଼ିଙ୍କ କେମେଷ୍ଟ୍ରି ଦର୍ଶକଙ୍କୁ ଦିୱାନା କରିଥିଲା, ଆଜି ସେହି ଦୁଇ ତାରକାଙ୍କ ଆଲିଙ୍ଗନକୁ ନେଇ ଚର୍ଚ୍ଚା ଜୋର୍। ଉଭୟଙ୍କୁ ଏକାଠି ଦେଖି ପରେ ଫ୍ୟାନ୍ସଙ୍କୁ ମନେ ପଡ଼ିଯାଇଛି ସୁପରହିଟ୍ ଫିଲ୍ମ ‘ଜବ୍ ୱି ମେଟ୍’ର ଗୀତ ଓ ଆଦିତ୍ୟଙ୍କ କାହାଣୀ। ଶାହିଦ-କରିନାଙ୍କ ଆଲିଙ୍ଗନ,ଚର୍ଚ୍ଚାରେ ପୁରୁଣା ଯୋଡ଼ି IIFA ଆୱାର୍ଡର ୨୭ତମ ସଂସ୍କରଣକୁ ନେଇ ମୁମ୍ବାଇରେ ଆୟୋଜିତ ସାମ୍ବାଦିକ ସମ୍ମିଳନୀରେ ବଲିଉଡ୍ ତାରକାଙ୍କ ଜମିଥିଲା ଭିଡ଼। ସଲମାନ ଖାନଙ୍କ ଠାରୁ ଆରମ୍ଭ କରି ଶାହିଦ କପୁର, ବରୁଣ ଧାୱନ, କରିନା କପୁର ଖାନ୍ ଓ ରଶ୍ମିକା ମନ୍ଦନ୍ନାଙ୍କ ପର୍ଯ୍ୟନ୍ତ, ସମସ୍ତେ ନିଜ ନିଜ ଷ୍ଟାଇଲିଶ୍ ଅନ୍ଦାଜରେ ଆକର୍ଷଣର କେନ୍ଦ୍ର ପାଲଟିଥିଲେ। Former lovebirds Kareena Kapoor Khan and Shahid Kapoor share a warm hug at the IIFA event in Mumbai #KareenaKapoorKhan #ShahidKapoor #IIFA #Bollywood #BollywoodNews #IIFAMumbai Video: Bollywood Helpline https://t.co/YcvdJkMoH9 — Diganta Guha (@diganta_guha) October 22, 2026 ଶାହିଦ କପୁରଙ୍କ ଅଲ୍ ହ୍ୱାଇଟ୍ ଲୁକ୍ ହେଉ କି ବରୁଣ ଧାୱନଙ୍କ ଷ୍ଟାଇଲିଶ୍ ଅନ୍ଦାଜ୍, କିମ୍ବା କରିନା ଓ ରଶ୍ମିକାଙ୍କ ଗ୍ଲାମରସ୍ ଲୁକ୍-ପ୍ରତିଟି ଝଲକ ସୋସିଆଲ୍ ମିଡିଆରେ ଚର୍ଚ୍ଚା ସାଉଁଟିଥିଲା। ହେଲେ ଏହି ଇଭେଣ୍ଟର ସବୁଠାରୁ ଚର୍ଚ୍ଚିତ ମୁହୂର୍ତ୍ତ ପାଲଟିଛି ଶାହିଦ ଓ କରିନାଙ୍କ ସାକ୍ଷାତ୍। ସେୟାର ହୋଇଥିବା ଏକ ଭିଡିଓରେ ଶାହିଦ କପୁର ଓ କରିନା କପୁର ଖାନ୍ ପରସ୍ପରକୁ ଆଲିଙ୍ଗନ କରୁଥିବା ଦେଖିବାକୁ ମିଳିଛି। ଆଲିଙ୍ଗନ କରିବା ପୂର୍ବରୁ ଉଭୟଙ୍କ ମଧ୍ୟରେ କିଛି କଥାବାର୍ତ୍ତା ହେଉଥିବା ସହ ମୁହଁରେ ହସ ମଧ୍ୟ ନଜର ଆସିଛି। ଏହି ଦୃଶ୍ୟ ସାମ୍ନାକୁ ଆସିବା ପରେ ଫ୍ୟାନ୍ସଙ୍କୁ ମନେ ପଡ଼ିଯାଇଛି ‘ଜବ୍ ୱି ମେଟ୍’ର ସେହି ରୋମାଣ୍ଟିକ୍ ଯୋଡ଼ି। ଆଜି ବାସ୍ତବ ଜୀବନରେ ଉଭୟ ନିଜ ନିଜ ସଂସାରରେ ବ୍ୟସ୍ତ ଥିଲେ ମଧ୍ୟ, ସେମାନଙ୍କୁ ଏକାଠି ଦେଖିବା ଫ୍ୟାନ୍ସଙ୍କ ପାଇଁ ଏକ ଭିନ୍ନ ଅନୁଭୂତି ଆଣିଛି। ଏକ ସମୟରେ ଶାହିଦ କପୁର ଓ କରିନା କପୁରଙ୍କ ପ୍ରେମ ସମ୍ପର୍କ ବଲିଉଡ୍ରେ ବେଶ୍ ଚର୍ଚ୍ଚିତ ଥିଲା। ଉଭୟ ଏକାଠି ଅନେକ ଫିଲ୍ମରେ କାମ କରିବା ସହ ନିଜ ଯୋଡ଼ି ପାଇଁ ଦର୍ଶକଙ୍କ ଭଲପାଇବା ପାଇଥିଲେ। କିନ୍ତୁ ସମୟ ସହ ଉଭୟଙ୍କ ରାସ୍ତା ଅଲଗା ହୋଇଯାଇଥିଲା। ଆଜି ଶାହିଦ କପୁର ମୀରା ରାଜପୁତଙ୍କ ସହ ବୈବାହିକ ଜୀବନ ବିତାଉଥିବା ବେଳେ, କରିନା କପୁର ଖାନ୍ ସୈଫ ଅଲି ଖାନ୍ଙ୍କ ସହ ନିଜ ପରିବାରରେ ବ୍ୟସ୍ତ। ଏପରି ସ୍ଥିତିରେ ଉଭୟଙ୍କ ଏହି ସହଜ ଓ ହସଖୁସିର ମୁହୂର୍ତ୍ତ ଦର୍ଶାଉଛି ଯେ ପୁରୁଣା ସମ୍ପର୍କ ପରେ ମଧ୍ୟ ପରସ୍ପରକୁ ସମ୍ମାନ ଦେବା କେତେ ଗୁରୁତ୍ୱପୂର୍ଣ୍ଣ। ]]> Fri, 23 Oct 2026 10:05:25 +0530 https://www.prameyanews7.com/kalinga-ghat-landslide-road-still-closed-after-one-month-in-kandhamal https://www.prameyanews7.com/kalinga-ghat-landslide-road-still-closed-after-one-month-in-kandhamal ଜି.ଉଦୟଗିରି ୨୩।୧୦ : ମାସେ ପୂରିଲା । କେବେ ଖୋଲିବ କଳିଙ୍ଗା ଘାଟି । କନ୍ଧମାଳ କଳିଙ୍ଗା ଘାଟିରେ ଭୂସ୍ଖଳନ ଓ ରାସ୍ତା ଧୋଇଯିବା ଘଟଣାକୁ ମାସେ ବିତିଗଲା। କିନ୍ତୁ ଆଜି ପର୍ଯ୍ୟନ୍ତ କଳିଙ୍ଗା ଘାଟିରେ ଜନ ସାଧାରଣଙ୍କୁ ଯିବାକୁ ବାରଣ କରୁଛି ପ୍ରଶାସନ । ଖବର ଅନୁଯାୟୀ, ୨୦୨୫ରେ ଲଗାଣ ବର୍ଷା ଲାଗି କଳିଙ୍ଗା ଘାଟିରେ ରାସ୍ତା ଭୁଶୁଡ଼ିଥିଲା । ଦୀର୍ଘ ଦିନ ଧରି ରାସ୍ତା ବନ୍ଦ ରହିଥିଲା । ମରାମତି ପରେ କଲିଙ୍ଗା ଘାଟିକୁ ଲୋକଙ୍କୁ ଗମନାଗମନ ପାଇଁ ଖୋଲିଥିଲା ପ୍ରଶାସନ । ଏବେ ପୁଣି ୨୦୨୬ରେ ସମାନ ଅବସ୍ଥା ଲଗାଣ ବର୍ଷା ଲାଗି ଭୁସ୍ଖଳନ ହୋଇଥିଲା । ଯାହାଫଳରେ ରାସ୍ତାରେ ମାଟି ଧସୁଥିବାର ଦେଖିବାକୁ ମିଳିଥିଲା । ଏହାପରେ ପ୍ରଶାସନ ତୁରନ୍ତ ଘାଟି ରାସ୍ତାକୁ ବନ୍ଦ କରିଥିଲା । ଦୀର୍ଘ ଦିନ ଧରି ଉକ୍ତ ରାସ୍ତା ବନ୍ଦ ରହିଛି । ଯାହାଫୟଳରେ ଲୋକଙ୍କ ଯିବାଆସିବାରେ ଅସୁବିଧା ହେଉଛି । Also Read:-ଆନନ୍ଦପୁରରେ ଏନକାଉଣ୍ଟର, ପୋଲିସ ଗୁଳିରେ ଅର୍ଜୁନ ଗୁରୁତର ତେବେ ପଶ୍ଚିମ ଓଡ଼ିଶା ଓ ଦକ୍ଷିଣ ଓଡ଼ିଶାକୁ ସଂଯୋଗ କରୁଥିବା ଏହି କଳିଙ୍ଗା ଘାଟିର କାମ ପ୍ରାୟତଃ ବନ୍ଦ ରହିଛି। ପୋଲିସ ପକ୍ଷରୁ କଳିଙ୍ଗା ପଥପ୍ରାନ୍ତ ଠାରେ ନାକା ବନ୍ଦୀ କରାଯାଇଛି । ଭଞ୍ଜନଗର ପୋଲିସ ପକ୍ଷରୁ ଦୁର୍ଗା ପ୍ରସାଦଠାରେ ନାକା ବନ୍ଦୀ କରାଯାଇଅଛି। କୌଣସି ଗାଡ଼ିକୁ ଘାଟିକୁ ଛଡ଼ାଯାଉ ନାହିଁ। ଫଳରେ ଲୋକେ ନାହିଁ ନଥିବା ସମସ୍ୟାର ସମ୍ମୁଖୀନ ହେଉଛନ୍ତି। Watch Video:-   ]]> Fri, 23 Oct 2026 09:31:19 +0530 https://www.prameyanews7.com/low-pressure-in-bay-of-bengal-may-form-very-severe-cyclone-in-october-26 https://www.prameyanews7.com/low-pressure-in-bay-of-bengal-may-form-very-severe-cyclone-in-october-26 ଭୁବନେଶ୍ୱର, ୨୩/୧୦:ବଢିଲା ବାତ୍ୟା ଆଶଙ୍କା । ବଙ୍ଗୋପସାଗରରେ ସୃଷ୍ଟି ହେଲା ଲଘୁଚାପ। ଶନିବାର ଅବପାତ ଏବଂ ୨୫ରେ ଗଭୀର ଅବପାତର ରୂପ ନେବ ଲଘୁଚାପ । ପାଣିପାଗ ବିଭାଗର ରିପୋର୍ଟ ଅନୁସାରେ, ଘୂର୍ଣ୍ଣିବଳୟ ଲଘୁଚାପର ରୂପ ନେଇଛି । ଏହା ଆସନ୍ତା ୨୬ ତାରିଖ ସକାଳ ସୁଦ୍ଧା ବାତ୍ୟାରେ ପରିଣତ ହେବାର ସମ୍ଭାବନା ରହିଛି । ବାତ୍ୟାର ରୂପ ନେଲା ପରେ ଏହା ଉତ୍ତର ଆନ୍ଧ୍ରପ୍ରଦେଶ ଓ ଦକ୍ଷିଣ ଓଡ଼ିଶା ଉପକୂଳ ଆଡ଼କୁ ଗତି କରିବ । Also Read :- ୨୭ ତାରିଖ ରାତିରେ ଲ୍ୟାଣ୍ଡଫଲ୍, ଗୋପାଳପୁରରେ ମାଡ଼ ହେବ ବାତ୍ୟା ! ୧୫୦ କିମି ବେଗରେ ବହିପାରେ ପବନ ଇସିଏମଡବଲୁଏଫ୍ ଆକଳନ କରିଛି,୨୮ ତାରିଖ ସକାଳେ ଆନ୍ଧ୍ରର କାକିନାଡାପାଖରେସମ୍ଭାବ୍ୟ ବାତ୍ୟା ସ୍ଥଳଭାଗରେ ପ୍ରବେଶ କରିବ। ଜିଏଫଏସ୍ ପୂର୍ବାନୁମାନ ହେଲା-ଶ୍ରୀକାକୁଲମ ଓ ଗୋପାଳପୁର ମଧ୍ୟରେ ଏହା ସ୍ଥଳଭାଗ ଛୁଇଁପାରେ । ଲ୍ୟାଣ୍ଡଫଲ୍ ସମୟରେ ୧୫୦ କିମି ବେଗରେ ପବନ ବହିବ। ସିଏମସି ମଡେଲ୍ ଅନୁସାରେ ଦକ୍ଷିଣ ଓଡ଼ିଶାର ଗୋପାଳପୁର ପାଖରେ ସମ୍ଭାବ୍ୟ ବାତ୍ୟା ସ୍ଥଳଭାଗକୁ ପଶିପାରେ। ଅର୍ଥାତ ଓଡ଼ିଶା ଉପରେ ରହିଛି ଭୀଷଣ ବାତ୍ୟାର ବିପଦ । ଏହା ଭିତରେ ଭାରତୀୟ ପାଣିପାଗ ବିଜ୍ଞାନ ବିଭାଗ ଆଇଏମଡି ସମ୍ଭାବ୍ୟ ବାତ୍ୟାର ସଙ୍କେତ ଦେଖାଇଛି। ଆଇଏମଡି ବୁଲେଟିନରେ କୁହାଯାଇଛି,ଦକ୍ଷିଣ-ପୂର୍ବ ଓ ପୂର୍ବ କେନ୍ଦ୍ରୀୟ ବଙ୍ଗୋପସାଗର ଉପରେ ଘୂର୍ଣ୍ଣିବଳୟ ରହିଛି । ଏହା ପଶ୍ଚିମ-ଉତ୍ତର ପଶ୍ଚିମରେ ଗତି କରିବ । ଲଘୁଚାପରୂପ ନେଇ ଅଧିକ ଘନୀଭୂତ ହୋଇପାରେ। ସମ୍ଭାବ୍ୟ ଲଘୁଚାପ ଘନୀଭୂତ ହୋଇ ବାତ୍ୟା ରୂପ ନେବା ସମ୍ଭାବନା ଅଛି । ଘଣ୍ଟା ପ୍ରତି ୬୨ କିମିରୁ ଅଧିକ ପବନ ହେଲେ ତାହା ବାତ୍ୟା ଶ୍ରେଣୀଭୁକ୍ତ ହୋଇଥାଏ। ୮୮ କିମିରୁ ୧୧୭ କିମି ପବନ ହେଲେ ତାହା ଭୀଷଣ ବାତ୍ୟା କୁହାଯାଏ। ୧୧୮ କିମିରୁ ୧୬୫ କିମି ପବନ ବହିଲେ ଏହାକୁ ଅତି ଭୀଷଣ ବାତ୍ୟା କୁହାଯିବ। ଆଇଏମଡିର କହିବା କଥା ହେଲା, ସମ୍ଭାବ୍ୟ ସିଷ୍ଟମ ପ୍ରଭାବରେ ଓଡ଼ିଶା ଏବଂ ଆନ୍ଧ୍ରରେ ପ୍ରବଳ ବର୍ଷା ହେବ । ଓଡ଼ିଶାରେ ୨୬ରୁ ୨୮ ଯାଏଁ ଛାଡିବନି ବର୍ଷା । ଆନ୍ଧ୍ରରେ ବି ୨୫ରୁ ୨୮ ତାରିଖ ଯାଏଁ ପାଗ ବଦଳିବା ସହ ବର୍ଷା ସମ୍ଭାବନା ରହିଛି। ୨୩ ସନ୍ଧ୍ୟାରୁ ସମୁଦ୍ର ଅଶାନ୍ତ ରହିପାରେ ବୋଲି ଆଶଙ୍କା କରାଯାଉଛି । ]]> Fri, 23 Oct 2026 10:50:28 +0530 https://www.prameyanews7.com/amitabh-bachchan-health-update-apologises-to-fans-rest https://www.prameyanews7.com/amitabh-bachchan-health-update-apologises-to-fans-rest ମୁମ୍ଵାଇ ୨୩।୧୦; ବଲିଉଡର ଶେହେନଶାହ ଅମିତାଭ ବଚ୍ଚନଙ୍କୁ ନେଇ ଆସିଛି ଏକ ବଡ଼ ଅପଡେଟ୍। ବିଗ୍ ବିଙ୍କ ଏକ ସୋସିଆଲ୍ ମିଡିଆ ପୋଷ୍ଟ ଏବେ ତାଙ୍କ ଲକ୍ଷ ଲକ୍ଷ ପ୍ରଶଂସକଙ୍କ ଚିନ୍ତା ବଢ଼ାଇ ଦେଇଛି। ନିୟମିତ ଭାବେ ନିଜ ବ୍ଲଗ୍ ଓ ପୋଷ୍ଟ ମାଧ୍ୟମରେ ପ୍ରଶଂସକଙ୍କ ସହ ଯୋଡ଼ି ହୋଇ ରହୁଥିବା ଅମିତାଭ ହଠାତ୍ କାହିଁକି ନିଜକୁ ଲେଖାଲେଖିରୁ ଦୂରେଇ ରଖିଛନ୍ତି? ନିଜେ ପୋଷ୍ଟ କରି କ୍ଷମା ମାଗିବା ସହ ବିଶ୍ରାମ ନେବା ଏବଂ ସୁସ୍ଥ ହେବା ପାଇଁ ସମୟ ଆବଶ୍ୟକ ବୋଲି କହିଛନ୍ତି ବିଗ୍ ବି। ତେବେ କ’ଣ ଅମିତାଭଙ୍କ ସ୍ୱାସ୍ଥ୍ୟାବସ୍ଥା ଠିକ୍ ନାହିଁ? ତାଙ୍କର ଏହି ପୋଷ୍ଟ ପରେ ପ୍ରଶଂସକଙ୍କ ମନରେ ଏବେ ଅନେକ ପ୍ରଶ୍ନ। ଆସନ୍ତୁ ଜାଣିବା ପୂରା ଖବର। ସାଧାରଣତଃ ନିଜ ବ୍ଲଗ୍ ମାଧ୍ୟମରେ ଦୈନନ୍ଦିନ ଜୀବନର ଅନୁଭୂତି ଓ ଚିନ୍ତାଧାରା ବାଣ୍ଟୁଥିବା ବିଗ୍ ବି କିଛି ଦିନ ଧରି ନିୟମିତ ଲେଖିପାରିନଥିଲେ। ଏହାକୁ ନେଇ ପ୍ରଶଂସକଙ୍କ ମନରେ ଉତ୍କଣ୍ଠା ବଢ଼ିଥିବା ବେଳେ, ଶେଷରେ ନିଜେ ଏକ ପୋଷ୍ଟ ମାଧ୍ୟମରେ ଏହାର କାରଣ ଜଣାଇଛନ୍ତି ଅମିତାଭ। ସେ କହିଛନ୍ତି ଯେ ତାଙ୍କୁ ବିଶ୍ରାମ ନେବା ସହ ସୁସ୍ଥ ହେବା ପାଇଁ କିଛି ସମୟ ଦେବାକୁ ପରାମର୍ଶ ଦିଆଯାଇଛି। ତେଣୁ ଏବେ ସେ କିଛି ଲେଖିବା ସ୍ଥିତିରେ ନାହାନ୍ତି। ନିଜର ନିୟମିତ ପାଠକ ଓ ପ୍ରଶଂସକଙ୍କୁ କ୍ଷମା ମାଗିବା ସହ ଏହି ସୂଚନା ଦେଇଛନ୍ତି ବିଗ୍ ବି। ତାଙ୍କର ଏହି ପୋଷ୍ଟ ସାମ୍ନାକୁ ଆସିବା ପରେ ପ୍ରଶଂସକମାନେ ତାଙ୍କ ସ୍ୱାସ୍ଥ୍ୟକୁ ନେଇ ଚିନ୍ତା ପ୍ରକାଶ କରୁଛନ୍ତି। ଅନେକେ କମେଣ୍ଟ ମାଧ୍ୟମରେ ତାଙ୍କର ସୁସ୍ଥତା କାମନା କରିବା ସହ ଶୀଘ୍ର ସୁସ୍ଥ ହୋଇ ଫେରିବାକୁ ପ୍ରାର୍ଥନା କରିଛନ୍ତି। ଆଣ୍ଠୁରେ ଆଘାତ ପରେ ବଢ଼ିଲା ଚର୍ଚ୍ଚା ନିକଟରେ ‘କୌନ୍ ବନେଗା କରୋଡ଼ପତି’ର ସୁଟିଂ ସମୟରେ ଅମିତାଭଙ୍କ ଆଣ୍ଠୁରେ ଆଘାତ ଲାଗିଥିବା ଖବର ସାମ୍ନାକୁ ଆସିଥିଲା। ନିଜେ ଏକ ଏପିସୋଡ୍ରେ ଏହି ଘଟଣା ବିଷୟରେ ଜଣାଇଥିଲେ ଅଭିନେତା। ତେବେ ଆଘାତଟି ଗୁରୁତର ନୁହେଁ ବୋଲି ସେ କହିଥିଲେ ଏବଂ ସୁଟିଂ ମଧ୍ୟ ଜାରି ରଖିଥିଲେ। ହେଲେ ବର୍ତ୍ତମାନ ବିଶ୍ରାମ ନେବାକୁ ନେଇ ତାଙ୍କର ଏହି ନୂଆ ପୋଷ୍ଟ ପରେ ତାଙ୍କ ସ୍ୱାସ୍ଥ୍ୟକୁ ନେଇ ଆଲୋଚନା ଆହୁରି ବଢ଼ିଛି। ତେବେ ଅମିତାଭ କେଉଁ ସ୍ୱାସ୍ଥ୍ୟଗତ ସମସ୍ୟା ପାଇଁ ବିଶ୍ରାମ ନେଉଛନ୍ତି, ସେନେଇ କୌଣସି ସ୍ପଷ୍ଟ ସୂଚନା ଦେଇନାହାନ୍ତି। ]]> Fri, 23 Oct 2026 09:11:07 +0530 https://www.prameyanews7.com/prabhas-birthday-special-movies-personal-life-facts https://www.prameyanews7.com/prabhas-birthday-special-movies-personal-life-facts ମୁମ୍ଵାଇ ୨୩।୧୦; ଦକ୍ଷିଣ ଭାରତୀୟ ଚଳଚ୍ଚିତ୍ର ଜଗତର ପ୍ରମୁଖ ତାରକା ପ୍ରଭାସ । ଆଜି ସେ ୪୭ ବର୍ଷରେ ପଦାର୍ପଣ କରିଛନ୍ତି। ଜୀବନର ଏହି ପର୍ଯ୍ୟାୟରେ ଆଜି ସେ ଅବିବାହିତ ଅଛନ୍ତି। କେବଳ ଚଳଚ୍ଚିତ୍ର କିମ୍ବା ଅଭିନୟ ପାଇଁ ନୁହେଁ, ବରଂ ନିଜର ବ୍ୟକ୍ତିଗତ ଜୀବନକୁ ନେଇ ସେ ଅନେକ ସମୟରେ ଚର୍ଚ୍ଚାରେ ରହିଆସିଛନ୍ତି। ସବୁଠାରୁ ବଡ କଥା ସେ ପ୍ରାୟ ୬,୦୦୦ ବିବାହ ପ୍ରସ୍ତାବକୁ ରିଜେକ୍ଟ କରିଦେଇଥିଲେ। ଚଳଚ୍ଚିତ୍ର ଜଗତରେ ଦୁଇ ଦଶନ୍ଧିରୁ ଅଧିକ ସମୟ ବିତାଇ ସାରିଥିଲେ ମଧ୍ୟ, ୨୦୧୫ରେ ବ୍ଲକବଷ୍ଟର ଚଳଚ୍ଚିତ୍ର 'ବାହୁବଳୀ' ତାଙ୍କୁ ବ୍ୟାପକ ଲୋକପ୍ରିୟତା ଓ ପରିଚୟ ଆଣିଦେଇଥିଲା। ଚଳଚ୍ଚିତ୍ର ଜଗତ ସହ ଗଭୀର ସମ୍ପୃକ୍ତି ଥିବା ଏକ ପରିବାରରୁ ଆସିଥିଲେ ମଧ୍ୟ, ଆଶ୍ଚର୍ଯ୍ୟର କଥା ଯେ ପ୍ରଭାସ କେବେବି ଅଭିନେତା ହେବାକୁ ଲକ୍ଷ୍ୟ ରଖିନଥିଲେ। କିନ୍ତୁ ଭାଗ୍ୟର କିଛି ଅନ୍ୟ ଯୋଜନା ଥିଲା, ଯାହା ତାଙ୍କୁ କେବଳ ଜଣେ ଅଭିନେତା ନୁହେଁ, ବରଂ ଜଣେ ବିଶାଳ ସୁପରଷ୍ଟାର୍ରେ ପରିଣତ କଲା। ତାଙ୍କ ଜନ୍ମଦିନ ଅବସରରେ, ଆସନ୍ତୁ ତାଙ୍କ ବିଷୟରେ କିଛି ରୋଚକ ତଥ୍ୟ ଜାଣିବା। କାହିଁକି ଅଭିନେତା ହେବାକୁ ଚାହୁଁନଥିଲେ ପ୍ରଭାସ? ପ୍ରଭାସ ୧୯୭୯ ମସିହା ଅକ୍ଟୋବର ୨୩ ତାରିଖରେ ଚେନ୍ନାଇରେ ଜନ୍ମଗ୍ରହଣ କରିଥିଲେ। ତାଙ୍କର ପୁରା ନାମ ହେଉଛି ଉପ୍ପଲାପତି ଭେଙ୍କଟ ସୂର୍ଯ୍ୟନାରାୟଣ ପ୍ରଭାସ ରାଜୁ। ବିଭିନ୍ନ ସାକ୍ଷାତକାରରେ ସେ ପ୍ରକାଶ କରିଛନ୍ତି ଯେ, ତାଙ୍କର ଅଭିନେତା ହେବାର କୌଣସି ଇଚ୍ଛା ନଥିଲା, ବରଂ ଆରମ୍ଭରେ ସେ ହସ୍ପିଟାଲିଟି (ହୋଟେଲ୍) କ୍ଷେତ୍ରରେ ନିଜର କ୍ୟାରିୟର ଗଢ଼ିବାକୁ ଆଗ୍ରହୀ ଥିଲେ। ପ୍ରାରମ୍ଭରେ, ଲୋକଙ୍କ ସହ ମିଳାମିଶା କରିବା, କ୍ୟାମେରା ସାମ୍ନା କରିବା କିମ୍ବା ଭିଡ଼ ମଧ୍ୟରେ ରହିବା ପାଇଁ ପ୍ରଭାସ ସହଜ ଅନୁଭବ କରୁନଥିଲେ। ସେ ଏହା ମଧ୍ୟ କହିଥିଲେ ଯେ, ଅଭିନୟ କ୍ଷେତ୍ରକୁ ଆସିବା ପରେ ସେ ଚଳଚ୍ଚିତ୍ର ଜଗତରେ ସଫଳ ନ ହୁଅନ୍ତି, ତେବେ ସେ ହୋଟେଲ୍ ବ୍ୟବସାୟ କରିବା ବିଷୟରେ ଚିନ୍ତା କରିଥିଲେ। ୨୦୦୨ ମସିହାରେ ଅଭିନୟ ଜଗତରେ ପଦାର୍ପଣ ପ୍ରଭାସ ଏକ ଚଳଚ୍ଚିତ୍ର ବ୍ୟାକଗ୍ରାଉଣ୍ଡ ଥିବା ପରିବାରରେ ଜନ୍ମଗ୍ରହଣ କରିଥିଲେ। ତାଙ୍କ ପିତା ଉପ୍ପଲାପତି ସୂର୍ଯ୍ୟ ନାରାୟଣ ରାଜୁ ଜଣେ ଚଳଚ୍ଚିତ୍ର ନିର୍ମାତା ଥିଲେ ଏବଂ ଅଭିନେତା କୃଷ୍ଣମ ରାଜୁ ତାଙ୍କର ଦାଦା ଥିଲେ। ପ୍ରଭାସ ୨୦୦୨ ମସିହାରେ 'ଈଶ୍ୱର' (Eeswar) ଚଳଚ୍ଚିତ୍ର ମାଧ୍ୟମରେ ନିଜର ଅଭିନୟ ଜୀବନ ଆରମ୍ଭ କରିଥିଲେ। ଚଳଚ୍ଚିତ୍ର ଜଗତରେ ପଦାର୍ପଣ କରିବା ସମୟରେ ତାଙ୍କୁ ୨୩ ବର୍ଷ ବୟସ ହୋଇଥିଲା। ନିଜ କ୍ୟାରିୟରର ପ୍ରାରମ୍ଭିକ ପର୍ଯ୍ୟାୟରେ, ପ୍ରଭାସ 'ବିଲ୍ଲା', 'ମିର୍ଚି', 'ମିଷ୍ଟର ପରଫେକ୍ଟ', 'ବର୍ଷମ୍', 'ଛତ୍ରପତି' ଏବଂ 'ଡାର୍ଲିଂ' ଭଳି ଚଳଚ୍ଚିତ୍ର ମାଧ୍ୟମରେ ଲୋକପ୍ରିୟତା ହାସଲ କରିଥିଲେ। ହେଲେ ପ୍ରଭାସ ତେଲୁଗୁ ଭାଷାଭାଷୀ ଦର୍ଶକଙ୍କ ମଧ୍ୟରେ ପୂର୍ବରୁ ହିଁ ଏକ ବଡ଼ ସୁନାମ ଅର୍ଜନ କରିସାରିଥିଲେ, ତଥାପି ସେ ସମଗ୍ର ଭାରତ ତଥା ବିଶ୍ୱସ୍ତରରେ ଲୋକପ୍ରିୟତା ହାସଲ କରିବାକୁ ବାକି ଥିଲେ। ଏସ୍. ଏସ୍. ରାଜମୌଲିଙ୍କ ନିର୍ଦ୍ଦେଶିତ ବ୍ଲକବଷ୍ଟର ଚଳଚ୍ଚିତ୍ର 'ବାହୁବଳୀ' ଏବଂ 'ବାହୁବଳୀ-୨' ହିଁ ତାଙ୍କୁ ବିଶ୍ୱବ୍ୟାପୀ ସଫଳତା ଓ ଖ୍ୟାତି ଆଣିଦେଇଥିଲା। ୨୦୧୫ ମସିହାରେ ମୁକ୍ତିଲାଭ କରିଥିବା 'ବାହୁବଳୀ' ସାରା ଦେଶରେ ବକ୍ସ ଅଫିସ୍ରେ ଏକ ଚହଳ ସୃଷ୍ଟି କରିବା ସହ ଅନେକ ରେକର୍ଡ ଭାଙ୍ଗି ଦେଇଥିଲା। ୧୭୦ କୋଟି ଟଙ୍କାର ବଜେଟ୍ରେ ନିର୍ମିତ ଏହି ଚଳଚ୍ଚିତ୍ରଟି ବିଶ୍ୱସ୍ତରରେ ୬୫୦ କୋଟି ଟଙ୍କାର ଆୟ କରିଥିଲା। ଏହାର ଦୁଇ ବର୍ଷ ପରେ, ଏହାର ଦ୍ୱିତୀୟ ଭାଗ 'ବାହୁବଳୀ-୨' ମୁକ୍ତିଲାଭ କଲା।ଯାହା ବିଶ୍ୱସ୍ତରରେ ୧,୮୦୦ କୋଟି ଟଙ୍କାରୁ ଅଧିକ ଆୟ କରିଥିଲା। ଏହି ଚଳଚ୍ଚିତ୍ରଗୁଡ଼ିକ ପ୍ରଭାସଙ୍କ ତାରକା ଛବିକୁ ଏକ ନୂତନ ଉଚ୍ଚତାକୁ ନେଇଗଲା। ବିଶେଷ ଉଲ୍ଲେଖନୀୟ ଯେ, ପ୍ରଭାସ 'ବାହୁବଳୀ' ସିରିଜ୍ ପାଇଁ ପାଞ୍ଚ ବର୍ଷ ସମୟ ଦେଇଥିଲେ ଏବଂ ସୁଟିଂ ପାଇଁ ସେଟ୍ରେ ୬୦୦ ଦିନରୁ ଅଧିକ ସମୟ ବିତାଇଥିଲେ। ୬,୦୦୦ରୁ ଅଧିକ ପ୍ରପୋଜାଲକୁ ରିଜେକ୍ଟ କରିଥିଲେ 'ବାହୁବଳୀ'ର ବହୁ ସଫଳତା ପରେ, ପ୍ରଭାସ ସମଗ୍ର ଦେଶରେ ଏକ ଚର୍ଚ୍ଚିତ ବ୍ୟକ୍ତିତ୍ୱ ପାଲଟିଗଲେ। ଏହି ଚଳଚ୍ଚିତ୍ରଟି ଏକ ବ୍ଲକବଷ୍ଟର ହେବା ପରେ, ଅଭିନେତା ଜଣକ ଦେଶର ବିଭିନ୍ନ ସ୍ଥାନରୁ ୬,୦୦୦ରୁ ଅଧିକ ବିବାହ ପ୍ରସ୍ତାବ ପାଇଥିଲେ; କିନ୍ତୁ ସେ ସେହି ସମସ୍ତ ପ୍ରସ୍ତାବକୁ ରିଜେକ୍ଟ କରିଥିଲେ। ଅନୁଷ୍କା ଶେଟ୍ଟୀଙ୍କ ସହ ନାମ ଯୋଡ଼ି ହେବା ପ୍ରଭାସ 'ବାହୁବଳୀ' ଏବଂ 'ବାହୁବଳୀ-୨'ରେ ଲୋକପ୍ରିୟ ଅଭିନେତ୍ରୀ ଅନୁଷ୍କା ଶେଟ୍ଟୀଙ୍କ ସହ କାମ କରିଥିଲେ। ଏହା ପୂର୍ବରୁ, ଉଭୟ କଳାକାର 'ମିର୍ଚି' ଏବଂ 'ବିଲ୍ଲା' ଭଳି ଚଳଚ୍ଚିତ୍ରରେ ମଧ୍ୟ ଏକାଠି ନଜର ଆସିଥିଲେ। ସେମାନେ ଏକାଠି କାମ କରୁଥିବା ସମୟରେ, ଏଭଳି ଖବର ଶୁଣିବାକୁ ମିଳିଥିଲା ଯେ ସେମାନେ ପରସ୍ପରକୁ ଡେଟ୍ କରୁଛନ୍ତି। ତେବେ, ଏକ ଆଲୋଚନା ସମୟରେ ପ୍ରଭାସ ଏହି ଗୁଜବକୁ ଖଣ୍ଡନ କରିଥିଲେ। ସେ ବୁଝାଇ କହିଥିଲେ ଯେ, ଯେଉଁ କଳାକାରମାନେ ବାରମ୍ବାର ଏକାଠି କାମ କରନ୍ତି, ସେମାନଙ୍କ ମଧ୍ୟରେ ଥିବା ବୃତ୍ତିଗତ ସମ୍ପର୍କକୁ ଅନେକ ସମୟରେ ଭୁଲ୍ବଶତଃ ଏକ ପ୍ରେମ ସମ୍ପର୍କ ବୋଲି ଭାବି ନିଆଯାଏ। ଏଠାରେ ଉଲ୍ଲେଖଯୋଗ୍ୟ ଯେ, ୪୭ ବର୍ଷ ବୟସରେ ମଧ୍ୟ ଅଭିନେତା ପ୍ରଭାସ ଅବିବାହିତ ଅଛନ୍ତି, ଏବଂ ୪୪ ବର୍ଷୀୟା ଅନୁଷ୍କା ମଧ୍ୟ ବିବାହ କରିନାହାନ୍ତି। ପ୍ରଭାସ ନିଜ ପାରିଶ୍ରମିକ ୧୦୦ କୋଟିରୁ ଅଧିକ ନିଅନ୍ତି ପ୍ରଭାସ ଭାରତର ସର୍ବାଧିକ ପାରିଶ୍ରମିକ ପାଉଥିବା ଅଭିନେତାମାନଙ୍କ ମଧ୍ୟରୁ ଅନ୍ୟତମ। ତାଙ୍କର ପୂର୍ବରୁ ମୁକ୍ତିଲାଭ କରିଥିବା ଚଳଚ୍ଚିତ୍ର 'ଦ ରାଜା ସାହେବ' ପାଇଁ ସେ ୧୦୦ କୋଟି ଟଙ୍କା ପାରିଶ୍ରମିକ ନେଇଥିଲେ। ଯେତେବେଳେ କି ୨୦୨୪ ମସିହାର ଚଳଚ୍ଚିତ୍ର 'କଲ୍କି ୨୮୯୮ ଏଡି' ପାଇଁ ସେ ୧୫୦ କୋଟି ଟଙ୍କା ନେଇଥିବା କୁହାଯାଉଛି। ବର୍ତ୍ତମାନର କାର୍ଯ୍ୟସୂଚୀ ଅନୁଯାୟୀ, ତାଙ୍କର ଦୁଇଟି ବଡ଼ ଚଳଚ୍ଚିତ୍ର ଆଗକୁ ଆସିବାକୁ ଅଛି। ତାଙ୍କର ଅତ୍ୟନ୍ତ ପ୍ରତୀକ୍ଷିତ ଚଳଚ୍ଚିତ୍ର 'ସ୍ପିରିଟ୍' ୨୦୨୭ ମସିହା ଦୀପାବଳି ସମୟରେ ମୁକ୍ତିଲାଭ କରିବାର କାର୍ଯ୍ୟକ୍ରମ ରହିଛି। ଏହା ବ୍ୟତୀତ, ତାଙ୍କର 'ଫୌଜି' (Fauji) ନାମକ ଆଉ ଏକ ଚଳଚ୍ଚିତ୍ର ମଧ୍ୟ ରହିଛି। ଯାହା ଡିସେମ୍ବର ମାସରେ ମୁକ୍ତିଲାଭ କରିବାର ଯୋଜନା ରହିଛି। ]]> Fri, 23 Oct 2026 08:58:50 +0530 https://www.prameyanews7.com/bjd-delegation-to-visit-kotia-today-amid-odisha-andhra-pradesh-dispute https://www.prameyanews7.com/bjd-delegation-to-visit-kotia-today-amid-odisha-andhra-pradesh-dispute ଭୁବନେଶ୍ୱର ୨୩।୧୦ : ବିଜେଡିର ଏକ ପ୍ରତିନିଧି ଦଳ ଆଜି କୋଟିଆ ଯିବ। ଆନ୍ଧ୍ରପ୍ରଦେଶ ପକ୍ଷରୁ କୋଟିଆରେ ନିର୍ବାଚନ ସମ୍ପର୍କିତ କାର୍ଯ୍ୟକଳାପର ବିରୋଧ କରିବା ଉଦ୍ଦେଶ୍ୟରେ ବିଜେଡି ସଭାପତି ନବୀନ ପଟ୍ଟନାୟକଙ୍କ ଅନୁମୋଦନ କ୍ରମେ ଏହି ପ୍ରତିନିଧିମଣ୍ଡଳୀ କୋଟିଆ ପଞ୍ଚାୟତ ଗସ୍ତ କରିବ । ନବୀନ ଏହା ପୂର୍ବରୁ କୋଟିଆ ପ୍ରସଙ୍ଗରେ ହସ୍ତକ୍ଷେପ କରିବା ପାଇଁ ମୁଖ୍ୟମନ୍ତ୍ରୀ ମୋହନ ମାଝୀଙ୍କୁ ପତ୍ର ଲେଖିଥିଲେ। ଏହା ପରେ ନିଜ ଦଳର ଏକ ଟିମ୍ କୁ କୋଟିଆ ପଠାଇଛନ୍ତି ନବୀନ। ଏହି ଟିମ୍ ସ୍ଥାନୀୟ ବାସିନ୍ଦାଙ୍କ ସହ ଆଲୋଚନା କରି ବର୍ତ୍ତମାନର ସ୍ଥିତି ସମ୍ପର୍କରେ ବିସ୍ତୃତ ରିପୋର୍ଟ ନବୀନଙ୍କୁ ପ୍ରଦାନ କରିବେ । ଏହି ପ୍ରତିନିଧିମଣ୍ଡଳୀରେ ପୂର୍ବତନ ସାଂସଦ ଝିନ୍ନ ହିକକା, ବିଜେଡି ନେତା ମନୋହର ରନ୍ଧାରୀ, ଜଗନ୍ନାଥ ସାରକା, ରବି ନାରାୟଣ ନନ୍ଦ, ପ୍ରଦୀପ ମାଝୀ, ରମେଶ ମାଝୀ ପ୍ରମୁଖ କୋଟିଆ ଯାଉଛନ୍ତି। Watch Video:-   ]]> Fri, 23 Oct 2026 08:56:28 +0530 https://www.prameyanews7.com/celebrating-the-fitness-queen-malaika-aroras-birthday https://www.prameyanews7.com/celebrating-the-fitness-queen-malaika-aroras-birthday ମୁମ୍ଵାଇ ୨୩।୧୦; ବୟସ କେବଳ ଏକ ସଂଖ୍ୟା। ଆଉ ଏହାକୁ ପ୍ରମାଣିତ କରି ଦେଖାଇଛନ୍ତି ବଲିଉଡ୍ର ଗ୍ଲାମରସ୍ ଡିଭା ମଲାଇକା ଅରୋରା। ଫିଟନେସ୍ ହେଉ କି ଫ୍ୟାଶନ୍, ଡ୍ୟାନ୍ସ ହେଉ କି ଷ୍ଟାଇଲ୍ ପ୍ରତିଟି କ୍ଷେତ୍ରରେ ତାଙ୍କର ଅନ୍ଦାଜ୍ ଆଜି ବି ଯୁବପିଢ଼ିଙ୍କୁ କରୁଛି ଆକର୍ଷିତ। ଆଜି ଅକ୍ଟୋବର ୨୩, ମଲାଇକାଙ୍କ ଜନ୍ମଦିନ। ତାଙ୍କର ଦୀର୍ଘ କ୍ୟାରିୟର, ଜବରଦସ୍ତ ଫିଟନେସ୍ ଏବଂ ଅନନ୍ୟ ଷ୍ଟାଇଲ୍ ତାଙ୍କୁ ବଲିଉଡର ଏକ ସ୍ୱତନ୍ତ୍ର ପରିଚୟ ଦେଇଛି। ତେବେ କେମିତି ଜଣେ ଭିଜେରୁ ଆରମ୍ଭ କରି ମଲାଇକା ପାଲଟିଲେ ଫିଟନେସ୍ ଆଇକନ୍ ଓ ଗ୍ଲାମର କୁଇନ୍? ଆସନ୍ତୁ ଜାଣିବା ୯୦ ଦଶକରେ ଏମଟିଭି ଇଣ୍ଡିଆରେ ଭିଜେ ଭାବେ କ୍ୟାରିୟର ଆରମ୍ଭ କରିଥିଲ ମଲାଇକା। ଆଉ ଆଜି ବଲିଉଡ୍ର ସେ ଜଣେ ଚର୍ଚ୍ଚିତ ଚେହେରା। ମଲାଇକା ଅରୋରା ନା ଶୁଣିଲେ ସଭିଏଁ ଦିୱାନା। ନିଜର ଆତ୍ମବିଶ୍ୱାସ, ଆକର୍ଷଣୀୟ ବ୍ୟକ୍ତିତ୍ୱ ଏବଂ ଷ୍ଟାଇଲିସ୍ ଅନ୍ଦାଜ୍ରେ ଖୁବ୍ କମ୍ ସମୟରେ ସେ ହାସଲ କରିଥିଲେ ଲୋକପ୍ରିୟତା। କିନ୍ତୁ ମଲାଇକାଙ୍କ ପରିଚୟ କେବଳ ଜଣେ ଭିଜେ ମଧ୍ୟରେ ସୀମିତ ରହିନଥିଲା। ପପ୍ ମ୍ୟୁଜିକ୍ ଭିଡିଓରୁ ଆରମ୍ଭ କରି ବଲିଉଡ ଲୋକପ୍ରିୟ ଗୀତ ପର୍ଯ୍ୟନ୍ତ, ପ୍ରତିଟି ମଞ୍ଚରେ ସେ ଦେଖାଇଥିଲେ ନିଜର ଦମଦାର ଉପସ୍ଥିତି। ଡ୍ୟାନ୍ସର ନୁହେଁ ସଫଳ ପ୍ରଡ୍ୟୁସର ମଧ୍ୟ ୧୯୯୮ରେ ରିଲିଜ୍ ହୋଇଥିବା ଫିଲ୍ମ ‘ଦିଲ୍ ସେ…’ର ଗୀତ ‘ଛୈୟା ଛୈୟା’ ତାଙ୍କ କ୍ୟାରିୟରରେ ଆଣିଥିଲା ବଡ଼ ମୋଡ଼। ଚଳନ୍ତା ଟ୍ରେନ୍ ଉପରେ ଶାହରୁଖ ଖାନଙ୍କ ସହ ତାଙ୍କର ଜବରଦସ୍ତ ଡ୍ୟାନ୍ସ ଆଜି ବି ଦର୍ଶକଙ୍କ ମନରେ ରହିଛି। ଏହାପରେ ‘ମୁନ୍ନି ବଦନାମ୍ ହୁଇ’, ‘ମାହି ଭେ’ ଏବଂ ‘ଅନାରକଲି ଡିସ୍କୋ ଚଲି’ ଭଳି ଗୀତ ତାଙ୍କୁ ଦେଇଥିଲା ଏକ ସ୍ୱତନ୍ତ୍ର ପରିଚୟ। ଡ୍ୟାନ୍ସ ଫ୍ଲୋର୍ରେ ନିଜ ଜଲୱା ଦେଖାଇବା ସହ ରିଆଲିଟି ଶୋ’ରେ ଜଜ୍ ଭାବେ ମଧ୍ୟ ମଲାଇକା ଦର୍ଶକଙ୍କ ମନ ଜିଣିଛନ୍ତି। ‘ନାଚ୍ ବଲିୟେ’, ‘ଝଲକ୍ ଦିଖଲା ଜା’ ଏବଂ ‘ଇଣ୍ଡିଆଜ୍ ଗଟ୍ ଟ୍ୟାଲେଣ୍ଟ’ ଭଳି ଶୋ’ରେ ତାଙ୍କର ଉପସ୍ଥିତି ତାଙ୍କୁ ଟେଲିଭିଜନ୍ ଜଗତରେ ମଧ୍ୟ ଲୋକପ୍ରିୟତା ହସଲ କରିବା ସହ ଟିଆରପି ଭାଙ୍ଗିଥିଲା । ଏହା ବ୍ୟତୀତ, ସେ ଅରବାଜ ଖାନଙ୍କ ସହ ମିଶି ଏକ ପ୍ରଡକ୍ସନ୍ ହାଉସ୍ ପରିଚାଳନା କରିଥିଲେ ଏବଂ ‘ଦବଙ୍ଗ’ ଓ ‘ଦବଙ୍ଗ ୨’ ଭଳି ସୁପରହିଟ୍ ଚଳଚ୍ଚିତ୍ର ପାଇଁ ପ୍ରଯୋଜକ ଭାବରେ କାର୍ଯ୍ୟ କରିଥିଲେ। ଫିଟନେସ୍ ହିଁ ମଲାଇକାଙ୍କ ଷ୍ଟାଇଲ୍ ଷ୍ଟେଟମେଣ୍ଟ ମଲାଇକାଙ୍କ ବୟସ ବଢ଼ୁଛି, କିନ୍ତୁ ତାଙ୍କର ଫିଟନେସ୍ ଓ ଏନର୍ଜି ଆଜି ବି ଚର୍ଚ୍ଚାରେ। ଯୋଗ, ପିଲାଟେସ୍ ଏବଂ ନିୟମିତ ବ୍ୟାୟାମ ତାଙ୍କ ଜୀବନର ଏକ ଗୁରୁତ୍ୱପୂର୍ଣ୍ଣ ଅଂଶ। ନିଜର ଦୈନନ୍ଦିନ ରୁଟିନ୍ରେ ଶୃଙ୍ଖଳା ବଜାୟ ରଖିବା ସହ ସୁସ୍ଥ ଜୀବନଶୈଳୀକୁ ଗୁରୁତ୍ୱ ଦିଅନ୍ତି। କେବଳ ନିଜ ଫିଟନେସ୍ ନୁହେଁ, ଯୋଗ ପ୍ରତି ଲୋକଙ୍କ ଆଗ୍ରହ ବଢ଼ାଇବା ଦିଗରେ ମଧ୍ୟ ସେ କାମ କରୁଛନ୍ତି। ତାଙ୍କ ପାଇଁ ଫିଟନେସ୍ କେବଳ ଭଲ ଦେଖାଯିବାର ମାଧ୍ୟମ ନୁହେଁ, ବରଂ ଏହା ଏକ ସୁସ୍ଥ ଜୀବନ ବଞ୍ଚିବାର ଉପାୟ। ଷ୍ଟିକ୍ଟ ଡାଏଟ ରୁଟିନ: ସେ ପ୍ୟାକେଜଡ୍ ଫୁଡ୍ ଏବଂ ଚିନି ଠାରୁ ଦୂରେଇ ରୁହନ୍ତି। ଘରେ ପ୍ରସ୍ତୁତ ସରଳ ଖାଦ୍ୟ, ନଡ଼ିଆ ପାଣି, ପ୍ରଚୁର ପରିମାଣର ପନିପରିବା ଏବଂ ଇଣ୍ଟରମିଣ୍ଟେନ୍ ଫାସ୍ଟିଙ୍ଗ ତାଙ୍କ ଦୈନନ୍ଦିନ ଜୀବନଚର୍ଯ୍ୟାର ମୁଖ୍ୟ ଅଂଶ ଅଟେ। ମେଣ୍ଟାଲ ପିସ୍ ଓ ହାଇଡ୍ରେସନ୍: ସେ ସମୟାନୁବର୍ତ୍ତୀ ନିଦ, ପର୍ଯ୍ୟାପ୍ତ ପରିମାଣର ଜଳ ପାନ ଏବଂ ଧ୍ୟାନକୁ ନିଜ ସୌନ୍ଦର୍ଯ୍ୟ ତଥା ବୟସ ବଢ଼ିବା ପ୍ରକ୍ରିୟାକୁ ମାତ୍ ଦେବାର ମୁଖ୍ୟ ରହସ୍ୟ ବୋଲି ମାନନ୍ତି। ଭିଜେରୁ ଅଭିନେତ୍ରୀ, ଡ୍ୟାନ୍ସର୍ରୁ ରିଆଲିଟି ଶୋ’ ଜଜ୍, ପ୍ରତିଟି ପର୍ଯ୍ୟାୟରେ ନିଜକୁ ନୂଆ ରୂପରେ ଗଢ଼ିଛନ୍ତି ମଲାଇକା ଅରୋରା। ତାଙ୍କର ଯାତ୍ରା ଦର୍ଶାଏ ଯେ ନିଜ ପ୍ରତି ଆତ୍ମବିଶ୍ୱାସ, ଶୃଙ୍ଖଳା ଓ ନିରନ୍ତର ପରିଶ୍ରମ ହିଁ ସଫଳତାର ପ୍ରକୃତ ମନ୍ତ୍ର। ମଲାଇକାଙ୍କ ୫୩ ବର୍ଷର ଯାତ୍ରା ଏହା ପ୍ରମାଣିତ କରେ ଯେ ଶୃଙ୍ଖଳା ଏବଂ ନିଷ୍ଠା ରହିଲେ, ବୟସ ବଢ଼ିବା କେବେବି କାହାର ସୌନ୍ଦର୍ଯ୍ୟ କିମ୍ବା ସଫଳତା ପଥରେ ବାଧା ସୃଷ୍ଟି କରିପାରେ ନାହିଁ। ଫ୍ୟାଶନ୍ ହେଉ କି ଫିଟନେସ୍, ମଲାଇକା ଆଜି ବି ଅନେକଙ୍କ ପାଇଁ ପ୍ରେରଣା। ]]> Fri, 23 Oct 2026 08:32:57 +0530 https://www.prameyanews7.com/arjun-shot-in-keonjhars-nandipada-police-station-area https://www.prameyanews7.com/arjun-shot-in-keonjhars-nandipada-police-station-area ଆନନ୍ଦପୁର ୨୩।୧୦ : ଆନନ୍ଦପୁରରେ ଏନକାଉଣ୍ଟର । ଦୁର୍ଦ୍ଦାନ୍ତ ଅପରାଧୀକୁ ଧରିଲା ପୋଲିସ । କେନ୍ଦୁଝର ଜିଲ୍ଲା ନନ୍ଦିପଡ଼ା ଥାନା ଅଞ୍ଚଳରେ ଅଭିଯୁକ୍ତ ଅର୍ଜୁନ ପ୍ରଧାନ ଗୋଡରେ ବାଜିଛି ଗୁଳି । ଗୁରୁତର ଅବସ୍ଥାରେ ତାଙ୍କୁ ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି । ଖବର ଅନୁଯାୟୀ, ଆନନ୍ଦପୁର ସୋସା ଥାନା୩ ବନ୍ତଳା ଗାଁର ଏକ ଗହଣା ଦୋକାନ ଲୁଟ୍ର ମୁଖ୍ୟ ଅଭିଯୁକ୍ତ ଥିଲା ଅର୍ଜୁନ । ଦୀର୍ଘ ଦିନ ଧରି ପୋଲିସ ଅର୍ଜୁନକୁ ଧରିବା ପାଇଁ ଉଦ୍ୟମ କରୁଥିଲା । ଶେଷରେ ଅର୍ଜୁନର ଠିକଣା ମିଳିଥିଲା । ପୋଲିସକୁ ମିଳିଥିବା ସୂଚନା ଆଧାରରେ ଉକ୍ତ ସ୍ଥାନରେ ଚଢାଉ କରିଥିଲା । ହେଲେ ପୋଲିସକୁ ଦେଖି ଗୁଳି ଚଳାଇ ଫେରାର ହେବାକୁ ଉଦ୍ୟମ କରିଥିଲା । ଯାହାର ଜବାବରେ ଗୁଳିଚାଳନା କରିଥିଲା ପୋଲିସ । ତେବେ ଏହି ଏନକାଉଣ୍ଟରରେ ଅପରାଧୀ ଅର୍ଜନର ଗୋଡ଼ରେ ଗୁଳି ବାଜିଛି । ଯେଉଁଥିରେ ସେ ଗୁରୁତର ଭାବେ ଆହତ ହୋଇଛି । ଆହତ ଅବସ୍ଥାରେ ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି । Also Read:-'ଷ୍ଟିକ୍ ରନ୍' ଗେମ୍ ନିର୍ମାତା ମାନୁଏଲ୍ ଓଟୋଙ୍କ ଆତ୍ମାହୁତି, ଲାଇଭ୍-ଷ୍ଟ୍ରିମିଂରେ ନିଜ ଦେହରେ ଲଗାଇ ଦେଲେ ନିଆଁ ତେବେ ଅପରାଧୀ ଅର୍ଜୁନ ନାଁରେ ବିଭିନ୍ନ ଥାନାରେ ମାମଲା ରହିଛି । ରାଜ୍ୟ ତଥା ରାଜ୍ୟ ବାହାରେ ୪୦ରୁ ଅଧିକ ମାମଲା । ପୋଲିସ ଘଟଣାସ୍ଥଳରେ ପହଞ୍ଚି ଛାନ୍ଭିନ୍ ଜାରି ରଖିଛି । ଆବଶ୍ୟକ ପଡିଲେ ସାଇଣ୍ଟିଫିକ୍ ଟିମ୍ର ସହଯୋଗ ନେଇପାରେ ପୋଲିସ । ]]> Fri, 23 Oct 2026 08:12:31 +0530 https://www.prameyanews7.com/sri-lanka-chases-430-vs-england-rawalpindi-harry-brook-fastest-odi-double-century https://www.prameyanews7.com/sri-lanka-chases-430-vs-england-rawalpindi-harry-brook-fastest-odi-double-century ନୂଆଦିଲ୍ଲୀ, ୨୩/୧୦:ଗୋଟିଏ ମ୍ୟାଚରେ ୮୫୯ ରନ,୩୦ଛକା,୯୩ଚୌକାର ରେକର୍ଡ । ୪୨୯ ରନ୍ ଭଳି ଏକ ବିଶାଳ ରନର ପାହାଡ଼ ଛିଡ଼ା କରି ମଧ୍ୟ ପରାଜିତ ହୋଇଛି ଇଂଲଣ୍ଡ । ପାକିସ୍ତାନରେ ଚାଲିଥିବା ତ୍ରି -ରାଷ୍ଟ୍ରୀୟ ଦିନିକିଆ ସିରିଜର ଏକ ମ୍ୟାଚରେ ଇଂଲଣ୍ଡକୁ ୨ ୱିକେଟରେ ହରାଇ ଶ୍ରୀଲଙ୍କା ଇତିହାସ ରଚିଛି। ଏହି ମ୍ୟାଚରେ ପ୍ରଥମେ ବ୍ୟାଟିଂ କରି ଇଂଲଣ୍ଡ ୪ ୱିକେଟ୍ ହରାଇ ୪୨୯ ରନ ସଂଗ୍ରହ କରିଥିଲା। ଶ୍ରୀଲଙ୍କା ୪୯.୫ ଓଭରରେ ୮ ୱିକେଟ୍ ହରାଇ ଆବଶ୍ୟକ ରନ ସଂଗ୍ରହ କରି ନେଇଥିଲା। ଟସ ଜିତି ଫିଲିଂ ନିଷ୍ପତ୍ତି ନେଇଥିଲା ଶ୍ରୀଲଙ୍କା। ଇଂଲଣ୍ଡ ବ୍ୟାଟରମାନେ ବିସ୍ଫୋରକ ବ୍ୟାଟିଂ କରିଥିଲେ। ହ୍ୟାରୀ ବ୍ରୁକ୍ ମାତ୍ର ୧୧୬ଟି ବଲ୍ରୁ ୨୧ ଚୌକା ଓ ୧୦ ଛକା ବଳରେ ୨୦୨ ରନ କରିଥିଲେ। ପ୍ରଥମ ଇଂଲଣ୍ଡ ଖେଳାଳି ଭାବେ ସେ ଦ୍ବିଶତକ ଅର୍ଜନ କରିଥିଲେ। ଅନ୍ୟମାନଙ୍କ ମଧ୍ଯରେ ଟମ୍ ବାଣ୍ଟନ ୫୦,ଜୋ ରୁଟ୍ ୬୯ ଓ ୱିଲ ଜ୍ୟାକ୍ସ ୩୦ଟି ବଲରୁ ୬୬ (୮ଚୌକା,୩ଛକା) ରନ୍ କରିଥିଲେ। ଜବାବରେ ଶ୍ରୀଲଙ୍କା ୨୪ ରନ୍ରେ ୨ଟି ୱିକେଟ୍ ହରାଇଥିଲା। କାମିଣ୍ଡୁ ମେଣ୍ଡିସ ୧୮ ରନ କରିଥିବାବେଳେ କୁଶଲ ମେଣ୍ଡିସ ଖାତା ଖୋଲି ପାରିନଥିଲେ। ଅନ୍ୟ ଓପନର ଅଭିଷ୍କା ଫର୍ଣ୍ଣାଣ୍ଡୋଙ୍କ ସହ ପବନ ରତନାଏକେ ମିଶି ସ୍ଥିତି ସୁଧାରିଥିଲେ। ଉଭୟ ଆକ୍ରମଣ ଜାରି ରଖି ଦଳୀୟ ସ୍କୋରକୁ ୧୯୦ରେ ପହଞ୍ଚାଇଥିଲେ। ଅଭିଷ୍କା ୯୭ (୧୧ଚୌକା,୨ଛକା) ରନ କରି ଆଉଟ୍ ହୋଇଥିଲେ। ଏହାପରେ କ୍ରିଜକୁ ଓହ୍ଲାଇଥିବା ଡାସୁନ ଶନକା ଚୌକା ଓ ଛକା ବର୍ଷା କରିଥିଲେ। ଅନ୍ୟ ପଟରେ ପବନ ଶତକ ପୂରଣ କରିଥିଲେ। ଉଭୟ ୧୩୩ ରନ୍ର ଭାଗିଦାରୀ ଗଠନ କରି ବିଜୟ ଆଶା ଉଜ୍ଜୀବିତ କରିଥିଲେ। ଦଳୀୟ ସ୍କୋର ୩୨୩ ବେଳେ ଚତୁର୍ଥ ୱିକେଟ୍ର ପତନ ଘଟିଥିଲା । Also Read :- ଇଣ୍ଡୋନେସିଆ ଫେରିଯିବେ ଓରାଙ୍ଗଉଟାନ୍ ! ଆସୁଛନ୍ତି ୫ ଜଣିଆ ଟିମ୍, ଆଜି ଯାଏଁ ଧରା ପଡି଼ଲେନି ସ୍ମଗଲର୍ ପବନ ୧୫ଚୌକା ଓ ୩ ଛକା ବଳରେ ୧୩୦ ରନ କରି ଆଉଟ୍ ହୋଇଥିଲେ। ଶନକା ୫୦ଟି ବଲରୁ ୬ଚୌକା ଓ ୮ ଛକା ବଳରେ ୯୭ରନ କରି ଆଉଟ୍ ହେବା ପରେ ଇଂଲଣ୍ଡ ମ୍ୟାଚକୁ ଫେରିଥିଲା। ଶ୍ରୀଲଙ୍କା ଏହାପରେ ଆଉ ୩ଟି ୱିକେଟ୍ ହରାଇଥିଲା। ହେଲେ ଲିୟାନଗେ ଅପରାଜିତ ରହି ଦଳକୁ ବିଜୟୀ କରାଇଥିଲେ। ସେ ୨୭ଟି ବଲରୁ ୬୧ (୭ଚୌକା,୩ଛକା) ରନ କରିଥିଲେ। ]]> Fri, 23 Oct 2026 09:16:11 +0530 https://www.prameyanews7.com/rescued-orangutan-in-baleswar-may-return-to-indonesia-soon https://www.prameyanews7.com/rescued-orangutan-in-baleswar-may-return-to-indonesia-soon ଭୁବନେଶ୍ୱର, ୨୩/୧୦:ଓଡ଼ିଶାରୁ ଉଦ୍ଧାର ହୋଇଥିବା ୫ଟି ଓରାଙ୍ଗଉଟାନଙ୍କୁ ଇଣ୍ଡୋନେସିଆ ଫେରାଇ ନିଆଯିବ। ପ୍ରତ୍ୟାବର୍ତ୍ତନ ପାଇଁ ପ୍ରୟାସ ଆରମ୍ଭ କରିଛି ଇଣ୍ଡୋନେସିଆ ପ୍ରଶାସନ। ଇଣ୍ଡୋନେସିଆର ବନ୍ୟପ୍ରାଣୀ ବିଶେଷଜ୍ଞଙ୍କ ଏକ ଦଳ ଆସନ୍ତା ନଭେମ୍ବର ମାସରେ ଭାରତ ଗସ୍ତ କରିବାର କାର୍ଯ୍ୟକ୍ରମ ରହିଛି ବୋଲି ଜଣାପଡ଼ିଛି। ସୂଚନା ଥାଉକି,ଗତ ମାସ ୮ ତାରିଖରେ ବାଲେଶ୍ଵର ବିଚିତ୍ରପୁର ଜଙ୍ଗଲରୁ ୫ଟି ଓରାଙ୍ଗଉଟାନ୍ ଶାବକଙ୍କୁ ଉଦ୍ଧାର କରାଯାଇଥିଲା। ସେମାନଙ୍କୁ ଭୁବନେଶ୍ଵରସ୍ଥିତ ନନ୍ଦନକାନନ ଜାତୀୟ ଉଦ୍ୟାନରେ ରଖାଯାଇଛି। ନନ୍ଦନକାନନରେ ସେମାନଙ୍କୁ ଆବଶ୍ୟକୀୟ ପ୍ରାଣୀ ଚିକିତ୍ସା ସେବା ଓ ସୁରକ୍ଷା ଯୋଗାଇ ଦିଆଯାଉଥିବା ବେଳେ ସେମାନେ ସେଠାରେ ସୁସ୍ଥ ଥିବା ନନ୍ଦନକାନନ କର୍ତ୍ତୃପକ୍ଷ କହିଛନ୍ତି। Also Read :- ତିବ୍ଦତରେ ବଡ଼ ଧରଣର ଭୂମିକମ୍ପ : ଝଟକାରେ ୧୬ ମୃତ, ୩୨ ଆହତ ଏହି ଓରାଙ୍ଗଉଗନ ବିଚିତ୍ରପୁର ଜଙ୍ଗଲକୁ କିପରି ଓ କେଉଁଠାରୁ ଆସିଲେ,କିଏ ଏଠାରେ ଛାଡ଼ି ପଳାଇଲା ସେନେଇ କ୍ରାଇମ୍ ବ୍ରାଞ୍ଚର ସ୍ପେଶାଲ ଟାକ୍ସ୍ ଫୋର୍ସ (ଏସଟିଏଫ୍) ତଦନ୍ତ ଜାରି ରଖିଛି। ଓରାଙ୍ଗଉଟାନ୍ କୋଲକାତାରୁ ଦୀଘା ଦେଇ ବିଚିତ୍ରପୁର ଜଙ୍ଗଲକୁ ଆସିଥିବା ତଦନ୍ତ ସମୟରେ ଏସଟିଏଫ୍ ଜାଣିବାକୁ ପାଇଥିଲା। ବିଭିନ୍ନ ସ୍ଥାନରେ ଲାଗିଥିବା ସିସିଟିଭି ଫୁଟେଜ ଆଧାରରେ ଏସଟିଏଫ୍ ଜାଣିବାକୁ ପାଇଥିଲେ ମଧ୍ୟ ଏହି ଓରାଙ୍ଗଉଟାନ୍ ଚାଲାଣ ପଛରେ କାହାର ହାତ ରହିଛି,ତାହା ଆଜି ପର୍ଯ୍ୟନ୍ତ ସ୍ପଷ୍ଟ ହୋଇନି। କୌଣସି ଅନ୍ତର୍ଜାତୀୟ ସ୍ୱଗଲରଙ୍କ ହାତ ଥିବା ଏସଟିଏଫ୍ କହୁଥିବା ବେଳେ ସେମାନଙ୍କ ନିକଟରେ ମଧ୍ୟ ପହଞ୍ଚିପାରିନାହିଁ। ତଦନ୍ତ ଜାରି ରହିଥିବା ଏସଟିଏଫ୍ ପକ୍ଷରୁ କୁହାଯାଉଛି। ସେପଟେ ନନ୍ଦନକାନନରେ ଯତ୍ନରେ ଓରାଙ୍ଗଉଟାନ୍ ମାନଙ୍କୁ ରଖାଯାଇଥିବା ବେଳେ ସେମାନଙ୍କ ପ୍ରଜାତି ଓ ଉତ୍ପତି ସମ୍ପର୍କରେ ନିଶ୍ଚିତ ହେବା ପାଇଁ ଡିଏନଏ ଟେଷ୍ଟର ଆବଶ୍ୟକତା ରହିଥିବା ବନବିଭାଗ କହିଛି। ହେଲେ ଆଜି ପର୍ଯ୍ୟନ୍ତ ବନବିଭାଗ ପକ୍ଷରୁ ଓରାଙ୍ଗଉଟାନଙ୍କ ଡିଏନଏ ଟେଷ୍ଟ୍ କରାଯାଇନାହିଁ। ସେପଟେ ଭାରତରେ ଉଦ୍ଧାର ହୋଇଥିବା ସୁମାତ୍ରା ପ୍ରଜାତିର ଏକ ଓରାଙ୍ଗଉଟାନ ଶାବକକୁ ଇଣ୍ଡୋନେସିଆ ଫେରାଇ ନିଆଯାଇଛି। ୨୦୨୪ ନଭେମ୍ବରରେ ଭାରତରେ ଉଦ୍ଧାର ହୋଇଥିବା ଏହି ଓରାଙ୍ଗଉଟାନକୁ ନିକଟରେ ଉଭୟ ଦେଶର ବନ୍ୟପ୍ରାଣୀ ସୁରକ୍ଷା ସଂସ୍ଥା ଏବଂ ବିଲୁପ୍ତପ୍ରାୟ ପ୍ରଜାତିର ଅନ୍ତର୍ଜାତୀୟ ବାଣିଜ୍ୟ ସମ୍ମିଳନୀ ପରିଚାଳନା କର୍ତ୍ତୃପକ୍ଷଙ୍କ ସମନ୍ବିତ ପ୍ରୟାସରେ ଫେରାଇ ଦିଆଯାଇଛି। ନନ୍ଦନକାନନରେ ଥିବା ଓରାଙ୍ଗଉଟାନ୍ ଶାବକଙ୍କୁ ଆବଶ୍ୟକୀୟ ଆଇନଗତ ପ୍ରକ୍ରିୟା ଓ ନିୟମାବଳୀ ପୂରଣ ପରେ ସେମାନଙ୍କୁ ଫେରାଇ ନିଆଯିବ ବୋଲି ସୂଚନା ମିଳିଛି। ଏହି ପ୍ରକ୍ରିୟାରେ ସହଯୋଗ କରିବା ପାଇଁ ଇଣ୍ଡୋନେସିଆର ବନ୍ୟପ୍ରାଣୀ ବିଶେଷଜ୍ଞଙ୍କ ଏକ ୫ ଜଣିଆ ଦଳ ଆସନ୍ତା ମାସରେ ଭାରତ ଗସ୍ତ କରିବାର କାଯ୍ୟକ୍ରମ ରହିଥିବା ଜଣାପଡ଼ିଛି। ]]> Fri, 23 Oct 2026 08:31:53 +0530 https://www.prameyanews7.com/earthquake-magnitude-7-strikes-chinas-tibet https://www.prameyanews7.com/earthquake-magnitude-7-strikes-chinas-tibet ନୂଆଦିଲ୍ଲୀ, ୨୩/୧୦:ଥରିଲା ତିବ୍ଦତ । ଲାଗିଲା ଜୋରଦାର ଭୂମିକମ୍ପର ଝଟକା । ଗୁରୁବାର ବିଳମ୍ବିତ ରାତ୍ରରେ ଚିବ୍ଦର ଅନେକ ସ୍ଥାନରେ ଭୂମିକମ୍ପର ଝଟକା ଲାଗିଥିବା ସୂଚନା ମିଳିଛି । ଏଥିରେ ୧୬ ଜଣ ପ୍ରାଣ ହରାଇଥିବା ବେଳେ ୩୨ ଜଣ ଆହତ ହୋଇଛନ୍ତି । ରିପୋର୍ଟ ଅନୁସାରେ,ହିମାଳୟ କ୍ଷେତ୍ର ତିବ୍ଦତରେ ଶକ୍ତିଶାଳୀ ଭୂକମ୍ପ ହୋଇଛି । ରିକ୍ଟର ସ୍କେଲରେ ଭୂକମ୍ପର ତୀବ୍ରତା ୭.୦ ବୋଲି ଜଣାପଡ଼ିଛି । ଭାରତର ନ୍ୟାସନାଲ୍ ସେଣ୍ଟର ଫର୍ ସିସ୍ମୋଲୋଜି ଅନୁସାରେ, ଭୂକମ୍ପ ଭାରତୀୟ ସମୟ ଅନୁସାରେ ରାତି ୮.୦୩ ମିନିଟରେ ହୋଇଥିଲା । ପ୍ରଥମେ ଏହି ଭୂକମ୍ପର କେନ୍ଦ୍ର ଭୂପୃଷ୍ଠରୁ ୧୭୩ କିଲୋମିଟର ଗଭୀର ବୋଲି ସୂଚନା ଦିଆଯାଇଥିଲା । କିନ୍ତୁ ନୂଆ ସୂଚନା ଅନୁସାରେ ଏହା କେନ୍ଦ୍ର ଭୂମି ଠାରୁ ମାତ୍ର ୧୦ କିଲୋମିଟର ଗଭୀରରେ ରହିଛି । Also Read :- SIR ବିରୋଧରେ ଜନତା ଆନ୍ଦୋଳନ : ଦେଶବ୍ୟାପୀ ରାସ୍ତାକୁ ଓହ୍ଲାଇବେ ଛାତ୍ର-ଚାଷୀ ଏବଂ ଶ୍ରମିକ ସଙ୍ଗଠନ ଚୀନର ଭୂକମ୍ପ ନେଟୱାର୍କ କେନ୍ଦ୍ର ସିଇଏନସି ଅନୁସାରେ, ଭୂକମ୍ପ ସ୍ଥାନୀୟ ସମୟ ଅନୁସାରେ ରାତି ପ୍ରାୟ ୧୦.୩୩ ମିନିଟରେ ଉତ୍ତର ତିବ୍ବତର ନାଗୁଚ କ୍ଷେତ୍ରରେ ହୋଇଛି । ଏହାର କେନ୍ଦ୍ର ତିବ୍ଦତର ରାଜଧାନୀ ଲାସାଠାରୁ ୪୦୦ କିଲୋମିଟର ଦୂରରେ ରହିଛି । ଚାଇନା ଅଧିକାରୀଙ୍କ ସୂଚନାନୁସାରେ, ଆହତଙ୍କ ମଧ୍ୟରୁ ୧୧ ଜଣଙ୍କ ଅବସ୍ଥା ଗୁରୁତର ରହିଛି । ଅନ୍ୟ ୨୧ ଜଣଙ୍କୁ ସାମାନ୍ୟ ଆଘାତ ଲାଗିଛି । ଏହାସହ ଅନେକ ଘର ମଧ୍ୟ ଭାଙ୍ଗି ଯାଇଛି । ଭୂମିକମ୍ପର କେନ୍ଦ୍ରସ୍ଥଳୀ ଥିବା ଅଞ୍ଚଳରେ ବ୍ୟାପକ କ୍ଷୟକ୍ଷତି ହୋଇଥିବା ସୂଚନା ମିଳିଛି । ଏହା ୨୦୨୪ ଜାନୂଆରୀ ପରେ ତିବ୍ଦତରେ ଆସିଥିବା ସବୁଠୁ ବଡ଼ ତୀବ୍ରତାର ଭୂମିକମ୍ପ ବୋଲି କୁହାଯାଉଛି । ସ୍ଥାନୀୟ ପ୍ରଶାସନ ପକ୍ଷରୁ ଅନେକ ଭିଡିଓ ଜାରି କରାଯାଇଛି । ଏଥିରେ ଲୋକେ ଭୟରେ ଘରୁ ବାହାରି ଆସୁଥିବା ଦେଖିବାକୁ ମିଳିଛି । ଆଉ କିଛି ବ୍ୟକ୍ତି ରାତି ସାରା ଘର ବାହାରେ ରହିଛନ୍ତି । ଏଣେତେଣେ ଧାଉଁଥିବା ମଧ୍ୟ ଭିଡିଓରେ ଦେଖିବାକୁ ମିଳିଛି । ]]> Fri, 23 Oct 2026 07:36:14 +0530 https://www.prameyanews7.com/nationwide-protest-against-sir-by-people-against-sir-newdelhi-protest https://www.prameyanews7.com/nationwide-protest-against-sir-by-people-against-sir-newdelhi-protest ନୂଆଦିଲ୍ଲୀ, ୨୩/୧୦:ଏସଆଇଆରକୁ ବିରୋଧ ସହ ମୁଖ ମୁଖ୍ୟ ନିର୍ବାଚନ କମିଶନର (ସିଇସି) ଜ୍ଞାନେଶ କୁମାରଙ୍କ ଇସ୍ତଫା ଓ ଅନ୍ୟ କେତେକ ଦାବିରେ ଶୁକ୍ରବାର‘ପିପଲ ଏଗେନଷ୍ଟ ଏସଆଇଆର'ମଞ୍ଚ ପକ୍ଷରୁ ଦେଶବ୍ୟାପୀ ଆନ୍ଦୋଳନ କରାଯିବ। ଗତ ସପ୍ତାହରେ ଏହି ମଞ୍ଚ ଗଠନ ହେବା ପରେ ପ୍ରଥମ ଥର ଲାଗି ପ୍ରଦର୍ଶନ କରିବାକୁ ଯାଉଛି। ଏଥିରେ ବିଭିନ୍ନ ରାଜନୈତିକ ଦଳର ନେତାଙ୍କ ସମେତ ଗଣସଙ୍ଗଠନ,ନାଗରିକ ସମାଜ,ଚାଷୀ,ଶ୍ରମିକ,ମହିଳା ଓ ଯୁବ ସଙ୍ଗଠନ ଏବଂ ଛାତ୍ର ସଂଘ ସାମିଲ ହେବେ। ଏସଆଇଆର ବିରୋଧୀଙ୍କୁ ଏକାଠି କରିବା ଲାଗି ଗତ ୧୪ ତାରିଖରେ ନୂଆଦିଲ୍ଲୀର ସୁରଜିତ ଭବନରେ ଏହି ମଞ୍ଚ ଗଠନ ଘୋଷଣା କରାଯାଇଥିଲା। ଆୟୋଜକଙ୍କ ପକ୍ଷରୁ ବିଭିନ୍ନ ସଙ୍ଗଠନର ପ୍ରତିନିଧିମାନଙ୍କୁ ହାତରେ ତ୍ରିରଙ୍ଗା ଧରି ନିଜ ଅଞ୍ଚଳ ଜିଲ୍ଲା,ତହସିଲ ଓ ରାଜ୍ୟ ରାଜଧାନୀରେ ଶାନ୍ତିପୂର୍ଣ୍ଣ ଭାବେ ପ୍ରଦର୍ଶନ ସହ ରାଲି ଓ ଶୋଭାଯାତ୍ରା ଆୟୋଜନ କରିବାକୁ ପରାମର୍ଶ ଦିଆଯାଇଛି। ସୂଚନା ଅନୁସାରେ ନୂଆଦିଲ୍ଲୀରେ ହେବାକୁ ଥିବା ଏହି ଆନ୍ଦୋଳନରେ ସିଜେପି ମୁଖ୍ୟ ଅଭିଜିତ ଦିପକେ,ଛାତ୍ର ନେତା ନେହା ବୋରା ଓ ଆଇଶା ଘୋଷ,ଆଡଭୋକେଟ ପ୍ରଶାନ୍ତ ଭୂଷଣ,ଚାଷୀ ନେତା ରାକେଶ ଟିକାୟତ,ଅଭିନେତା ପ୍ରକାଶ ରାଜ ଓ ଲେଖକ ତୁଷାର ଗାନ୍ଧୀ ପ୍ରମୁଖ ସାମିଲ ହେବେ। ଏଥିରେ ଇଣ୍ଡି ମେଣ୍ଟ ସାମିଲ ହେବ କି ନାହିଁ ସ୍ପଷ୍ଟ ହୋଇନାହିଁ । Also Read :- ୨୭ ତାରିଖ ରାତିରେ ଲ୍ୟାଣ୍ଡଫଲ୍, ଗୋପାଳପୁରରେ ମାଡ଼ ହେବ ବାତ୍ୟା ! ୧୫୦ କିମି ବେଗରେ ବହିପାରେ ପବନ ତେବେ ଆନ୍ଦୋଳନ ଲାଗି ଦିଲ୍ଲୀ ପୁଲିସ ଠାରୁ କୌଣସି ଅନୁମତି ନିଆଯାଇନାହିଁ। ଯାହାଫଳରେ ଆନ୍ଦୋଳନକୁ ନେଇ ପ୍ରବଳ ହଙ୍ଗାମା ଓ ଉତ୍ତେଜନା ସୃଷ୍ଟି ହୋଇପାରେ। କାରଣ ନୂଆଦିଲ୍ଲୀ ଅଞ୍ଚଳରେ ପୂର୍ବରୁ ଆନ୍ଦୋଳନ ପରିପ୍ରେକ୍ଷୀରେ ଜାରି କରାଯାଇଥିବା ବିଏନଏସର ଧାରା ୧୬୩ ବଳବତ୍ତର ରହିଛି। ଯାହାଫଳରେ ପୁଲିସ ୫ରୁ ଅଧିକ ଲୋକଙ୍କୁ ଏକାଠି ହେବାକୁ ଦେବ ନାହିଁ। ଆନ୍ଦୋଳନକାରୀ ଏକାଠି ହେବାକୁ ପୁଲିସ ରୋକିବ ଏବଂ ଆବଶ୍ୟକ ହେଲେ ଆଇନ ଅନୁସାରେ କାର୍ଯ୍ୟାନୁଷ୍ଠାନ ମଧ୍ୟ ଗ୍ରହଣ କରିବାର ସମ୍ଭାବନା ରହିଛି। ସେପଟେ ପ୍ଲାଟଫର୍ମ ପକ୍ଷରୁ ପୂର୍ବରୁ କୁହାଯାଇଛି ଯେ ଗଣତନ୍ତ୍ରର ସୁରକ୍ଷା ପାଇଁ ଲୋକମାନେ ଏହି ଆନ୍ଦୋଳନରେ ସାମିଲ ହେଉଛନ୍ତି। ତେଣୁ ଏହି ଆନ୍ଦୋଳନ ଲାଗି କୌଣସି ଅନୁମତିର ଆବଶ୍ୟକତା ନାହିଁ। ଶାନ୍ତିପୂର୍ଣ୍ଣ ଭାବେ ଏହି ଆନ୍ଦୋଳନ କରାଯିବ ଏବଂ ବଳପ୍ରୟୋଗ ନକରିବାକୁ ସରକାରଙ୍କୁ ଚେତାବନୀ ଦିଆଯାଇଛି । ]]> Fri, 23 Oct 2026 06:51:30 +0530 https://www.prameyanews7.com/cyclone-arnav-may-hit-gopalpur-coast-in-odisha-wind-speed-150-kmph https://www.prameyanews7.com/cyclone-arnav-may-hit-gopalpur-coast-in-odisha-wind-speed-150-kmph ଭୁବନେଶ୍ୱର, ୨୩/୧୦:ଅତି ଭୀଷଣ ବାତ୍ୟା ( ଭେରି ସିଭିୟର ସାଇକ୍ଲୋନ) ଆନ୍ଧ୍ର-ଓଡ଼ିଶା ଉପକୂଳ ଆଡ଼କୁ ଆସିପାରେ। ଆସନ୍ତା ୨୭ ରାତି କିମ୍ବା ୨୮ ସକାଳୁ ପଶିପାରେ ଆନ୍ଧ୍ର ଉପକୂଳରେ। ସେତେବେଳେ ମାଡ଼ ହୋଇପାରେ ୧୫୦ କିଲୋମିଟର ବେଗରେ ପବନ। ଏଭଳି ଭୟାନକ ଆକଳନ ଦେଖାଇଛତି ବିଭିନ୍ନ ଆନ୍ତର୍ଜାତିକ ପାଣିପାଗ ମଡେଲ୍। ଇସିଏମଡବଲୁଏଫ୍ ଏବଂ ଜିଏଫଏସ୍ ପକ୍ଷରୁ ଜାରି କରାଯାଇଥିବା ତାଜା ପୂର୍ବାନୁମାନରେ ସମ୍ଭାବ୍ୟ ବାତ୍ୟା ଆନ୍ଧ୍ର ଉପକୂଳରେ ମାଡ଼ ହେବା ସମ୍ଭାବନା ରହିଛି। ସିଧା ମାଡ଼ ନ ହେଲେ ବି ଓଡ଼ିଶା ପ୍ରଭାବିତ ହେବା ଆଶଙ୍କା ରହିଛି। ବିଶେଷ କରି ଦକ୍ଷିଣ ଓଡ଼ିଶା,ଉପକୂଳବର୍ତ୍ତୀ ଅଞ୍ଚଳରେ ପବନ ସହ ପ୍ରବଳ ବର୍ଷା ହୋଇପାରେ। Also Read :- ପାଟଣାର ପୂର୍ବତନ ବିଧାୟକ କାହ୍ନୁଚରଣ ନାଏକଙ୍କ ପରଲୋକ, ୭୯ ବର୍ଷ ବୟସରେ ଆଖି ବୁଜିଲେ ଇତିମଧ୍ୟରେ ଭାରତୀୟ ପାଣିପାଗ ବିଜ୍ଞାନ ବିଭାଗ ( ଆଇଏମଡି) ସମ୍ଭାବ୍ୟ ବାତ୍ୟାର ସଙ୍କେତ ଦେଖାଇଛି। ଆଇଏମଡି ବୁଲେଟିନରେ କୁହାଯାଇଛି,ଦକ୍ଷିଣ-ପୂର୍ବ ଓ ପୂର୍ବ କେନ୍ଦ୍ରୀୟ ବଙ୍ଗୋପସାଗର ଉପରେ ଘୂର୍ଣ୍ଣିବଳୟ ରହିଛି । ଏହା ପଶ୍ଚିମ-ଉତ୍ତର ପଶ୍ଚିମରେ ଗତି କରି ୨୩ ତାରିଖ (ଶୁକ୍ରବାର) ଲଘୁଚାପ ରୂପ ନେବ । ଆଗକୁ ଅଧିକ ଘନୀଭୂତ ହୋଇପାରେ। ଦୁଇ ସପ୍ତାହ ପାଇଁ ଆଇଏମଡି ଜାରି କରିଥିବା ବିସ୍ତାରିତ ପୂର୍ବାନୁମାନ ଅନୁସାରେ ୨୫ ତାରିଖ ସକାଳ ସୁଦ୍ଧା ଏହା ଅବପାତ ହେବ । ପଶ୍ଚିମ-ଉତ୍ତର ପଶ୍ଚିମରେ ଗତି କରି ପରବର୍ତ୍ତୀ ୩ ଦିନ ଭିତରେ ଆହୁରି ଅଧିକ ଶକ୍ତିଶାଳୀ ହୋଇପାରେ। ୨୬ ତାରିଖବେଳକୁ ପଶ୍ଚିମ କେନ୍ଦ୍ରୀୟ ଓ ପାଖ ପୂର୍ବ କେନ୍ଦ୍ରୀୟ ବଙ୍ଗୋପସାଗରରେ ଘଣ୍ଟା ପ୍ରତି ୭୦-୮୦ କିମି ବେଗରେ ପବନ ବହିପାରେ । ଝଟକା ପବନ ୯୦ କିମି ପର୍ଯ୍ୟନ୍ତ ଛୁଇଁପାରେ। ୨୮ ତାରିଖ ସକାଳ ପର୍ଯ୍ୟନ୍ତ ଏହାର ବଳ ବୃଦ୍ଧି ପାଇପାରେ। ଆଇଏମଡି ପୂର୍ବାନୁମାନରେ ବାତ୍ୟା ବା ସାଇକ୍ଟୋନ ସମ୍ପର୍କରେ କିଛି ଉଲ୍ଲେଖ କରାଯାଇନାହିଁ। କିନ୍ତୁ,ପୂର୍ବାନୁମାନରୁ ସ୍ପଷ୍ଟ ସଙ୍କେତ ମିଳୁଛି,ସମ୍ଭାବ୍ୟ ଲଘୁଚାପ ଘନୀଭୂତ ହୋଇ ବାତ୍ୟା ରୂପ ନେବା ସମ୍ଭାବନା ଅଛି । କାରଣ ଘଣ୍ଟା ପ୍ରତି ୬୨ କିମିରୁ ଅଧିକ ପବନ ହେଲେ ତାହା ବାତ୍ୟା ଶ୍ରେଣୀଭୁକ୍ତ ହୋଇଥାଏ। ୮୮ କିମିରୁ ୧୧୭ କିମି ପବନ ହେଲେ ତାହା ଭୀଷଣ ବାତ୍ୟା କୁହାଯାଏ। ୧୧୮ କିମିରୁ ୧୬୫ କିମି ପବନ ବହିଲେ ଏହାକୁ ଅତି ଭୀଷଣ ବାତ୍ୟା କୁହାଯିବ। ଆଇଏମଡି ବିସ୍ତାରିତ ସୂଚନା ଅନୁସାରେ ସମ୍ଭାବ୍ୟ ସିଷ୍ଟମ ପ୍ରଭାବରେ ଓଡ଼ିଶା ଏବଂ ଆନ୍ଧ୍ରରେ ପ୍ରବଳ ବର୍ଷା ହୋଇପାରେ। ଓଡ଼ିଶାରେ ୨୬ରୁ ୨୮ ଏବଂ ଆନ୍ଧ୍ରରେ ୨୫ରୁ ୨୮ ବର୍ଷା ସମ୍ଭାବନା ଅଛି। ଓଡ଼ିଶାରେ ୨୭ ଓ ୨୮ରେ କେତେକ ସ୍ଥାନରେ ପ୍ରବଳ ବର୍ଷା ହୋଇପାରେ। ୨୩ ସନ୍ଧ୍ୟାରୁ ସମୁଦ୍ର ଅଶାନ୍ତ ରହିପାରେ। ତେବେ ୩୧ ତାରିଖବେଳକୁ ଦକ୍ଷିଣ ପୂର୍ବ ବଙ୍ଗୋପସାଗରରେ ଆଉ ଏକ ଘୂର୍ଣ୍ଣିବଳୟ ସମ୍ଭାବନା ରହିଛି। ସମ୍ଭବତଃ ଏହା ପ୍ରଭାବରେ ରାଜ୍ୟରେ ପୁଣି ବର୍ଷା ବଢ଼ିପାରେ। ଇସିଏମଡବଲୁଏଫ ଆକଳନ କରିଛି,୨୮ ତାରିଖ ସକାଳେ ଆନ୍ଧ୍ରର କାକିନାଡା ତଳକୁ ସମ୍ଭାବ୍ୟ ବାତ୍ୟା ସ୍ଥଳଭାଗରେ ପ୍ରବେଶ କରିପାରେ। ଜିଏଫଏସ୍ ପୂର୍ବାନୁମାନ ହେଲା-ଶ୍ରୀକାକୁଲମ ଓ ଗୋପାଳପୁର ମଧ୍ୟରେ ଏହା ସ୍ଥଳଭାଗ ଛୁଇଁପାରେ। ଲ୍ୟାଣ୍ଡଫଲ୍ ସମୟରେ ୧୫୦ କିମି ବେଗରେ ପବନ ବହିପାରେ। ସିଏମସି ମଡେଲ୍ ଅନୁସାରେ ଦକ୍ଷିଣ ଓଡ଼ିଶାର ଗୋପାଳପୁର ପାଖରେ ସମ୍ଭାବ୍ୟ ବାତ୍ୟା ସ୍ଥଳଭାଗକୁ ପଶିପାରେ। ବିଶେଷଜ୍ଞଙ୍କ କହିବାନୁସାରେ ୨୩ରେ ଲଘୁଚାପ,୨୪ ସନ୍ଧ୍ୟା ସୁଦ୍ଧା ଅବପାତ ଓ ୨୫ ତାରିଖ ଅପରାହ୍ନବେଳକୁ ଏହା ବାତ୍ୟା ରୂପ ନେଇପାରେ। ତ୍ବରିତ ଗତିରେ ଏହା ଶକ୍ତିଶାଳୀ ହେବ। ୨୭ ତାରିଖ ସକାଳବେଳକୁ ଅତି ଭୀଷଣ ବାତ୍ୟାରେ ପରିଣତ ହୋଇପାରେ। ସେତେବେଳେ ସମୁଦ୍ର ଭିତରେ ଘଣ୍ଟା ପ୍ରତି ୧୨୦ରୁ ୧୪୫ କିମି ପର୍ଯ୍ୟନ୍ତ ପବନ ପିଟିପାରେ । ୨୮ ତାରିଖରେ ଏହା ଉତ୍ତର ଆନ୍ଧ୍ର ଉପକୂଳ ଛୁଇଁପାରେ। ଯଦି ବିଶାଖାପାଟଣା ପାଖାପାଖି ଲ୍ୟାଣ୍ଡଫଲ୍ ହୁଏ,ତେବେ ଓଡ଼ିଶା ପ୍ରଭାବିତ ହେବା ଆଶଙ୍କା ଅଛି। ଅନ୍ୟପକ୍ଷରେ ତାମିଲନାଡୁ ଉପକୂଳରେ ଥିବା ଲଘୁଚାପ ଆରବ ସାଗରକୁ ମୁହାଁଇବା ସହ ୨୫ ତାରିଖ ସୁଦ୍ଧା ଦୁର୍ବଳ ହେବା ସମ୍ଭାବନା ଅଛି। ଏହାପରେ ବଙ୍ଗୋପସାଗରରେ ଥିବା ଲଘୁଚାପ ତ୍ବରିତ ଗତିରେ ଘନୀଭୂତ ହେବ। ୨୬ ତାରିଖରୁ ଓଡ଼ିଶାରେ ବର୍ଷା ଆରମ୍ଭ ହୋଇପାରେ। ୨୭ ରାତିରୁ ଓଡ଼ିଶାରେ ପ୍ରବଳ ବର୍ଷା,ପବନ ଆଶଙ୍କା ଅଛି। ଗଞ୍ଜାମ,ପୁରୀ,ଗଜପତି,ରାୟଗଡ଼ା,ନୟାଗଡ଼,ଖୋର୍ଦ୍ଧା,ଜଗତସିଂହପୁର,କଟକ ବେଶି ପ୍ରଭାବିତ ହୋଇପାରେ । କେତେକ ସ୍ଥାନରେ ୭୫ରୁ ୧୦୦ କିମି ବେଗରେ ପବନ ମାଡ଼ ହେବା ଆଶଙ୍କା ଅଛି। ଲ୍ୟାଣ୍ଡଫଲ ପରେ ଏହା ଉତ୍ତର-ଉତ୍ତର ପଶ୍ଚିମରେ ଗତି କରି ଓଡ଼ିଶା ଦେଇ ଛତିଶଗଡ଼ ଯାଇପାରେ ମାଲକାନଗିରି,କୋରାପୁଟ,ରାୟଗଡ଼ା,ନବରଙ୍ଗପୁର,କଳାହାଣ୍ଡି,ନୂଆପଡ଼ା,ବଲାଙ୍ଗୀର,ବରଗଡ଼ ଓ ପାର୍ଶ୍ଵବର୍ତ୍ତୀ ଛତିଶଗଡ଼ରେ ୨୭ ଅପରାହ୍ନରୁ ୨୯ ସକାଳ ପର୍ଯ୍ୟନ୍ତ ପ୍ରବଳରୁ ଅତି ପ୍ରବଳ ବର୍ଷା ଆଶଙ୍କା ଅଛି। ଏହା କେବଳ ପ୍ରାକ ଆକଳନ । ୨୫ ତାରିଖବେଳକୁ ଚିତ୍ର ସ୍ପଷ୍ଟ ହେବ। ରାଜସ୍ୱ ଓ ବିପର୍ଯ୍ୟୟ ପରିଚାଳନା ମନ୍ତ୍ରୀ ସୁରେଶ ପୂଜାରୀ କହିଛନ୍ତି,ଏଯାଏ ଚିତ୍ର ସ୍ପଷ୍ଟ ହୋଇନାହିଁ। ବିଭିନ୍ନ ମଡେଲ୍ର ପୂର୍ବାନୁମାନ ଉପରେ ନଜର ରଖାଯାଇଛି। ଭାରତୀୟ ପାଣିପାଗ ବିଜ୍ଞାନ ବିଭାଗ (ଆଇଏମ୍ଡି) ସହ ନିରନ୍ତର ଯୋଗାଯୋଗ ରଖାଯାଇଛି। ପ୍ରତ୍ୟେକ ସ୍ଥିତିର ମୁକାବିଲା ପାଇଁ ସରକାର ପ୍ରସ୍ତୁତ ଅଛନ୍ତି। ତେଣୁ କେହି ବି ଆତଙ୍କିତ ହୁଅନ୍ତୁ ନାହିଁ । ]]> Fri, 23 Oct 2026 06:41:34 +0530 https://www.prameyanews7.com/rashifala-of-october-23-2026-friday https://www.prameyanews7.com/rashifala-of-october-23-2026-friday ମେଷ- କର୍ମକ୍ଷେତ୍ରରେ ନୂଆ ସୁଯୋଗ ମିଳିପାରେ। ଆୟ ବୃଦ୍ଧି ପାଇଁ ଯୋଜନା କରିବେ। ଅଟକିଥିବା କାମ ଧୀରେ ଧୀରେ ଆଗକୁ ବଢ଼ିବ। ପରିବାରରେ ଶାନ୍ତି ବଜାୟ ରହିବ। ଅଯଥା ଖର୍ଚ୍ଚ ଓ ତରବରିଆ ନିଷ୍ପତ୍ତିରୁ ଦୂରେଇ ରୁହନ୍ତୁ। ବୃଷ- ଆର୍ଥିକ କାର୍ଯ୍ୟରେ ସତର୍କ ରହିବା ଆବଶ୍ୟକ। ବ୍ୟବସାୟରେ ଲାଭ ମିଳିଲେ ମଧ୍ୟ ଖର୍ଚ୍ଚ ବଢ଼ିପାରେ। କର୍ମକ୍ଷେତ୍ରରେ ସହକର୍ମୀଙ୍କ ସହ ମତଭେଦ ହୋଇପାରେ। ପରିବାରର ବୟସ୍କଙ୍କ ପରାମର୍ଶ ଉପକାରୀ ହେବ। ସ୍ୱାସ୍ଥ୍ୟ ଓ ଖାଦ୍ୟପେୟ ପ୍ରତି ଧ୍ୟାନ ଦିଅନ୍ତୁ। ମିଥୁନ- ଦିନଟି ଅନୁକୂଳ ରହିପାରେ। ନୂଆ ଲୋକଙ୍କ ସହ ସମ୍ପର୍କ ବଢ଼ିବ। ବ୍ୟବସାୟରେ ନୂଆ ଯୋଜନା କରିବାକୁ ସୁଯୋଗ ମିଳିବ। ଚାକିରିରେ ଦାୟିତ୍ୱ ବଢ଼ିପାରେ। ଦାମ୍ପତ୍ୟ ଜୀବନରେ ସହଯୋଗ ମିଳିବ। ଅଧିକ ଆତ୍ମବିଶ୍ୱାସରେ ଭୁଲ ନିଷ୍ପତ୍ତି ନିଅନ୍ତୁ ନାହିଁ। କର୍କଟ- କାର୍ଯ୍ୟକ୍ଷେତ୍ରରେ କିଛି ବାଧା ଆସିପାରେ। ଅଧିକ ପରିଶ୍ରମ ପରେ ସଫଳତା ମିଳିବ। ଅର୍ଥ କାରବାରରେ ସାବଧାନ ରୁହନ୍ତୁ। ପରିବାରର କୌଣସି କଥାକୁ ନେଇ ମନ ଅଶାନ୍ତ ହୋଇପାରେ। ନିଜ କଥା ଓ ବ୍ୟବହାର ଉପରେ ସଂଯମ ରଖନ୍ତୁ। ବିଶ୍ରାମ ପାଇଁ ସମୟ ବାହାର କରନ୍ତୁ। ସିଂହ- ଆତ୍ମବିଶ୍ୱାସ ବଢ଼ିବ। ନୂଆ କାମ ଆରମ୍ଭ କରିବା ପାଇଁ ଚିନ୍ତା କରିବେ। ଚାକିରିରେ ଉଚ୍ଚାଧିକାରୀଙ୍କ ସହଯୋଗ ମିଳିପାରେ। ବନ୍ଧୁଙ୍କ ସହ ଭଲ ସମୟ ବିତାଇବେ। ଆର୍ଥିକ ସ୍ଥିତିରେ ସୁଧାର ଆସିପାରେ। ଅହଂକାର ଓ ଅଯଥା ବିବାଦରୁ ଦୂରେଇ ରୁହନ୍ତୁ। କନ୍ୟା- ଯୋଜନାକୁ ନେଇ ଦିନଟି ଗୁରୁତ୍ୱପୂର୍ଣ୍ଣ ରହିବ। କାର୍ଯ୍ୟକ୍ଷେତ୍ରରେ ନିଜ ଦକ୍ଷତା ପ୍ରମାଣ କରିବାର ସୁଯୋଗ ମିଳିବ। ପୁରୁଣା ବନ୍ଧୁଙ୍କ ସହ ଯୋଗାଯୋଗ ହୋଇପାରେ। ପରିବାରରେ ଛୋଟ ଛୋଟ କଥାକୁ ନେଇ ଚିନ୍ତା ବଢ଼ିପାରେ। ଧୈର୍ଯ୍ୟ ଧରି କାମ କଲେ ସଫଳତା ମିଳିବ। ତୁଳା- ନୂଆ କାର୍ଯ୍ୟ ଓ ବ୍ୟବସାୟିକ ଆଲୋଚନାରେ ଅଗ୍ରଗତି ହୋଇପାରେ। ଆୟର ନୂଆ ରାସ୍ତା ଖୋଲିବାର ସମ୍ଭାବନା ରହିଛି। ଦାମ୍ପତ୍ୟ ଜୀବନରେ ମଧୁରତା ବଢ଼ିବ। କୌଣସି ଗୁରୁତ୍ୱପୂର୍ଣ୍ଣ କାମରେ ଅନ୍ୟର ପରାମର୍ଶ ନେବେ। ଅନାବଶ୍ୟକ ଖର୍ଚ୍ଚ ଓ ଅନ୍ୟକୁ ଅଧିକ ପ୍ରତିଶ୍ରୁତି ଦେବାରୁ ଦୂରେଇ ରୁହନ୍ତୁ। ବିଛା- କାର୍ଯ୍ୟକ୍ଷେତ୍ରରେ ଦାୟିତ୍ୱ ବଢ଼ିପାରେ। ଅର୍ଥ ଲାଭର ସୁଯୋଗ ମିଳିଲେ ମଧ୍ୟ ନିବେଶ ପୂର୍ବରୁ ଭଲ ଭାବରେ ବିଚାର କରନ୍ତୁ। ପରିବାରରେ ଆପଣଙ୍କ ମତକୁ ଗୁରୁତ୍ୱ ଦିଆଯିବ। ପୁରୁଣା ସମସ୍ୟାର ସମାଧାନ ମିଳିପାରେ। ରାଗ ଓ ଜିଦ୍କୁ ନିୟନ୍ତ୍ରଣ କରନ୍ତୁ। ଧନୁ- ଘାତଚନ୍ଦ୍ର ଥିବାରୁ ବିଶେଷ ସତର୍କତା ଅବଲମ୍ବନ କରନ୍ତୁ। କାର୍ଯ୍ୟରେ ବିଳମ୍ବ ହେଲେ ମଧ୍ୟ ଧୈର୍ଯ୍ୟ ହରାନ୍ତୁ ନାହିଁ। ଅର୍ଥ କାରବାରରେ ସାବଧାନ ରୁହନ୍ତୁ। ଅନ୍ୟର କଥାକୁ ନେଇ ଭୁଲ ବୁଝାମଣା ହୋଇପାରେ। ଯାତ୍ରା ଓ ଗୁରୁତ୍ୱପୂର୍ଣ୍ଣ ନିଷ୍ପତ୍ତିରେ ତରବର ହୁଅନ୍ତୁ ନାହିଁ। ଈଶ୍ୱରଙ୍କ ଆରାଧନା କରନ୍ତୁ। ମକର- କର୍ମକ୍ଷେତ୍ରରେ ଭଲ ଅଗ୍ରଗତି ହୋଇପାରେ। ଦୀର୍ଘଦିନର ଯୋଜନାକୁ କାର୍ଯ୍ୟକାରୀ କରିବାର ସୁଯୋଗ ମିଳିବ। ଆୟ ଓ ବ୍ୟୟ ମଧ୍ୟରେ ସନ୍ତୁଳନ ରଖନ୍ତୁ। ପରିବାରରେ ସହଯୋଗ ମିଳିବ। ନୂଆ ଦାୟିତ୍ୱକୁ ସଫଳତାର ସହ ତୁଲାଇପାରିବେ। ନିଜ ଯୋଜନା ଅନ୍ୟମାନଙ୍କ ଆଗରେ ପ୍ରକାଶ କରିବାରେ ସତର୍କ ରୁହନ୍ତୁ। କୁମ୍ଭ- ଚନ୍ଦ୍ର ନିଜ ରାଶିରେ ଥିବାରୁ ମନୋବଳ ଓ ଆତ୍ମବିଶ୍ୱାସ ବଢ଼ିପାରେ। ନୂଆ ଯୋଜନା ଓ ସୃଜନଶୀଳ କାର୍ଯ୍ୟରେ ମନ ଲାଗିବ। ବ୍ୟବସାୟରେ ଲାଭର ସୁଯୋଗ ମିଳିପାରେ। ବନ୍ଧୁ ଓ ସହକର୍ମୀଙ୍କ ସହଯୋଗ ମିଳିବ। ନିଜ ଭାବନାକୁ ଗୁରୁତ୍ୱ ଦେବା ସହ ଅନ୍ୟମାନଙ୍କ ମତକୁ ମଧ୍ୟ ସମ୍ମାନ ଦିଅନ୍ତୁ। ମୀନ- ମିଶ୍ରିତ ଫଳ ମିଳିପାରେ। କାର୍ଯ୍ୟକ୍ଷେତ୍ରରେ ନୂଆ ଦାୟିତ୍ୱ ମିଳିବାର ସମ୍ଭାବନା ରହିଛି। ଅର୍ଥ ସମ୍ବନ୍ଧୀୟ କାମରେ ଅଧିକ ଧ୍ୟାନ ଦିଅନ୍ତୁ। ପରିବାରରେ ଶାନ୍ତି ରଖିବା ପାଇଁ ଅନାବଶ୍ୟକ ଯୁକ୍ତିତର୍କରୁ ଦୂରେଇ ରୁହନ୍ତୁ। ଆଧ୍ୟାତ୍ମିକ କାର୍ଯ୍ୟରେ ମନ ଲାଗିବ। ନିଜ ସ୍ୱାସ୍ଥ୍ୟ ପ୍ରତି ଅବହେଳା କରନ୍ତୁ ନାହିଁ। ଜ୍ୟୋତିର୍ବିଦ୍ ଶ୍ରୀ ସିଦ୍ଧାର୍ଥ ଶେଖର ନାୟକ ଯୋଗାଯୋଗ – 8249826682 ]]> Fri, 23 Oct 2026 06:23:37 +0530 https://www.prameyanews7.com/first-indian-eam-jaishankar-to-visit-azerbaijan https://www.prameyanews7.com/first-indian-eam-jaishankar-to-visit-azerbaijan ନୂଆଦିଲ୍ଲୀ: ୨୦୧୮ରେ ଭାରତୀ ତତ୍କାଳୀନ ବୈଦେଶିକ ମନ୍ତ୍ରୀ ସୁଷମା ସ୍ବରାଜ ଆଜରବାଇଜାନ ଗସ୍ତ କରିଥିଲେ । ତାପରଠାରୁ ଭାରତୀୟ ବୈଦେଶିକ ମନ୍ତ୍ରୀ ଆଜରବାଇଜାନ ଗସ୍ତ କରିନଥିଲେ । ଦୀର୍ଘ ୮ ବର୍ଷର ବ୍ୟବଧାନ ପରେ ବୈଦେଶିକ ମନ୍ତ୍ରୀ ଏସ୍‌. ଜୟଶଙ୍କର ଆଜରବାଇଜାନ ଗସ୍ତ  କରିବେ ।  ୨୩ ଅକ୍ଟୋବର ୨୦୨୬ ରେ ହେବାକୁ ଥିବା ଏହି ସରକାରୀ ଗସ୍ତ ୮ ବର୍ଷ ପରେ କୌଣସି ଭାରତୀୟ ବୈଦେଶିକ ମନ୍ତ୍ରୀଙ୍କ ପ୍ରଥମ ସ୍ୱତନ୍ତ୍ର ଆଜରବାଇଜାନ ଗସ୍ତ। ବୈଦେଶିକ ବ୍ୟାପାର ମନ୍ତ୍ରାଳୟ ଅନୁଯାୟୀ, ଦ୍ୱିପାକ୍ଷିକ ସମ୍ପର୍କର ସମୀକ୍ଷା କରିବା ପାଇଁ ଡ. ଜୟଶଙ୍କର ସେଠାକାର ବୈଦେଶିକ ମନ୍ତ୍ରୀଙ୍କ ସହ ଦ୍ୱିପାକ୍ଷିକ ଆଲୋଚନା କରିବେ। ଗତ ସେପ୍ଟେମ୍ବର ମାସରେ ବିଶକେକଠାରେ ଅନୁଷ୍ଠିତ SCO ଶିଖର ସମ୍ମିଳନୀରେ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ଆଜରବାଇଜାନ ରାଷ୍ଟ୍ରପତି ଇଲହାମ୍ ଆଲିୟେଭଙ୍କ ମଧ୍ୟରେ ଆଲୋଚନା ହୋଇଥିଲା। ଏହାପରେ ଚଳିତ ମାସ ଆରମ୍ଭରେ ଆଜରବାଇଜାନରେ ଭାରତର ନୂତନ ରାଷ୍ଟ୍ରଦୂତ ଅଭୟ କୁମାର, ରାଷ୍ଟ୍ରପତି ଆଲିୟେଭଙ୍କୁ ନିଜର ପରିଚୟ ପତ୍ର ପ୍ରଦାନ କରିଥିଲେ। ଭାରତର ସରକାରୀ ସଂସ୍ଥା 'ଓଏନ୍‌ଜିସି ବିଦେଶ ଲିମିଟେଡ୍' ଆଜରବାଇଜାନରେ ୧.୨ ବିଲିୟନ ଡଲାରରୁ ଅଧିକ ପୁଞ୍ଜି ନିବେଶ କରିଛି। ଭାରତ ଦୀର୍ଘ ଦିନରୁ ଆଜରବାଇଜାନରୁ ଅଶୋଧିତ ତୈଳ କ୍ରୟ କରିଆସୁଛି । ହାଇଡ୍ରୋକାର୍ବନ୍ କ୍ଷେତ୍ରରେ ଅଧିକ ସହଯୋଗ ପାଇଁ ଆଲୋଚନା ଜାରି ରଖିଛି ଭାରତ । ଭାରତରୁ ଚାଉଳ, ଔଷଧ , ଯନ୍ତ୍ରପାତି, ଇଲେକ୍ଟ୍ରୋନିକ୍ସ ଏବଂ ପ୍ରସେସଡ୍ ତମାଖୁ ଆଜରବାଇଜାନକୁ ରପ୍ତାନି କରାଯାଏ। ଦିଲ୍ଲୀ-ବାକୁ  ଏବଂ ମୁମ୍ବାଇ-ବାକୁମଧ୍ୟରେ ସୀଧାସଳଖ ବିମାନ ସେବା କାର୍ଯ୍ୟକାରୀ ହେଉଛି। ଦୁଇ ଦେଶ ମଧ୍ୟରେ ଲୋକସମ୍ପର୍କ ଓ ପର୍ଯ୍ୟଟନ ବେଶ୍ ବୃଦ୍ଧି ପାଇଛି। ୨୦୨୫ ମସିହାରେ ପ୍ରାୟ ୧,୬୭,୦୦୦ ଭାରତୀୟ ପର୍ଯ୍ୟଟକ ଆଜରବାଇଜାନ ଯାତ୍ରା କରିଥିଲେ । ଏହାସହ ରାଜଧାନୀ ବାକୁ ରେ ଅନେକ ଭାରତୀୟ କର୍ମଚାରୀ, ଛାତ୍ରଛାତ୍ରୀ ଏବଂ ଶ୍ରମିକ ବସବାସ କରୁଛନ୍ତି। ସୂଚନାଯୋଗ୍ୟ, ଭାରତ ୧୯୯୧ ଡିସେମ୍ବରରେ ଆଜରବାଇଜାନର ସ୍ୱାଧୀନତାକୁ ସ୍ୱୀକୃତି ଦେଇଥିଲା । ୧୯୯୨ ଫେବୃଆରୀରେ ଦୁଇ ଦେଶ ମଧ୍ୟରେ ଆନୁଷ୍ଠାନିକ କୂଟନୈତିକ ସମ୍ପର୍କ ସ୍ଥାପନ ହୋଇଥିଲା। ୧୯୯୯ ରେ ବାକୁଠାରେ ଭାରତୀୟ ଦୂତାବାସ ଖୋଲାଯାଇଥିଲା। ଯଦିଓ ଦୁଇ ଦେଶ ମଧ୍ୟରେ ବିଭିନ୍ନ ସମୟରେ କୂଟନୈତିକ ମତାନ୍ତର ଦେଖାଦେଇଛି, ତଥାପି ଐତିହାସିକ ଓ ସାଂସ୍କୃତିକ ଭିତ୍ତିଭୂମି ଉପରେ ସମ୍ପର୍କ ତିଷ୍ଠି ରହିଛି। ଆଜରବାଇଜାନ ସହ ଭାରତ ସରକାର ସଂପର୍କ ଦୃଢ଼ କରିବାକୁ ପ୍ରୟାସ ଆରମ୍ଭ କରିଛନ୍ତି ।  ]]> Thu, 22 Oct 2026 23:30:08 +0530 https://www.prameyanews7.com/cm-mohan-majhi-s-call-to-global-industrialists-at-india-chem-2026 https://www.prameyanews7.com/cm-mohan-majhi-s-call-to-global-industrialists-at-india-chem-2026 ମୁମ୍ବାଇ/ଭୁବନେଶ୍ୱର: ମୁମ୍ବାଇଠାରେ ଆୟୋଜିତ 'ଇଣ୍ଡିଆ କେମ୍ ୨୦୨୬' (India Chem 2026)ର ସିଇଓ ଗୋଲଟେବୁଲ ବୈଠକରେ ଓଡ଼ିଶା ସରକାର ରାଜ୍ୟର ରସାୟନ ଏବଂ ପେଟ୍ରୋକେମିକାଲ୍ସ କ୍ଷେତ୍ରରେ ଥିବା ବିପୁଳ ନିବେଶ ସୁଯୋଗକୁ ବିଶ୍ୱ ସମୁଖରେ ଉପସ୍ଥାପନ କରିଛନ୍ତି । କେନ୍ଦ୍ର ସ୍ୱାସ୍ଥ୍ୟ, ପରିବାର କଲ୍ୟାଣ ତଥା ରସାୟନ ଓ ସାର ମନ୍ତ୍ରୀ ଜଗତ ପ୍ରକାଶ ନଡ୍ଡାଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ଗୋଲଟେବୁଲ ବୈଠକରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଯୋଗଦେଇ ବିଶ୍ୱର ପ୍ରମୁଖ ଶିଳ୍ପପତିମାନଙ୍କୁ ଓଡ଼ିଶାରେ ଉତ୍ପାଦନ ୟୁନିଟ୍ ସ୍ଥାପନ ଏବଂ ଡାଉନଷ୍ଟ୍ରିମ୍ ଶିଳ୍ପର ପ୍ରସାର ପାଇଁ ଆମନ୍ତ୍ରଣ କରିଛନ୍ତି । ବୈଠକର ଅଧ୍ୟକ୍ଷତା କରି କେନ୍ଦ୍ର ମନ୍ତ୍ରୀ ଜଗତ ପ୍ରକାଶ ନଡ୍ଡା କହିଛନ୍ତି ଯେ, ୨୦୪୭ ସୁଦ୍ଧା ଭାରତକୁ 'ବିକଶିତ ଭାରତ' ଏବଂ 'ଆତ୍ମନିର୍ଭର ଭାରତ'ରେ ପରିଣତ କରିବାରେ ରସାୟନ ଓ ପେଟ୍ରୋକେମିକାଲ୍ସ କ୍ଷେତ୍ରର ଭୂମିକା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ୨୦୪୦ ସୁଦ୍ଧା ଭାରତୀୟ ରସାୟନ କ୍ଷେତ୍ରକୁ ୧ ଟ୍ରିଲିଅନ୍ ଡଲାରରେ ପହଞ୍ଚାଇବା ପାଇଁ କେନ୍ଦ୍ର ସରକାର ନିରନ୍ତର ପ୍ରୟାସ କରୁଛନ୍ତି। ଦେଶ ମଧ୍ୟରେ ଉତ୍ପାଦନ ବୃଦ୍ଧି, ନିବେଶ ପରିବେଶକୁ ସୁଦୃଢ଼ କରିବା ଏବଂ ବିଶ୍ୱସ୍ତରୀୟ ଯୋଗାଣ ଶୃଙ୍ଖଳାରେ ଭାରତର ଭାଗିଦାରୀ ବଢ଼ାଇବା ପାଇଁ ସରକାର ସମ୍ପୂର୍ଣ୍ଣ ପ୍ରତିଶ୍ରୁତିବଦ୍ଧ। ଓଡ଼ିଶା ଭଳି ରାଜ୍ୟଗୁଡ଼ିକ ନିଜର ଭିତ୍ତିଭୂମି ଓ ସମ୍ବଳର ବ୍ୟବହାର କରି ବିଶ୍ୱ ନିବେଶକଙ୍କୁ ଆକୃଷ୍ଟ କରିବାରେ ଏକ ପ୍ରମୁଖ ଭୂମିକା ଗ୍ରହଣ କରୁଛନ୍ତି ବୋଲି ସେ ପ୍ରଶଂସା କରିଥିଲେ। ଉଦଘାଟନୀ ସେସନ୍ ପରେ ଗୋଲଟେବୁଲ ବୈଠକକୁ ସମ୍ବୋଧିତ କରି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଓଡ଼ିଶାକୁ ଏକ ଖଣିଜ-ଭିତ୍ତିକ ଅର୍ଥନୀତିରୁ ରସାୟନ-ଭିତ୍ତିକ ଶିଳ୍ପ ଅର୍ଥନୀତିରେ ରୂପାନ୍ତରିତ କରିବାର ସଂକଳ୍ପ ପ୍ରକାଶ କରିଛନ୍ତି । ରାଜ୍ୟର ବିଶାଳ ସମୁଦ୍ର ଉପକୂଳ, ଉତ୍କୃଷ୍ଟ ବନ୍ଦର ସଂଯୋଗୀକରଣ, ବିଶାଳ ରିଫାଇନାରୀ ଭିତ୍ତିଭୂମି, କଞ୍ଚାମାଲର ସୁଲଭତା, ନିରବଚ୍ଛିନ୍ନ ବିଦ୍ୟୁତ୍ ଓ ଜଳ ଯୋଗାଣ ଏବଂ ପଡ଼ୋଶୀ ମାର୍କେଟ୍ ସହ ସଂଯୋଗୀକରଣ ନିବେଶକମାନଙ୍କ ପାଇଁ ଶ୍ରେଷ୍ଠ ଅନୁକୂଳ ପରିବେଶ ସୃଷ୍ଟି କରିଛି ବୋଲି ସେ ଆଲୋକପାତ କରିଛନ୍ତି। ନିବେଶକଙ୍କୁ ଆଶ୍ୱାସନା ଦେଇ ମୁଖ୍ୟମନ୍ତ୍ରୀ କହିଛନ୍ତି ଯେ, ଓଡ଼ିଶା ସରକାର କେବଳ ଶିଳ୍ପ ପ୍ରତିଷ୍ଠା ପାଇଁ ଆମନ୍ତ୍ରଣ କରୁନାହାନ୍ତି, ବରଂ ନିବେଶର ସମ୍ପୂର୍ଣ୍ଣ କାଳଖଣ୍ଡରେ ନିବେଶକମାନଙ୍କ ପ୍ରକୃତ ସହଯୋଗୀ ଭାବେ କାର୍ଯ୍ୟ କରିବେ। ଜମି ଚିହ୍ନଟ, ଭିତ୍ତିଭୂମି ଯୋଜନା, ଆବଶ୍ୟକୀୟ ସରକାରୀ ମଞ୍ଜୁରୀଠାରୁ ଆରମ୍ଭ କରି ପ୍ରକଳ୍ପର କାର୍ଯ୍ୟକାରିତା ଏବଂ ବାଣିଜ୍ୟିକ ଉତ୍ପାଦନ ପର୍ଯ୍ୟନ୍ତ ପ୍ରତ୍ୟେକ ପର୍ଯ୍ୟାୟରେ ରାଜ୍ୟ ସରକାର ସମସ୍ତ ପ୍ରକାର ଆନୁଷଙ୍ଗିକ ସହାୟତା ଯୋଗାଇ ଦେବେ। ରାଜ୍ୟରେ ଶିଳ୍ପ ନିବେଶ କ୍ଷେତ୍ର ସମ୍ପର୍କରେ ସୂଚନା ଦେଇ ମୁଖ୍ୟମନ୍ତ୍ରୀ ଦର୍ଶାଇଛନ୍ତି ଯେ, ବନ୍ଦର-ଭିତ୍ତିକ ଶିଳ୍ପ ପାଇଁ ପାରାଦୀପ, ଧାମରା ଓ ଗୋପାଳପୁର ଅତ୍ୟନ୍ତ ଉପଯୁକ୍ତ ହୋଇଥିବା ବେଳେ ଧାତୁ, କୋଇଲା, ଶକ୍ତି ଏବଂ ଆଭ୍ୟନ୍ତରୀଣ ବଜାର ଚାହିଦାକୁ ନଜରରେ ରଖି ଅନୁଗୋଳ ଓ ଢେଙ୍କାନାଳରେ ପ୍ରକଳ୍ପ ସ୍ଥାପନର ପ୍ରଚୁର ସୁଯୋଗ ରହିଛି। ଏହାସହ ପାରାଦୀପ PCPIR, ଇଣ୍ଡିଆନ୍ ଅଏଲ୍ର ୧୫ MMTPA ରିଫାଇନାରୀ ଏବଂ ପ୍ଲାଷ୍ଟିକ୍ ପାର୍କ ପଲିମର, ପ୍ୟାକେଜିଂ, ଟେକ୍ସଟାଇଲ୍ସ ଓ ଅନ୍ୟାନ୍ୟ ଡାଉନ୍ଷ୍ଟ୍ରିମ୍ ଉତ୍ପାଦନ ପାଇଁ ଏକ ମଜବୁତ୍ ଆଧାର ପ୍ରଦାନ କରୁଛି। ନିବେଶକମାନେ କୋଇଲାରୁ ରସାୟନ (Coal-to-chemicals), ସ୍ପେଶାଲଟି କେମିକାଲ୍ସ, ଫ୍ଲୋରୋକେମିକାଲ୍ସ, ବ୍ୟାଟେରୀ ମ୍ୟାଟେରିଆଲ୍ସ, ଗ୍ରୀନ୍ ହାଇଡ୍ରୋଜେନ୍ ଏବଂ ଗ୍ରୀନ୍ ଆମୋନିଆ ଭଳି ଭବିଷ୍ୟତ-ପ୍ରଯୁକ୍ତି ଭିତ୍ତିକ କ୍ଷେତ୍ରଗୁଡ଼ିକରେ ନିବେଶ କରିବାକୁ ସେ ଆହ୍ୱାନ ଜଣାଇଛନ୍ତି। ପରିବେଶ ଓ ସୁରକ୍ଷା ମାନଦଣ୍ଡ ସମ୍ପର୍କରେ ମୁଖ୍ୟମନ୍ତ୍ରୀ ଦୋହରାଇଛନ୍ତି । ମୁଖ୍ୟମନ୍ତ୍ରୀ କହିଛନ୍ତି, ଓଡ଼ିଶା ସରକାର ସ୍ୱଚ୍ଛତା, ସୁରକ୍ଷା ଏବଂ ଦାୟିତ୍ୱବାନ୍ ପରିବେଶ ପରିଚାଳନାକୁ କଡ଼ାକଡ଼ି ଭାବେ ପାଳନ କରିବା ସହ 'ରେଡ୍-କାଟେଗୋରୀ' ଶିଳ୍ପଗୁଡ଼ିକୁ ସ୍ୱାଗତ କରିବା ପାଇଁ 'ରେଡ୍ କାର୍ପେଟ୍' ବିଛାଇବାକୁ ସମ୍ପୂର୍ଣ୍ଣ ପ୍ରସ୍ତୁତ। ସିଙ୍ଗଲ୍ ୱିଣ୍ଡୋ ପ୍ରଣାଳୀ ଏବଂ ଗୋପାଳପୁର ଭଳି ପ୍ରାକ୍-ଅନୁମୋଦିତ ପରିବେଶ ମଞ୍ଜୁରୀପ୍ରାପ୍ତ ସ୍ଥାନଗୁଡ଼ିକ ମାଧ୍ୟମରେ ପ୍ରକଳ୍ପ ସମ୍ପାଦନ ସମୟ କମାଇବାକୁ ରାଜ୍ୟ ସରକାର ପ୍ରାଥମିକତା ଦେଉଛନ୍ତି। ମୁଖ୍ୟମନ୍ତ୍ରୀ ଶିଳ୍ପପତିମାନଙ୍କୁ ଓଡ଼ିଶା ସରକାରଙ୍କ ଶିଳ୍ପ ସମ୍ପ୍ରସାରଣ ଟିମ୍ (Team Odisha) ଏବଂ IPICOL ସହ ଯୋଗାଯୋଗ କରି ନିଜର ଆବଶ୍ୟକତା ଜଣାଇବାକୁ କହିଛନ୍ତି। କେବଳ ନିବେଶ ଆଗ୍ରହରେ ସୀମିତ ନରହି, ଓଡ଼ିଶା ଆସି ପ୍ରକଳ୍ପ କାର୍ଯ୍ୟକାରୀ କରିବା ସହ ବାସ୍ତବ ଉତ୍ପାଦନ ଆରମ୍ଭ କରିବାକୁ ସେ ବିଶ୍ୱ ଶିଳ୍ପପତିମାନଙ୍କୁ ଆନ୍ତରିକ ନିମନ୍ତ୍ରଣ ଜଣାଇଛନ୍ତି। ଏହି ବୈଠକରେ କେନ୍ଦ୍ର ରସାୟନ ଓ ସାର ମନ୍ତ୍ରଣାଳୟର ବରିଷ୍ଠ ଅଧିକାରୀଗଣ, ଓଡ଼ିଶା ସରକାରଙ୍କ ଶିଳ୍ପ, ଗୃହ ଓ ସୂଚନା ଏବଂ ଲୋକସମ୍ପର୍କ ବିଭାଗର ଅତିରିକ୍ତ ମୁଖ୍ୟ ଶାସନ ସଚିବ ହେମନ୍ତ ଶର୍ମା, IPICOLର ପ୍ରବନ୍ଧ ନିର୍ଦ୍ଦେଶିକା ଆବୋଲୀ ସୁନୀଲ ନାରାଭାଣେଙ୍କ ସମେତ ଦେଶ ବିଦେଶର ବହୁ ମାନ୍ୟଗଣ୍ୟ ଶିଳ୍ପପତି, ସିଇଓ, ବାଣିଜ୍ୟିକ ପ୍ରତିନିଧି ଏବଂ ସରକାରୀ ଉଚ୍ଚାଧିକାରୀମାନେ ଉପସ୍ଥିତ ଥିଲେ। ]]> Thu, 22 Oct 2026 23:15:25 +0530 https://www.prameyanews7.com/manuel-otto-stick-run-game-developer-and-influencer-dies-at-30 https://www.prameyanews7.com/manuel-otto-stick-run-game-developer-and-influencer-dies-at-30 ନୂଆଦିଲ୍ଲୀ: ଜର୍ମାନୀର ଜଣେ ପ୍ରସିଦ୍ଧ ଗେମ୍ ଡେଭଲପର୍ ତଥା ଇନଫ୍ଲୁଏନ୍ସର୍ ମାନୁଏଲ୍ ଓଟୋ ଆତ୍ମହତ୍ୟା କରିଛନ୍ତି । ୩୦ ବର୍ଷୀୟ ଓଟୋ ଆତ୍ମାହୁତି ସୟମରେ ଲାଇଭ୍-ଷ୍ଟ୍ରିମିଂ ପ୍ଲାଟଫର୍ମ 'ଟ୍ୱିଚ୍'ରେ ଲାଇଭ୍ ଥିଲେ ବୋଲି ଜଣାପଡ଼ିଛି । ରିପୋର୍ଟ ମୁତାବକ, ଦକ୍ଷିଣ-ପୂର୍ବ ଜର୍ମାନୀର ବାଭାରିଆ ଅଞ୍ଚଳରେ ଥିବା ଏକ ଘରେ ନିଆଁ ଲାଗିଥିବା ଦେଖି ପଡ଼ୋଶୀ ଅଗ୍ନିଶମ ବିଭାଗକୁ ଜଣାଇଥିଲେ । ପରେ ସେଠାରୁ ମାନୁଏଲ୍ ଓଟୋଙ୍କ ମୃତଦେହ ମିଳିଥିଲା । ଏକ ଶୋକବାର୍ତ୍ତାରେ ଲେଖାଯାଇଛି, "ଅତ୍ୟନ୍ତ ଦୁଃଖର ସହିତ ଆମେ ଆମର ନିର୍ମାତା, ଡେଭଲପର୍ ଏବଂ ସାଥୀ ଷ୍ଟିକ୍ ରନର୍ ମାର୍କ-ମାନୁଏଲ୍ ଆଲେକଜାଣ୍ଡାର୍ ଓଟୋଙ୍କ ମୃତ୍ୟୁର ସୂଚନା ଦେଉଛୁ ।" ସେପଟେ 'ଟ୍ୱିଚ୍' ପକ୍ଷରୁ କୁହାଯାଇଛି ଯେ ଏହି ଅଘଟଣ ପରେ ସେମାନେ ତୁରନ୍ତ ଉକ୍ତ ଚ୍ୟାନେଲ୍ ଏବଂ ଭିଡିଓକୁ ହଟାଇ ଦେଇଛନ୍ତି । ମାନୁଏଲ୍ ଓଟୋ କିଏ ? ୧୯୯୬ ମସିହାରେ ଜର୍ମାନୀରେ ମାନୁଏଲ୍ ଓଟୋଙ୍କ ଜନ୍ମ । ସେ ମାତ୍ର ୧୪ ବର୍ଷ ବୟସରେ ଫେସବୁକରେ ଏକ ଫ୍ରି-ଟୁ-ପ୍ଲେ ଗେମ୍ ଭାବରେ 'ଷ୍ଟିକ୍ ରନ୍' ତିଆରି କରିଥିଲେ । ଏହି ଲୋକପ୍ରିୟ ମଲ୍ଟିପ୍ଲେୟାର୍ ଗେମରେ ଖେଳାଳିମାନେ ଏକ 'ଷ୍ଟିକ୍ ଫିଗର୍' ଚରିତ୍ରକୁ ନେଇ ବିଭିନ୍ନ ବାଧାବିଘ୍ନ ଅତିକ୍ରମ କରି ପଏଣ୍ଟ୍ ଏବଂ କଏନ୍ ସଂଗ୍ରହ କରୁଥିଲେ । ଆକଳନ ଅନୁଯାୟୀ, ବିଶ୍ୱବ୍ୟାପୀ ଡେସ୍କଟପ୍ ଏବଂ ମୋବାଇଲ୍ ଜରିଆରେ ୪୩ ନିୟୁତରୁ ଅଧିକ ଲୋକ 'ଷ୍ଟିକ୍ ରନ୍' ଖେଳିଛନ୍ତି । ]]> Thu, 22 Oct 2026 23:11:52 +0530 https://www.prameyanews7.com/isaac-newtons-1687-book-sells-for-rs-549-crore-at-christies-auction https://www.prameyanews7.com/isaac-newtons-1687-book-sells-for-rs-549-crore-at-christies-auction ନୂଆଦିଲ୍ଲୀ: ବିଶ୍ୱ ଇତିହାସରେ ଦିନେ ବିଜ୍ଞାନର ଦିଗ ବଦଳାଇ ଦେଇଥିଲା ଇଂଲଣ୍ଡର ପ୍ରସିଦ୍ଧ ଗଣିତଜ୍ଞ ଓ ପଦାର୍ଥବିଜ୍ଞାନୀ ଆଇଜାକ୍ ନ୍ୟୁଟନଙ୍କ ଦ୍ୱାରା ଲିଖିତ ବହି ‘ଫିଲୋସୋଫି ନ୍ୟୁଚୁରାଲିସ ପ୍ରିନ୍ସିପିଆ ମ୍ଯାଥମେଟିକା”। ଇଏ ସେହି ବହି ଯିଏ ବ୍ରାହ୍ମାଣ୍ଡକୁ ଦେଖିବାରେ ମାନବୀୟ ଚିନ୍ତାଧାରାକୁ ବଦଳାଇବାରେ ସହଯୋଗ କରିଥିଲା। ଆପଣ ଜାଣି ଆଶ୍ଚର୍ଯ୍ୟ ହେବେ ଯେ ଏହି ଐତିହାସିକ ବହିଟିକୁ ଏବେ ନିଲାମ କରାଯାଇଛି। ଆଉ ନିଲାମରେ ଏହା ୫.୪୯ କୋଟି ଟଙ୍କାରେ ବିକ୍ରି ହୋଇଛି। ଏହି ପୁସ୍ତକଟି ୧୬୮୭ ମସିହାରେ ପ୍ରକାଶିତ ହୋଇଥିଲା। ଏହାର ୩୪୦ ବର୍ଷ ପରେ ପ୍ରଥମ ସଂସ୍କରଣ ୧୩ ଅକ୍ଟୋବର ୨୦୨୬ରେ ଖ୍ରୀଷ୍ଟିଜ୍ (Christie’s) ନିଲାମ ସଂସ୍ଥା ଦ୍ୱାରା ୫,୭୬,୦୦୦ ଆମେରିକୀୟ ଡଲାରରେ ବିକ୍ରି ହୋଇଛି। ଭାରତୀୟ ମୁଦ୍ରାରେ ଏହାର ମୂଲ୍ୟ ପ୍ରାୟ ୫.୪୯ କୋଟି ଟଙ୍କା ହେବ ବୋଲି ଆକଳନ କରାଯାଇଛି। ଏହି ବହିରେ ଏମିତି ଗାଣିତିକ ନିୟମ ଦିଆଯାଇଛି, ଯେଉଁଥିରେ ପୃଥିବୀ ଉପରେ ବସ୍ତୁମାନଙ୍କର ଗତି, ଗ୍ରହ ଓ ଅନ୍ୟାନ୍ୟ ମହାକାଶୀୟ ପିଣ୍ଡର ଗତିକୁ ବୁଝି ହେବ। ବହିଟିକୁ ଆହୁରି ଖାସ୍ କରୁଛି ଶତାଧିକ ବର୍ଷ ଧରି ଏହାର ସଂରକ୍ଷଣ। ତାହା ଏବେ ସବୁଠାରୁ ଚର୍ଚ୍ଚାର ବିଷୟ ପାଲଟିଛି। ଏହି କପିରେ ବାଛୁରି ଚମଡ଼ାର ଏକ ଆଧୁନିକ ବାଇଂଣ୍ଡିଂ କରାଯାଇଛି। ଏକ ଧୂମକେତୁର କକ୍ଷପଥକୁ ଦର୍ଶାଇଥିବା ଏକ ଫୋଲ୍ଡିଂ ଖୋଦିତ ପ୍ଲେଟ୍ ଏବଂ ଲେଖା ସହିତ ମୁଦ୍ରିତ ଚିତ୍ର ରହିଛି। ଏହାର ମାଲିକାନା ଇତିହାସରେ ଲର୍ଡ କେନେଟ୍ ଅଫ ଦ ଡିନ ଏବଂ ସ୍ୱର୍ଗତ ଲେଡି କେନେଟଙ୍କ ନାଁ ରହିଛି। ଫଳରେ ଏହି ବୈଜ୍ଞାନିକ କୃତିଟିର ଏକ ବ୍ରିଟିଶ ସମ୍ଭ୍ରାନ୍ତ ପରିବାର ସହିତ ସଂଯୋଗ ରହିଛି ବୋଲି ଜଣାପଡ଼ୁଛି। ପୃଥିବୀଠାରୁ ମହାକାଶ ପର୍ଯ୍ୟନ୍ତ ଗତିକୁ ବୁଝାଇଥିଲା ଏହି ବହି ୧୬୮୭ ମସିହାରେ ଲଣ୍ଡନରୁ ପ୍ରକାଶିତ ହୋଇଥିବା ନ୍ୟୁଟନଙ୍କ ଏହି ବହିଟି ସାଧାରଣତଃ ‘ପ୍ରିନ୍ସିପିଆ’ ନାମରେ ପରିଚିତ। ଏଥିରେ ନ୍ୟୁଟନ ଗତିର ତିନୋଟି ନିୟମ ଏବଂ ସାର୍ବଜନୀନ ମାଧ୍ୟାକର୍ଷଣ ନିୟମକୁ ଗାଣିତିକ ଭାବରେ ବ୍ୟାଖ୍ୟା କରିଥିଲେ। ପୂର୍ବରୁ ଏଗୁଡ଼ିକ ଉପରେ ଅଲଗା ଅଲଗା ଭାବେ ଅଧ୍ୟୟନ ଥିଲା। ଏହି ଘଟଣାବଳୀକୁ ବୁଝାଇବାରେ ସହାୟକ ହୋଇଥିଲା ନ୍ୟୁଟନଙ୍କର ଏହି ବହି। ନ୍ଯୁଟନଙ୍କର ଏହି ନିୟମଗୁଡ଼ିକରେ କୌଣସି ବସ୍ତୁ କାହିଁକି ପୃଥିବୀ ଆଡ଼କୁ ଖସିଥାଏ, ଗତିଶୀଳ ବସ୍ତୁ କିପରି ଆଚରଣ କରେ ଏବଂ ଗ୍ରହମାନେ କିପରି ସୂର୍ଯ୍ୟ ଚାରିପଟେ ଘୂରିବୁଲନ୍ତି, ସେସବୁକୁ ଏକ ସାଧାରଣ ବୈଜ୍ଞାନିକ ନିୟମ ମାଧ୍ୟମରେ ବୁଝାଇବାକୁ ଚେଷ୍ଟା କରାଯାଇଥିଲା। ନ୍ୟୁଟନଙ୍କ ପୂର୍ବରୁ ନିକୋଲାସ୍ କୋପର୍ନିକସ୍, ଗାଲିଲିଓ ଗାଲିଲି ଓ ଜୋହାନ୍ସ କେପଲରଙ୍କ ଭଲି ବୈଜ୍ଞାନିକମାନେ ମହାକାଶ ସମ୍ପର୍କରେ ଅନେକ ଗୁରୁତ୍ୱପୂର୍ଣ୍ଣ ଆବିଷ୍କାର କରିଥିଲେ। ନ୍ୟୁଟନ ଏହି ଗବେଷଣାଗୁଡ଼ିକୁ ଆଧାର କରି ପୃଥିବୀରେ ଘଟୁଥିବା ଗତି ଓ ମହାକାଶରେ ଗ୍ରହମାନଙ୍କ ଗତି ମଧ୍ୟରେ ଥିବା ସମ୍ପର୍କକୁ ଗାଣିତିକ ନିୟମ ମାଧ୍ୟମରେ ବୁଝାଇବାକୁ ଚେଷ୍ଟା କରିଥିଲେ। ନ୍ୟଟନଙ୍କର ଏହି ପୁସ୍ତକଟି ୧୬୮୭ ମସିହାରେ ପ୍ରକାଶିତ ହୋଇଥିଲେ ବି ଆଧୁନିକ ପଦାର୍ଥବିଜ୍ଞାନର ବିକାଶ ସହ ଏହାର କେତେକ ସିଦ୍ଧାନ୍ତ ମିଶିଯାଉଛି । ଇଞ୍ଜିନିୟରିଂ, ଜ୍ୟୋତିର୍ବିଜ୍ଞାନ ଓ ପାରମ୍ପରିକ ଯାନ୍ତ୍ରିକ ବିଜ୍ଞାନରେ ତାଙ୍କ ନିୟମଗୁଡ଼ିକ ଆଜି ବି ଗୁରୁତ୍ୱ ରଖୁଛି। ଏଡମଣ୍ଡ ହାଲିଙ୍କ ସହଯୋଗରେ ପ୍ରକାଶ ପାଇଥିଲା ପୁସ୍ତକ ନ୍ୟୁଟନଙ୍କର ଏହି ଐତିହାସିକ ପୁସ୍ତକ ପ୍ରକାଶ ପାଇବା ପଛରେ ଏହି ବୈଜ୍ଞାନିକ ସହଯୋଗର କଥା ବି ଲୁଚି ରହିଛି। ତଥ୍ୟ ଅନୁସାରେ ଏହି ପୁସ୍ତକ ପ୍ରକାଶନରେ ଜ୍ୟୋତିର୍ବିଜ୍ଞାନୀ ଏଡମଣ୍ଡ ହାଲିଙ୍କ ଗୁରୁତ୍ୱପୂର୍ଣ୍ଣ ଭୂମିକା ଥିଲା। ଗ୍ରହମାନଙ୍କ କକ୍ଷପଥ ସମ୍ପର୍କରେ ନ୍ୟୁଟନଙ୍କ ଗାଣିତିକ ବ୍ୟାଖ୍ୟା ବୁଝିବା ପରେ ହାଲି ଏହି ଗବେଷଣା ପୋଥିକୁ ଏକ ପୁସ୍ତକ ଆକାରରେ ଛାପିବାକୁ ନ୍ୟୁଟନଙ୍କୁ ପ୍ରୋତ୍ସାହିତ କରିଥିଲେ। ଖାଲି ସେତିକି ନୁହେଁ, ହାଲି ଏହି ପୁସ୍ତକର ତ୍ରୁଟି ସଂଶୋଧନ(ପୁ୍ରୁଫ ରିଡିଂ) ଏହାର ଡାଏଗ୍ରାମ ପ୍ରସ୍ତୁତି ଓ ପ୍ରକାଶନ କାର୍ଯ୍ୟରେ ସହଯୋଗ କରିଥିଲେ ବୋଲି ଖ୍ରୀଷ୍ଟିଜ୍ର ନିଲାମ କାଟାଲଗରେ କୁହାଯାଇଛି। Also Read- ତିବ୍ବତରେ ୭.୦ ତୀବ୍ରତାର ଶକ୍ତିଶାଳୀ ଭୂକମ୍ପ, ଏଇଠୁ ହିଁ ଆସିଥିଲା ନେପାଳର ପ୍ରଳୟଙ୍କରୀ ବନ୍ୟା ଏପରିକି ପୁସ୍ତକ ଛପା ଖର୍ଚ୍ଚ ମଧ୍ୟ ହାଲି ବହନ କରିଥିବା ଏଥିରେ ଉଲ୍ଲେଖ ରହିଛି। କାରଣ, ପ୍ରକାଶନକୁ ସମର୍ଥନ କରୁଥିବା ରୟାଲ୍ ସୋସାଇଟି ପାଖରେ ସେତେବେଳେ ପାଣ୍ଠିର ଅଭାବ ଥିଲା। ନ୍ୟୁଟନ ନିଜ ପୁସ୍ତକର ପ୍ରସ୍ତାବନାରେ ହାଲିଙ୍କ ଅବଦାନକୁ ସ୍ୱୀକାର ମଧ୍ୟ କରିଛନ୍ତି। ଏହି ଘଟଣା ପ୍ରମାଣ କରେ ଯେ ବଡ଼ ବୈଜ୍ଞାନିକ ଆବିଷ୍କାର ପଛରେ କେବଳ ଜଣେ ବୈଜ୍ଞାନିକଙ୍କ ପ୍ରତିଭା ନୁହେଁ, ଅନ୍ୟମାନଙ୍କ ସହଯୋଗ ଓ ନିଷ୍ଠା ମଧ୍ୟ ଖୁବ ଗୁରୁତ୍ୱବହନ କରେ। ପ୍ରଥମ ସଂସ୍କରଣରେ ଅନେକ ବିଶେଷତ୍ୱ ଅକ୍ଟୋବର ୨୦୨୬ରେ ନିଲାମ ହୋଇଥିବା ଏହି କପଟି ୧୬୮୭ ମସିହାରେ ପ୍ରକାଶିତ ବହିର ପ୍ରଥମ ସଂସ୍କରଣ। ଏହାର ମୁଖପୃଷ୍ଠାରେ ଥିବା ଦୁଇ ଧାଡ଼ିଆ ପ୍ରକାଶନ ବିବରଣୀ ରହିଛି। ଯାହା ଅନ୍ୟ ସଂସ୍କରଣଠାରୁ ଭିନ୍ନ। ଅନ୍ୟ ସଂସ୍କରଣରେ ପ୍ରକାଶନ ବିବରଣୀ ତିନି ଧାଡ଼ିରେ ଲେଖା ହୋଇଥିବା ବେଳେ ଏଥିରେ ପୁସ୍ତକ ବିକ୍ରେତା ସାମୁଏଲ୍ ସ୍ମିଥଙ୍କ ନାମ ରହିଛି। ଅକ୍ଟୋବର ମାସରେ ବିକ୍ରି ହୋଇଥିବା ଏହି ପୁସ୍ତିକର ଆକାର ୨୪.୫ ସେଣ୍ଟିମିଟର ଲମ୍ବ ଓ ୧୮.୯ ସେଣ୍ଟିମିଟର ଚଉଡ଼ା ରହିଛି। ଦୀର୍ଘ ସମୟ ଧରି ଏହାକୁ ସଂରକ୍ଷିତ କରି ରଖାଯାଇଥିବାରୁ ପୁସ୍ତକର କେତେକ ପୃଷ୍ଠା ହାଲୁକା ଦାଗ ଓ ବାଦାମୀ ରଙ୍ଗ ପଡ଼ିଯାଇଥିଲା। ଏହାର ପଛପଟ ଓ ବାଇଂଣ୍ଡିକୁ ହାଲୁକା ମରାମତି କରାଯାଇଥିବା ବେଳେ ପୁସ୍ତକ ସହ ଏକ କଳା ରଙ୍ଗର ସେଫ୍ଟି ବକ୍ସ ମଧ୍ୟ ରହିଥିଲା। ଦୀର୍ଘ ବର୍ଷ ଧରି ଏହି ପୁସ୍ତକର ଏକାଧିକ ମାଲିକ ରହି ଆସିଛନ୍ତି। ଏହାର ମାଲିକାନା ଇତିହାସ ବହି ମୂଲ୍ୟ ବଢ଼ାଇବାର ଆଉ ଏକ କାରଣ। ନିଲାମ କାଟାଲଗ୍ ଅନୁଯାୟୀ, ଏହା ପୂର୍ବରୁ ଇ. ଜେମ୍ସ ନାମକ ଜଣେ ବ୍ୟକ୍ତିଙ୍କ ପାଖରେ ଥିଲା। ପୁସ୍ତକରେ ୧୭୭୩ ମସିହାର ତାଙ୍କ ଦସ୍ତଖତ ଥିବା ଉଲ୍ଲେଖ ରହିଛି।ପରେ ପ୍ରସିଦ୍ଧ ପୁସ୍ତକ ବିକ୍ରେତା ବର୍ନାର୍ଡ କ୍ୱାରିଚଙ୍କ ହାତକୁ ଏହି ବହି ଆସିଥିଲା। ପୁଣି ଲର୍ଡ କେନେଟ୍ ଅଫ୍ ଦି ଡିନ୍ ଏବଂ ଦିବଂଗତ ଲେଡି କେନେଟଙ୍କ ପାଖରେ ବହି ପହଞ୍ଚିଥିଲା। ୨୦୧୫ରେ ଲେଡି କେନେଟ୍ ଏହାକୁ ଖ୍ରୀଷ୍ଟିଜ୍ ନିଲାମରେ ବିକ୍ରି କରି ଦେଇଥିଲେ। ଆଉ ଏବେ ପୁଣିଥରେ ଏହି ବହିର ନିଲାମୀ ହୋଇଛି। ]]> Thu, 22 Oct 2026 23:12:49 +0530 https://www.prameyanews7.com/kahnu-charan-naik-former-patna-mla-dies-at-79 https://www.prameyanews7.com/kahnu-charan-naik-former-patna-mla-dies-at-79 ପାଟଣା: କେନ୍ଦୁଝର ଜିଲ୍ଲା ପାଟଣା ନିର୍ବାଚନମଣ୍ଡଳୀର ପୂର୍ବତନ ବିଧାୟକ କାହ୍ନୁଚରଣ ନାଏକଙ୍କ ପରଲୋକ ହୋଇଛି । ଗୁରୁବାର ରାତି ପ୍ରାୟ ୮ଟା ସମୟରେ କେନ୍ଦୁଝର ଜିଲ୍ଲା ମୁଖ୍ୟ ଚିକିତ୍ସାଳୟରେ ସେ ଶେଷ ନିଃଶ୍ୱାସ ତ୍ୟାଗ କରିଛନ୍ତି । ମୃତ୍ୟୁ ବେଳକୁ ତାଙ୍କୁ ୭୯ ବର୍ଷ ବୟସ ହୋଇଥିଲା । ତାଙ୍କ ବିୟୋଗରେ ପାଟଣା ଅଞ୍ଚଳରେ ଶୋକର ଛାୟା ଖେଳିଯାଇଛି। ସୂଚନା ଅନୁଯାୟୀ, କାହ୍ନୁଚରଣ ନାଏକ ଦୀର୍ଘଦିନ ଧରି ବାର୍ଦ୍ଧକ୍ୟଜନିତ ବିଭିନ୍ନ ସ୍ୱାସ୍ଥ୍ୟ ସମସ୍ୟାରେ ପୀଡ଼ିତ ଥିଲେ । ଗତ ଜୁନ୍ ୨୭ ତାରିଖରୁ ତାଙ୍କ ସ୍ୱାସ୍ଥ୍ୟାବସ୍ଥା ଗୁରୁତର ହୋଇପଡ଼ିଥିଲା । ପ୍ରଥମେ ତାଙ୍କୁ ଭୁବନେଶ୍ୱରର ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଥିଲା । ପରେ ତାଙ୍କୁ କେନ୍ଦୁଝର ଜିଲ୍ଲା ମୁଖ୍ୟ ଚିକିତ୍ସାଳୟକୁ ଅଣାଯାଇଥିଲା । ସେଠାରେ ଚିକିତ୍ସାଧୀନ ଅବସ୍ଥାରେ ଗୁରୁବାର ରାତିରେ ତାଙ୍କର ଦେହାନ୍ତ ହୋଇଛି । କାହ୍ନୁଚରଣ ନାଏକ ୧୯୯୦ରୁ ୧୯୯୫ ପର୍ଯ୍ୟନ୍ତ ଜନତା ଦଳ ପକ୍ଷରୁ ପାଟଣା ନିର୍ବାଚନମଣ୍ଡଳୀର ବିଧାୟକ ଭାବେ ଜନପ୍ରତିନିଧିତ୍ୱ କରିଥିଲେ । ଜଣେ ସରଳ ଓ ଲୋକପ୍ରିୟ ନେତା ଭାବେ ସେ ଅଞ୍ଚଳରେ ପରିଚିତ ଥିଲେ । ତାଙ୍କ ବିୟୋଗ ଖବର ପ୍ରଚାର ହେବା ପରେ ଶୁଭେଚ୍ଛୁ ଓ ସମର୍ଥକଙ୍କ ମଧ୍ୟରେ ଶୋକ ପ୍ରକାଶ ପାଇଛି । ଶେଷ ଦର୍ଶନ ପାଇଁ ଡାକ୍ତରଖାନାରେ ତାଙ୍କ ସମର୍ଥକ ଓ ଶୁଭେଚ୍ଛୁଙ୍କ ଭିଡ଼ ଜମିଛି । Also Read: ନାତିକୁ ବଞ୍ଚାଇବାକୁ ଜୀବନକୁ ବାଜି ଲଗାଇଲେ ଜେଜେ, ଉଭୟଙ୍କ ମୃତ୍ୟୁ ପରିବାର ପକ୍ଷରୁ ମିଳିଥିବା ସୂଚନା ଅନୁସାରେ, ଆସନ୍ତାକାଲି ସକାଳେ ତାଙ୍କ ପୈତୃକ ଗ୍ରାମ କଣ୍ଟିଆପଡ଼ା ପଞ୍ଚାୟତ ଅନ୍ତର୍ଗତ ଭୋଗପଶିରେ ଶେଷକୃତ୍ୟ ସମ୍ପନ୍ନ ହେବ । ତାଙ୍କ ବଡ଼ ପୁଅ ସତ୍ୟବ୍ରତ ନାଏକ ଏହି ସୂଚନା ଦେଇଛନ୍ତି । ପୂର୍ବତନ ବିଧାୟକଙ୍କ ବିୟୋଗରେ ଅଞ୍ଚଳବାସୀ ଗଭୀର ଶୋକ ପ୍ରକାଶ କରିବା ସହ ଦିବଙ୍ଗତ ଆତ୍ମାର ସଦ୍‌ଗତି କାମନା କରିଛନ୍ତି । ]]> Thu, 22 Oct 2026 23:07:22 +0530 https://www.prameyanews7.com/moral-science-to-introduce-from-class-1-recruit-600-teachers https://www.prameyanews7.com/moral-science-to-introduce-from-class-1-recruit-600-teachers ନୂଆଦିଲ୍ଲୀ: ଶିକ୍ଷା ବ୍ୟବସ୍ଥାକୁ ମୂଳରୁ ସୁଦୃଢ଼ କରିବାକୁ ହିମାଚଳ ପ୍ରଦେଶ ସରକାର ବଡ଼ ପଦକ୍ଷେପ ନେଇଛନ୍ତି । ଏଣିକି ପ୍ରଥମ ଶ୍ରେଣୀରୁ ପିଲାମାନେ ନୈତିକ ବିଜ୍ଞାନ ପଢ଼ିବେ ।  ଏନେଇ ସମୀକ୍ଷା କରି ପାଠ୍ୟ ପୁସ୍ତକ ଜାରି କରିବାକୁ ମୁଖ୍ୟମନ୍ତ୍ରୀ ସୁଖବିନ୍ଦର ସିଂହ ସୁଖୁ ଶିକ୍ଷା ବିଭାଗର ବରିଷ୍ଠ ଅଧିକାରୀମାନଙ୍କୁ  ନିର୍ଦ୍ଦେଶ ଦେଇଛନ୍ତି । ଛୋଟବେଳୁ ପିଲାମାନଙ୍କ ଭିତରେ ନୈତିକ ମୂଲ୍ୟବୋଧ, ଅନୁଶାସନ ଏବଂ ଦାୟିତ୍ୱବୋଧ ଜାଗ୍ରତ କରିବା ଲାଗି ସରକାର ଏହି ନିଷ୍ପତ୍ତି ନେଇଛନ୍ତି। ଚରିତ୍ର ଗଠନ ଓ  ବିକାଶ ଉପରେ ଗୁରୁତ୍ୱ ମୁଖ୍ୟମନ୍ତ୍ରୀ ସୁଖୁ ସ୍ପଷ୍ଟ କରିଛନ୍ତି ଯେ, ଶିକ୍ଷା କେବଳ ପାଠପଢ଼ା ଏବଂ ଏକାଡେମିକ୍ ସଫଳତା ମଧ୍ୟରେ ସୀମିତ ରହିବା ଉଚିତ୍ ନୁହେଁ । ଏହା ପିଲାମାନଙ୍କର ଚରିତ୍ର ଗଠନ ଏବଂ ସର୍ବାଙ୍ଗୀନ ବିକାଶ ସହ ଜଡ଼ିତ ହେବା ଆବଶ୍ୟକ। ପ୍ରଥମ ଶ୍ରେଣୀରୁ ନୈତିକ ବିଜ୍ଞାନ ପଢ଼ାଇବା ଦ୍ୱାରା ପିଲାମାନଙ୍କ ମଧ୍ୟରେ ଅନୁଶାସନ, ସହାନୁଭୂତି, ବଡ଼ମାନଙ୍କ ପ୍ରତି ସମ୍ମାନ ଏବଂ ସାମାଜିକ ଦାୟିତ୍ୱବୋଧର ଭାବନା ଦୃଢ଼ ହେବ। ୬୦୦ JBT ଶିକ୍ଷକଙ୍କ ନିଯୁକ୍ତି ରାଜ୍ୟର ସରକାରୀ ସ୍କୁଲଗୁଡ଼ିକରେ CBSE ପାଠ୍ୟକ୍ରମ ଲାଗୁ ହେବା ନେଇ ମଧ୍ୟ ସମୀକ୍ଷା କରାଯାଇଛି। ମୁଖ୍ୟମନ୍ତ୍ରୀ ଅଧିକାରୀମାନଙ୍କୁ ଶୀଘ୍ର ୬୦୦ ଜୁନିୟର ବେସିକ୍ ଟିଚର୍ ପଦବୀ ପୂରଣ କରିବାକୁ  କହିଛନ୍ତି । ଏହା ସହ ୧୦୦ଟି ନୂତନ ସ୍କୁଲରେ ଶିକ୍ଷକଙ୍କ ଉପସ୍ଥିତି ସୁନିଶ୍ଚିତ କରିବାକୁ ନିର୍ଦ୍ଦେଶ ଦେଇଛନ୍ତି।  CBSE ସ୍କୁଲଗୁଡ଼ିକରେ ଆବଶ୍ୟକୀୟ କର୍ମଚାରୀ, ଏବଂ ଶିକ୍ଷାଗତ ବାତାବରଣ ପ୍ରସ୍ତୁତ କରିବା ଉପରେ ଗୁରୁତ୍ବ ଦେଇଛନ୍ତି ମୁଖ୍ୟମନ୍ତ୍ରୀ । 'ନ୍ୟୁ ସ୍କିମ୍ ବେସଡ୍ ରିକ୍ରୁଟମେଣ୍ଟ' ଯୋଜନା ଅଧୀନରେ ୩,୯୦୦ ଶିକ୍ଷକ ଏବଂ ୯୦୦ ଅଣ-ଶିକ୍ଷକ କର୍ମଚାରୀଙ୍କ ନିଯୁକ୍ତି ପ୍ରକ୍ରିୟାକୁ ମଧ୍ୟ ସମୀକ୍ଷା କରାଯାଇଛି। ରାଜ୍ୟ ସରକାର ଶିକ୍ଷା ବ୍ୟବସ୍ଥାରେ ସୁଧାର ଆଣିବା ପାଇଁ ପ୍ରତିଶ୍ରୁତିବଦ୍ଧ ।  ସମସ୍ତ ନୀତିଗତ ନିଷ୍ପତ୍ତିକୁ ନିର୍ଦ୍ଧାରିତ ସମୟସୀମା ମଧ୍ୟରେ କାର୍ଯ୍ୟକାରୀ କରିବାକୁ କଡ଼ା ନିର୍ଦ୍ଦେଶ ଦେଇଛନ୍ତି ମୁଖ୍ୟମନ୍ତ୍ରୀ ସୁଖବିନ୍ଦର ସିଂହ ସୁଖୁ ।   ]]> Thu, 22 Oct 2026 23:09:53 +0530 https://www.prameyanews7.com/balianta-attack-rinku-martha-death-odisha https://www.prameyanews7.com/balianta-attack-rinku-martha-death-odisha ବାଲିପାଟଣା: ବାଲିଅନ୍ତା କାଜ ନିକଟରେ ଜିଆରପି କନେଷ୍ଟବଳ ସୌମ୍ୟରଞ୍ଜନଙ୍କୁ ପିଟିପିଟି ହତ୍ୟା ମାମଲା ମନରୁ ଲିଭିନଥିବା ବେଳେ, ପୁଣି ବାଲିଅନ୍ତା ଥାନା ଅଞ୍ଚଳରେ ଘଟିଛି ଏଭଳି ଏକ ଘଟଣା । ବାଲିଅନ୍ତା ଥାନା ପାଟଣା ଗାଁର ରିଙ୍କୁ ମାର୍ଥାଙ୍କୁ ଆକ୍ରମଣ କରାଯାଇଥିବା ନେଇ ଅଭିଯୋଗ ହୋଇଥିବା ବେଳେ, ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ଘଟିଛି । ମିଳିଥିବା ସୂଚନା ଅନୁସାରେ, ବାଲିଅନ୍ତା ଥାନା ଅଧୀନ ପାଟଣା ଗାଁରେ ଗତ ମଙ୍ଗଳବାର ଦିନ ଘଟିଥିଲା ଘଟଣା । ସାମାନ୍ୟ ବଚସାକୁ ନେଇ ରିଙ୍କୁ ମାର୍ଥାଙ୍କୁ ଗାଁର ଅଶୋକ ଜେନା ଏବଂ ତାଙ୍କ ପରିବାର ଲୋକ ଆକ୍ରମଣ କରିଥିବା ନେଇ ଅଭିଯୋଗ ହୋଇଛି । ଆକ୍ରମଣରେ ଗୁରୁତର ହୋଇପଡ଼ିଥିଲେ ରିଙ୍କୁ । ତାଙ୍କୁ ଗୁରୁତର ଅବସ୍ଥାରେ ଭୁବନେଶ୍ଵରର ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଥିଲା। ହେଲେ ଚିକିତ୍ସାଧୀନ ଅବସ୍ଥାରେ ଗୁରୁବାର ତାଙ୍କର ମୃତ୍ୟୁ ଘଟିଛି। Also Read: ବାଲିଅନ୍ତା ସୌମ୍ୟରଞ୍ଜନ ମୃତ୍ୟୁ ମାମଲା: ଦୁଇ ଯୁବତୀଙ୍କର ହେବ ଲାଏ ଡିଟେକ୍ସନ ଟେଷ୍ଟ ! ]]> Thu, 22 Oct 2026 23:15:46 +0530 https://www.prameyanews7.com/france-protests-and-india-demonstrations-linked-to-same-ecosystem-report https://www.prameyanews7.com/france-protests-and-india-demonstrations-linked-to-same-ecosystem-report ନୂଆଦିଲ୍ଲୀ: ଫ୍ରାନ୍ସରେ ଛାତ୍ର ଆନ୍ଦୋଳନ ନାଁରେ ଆରମ୍ଭ ହୋଇଥିବା ପ୍ରଦର୍ଶନ ଦେଶରେ ବ୍ୟାପକ କ୍ଷତି ଘଟାଇ ସାରିଛି । ଫ୍ରାନ୍ସର ପ୍ରମୁଖ ସହରଗୁଡ଼ିକରେ ଆନ୍ଦୋଳନକାରୀଙ୍କ ଅରାଜକତା ଦେଖିବାକୁ ମିଳୁଛି । ପୋଡ଼ାଜଳା, ଲୁଟପାଟ୍ ସହ ସର୍ବାଜନୀନ ସଂପତ୍ତିକୁ ପ୍ରଦର୍ଶନ ଭଙ୍ଗାରୁଜା କରୁଛନ୍ତି । କେବଳ ଫ୍ରାନ୍ସ ନୁହେଁ ୟୁରୋପର ଅନେକ ଦେଶରେ ଏପରି ପ୍ରଦର୍ଶନରେ ହିଂସା ଦେଖିବାକୁ ମିଳୁଛି । ଏପଟେ ଭାରତରେ ପ୍ରଥମେ ତତ୍କାଳୀନ ଶିକ୍ଷା ମନ୍ତ୍ରୀ ଥିବା ଧର୍ମେନ୍ଦ୍ର ପ୍ରଧାନଙ୍କ ଇସ୍ତଫା ଏବଂ ପରେ ମୁଖ୍ୟ ନିର୍ବାଚନ କମିଶନର ଜ୍ଞାନେଶ କୁମାରଙ୍କ ଇସ୍ତଫା ଦାବିରେ ଦିଲ୍ଲୀରେ ଆନ୍ଦୋଳନ ଦେଖିବାକୁ ମିଳିଥିଲା । ଏହାରି ଭିତରେ ଫକ୍ସ ନ୍ୟୁଜ ଡିଜିଟାଲ୍ ଏକ ତଦନ୍ତମୂଳକ ରିପୋର୍ଟ ପ୍ରକାଶ କରିଛି । ତଦନ୍ତରେ ଫ୍ରାନ୍ସରେ ହୋଇଥିବା ଦଙ୍ଗା ଏବଂ ଭାରତରେ ମୁଖ୍ୟ ନିର୍ବାଚନ କମିଶନର ଜ୍ଞାନେଶ କୁମାରଙ୍କ ଇସ୍ତଫା ଦାବି କରି ଚାଲିଥିବା ପ୍ରତିବାଦ ମଧ୍ୟରେ ଲିଙ୍କ୍ ଥିବା ଦାବି କରାଯାଇଛି । ଟାଇମ୍ସ ଅଫ୍ ଇଣ୍ଡିଆ ରିପୋର୍ଟ ଅନୁସାରେ, ବରିଷ୍ଠ ସମ୍ପାଦକ ଆସ୍ରା ନୋମାନୀଙ୍କ ତଦନ୍ତ ଅନୁଯାୟୀ, ୟୁରୋପରେ ହେଉଥିବା ହିଂସା ଇକୋସିଷ୍ଟମରେ ସମନ୍ୱୟ ରକ୍ଷା କରୁଥିବା, ଆୟୋଜନ କରୁଥିବା କିମ୍ବା ପ୍ରୋତ୍ସାହିତ କରୁଥିବା ୯ଟି ଦେଶର ୧୦୧ଟି ସଂଗଠନକୁ ଚିହ୍ନଟ କରାଯାଇଛି । ଏହାକୁ "ରେଡ୍-ଗ୍ରୀନ୍ ପ୍ରୋଟେଷ୍ଟ ଇକୋସିଷ୍ଟମ୍" (ଇସଲାମିଷ୍ଟ ଏବଂ କମ୍ୟୁନିଷ୍ଟ ଗୋଷ୍ଠୀକୁ ସୂଚାଉଛି) ଭାବେ ଦର୍ଶାଯାଇଛି । ତାଙ୍କ ରିପୋର୍ଟ, “ଗ୍ଲୋବାଲ୍ କାଓସ୍ ଇଙ୍କ୍ ଗ୍ରୋଜ୍ ଟୁ ୧୦୧ ଗ୍ରୁପ୍ସ” ଫ୍ରାନ୍ସ-ଆଧାରିତ ସଂଗଠନ ‘ଇଣ୍ଡିଆନ୍ ଆଲାଏନ୍ସ ପାରିସ୍’ (IAP)କୁ "ଫ୍ରାନ୍ସ ଏବଂ ଭାରତର ଆନ୍ଦୋଳନର ବାର୍ତ୍ତାକୁ ସଂଯୋଗ କରୁଥିବା" ସଂସ୍ଥା ଭାବେ ଚିହ୍ନଟ କରିଛି ଏବଂ ଏହା ମାନହଟନର 'ପିପୁଲ୍ସ ଫୋରମ୍' ସହ ଅଂଶୀଦାର ବୋଲି ଦର୍ଶାଇଛି । ତାଙ୍କ ରିପୋର୍ଟରେ ଏହା ମଧ୍ୟ ଦର୍ଶାଯାଇଛି ଯେ, ଟ୍ରାନ୍ସନ୍ୟାସନାଲ୍ ଆଣ୍ଟି-କ୍ୟାପିଟାଲିଷ୍ଟ ସଂଗଠନ ‘ପ୍ରୋଗ୍ରେସିଭ୍ ଇଣ୍ଟରନ୍ୟାସନାଲ୍’ ଅକ୍ଟୋବର ୧୬ରେ ଏହାର ୱେବସାଇଟ୍ରେ ପ୍ରକାଶିତ ଏକ ବ୍ରିଫିଂରେ ଫ୍ରାନ୍ସ, ସ୍ପେନ୍, ଭାରତ ଏବଂ ଆଲବାନିଆର ପ୍ରତିବାଦଗୁଡ଼ିକୁ ସ୍ପଷ୍ଟ ଭାବେ ଏକାଠି ରଖି ଏକ ପ୍ରଶ୍ନ କରିଥିଲା । ପ୍ରଶ୍ନ ଥିଲା ଯେ, "ନୂତନ ବିଦ୍ରୋହଗୁଡ଼ିକ ସେଗୁଡ଼ିକୁ ସୃଷ୍ଟି କରିଥିବା ପରିସ୍ଥିତିକୁ ବଦଳାଇବା ପାଇଁ ସଂଗଠିତ ଶକ୍ତି ହାସଲ କରିପାରିବ କି ?" ଏହା ମଧ୍ୟ ଲେଖିଥିଲା ଯେ, "ଏଗୁଡ଼ିକ ହେଉଛି ସେହି ଶକ୍ତି ଯାହାକୁ ସମର୍ଥନ ଏବଂ ସଂଯୋଗ କରିବା ପାଇଁ ପ୍ରୋଗ୍ରେସିଭ୍ ଇଣ୍ଟରନ୍ୟାସନାଲ୍ କାମ କରୁଛି ।" ନୋମାନୀଙ୍କ ରିପୋର୍ଟରେ ଦାବି କରାଯାଇଛି ଯେ, "ୟୁରୋପୀୟ ଅଶାନ୍ତିକୁ ବ୍ରେକ୍‌ ଥ୍ରୁ ନିଉଜ୍ (BreakThrough News), କୋଡ୍ପିଙ୍କ୍ (CODEPINK) ଏବଂ ପାର୍ଟି ଫର ସୋସିଆଲିଜିମ୍ ଆଣ୍ଡ ଲିବରେସନ୍ (Party for Socialism and Liberation) ଭଳି ପ୍ରୋ-କମ୍ୟୁନିଷ୍ଟ ସଂଗଠନଗୁଡ଼ିକର ଏକ ନେଟୱାର୍କ ଦ୍ୱାରା ସହାନୁଭୂତି ପ୍ରୋତ୍ସାହନ ମିଳୁଛି । ଏହାକୁ ଆମେରିକାରେ ଜନ୍ମଗ୍ରହଣ କରିଥିବା ଏବଂ ସଂଘାଇରେ ରହୁଥିବା ଟେକ୍ ଜାଏଣ୍ଟ ନେଭିଲ୍ ରୟ ସିଂଘମ୍ ପାଣ୍ଠି ଓ ସମର୍ଥନ ଯୋଗାଉଛନ୍ତି ।" ଅକ୍ଟୋବର ୧୪ରେ ପ୍ରକାଶିତ ‘ବ୍ରେକ୍ଥ୍ରୁ ନିଉଜ୍’କୁ ଦେଇଥିବା ଏକ ସାକ୍ଷାତକାରରେ ସିଂଘମଙ୍କ ପତ୍ନୀ ତଥା କୋଡପିଙ୍କ୍ ର ସହ-ପ୍ରତିଷ୍ଠାତା ଜୋଡି ଏଭାନ୍ସ କହିଛନ୍ତି, "ମୁଁ ଚାହେଁ ଲୋକମାନେ ଫ୍ରାନ୍ସ, ସ୍ପେନ୍ ଏବଂ ଭାରତକୁ ଦେଖନ୍ତୁ ଏବଂ କୁହନ୍ତୁ, 'ଆମେ କେଉଁଠାରେ ଅଛୁ ? ଆମେ କାହିଁକି ରାସ୍ତାରେ ନାହୁଁ ?'" ଅନ୍ୟ ଏକ ଏକ୍ସ ହ୍ୟାଣ୍ଡେଲ୍ ‘DisnfoLab’ ପୋଷ୍ଟ କରିଛି ଯେ, ପ୍ୟାରିସ୍ ସ୍ଥିତ ଭାରତୀୟ ବଂଶୋଦ୍ଭବ ଲେଖକ ତଥା ଆଇଏପି ସଚିବ ଜୟ ବାନାର୍ଜୀଙ୍କ ଜଣେ ପୂର୍ବତନ ସିଡିଟି ୟୁନିଅନ୍ ପ୍ରତିନିଧି ଏବଂ ଫ୍ରେଞ୍ଚ କମ୍ୟୁନିଷ୍ଟ ପାର୍ଟି ସହିତ ତାଙ୍କର ସମ୍ପର୍କ ରହିଛି । ]]> Thu, 22 Oct 2026 22:09:05 +0530 https://www.prameyanews7.com/bjd-delegation-visit-kotia-andhra-pradesh-election-activities https://www.prameyanews7.com/bjd-delegation-visit-kotia-andhra-pradesh-election-activities ଭୁବନେଶ୍ୱର: ଆନ୍ଧ୍ରପ୍ରଦେଶ ପକ୍ଷରୁ କୋଟିଆରେ ନିର୍ବାଚନକୁ ବିରୋଧ କରିବା ଉଦ୍ଦେଶ୍ୟରେ ଶୁକ୍ରବାର କୋଟିଆ ପଞ୍ଚାୟତ ଗସ୍ତ କରିବ ବିଜୁ ଜନତା ଦଳ (ବିଜେଡି)ର ଏକ ପ୍ରତିନିଧିମଣ୍ଡଳୀ। ବିଜେଡିର ଏହି ଗସ୍ତ ଫଳରେ ଦୀର୍ଘଦିନ ଧରି ଚାଲିଥିବା କୋଟିଆ ବିବାଦ ଏବଂ ଓଡ଼ିଶା-ଆନ୍ଧ୍ରପ୍ରଦେଶ ସୀମାନ୍ତ ଅଞ୍ଚଳରେ ଲୋକଙ୍କ ସ୍ୱାର୍ଥ ସୁରକ୍ଷା ପ୍ରସଙ୍ଗ ପୁଣିଥରେ ରାଜନୈତିକ ଚର୍ଚ୍ଚାକୁ ଆସିଛି। ପ୍ରସ୍ତାବିତ ଗସ୍ତ ସମୟରେ ବିଜେଡି ପ୍ରତିନିଧିମଣ୍ଡଳୀ କୋଟିଆର ସ୍ଥାନୀୟ ବାସିନ୍ଦାଙ୍କ ସହ ଆଲୋଚନା କରିବ। ଏହା ସହିତ ଅଞ୍ଚଳର ବର୍ତ୍ତମାନର ସ୍ଥିତି ଓ ଲୋକଙ୍କ ସମସ୍ୟା ସମ୍ପର୍କରେ ତଥ୍ୟ ସଂଗ୍ରହ କରି ଏକ ବିସ୍ତୃତ ରିପୋର୍ଟ ନବୀନ ପଟ୍ଟନାୟକଙ୍କୁ ପ୍ରଦାନ କରିବ। ଟିମ୍‌ରେ ରହିଛନ୍ତି ଏହି ସବୁ ନେତା ବିଜେଡିର ଏହି ପ୍ରତିନିଧିମଣ୍ଡଳୀରେ ପୂର୍ବତନ ସାଂସଦ ଝିନ୍ନ ହିକକା, ବିଧାୟକ ତଥା ବିଜେଡି ଆଦିବାସୀ ସେଲର ଉପସଭାପତି ମନୋହର ରନ୍ଧାରୀ, ପୂର୍ବତନ ମନ୍ତ୍ରୀ ତଥା ବିଜେଡି ଆଦିବାସୀ ସେଲର ଉପସଭାପତି ଜଗନ୍ନାଥ ସାରକା, ପୂର୍ବତନ ମନ୍ତ୍ରୀ ରବି ନାରାୟଣ ନନ୍ଦ, ପୂର୍ବତନ ସାଂସଦ ତଥା ବିଜେଡି ଆଦିବାସୀ ସେଲର କାର୍ଯ୍ୟକାରୀ ସଭାପତି ପ୍ରଦୀପ ମାଝୀ, ପୂର୍ବତନ ମନ୍ତ୍ରୀ ତଥା ବିଜେଡି ଆଦିବାସୀ ସେଲର ପରାମର୍ଶଦାତା ରମେଶ ମାଝୀ, ବିଜେଡିର ବରିଷ୍ଠ ସାଧାରଣ ସମ୍ପାଦକ ତଥା ଜାତୀୟ ମୁଖପାତ୍ର ଭୃଗୁ ବକ୍ସିପାତ୍ର, ବିଜେଡି ମୁଖପାତ୍ର ତୁମ୍ୱନାଥ ପଣ୍ଡା, ପୂର୍ବତନ ବିଧାୟକ ତଥା ବିଜେଡି ଆଦିବାସୀ ସେଲର ଉପସଭାପତି ମାନସ ମାଡକାମୀ, ପୂର୍ବତନ ବିଧାୟକ ରଘୁରାମ ପଡ଼ାଲ, ପୂର୍ବତନ ବିଧାୟକ ପ୍ରଫୁଲ୍ଲ ପାଙ୍ଗୀ, ପୂର୍ବତନ ବିଧାୟକ ପ୍ରୀତମ ପାଢ଼ୀ, ପୂର୍ବତନ ବିଧାୟକ ପ୍ରଭୁ ଜାନି, ବିଜେଡି ଆଦିବାସୀ ସେଲର ସାଧାରଣ ସମ୍ପାଦିକା କୌଶଲ୍ୟା ହିକକା, କୋରାପୁଟ ଜିଲ୍ଲା ପରିଷଦର ଅଧ୍ୟକ୍ଷା ସଶ୍ମିତା ମେଲକା ଏବଂ କୋରାପୁଟ ପୌରପାଳିକାର ଅଧ୍ୟକ୍ଷ ଲଲାଟ ରଞ୍ଜନ ସେଠୀ ସାମିଲ ହେବେ । ପୂର୍ବରୁ ମୁଖ୍ୟମନ୍ତ୍ରୀଙ୍କୁ ଚିଠି ଲେଖିଥିଲେ ନବୀନ କୋଟିଆ ପ୍ରସଙ୍ଗରେ ପୂର୍ବରୁ ନବୀନ ପଟ୍ଟନାୟକ ଓଡ଼ିଶାର ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କୁ ପତ୍ର ଲେଖି ହସ୍ତକ୍ଷେପ କରିବାକୁ ଅନୁରୋଧ କରିଥିଲେ। ଏହା ସହିତ କୋଟିଆ ସମସ୍ୟାର ସମାଧାନ ଏବଂ ଓଡ଼ିଶାର ଭୌଗୋଳିକ ଅଖଣ୍ଡତାର ସୁରକ୍ଷା ପ୍ରସଙ୍ଗ ଉଠାଇଥିଲେ। Also Read: କୋଟିଆ ବିବାଦରେ ରାଜ୍ୟ ସରକାରଙ୍କୁ ଭକ୍ତ ଦାସଙ୍କ ଟାର୍ଗେଟ୍, ତୁରନ୍ତ ସମାଧାନ ପାଇଁ କଲେ ଦାବି ​​​​​​​​​​​​୨୦୨୪ ନିର୍ବାଚନ ପୂର୍ବରୁ ବିଜେପି ନିଜ ନିର୍ବାଚନୀ ଇସ୍ତାହାରରେ କୋଟିଆ ସମସ୍ୟାର ସ୍ଥାୟୀ ସମାଧାନ, ଓଡ଼ିଶାର ଭୌଗୋଳିକ ଅଖଣ୍ଡତାର ସୁରକ୍ଷା ଏବଂ ଓଡ଼ିଆ ସ୍ୱାଭିମାନର ପୁନଃପ୍ରତିଷ୍ଠା ପାଇଁ ପ୍ରତିଶ୍ରୁତି ଦେଇଥିଲା ବୋଲି ନବୀନ ଉଲ୍ଲେଖ କରିଥିଲେ। ତେବେ ଏହି ପ୍ରତିଶ୍ରୁତି ପୂରଣ କରିବାରେ ବିଜେପି ସରକାର ବିଫଳ ହୋଇଥିବା ସେ ଅଭିଯୋଗ କରିଛନ୍ତି। କୋଟିଆବାସୀଙ୍କ ସ୍ୱାର୍ଥ ଏବଂ ଓଡ଼ିଶାର ଭୌଗୋଳିକ ଅଖଣ୍ଡତାର ସୁରକ୍ଷା ପାଇଁ ପ୍ରଭାବଶାଳୀ ପଦକ୍ଷେପ ଗ୍ରହଣ କରାଯିବା ଆବଶ୍ୟକ। ଏଥିସହ ସ୍ଥାନୀୟ ଲୋକଙ୍କ ସମସ୍ୟାକୁ ଗୁରୁତ୍ୱର ସହ ବିଚାର କରି ଓଡ଼ିଶାର ସ୍ୱାର୍ଥର ସୁରକ୍ଷା ପାଇଁ ରାଜ୍ୟ ସରକାର ଆବଶ୍ୟକ ପଦକ୍ଷେପ ନେବା ଉଚିତ ବୋଲି କହିଥିଲେ ନବୀନ। ]]> Thu, 22 Oct 2026 21:50:13 +0530 https://www.prameyanews7.com/india-diversifying-oil-imports-not-due-to-us-threats-but-for-its-national-interest-says-marco-rubio https://www.prameyanews7.com/india-diversifying-oil-imports-not-due-to-us-threats-but-for-its-national-interest-says-marco-rubio ମୁ୍ମ୍ବାଇ: ଆମେରିକାର ଚାପ ନୁହେଁ, ବରଂ ଭାରତ ନିଜ ଆବଶ୍ୟକତା ଅନୁସାରେ, ଅଶୋଧିତ ତୈଳ ଆମଦାନୀର ବିବିଧକରଣ କରିଥିଲା। ଗୋଟିଏ ଦେଶ ଉପରେ ନିର୍ଭର ନ କରି ରଣନୈତିକ ଶୈଳୀରେ ବିଭିନ୍ନ ଆଡ଼ୁ ଅଶୋଧିତ ତୈଳ ଆମଦାନୀ କରିଥିଲା। ୩ ଦିନିଆ ଭାରତ ଗସ୍ତରେ ଆସିଥିବା ଆମେରିକା ବୈଦେଶିକ ସଚିବ ମାର୍କୋ ରୁବିଓ ଏହି ବୟାନ ଦେଇଛନ୍ତି। ମୁମ୍ବାଇରେ ଜାତୀୟ ଗଣମାଧ୍ୟମ ଇଣ୍ଡିଆଟୁଡେକୁ ସାକ୍ଷାତ୍କାର ଦେଇ ରୁବିଓ ଏପରି କହିଛନ୍ତି। ଆମଦାନୀ ପାଇଁ କୌଣସି ଗୋଟିଏ ଦେଶ ଉପରେ ନିର୍ଭର କରିବା ଦେଶ ପାଇଁ ବିପଦ ସୃଷ୍ଟି କରିପାରେ ବୋଲି ରୁବିଓ କହିଥିଲେ। ତେଣୁ ଆମେରିକା ଚାପରେ ନିଜ ଦେଶର ଆବଶ୍ୟକତା ଅନୁସାରେ ବିଭିନ୍ନ ଆଡ଼ୁ ତୈଳ ଆମଦାନୀ କରିଥିଲା ବୋଲି ରୁବିଓ କହିଛନ୍ତି। Also Read- ଭାରତ ସହ ସମ୍ପର୍କର ମୂଲ୍ୟ ଦେଇ ପାକିସ୍ତାନ ସହ ଘନିଷ୍ଠତା ବଢ଼ାଇ ହେବନି: ଆମେରିକା ବୈଦେଶିକ ସଚିବ ଏନେଇ ସେ କହିଛନ୍ତି “ନିଜ ଏନର୍ଜି ପୋର୍ଟଫୋଲିଓର ବିବିଧକରଣ କରି ଭାରତ ପ୍ରକୃତରେ ଅଗ୍ରଗତି ହାସଲ କରିଛି। ଏହା କୌଣସି ଚାପରେ କିମ୍ବା କୌଣସି ପ୍ରକାର ଧମକ ଚମକରେ ନୁହେଁ।” ଭାରତ ଋଷ ଠାରୁ ତୈଳ କିଣିବାକୁ ନେଇ ଆମେରିକା କ୍ଷୁବ୍ଧ ହୋଇଥିଲା। ତେଣୁ ସମୟ ସମୟରେ ଭାରତ ଉପରେ ଟାରିଫ ଲଦି ଚାପ ପକାଇବାକୁ ଚେଷ୍ଟା କରିଥିଲା। ହେଲେ ଭାରତ ଏହାକୁ ଖାତିର ନ କରି ନିଜ ଆବଶ୍ୟକତା ଅନୁସାରେ ତୈଳ ଆମଦାନୀ କରିଛି। ଋଷ ତେଲ ପାଇଁ ଭାରତ ଉପରେ ଏମିିିତି ଦାଉ ସାଧିଛି ଆମେରିକା ଋଷ ଠାରୁ ତେଲ ଆମଦାନୀ କରୁଥିବାରୁ ଗତବର୍ଷ ଟ୍ରମ୍ପ ଭାରତ ଉପରେ ଅତିରିକ୍ତ ୨୫% ଶୁଳ୍କ ଲଦିଥିଲେ। ଫଳରେ ମୋଟ ଶୁଳ୍କ ୫୦ ପ୍ରତିଶତ ହୋଇଯାଇଥିଲା। ଏହି ଅତିରିକ୍ତ ଶୁଳ୍କ ଚଳିତ ବର୍ଷ ଆରମ୍ଭରୁ ହଟାଇ ଦେଇଥିଲା ଆମେରିକା। ଏହାରି ଭିତରେ ଭାରତ ନିଜ ଆବଶ୍ୟକତା ଅନୁସାରେ ଅଶୋଧିତ ତୈଳ ଆମଦାନୀକୁ ଗୋଟିଏ ଦେଶରେ ସୀମିତ ନ ରଖି ବିଭିନ୍ନ ଦେଶରୁ ଆମଦାନୀ କରିବା ଆରମ୍ଭ କରିଥିଲା। ଯଦିଓ ଋଷ ଭାରତକୁ ସର୍ବାଧିକ ତୈଳ ରପ୍ତାନୀ କରୁଥିଲା। ତଥାପି ଭାରତୀୟ ଆମଦାନୀରେ ଋଷ ତୈଳର ଭାଗ ଥିଲା ମାତ୍ର ୩୫.୫ ପ୍ରତିଶତ। ମଧ୍ୟପ୍ରାଚ୍ୟରେ ଆମଦାନୀ କରୁଥିଲା ୪୬.୬% । Also Read- Barclays Job Cut: ବିଶ୍ୱସ୍ତରରେ ୫% କର୍ମଚାରୀ ଛଟେଇ କରିବ ବାର୍କଲେଜ୍: AI ପାଇଁ ଯିବ ଚାକିରି ଗତ ସପ୍ତାହରେ କେନ୍ଦ୍ର ପେଟ୍ରୋଲିୟମ ମନ୍ତ୍ରୀ ହରଦୀପ ସିଂହ ପୁରୀ କହିଥିଲେ ଯେ ଭାରତ ନିଜ ଆବଶ୍ୟକତାର ୮୦ ପ୍ରତିଶତ ଅଶୋଧିତ ତୈଳ ଆମଦାନୀ କରୁଛି। ତେଣୁ ଦେଶକୁ ଏହାର ଆମଦାନୀ ନେଟୱର୍କକୁ ୨୭ଟି ଦେଶରୁ ୪୧ଟି ଦେଶକୁ ବଢ଼ାଇଛି। ଅର୍ଥାତ୍ ଭାରତ ୪୧ଟି ଦେଶରୁ ଅଶୋଧିତ ତୈଳ ଆମଦାନୀ କରୁଛି ବୋଲି ଶ୍ରୀ ପୁରୀ କହିଥିଲେ। ଭାରତ ସରକାର ସବୁବେଳେ କହି ଆସିଥିଲେ, ଯେ ଦେଶର ସ୍ୱାର୍ଥ ପାଇଁ ଯେଉଁଠୁ ଆବଶ୍ୟକ ସେହିଠାରୁ ତେଲ କିଣାଯାଉଛି। Also Read- ଭାରତ ସହ ସମ୍ପର୍କର ମୂଲ୍ୟ ଦେଇ ପାକିସ୍ତାନ ସହ ଘନିଷ୍ଠତା ବଢ଼ାଇ ହେବନି: ଆମେରିକା ବୈଦେଶିକ ସଚିବ ଏନେଇ ରୁବିଓ କହିଛନ୍ତି ଯେ ଭାରତର ରଣନୀତିକୁ କେବଳ ଋଷୀୟ ତୈଳ ଆମଦାନୀ ହ୍ରାସ ଭାବରେ ଦେଖିବା ଉଚିତ ନୁହେଁ। ବରଂ ପଶ୍ଚିମଗୋଲାର୍ଦ୍ଧରେ ଥିବା ଦେଶ ଯଥା ଆମେରିକା ଭେନେଜୁଏଲା ଓ ଅନ୍ୟମାନଙ୍କ ଠାରୁ ମଧ୍ୟ ଅଶୌଧିତ ତୈଳ କିଣିଛି ଭରତ। ଏହା ସମ୍ପୂର୍ଣ୍ଣର ଭାରତର ସ୍ୱାର୍ଥ ଉପରେ ନିର୍ଭରଶୀଳ। ଆଉ ଏକଥା ବି ସ୍ପଷ୍ଟ ଯେ ଆମେ ଏଥିପାଇଁ ଭାରତର ସହଯୋଗ କରିବାକୁ ଇଚ୍ଛୁକ। ସୂଚନା ଥାଉକି ୩ ଦିନିଆ ଭାରତ ଗସ୍ତରେ ଆସିଥିବା ରୁବିଓ ବ୍ୟବସାୟ ସମ୍ପର୍କିତ ଆଶା ନେଇ ଭାରତ ଆସିଛନ୍ତି। ସେ ଗୁଜରାଟ ଜାମନାଗର ଯାଇ ରିଲାଏନ୍ସର ରିଫାଇନାରୀ ଦେଖି ଖୁବ ପ୍ରଶଂସା କରିଛନ୍ତି। ଭାରତ ବିଶ୍ୱରେ ତୈଳ ବିଷୋଧନର ସୁପରପାୱାର ବୋଲି କହିଥିଲେ ରୁବିଓ। ]]> Thu, 22 Oct 2026 21:39:57 +0530 https://www.prameyanews7.com/powerful-70-magnitude-earthquake-hits-tibet https://www.prameyanews7.com/powerful-70-magnitude-earthquake-hits-tibet ନୂଆଦିଲ୍ଲୀ: ହିମାଳୟ କ୍ଷେତ୍ର ତିବ୍ବତରେ ଶକ୍ତିଶାଳୀ ଭୂକମ୍ପ ହୋଇଛି । ରିକ୍ଟର ସ୍କେଲରେ ଭୂକମ୍ପର ତୀବ୍ରତା ୭.୦ ବୋଲି ଜଣାପଡ଼ିଛି । ଭାରତର ନ୍ୟାସନାଲ୍ ସେଣ୍ଟର ଫର୍ ସିସ୍ମୋଲୋଜି ଅନୁସାରେ, ଭୂକମ୍ପ ଭାରତୀୟ ସମୟ ଅନୁସାରେ ରାତି ୮.୦୩ ମିନିଟ୍ ହୋଇଥିଲା । ପ୍ରଥମେ ଏହି ଭୂକମ୍ପର କେନ୍ଦ୍ର ଭୂପୃଷ୍ଠରୁ ୧୭୩ କିଲୋମିଟର ଗଭୀର ବୋଲି ସୂଚନା ଦିଆଯାଇଥିଲା । କିନ୍ତୁ ନୂଆ ସୂଚନା ଅନୁସାରେ ଏହା କେନ୍ଦ୍ର ଭୂମି ଠାରୁ ମାତ୍ର ୧୦ କିଲୋମିଟର ଗଭୀରରେ ରହିଛି । ଚୀନର ଭୂକମ୍ପ ନେଟୱାର୍କ କେନ୍ଦ୍ର ସିଇଏନସି ଅନୁସାରେ, ଭୂକମ୍ପ ସ୍ଥାନୀୟ ସମୟ ଅନୁସାରେ ରାତି ପ୍ରାୟ ୧୦.୩୩ ମିନିଟରେ ଉତ୍ତର ତିବ୍ବତର ନାଗୁଚ କ୍ଷେତ୍ରରେ ହୋଇଛି । ଏହାର କେନ୍ଦ୍ର ତିବ୍ବତର ରାଜଧାନୀ ଲାସାଠାରୁ ୪୦୦ କିଲୋମିଟର ଦୂରରେ ରହିଛି । ତେବେ ବର୍ତ୍ତମାନ ସୁଦ୍ଧା ଭୂକମ୍ପ ଜନିତ କ୍ଷୟକ୍ଷତିର କୌଣସି ସ୍ପଷ୍ଟ ସୂଚନା ମିଳିପାରି ନାହିଁ । Also Read: ନେପାଳ ପ୍ରଳୟର ଅସଲ କାରଣ କ’ଣ ? ଉଲ୍ଲେଖଯୋଗ୍ୟ ଏହି ଏହା ହେଉଛି ସେହି ସ୍ଥାନ, ଯେଉଁଠାରେ ଗ୍ଲେସିୟର ଫାଟିବା ଯୋଗୁଁ ତିବ୍ବତ ଏବଂ ନେପାଳରେ ପ୍ରଳୟଙ୍କରୀ ବନ୍ୟା ଆସିଥିଲା । ନେପାଳ-ଚୀନ୍ ସୀମାରେ ଥିବା ପାର୍ବତ୍ୟ ଅଞ୍ଚଳଗୁଡ଼ିକୁ ଭୟଙ୍କର ବନ୍ୟା ଏବଂ ଭୂସ୍ଖଳନ ଧ୍ୱଂସ କରିବାର କିଛି ସପ୍ତାହ ପରେ ଏହି ଭୂମିକମ୍ପ ଆସିଛି । ଅଗଷ୍ଟ ୨୬ରେ ନେପାଳ ଏବଂ ଚୀନର ତିବ୍ବତ ସ୍ୱାୟତ୍ତଶାସିତ ଅଞ୍ଚଳ ସୀମା ନିକଟରେ ଏକ ହିମବାହ ଭୁଶୁଡ଼ି ପଡ଼ିବା ଫଳରେ ଭୂସ୍ଖଳନ ଏବଂ ବନ୍ୟା ସୃଷ୍ଟି ହୋଇଥିଲା, ଯାହା ଫଳରେ ତଳ ଉପତ୍ୟକାରେ ବ୍ୟାପକ କ୍ଷତି ହୋଇଥିଲା । ଏହି ପ୍ରାକୃତିକ ବିପର୍ଯ୍ୟୟରେ ହଜାର ହଜାର ଲୋକ ମୃତାହତ ଏବଂ ନିଖୋଜ ହୋଇଥିଲେ । ]]> Thu, 22 Oct 2026 21:24:48 +0530 https://www.prameyanews7.com/neha-bora-tells-delhi-hc-no-permission-needed-to-hoist-national-flag https://www.prameyanews7.com/neha-bora-tells-delhi-hc-no-permission-needed-to-hoist-national-flag ନୂଆଦିଲ୍ଲୀ: ଦିଲ୍ଲୀ ହାଇକୋର୍ଟରେ ନିଜର ପକ୍ଷ ରଖିଛନ୍ତି ଏଆଇଏସ୍‌ଏ ମୁଖ୍ୟ ନେହା ବୋରା । ସେ କହିଛନ୍ତି, ଜାତୀୟ ପତାକା ଉଡ଼ାଇବା ପାଇଁ କୌଣସି ଅନୁମତିର ଆବଶ୍ୟକତା ନାହିଁ । ପୁଲିସର ନୋଟିସ୍‌କୁ ସେ ଖୋଲା ଚ୍ୟାଲେଞ୍ଜ କରିଛନ୍ତି । ଶାନ୍ତି ବଜାୟ ରଖିବା ନେଇ ବଣ୍ଡ ଦାଖଲ କରିବାକୁ ନେହାଙ୍କୁ ନୋଟିସ୍‌ ଦେଇଥିଲା ପୁଲିସ । ନେହା ବୋରାଙ୍କୁ ସ୍ପେଶାଲ ଏକଜିକ୍ୟୁଟିଭ୍ ମାଜିଷ୍ଟ୍ରେଟ୍ (SEM)ଙ୍କ ସମ୍ମୁଖରେ ଶାନ୍ତି ରକ୍ଷା ବଣ୍ଡ୍ ଦାଖଲ କରିବାକୁ ପୁଲିସ ନୋଟିସ ଜାରି କରିଥିଲା। ଏହି ନୋଟିସର ବୈଧତାକୁ ନେଇ ନେହା ହାଇକୋର୍ଟରେ ଚ୍ୟାଲେଞ୍ଜ କରିଛି ନେହା । ତେବେ ଦିଲ୍ଲୀ ପୁଲିସ ଏହି ଆବେଦନର ଶୁଣାଣି ଯୋଗ୍ୟତା ଉପରେ ଆପତ୍ତି ଉଠାଇଛି। CJP ନେତାଙ୍କୁ ଜାମିନ ମନ୍ଦିର ମାର୍ଗ ପୁଲିସ ଷ୍ଟେସନ ସ୍ଥିତ ଏସଇଏମ କୋର୍ଟ ବୁଧବାର CJPର ଦୁଇ ପ୍ରମୁଖ ନେତା ସୌରଭ ଦାସ ଏବଂ ଆଶୁତୋଷ ରାଙ୍କାଙ୍କୁ ମୁକ୍ତ କରିବାକୁ ନିର୍ଦ୍ଦେଶ ଦେଇଥିଲେ। ଏସଇଏମ ରିତୁ ରାଜ୍ ତଦନ୍ତ ପ୍ରକ୍ରିୟା ଶେଷ ହେବା ପର୍ଯ୍ୟନ୍ତ ଦୁଇ ନେତାଙ୍କୁ ୫୦,୦୦୦ ଟଙ୍କାର ବ୍ୟକ୍ତିଗତ ବଣ୍ଡ୍ ଓ ଜାମିନଦାର ଦାଖଲ କରିବାକୁ ନିର୍ଦ୍ଦେଶ ଦେଇଥିଲେ। ଏପରିକି ଶାନ୍ତି ବଜାୟ ରଖିବାକୁ ସେମାନେ ଲିଖିତ ଭାବରେ ପ୍ରତିଶ୍ରୁତି ଦେଇଛନ୍ତି । କୋର୍ଟ ସ୍ପଷ୍ଟ କରିଥିଲେ ଯେ, ଆବେଦନକାରୀମାନେ ପ୍ରତ୍ୟେକ ଶୁଣାଣି ତାରିଖରେ ହାଜର ହେବେ ଏବଂ ଶାନ୍ତି ଶୃଙ୍ଖଳା ବଜାୟ ରଖିବେ। ଶୁଣାଣି ସମୟରେ ସୌରଭ ଦାସ ଓ ଆଶୁତୋଷ ରାଙ୍କା ସ୍ୱେଚ୍ଛାକୃତ ଭାବରେ ଲିଖିତ ପ୍ରତିଶ୍ରୁତି ଦେଇଛନ୍ତି । ସେମାନେ ଶାନ୍ତି ଭଙ୍ଗ କରିବେ ନାହିଁ। ସେମାନେ ଜନ୍ତର ମନ୍ତରଠାରେ କୌଣସି ଆନ୍ଦୋଳନ ପାଇଁ ଆହ୍ୱାନ ଦେବେ ନାହିଁ ।  ଆଗାମୀ ଦିନରେ ସମସ୍ତ ପ୍ରତିବାଦ ଆଇନ ଅନୁଯାୟୀ ହେବ। ସେପଟେ ନେହା ବୋରା ଶାନ୍ତି ବଜାୟ ରଖିବା ନେଇ ବଣ୍ଡ ଦାଖଲ ନୋଟିସକୁ ଚ୍ୟାଲେଞ୍ଜ କରିଛନ୍ତି । ]]> Thu, 22 Oct 2026 21:11:29 +0530 https://www.prameyanews7.com/uk-banking-group-barclays-to-cut-5000-jobs-globally-as-it-ai-adoption https://www.prameyanews7.com/uk-banking-group-barclays-to-cut-5000-jobs-globally-as-it-ai-adoption ନୂଆଦିଲ୍ଲୀ: ବ୍ରିଟିସ ବହୁରାଷ୍ଟ୍ରୀୟ ୟୁନିଭର୍ସାଲ ବ୍ୟାଙ୍କ୍ ବାର୍କଲେଜ୍(Barclays) ବିଶ୍ୱସ୍ତରରେ ୫ ହଜାର କର୍ମଚାରୀ ଛଟେଇ କରିବ। ଏଆଇ ଉପରେ ନିର୍ଭରଶୀଳତା ଯୋଗୁ ବ୍ୟାଙ୍କିଙ୍ଗ୍ ଗ୍ରୁପ ବାର୍କଲେଜ୍ ଏହି ଛଟେଇ କରିବ ବୋଲି ସୂଚନା ଦେଇଛି। ବିବିସି ରିପୋର୍ଟ ଅନୁସାରେ, ଗ୍ରୁପ ପୂର୍ବରୁ ହଜାରେ କର୍ମଚାରୀ ଛଟେଇ କରି ସାରିଛି। ଚଳିତ ବର୍ଷ ଶେଷ ସୁଦ୍ଧା ଆଉ ୪ହଜାର କର୍ମଚାରୀ ଛଟେଇ କରିବ ବୋଲି କହିଛି। ବିଶ୍ୱସ୍ତରରେ ବ୍ୟାଙ୍କିଙ୍ଗ୍ ଗ୍ରୁପରେ କାମ କରୁଥିବା ମୋଟ ଶ୍ରମବଳର ଏହା ୫% ହେବ। ଏହି ଛଟେଇ ମୁଖ୍ୟତଃ ଅପରେସନାଲ ଓ ସପୋର୍ଟ କାର୍ଯ୍ୟରେ କାର୍ଯ୍ୟରତ କର୍ମଚାରୀଙ୍କ କ୍ଷେତ୍ରରେ ହେବ ବୋଲି ବିବିସି ରିପୋର୍ଟ କରିଛି। ଏନେଇ ବାର୍କଲେଜ୍ ଗ୍ରୁପ୍ ମୁଖ୍ୟ କାର୍ଯ୍ୟନିର୍ବାହୀ ସିଏସ୍ ଭେଙ୍କଟକ୍ରିଷ୍ଣନ୍ କହିଛନ୍ତି ଯେ ବ୍ୟାଙ୍କର କାମକୁ ଆଉଟିକେ ସରଳ ଓ ଉନ୍ନତ କରିବା ପାଇଁ ଟେକ୍ନୋଲୋଜୀରେ ନିବେଶ କରାଯାଉଛି। ଧୀରେ ଧୀରେ ଏଆଇ ବ୍ୟାଙ୍କିଙ୍ଗ ବ୍ୟବସାୟରେ ଏକ ଗୁରୁତ୍ୱପୂର୍ଣ୍ଣ ଭୂମିକା ନିର୍ବାହ କରିବ। ଏହି ଛଟେଇ ଟେକ୍ନୋଲୋଜି ନିବେଶ ସହ ଜଡ଼ିତ ବୋଲି ସେ କହିଛନ୍ତି। Also Read- ୟୁଜର୍ସଙ୍କୁ ଭୁଲ୍ ତଥ୍ୟ ଦେଇ ଫସିଲା ମେଟା, ଲାଗିଲା ୨.୩ ଲକ୍ଷ କୋଟି ଟଙ୍କାର ଜରିମାନା ବ୍ଲୁମବର୍ଗକୁ ପ୍ରତିକ୍ରିୟା ଦେଇ ଭେଙ୍କଟକ୍ରିଷ୍ଣା କହିଛନ୍ତି “ଆମେ ବଡ଼ ଧରଣରେ ଏଆଇ ନିୟୋଜିତ କରିବୁ। ଏଆଇର ଲାଭ ଉଠାଇବା ପାଇଁ ଆମକୁ ଟେକ୍ନୋଲୋଜୀ ଭିତ୍ତିଭୂମି ନିର୍ମାଣ କରିବା ଅତ୍ୟନ୍ତ ଜରୁରି। ଏହା ବୁଝାଇବାକୁ ଯାଇ ସେ କହିଛନ୍ତି ଯେ “ଏଆଇ କେକ୍ର ମୂଳ ଜିନିଷ ହୋଇପାରେ କିନ୍ତୁ କେକ୍ ନୁହେଁ।” ସପୋର୍ଟ ଫଙ୍ଗସନ ଓ ଡେଭଲପର ପ୍ରଭାବିତ ହେବେବିଜନେଶ ଇନ୍ସାଇଡର ରିପୋର୍ଟ ଅନୁସାରେ ସପୋର୍ଟ ଫଙ୍ଗସନରୁ ୬୦ ପ୍ରତିଶତ କର୍ମଚାରୀ ଛଟେଇ ହୋଇପାରେ। ବ୍ୟାଙ୍କିଙ୍ଗ୍ ଗ୍ରୁପ ମୁଖତଃ ୟୁକେରେ ଖୁଚୁରା ବ୍ୟବସାୟ ପ୍ରତି ଧ୍ୟାନ ଦେଉଛି। ଗତ ୩ ବର୍ଷ ହେଲା ଗ୍ରୁପ ଖର୍ଚ୍ଚ କାଟ କରିବା ପାଇଁ ଯୋଜନା କରୁଥିଲା। ଏହି ଛଟେଇ ତା’ର ଏକ ଅଂଶବିଶେଷ ବୋଲି କୁହାଯାଉଛି। ]]> Thu, 22 Oct 2026 20:49:48 +0530 https://www.prameyanews7.com/netanyahu-invites-pm-modi-to-light-torch-with-smit-machar-on-israel-independence-day https://www.prameyanews7.com/netanyahu-invites-pm-modi-to-light-torch-with-smit-machar-on-israel-independence-day ନୂଆଦିଲ୍ଲୀ: ଇସ୍ରାଏଲ୍ ପ୍ରଧାନମନ୍ତ୍ରୀ ବେଞ୍ଜାମିନ୍ ନେତାନ୍ୟାହୁ ଗୁରୁବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସହ ଫୋନ ଯୋଗେ କଥା ହୋଇଛନ୍ତି । ଇସ୍ରାଏଲର ସ୍ୱାଧୀନତା ଦିବସ ଅବସରରେ ପିଏମ୍ ମୋଦୀଙ୍କୁ ଭାରତୀୟ ଫାଇଲଟ୍ ସ୍ମିତ୍ ମଚ୍ଛାରଙ୍କ ସହ ମିଶି ମଶାଲ ଜାଳିବା ପାଇଁ ସେ ନିମନ୍ତ୍ରଣ କରିଛନ୍ତି । ନେତାନ୍ୟାହୁ ନିଜେ ଏକ୍ସରେ ପୋଷ୍ଟ କରି ଏହି ସୂଚନା ଦେଇଛନ୍ତି । ଏକ୍ସରେ ସେ ଲେଖିଛନ୍ତି, "ମୁଁ ମୋର ବନ୍ଧୁ, ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସହ କଥା ହୋଇଛି ଏବଂ ଇସ୍ରାଏଲର ସ୍ୱାଧୀନତା ଦିବସରେ ସାହସୀ ଭାରତୀୟ ପାଇଲଟଙ୍କ ସହ ମଶାଲ ଜଳାଇବା ପାଇଁ ତାଙ୍କୁ ନିମନ୍ତ୍ରଣ କରିଛି ।" ସେ ଆହୁରି କହିଛନ୍ତି, ପ୍ରଧାନମନ୍ତ୍ରୀ ମୋଦୀ ଏହି ନିମନ୍ତ୍ରଣ ପାଇଁ ଧନ୍ୟବାଦ ଜଣାଇଛନ୍ତି ଏବଂ କହିଛନ୍ତି ଯେ ଭାରତ ଏବଂ ଇସ୍ରାଏଲ ଭୂମି ଏବଂ ଆକାଶରେ ଆତଙ୍କବାଦ ବିରୁଦ୍ଧରେ ଏକାଠି ଲଢ଼ୁଛନ୍ତି । ସେ ଦୁଇ ଦେଶ ମଧ୍ୟରେ ଦୃଢ଼ ଏବଂ ଦୀର୍ଘସ୍ଥାୟୀ ସମ୍ପର୍କକୁ ମଧ୍ୟ ପ୍ରଶଂସା କରିଛନ୍ତି ।   मैंने अपने मित्र, भारत के प्रधानमंत्री नरेंद्र मोदी से बात की और उन्हें इज़राइल के स्वतंत्रता दिवस पर वीर भारतीय पायलट के साथ मशाल प्रज्वलित करने के लिए आमंत्रित किया। मोदी ने निमंत्रण के लिए मुझे धन्यवाद दिया और कहा कि ज़मीन पर और हवा में, भारत और इज़राइल आतंकवाद के ख़िलाफ़ मिलकर लड़ रहे हैं। उन्होंने हमारे बीच के मज़बूत और वर्षों पुराने संबंधों की भी सराहना की। 🇮🇱🇮🇳 — Benjamin Netanyahu - בנימין נתניהו (@netanyahu) October 22, 2026 ଏପଟେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମଧ୍ୟ ଇସ୍ରାଏଲ ପ୍ରଧାନମନ୍ତ୍ରୀଙ୍କ ଫୋନ୍ କଲ୍ ବିଷୟରେ ସୂଚନା ସେୟାର କରିଛନ୍ତି । ଏକ୍ସ ପୋଷ୍ଟରେ ସେ ଲେଖିଛନ୍ତି, "ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ୍ ନେତାନ୍ୟାହୁ ଫୋନ୍ କରିଥିଲେ । ଆମେ ଆମର ଦ୍ୱିପାକ୍ଷିକ ସମ୍ପର୍କରେ ନିରନ୍ତର ପ୍ରଗତିର ସମୀକ୍ଷା କରିଛୁ ଏବଂ ଆମର ସହଭାଗୀତାକୁ ମଜଭୁତ କରିବା ପାଇଁ ଆମର ପ୍ରତିବଦ୍ଧତାକୁ ଦୋହରାଇଛୁ ।" ପ୍ରଧାନମନ୍ତ୍ରୀ ମୋଦୀ ଏହା ମଧ୍ୟ କହିଛନ୍ତି ଯେ ଦୁଇ ନେତା ପଶ୍ଚିମ ଏସିଆରେ ଚାଲିଥିବା ବିକାଶ ଏବଂ ଶାନ୍ତିର ଆବଶ୍ୟକତା ବିଷୟରେ ଆଲୋଚନା କରିଛନ୍ତି ।   Received a phone call from Israeli Prime Minister Benjamin Netanyahu. We reviewed the sustained momentum in our bilateral ties and reaffirmed our commitment to further strengthening our partnership. We also exchanged views on recent developments in West Asia and underscored the urgent need to restore peace and stability in the region. @netanyahu — Narendra Modi (@narendramodi) October 22, 2026 ]]> Thu, 22 Oct 2026 20:38:05 +0530 https://www.prameyanews7.com/meta-ordered-to-pay-25-billion-dollar-fine-privacy-lawsuit https://www.prameyanews7.com/meta-ordered-to-pay-25-billion-dollar-fine-privacy-lawsuit ନୂଆଦିଲ୍ଲୀ: ସୋସିଆଲ ମିଡିଆ କମ୍ପାନୀ ମେଟାକୁ ବଡ଼ ଝଟ୍‌କା ଲାଗିଛି । ଆମେରିକା ଇତିହାସରେ ସବୁଠାରୁ ଅଧିକ ଜରିମାନା ଦେବ ମେଟା । ବ୍ୟବହାରକାରୀଙ୍କୁ ବ୍ୟକ୍ତିଗତ ଡାଟା ଗୋପନୀୟତାକୁ ନେଇ ଭୁଲ ସୂଚନା ଦେଇଥିବାରୁ ମେଟା ଉପରେ ଲାଗିଛି ମୋଟା ଅଙ୍କର ଜରିମାନା । ଆମେରିକାର ନ୍ୟୁ ମେକ୍ସିକୋ ରାଜ୍ୟର ଏକ କୋର୍ଟ ମେଟା ଉପରେ ୨୫ ବିଲିୟନ ଡଲାର ବା ପ୍ରାୟ ୨.୩ ଲକ୍ଷ କୋଟି ଟଙ୍କା ର ଜରିମାନା ଲଗାଇଛନ୍ତି। ଆମେରିକା ଇତିହାସରେ କୌଣସି କମ୍ପାନୀ ଉପରେ ଲଗାଯାଇଥିବା ଜରିମାନା ଠାରୁ ଏହା ଅଧିକ। ଏହି ମାମଲାଟି ୨୦୧ ୮ ମସିହାରେ ସାମ୍ନାକୁ ଆସିଥିବା ଚର୍ଚ୍ଚିତ 'କାମ୍ବ୍ରିଜ୍ ଆନାଲିଟିକା' ଦୁର୍ନୀତି ସହ ଜଡ଼ିତ। ବ୍ରିଟେନର ଏହି ରାଜନୈତିକ କନ୍ସଲଟିଂ ଫାର୍ମ ବିନା କୌଣସି ଅନୁମତିରେ ଲକ୍ଷ ଲକ୍ଷ ଫେସବୁକ୍ ବ୍ୟବହାରକାରୀଙ୍କ ବ୍ୟକ୍ତିଗତ ତଥ୍ୟ ସଂଗ୍ରହ କରିଥିଲା। ଏହି ତଥ୍ୟକୁ ୨୦୧୬ ଆମେରିକା ରାଷ୍ଟ୍ରପତି ନିର୍ବାଚନ ସମୟରେ ଟ୍ରମ୍ପଙ୍କ ନିର୍ବାଚନୀ ପ୍ରଚାର ପାଇଁ ବ୍ୟବହାର କରାଯାଇଥିବା ଅଭିଯୋଗ ହୋଇଥିଲା। ୨୦୨୧ ମସିହାରେ ନ୍ୟୁ ମେକ୍ସିକୋର ଆଟର୍ଣ୍ଣି ଜେନେରାଲ ମେଟା ବିରୋଧରେ ଏହି ମାମଲା ଦାୟର କରିଥିଲେ। ବ୍ୟବହାରକାରୀଙ୍କ ତଥ୍ୟ ପାଖକୁ ତୃତୀୟ ପକ୍ଷ ସହଜରେ ପହଞ୍ଚିପାରୁଛନ୍ତି ବୋଲି ଜାଣି ମଧ୍ୟ ମେଟା ନିଜ ୟୁଜରଙ୍କୁ ଏହି ବିପଦ ବିଷୟରେ ସଠିକ୍ ସୂଚନା ଦେଇନଥିଲା। ରଏଟର୍ସର ରିପୋର୍ଟ ଅନୁଯାୟୀ, ନ୍ୟୁ ମେକ୍ସିକୋର ଜଜ୍ ଫ୍ରାନ୍ସିସ୍ ମ୍ୟାଥ୍ୟୁ ଏହି ଜରିମାନା ଲଗାଇଛନ୍ତି।  ସେ କହିଛନ୍ତି, ଫେସବୁକ୍ ବର୍ଷ ବର୍ଷ ଧରି ଜନସାଧାରଣଙ୍କ ସହ ଯେଉଁ ପ୍ରତାରଣା କରିଛି, ତାହା କମ୍ପାନୀର ମୂଳ ବ୍ୟବସାୟିକ ନୀତି ପ୍ରତି ଏକ ଗମ୍ଭୀର ପ୍ରଶ୍ନବାଚୀ ସୃଷ୍ଟି କରୁଛି। ରାଜ୍ୟ ଆଇନ ଅନୁଯାୟୀ କୋର୍ଟ ୨୧୯ ବିଲିୟନ ଡଲାରରୁ ଅଧିକ ଜରିମାନା ଲଗାଇବାକୁ ଯୁକ୍ତିଯୁକ୍ତ ମନେ କରିଥିଲେ । କିନ୍ତୁ ଶେଷରେ ଏହାକୁ ୨୫ ବିଲିୟନ ଡଲାରରେ ସୀମିତ ରଖିଛନ୍ତି। ମେଟା ଏହି ରାୟକୁ ବିରୋଧ କରିବା ସହ ଉଚ୍ଚ ଅଦାଲତରେ ଆବେଦନ କରିବ ବୋଲି ସ୍ପଷ୍ଟ କରିଛି।  ]]> Thu, 22 Oct 2026 20:10:38 +0530 https://www.prameyanews7.com/malkangiri-bear-attack-youth-injured-firewood https://www.prameyanews7.com/malkangiri-bear-attack-youth-injured-firewood ମାଲକାନଗିରି: ଜାଳେଣି କାଠ ସଂଗ୍ରହ ପାଇଁ ଜଙ୍ଗଲକୁ ଯାଇଥିବା ବେଳେ ଭାଲୁ ଆକ୍ରମଣର ଶିକାର ହୋଇଛନ୍ତି ଜଣେ ଯୁବକ। ଏହି ଆକ୍ରମଣରେ ମାଲକାନଗିରି ଜିଲ୍ଲା କୋରୁକୋଣ୍ଡା ବ୍ଲକର ସାଧୁ ପାଙ୍ଗି ଗୁରୁତର ଆହତ ହୋଇଛନ୍ତି। ତାଙ୍କ ମୁଣ୍ଡ, ମୁହଁ ଓ ଦୁଇ ହାତରେ ଗଭୀର ଆଘାତ ଲାଗିଛି। ପ୍ରଥମେ ତାଙ୍କୁ କୋରୁକୋଣ୍ଡା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିବା ବେଳେ ପରେ ଅବସ୍ଥା ଗୁରୁତର ହେବାରୁ ମାଲକାନଗିରି ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି। ସୂଚନା ଅନୁଯାୟୀ, ଗୁରୁବାର ସକାଳେ ସାଧୁ ପାଙ୍ଗି ଜାଳେଣି କାଠ ସଂଗ୍ରହ କରିବା ପାଇଁ ପୋଟ୍ରେଲ ଗାଁ ନିକଟସ୍ଥ ଜଙ୍ଗଲକୁ ଯାଇଥିଲେ। ସେଠାରେ କାଠ ସଂଗ୍ରହ କରୁଥିବା ସମୟରେ ହଠାତ୍ ଏକ ଭାଲୁ ତାଙ୍କୁ ଆକ୍ରମଣ କରିଥିଲା। ଭାଲୁର ଆକ୍ରମଣରେ ସେ ଗୁରୁତର ଆହତ ହେବା ସହ ଜୀବନ ବଞ୍ଚାଇବା ପାଇଁ ଚିତ୍କାର କରିଥିଲେ। ତାଙ୍କ ଚିତ୍କାର ଶୁଣି ନିକଟରେ ଥିବା ଲୋକେ ଘଟଣାସ୍ଥଳରେ ପହଞ୍ଚି ସାଧୁଙ୍କୁ ଉଦ୍ଧାର କରିବା ସହ ଭାଲୁଟିକୁ ଘଉଡ଼ାଇ ଦେଇଥିଲେ। ପରେ ପରିବାର ଲୋକେ ତାଙ୍କୁ କୋରୁକୋଣ୍ଡା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ନେଇଥିଲେ। ତେବେ ତାଙ୍କ ଆଘାତ ଗୁରୁତର ଥିବାରୁ ଉନ୍ନତ ଚିକିତ୍ସା ପାଇଁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଯାଇଛି। Also Read: ଜଙ୍ଗଲରୁ ପ୍ରେମୀ ଯୁଗଳଙ୍କ ମୃତଦେହ ଉଦ୍ଧାର, ବଢ଼ିଲା ହତ୍ୟା ସନ୍ଦେହ ଏହି ଘଟଣା ପରେ ଜଙ୍ଗଲ ନିକଟବର୍ତ୍ତୀ ଗ୍ରାମଗୁଡ଼ିକରେ ଭାଲୁ ଆକ୍ରମଣକୁ ନେଇ ଭୟ ଓ ଚିନ୍ତା ବଢ଼ିଯାଇଛି। ବିଶେଷକରି ଜାଳେଣି କାଠ ସଂଗ୍ରହ ଓ ଅନ୍ୟାନ୍ୟ ଆବଶ୍ୟକତା ପାଇଁ ଜଙ୍ଗଲ ଉପରେ ନିର୍ଭର କରୁଥିବା ଆଦିବାସୀ ପରିବାରଙ୍କ ସୁରକ୍ଷାକୁ ନେଇ ପ୍ରଶ୍ନ ଉଠିଛି। ଜଙ୍ଗଲ ନିକଟରେ ରହୁଥିବା ଲୋକଙ୍କ ସୁରକ୍ଷା ପାଇଁ ବନ ବିଭାଗ ପକ୍ଷରୁ ଆବଶ୍ୟକ ସଚେତନତା ଓ ପଦକ୍ଷେପ ଗ୍ରହଣ କରିବାକୁ ଦାବି ହେଉଛି। ]]> Thu, 22 Oct 2026 19:53:33 +0530 https://www.prameyanews7.com/actress-kanchana-donated-property-worth-rs-100-crore-from-tirupati-temple https://www.prameyanews7.com/actress-kanchana-donated-property-worth-rs-100-crore-from-tirupati-temple ନୂଆଦିଲ୍ଲୀ: ଦକ୍ଷିଣ ଭାରତର ବର୍ଷୀୟାନ ଅଭିନେତ୍ରୀ କଞ୍ଚନା ଆଜି ମଧ୍ୟ ଦର୍ଶକଙ୍କ ମଧ୍ୟରେ ନିଜ ଅଭିନୟ ପାଇଁ ଚର୍ଚ୍ଚିତ । କନ୍ନଡ ଏବଂ ଦକ୍ଷିଣ ଭାରତୀୟ ସିନେମାରେ ଷାଠିଏ ଏବଂ ସତୁରି ଦଶନ୍ଧିରେ କଞ୍ଚନାଙ୍କ ରାଜୁତି ଥିଲା । କନ୍ନଡ଼, ତେଲୁଗୁ, ତାମିଲ ଏବଂ ମଲାୟାଲମ ଭାଷାରେ ୧୫୦ ଅଧିକ ସିନେମା କରିଥିବା ଏହି ମହାନ ଅଭିନେତ୍ରୀ ଏବେ ଭିନ୍ନ କାରଣ ପାଇଁ ଲୋକଙ୍କ ମନ ଜିତିଛନ୍ତି । କଞ୍ଚନାଙ୍କ ବୟସ ଏବେ ଏବେ ୮୭ ବର୍ଷ । କିଛି ମାସ ତଳେ ସେ ଅନେକ ବର୍ଷ ପରେ ସାର୍ବଜନୀନ ଭାବରେ ନଜର ଆସି ଏକ ବଡ଼ ଚର୍ଚ୍ଚା ସୃଷ୍ଟି କରିଥିଲେ । ସେ ଚେନ୍ନାଇରେ ଏକ କାର୍ଯ୍ୟକ୍ରମରେ ଯୋଗ ଦେଇଥିଲେ ଏବଂ ଏକ ଅଟୋ-ରିକ୍ସାରେ କାର୍ଯ୍ୟକ୍ରମରୁ ଫେରିଥିଲେ । ଏହି ସରଳତା ସମସ୍ତଙ୍କୁ ଆଶ୍ଚର୍ଯ୍ୟ କରିଥିଲା । ୧୦୦ କୋଟି ଟଙ୍କାର ସମ୍ପତ୍ତିର ମାଲିକ ବୃଦ୍ଧ ବୟସରେ ଅଟୋରେ ଯାତ୍ରା କରିବା ସମସ୍ତଙ୍କୁ ଆଶ୍ଚର୍ଯ୍ୟ କରିଥିଲେ । ଏହି ଘଟଣା ପରେ ଲୋକମାନେ ତାଙ୍କ ଜୀବନ ବିଷୟରେ ଅଧିକ ଆଗ୍ରହୀ ହୋଇଥିଲେ । ଅଭିନେତ୍ରୀଙ୍କ ଜୀବନ କାହାଣୀ ପ୍ରକୃତରେ ଆକର୍ଷଣୀୟ । ଏହି ଅଭିନେତ୍ରୀ ତାଙ୍କର ୧୦୦ କୋଟି ଟଙ୍କାର ସମ୍ପତ୍ତି ଦାନ କରି ଏବେ ଏକ ଅଟୋରେ ଯାତ୍ରା କରୁଛନ୍ତି ! ସେ ତିରୁମାଲା ତିରୁପତି ଦେବସ୍ଥାନମକୁ ପ୍ରାୟ ୧୦୦ କୋଟି ଟଙ୍କାର ସମ୍ପତ୍ତି ଦାନ କରିଥିଲେ । ଭଗବାନ ଭେଙ୍କଟେଶ୍ୱରଙ୍କ ପ୍ରତି ତାଙ୍କର ଗଭୀର ଭକ୍ତି ତାଙ୍କ ଜୀବନକୁ ଗଢ଼ିଥିବା ସେ ବିଶ୍ୱାସ କରନ୍ତି । ସେ ଅବିବାହିତ ରହିବାକୁ ନିଷ୍ପତ୍ତି ନେଇଥିଲେ ଏବଂ ଆଧ୍ୟାତ୍ମିକତା ଏବଂ ସେବା ଉପରେ ଧ୍ୟାନ ଦେଇ ଏକ ଶାନ୍ତ ଜୀବନଯାପନ କରିଥିଲେ । କଞ୍ଚନା ଏବଂ ତାଙ୍କ ଭଉଣୀ ଗିରିଜା ପାଣ୍ଡେ ଚେନ୍ନାଇର ଟି ନଗରର ଜିଏନ୍ ଚେଟି ରୋଡରେ ମୂଲ୍ୟବାନ ଜମି ପାଇଥିଲେ । ତାଙ୍କ ସମ୍ପର୍କୀୟମାନେ ଏହି ସମ୍ପତ୍ତିକୁ ହଡ଼ପ କରିବାକୁ ଚେଷ୍ଟା କରିଥିଲେ । ସେ ସେମାନଙ୍କ ବିରୁଦ୍ଧରେ ଏକ ଲମ୍ବା ଆଇନଗତ ଲଢ଼େଇ ଲଢ଼ିଥିଲେ । ଶେଷରେ ସେ ମାମଲା ଜିତି ଭଗବାନଙ୍କୁ ଦେଇଥିବା ପ୍ରତିଶ୍ରୁତି ପାଳନ କଲେ । ସେ ଭଗବାନ ଭେଙ୍କଟେଶ୍ୱର ଏବଂ ଦେବୀ ପଦ୍ମାବତୀଙ୍କ ପାଇଁ ଏକ ଭବ୍ୟ ମନ୍ଦିର ନିର୍ମାଣ କରିବା ପାଇଁ ସମ୍ପତ୍ତିକୁ ଟିଟିଡିକୁ ଦାନ କରିଦେଲେ । ଏହି ସମ୍ପତ୍ତିର ମୂଲ୍ୟ ଆଜି ୧୦୦ କୋଟି ଟଙ୍କାରୁ ଅଧିକ । ]]> Thu, 22 Oct 2026 19:34:49 +0530 https://www.prameyanews7.com/kartika-niti-for-the-lord-has-commenced-at-the-srimandira-today https://www.prameyanews7.com/kartika-niti-for-the-lord-has-commenced-at-the-srimandira-today ପୁରୀ ୨୨।୧୦: ଶ୍ରୀମନ୍ଦିରରେ ଆଜିଠାରୁ ଆରମ୍ଭ ହୋଇଛି ମହାପ୍ରଭୁଙ୍କ କାର୍ତ୍ତିକ ନୀତି। ରାଧାଦାମୋଦର ବେଶରେ ଅଗଣିତ ଭକ୍ତଙ୍କୁ ଦର୍ଶନ ଦେଇଛନ୍ତି ଜଗତର ନାଥ ମହାପ୍ରଭୁ ଶ୍ରୀଜଗନ୍ନାଥ। ଆଶ୍ବିନ ମାସ ଶୁକ୍ଳ ଏକାଦଶୀ ଠାରୁ କାର୍ତ୍ତିକ ଶୁକ୍ଳ ଦଶମୀ ପର୍ଯ୍ୟନ୍ତ ଶ୍ରୀମନ୍ଦିରରେ ଏହି ନୀତି ମହାପ୍ରଭୁଙ୍କର ଚାଲିବାକୁ ଥିବାବେଳେ ଏକ ମାସ ଧରି ମହାପ୍ରଭୁଙ୍କ ସ୍ବତନ୍ତ୍ର ବାଳଧୂପ ସହ ରାଧାଦାମୋଦର ବେଶ କରାଯିବ। ତେବେ ଗତକାଲି ଦଶହରାରେ ମହାପ୍ରଭୁଙ୍କ ଅନେକ ଗୁଡ଼ିଏ ନୀତିକାନ୍ତି ଥିବାରୁ ରାତ୍ର ପହୁଡ଼ରେ ବିଳମ୍ବ ହୋଇଥିଲା। ତେଣୁ ଆଜି ସକାଳ ୬ ଟା ୧୫ ରେ ଦ୍ବାର ଫିଟା ନୀତି ପରେ ୭ଟା ୦୫ରେ ମଙ୍ଗଳ ଆଳତୀ ନୀତି ପରେ କାର୍ତ୍ତିକ ନୀତି ସୁରୁଖୁରୁରେ ସମ୍ପାଦିତ ହୋଇଛି। ମଙ୍ଗଳାଆଳତୀ, ମଇଲମ, ତଡପଲାଗି, ଅବକାଶ ନୀତି ପରେ ରାଧାଦାମୋଦର ବେଶ, ଗୋପାଳ ବଲ୍ଲଭ, ସକାଳ ଧୂପ, ବାଳଧୂପ ନୀତି ଅନୁଷ୍ଠିତ ହୋଇଥିଲା। ତେବେ କାର୍ତ୍ତିକ ନୀତିରେ ବାଳଧୂପ ଏକ ସ୍ବତନ୍ତ୍ର ଭୋଗ ଥିବାରୁ ଏଥିରେ କୋରା, ଦୋଭଜା, ଲିଆ, ଅଦା, ଖଇ, ନଡିଆ, ଚାଉଳିଆ, ସେଓ, କମଳା, କଦଳୀ, କାକୁଡି, ପଇଡ ଆଦି ଭୋଗ କରାଯାଇଥାଏ। ତେବେ କାର୍ତ୍ତିକ ମାସରେ ପ୍ରଭୁ ବିଷ୍ଣୁଙ୍କ ନାମ ଦାମୋଦର ହୋଇଥିବାରୁ ଏହାକୁ ରାଧାଦାମୋଦର ବେଶରେ ନାମକରଣ କରାଯାଇଛି। ଏପଟେ ଆଜି ଏକାଦଶୀ ଅବସରରେ ମହାପ୍ରଭୁଙ୍କର ସ୍ବତନ୍ତ୍ର ବେଶ ମଧ୍ୟ ରହିଛି। ଫୁଲ ନିର୍ମିତ ଗୁଣା, ଚିତା ଓ ଅଧରମାଳା ସହ ବିଭିନ୍ନ ପ୍ରକାର ସୁବର୍ଣ୍ଣ ଅଳଙ୍କାର ଠାକୁର ମାନଙ୍କୁ ଲାଗି କରାଯାଇଛି। ଏହି ବେଶରେ ଶ୍ରୀଜଗନ୍ନାଥ ଓ ଶ୍ରୀବଳଭଦ୍ର ତ୍ରିକଚ୍ଛ ପରିଧାନ କରିବା ସହ ଦୁଇ ହସ୍ତରେ ସୁବର୍ଣ୍ଣ ନଳୀଭୁଜ, ତ୍ରିମୁଣ୍ଡିରେ ବାଉଁଶ ପାତିଆ ଓ କନାରେ ନିର୍ମିତ ଚୂଳ, ଚୂଳର ଅଗ୍ରଭାଗରେ ରୂପା ଚନ୍ଦ୍ରିକା, କର୍ଣ୍ଣ ଦେଶରେ କୁଣ୍ଡଳ, କଟି ଦେଶରେ ଓଡ଼ିଆଣୀ କମରପଟି, କଣ୍ଠରେ ସୁବର୍ଣ୍ଣ ଘାଗଡ଼ା ମାଳି, କପାଳରେ ତିଳକ, ଚନ୍ଦ୍ର ସୂର୍ଯ୍ୟ ଏବଂ ରାମାନନ୍ଦୀ ଚିତା ଇତ୍ୟାଦି ସୁବର୍ଣ୍ଣ ଅଳଙ୍କାରରେ ଶ୍ରୀଜୀଉ ଭୂଷିତ ହୋଇଛନ୍ତି। ମସ୍ତକରେ ଡଡ଼ଗି ସହିତ ବିଭିନ୍ନ ପ୍ରକାର ପୁଷ୍ପ ଅଳଙ୍କାର, ସୁବର୍ଣ୍ଣ ଅଳଙ୍କାର ସହ ପାଟଶାଢ଼ୀ, ଫୁଟା, ଶିରିକପଡ଼ା, ପହରଣ, ବଳା, ଅଧରବଳା ଓ ଉତ୍ତରୀୟ ବସ୍ତ୍ର ମଧ୍ୟ ଲାଗି କରାଯାଇଛି। ମହାପ୍ରଭୁଙ୍କ ଏହି ରାଧାଦାମୋଦର ବେଶ ଦର୍ଶନ କରି ଭକ୍ତ ନିଜକୁ ଧନ୍ୟ ମନେ କରିଥିବା କହିଛନ୍ତି। Also Read:-ନାତିକୁ ବଞ୍ଚାଇବାକୁ ଜୀବନକୁ ବାଜି ଲଗାଇଲେ ଜେଜେ, ଉଭୟଙ୍କ ମୃତ୍ୟୁ ଆଜି ବଡ଼ ଏକାଦଶୀ ଅବସରରେ ପୁରୀରେ ପୂଜା ପାଉଥିବା ସମସ୍ତ ଗୋଷାଣୀଙ୍କ ଭସାଣ ଉତ୍ସବ ଅନୁଷ୍ଠିତ ହେବ। ଏନେଇ ଆଜି ସନ୍ଧ୍ୟାରେ ସମସ୍ତ ଗୋଷାଣୀ ଓ ନାଗା ଶ୍ରୀମନ୍ଦିର ସମ୍ମୁଖରେ ଏକାଠି ହେବେ। ଏହା ଦେବୀ ସଭା ନାମରେ ପରିଚିତ। ତେଣୁ ଭକ୍ତଙ୍କ ଭିଡକୁ ଦୃଷ୍ଟିରେ ପୁରୀ ଜିଲ୍ଲା ପ୍ରଶାସନ ଓ ପୁରୀ ପୋଲିସ ପକ୍ଷରୁ ସମସ୍ତ ବ୍ୟବସ୍ଥା ଗ୍ରହଣ କରାଯାଇଛି। ]]> Thu, 22 Oct 2026 19:18:19 +0530 https://www.prameyanews7.com/grandfather-and-grandson-die-after-drowning-in-a-pond-in-bhadrak https://www.prameyanews7.com/grandfather-and-grandson-die-after-drowning-in-a-pond-in-bhadrak ଭଦ୍ରକ ୨୨।୧୦: ପୋଖରୀରେ ବୁଡି ଜେଜେ ଓ ନାତିଙ୍କ ମୃତ୍ୟୁ । ନାତିକୁ ବଞ୍ଚାଇବା ପାଇଁ ଯାଇ ଜେଜେଙ୍କର ମୃତ୍ୟୁ ହୋଇଛି । ଭଦ୍ରକ ଜିଲ୍ଲା ସାବରଙ୍ଗ ଥାନା ଅଧୀନ ମାଳିଅରୁଆ ଗାଁରେ ଘଟିଛି ଏଭଳି ହୃଦୟ ବିଦାରକ ଅଘଟଣ । ମୃତ ଜେଜେ ଦୟାନିଧି ବାରିକ ଓ ୫ ବର୍ଷୀୟ ନାତି ସାଇ ଶୁଭମ୍ ବାରିକଙ୍କ ମୃତ୍ୟୁ ହୋଇଛି । Also Read:- ବାତ୍ୟା ଆଶଙ୍କାକୁ ନେଇ ରାଜ୍ୟ ସରକାର ପ୍ରସ୍ତୁତ, IMD ସହ ନିରନ୍ତର ଯୋଗାଯୋଗରେ ସୂଚନା ଅନୁଯାୟୀ, ନାତି ସାଇ ଶୁଭମ୍ ଖେଳିବା ବେଳେ ଭୁଲ ବଶତଃ ପୋଖରୀକୁ ଚାଲିଯାଇଥିଲେ । ଏହି ସମୟରେ ନାତିକୁ ବଞ୍ଚାଇବା ପାଇଁ ଯାଇ ଜେଜେ ମଧ୍ୟ ପୋଖରୀରେ ବୁଡି ଯାଇଥିଲେ । ସ୍ଥାନୀୟ ଲୋକେ ବହୁ ଖୋଜାଖୋଜି ପରେ ମଧ୍ୟ ଉଭୟଙ୍କୁ ଉଦ୍ଧାର କରି ନପାରି ଗାଁର ଧୀବରଙ୍କୁ ଡକାଇଥିଲେ । ଧୀବର ମାନେ ଜାଲ ପକାଇ ଉଭୟଙ୍କୁ ଉଦ୍ଧାର କରିଥିଲେ । ଉଭୟଙ୍କୁ ଭଦ୍ରକ ଜିଲ୍ଲା ମୁଖ୍ୟ ଚିକିତ୍ସାଳୟକୁ ଆଣିଥିବା ବେଳେ ଡାକ୍ତର ମୃତ ଘୋଷଣା କରିଛନ୍ତି । ]]> Thu, 22 Oct 2026 19:12:43 +0530 https://www.prameyanews7.com/ind-vs-nz-1st-t20-naman-dhir-heroics-gambhir-shreyas-iyyer-tactical-blunder https://www.prameyanews7.com/ind-vs-nz-1st-t20-naman-dhir-heroics-gambhir-shreyas-iyyer-tactical-blunder କ୍ରାଇଷ୍ଟଚର୍ଚ୍ଚ: ନ୍ୟୁଜିଲାଣ୍ଡ ବିପକ୍ଷ ରୋମାଞ୍ଚକର ପ୍ରଥମ ଟି-୨୦ ମ୍ୟାଚ୍‌ରେ ଭାରତୀୟ ଦଳ ସିନା ଶେଷରେ ବାଜି ମାରିନେଲା, କିନ୍ତୁ ଗୋଟିଏ ସମୟରେ ବିଜୟ ହାତପାହାନ୍ତାରୁ ଖସିଯିବା ଭଳି ସ୍ଥିତି ଉପୁଜିଥିଲା। ୨୨୬ ରନର ପାହାଡ଼ ସଦୃଶ ଲକ୍ଷ୍ୟକୁ ପିଛା କରୁଥିବା ଟିମ୍ ଇଣ୍ଡିଆ ପ୍ରଥମ ୬ ଓଭର ଅର୍ଥାତ୍ ପାୱାରପ୍ଲେରେ ହିଁ ୯୩ ରନ୍ ସଂଗ୍ରହ କରି ମ୍ୟାଚକୁ ସମ୍ପୂର୍ଣ୍ଣ ନିଜ ନିୟନ୍ତ୍ରଣକୁ ନେଇଆସିଥିଲା। ହେଲେ ଏହାପରେ କୋଚ୍ ଗୌତମ ଗମ୍ଭୀର ଓ ଅଧିନାୟକ ଶ୍ରେୟସ ଆୟରଙ୍କ ଗୋଟିଏ ନିଷ୍ପତ୍ତି ଦଳକୁ ସଙ୍କଟ ଭିତରକୁ ଠେଲି ଦେଇଥିଲା। ଯଦି ଶେଷଆଡ଼କୁ ନମନ ଧୀର ବିସ୍ଫୋରକ ଅପରାଜିତ ୪୨ ରନ୍‌ର ପାରୀ ଖେଳି ନଥାନ୍ତେ, ତେବେ ହାତରୁ ବାହାରି ଯାଇଥାନ୍ତା ଜିତିବା ମ୍ୟାଚ୍। ଦମଦାର ଆରମ୍ଭ ଓ ଏକ ଅଜବ ନିଷ୍ପତ୍ତି ହାଗଲେ ଓଭାଲରେ ପ୍ରଥମେ ବ୍ୟାଟିଂ କରି ନ୍ୟୁଜିଲାଣ୍ଡ ୨୨୫ ରନର ବିଶାଳ ସ୍କୋର ଛିଡ଼ା କରିଥିଲା। କିଓ୍ଵି ମାଟିରେ ସବୁଠାରୁ ବଡ଼ ସଫଳ ରନ୍ ଚେଜ୍ କରି ଇତିହାସ ରଚିବାକୁ ଥିବା ଭାରତକୁ ସଞ୍ଜୁ ସାମସନ୍ ଓ ଅଭିଷେକ ଶର୍ମା ଦ୍ରୁତ ଆରମ୍ଭ ଦେଇଥିଲେ। ଦୁହେଁ ମାତ୍ର ୫.୫ ଓଭରରେ ୯୩ ରନର ଭାଗିଦାରୀ ଗଢ଼ି ବିପକ୍ଷ ବୋଲରଙ୍କୁ ପ୍ରହାର କରିଥିଲେ। ତେବେ ପ୍ରଥମ ୱିକେଟ୍ ପତନ ପରେ ମ୍ୟାଜିକ୍ ଫର୍ମରେ ଥିବା ଇଶାନ କିଷନଙ୍କୁ ୩ ନମ୍ବରରେ ନପଠାଇ ତିଲକ ବର୍ମାଙ୍କୁ ପ୍ରମୋଟ୍ କରାଯାଇଥିଲା। ଗତ କିଛି ଦିନ ହେବ ଧୀମା ବ୍ୟାଟିଂ ପାଇଁ ସମାଲୋଚିତ ହେଉଥିବା ତିଲକଙ୍କୁ ଆଗୁଆ ବ୍ୟାଟିଂ ଦେବା ନିଷ୍ପତ୍ତି ସମ୍ପୂର୍ଣ୍ଣ ଓଲଟା ପଡ଼ିଥିଲା। Also Read: ୨୧ ଚୌକା ଏବଂ ୧୦ ଛକା, ୧୧୬ ବଲରେ ୨୦୨ ରନ୍: ଦିନିକିଆରେ ଦ୍ରୁତତମ ଦ୍ୱିଶତକ ମାରିଲେ ହ୍ୟାରି ବ୍ରୁକ୍ ବୁଲେଟ୍ ଟ୍ରେନ୍ ଗତିରେ ବ୍ରେକ୍ ତିଲକ ବର୍ମା ବ୍ୟାଟିଂ କରିବାକୁ ଆସିବା ପରେ ଭାରତର ରନ୍ ସଂଗ୍ରହ ଗତି ଅତି ମନ୍ଥର ହୋଇଯାଇଥିଲା। ବଡ଼ ସଟ୍ ଖେଳିବା ତ ଦୂରର କଥା, ସେ ସିଙ୍ଗଲ୍ ନେବାକୁ ମଧ୍ୟ ସଂଘର୍ଷ କରୁଥିବା ଦେଖାଯାଇଥିଲା। ତିଲକ ମାତ୍ର ୫୦ ଷ୍ଟ୍ରାଇକ ରେଟ୍‌ରେ ୧୧ଟି ବଲରୁ ମାତ୍ର ୬ ରନ୍ କରି ଆଉଟ୍ ହୋଇଥିଲେ। ଗମ୍ଭୀର ଓ ଶ୍ରେୟସଙ୍କ ଏହି ନିଷ୍ପତ୍ତି ଆହୁରି ଭୁଲ୍ ସାବ୍ୟସ୍ତ ହୋଇଥିଲା ଯେତେବେଳେ ୫ମ ସ୍ଥାନରେ ଆସିଥିବା ଇଶାନ କିଷାନ ମଧ୍ୟ ମାତ୍ର ୧ ରନ୍ କରି ପାଭିଲିୟନ୍ ଫେରିଥିଲେ। ଯେଉଁ ବ୍ୟାଟର ବିଗତ ବର୍ଷେ ହେବ ଦମଦାର ଫର୍ମରେ ଅଛନ୍ତି, ତାଙ୍କ ସ୍ଥାନ ପରିବର୍ତ୍ତନ କରିବା ନେଇ ଏବେ ଅନେକ ପ୍ରଶ୍ନ ଉଠୁଛି। Also Read: କୋହଲି ଓ ରୋହିତଙ୍କୁ ଫିଟ୍ ରହିବାକୁ ପଡ଼ିବ, ଦୁଇଟି ସର୍ତ୍ତ ରଖିଲେ BCCI ଅଧ୍ୟକ୍ଷ ଏକାକୀ ବାଜି ପଲଟାଇଲେ ନମନ ଧୀର ମ୍ୟାଚ୍ ସମ୍ପୂର୍ଣ୍ଣ ଭାବେ ନ୍ୟୁଜିଲାଣ୍ଡ କବଜାକୁ ଚାଲିଯାଇଥିବା ସମୟରେ ଶେଷଭାଗରେ କ୍ରିଜ୍‌କୁ ଆସିଥିଲେ ନମନ ଧୀର। ସେ ନ୍ୟୁଜିଲାଣ୍ଡ ବୋଲିଂ ଆକ୍ରମଣକୁ ଚାପରେ ପକାଇ ମାତ୍ର ୧୫ଟି ବଲରୁ ୫ଟି ଚୌକା ଓ ୨ଟି ଛକା ସହାୟତାରେ ଅପରାଜିତ ୪୨ ରନର ବିସ୍ଫୋରକ ଇନିଂସ ଖେଳିଥିଲେ। ତାଙ୍କର ଏହି ନିର୍ଭୟ ବ୍ୟାଟିଂ ବଳରେ ଭାରତ ୨ ବଲ୍ ବାକି ଥାଇ ୨୨୬ ରନର ସଫଳ ରନ୍ ଚେଜ୍ କରିବାରେ ସମର୍ଥ ହୋଇଛି। ଗମ୍ଭୀର-ଶ୍ରେୟସଙ୍କ ନିଷ୍ପତ୍ତି ଯୋଗୁଁ ସିରିଜର ପ୍ରଥମ ମ୍ୟାଚରେ ହାରିବାର ଯେଉଁ ଆଶଙ୍କା ଦେଖାଦେଇଥିଲା, ତାହାକୁ ନମନ ନିଜ ବ୍ୟାଟିଂ ବଳରେ ଏକାକୀ ଟାଳି ଦେଇଛନ୍ତି। ]]> Thu, 22 Oct 2026 19:11:13 +0530 https://www.prameyanews7.com/diljit-dosanjhs-delhi-concert-denied-permission-by-south-delhi-police-over-security-concerns https://www.prameyanews7.com/diljit-dosanjhs-delhi-concert-denied-permission-by-south-delhi-police-over-security-concerns ନୂଆଦିଲ୍ଲୀ: ସୁରକ୍ଷା କାରଣ ଦର୍ଶାଇ ଗାୟକ ଦିଲଜିତ ଦୋସାଞ୍ଜଙ୍କ ମ୍ୟୁଜିକ କନସର୍ଟକୁ ଅନୁମତି ଦେଲାନି ଦିଲ୍ଲୀ ପୁଲିସ। ଅକ୍ଟୋବର ୩୦ ତାରିଖରେ ଦିଲ୍ଲୀର ଜବାହାରଲାଲ ନେହରୁ ଷ୍ଟାଡିୟମ୍‌ରେ ଦିଲଜିତଙ୍କର ସଂଗୀତ ପରିବେଷଣ କାର୍ଯ୍ୟକ୍ରମ ହେବାର ଥିଲା। ଏନେଇ ଦିଲ୍ଲୀ ପୁଲିସକୁ ଅନୁମତି ମାଗିବାରୁ ପୁଲିସ ସୁରକ୍ଷା ଦୃଷ୍ଟିରୁ କାର୍ଯ୍ୟକ୍ରମ ଆୟୋଜନ କରିବାକୁ ଅନୁମତି ଦିଆଯାଇପାରିବ ନାହିଁ ବୋଲି କହିଛି। ଦିଲ୍ଲୀ ପୁଲିସର ଏଭଳି ନିଷ୍ପତ୍ତି ପରେ ଦିଲ୍‌ଜିତଙ୍କର ଲାଇଭ ସଂଗୀତ ପିରବେଷଣ ଦେଖିବାକୁ ଆଗ୍ରହ ଥିବା ହଜାର ହଜାର ଫ୍ୟାନ ନିରାଶ ହୋଇଛନ୍ତି। ତେବେ ଏହି ମ୍ୟୁଜିକ କନସର୍ଟ ପାଇଁ କେତେ ଟଙ୍କା ଟିକେଟ୍ ହୋଇଥିଲା ? ଆଦାୟ ଟିକେଟ ଫ୍ୟାନଙ୍କୁ ଫେରାଗଲା କି ନାହିଁ ସେ ନେଇ କୌଣସି ଅପଡେଟ୍ ଆସି ନାହିଁ। ​​​​​​​Also Read- ସିଜେପି ନେତାଙ୍କୁ ଛାଡ଼ିବା ପାଇଁ ପିସ୍ ବଣ୍ଡ ସାଇନ କରିବାକୁ ବିରୋଧ: ପ୍ରକାଶ ରାଜ କହିଲେ, କ୍ଷମା ଦେବେନି ଯୁବବର୍ଗ ରିପୋର୍ଟ ଅନୁସାରେ ଏହି ପ୍ରସଙ୍ଗରେ ଦକ୍ଷିଣ ଦିଲ୍ଲୀ ଡିସିପିଙ୍କ ଅଫିସରୁ ଏକ ଚିଠି ଟିକେଟ ବୁକିଂ ପ୍ଲାଟଫର୍ମ ‘ବୁକ ମାଇଁ ଶୋକୁ’ ପଠାଯାଇଥିଲା। ଏଥିରେ ଲେଖାଯାଇଥିଲା ଯେ ଦିଲଜିତଙ୍କ ‘ଅରା ଇଣ୍ଡିଆ ଟୁର୍’ କାର୍ଯ୍ୟକ୍ରମର ଦିଲ୍ଲୀ ପର୍ଯ୍ୟାୟ ପାଇଁ କରାଯାଇ ଅନୁରୋଧକୁ ଭଲଭାବରେ ଯାଞ୍ଚ କରାଗଲା। ହେଲେ ଅନୁମତି ଦିଆଯାଇ ନାହିଁ। ଏଥିରେ କୁହାଯାଇଛି ଯେ ବିପଦ ସୃଷ୍ଟି ହେବାର ବିଶେଷ ସୂଚନା ରହିଛି। ଏହା ବାଦ ପାର୍ବଣ ସମୟରେ ଶାନ୍ତିଶୃଙ୍ଖଳା କାମରେ ପୁଲିସ ବ୍ୟସ୍ତ ରହିଛି।ତେଣୁ ଏଭଳି ସମୟରେ ଅନୁମତି ଦେବା ଅନୁଚିତ ବୋଲି ଚିଠିରେ କୁହାଯାଇଛି। କାର୍ଯ୍ୟକ୍ରମ ନେଇ ହୋଇସାରିଥିଲା ଘୋଷଣା ଦିଲ୍‌ଜିତ ତାଙ୍କ କାର୍ଯ୍ୟକ୍ରମ ନେଇ ପୂର୍ବରୁ ଘୋଷଣା କରିସାରିଥିଲେ। ଅକ୍ଟୋବର ୩୦ ତାରିଖରେ କାର୍ଯ୍ୟକ୍ରମ ହେବ ବୋଲି ତାଙ୍କ ଟିମ ସୋସିଆଲ୍ ମିଡିଆରେ ପୋଷ୍ଟ କରି ସୂଚନା ଦେଇଥିଲା। ୟୁରୋପ ଓ ଉତ୍ତର ଆମେରିକାର କାର୍ଯ୍ୟକ୍ରମ କରିବା ପରେ ଦିଲଜିତ ତାଙ୍କ ‘ଅରା ଟୁର’ର ଭାରତ ସଂସ୍କରଣକୁ ଘୋଷଣା କରିଥିଲେ। ଅକ୍ଟୋବର ୩୦ ତାରିଖରୁ ଏହା ଆରମ୍ଭ ହୋଇଥାନ୍ତା। ଏଥିପାଇଁ ଅକ୍ଟୋବର ୬ ତାରିଖରୁ ଟିକେଟ ବୁକିଂ ଆରମ୍ଭ ହୋଇଥିଲା। ଦିଲ୍ଲୀର ଜବାହାରଲାଲ ନେହରୁ ପରେ ନଭେମ୍ବର ୧ରୁ ଦିଲ୍ଲୀ ଏନ୍‌ସିଆର୍‌, ନଭେମ୍ବର ୧୫ରେ ଇନ୍ଦୋର ୨୧ ତାରିଖରେ ଅହମଦାବାଦ, ୨୭ରେ ମୁମ୍ବାଇ, ୨୯ରେ ବେଙ୍ଗାଲୁରୁ ଓ ଡିସେମ୍ବର ୫ ତାରିଖରେ ଲକ୍ଷ୍ନୌରେ ତାଙ୍କ ଶୋ ଆୟୋଜିତ ହୋଇଥାନ୍ତା। ଚଣ୍ଡିଗଡ଼ରେ ମଧ୍ୟ ମ୍ୟୁଜିକ କନସର୍ଟ ହେବା ନେଇ ଘୋଷଣା କରାଯାଇ ସାରିଛି। ହେଲେ ଏହାର ତାରିଖ ଘୋଷଣା ହୋଇ ନାହିଁ। ]]> Thu, 22 Oct 2026 19:07:01 +0530 https://www.prameyanews7.com/state-government-fully-prepare-to-deal-with-potential-cyclone https://www.prameyanews7.com/state-government-fully-prepare-to-deal-with-potential-cyclone ଭୁବନେଶ୍ବର ୨୨।୧୦: ବଙ୍ଗୋପସାଗରରେ ଆସୁଛି ବାତ୍ୟା ! ୨୪ ଘଣ୍ଟା ମଧ୍ୟରେ ଦକ୍ଷିଣ ପୂର୍ବ ଓ ସଲଗ୍ନ ପୂର୍ବ କେନ୍ଦ୍ର ବଙ୍ଗୋପସାଗରରେ ସୃଷ୍ଟି ହେବାକୁ ଯାଉଛି ଲଘୁଚାପ । ଏହା ଅଧିକ ଘନୀଭୂତ ହୋଇ ବାତ୍ୟାର ରୂପ ନେବ ବୋଲି କହିଛନ୍ତି ପାଣିପାଗ ବିଶେଷଜ୍ଞ। ଏମିତିକି କିଛି ବିଶେଷଜ୍ଞ ପୂର୍ବାନୁମାନ କରିଛନ୍ତି ଏହା ଅତି ଭୀଷଣ ବାତ୍ୟାର ଆକାର ନେଇପାରେ । ଅକ୍ଟୋବର ୨୫ ତାରିଖ ପରେ ଏହାର ଚିତ୍ର ସ୍ପଷ୍ଟ ହେବ । ଏହାର ପ୍ରଭାବରେ ରାଜ୍ୟରେ ୨୬ ତାରିଖ ପ୍ରବଳ ବର୍ଷା ହେବ ବୋଲି ଆକଳନ କରାଯାଉଛି । ତେବେ ବାତ୍ୟା ନେଇ ଶୁକ୍ରବାର ସୁଦ୍ଧା ସ୍ପଷ୍ଟ ସୂଚନା ମିଳିଯିବ ବୋଲି ରାଜସ୍ବ ଓ ବିପର୍ଯ୍ୟୟ ପରିଚାଳନା ମନ୍ତ୍ରୀ ସୁରେଶ ପୂଜାରୀ କହିଛନ୍ତି । ୟୁରୋପୀୟ ମଡେଲ ମାନଙ୍କୁ ଇଣ୍ଡିକେସନ ଭାବେ ନେଇ ଆମେ ପ୍ରସ୍ତୁତ ହେଉଛୁ । ଆଇଏମଡି ସହିତ ନିରନ୍ତର ଯୋଗାଯୋଗରେ ଅଛୁ । ଲଘୁଚାପ ହେବ ଏବଂ ପରେ ଅବପାତର ରୂପ ନେବ ଏବଂ ଆନ୍ଧ୍ର ପ୍ରଦେଶର ସମୁଦ୍ର ତଟ ଛୁଇଁବ କିନ୍ତୁ କେତେ କ୍ଷତିକର ହେବ ସେ ନେଇ ଆଇଏମ୍ଡି ପକ୍ଷରୁ ସଠିକ୍ ଆକଳନ ଏପର୍ଯ୍ୟନ୍ତ କରାଯାଇ ନାହିଁ । ତେବେ ଏନେଇ ଶୁକ୍ରବାର ସୁଦ୍ଧା ସ୍ପଷ୍ଟ ସୂଚନା ମିଳିଯିବ । ଓଡ଼ିଶାବାସୀ ବିଚଳିତ ହୁଅନ୍ତୁ ନାହୁଁ, ସରକାର ପ୍ରସ୍ତୁତ ଅଛନ୍ତି ବୋଲି ବିପର୍ଯ୍ୟୟ ପରିଟାଳନା ମନ୍ତ୍ରୀ କହିଛନ୍ତି । Also Read:- କେଉଁ ମାସରେ କେଉଁ ଉପକୂଳକୁ ମାଡ଼ ହୁଏ ବାତ୍ୟା ? ଜାଣନ୍ତୁ ପାଣିପାଗ ବିଜ୍ଞାନୀଙ୍କ ମତ ସମ୍ଭାବ୍ୟ ବାତ୍ୟାର ପ୍ରଭାବରେ ଓଡ଼ିଶାର ବିଭିନ୍ନ ସ୍ଥାନରେ ବର୍ଷା ହେବାର ଆଶଙ୍କା ରହିଛି । ୨୬ ତାରିଖ ଅପରାହ୍ନରୁ ୭୫ରୁ ୧୦୦ କି.ମି. ବେଗରେ ପବନ ବହିବାର ସମ୍ଭାବନା ରହିଛି । ଗଞ୍ଜାମ, ପୁରୀ, ଗଜପତି, ରାୟଗଡ଼ା, ନୟାଗଡ଼, ଖୋର୍ଦ୍ଧା, ଜଗତସିଂହପୁର, କଟକ ଜିଲ୍ଲାରେ ସମ୍ଭାବ୍ୟ ବାତ୍ୟାର ପ୍ରଭାବ ପଡ଼ିପାରେ । ସମ୍ଭାବ୍ୟ ବାତ୍ୟା ସ୍ଥଳଭାଗ ଛୁଇଁବା ପରେ ଆଭ୍ୟନ୍ତରୀଣ ଓଡ଼ିଶାରେ ବଢ଼ିବ ବର୍ଷାର ପରିମାଣ । ମାଲକାନଗିରି, କୋରାପୁଟ, ରାୟଗଡ଼ା, ନବରଙ୍ଗପୁର, କଳାହାଣ୍ଡି, ନୂଆପଡ଼ା, ବଲାଙ୍ଗିର, ବଲାଙ୍ଗିର, ବରଗଡ଼ରେ ପ୍ରବଳରୁ ଅତି ପ୍ରବଳ ବର୍ଷା ସମ୍ଭାବନା । Watch Video: ]]> Thu, 22 Oct 2026 18:49:25 +0530 https://www.prameyanews7.com/england-captain-harry-brook-smashes-fastest-odi-double-century-in-114-balls https://www.prameyanews7.com/england-captain-harry-brook-smashes-fastest-odi-double-century-in-114-balls ନୂଆଦିଲ୍ଲୀ: ଇଂଲଣ୍ଡର ଅଧିନାୟକ ହ୍ୟାରି ବ୍ରୁକ୍ ଅନ୍ତର୍ଜାତୀୟ ଦିନିକିଆ କ୍ରିକେଟରେ ଇତିହାସ ରଚିଛନ୍ତି । ଶ୍ରୀଲଙ୍କା ବିପକ୍ଷରେ ପାକିସ୍ତାନରେ ଖେଳାଯାଉଥିବା ଦିନିକିଆ ଟ୍ରାଇ ସିରିଜ ମୁକିବାଲରେ ୧୧୪ ବଲରୁ ଦ୍ୱିଶତକ ହାସଲ କରିଛନ୍ତି । ବ୍ରୁକ୍ ଇଂଲଣ୍ଡ ପାଇଁ ଦିନିକିଆ କ୍ରିକେଟରେ ଦ୍ୱିଶତକ ମାରିବାରେ ପ୍ରଥମ ବ୍ୟାଟର୍ ମଧ୍ୟ ହୋଇଛନ୍ତି । ତାଙ୍କର ବିସ୍ଫୋରଣ ବ୍ୟାଟିଂ ବଳରେ ଇଂଲଣ୍ଡ ୫୦ ଓଭରରେ ଚାରି ୱିକେଟ୍ ହରାଇ ୪୨୯ ରନର ବିଶାଳ ସ୍କୋର ଠିଆ କରିଛି । ଅନ୍ୟପଟେ ଗ୍ଲେନ୍ ମ୍ୟାକ୍ସୱେଲଙ୍କ ପରେ ଦିନିକିଆରେ ଦ୍ୱିଶତକ ମାରିବାରେ ଦ୍ୱିତୀୟ ମଧ୍ୟକ୍ରମ ବ୍ୟାଟର ହୋଇଛନ୍ତି । ଇଂଲଣ୍ଡ ଅଧିନାୟକ ହ୍ୟାରି ବ୍ରୁକ୍ ରାୱଲପିଣ୍ଡିରେ ମାତ୍ର ୧୧୪ ବଲରେ ଡବଲ୍ ସେଞ୍ଚୁରି ମାରି ଶୁଭମନ ଗିଲଙ୍କ ରେକର୍ଡ ଭାଙ୍ଗିଛନ୍ତି । ଶୁଭମନ୍ ଗିଲ୍ ୱେଷ୍ଟ ଇଣ୍ଡିଜ୍ ବିପକ୍ଷରେ ଗୌହାଟୀର ବରସାପାରା କ୍ରିକେଟ୍ ଷ୍ଟାଡିୟମରେ ୧୧୭ ବଲରେ ଦ୍ୱିଶତକ ପୂରଣ କରିଥିଲେ । ଗୁରୁବାର ରାୱଲପିଣ୍ଡିରେ ଖେଳାଯାଉଥିବା ଏହି ମୁରାବିଲାରେ ଶ୍ରୀଲଙ୍କା ଟସ୍ ଜିତି ପ୍ରଥମେ ବୋଲିଂ ନିଷ୍ପତ୍ତି ନେଇଥିଲା । ବ୍ରୁକ୍ ୧୧୬ ବଲରେ ୨୦୨ ରନ୍ କରିଥିଲେ । ତାଙ୍କର ଏହି ପାଳିରେ ୨୧ ଚୌକା ଏବଂ ୧୦ ଛକା ରହିଛି । ସେ ୧୭୪.୧୩ ଷ୍ଟ୍ରାଇକ୍ ରେଟରେ ରନ୍ କରିଥିବେ ଏବଂ ୧୫୯ ମିନିଟ୍ ଯାଏଁ ବ୍ୟାଟିଂ କରିଥିଲେ । ଦିନିକିଆରେ ଦ୍ୱିଶତକ ମାରିଥିବା ବ୍ୟାଟର ରୋହିତ୍ ଶର୍ମା (ଭାରତ) – ୨୬୪ ରନ ମାର୍ଟିନ୍ ଗପ୍ଟିଲ୍ (ନ୍ୟୁଜିଲାଣ୍ଡ) – ୨୩୭* ବୀରେନ୍ଦ୍ର ସେହୱାଗ (ଭାରତ) – ୨୧୯ ରନ କ୍ରିସ୍ ଗେଲ୍ (ୱେଷ୍ଟଇଣ୍ଡିଜ୍) – ୨୧୫ ରନ୍ ଫକର ଜମାନ (ପାକିସ୍ତାନ) - ୨୧୦* ଇଶାନ କିଷାନ (ଭାରତ) – ୨୧୦ ରନ ପଥୁମ୍ ନିସଙ୍କା (ଶ୍ରୀଲଙ୍କା) - ୨୧୦* ରୋହିତ ଶର୍ମା (ଭାରତ) – ୨୦୯ ରନ ଶୁଭମନ ଗିଲ (ଭାରତ) – ୨୦୮ ରନ ରୋହିତ୍ ଶର୍ମା (ଭାରତ) – ୨୦୮* ହ୍ୟାରି ବ୍ରୁକ୍ (ଭାରତ) – ୨୦୨ ରନ୍ ଗ୍ଲେନ୍ ମ୍ୟାକ୍ସୱେଲ୍ (ଅଷ୍ଟ୍ରେଲିଆ) – ୨୦୧* ସଚିନ ତେନ୍ଦୁଲକର (ଭାରତ) – ୨୦୦* ]]> Thu, 22 Oct 2026 18:48:28 +0530 https://www.prameyanews7.com/know-your-horoscope-for-friday-23rd-october-2026 https://www.prameyanews7.com/know-your-horoscope-for-friday-23rd-october-2026 ମେଷ- କର୍ମକ୍ଷେତ୍ରରେ ନୂଆ ସୁଯୋଗ ମିଳିପାରେ। ଆୟ ବୃଦ୍ଧି ପାଇଁ ଯୋଜନା କରିବେ। ଅଟକିଥିବା କାମ ଧୀରେ ଧୀରେ ଆଗକୁ ବଢ଼ିବ। ପରିବାରରେ ଶାନ୍ତି ବଜାୟ ରହିବ। ଅଯଥା ଖର୍ଚ୍ଚ ଓ ତରବରିଆ ନିଷ୍ପତ୍ତିରୁ ଦୂରେଇ ରୁହନ୍ତୁ। ବୃଷ- ଆର୍ଥିକ କାର୍ଯ୍ୟରେ ସତର୍କ ରହିବା ଆବଶ୍ୟକ। ବ୍ୟବସାୟରେ ଲାଭ ମିଳିଲେ ମଧ୍ୟ ଖର୍ଚ୍ଚ ବଢ଼ିପାରେ। କର୍ମକ୍ଷେତ୍ରରେ ସହକର୍ମୀଙ୍କ ସହ ମତଭେଦ ହୋଇପାରେ। ପରିବାରର ବୟସ୍କଙ୍କ ପରାମର୍ଶ ଉପକାରୀ ହେବ। ସ୍ୱାସ୍ଥ୍ୟ ଓ ଖାଦ୍ୟପେୟ ପ୍ରତି ଧ୍ୟାନ ଦିଅନ୍ତୁ। ମିଥୁନ- ଦିନଟି ଅନୁକୂଳ ରହିପାରେ। ନୂଆ ଲୋକଙ୍କ ସହ ସମ୍ପର୍କ ବଢ଼ିବ। ବ୍ୟବସାୟରେ ନୂଆ ଯୋଜନା କରିବାକୁ ସୁଯୋଗ ମିଳିବ। ଚାକିରିରେ ଦାୟିତ୍ୱ ବଢ଼ିପାରେ। ଦାମ୍ପତ୍ୟ ଜୀବନରେ ସହଯୋଗ ମିଳିବ। ଅଧିକ ଆତ୍ମବିଶ୍ୱାସରେ ଭୁଲ ନିଷ୍ପତ୍ତି ନିଅନ୍ତୁ ନାହିଁ। କର୍କଟ- କାର୍ଯ୍ୟକ୍ଷେତ୍ରରେ କିଛି ବାଧା ଆସିପାରେ। ଅଧିକ ପରିଶ୍ରମ ପରେ ସଫଳତା ମିଳିବ। ଅର୍ଥ କାରବାରରେ ସାବଧାନ ରୁହନ୍ତୁ। ପରିବାରର କୌଣସି କଥାକୁ ନେଇ ମନ ଅଶାନ୍ତ ହୋଇପାରେ। ନିଜ କଥା ଓ ବ୍ୟବହାର ଉପରେ ସଂଯମ ରଖନ୍ତୁ। ବିଶ୍ରାମ ପାଇଁ ସମୟ ବାହାର କରନ୍ତୁ। ସିଂହ- ଆତ୍ମବିଶ୍ୱାସ ବଢ଼ିବ। ନୂଆ କାମ ଆରମ୍ଭ କରିବା ପାଇଁ ଚିନ୍ତା କରିବେ। ଚାକିରିରେ ଉଚ୍ଚାଧିକାରୀଙ୍କ ସହଯୋଗ ମିଳିପାରେ। ବନ୍ଧୁଙ୍କ ସହ ଭଲ ସମୟ ବିତାଇବେ। ଆର୍ଥିକ ସ୍ଥିତିରେ ସୁଧାର ଆସିପାରେ। ଅହଂକାର ଓ ଅଯଥା ବିବାଦରୁ ଦୂରେଇ ରୁହନ୍ତୁ। କନ୍ୟା- ଯୋଜନାକୁ ନେଇ ଦିନଟି ଗୁରୁତ୍ୱପୂର୍ଣ୍ଣ ରହିବ। କାର୍ଯ୍ୟକ୍ଷେତ୍ରରେ ନିଜ ଦକ୍ଷତା ପ୍ରମାଣ କରିବାର ସୁଯୋଗ ମିଳିବ। ପୁରୁଣା ବନ୍ଧୁଙ୍କ ସହ ଯୋଗାଯୋଗ ହୋଇପାରେ। ପରିବାରରେ ଛୋଟ ଛୋଟ କଥାକୁ ନେଇ ଚିନ୍ତା ବଢ଼ିପାରେ। ଧୈର୍ଯ୍ୟ ଧରି କାମ କଲେ ସଫଳତା ମିଳିବ। ତୁଳା- ନୂଆ କାର୍ଯ୍ୟ ଓ ବ୍ୟବସାୟିକ ଆଲୋଚନାରେ ଅଗ୍ରଗତି ହୋଇପାରେ। ଆୟର ନୂଆ ରାସ୍ତା ଖୋଲିବାର ସମ୍ଭାବନା ରହିଛି। ଦାମ୍ପତ୍ୟ ଜୀବନରେ ମଧୁରତା ବଢ଼ିବ। କୌଣସି ଗୁରୁତ୍ୱପୂର୍ଣ୍ଣ କାମରେ ଅନ୍ୟର ପରାମର୍ଶ ନେବେ। ଅନାବଶ୍ୟକ ଖର୍ଚ୍ଚ ଓ ଅନ୍ୟକୁ ଅଧିକ ପ୍ରତିଶ୍ରୁତି ଦେବାରୁ ଦୂରେଇ ରୁହନ୍ତୁ। ବିଛା- କାର୍ଯ୍ୟକ୍ଷେତ୍ରରେ ଦାୟିତ୍ୱ ବଢ଼ିପାରେ। ଅର୍ଥ ଲାଭର ସୁଯୋଗ ମିଳିଲେ ମଧ୍ୟ ନିବେଶ ପୂର୍ବରୁ ଭଲ ଭାବରେ ବିଚାର କରନ୍ତୁ। ପରିବାରରେ ଆପଣଙ୍କ ମତକୁ ଗୁରୁତ୍ୱ ଦିଆଯିବ। ପୁରୁଣା ସମସ୍ୟାର ସମାଧାନ ମିଳିପାରେ। ରାଗ ଓ ଜିଦ୍କୁ ନିୟନ୍ତ୍ରଣ କରନ୍ତୁ। ଧନୁ- ଘାତଚନ୍ଦ୍ର ଥିବାରୁ ବିଶେଷ ସତର୍କତା ଅବଲମ୍ବନ କରନ୍ତୁ। କାର୍ଯ୍ୟରେ ବିଳମ୍ବ ହେଲେ ମଧ୍ୟ ଧୈର୍ଯ୍ୟ ହରାନ୍ତୁ ନାହିଁ। ଅର୍ଥ କାରବାରରେ ସାବଧାନ ରୁହନ୍ତୁ। ଅନ୍ୟର କଥାକୁ ନେଇ ଭୁଲ ବୁଝାମଣା ହୋଇପାରେ। ଯାତ୍ରା ଓ ଗୁରୁତ୍ୱପୂର୍ଣ୍ଣ ନିଷ୍ପତ୍ତିରେ ତରବର ହୁଅନ୍ତୁ ନାହିଁ। ଈଶ୍ୱରଙ୍କ ଆରାଧନା କରନ୍ତୁ। ମକର- କର୍ମକ୍ଷେତ୍ରରେ ଭଲ ଅଗ୍ରଗତି ହୋଇପାରେ। ଦୀର୍ଘଦିନର ଯୋଜନାକୁ କାର୍ଯ୍ୟକାରୀ କରିବାର ସୁଯୋଗ ମିଳିବ। ଆୟ ଓ ବ୍ୟୟ ମଧ୍ୟରେ ସନ୍ତୁଳନ ରଖନ୍ତୁ। ପରିବାରରେ ସହଯୋଗ ମିଳିବ। ନୂଆ ଦାୟିତ୍ୱକୁ ସଫଳତାର ସହ ତୁଲାଇପାରିବେ। ନିଜ ଯୋଜନା ଅନ୍ୟମାନଙ୍କ ଆଗରେ ପ୍ରକାଶ କରିବାରେ ସତର୍କ ରୁହନ୍ତୁ। କୁମ୍ଭ- ଚନ୍ଦ୍ର ନିଜ ରାଶିରେ ଥିବାରୁ ମନୋବଳ ଓ ଆତ୍ମବିଶ୍ୱାସ ବଢ଼ିପାରେ। ନୂଆ ଯୋଜନା ଓ ସୃଜନଶୀଳ କାର୍ଯ୍ୟରେ ମନ ଲାଗିବ। ବ୍ୟବସାୟରେ ଲାଭର ସୁଯୋଗ ମିଳିପାରେ। ବନ୍ଧୁ ଓ ସହକର୍ମୀଙ୍କ ସହଯୋଗ ମିଳିବ। ନିଜ ଭାବନାକୁ ଗୁରୁତ୍ୱ ଦେବା ସହ ଅନ୍ୟମାନଙ୍କ ମତକୁ ମଧ୍ୟ ସମ୍ମାନ ଦିଅନ୍ତୁ। ମୀନ- ମିଶ୍ରିତ ଫଳ ମିଳିପାରେ। କାର୍ଯ୍ୟକ୍ଷେତ୍ରରେ ନୂଆ ଦାୟିତ୍ୱ ମିଳିବାର ସମ୍ଭାବନା ରହିଛି। ଅର୍ଥ ସମ୍ବନ୍ଧୀୟ କାମରେ ଅଧିକ ଧ୍ୟାନ ଦିଅନ୍ତୁ। ପରିବାରରେ ଶାନ୍ତି ରଖିବା ପାଇଁ ଅନାବଶ୍ୟକ ଯୁକ୍ତିତର୍କରୁ ଦୂରେଇ ରୁହନ୍ତୁ। ଆଧ୍ୟାତ୍ମିକ କାର୍ଯ୍ୟରେ ମନ ଲାଗିବ। ନିଜ ସ୍ୱାସ୍ଥ୍ୟ ପ୍ରତି ଅବହେଳା କରନ୍ତୁ ନାହିଁ। ଜ୍ୟୋତିର୍ବିଦ୍ ଶ୍ରୀ ସିଦ୍ଧାର୍ଥ ଶେଖର ନାୟକ ଯୋଗାଯୋଗ – 8249826682 ]]> Thu, 22 Oct 2026 18:44:30 +0530 https://www.prameyanews7.com/prakash-raj-questions-peace-bond-for-release-of-cjp-leader-ashutosh-ranka-and-saurabh-das https://www.prameyanews7.com/prakash-raj-questions-peace-bond-for-release-of-cjp-leader-ashutosh-ranka-and-saurabh-das ନୂଆଦିଲ୍ଲୀ: ସିଜେପି ନେତା ଆଶୁତୋଷ ରାଙ୍କା ଓ ସୌରଭ ଦାସଙ୍କୁ ଛାଡିବା ପାଇଁ ପୁଲିସ ଆପଣାଇଥିବା ପ୍ରକ୍ରିୟାକୁ ନେଇ ପ୍ରଶ୍ନ ଉଠାଇଛନ୍ତି ଅଭିନେତା ପ୍ରକାଶ ରାଜ। ସେମାନଙ୍କୁ ଅଟକ ରଖାଯାଇଥିଲା। ତାଙ୍କୁ ଛାଡ଼ି ଦେବାକୁ ଏକ ପିସ୍ ବଣ୍ଡରେ ଦସ୍ତଖତ ନିଆଯାଇଛି। ଏହା କି ପ୍ରକାର ଆଇନଗତ ପ୍ରକ୍ରିୟା ଥିଲା ବୋଲି ସେ ପ୍ରଶ୍ନ କରିଛନ୍ତି। ପ୍ରକାଶ ରାଜ କହିଛନ୍ତି ଯେ ଶାନ୍ତିପୂର୍ଣ୍ଣ ଆନ୍ଦୋଳନ କରୁଥିବା ଯୁବବର୍ଗଙ୍କୁ ପିସ୍ ବଣ୍ଡରେ ଦସ୍ତଖତ କରାଇବା ମାନେ ସେମାନଙ୍କୁ ଆନ୍ଦୋଳନରୁ ବିରତ ରଖିବାକୁ ଏକପ୍ରକାର ଚାପ ପକାଯାଉଛି। ପୁଲିସ ସେମାନଙ୍କୁ ଅଟକ ରଖିଥିଲା। ସେମାନଙ୍କୁ ନିଶ୍ଚିତ ଛାଡ଼ିଥାନ୍ତା। ହେଲେ ପିସ୍ ବଣ୍ଡରେ ସାଇନ କରିବା ମାନେ କଣ ବୋଲି ସେ ପ୍ରଶ୍ନ କରିଛନ୍ତି।ଅଭିନେତା ଆହୁରି କହିଛନ୍ତି ଯୁବବର୍ଗ ଏସବୁ ଦେଖୁଛନ୍ତି। ଏପରି ଅଟକ ରଖିବା ଓ ସେମାନଙ୍କ ବିରୁଦ୍ଧରେ ହୋଇଥିବା ଅନ୍ୟାୟକୁ ସେମାନେ ଆଦୌ ବରଦାସ୍ତ କରିବେ ନାହିଁ। ଭିଡିଓରେ ମୁଖ୍ୟ ନିର୍ବାଚନ ଅଧିକାରୀ ଜ୍ଞାନେଶ କୁମାରଙ୍କ ଇସ୍ତଫା ସହ ଏସ୍ଆଇଆର୍କୁ ରଦ୍ଦ କରିବାକୁ ଦାବି କରିଛନ୍ତି ପ୍ରକାଶ ରାଜ। ଆଗାମୀ ଦିନରେ ଦେଶର ସବୁ ବର୍ଗରେ କୋଟି କୋଟି ଲୋକ ଏହା ବିରୁଦ୍ଧରେ ଆନ୍ଦୋନକୁ ଓହ୍ଲାଇବେ ବୋଲି ପ୍ରକାଶ ରାଜ ଚେତାବନୀ ଦେଇଛନ୍ତି।ପିସ୍ ବଣ୍ଡ ନେଇ ପ୍ରକାଶଙ୍କର ପ୍ରଶ୍ନ ଭିଡିଓରେ ପ୍ରକାଶ କହିଛନ୍ତି “ ତେବେ ସୌରଭ ଓ ଆଶୁତୋଷଙ୍କୁ ଛାଡ଼ି ଦିଆଗଲା। ସେମାନଙ୍କୁ ଛାଡ଼ିବ ବୋଲି ଯଦି ତୁମେ ଜାଣିଥିଲ ତେବେ କେଉଁ ଆଧାରରେ ତାଙ୍କୁ ଅଟକ ରଖାଯାଇଥିଲା ? ବଣ୍ଡ …? ତୁମେ ଜାଣିଛ ମୋ ନାଁ ହେଉଛି ଜେମ୍ସ ବଣ୍ଡ! ପିସ୍ ବଣ୍ଡ ନାଁରେ ଏ ନୂଆ ଜିନିଷଟା କ’ଣ? ଯୁବବର୍ଗ ତ ଶାନ୍ତିର ପ୍ରତିବାଦ କରୁଛନ୍ତି। ସେମାନଙ୍କୁ ଅଟକ ରଖାଯିବା ପରେ ଓ ଛାଡିବା ପୂର୍ବରୁ କାହିଁକି ଶାନ୍ତି ବଣ୍ଡରେ ଦସ୍ତଖତ କରିବାକୁ ପଡ଼ିଲା ? ଏସବୁ କଣ? ଆଶୁତୋଷ ସୌରଭ, ନେହା ବୋରା, ଦୀପକେ ସମସ୍ତଙ୍କୁ ଶାନ୍ତି ବଣ୍ଡରେ ଦସ୍ତଖତ କରିବାକୁ ପଡ଼ୁଛି। ଏହାର ମାନେ କଣ ଏହା ଯେ ଯଦି ସେମାନେ ପୁନର୍ବାର ପ୍ରତିବାଦ କରିନ୍ତି, ତେବେ ଆପଣ ସେମାନଙ୍କ ବିରୁଦ୍ଧରେ ମାମଲା ରୁଜୁ କରିପାରିବେ? ତେବେ ଏହି ପ୍ରକ୍ରିୟା ନିଜେ ହିଁ ଏକ ଦଣ୍ଡ ହେବ।” Fraaand .. #justasking https://t.co/6hJVRx8RCF — Prakash Raj (@prakashraaj) October 22, 2026 ସେହିପରି ମାମଲାର ଶୁଣାଣି ବେଳେ ବିଚାରପତି ଆନ୍ଦୋଳନକାରୀଙ୍କୁ ସେମାନଙ୍କ ବୟସ ପଚାରିବାକୁ ନେଇ ମଧ୍ୟ ପ୍ରକାଶ ରାଜ ଥଟା କରିଛନ୍ତି। ଏନେଇ ସେ କହିଛନ୍ତି “ବିଚାରପତି ପଚାରୁଛନ୍ତି ତୁମ ବୟସ କେତେ? ଆପଣଙ୍କର ବୟସ କେତେ ? ଆନ୍ଦୋଳନକାରୀଙ୍କୁ ପିଲାଙ୍କ ଭଳି କାହିଁକି ବ୍ୟବହାର କରୁଛନ୍ତି ? ଟିକେ ହୋସକୁ ଆସନ୍ତୁ। ସେମାନେ ପୁଣିଥରେ ଏକତ୍ରିତ ହେବେ। ଆପଣମାନେ ତାଙ୍କୁ ଅଟକ ରଖିଥିବାରୁ ସେମାନେ ଭୋଗିଥିବା ସମସ୍ୟା ଓ ଅନ୍ୟାୟକୁ ଯୁବବର୍ଗ କେବେ ବି ଭୁଲିବନି।” ଆନ୍ଦୋଳନରେ ସାମିଲ ହେବେ କୋଟି କୋଟି ଆନ୍ଦୋଳନକୁ ଆହୁରି ବ୍ୟାପକ ହେବ ବୋଲି ଚେତାବନୀ ଦେଇ ପ୍ରକାଶ ରାଜ କହିଛନ୍ତି ଯେ ଆଗକୁ ଏହି ଆନ୍ଦୋଳନ ଲକ୍ଷ କିମ୍ବା ହଜାରରେ ରହିବ ନାହିଁ। ବରଂ କୋଟି କୋଟି ଲୋକ ଆପଣଙ୍କ ଭୋଟ ଚୋରି ପାଇଁ ଆନ୍ଦୋଳନକୁ ଓହ୍ଲାଇବେ। ରାହୁଲ ଗାନ୍ଧୀଙ୍କ ନେତୃତ୍ୱରେ ବିରୋଧୀ ଦଳଗୁଡ଼ିକ ମଧ୍ୟ ଏକତ୍ରିତ ହୋଇ ଆନ୍ଦୋଳନ କରିବେ। ସାରା ଦେଶରେ ଆନ୍ଦୋଳନ ହେବ। ଆଜି କିମ୍ବା ପରଦିନ କେରଳ, ତାମିଲନାଡୁ ଓ କର୍ଣ୍ଣାଟକ ସବୁଆଡ଼େ ଆନ୍ଦୋଳନ ତେଜିବ। ବହୁତ ହେଇଗଲା ଭାଇ.. ଏବେ ଦେଖ। ସମସ୍ତେ କହୁଛନ୍ତି ଫ୍ରାନ୍ସ ଓ ବାଂଲାଦେଶ ଭଳି ଏଠି ବି କ୍ଷମତା ପରିବର୍ତ୍ତନ ହେବ, ସେମିତି କିଛି ନାହିଁ। ବିନା କାରଣରେ ସମସ୍ୟା ସୃଷ୍ଟି କରିବାକୁ ଚେଷ୍ଟା କର ନାହିଁ। ଏହାକୁ ଆହୁରି ଖରାପ କରିବାକୁ ଚେଷ୍ଟା କରନି ବୋଲି ପ୍ରକାଶ ଚେତାବନୀ ଦେଇଛନ୍ତି। ଏବଂ ବିଚାରପତିଙ୍କ ବୟସ ପଚାରିବାକୁ ନେଇ କଟାକ୍ଷ କରି ପ୍ରକାଶ କହିଛନ୍ତି , ଆପଣଙ୍କର ବୟସ କେତେ ? ବୟସ ଅନୁସାରେ କାମ କରନ୍ତୁ ଓ ଟିକେ ପରିପକ୍ୱତା ଦେଖାନ୍ତୁ। କାରଣ ଖେଳ ଆରମ୍ଭ ହୋଇସାରିଛି। ]]> Thu, 22 Oct 2026 18:32:47 +0530 https://www.prameyanews7.com/meteorologists-say-which-coastal-areas-are-hit-by-cyclones-in-which-months https://www.prameyanews7.com/meteorologists-say-which-coastal-areas-are-hit-by-cyclones-in-which-months ଭୁବନେଶ୍ବର ୨୨।୧୦: ବଙ୍ଗୋପସାଗରରେ ସୃଷ୍ଟି ହେଉଥିବା ବାତ୍ୟା କେତେବେଳେ ଓଡ଼ିଶା ମୁହାଁ ହୁଏ ତ ଆଉ କେତେବେଳେ ପଶ୍ଚିମବଙ୍ଗ ଆଡ଼କୁ ମୁହାଁଏ । ଏହା ଆଉ କେତେବେଳେ ଆନ୍ଧ୍ରପ୍ରଦେଶ ଓ ତାମିଲନାଡୁ ଉପକୂଳରେ ସ୍ଥଳଭାଗ ଛୁଏଁ । କିନ୍ତୁ ଆପଣ ଜାଣନ୍ତି କି ବାତ୍ୟାର ଏହି ଗତିପଥ ସହିତ ପ୍ରଶାନ୍ତ ମହାସାଗରରେ ଘଟୁଥିବା ଦୁଇଟି ପ୍ରମୁଖ ଜଳବାୟୁ ଘଟଣା ଯଥା ଲାନିନା ଓ ଏଲ୍ ନିନୋର ସମ୍ପର୍କ ରହିଛି । ତେବେ ଲାନିନା ଏବଂ ଏଲନିନୋ ବର୍ଷ ଗୁଡିକରେ ସାଧାରଣତଃ କେଉଁ ଉପକୂଳ ମୁହାଁ ହୁଏ ବଙ୍ଗୋପସାଗରରେ ସୃଷ୍ଟି ବାତ୍ୟା, ଏଭଳି ପ୍ରଶ୍ନର ଉତ୍ତର ରଖିଛ ଆଇଏମ୍ଡି ପାଣିପାଗ ବିଜ୍ଞାନୀ ଉମାଶଙ୍କର ଦାସ । ୧୯୮୫ ରୁ ୨୦୧୨ ମଧ୍ୟରେ ମୌସୁମୀ ପରବର୍ତ୍ତୀ ଋତୁରେ ବଙ୍ଗୋପସାଗରରେ ସୃଷ୍ଟି ବାତ୍ୟା ଗୁଡିକର ଗତିପଥକୁ ବିଶ୍ଳେଷଣ କଲେ ଜଣାପଡେ ଲାନିନା ବର୍ଷ ଗୁଡିକରେ ଅକ୍ଟୋବର ମାସରେ ସୃଷ୍ଟି ବାତ୍ୟା ସାଧାରଣତଃ ଓଡ଼ିଶା ଏବଂ ପଶ୍ଚିମବଙ୍ଗ ମୁହାଁ ହେଉଥିବା ବେଳେ ଏଲନିନୋ ବର୍ଷ ଗୁଡିକରେ ଏହା ଅକ୍ଟୋବର ମାସରେ ସାଧାରଣତଃ ଆନ୍ଧ୍ରପ୍ରଦେଶ କିମ୍ଵା ତାମିଲନାଡୁ ମୁହାଁ ହୋଇଥାଏ । Also Read:- ବଙ୍ଗୋପସାଗରରେ ଭୀଷଣ ବାତ୍ୟା ଆଶଙ୍କା, କେଉଁଠି ହେବ ଲ୍ୟାଣ୍ଡଫଲ୍ ? ଓଡ଼ିଶା ପାଇଁ ବଢ଼ିଲା ଚିନ୍ତା କିନ୍ତୁ ନଭେମ୍ବର ମାସରେ ଲାନିନା ବର୍ଷ ଗୁଡିକରେ ଏହା ପୂର୍ବ ଉପକୂଳର କେଉଁ ବି ଅଞ୍ଚଳ ମୁହାଁ ହୋଇଥାଏ l ଡ଼ିସେମ୍ବର ମାସରେ କେବେବି ଓଡ଼ିଶା ମୁହାଁ ହୁଏନି ବାତ୍ୟା । ଆପଣ ଜାଣିଛନ୍ତିକି? ଲାନିନା ଏବଂ ଏଲନିନୋ ବର୍ଷ ଗୁଡିକରେ ସାଧାରଣତଃ କେଉଁ ଉପକୂଳ ମୁହାଁ ହୁଏ ବଙ୍ଗୋପସାଗରରେ ସୃଷ୍ଟି ବାତ୍ୟା? ୧୯୮୫ ରୁ ୨୦୧୨ ମଧ୍ୟରେ ମୌସୁମୀ ପରବର୍ତ୍ତୀ ଋତୁରେ ବଙ୍ଗୋପସାଗର ରେ ସୃଷ୍ଟି ବାତ୍ୟା ଗୁଡିକର ଗତିପଥ କୁ ବିଶ୍ଳେଷଣ କଲେ ଜଣାପଡେ ଲାନିନା ବର୍ଷ ଗୁଡିକରେ ଅକ୍ଟୋବର ମାସରେ ସୃଷ୍ଟି ବାତ୍ୟା ସାଧାରଣତଃ ଓଡିଶା https://t.co/GdbCQak7wD — usd (@usd0705) October 22, 2026 Watch Video: ]]> Thu, 22 Oct 2026 18:16:35 +0530 https://www.prameyanews7.com/raipurs-viral-mata-durga-idol-devotees-get-emotional https://www.prameyanews7.com/raipurs-viral-mata-durga-idol-devotees-get-emotional ନୂଆଦିଲ୍ଲୀ: ମେଲାଣି ନେଉଛନ୍ତି ଜଗତଜନନୀ ମା’ ଦୁର୍ଗା । ଶ୍ରଦ୍ଧାଳୁଙ୍କ ମନରେ ମା’ଙ୍କୁ ବିଦାୟ ​‌ ଦେବାର ଦୁଃଖ । ମା’ ଧରାପୃଷ୍ଠରେ ଅବତରଣ କରିବା ପରଠାରୁ ଖୁବ ଉତ୍ସବମୁଖର ହୋଇଉଠିଥିଲା ପରିବେଶ । କିନ୍ତୁ ଏବେ ବିଦାୟ ଦେବାର ବେଳ । ପୁଣି ଅପେକ୍ଷା ଆସନ୍ତା ବର୍ଷକୁ । ଏହାରି ମଧ୍ୟରେ ଛତିଶଗଡ଼ ରାୟପୁରରୁ ଏକ ଭାବବିହ୍ବଳ ଚିତ୍ର ସାମ୍ନାକୁ ଆସିଛି। ମାଙ୍କୁ ମେଲାଣି ଦେବା ସମୟରେ କେବଳ ଶ୍ରଦ୍ଧାଳୁ ନୁହେଁ, ଭାବବିହ୍ବଳ ହୋଇପଡ଼ିଛନ୍ତି ମାଙ୍କ ପ୍ରତିମାକୁ ଜୀବନ୍ତ ରୂପ ଦେଇଥିବା ଶିଳ୍ପୀ । ଚଳିତ ବର୍ଷ ମାଙ୍କର ଏହି ପ୍ରତିମା ଭାରତ ସମେତ ସାରା ବିଶ୍ବରେ ଏକ ନମ୍ବର ଥିଲା ବୋଲି କୁହାଯାଉଛି । ତାହା କେବଳ ଏକ ପ୍ରତିମୂର୍ତ୍ତୀ ନଥିଲା, ସତେ ଯେମିତି ମା’ ନିଜେ ଧରାପୃଷ୍ଠକୁ ଆସିଥିବା ପରି ମନେ ହେଉଥିଲା । କିନ୍ତୁ ମାଙ୍କ ପ୍ରତିମାକୁ ପାଣିରେ ବିସର୍ଜନ କରିବା ବେଳେ, ଭିଜି ଯାଇଥିଲା ସମସ୍ତଙ୍କ ଆଖି ।   କିଛି ଛବି କେବଳ ଚକ୍ଷୁକୁ ଆକର୍ଷିତ କରିନଥାଏ, ବରଂ ମନରେ ଗଭୀର ଆଧ୍ୟାତ୍ମିକ ଭାବନା ସୃଷ୍ଟି କରେ । ଛତିଶଗଡ଼ର ରାୟପୁର ସ୍ଥିତ ଶ୍ୟାମନଗରରେ ପୂଜା ପାଇଥିବା ମା’ ଦୁର୍ଗାଙ୍କ ଏକ ପ୍ରତିମା ସୋସିଆଲ ମିଡିଆରେ ବେଶ୍ ଭାଇରାଲ ହୋଇଛି। ପ୍ରତିମାର ଏତେ ଜୀବନ୍ତ ଓ ମନମୁଗ୍ଧକର ରୂପ ଦେଖି ଶ୍ରଦ୍ଧାଳୁମାନେ 'ଭାଇରାଲ ମାତା'  ବୋଲି ନାମିତ କରିଛନ୍ତି। ବିସର୍ଜନ ସମୟରେ ମା’ଙ୍କୁ ବିଦାୟ ଦେବା ଶ୍ରଦ୍ଧାଳୁଙ୍କ ପାଇଁ ଅତ୍ୟନ୍ତ ଭାବବିହ୍ୱଳ ଓ କଷ୍ଟକର ହୋଇପଡ଼ିଥିଲା।   ପ୍ରତିମାର କୋମଳ ଓ ଜୀବନ୍ତ ଆଖି, ସୁନ୍ଦର ଗଢ଼ଣ, କାନ ଓ ଗଳାର ସୂକ୍ଷ୍ମ ସୁନା ଅଳଙ୍କାର ଏବଂ ନାଲି ରଙ୍ଗର ଶାଢ଼ୀ ମା’ଙ୍କ ଆଲୌକିକ ଉପସ୍ଥିତିକୁ ଜୀବନ୍ତ କରି ତୋଳିଥିଲା। ସଜ ଗୋଲାପ ଫୁଲର ମାଳା, ଭବ୍ୟ ସଜବାଜ ଏବଂ ପାଖରେ ଥିବା ସିଂହ ମା’ଙ୍କ ଅଲୌକିକ ଶୋଭାକୁ ବୃଦ୍ଧି କରିଥିଲା। ପ୍ରତିମାଟିକୁ ଦେଖିବା ପରେ ସୋସିଆଲ ମିଡିଆରେ ଅନେକ ଶ୍ରଦ୍ଧାଳୁ ନିଜର ଭାବନା ପ୍ରକାଶ କରିଛନ୍ତି ।  ସର୍ଜନ ବେଳେ ଶ୍ରଦ୍ଧାଳୁମାନେ ଆଖିରୁ ଲୁହ ରୋକି ପାରିନଥିଲେ। ଏହି ବିଶେଷ ପ୍ରତିମା ଗଢ଼ିଥିଲେ ଛତିଶଗଡ଼ର ଦୁଇ ଶିଳ୍ପୀ ଭାଇ ଲକ୍ଷ୍ମୀନାରାୟଣ ଚକ୍ରଧାରୀ ଏବଂ ପରମେଶ୍ୱର ଚକ୍ରଧାରୀ । ସେ ଖୈରାଗଡ଼ର 'ଇନ୍ଦିରା କଳା ସଙ୍ଗୀତ ବିଶ୍ୱବିଦ୍ୟାଳୟ'ରୁ ଡିଗ୍ରୀ ହାସଲ କରିଛନ୍ତି।  ତେବେ ମା ଦୁର୍ଗାଙ୍କ ଏହି ପ୍ରତିମା ଗଢ଼ିବା ପାଇଁ ବୋଧହୁଏ ଦୁଇ ଭାଇଙ୍କର ପଥ ପ୍ରଦର୍ଶକ ସାଜିଥିଲେ ନିଜେ ମା । ଅତି ସୁନ୍ଦର, ଚମତ୍କାର ଏବଂ ଆକର୍ଷଣୀୟ ମା’ଙ୍କ ଏହି ପ୍ରତିମା । କିନ୍ତୁ ମା ଦୁର୍ଗା ବିଦାୟ ନେଇଛନ୍ତି ।    ]]> Thu, 22 Oct 2026 18:11:53 +0530 https://www.prameyanews7.com/first-human-infection-of-shamonda-virus-reported-in-france-patient-dies https://www.prameyanews7.com/first-human-infection-of-shamonda-virus-reported-in-france-patient-dies ନୂଆଦିଲ୍ଲୀ: ବିଶ୍ୱ ଆଉ ଏକ ଭାରସର ଆତଙ୍କ ଦେଖିବାକୁ ଯାଉଛି କି ? ଏ ପ୍ରଶ୍ନ ଏଥିପାଇଁ କାରଣ ଫ୍ରାନ୍ସରେ ପ୍ରଥମ ଥର ମଣିଷଠାରେ ସାମୋଣ୍ଡା ନାମକ ଭାଇରସ୍ ଚିହ୍ନଟ କରାଯାଇଛି । ଏହି ଭାଇରସ୍ ମୁଖ୍ୟତଃ ପଶୁଙ୍କ ଠାରେ ଦେଖାଯାଇଥାଏ । ମେଡିକାଲ୍ କର୍ତ୍ତୃପକ୍ଷଙ୍କ କହିବା ଅନୁଯାୟୀ, ରୋଗୀ ଜଣକ ସାମୋଣ୍ଡା ଭୂତାଣୁରେ ସଂକ୍ରମିତ ହେବା ପରେ ତାଙ୍କ ଶରୀରର ରୋଗ ପ୍ରତିରୋଧକ ଶକ୍ତି ହ୍ରାସ ପାଇଥିଲା । ଚିକିତ୍ସାଧୀନ ଅବସ୍ଥାରେ ଅକ୍ଟୋବର ଆରମ୍ଭରେ ବ୍ୟକ୍ତିଙ୍କ ମୃତ୍ୟୁ ହୋଇଥିଲା । ଫ୍ରାନ୍ସ ସ୍ୱାସ୍ଥ୍ୟ ବିଭାଗ ଅନୁସାରେ, ସାଧାରଣ ଲୋକଙ୍କ ପାଇଁ ବର୍ତ୍ତମାନ କୌଣସି ପ୍ରକାର ସ୍ୱାସ୍ଥ୍ୟ ସଂକଟ ନାହିଁ । ବର୍ତ୍ତମାନ ଏହି ମାମଲାର ଅଧିକ ତଦନ୍ତ ଚାଲିଛି । ସେପଟେ ଫ୍ରାନ୍ସର କୃଷି ମନ୍ତ୍ରଣାଳୟ ଏହାକୁ ଏକ ବ୍ୟକ୍ତିକ୍ରମ ମାମଲା ବୋଲି କହିଛି । ମୃତ ବ୍ୟକ୍ତି ଜଣକ ଗୁରୁତର ଇମ୍ୟୁନୋ କମ୍ପ୍ରୋସିସ୍ ରୋଗରେ ପୀଡ଼ିତ ଥିଲେ । କିନ୍ତୁ ଚିନ୍ତାର ବିଷୟ ଏହା ଯେ, ଏହି ଭାଇରସ୍ ମଣିଷକୁ ସଂକ୍ରମିତ କରେ ନାହିଁ ବୋଲି ସ୍ୱାସ୍ଥ୍ୟ ବିଶେଷଜ୍ଞ ଧାରଣା ଥିଲା । ବର୍ତ୍ତମାନ ସୁଦ୍ଧା ମିଳିଥିବା ତଦନ୍ତ ରିପୋର୍ଟକୁ ନେଇ ମନ୍ତ୍ରଣାଳୟ କହିଛି, ମୃତ୍ୟୁ ପୂର୍ବରୁ ରୋଗୀଙ୍କ ମସ୍ତିଷ୍କ ସାମୋଣ୍ଡା ଭାଇରସରେ ସଂକ୍ରମିତ ଥିବାର ସମ୍ଭାବନା ବହୁ ଅଧିକ ରହିଛି । ସୂଚନା ଅନୁସାରେ ଭାଇରସ ସଂକ୍ରମଣରେ ମୃତ ବ୍ୟକ୍ତି ଜଣକ ପୂର୍ବ ଫ୍ରାନ୍ସରେ ଏକ କୀଟ କାମୁଡିବା ପରେ ସଂକ୍ରମିତ ହୋଇଥିଲେ । ଏହି ଭାଇରସ୍ ବସନ୍ତ ଏବଂ ଗ୍ରୀଷ୍ମ ଋତୁ ସମୟରେ ପଶୁମାନଙ୍କ ମଧ୍ୟରେ ଏହି ଭାଇରସ୍ ବ୍ୟାପିଥାଏ । ଏହି ଭାଇରସ୍ ମୁଖ୍ୟ ବାହାକ ହେଉଛି କୁଲିକୋଇଡ୍ସମିଜଜ୍ ନାମକ ଏକ କୀଟ । ଫ୍ରାନ୍ସର ସ୍ୱାସ୍ଥ୍ୟ ବିଶେଷଜ୍ଞମାନେ ସଂକ୍ରମଣର ପରିସ୍ଥିତି ଉପରେ ଅଧିକ ଗବେଷଣା କରୁଛନ୍ତି । ନୈଦାନିକ, ପରୀକ୍ଷାଗାର ଏବଂ ମହାମାରୀ ଦିଗରେ ଏହାର ତଦନ୍ତ ଚାଲିଛି । ବିଶ୍ୱ ସ୍ୱାସ୍ଥ୍ୟ ସଂଗଠନ, ୟୁରୋପୀୟ ରୋଗ ନିବାରଣ ଏବଂ ନିୟନ୍ତ୍ରଣ କେନ୍ଦ୍ର ସହ ମିଶି ଫ୍ରାନ୍ସ ସ୍ୱାସ୍ଥ୍ୟ ବିଶେଷଜ୍ଞ ଏହାର ତଦନ୍ତ କରୁଛନ୍ତି । ସାମୋଣ୍ଡା ଭାଇରସ୍ କ’ଣ ? ସାମୋଣ୍ଡା ଭାଇରସ୍ ହେଉଛି ଅର୍ଥୋବୁନିଆଭାଇରସ୍ ଗୋଷ୍ଠୀର ଭାଇରସ୍ । ଏହା ମୁଖ୍ୟତଃ ପଶୁପାଳନ ସହିତ ଜଡିତ । ବିଶେଷକରି ଏହାର ବାହାର କୀଟ ଗୋରୁମାନଙ୍କୁ କାମୁଡ଼ିବା ଦ୍ୱାରା ସଂକ୍ରମିତ ହୁଏ । ଏହି ଭାଇରସ୍ ପ୍ରଥମେ ୧୯୬୦ ଦଶକର ମଧ୍ୟଭାଗରେ ନାଇଜେରିଆରେ ଚିହ୍ନଟ ହୋଇଥିଲା । ସେବେଠାରୁ, ଏହା ଆଫ୍ରିକାର କିଛି ଅଂଶ ଏବଂ ଜାପାନରେ ପଶୁମାନଙ୍କଠାରେ ଚିହ୍ନଟ ହୋଇଛି । ଗୋରୁମାନଙ୍କୁ ସଂକ୍ରମଣ ଜ୍ୱର, ଡାଇରିଆ ହୋଇଥାଏ । ଏହି ଭାଇରସ୍ ଦ୍ୱାରା ସଂକ୍ରମିତ ଗାଈଙ୍କ ଠାରେ କ୍ଷୀର ଉତ୍ପାଦନ ହ୍ରାସ ପାଇଥାଏ । ]]> Thu, 22 Oct 2026 17:52:01 +0530 https://www.prameyanews7.com/bombay-hc-states-conversion-just-for-marriage-cannot-be-permitted https://www.prameyanews7.com/bombay-hc-states-conversion-just-for-marriage-cannot-be-permitted ମୁମ୍ବାଇ: ବିବାହ ଲାଗି ଧର୍ମ ପରିବର୍ତ୍ତନ ପ୍ରସଙ୍ଗକୁ ନେଇ ବମ୍ବେ ହାଇକୋର୍ଟ ଗୁରୁତ୍ବପୂର୍ଣ୍ଣ ଟିପ୍ପଣୀ ଦେଇଛନ୍ତି । କେବଳ ବିବାହ ଉଦ୍ଦେଶ୍ୟରେ ଧର୍ମ ପରିବର୍ତ୍ତନକୁ ଅନୁମତି ଦିଆଯାଇପାରିବ ନାହିଁ ବୋଲି ବମ୍ବେ ହାଇକୋର୍ଟ କହିଛନ୍ତି । ତେବେ କୋର୍ଟ, ନାଗରିକଙ୍କ ସ୍ବେଚ୍ଛାକୃତ ଧର୍ମ ପରିବର୍ତ୍ତନ ସ୍ବାଧୀନତାକୁ ସ୍ବୀକାର କରିଛନ୍ତି ।  ମହାରାଷ୍ଟ୍ର ସରକାରଙ୍କ ନୂଆ ଧର୍ମାନ୍ତରୀକରଣ ବିରୋଧୀ ଆଇନର ସାମ୍ବିଧାନିକ ବୈଧତାକୁ ନେଇ ଦାୟର ଆବେଦନର ଶୁଣାଣି କରି କୋର୍ଟ ‘ଧର୍ମ ପରିବର୍ତ୍ତନ’ ଉପରେ କହିଛନ୍ତି । ମହାରାଷ୍ଟ୍ରର ଏହି ନୂଆ ଆଇନ୍‌ ଅନୁଯାୟୀ, ବଳପୂର୍ବକ, ପ୍ରଲୋଭନ, ପ୍ରତାରଣା କିମ୍ବା କେବଳ ବିବାହ ଉଦ୍ଦେଶ୍ୟରେ କରାଯାଉଥିବା ଧର୍ମାନ୍ତରୀକରଣକୁ ଅପରାଧ ଭାବରେ ଗ୍ରହଣ କରାଯାଇଛି।  ଏହି ଆଇନର ଧାରା ୬ ଅନୁଯାୟୀ, ଧର୍ମ ପରିବର୍ତ୍ତନ କରିବାକୁ ଚାହୁଁଥିବା ବ୍ୟକ୍ତିଙ୍କୁ  ୬୦ ଦିନ ପୂର୍ବରୁ ପ୍ରଶାସନକୁ ନୋଟିସ ଦେବା ବାଧ୍ୟତାମୂଳକ ।   ଠାଣେର ଜଣେ ୭୦ ବର୍ଷୀୟ ଇସଲାମିକ ପ୍ରଚାରକ ଏହି ଆଇନ ବିରୋଧରେ ହାଇକୋର୍ଟରେ ପିଟିସନ ଦାୟର କରିଥିଲେ। ସମ୍ବିଧାନର ଧାରା ୨୫ ଅନୁଯାୟୀ ମିଳିଥିବା ଧର୍ମ ପ୍ରଚାରର ସ୍ୱାଧୀନତାକୁ ଏହି ଆଇନ ସଙ୍କୁଚିତ କରୁଛି ବୋଲି ଆବେଦନକାରୀ ଦର୍ଶାଇଥିଲେ।  ମୁଖ୍ୟ ବିଚାରପତି ମାହେଶ ସି. ତ୍ରିପାଠୀ ଏବଂ ବିଚାରପତି ଅଦ୍ୱୈତ ସେଠନାଙ୍କୁ ନେଇ ଗଠିତ ଖଣ୍ଡପୀଠ କହିଛନ୍ତି ଯେ, ସମାଜର ଧର୍ମନିରପେକ୍ଷତା ରକ୍ଷା କରିବା ଏବଂ ବଳପୂର୍ବକ ଧର୍ମାନ୍ତରୀକରଣକୁ ରୋକିବା ଏହି ଆଇନର ମୂଳ ଉଦ୍ଦେଶ୍ୟ। ସରକାର କେବଳ ବଳପୂର୍ବକ କିମ୍ବା ଚାପ ପକାଇ କରାଯାଉଥିବା ଧର୍ମାନ୍ତରୀକରଣକୁ ନେଇ ଚିନ୍ତିତ। ପ୍ରତ୍ୟେକ ବ୍ୟକ୍ତିଙ୍କର ଧର୍ମ ପରିବର୍ତ୍ତନ କରିବାର ସ୍ୱାଧୀନତା ରହିଛି । କିନ୍ତୁ କେବଳ ବିବାହ କରିବା ଉଦ୍ଦେଶ୍ୟରେ ଧର୍ମ ପରିବର୍ତ୍ତନକୁ ଅନୁମତି ଦିଆଯାଇପାରିବ ନାହିଁ। ସେପଟେ ଆବେଦନକାରୀଙ୍କ ଆବେଦନ ପ୍ରମାଣ ଉପରେ ଆଧାରିତ ନୁହେଁ ବୋଲି କୋର୍ଟ କହିଛନ୍ତି । ପରେ ନିଜର ଆବେଦନ ପ୍ରତ୍ୟାହାର କରିନେଇଛନ୍ତି ଆବେଦନକାରୀ । ]]> Thu, 22 Oct 2026 17:40:45 +0530 https://www.prameyanews7.com/houthis-say-saudi-arabia-targeted-yacht-with-14-indians-in-red-sea https://www.prameyanews7.com/houthis-say-saudi-arabia-targeted-yacht-with-14-indians-in-red-sea ନୂଆଦିଲ୍ଲୀ: ଭାରତୀୟ ନାଗରିକ ଥିବା ଜାହାଜ ଉପରେ ସାଉଦି ଆରବ ଆକ୍ରମଣ କରିଛି। ୟେମେନର ହୁତି ବିଦ୍ରୋହୀ ସଂଗଠନ ଏଭଳି ଅଭିଯୋଗ ଆଣିଛି। ଏହି ଜାହାଜରେ ୧୪ ଭାରତୀୟ ନାଗରିକ ଥିଲେ। ସେମାନଙ୍କ ମଧ୍ୟରୁ କିଛି ଲୋକଙ୍କୁ ହୁତିମାନେ ଉଦ୍ଧାର କରିଛନ୍ତି ବୋଲି ହୁତି ବିଦ୍ରୋହୀ ସଂଗଠନର ପ୍ରବକ୍ତା ବ୍ରିଗେଡିୟର ୟାହ୍ୟା ସାରୀ କହିଛନ୍ତି। ସାରୀଙ୍କ କହିବା ଅନୁସାରେ, ଲୋହିତ ସାଗରରେ ଜୁକାର ଆଇସଲ୍ୟାଣ୍ଡ ନିକଟରେ ଭାରତୀୟ ନାଗରିକ ଥିବା ଏହି ବୋଟ୍ ଉପରେ ସାଉଦି ସେନା ଆକ୍ରମଣ କରିଥିଲା। ୟେମେନ ସେନା ଘଟଣା ସ୍ଥଳରେ ପହଞ୍ଚି ଭାରତୀୟଙ୍କୁ ଉଦ୍ଧାର କରିଛି ବୋଲି ହୁତି ପ୍ରବକ୍ତା କହିଛନ୍ତି। Also Read- ଭାରତ ସହ ସମ୍ପର୍କର ମୂଲ୍ୟ ଦେଇ ପାକିସ୍ତାନ ସହ ଘନିଷ୍ଠତା ବଢ଼ାଇ ହେବନି: ଆମେରିକା ବୈଦେଶିକ ସଚିବ ଏହା ପୂର୍ବରୁ ବୁଧବାର ସାଉଦି ଆରବର ଦମାମରେ ଥିବା କିଙ୍ଗ୍ସ ଫହାଦ ଇଣ୍ଟରନ୍ୟାସନାଲ ଏୟାରପୋର୍ଟରେ ହୁତିମାନେ ଆକ୍ରମଣ କରିଥିଲେ। ଏଥିରେ ୨ ଜଣ ଭାରତୀୟଙ୍କ ମୃତ୍ୟୁ ଘଟିଥଲା। ଏନେଇ ସାଉଦି ସରକାର ସୂଚନା ଦେଇଥିଲେ। ତେଣୁ ଏବେ ହୁତିମାନେ ମଧ୍ୟ ସାଉଦି ଆରବ ଉପରେ ଭାରତୀୟ ନାଗରିକଙ୍କ ହତ୍ୟା ନେଇ ଅଭିଯୋଗ ଆଣିଛନ୍ତି। ଅନ୍ତର୍ଜାତୀୟ ବାଣିଜ୍ୟ ପଥ ରୋକୁଛି ସାଉଦି ! ଖାଲି ଭାରତୀୟଙ୍କ ହତ୍ୟା ନୁହେଁ ଲୋହିତ ସାଗରରେ ଷ୍ଟ୍ରେଟ୍ ଅଫ୍ ହରମୁଜ ଦଳପଥକୁ ସାଉଦି ଅବରୋଧ କରୁଛି ବୋଲି ହୁତି ଅଭିଯୋଗ କରିଛି। ପ୍ରବକ୍ତା ସାରୀ ଏକ୍ସରେ ପୋଷ୍ଟ କରି ଲେଖିଛନ୍ତି “ ସାଉଦି ଶତ୍ରୁ ଦ୍ୱାରା ଏହାକୁ ଆକ୍ରମଣ କରିବା ଭଳି ବେପରୁଆ କାରନାମା ଲୋହିତ ସାଗରରେ ଅନ୍ତର୍ଜାତୀୟ ନୌବାଣିଜ୍ୟକୁ ପ୍ରଭାବିତ କରୁଛି। ତେଣୁ ଅନ୍ତର୍ଜାତୀୟ ସ୍ତରରେ ସାଉଦି ଶତ୍ରୁର ଏଭଳି ବେପରୁଆ କାର୍ଯ୍ୟକୁ ରୋକାଯିବ ଦରକାର।” ରେଡ୍‌ ସିରେ ଏଭଳି ଆକ୍ରମଣ ଅନ୍ତର୍ଜାତୀୟ ନୌବାଣିଜ୍ୟକୁ ପ୍ରଭାବିତ କରୁଛି। ତେଣୁ ଅନ୍ତର୍ଜାତୀୟ ସମୁଦାୟ ଏହାକୁ ବିରୋଧ କରିବା ସହ ସାଉଦିକୁ ରୋକିବା ଦରକାର ବୋଲି ହୁତି ଆହ୍ୱାନ ଦେଇଛି। ତେବେ ୧୪ ଭାରତୀୟ ନାଗରିକ ଥିବା ନୌକା ଉପରେ ସାଉଦି ଆକ୍ରମଣ ଅଭିଯୋଗ ଏପର୍ଯ୍ୟନ୍ତ ସ୍ପଷ୍ଟ ହୋଇ ନାହିଁ। ତେଣୁ ଏହି ଅଭିଯୋଗ ଉପରେ ଭାରତ ସରକାରଙ୍କ ପକ୍ଷରୁ ମଧ୍ୟ କୌଣସି ପ୍ରତିକ୍ରିୟା ଆସି ନାହିଁ। ]]> Thu, 22 Oct 2026 17:38:56 +0530 https://www.prameyanews7.com/bodies-of-an-woman-and-a-man-recovered-from-forest https://www.prameyanews7.com/bodies-of-an-woman-and-a-man-recovered-from-forest କଳାହାଣ୍ଡି: ନିଖୋଜ ଥିଲେ ପ୍ରେମୀ ଯୁଗଳ । ହେଳେ ପାଞ୍ଚ ଦିନ ପରେ ଜଙ୍ଗଲରୁ ମିଳିଲା ଉଭୟଙ୍କ ଝୁଲନ୍ତା ମୃତଦେହ । କିନ୍ତୁ ଏହା ଆତ୍ମହତ୍ୟା ନା ହତ୍ୟା ? ବଢ଼ିଲା ସସପେନ୍ସ । କାରଣ ଏହି ପ୍ରେମୀ ଯୁଗଳଙ୍କ ଦୁଇ ହାତ ଶରୀରର ପଛପଟେ ବନ୍ଧା ହୋଇ ରହିଥିବା ବେଳେ, ଲାଗିଛି ରକ୍ତ ଛିଟା । ଧର୍ମଗଡ଼ ପୋଲିସ ମୃତଦେହ ଜବତ କରି ଘଟଣାର ତଦନ୍ତ ଆରମ୍ଭ କରିଛି । ସୂଚନା ଅନୁସାରେ, କୋକସରା ଥାନା ଅନ୍ତର୍ଗତ ଟେଣ୍ଡାପାଲି ଗାଁର ଅଜିତ କୁମାର ନାଏକ ଏବଂ ଧର୍ମଗଡ଼ ସହର କେନ୍ଦୁମୁଡ଼ିପଡ଼ାର ପ୍ରିୟଦର୍ଶିନୀ ନାଏକ ପରସ୍ପରକୁ ଭଲ ପାଉଥିଲେ । କିନ୍ତୁ ଉଭୟ ଗତ ପାଞ୍ଚ ଦିନ ହେବ ନିଖୋଜ ଥିଲେ । ଏନେଇ କୋକସରା ଓ ଧର୍ମଗଡ଼ ଥାନାରେ ନିଖୋଜ ମାମଲା ହୋଇଥିଲା l Also Read: ଗଣଦୁଷ୍କର୍ମ ପରେ ପୋଡ଼ି ମାରିଦେଲେ ! ବିଲରୁ ମିଳିଲା ନିଖୋଜ ନାବାଳିକାଙ୍କ ମୃତଦେହ ତେବେ ଗୁରୁବାର ସକାଳେ କଳାହାଣ୍ଡି ଜିଲ୍ଲା ବେହେରା ସ୍ଥିତ ଭଣ୍ଡାର ଡଙ୍ଗରି ଜଙ୍ଗଲକୁ କାଠ ସଂଗ୍ରହ କରିବାକୁ ଯାଇଥିବା କିଛି ଲୋକ ଗଛରେ ଝୁଲୁଥିବା ଦୁଇଟି ମୃତଦେହ ଦେଖିଥିଲେ l ଖବର ପ୍ରଚାର ହେବା ପରେ ଘଟଣାସ୍ଥଳରେ ଲୋକଙ୍କ ଭିଡ଼ ଜମିଥିଲା । ଏମିତିରେ ଉକ୍ତ ପ୍ରେମୀ ଯୁଗଳଙ୍କ ପରିବାର ଲୋକ ସେଠାରେ ପହଞ୍ଚିଥିଲେ ଏବଂ ମୃତଦେହ ଚିହ୍ନଟ କରିଥିଲେ । ଏହି ଘଟଣାକୁ ନେଇ ଅଞ୍ଚଳରେ ଚାଞ୍ଚଲ୍ୟ ଖେଳିଯାଇଥିବା ବେଳେ, ହତ୍ୟା ଅଭିଯୋଗ ଆଣିଛନ୍ତି ଯୁବକଙ୍କ ପରିବାର l ଯାହାକୁ ନେଇ ଘଟଣାସ୍ଥଳରେ ଉତ୍ତେଜନା ଦେଖିବାକୁ ମିଳିଛି । ଉଭୟଙ୍କ ହାତ ପଛପଟେ ବନ୍ଧା ଥିବା ଏବଂ ଶରୀରରେ ରକ୍ତ ଛିଟା ଥିବାରୁ ହତ୍ୟା ସନ୍ଦେହ ପ୍ରକାଶ ପାଇଛି l ଅଜିତଙ୍କ ପରିବାର ଏହାକୁ ଯୋଜନାବଦ୍ଧ ହତ୍ୟା ବୋଲି ଅଭିଯୋଗ କରିବା ସହ ଯୁବତୀଙ୍କ ପରିବାର ଉପରେ ସନ୍ଦେହ ପ୍ରକାଶ କରିଛନ୍ତି । ତେବେ ଘଟଣାସ୍ଥଳରେ ଧର୍ମଗଡ଼ ପୋଲିସ ପହଞ୍ଚି ମୃତଦେହ ଜବତ କରି ତଦନ୍ତ ଆରମ୍ଭ କରିଛି। ]]> Thu, 22 Oct 2026 19:54:56 +0530 https://www.prameyanews7.com/according-to-current-estimates-landfall-will-occur-at-kakinada-in-andhra-pradesh https://www.prameyanews7.com/according-to-current-estimates-landfall-will-occur-at-kakinada-in-andhra-pradesh ଭୁବନେଶ୍ବର ୨୨।୧୦: ଆସୁଛି ବାତ୍ୟା ! ଏଥିପାଇଁ ପାଗ ସମ୍ପୂର୍ଣ୍ଣ ଅନୁକୂଳ ଥିବା ପାଣିପାଗ ବିଶେଷଜ୍ଞ ମାନେ କହିଛନ୍ତି । ଅକ୍ଟୋବର ୨୩ ତାରିଖ ବେଳକୁ ଦକ୍ଷିଣ ପୂର୍ବ ଓ ପୂର୍ବ କେନ୍ଦ୍ର ବଙ୍ଗୋପସାଗରରେ ଲଘୁଚାପ ସୃଷ୍ଟି ହେବାର ଆକଳନ କରାଯାଇଛି । ଏହା ପରେ ଅଧିକ ଘନୀଭୂତ ହୋଇ ୨୪ ବେଳକୁ ସଦୃଶ୍ୟ ଲଘୁଚାପ ଓ ୨୫ ତାରିଖ ଅପରାହ୍ନରେ ଅବପାତରେ ପରିଣତ ହେବାକୁ ନେଇ ପୂର୍ବାନୁମାନ କରିଛନ୍ତି ପାଣିପାଗ ବିଶେଷଜ୍ଞ । ୨୭ ତାରିଖ ବେଳକୁ ଏହା ବାତ୍ୟାର ରୂପ ନେଇ ସିଭିଅର ସାଇକ୍ଲୋନ୍ ଭାବେ ଆନ୍ଧ୍ରପ୍ରଦେଶ ମୁହାଁ ହେବ । ୨୮ ତାରିଖରେ ଏହା ଉପକୂଳ ଛୁଇଁବ ବୋଲି ଆକଳନ କରାଯାଇଛି । ତେଣୁ ଅବପାତ ରୂପ ନେବା ପରେ ବାତ୍ୟାକୁ ନେଇ ସଠିକ୍ ଚିତ୍ର ସାମ୍ନାକୁ ଆସିବ ବୋଲି ପାଣିପାଗ ବିଶେଷଜ୍ଞ କହୁଛନ୍ତି । ଏହା ବାତ୍ୟାର ରୂପ ନେବା ପରେ ଅଧିକ ଶକ୍ତିଶାଳୀ ହେବାକୁ ନେଇ ମଧ୍ୟ ପୂର୍ବାନୁମାନ କରାଯାଇଛି । ଅନ୍ୟପଟେ ବଙ୍ଗୋପସାଗରରେ ସମ୍ଭାବ୍ୟ ଭୀଷଣ ବାତ୍ୟାକୁ ନେଇ ବଢ଼ିଲା ଚିନ୍ତା । ବର୍ତ୍ତମାନର ପାଣିପାଗ ମଡେଲ୍‌ର ଆକଳନ ଅନୁଯାୟୀ, ଆସନ୍ତା ଅକ୍ଟୋବର ୨୮ ତାରିଖ ପାଖାପାଖି ଆନ୍ଧ୍ରପ୍ରଦେଶର କାକିନାଡ଼ା ନିକଟରେ ବାତ୍ୟା ସ୍ଥଳଭାଗ ଛୁଇଁବାର ସମ୍ଭାବନା ରହିଛି । ଏହାର ପ୍ରଭାବରେ ଉପକୂଳ ଆନ୍ଧ୍ରପ୍ରଦେଶ ସମେତ ଓଡ଼ିଶା ଓ ଛତିଶଗଡ଼ର ବିଭିନ୍ନ ଅଞ୍ଚଳରେ ପ୍ରବଳରୁ ଅତି ପ୍ରବଳ ବର୍ଷା ହୋଇପାରେ । କେତେକ ସ୍ଥାନରେ ଜଳବନ୍ଦୀ ଓ ସ୍ଥାନୀୟ ବନ୍ୟା ପରିସ୍ଥିତି ସୃଷ୍ଟି ହେବାର ମଧ୍ୟ ଆଶଙ୍କା ରହିଛି । Also Read:- ଆସୁଛି ବାତ୍ୟା ! ନେବ କି ଭୀଷଣ ରୂପ ? ୨୫ ପରେ ସ୍ଥିତି ହେବ ସ୍ପଷ୍ଟ ଏହାର ପ୍ରଭାବରେ ଓଡ଼ିଶାର ବିଭିନ୍ନ ସ୍ଥାନରେ ବର୍ଷା ହେବାର ଆଶଙ୍କା ରହିଛି । ୨୬ ତାରିଖ ଅପରାହ୍ନରୁ ୭୫ରୁ ୧୦୦ କି.ମି. ବେଗରେ ପବନ ବହିବାର ସମ୍ଭାବନା ରହିଛି । ଗଞ୍ଜାମ, ପୁରୀ, ଗଜପତି, ରାୟଗଡ଼ା, ନୟାଗଡ଼, ଖୋର୍ଦ୍ଧା, ଜଗତସିଂହପୁର, କଟକ ଜିଲ୍ଲାରେ ସମ୍ଭାବ୍ୟ ବାତ୍ୟାର ପ୍ରଭାବ ପଡ଼ିପାରେ । ସମ୍ଭାବ୍ୟ ବାତ୍ୟା ସ୍ଥଳଭାଗ ଛୁଇଁବା ପରେ ଆଭ୍ୟନ୍ତରୀଣ ଓଡ଼ିଶାରେ ବଢ଼ିବ ବର୍ଷାର ପରିମାଣ । ମାଲକାନଗିରି, କୋରାପୁଟ, ରାୟଗଡ଼ା, ନବରଙ୍ଗପୁର, କଳାହାଣ୍ଡି, ନୂଆପଡ଼ା, ବଲାଙ୍ଗିର, ବଲାଙ୍ଗିର, ବରଗଡ଼ରେ ପ୍ରବଳରୁ ଅତି ପ୍ରବଳ ବର୍ଷା ସମ୍ଭାବନା । ତେବେ ଏହା ବର୍ତ୍ତମାନର ମଡେଲ୍ ଆଧାରିତ ପ୍ରାରମ୍ଭିକ ଆକଳନ । ବାତ୍ୟାର ଗତିପଥ, ତୀବ୍ରତା ଓ ସ୍ଥଳଭାଗ ଛୁଇଁବା ସ୍ଥାନରେ ପରିବର୍ତ୍ତନ ହୋଇପାରେ । Watch Video: ]]> Thu, 22 Oct 2026 17:28:24 +0530 https://www.prameyanews7.com/two-students-missing-for-seven-days-after-leaving-for-school https://www.prameyanews7.com/two-students-missing-for-seven-days-after-leaving-for-school ନୀଳଗିରି ୨୨।୧୦ : ଦୁର୍ଗାପୂଜା ପାଇଁ ଦେଖିଲେ କେତେ ସ୍ୱପ୍ନ । ହେଲେ ସବୁକିଛି ହୋଇଗଲା ଧୂଳିସାତ । ପୁଅ ସ୍କୁଲକୁ ଯାଇଥିଲା, ହେଲେ ଆଉ ଫେରିଲାନି ଘରକୁ । ଇତିମଧ୍ୟରେ ବିତିଗଲାଣି ୭ ଦିନ । ପୁଅ ଫଟୋକୁ ଧରି ରାସ୍ତାରେ ରାସ୍ତାରେ ବୁଲୁଛନ୍ତି ଦୁଇ ମାଆ । କାନ୍ଦି କାନ୍ଦି ଲୋକଙ୍କୁ ପଚାରୁଛନ୍ତି… ବାବୁ ଆଜ୍ଞା ମୋ ପୁଅକୁ କିଏ ଦେଖିଛନ୍ତି କି ? ବାଲେଶ୍ୱର ଜିଲ୍ଲା ନୀଳଗିରି ଏନଏସି ଅଧିନ ବାଲିଗୋହିରୀ ଆରଟି ହାଇସ୍କୁଲରେ ଦଶମ ଶ୍ରେଣୀରେ ପଢୁଥିବା ବାଲିଗୋହିରୀ ଗାଁର ବବିତା ମହାପାତ୍ରଙ୍କ ପୁଅ ଆୟୁଷ କୁମାର ଓ ରେମୁଣା ବ୍ଲକ ଆମ୍ବୁଡିଆ ଗାଁର ମିନି ସିଂଙ୍କ ପୁଅ ଆକାଶ । ଗତ ୧୫ ତାରିଖରେ ସ୍କୁଲ ଯାଇଥିଲେ । ସେହିଦିନ ପ୍ରାୟ ସାଢେ ଗୋଟାଏରେ ଦୁଇ ଛାତ୍ର ସ୍କୁଲରେ ନଥିବାର ଜଣାପଡିଥିଲା । ଏହାପରେ ସ୍କୁଲ ପକ୍ଷରୁ ତୁରନ୍ତ ପରିବାର ଲୋକଙ୍କୁ ଜଣାଯାଇଥିଲା । ନୀଳଗିରି ଥାନାରେ ନିଖୋଜ ହୋଇଥିବା ନେଇ ଅଭିଯୋଗ କରିଥିଲେ । Also Read:-କୋଟିଆ ବିବାଦରେ ରାଜ୍ୟ ସରକାରଙ୍କୁ ଭକ୍ତ ଦାସଙ୍କ ଟାର୍ଗେଟ୍, ତୁରନ୍ତ ସମାଧାନ ପାଇଁ କଲେ ଦାବି ପୋଲିସ ଦୁଇଟି ପୃଥକ ପୃଥକ ମାମଲା ରୁଜୁ କରି ତଦନ୍ତ ଆରମ୍ଭ କରିଥିଲା । ଘଟଣାକୁ ୭ ଦିନ ବିତିଯାଇଥିଲେ ସୁଦ୍ଧା ଏବେ ଯାଏଁ କାହାର ପତ୍ତା ମିଳୁନାହିଁ । ଶେଷରେ ଧର୍ଯ୍ୟ ହରାଇ ହୋଇ ଗାଡ଼ିରେ ଗୋଟିଏ ଜାଗାରୁ ଆଉ ଗୋଟିଏ ଜାଗାକୁ ବୁଲୁଛନ୍ତି । ଆଉ ଲୋକ ଦେଖିଲେ ପଚାରୁଛନ୍ତି ମୋ ପୁଅକୁ କିଏ ଦେଖିଛ କି ? ଏପିରିକି ରାସ୍ତାରେ ଯିବାଆସିବା କରୁଥିବା ଛୋଟ ପିଲାଙ୍କୁ ଫଟୋ ଦେଖାଇ କହୁଛନ୍ତି …ଆମେ ପିଲା ମୋ ପୁଅକୁ ଦେଖିଛ କି ? ଯଦି କେହି ବି ଦେଖିବ.. ତେବେ ଆମକୁ ଜଣାଇବ ବୋଲି କୋହଭର କଣ୍ଠରେ କହୁଛନ୍ତି ଦୁଇ ମାଆ । ସେପଟେ ସ୍କୁଲ କର୍ତ୍ତୃପକ୍ଷ ଖାଲି ମାମଲା ରୁଜୁ କରି ଦେଇ ବସିପଡିଛନ୍ତି । ପୋଲିସକୁ ମଧ୍ୟ ଏବେ ଯାଏଁ କୌଣସି ପତ୍ତା ମିଳିନାହିଁ । ଆଜିକା ସମୟରେ ନିଖୋଜ ଦୁଇ ଛାତ୍ରଙ୍କୁ ଖୋଜିବା ପରିବାର ପାଇଁ କାଠିକର ପାଠ ହୋଇଯାଇଛି । ]]> Thu, 22 Oct 2026 17:25:23 +0530 https://www.prameyanews7.com/marco-rubio-say-us-shares-indias-concerns-over-terrorismand-india-pakistan-relation https://www.prameyanews7.com/marco-rubio-say-us-shares-indias-concerns-over-terrorismand-india-pakistan-relation ନୂଆଦିଲ୍ଲୀ: ଟାରିଫ ବ୍ୟତୀତ ପାକିସ୍ତାନ ସହ ଘନିଷ୍ଠତା ଆଜି ଭାରତ-ଆମେରିକା ମଧ୍ୟରେ ସମ୍ପର୍କ ତିକ୍ତ କରିଛି। ଯାହାକୁ ନେଇ ପ୍ରଥମ ଥର ମୁହଁ ଖୋଲିଛନ୍ତି ଆମେରିକା ବୈଦେଶିକ ସଚିବ ମାର୍କୋ ରୁବିଓ। ଜାତୀୟ ଗଣମାଧ୍ୟମ ଇଣ୍ଡିଆଟୁଡେକୁ ସାକ୍ଷାତ୍କାର ଦେଇ ରୁବିଓ କହିଛନ୍ତି ଯେ ଭାରତ ସହ ସମ୍ପର୍କର ମୂଲ୍ୟ ଦେଇ ପାକିସ୍ତାନ ସହ ଘନିଷ୍ଠ ସମ୍ପର୍କ ଗଢ଼ାଯାଇପାରିବ ନାହିଁ। ଆତଙ୍କବାଦୀଙ୍କୁ ନେଇ ଦିଲ୍ଲୀ ଓ ୱାଶିଂଟନ ସମାନ ଆଭିମୁଖ୍ୟ ପୋଷଣ କରନ୍ତି ବୋଲି ରୁବିଓ କହିଛନ୍ତି। ରୁବିଓ ବର୍ତ୍ତମାନ ୨ ଦିନିଆ ଭାରତ ଗସ୍ତରେ ଆସିଛନ୍ତି। ତେଣୁ ତାଙ୍କର ଏହି ଇଣ୍ଟରଭ୍ୟୁ ମୁମ୍ବାଇର ତାଜ ମହଲ ପାଲେସ ହୋଟେଲ୍ରେ ହୋଇଥିଲା। ୨୦୦୮ରେ ହୋଇଥିବା ୨୬/୧୧ ଆତଙ୍କବାଦୀ ଆକ୍ରମଣରେ ଏହି ହୋଟେଲ୍ ମଧ୍ୟ ଶିକାର ହୋଇଥିଲା। ତେଣୁ ପାକିସ୍ତାନର ଆତଙ୍କବାଦକୁ ନେଇ ତାଙ୍କୁ ପ୍ରଶ୍ନ କରାଯାଇଥିଲା। ଆମେରିକାର ପାକିସ୍ତାନ ସହ ସମ୍ପର୍କ ଭାରରେ ଆତଙ୍କବାଦ ବିରୋଧୀ ଲଢ଼େଇକୁ ଦୁର୍ବଳ କରିବ ନାହିଁ ତ ? ବୋଲି ପ୍ରଶ୍ନ କରିବାର ଏହା ଉପରେ ନିଜ ମତ ରଖିଥିଲେ ରୁବିଓ। ଭାରତ-ପାକିସ୍ତାନ ଯୁଦ୍ଧ ଚାହୁଁନି ଆମେରିକା ରୁବିଓ କହିଥିଲେ “ମୁଁ ଭାବୁଛି ସେମାନେ ବିଭିନ୍ନ ପ୍ରସଙ୍ଗରେ ନେଉଥିବା ନିଷ୍ପତ୍ତିକୁ ପ୍ରଭାବିତ କରିବା ପାଇଁ ଏହା(ପାକିସ୍ତାନ ସହ ଘନିଷ୍ଠତା) ଆମକୁ ସୁଯୋଗ ଦେଉଛି।” ସବୁଠାରୁ ବଡ଼ କଥା ହେଲା ଆମେରିକା ଉଭୟ ଦେଶ ସହ ସମ୍ପର୍କ ରଖିବାରୁ ଭାରତ-ପାକିସ୍ତାନ ମଧ୍ୟରେ ବଡ଼ ଧରଣର ଯୁଦ୍ଧକୁ ରୋକିପାରୁଛି ବୋଲି ରୁବିଓ କହିଛନ୍ତି। Also Read- ବିଜେପିର ରଣନୀତିକୁ ସମାଲୋଚନା କଲେ କେ. ଆନ୍ନାମଲାଇ; CJP ଆନ୍ଦୋଳନକୁ ନେଇ ଏଭଳି କହିଲେ ଭାରତ ସହ ସମ୍ପର୍କ ଦୀର୍ଘଦିନର । ହେଲେ ପାକିସ୍ତାନ ସହ ସମ୍ପର୍କ ନିକଟ ବର୍ଷଗୁଡ଼ିକରେ ସୁଧୁରି ଆସିଛି। ଉଭୟ ପକ୍ଷ ସହ ସୁସମ୍ପର୍କ ସ୍ଥାପନ କରିବା ପାଇଁ ଏହା ୱାଶିଂଟନକୁ ଏକ ସୁଯୋଗ ଦେଇଛି। ଦୁଇ ପଡ଼ୋଶୀ ଦେଶ ମଧ୍ୟରେ ପୁଣି ଏକ ଯୁଦ୍ଧ ହେଉ ଏକଥା ଆମେରିକା ଚାହୁଁନି ବରଂ ଦୁଇ ଦେଶ ପରସ୍ପର ସହ ବେପାରବଣିଜ ଉପରେ ଗୁରୁତ୍ୱ ଦିଅନ୍ତୁ। ପରସ୍ପରକୁ ସହଯୋଗ କରି ସମୃଦ୍ଧ ଓ ସୁରକ୍ଷା ପାଇଁ ସୁଯୋଗ ସୃଷ୍ଟି କରନ୍ତୁ ବୋଲି ଆମେରିକା ଚାହୁଁଥିବା ରୁବିଓ କହିଛନ୍ତି। ଆତଙ୍କବାଦକୁ ନେଇ କଣ କହିଲେ ରୁବିଓ ? ଆତଙ୍କବାଦ ବିରୁଦ୍ଧରେ ଭାରତ ସହ ସ୍ୱର ମିଳାଇଛି ଆମେରିକା। ଆମେରିକା ମଧ୍ୟ ଆତଙ୍କବାଦର ଶିକାର ହୋଇଛି। ତେଣୁ ୟୁଏସ ସାରା ବିଶ୍ୱରେ ଆତଙ୍କବାଦ ବିରୋଧୀ ଲଢ଼େଇ ଜାରି ରଖିଛି। ଆତଙ୍କବାଦ ପଛରେ ଆମେରିକା ଅପେକ୍ଷା ବିଶ୍ୱର ଅନ୍ୟ କୌଣସି ଦେଶ ଅଧିକ କିଛି କରେ ନାହିଁ। ଆଇଏସଆଇଏସଆଇ ବିରୁଦ୍ଧରେ ହେଉ କିମ୍ବା ଅଲ-କାଏଜା ବିରୁଦ୍ଧରେ ଆମେରିକା ହିଁ କାର୍ଯ୍ୟାନୁଷ୍ଠାନ ନେଇଛି ବୋଲି ସେ କହିଛନ୍ତି। ଯେଉଁ ଦେଶ ପ୍ରତି ଆତଙ୍କବାଦର ବିପଦ ଆସିବ, ସେ ଭାରତ ହେଉ ନ କାହିଁକି ଆମେରିକା ସେମାନଙ୍କ ବିରୁଦ୍ଧରେ ଲଢେଇ କରିବ ବୋଲି ରୁବିଓ କହିଛନ୍ତି। ]]> Thu, 22 Oct 2026 16:56:07 +0530 https://www.prameyanews7.com/sonia-gandhi-joins-instagram-memoir-to-launch https://www.prameyanews7.com/sonia-gandhi-joins-instagram-memoir-to-launch ନୂଆଦିଲ୍ଲୀ: କଂଗ୍ରେସ ସଂସଦୀୟ ଦଳର ଅଧ୍ୟକ୍ଷା ସୋନିଆ ଗାନ୍ଧୀ ଗୁରୁବାର ଇନଷ୍ଟାଗ୍ରାମରେ ପ୍ରଥମ ପୋଷ୍ଟ କରିଛନ୍ତି । ନିଜର ପ୍ରଥମ ଇନଷ୍ଟାଗ୍ରାମ ପୋଷ୍ଟରେ ସେ ତାଙ୍କର ବହୁପ୍ରତୀକ୍ଷିତ ଆତ୍ମଜୀବନୀ 'ବିଲଙ୍ଗିଙ୍ଗ୍: ଏ ଜର୍ଣ୍ଣି ଅଫ୍ ଲଭ୍'ର ଫଟୋ ସେୟାର କରିଛନ୍ତି। ସେ ପୁସ୍ତକଟିକୁ ‘ପ୍ରେମ, କର୍ତ୍ତବ୍ୟ, ହରାଇବାର ଦୁଃଖ ଏବଂ ନିଜର ସ୍ଥାନ ଖୋଜିବାର ଏକ ନିବିଡ଼ କାହାଣୀ’ ଭାବରେ ବର୍ଣ୍ଣନା କରିଛନ୍ତି । ଏହି ବହିଟି ନଭେମ୍ବର ୧୦ ତାରିଖରେ ରିଲିଜ୍‌ ହେବାକୁ ଯାଉଛି । ଗତ ମାସରେ ହାର୍ପରକୋଲିନ୍ସ ଇଣ୍ଡିଆ ସ୍ପଷ୍ଟ କରିଥିଲା ଯେ,  ଭାରତରେ ନଭେମ୍ବର ୧୦ ରେ ସୋନିଆ ଗାନ୍ଧୀଙ୍କ ଏହି ଆତ୍ମଜୀବନୀ ପ୍ରକାଶ କରିବ।  ହାର୍ପରକୋଲିନ୍ସ କହିଥିଲା ଯେ, ‘ସବୁଠାରୁ ପ୍ରତୀକ୍ଷିତ ରାଜନୈତିକ ଆତ୍ମଜୀବନୀଗୁଡ଼ିକ ମଧ୍ୟରୁ ଏହା ଅନ୍ୟତମ। ଏହା ପ୍ରେମ, ଆତ୍ମପରିଚୟ, କର୍ତ୍ତବ୍ୟ ଓ ଆପଣାପଣର ଏକ ବ୍ୟକ୍ତିଗତ କାହାଣୀ । ଭାରତର ଗୁରୁତ୍ୱପୂର୍ଣ୍ଣ ଯାତ୍ରାକୁ ଅତି ନିକଟରୁ ଦେଖିବାର ଏକ ବିରଳ ସୁଯୋଗ ।’ ଏହି ପୁସ୍ତକକୁ ନେଇ ଗତ ମାସରେ  ବିବାଦ ଦେଖାଦେଇଥିଲା । 'ପେଙ୍ଗୁଇନ୍ ରାଣ୍ଡମ ହାଉସ୍ ଇଣ୍ଡିଆ' ହଠାତ୍ ଏହି ବହି ପ୍ରକାଶନ ଦାୟିତ୍ବରୁ ଓହରିଯାଇଥିଲା। ସମ୍ପାଦନାଗତ ପରିବର୍ତ୍ତନକୁ ନେଇ ମତାନ୍ତର ସୃଷ୍ଟି ହୋଇଥିବା ଖବର ସାମ୍ନାକୁ ଆସିଥିଲା।  ପିଟିଆଇ କୁ ଦେଇଥିବା ବିବୃତିରେ ପେଙ୍ଗୁଇନ୍ ସ୍ପଷ୍ଟ କରିଥିଲା ଯେ, ସେମାନେ ଏହି ବହିଟିକୁ ପ୍ରକାଶ କରିବା ପାଇଁ ଅତ୍ୟନ୍ତ ଆଗ୍ରହୀ ଥିଲେ। କିନ୍ତୁ ଏକ ନିର୍ଦ୍ଦିଷ୍ଟ ବିଷୟକୁ ନେଇ ସୃଷ୍ଟି ହୋଇଥିବା ଅସମାହିତ ସ୍ଥିତି ଯୋଗୁଁ ଶେଷରେ ସେମାନେ ଓହରି ଯାଇଥିଲେ । ତେବେ ପେଙ୍ଗୁଇନ୍ ବିବାଦର ସ୍ପଷ୍ଟ ଖୁଲାସା କରିବାକୁ ମନା କରିଦେଇଥିଲା ।         View this post on Instagram                       A post shared by Sonia Gandhi (@soniagandhi) ଶେଷରେ ସୋନିଆ ଗାନ୍ଧୀଙ୍କ ଏହି ଆତ୍ମଜୀବନୀ ରିଲିଜ୍‌ ହେବାକୁ ଯାଉଛି । ଏହାକୁ ନେଇ ଖୋଦ ସୋନିଆ ଗାନ୍ଧୀ ମଧ୍ୟ ବେଶ ଉତ୍ସାହିତ ଅଛନ୍ତି ଏବଂ ପ୍ରଥମ ଥର ଲାଗି ଇନଷ୍ଟାକୁ ଆସି ପୋଷ୍ଟ କରିଛନ୍ତି । କଂଗ୍ରେସ ନେତ୍ରୀ ସୋନିଆଙ୍କୁ ନେଇ ଅନେକ ବାଦ ବିବାଦ ଦେଖାଯାଇଛି । ତେବେ ତାଙ୍କର ଏହି ଆତ୍ମଜୀବନୀରେ ସେ ଏନେଇ କଣ ସବୁ ବର୍ଣ୍ଣନା କରିଛନ୍ତି, ସେସବୁ ପଢ଼ିପାରିବେ ଏବଂ ଜାଣିପାରିବେ ଭାରତୀୟଙ୍କ ସମେତ ବିଶ୍ବାବାସୀ ।    ]]> Thu, 22 Oct 2026 16:53:42 +0530 https://www.prameyanews7.com/india-vs-new-zealand-t20-sanju-samson-naman-dhir-christchurch-win https://www.prameyanews7.com/india-vs-new-zealand-t20-sanju-samson-naman-dhir-christchurch-win କ୍ରାଇଷ୍ଟଚର୍ଚ୍ଚ: ଦମଦାର ବିଜୟରୁ ଟିମ୍ ଇଣ୍ଡିଆର ନ୍ୟୁଜିଲାଣ୍ଡ ଗସ୍ତ ଆରମ୍ଭ। ସଞ୍ଜୁ ସାମସନଙ୍କ ବିସ୍ଫୋରକ ଅର୍ଦ୍ଧଶତକ ଏବଂ ନମନ ଧୀରଙ୍କ ମ୍ୟାଚ୍ ବିଜୟୀ ଇନିଂସ ବଳରେ ଟିମ୍ ଇଣ୍ଡିଆ ଘରୋଇ ନ୍ୟୁଜିଲାଣ୍ଡକୁ ୪ ଓ୍ଵିକେଟରେ ହରାଇଛି। ଘରୋଇ ଦଳ ଦ୍ଵାରା ଧାର୍ଯ୍ୟ ୨୨୬ ରନର ବିଜୟ ଲକ୍ଷ୍ୟକୁ ପିଛା କରି ଭାରତ ୬ ଓ୍ଵିକେଟ୍ ହରାଇ ୧୯.୪ ଓଭରରେ ହାସଲ କରି ନେଇଛି। ଟି-୨୦ ଅନ୍ତର୍ଜାତୀୟରେ ପ୍ରଥମ ଥର ଭାରତ ନ୍ୟୁଜିଲାଣ୍ଡ ମାଟିରେ ଏତେ ବଡ଼ ଲକ୍ଷ୍ୟକୁ ସଫଳତାର ସହ ପିଛା କରି ପାରିଛି। ବିଜୟ ସହ ପାଞ୍ଚ ମ୍ୟାଚ୍ ବିଶିଷ୍ଟ ଟି-୨୦ ସିରିଜରେ ଭାରତ ୧-୦ରେ ଅଗ୍ରଣୀ ହାସଲ କରିଛି। ୨୨୬ ରନର ବିଶାଳ ବିଜୟ ଲକ୍ଷ୍ୟ ପିଛା କରିବାକୁ ଓହ୍ଲାଇଥିବା ଭାରତର ଦୁଇ ଓପନର ସଞ୍ଜୁ ସାମସନ ଓ ଅଭିଷେକ ଶର୍ମା ଭଲ ଆରମ୍ଭ ଦେଇଥିଲେ। ଦୁହେଁ ବିସ୍ଫୋରକ ବ୍ୟାଟିଂ କରି ମାତ୍ର ୫.୫ ଓଭରରେ ୯୩ ରନ ଯୋଡ଼ି ଦଳ ପାଇଁ ବିଜୟର ମୂଳଦୁଆ ପକାଇଥିଲେ। ତେବେ ଅଭିଷେକ ୧୨ ବଲରୁ ୨୯ ରନ କରି ଆଉଟ୍ ହୋଇଥିଲେ। Also Read: ହୋଟେଲ କର୍ମଚାରୀଙ୍କୁ ଯୌନ ନିର୍ଯାତନା ! ଭାରତୀୟ ଖେଳାଳିଙ୍କୁ ଗିରଫ କଲା ଜାପାନ ପୋଲିସ, ପଠାଇଦେଲା ଦିଲ୍ଲୀ ତେବେ ତୃତୀୟ ନମ୍ବରରେ ବ୍ୟାଟିଂ କରିବାକୁ ଆସିଥିବା ତିଲକ ବର୍ମା ନିରାଶ କରିଥିଲେ। ସେ ୧୧ଟି ବଲ୍ରୁ ମାତ୍ର ୬ ରନ୍ କରି ପାଭିଲିଅନ୍ ଫେରିଥିଲେ। ଏହାପରେ ଦମଦାର ଅର୍ଦ୍ଧଶତକ (୩୩ ବଲରୁ ୬୭ ରନ୍) ହାସଲ କରି ସଞ୍ଜୁ ସାମସନ୍ ଭାରତୀୟ ଆଶା ବଜାୟ ରଖିଥିଲେ ସୁଦ୍ଧା ସେ ମଧ୍ୟ ଆଉଟ୍ ହୋଇଯାଇଥିଲେ। ପଞ୍ଚମ ସ୍ଥାନରେ ଆସିଥିବା ଇଶାନ କିଷାନ ମାତ୍ର ୧ ରନ୍ କରି ଆଉଟ୍ ହେବାରୁ ମ୍ୟାଚରେ ନ୍ୟୁଜିଲାଣ୍ଡର ପ୍ରତ୍ୟାବର୍ତ୍ତନ ଘଟିଥିଲା। ଅକ୍ଷର-ଶ୍ରେୟସଙ୍କ ଲଢ଼େଇ ମୁସ୍କିଲ ସମୟରେ ବ୍ୟାଟିଂ କ୍ରମରେ ପରିବର୍ତ୍ତନ କରି ଅକ୍ଷର ପଟେଲଙ୍କୁ ଆଗୁଆ ବ୍ୟାଟିଂ ପାଇଁ ପଠାଯାଇଥିଲା। ଅକ୍ଷର ୧୪ଟି ବଲରୁ ଗୁରୁତ୍ୱପୂର୍ଣ୍ଣ ୨୪ ରନ୍ ଯୋଡ଼ିଥିଲେ। ଅନ୍ୟପଟେ ଅଧିନାୟକ ଶ୍ରେୟସ ଆୟର ୨୮ଟି ବଲରୁ ୪୨ ରନର ଦାୟିତ୍ୱବାନ ଇନିଂସ ଖେଳି ଦଳର ବିଜୟ ଆଶା ଉଜ୍ଜିବୀତ ରଖିଥିଲେ।ଶେଷଆଡ଼କୁ ନମନ ଧୀରଙ୍କ ବିସ୍ଫୋରକ ବ୍ୟାଟିଂ ଗତିପଥ ବଦଳାଇ ଦେଇଥିଲା। ନ୍ୟୁଜିଲାଣ୍ଡ ବୋଲରଙ୍କୁ କୌଣସି ସୁଯୋଗ ନଦେଇ ନମନ ୫ଟି ଚୌକା ଓ ୨ଟି ଛକା ସହ ୪୨ ରନ୍ର ଅପରାଜିତ ଇନିଂସ ଖେଳିଥିଲେ। ତାଙ୍କ ସହ ନିତୀଶ କୁମାର ରେଡ୍ଡୀ (୨ ରନ୍) ଅପରାଜିତ ରହି ୨ ବଲ୍ ବାକି ଥାଇ ଭାରତକୁ ଜିତାଇଥିଲେ। Also Read: କୋହଲି ଓ ରୋହିତଙ୍କୁ ଫିଟ୍ ରହିବାକୁ ପଡ଼ିବ, ଦୁଇଟି ସର୍ତ୍ତ ରଖିଲେ BCCI ଅଧ୍ୟକ୍ଷ ନ୍ୟୁଜିଲାଣ୍ଡର ବଡ଼ ସ୍କୋର ଏହାପୂର୍ବରୁ ପ୍ରଥମେ ବ୍ୟାଟିଂ କରିଥିବା ନ୍ୟୁଜିଲାଣ୍ଡ, ଗ୍ଲେନ୍ ଫିଲିପ୍ସଙ୍କ ବିସ୍ଫୋରକ ଅପରାଜିତ ୮୦ ରନ୍ ବଳରେ ନିର୍ଦ୍ଧାରିତ ୨୦ ଓଭରରେ ୪ ୱିକେଟ୍ ହରାଇ ୨୨୫ ରନ୍ ସଂଗ୍ରହ କରିଥିଲା। ଭାରତୀୟ ବୋଲରମାନେ ମହଙ୍ଗା ସାବ୍ୟସ୍ତ ହୋଇଥିଲେ ମଧ୍ୟ ବ୍ୟାଟରମାନଙ୍କ ଚମତ୍କାର ପ୍ରଦର୍ଶନ ବଳରେ ଟିମ୍ ଇଣ୍ଡିଆ ଏହି ମ୍ୟାଚକୁ ନିଜ ନାମରେ କରିବାରେ ସଫଳ ହୋଇଛି। ]]> Thu, 22 Oct 2026 17:28:19 +0530 https://www.prameyanews7.com/woman-dies-at-private-hospital-family-alleges-medical-negligence https://www.prameyanews7.com/woman-dies-at-private-hospital-family-alleges-medical-negligence ଯାଜପୁର: ଘରୋଇ ହସ୍ପିଟାଲରେ ପ୍ରସୂତିଙ୍କ ମୃତ୍ୟୁ ପରେ ଉତ୍ତେଜନା । ମୃତକଙ୍କ ପରିବାର ଲୋକ ଏବଂ ଗ୍ରାମବାସୀ ହସ୍ପିଟାଲରେ ହୋହାଲ୍ଲା କରିଛନ୍ତି । ଯାଜପୁର ଟାଉନ ସ୍ଥିତ ତ୍ରାହି ଅଚ୍ୟୁତ ସେବା ସଦନ ନାମକ ଏକ ଘରୋଇ ହସ୍ପିଟାଲରେ ଜଣେ ପ୍ରସୂତିଙ୍କ ମୃତ୍ୟୁକୁ ନେଇ ଏଭଳି ଉତ୍ତେଜନା ଦେଖାଦେଇଛି । ସୂଚନା ଅନୁସାରେ, ଭଣ୍ଡାରିପୋଖରୀ ଅଞ୍ଚଳର ଜୟନ୍ତ ରଣାଙ୍କ ପତ୍ନୀ ପ୍ରସବ ପାଇଁ ଗତ ରବିବାର ଯାଜପୁର ଟାଉନର ତ୍ରାହି ଅଚ୍ୟୁତ ସେବା ସଦନକୁ ଆସିଥିଲେ । ମାତ୍ର ସେଠାରେ ଇଞ୍ଜେକ୍ସନ ଦେବା ପରେ ତାଙ୍କ ଅବସ୍ଥା ଗୁରୁତର ହୋଇପଡ଼ିଥିଲା । ଏମିତିରେ ତାଙ୍କୁ କଟକର ଏକ ସରକାରୀ ଡାକ୍ତରଖାନାକୁ ପଠାଯାଇଥିଲା । କିନ୍ତୁ ରାସ୍ତାରେ ହିଁ ମହିଳାଙ୍କ ମୃତ୍ୟୁ ହୋଇଯାଇଥିଲା । ଯାହାକୁ ନେଇ ପରିବାର ଲୋକେ ଡାକ୍ତରଙ୍କ ଅବହେଳା ସହ ଭୁଲ୍ ଇଞ୍ଜେକସନ ପାଇଁ ରୋଗୀ ମୃତ୍ୟୁବରଣ କରିଥିବା ଅଭିଯୋଗ କରିଛନ୍ତି । ଆହୁରି ମଧ୍ୟ ମହିଳାଙ୍କ ମୃତ୍ୟୁ ଖବର ପରେ ତାଙ୍କ ପରିବାର ଲୋକ ଓ ଗ୍ରାମବାସୀ ହସ୍ପିଟାଲରେ ପହଞ୍ଚି ହୋହାଲ୍ଲା କରିଥିଲେ । ଫଳରେ ହସ୍ପିଟାଲ ପରିସରରେ ଉତ୍ତେଜନା ଦେଖିବାକୁ ମିଳିଥିଲା । ଖବର ପାଇ ଟାଉନ ଥାନା ପୋଲିସ ଘଟଣାସ୍ଥଳରେ ପହଞ୍ଚି ମୃତକଙ୍କ ପରିବାର ଲୋକଙ୍କୁ ବୁଝା ସୁଝା କରିବା ପରେ ସ୍ଥିତ ସ୍ୱାଭାବିକ ହୋଇଥିବା ଜଣାପଡ଼ିଛି । Also Read: ଟ୍ରକରେ ନିଆଁ : ହୁତୁହୁତୁ ହୋଇ ଜଳିଲା, କାରଣ ଅସ୍ପଷ୍ଟ ତେବେ ଘଟଣାର ତଦନ୍ତ କରାଯାଇ ଦୋଷୀଙ୍କ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି କରିଛନ୍ତି ମୃତଙ୍କ ପରିବାର ଲୋକେ। ସେପଟେ ଯାଜପୁର ଏଡିଏମଓ ମନୋଜ ସେନାପତି କହିଛନ୍ତି ଘଟଣାର ତଦନ୍ତ କରାଯିବ । ଯିଏ ଦୋଷୀ ତାଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ନିଆଯିବ । ]]> Thu, 22 Oct 2026 16:37:36 +0530 https://www.prameyanews7.com/odisha-cyclone-alert-low-pressure-bay-of-bengal-heavy-rain-forecast-october https://www.prameyanews7.com/odisha-cyclone-alert-low-pressure-bay-of-bengal-heavy-rain-forecast-october ଭୁବନେଶ୍ଵର: ଆସୁଛି ବାତ୍ୟା। ତେବେ ଏହାର ସ୍ଥିତି ୨୫ ପରେ ହେବ ସ୍ପଷ୍ଟ । ବର୍ତ୍ତମାନ ୨୪ ଘଣ୍ଟା ମଧ୍ୟରେ ଦକ୍ଷିଣ ପୂର୍ବ ଓ ସଲଂଗ୍ନ ପୂର୍ବ କେନ୍ଦ୍ର ବଙ୍ଗୋପସାଗରରେ ସୃଷ୍ଟି ହେବାକୁ ଯାଉଛି ଲଘୁଚାପ । ଏହା ଅଧିକ ଘନୀଭୂତ ହେବ ବୋଲି କହିଛନ୍ତି ପାଣିପାଗ ବିଶେଷଜ୍ଞ। ଏମିତିକି ଏହା ଭୟାବହ ବାତ୍ୟାର ରୂପ ମଧ୍ୟ ନେଇପାରେ । ଏଥିପାଇଁ ପାଗ ଅନୁକୂଳ ଥିବା ମଧ୍ୟ ବିଶେଷଜ୍ଞଙ୍କ ମତ ରହିଛି। ଏହା ପ୍ରଭାବରେ ରାଜ୍ୟରେ ୨୬ ରୁ ହେବ ପ୍ରବଳ ବର୍ଷା । ଅକ୍ଟୋବରରେ ୨୮ ରୁ ୨୯ବେଳକୁ ବାତ୍ୟା ସ୍ଥଳଭାଗକୁ ଛୁଇଁ ପାରେ । କିନ୍ତୁ ଏ ସବୁ ବର୍ତ୍ତମାନ ସୁଦ୍ଧା ସ୍ପଷ୍ଟ ହୋଇ ନାହିଁ । ଆହୁରି ୪୮ ରୁ ୭୨ ଘଣ୍ଟା ବା ୨୫ ତାରିଖ ବେଳକୁ ଚିତ୍ର ସ୍ପଷ୍ଟ ହେବ ବୋଲି କହିଛନ୍ତି ସୋଆ ସିଇସି ମୁଖ୍ୟ ଶରତ ଚନ୍ଦ୍ର ସାହୁ। ୨୩ ତାରିଖ ବେଳକୁ ଦକ୍ଷିଣ ପୂର୍ବ ଓ ପୂର୍ବ କେନ୍ଦ୍ର ବଙ୍ଗୋପସାଗରରେ ଏହା ପ୍ରଥମେ ଲଘୁଚାପର ରୂପ ନେବ । ଏହା ପରେ ଅଧିକ ଘନୀଭୂତ ହୋଇ ୨୪ ବେଳକୁ ସଦୃଶ୍ୟ ଲଘୁଚାପ ଓ ୨୫ ବେଳକୁ ଅବପାତରେ ପରିଣତ ହେବାକୁ ନେଇ ପୂର୍ବାନୁମାନ ହୋଇଛି । ତେଣୁ ଅବପାତ ରୂପ ନେବା ପରେ ବାତ୍ୟାକୁ ନେଇ ସଠିକ ଚିତ୍ର ସାମନାକୁ ଆସିବ ବୋଲି ସେ କହିଛନ୍ତି। ଏହା ବାତ୍ୟା ର ରୂପ ନେବା ପରେ ଅଧିକ ଶକ୍ତିଶାଳୀ ହେବାକୁ ନେଇ ମଧ୍ୟ ପୂର୍ବାନୁମାନ କରାଯାଇଛି । Also Read: ପୂର୍ବ ଶତ୍ରୁତାରୁ ବୋମାମାଡ଼ ଯୋଜନା : ବୋମା ଫିଙ୍ଗିବାକୁ ଆସିଥିଲେ ୧୫ରୁ ଅଧିକ ଦୁର୍ବୃତ୍ତ ଅବପାତର ରୂପ ନେବା ପରେ ଏହାର ଗତିପଥ ମଧ୍ୟ ଜଣା ପଡିବ । ବର୍ତ୍ତମାନ ଲଘୁଚାପ ହେବା ପରେ ଏହା ପଶ୍ଚିମ ଉତ୍ତର ପଶ୍ଚିମ ଦିଗକୁ ଗତି କରିବାକୁ ନେଇ ପୂର୍ବାନୁମାନ ହୋଇଛି । ଆନ୍ଧ୍ର ଓ ଓଡିଶା ଉପକୂଳ ମଧ୍ୟରେ ଅତିକ୍ରମକୁ ନେଇ ମଧ୍ୟ କିଛି ମଡେଲ ପୂର୍ବାନୁମାନ କରିଛି। ବାତ୍ୟା କେତେ ଶକ୍ତିଶାଳୀ ହେବ ତାହା ୨୫ ରେ ସ୍ପଷ୍ଟ ହେଉଥିବା ବେଳେ ଏହା ପ୍ରଭାବ ଓଡିଶା ଉପରେ ରହିବ । ୨୬ ରୁ ୨୯ ତାରିଖ ପର୍ଯ୍ୟନ୍ତ ରାଜ୍ୟର ଦକ୍ଷିଣ ଓ ଉପକୂଳ ଓଡ଼ିଶାରେ ପ୍ରବଳ ବର୍ଷା ହେବାକୁ ନେଇ ମଧ୍ୟ ଭାରତୀୟ ପାଣିପାଗ ବିଭାଗ ପୂର୍ବାନୁମାନ କରିଛି। ଏହି ସମୟରେ ପବନ ମଧ୍ୟ ରହିବ ବୋଲି ପାଣିପାଗ ବିଶେଷଜ୍ଞ ଙ୍କ ମତ ରହିଛି। ଅକ୍ଟୋବାର ମାସ ରେ ସୃଷ୍ଟି ହୋଇଥିବା ବାତ୍ୟା ଶକ୍ତିଶାଳୀ ରହିଥାଏ । ମୌସୁମୀ ବାୟୁ ପ୍ରତ୍ୟାବର୍ତନ କରିଥିବାରୁ ଏହା ବାତ୍ୟା ସୃଷ୍ଟି ପାଇଁ ସହାୟକ ହୋଇଥାଏ । ପୂର୍ବରୁ ଅକ୍ଟୋବର ମାସରେ ହୋଇଥିବା ବାତ୍ୟା ଯେପରିକି ମହାବାତ୍ୟା, ଫାଇଲିନ ହୁଦହୁଦ ଏହା ର ଏକ ଉଦାହରଣ। ତେଣୁ ଏହି ସିଷ୍ଟମ କେତେ ଭୟଙ୍କର ହେବ ଏହା ୨୫ ତାରିଖରେ ସ୍ପଷ୍ଟ ହେବ । ]]> Thu, 22 Oct 2026 17:46:52 +0530 https://www.prameyanews7.com/missing-couple-found-dead-after-three-days-odisha https://www.prameyanews7.com/missing-couple-found-dead-after-three-days-odisha କଳାହାଣ୍ଡି ୨୨।୧୦ : ତିନି ଦିନ ତଳୁ ନିଖୋଜ ଥିବା ପ୍ରେମୀ ଯୁଗଳଙ୍କ ଝୁଲନ୍ତା ମୃତଦେହ ଉଦ୍ଧାର । କଳାହାଣ୍ଡି ଜିଲ୍ଲା କୋକସରା ଥାନା ଅନ୍ତର୍ଗତ ବେହେରା ଗ୍ରାମ ନିକସ୍ଥିତ ଭଣା ଡଙ୍ଗରି ପାହାଡ଼ ଶୀର୍ଷରୁ ଝୁଲନ୍ତା ଅବସ୍ଥାରେ ମୃତଦେହ ଠାବ ହୋଇଛି । ଉଭୟଙ୍କ ମୃତ୍ୟୁକୁ ନେଇ ହତ୍ୟା ସନ୍ଦେହ ପ୍ରକାଶ ପାଇଥିବା ବେଳେ ଘଟଣାସ୍ଥଳରେ ଉତ୍ତେଜନା ଦେଖାଦେଇଛି । ଖବର ଅନୁଯାୟୀ, କଳାହାଣ୍ଡି ଜିଲ୍ଲା କୋକସରା ଥାନା ଅନ୍ତର୍ଗତ ଟେଣ୍ଡାପାଲି ଗ୍ରାମର ପ୍ରହ୍ଲାଦ ନାଏକଙ୍କ ପୁଅ ଅଜିତ କୁମାର ନାଏକ ଏବଂ ଧର୍ମଗଡ଼ ସହରର କେନ୍ଦୁମୁଡ଼ିପଡ଼ାର ପ୍ରିୟଦର୍ଶିନୀ ନାଏକଙ୍କ ମଧ୍ୟରେ ପ୍ରେମ ସମ୍ପର୍କ ରହିଥିଲା । ଉଭୟ ଭିନ୍ନ ଜାତିର ହୋଇଥିବାରୁ ସେମାନଙ୍କ ସମ୍ପର୍କକୁ ପରିବାର ପକ୍ଷରୁ ସମ୍ମତି ମିଳୁନଥିଲା । ତିନି ଦିନ ତଳେ ଉଭୟ ନିଖୋଜ ହୋଇଯାଇଥିଲେ । ଏନେଇ ଉଭୟଙ୍କ ପରିବାର ପକ୍ଷରୁ କୋକସରା ଓ ଧର୍ମଗଡ଼ ଥାନାରେ ଅଭିଯୋଗ କରାଯାଇଥିଲା । ଗୁରୁବାର ସକାଳେ କିଛି ଲୋକ କାଠ ସଂଗ୍ରହ କରିବାକୁ ଜଙ୍ଗଲକୁ ଯାଇଥିବା ବେଳେ ଗଛରେ ଦୁଇଟି ମୃତଦେହ ଝୁଲୁଥିବା ଦେଖିବାକୁ ପାଇଥିଲେ । ଖବର ପ୍ରଚାର ହେବା ପରେ ଘଟଣାସ୍ଥଳରେ ଲୋକଙ୍କ ଭିଡ଼ ଜମିଥିଲା । Also Read:-ଅକ୍ଟୋବର ୨୫ରେ ଓଡ଼ିଶା ଆସିବେ ପ୍ରଧାନମନ୍ତ୍ରୀ ମୋଦି, ଜଟଣୀରେ RBI ଡାଟା ସେଣ୍ଟର ଉଦ୍‌ଘାଟନ ତେବେ ମୃତଦେହ ଦୁଇଟି ପଚିଯାଇଥିବା ବେଳେ ପରିବାର ଲୋକେ ଘଟଣାସ୍ଥଳରେ ପହଞ୍ଚି ଉଭୟଙ୍କୁ ଚିହ୍ନଟ କରିଥିଲେ । ମୃତକଙ୍କ ଶରୀରରେ ରକ୍ତର ଚିହ୍ନ ଥିବା ଏବଂ ଉଭୟଙ୍କ ହାତ ପଛପଟେ ବନ୍ଧା ହୋଇଥିବାବାରୁ ଏହା ସୁଚିନ୍ତିତ ହତ୍ୟାକାଣ୍ଡ ବୋଳି ଚର୍ଚ୍ଚା ହେଉଛି । ପ୍ରେମ ସମ୍ପର୍କ, ଭିନ୍ନ ଜାତିର ହୋଇଥିବାରୁ ପରିବାର ମଧ୍ୟରେ ଅସହମତି ଏବଂ ଦୁଇଟି ମୃତଦେହ ଝୁଲନ୍ତା ଅବସ୍ଥାରେ ମିଳିବା ଘଟଣାକୁ ଅଧିକ ରହସ୍ୟମୟ କରିଛି । ଏହାକୁ ନେଇ ଘଟଣାସ୍ଥଳରେ ଉତ୍ତେଜନା ପ୍ରକାଶ ପାଇଛି । ସେପଟେ ଖବର ପାଇ ଧର୍ମଗଡ଼ ଓ କୋକସରା ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିବା ସହ ତଦନ୍ତ ଆରମ୍ଭ କରିଛି । ପ୍ରେମୀ ଯୁଗଳଙ୍କ ସନ୍ଦେହଜନକ ମୃତ୍ୟୁର ପ୍ରକୃତ କାରଣ ଏବଂ ଏହା ପଛରେ କାହାର ସମ୍ପୃକ୍ତି ରହିଛି, ତାହା ପୁଲିସର ତଦନ୍ତ ପରେ ସ୍ପଷ୍ଟ ହେବ ବୋଲି ସୂଚନା ମିଳିଛି । ]]> Thu, 22 Oct 2026 16:33:11 +0530 https://www.prameyanews7.com/prime-minister-modi-to-inaugurate-rbi-data-centre-in-jatni https://www.prameyanews7.com/prime-minister-modi-to-inaugurate-rbi-data-centre-in-jatni ଭୁବନେଶ୍ବର ୨୨।୧୦: ଆସନ୍ତା ୨୫ ତାରିଖରେ ଓଡ଼ିଶା ଆସୁଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏନେଇ ସୂଚନା ଦେଇଛନ୍ତି ରାଜ୍ୟ ବିଜେପି ଉପସଭାପତି ଯତୀନ ମହାନ୍ତି । ସେ କହିଛନ୍ତି, ଓଡ଼ିଶାରେ RBI ଡାଟା ସେଣ୍ଟର ଉଦଘାଟନ କାର୍ଯ୍ୟକ୍ରମରେ ଯୋଗଦେବେ ପ୍ରଧାନମନ୍ତ୍ରୀ । ୧୭୦ କୋଟି ଟଙ୍କା ବ୍ୟୟରେ ଜଟଣୀ ଠାରେ ନିର୍ମାଣ ହୋଇଥିବା ଡାଟା ସେଣ୍ଟରକୁ ଉଦଘାଟନ କରିବେ ମୋଦି । ସମସ୍ତ ଭାରତୀୟଙ୍କ ତଥ୍ୟ କିଭଳି ସୁରକ୍ଷିତ ରହିବ ସେଥିପାଇଁ ଓଡ଼ିଶାରେ ଦେଶର ଦ୍ଵିତୀୟ ଡାଟା ସେଣ୍ଟର ନିର୍ମାଣ ହୋଇଛି । Also Read:- ଉତ୍ତର ଭୁବନେଶ୍ବର ଭସାଣିରେ ଟ୍ବିଷ୍ଟ୍ : ଆୟୋଜକଙ୍କଠୁ ଅଲଗା ହେଲେ ୮ ମେଢ଼, ନିଜସ୍ୱ ଭାବେ କରିବେ ଭସାଣି ପ୍ରଧାନମନ୍ତ୍ରୀ ନିଜେ ଏହି ପ୍ରକଳ୍ପ ପାଇଁ ଓଡ଼ିଶାକୁ ବାଛିଥିଲେ । ଏହା ଓଡ଼ିଶାର ଡିଜିଟାଲ ବିକାଶକୁ ଆଗକୁ ନେବ । ଡିଜିଟାଲ କ୍ଷେତ୍ରରେ ଓଡ଼ିଶାର ଛବି ବଦଳାଇବାରେ ସହାୟକ ହେବ । ପ୍ରଥମେ ସେମି କଣ୍ଡକ୍ଟର ପରେ RBI ଡାଟା ସେଣ୍ଟର ଦର୍ଶାଉଛି ଓଡ଼ିଶା ପ୍ରତି ମୋଦିଙ୍କ ପ୍ରତିବଦ୍ଧତା । ୨୫ ତାରିଖ ଅପରାହ୍ନ ୪ଟାରେ ଭୁବନେଶ୍ବର ବିମାନବନ୍ଦରରେ ପହଞ୍ଚିବେ ପ୍ରଧାନମନ୍ତ୍ରୀ । ଜଟଣୀରେ ଡାଟା ସେଣ୍ଟର ଉଦଘାଟନ କରିବା ପରେ ସନ୍ଧ୍ୟା ସାଢେ ୬ଟାରେ ଦିଲ୍ଲୀ ଫେରିଯିବେ ପ୍ରଧାମନ୍ତ୍ରୀ । Watch Video: ]]> Thu, 22 Oct 2026 16:32:37 +0530