ନୂଆଦିଲ୍ଲୀ ୦୯।୦୬: ବିରାଟ କୋହଲି । ନିଜ ଫିଟନେସ୍ ପାଇଁ ସବୁବେଳେ ରହିଥାନ୍ତି ଚର୍ଚ୍ଚାରେ । ସାରା ବିଶ୍ବରେ ତାଙ୍କର ଖୁବ୍ ଫ୍ୟାନ୍ ଫଲୋଅର୍ସ । ବିରାଟ ନିଜ ଫିଟନେସ୍ ଏବଂ ଲାଇଫଷ୍ଟାଇଲ୍ ପାଇଁ ଜଣାଶୁଣା। ୩୫ ବର୍ଷ ବୟସରେ ମଧ୍ୟ ପଡିଆରେ ଦେଖାଇଥାନ୍ତି ନିଜର ଏନର୍ଜି ।
ଏହାର ଶ୍ରେୟ ସେ ନିଜନ ଡାଏଟ୍ ଏବଂ ହେଲ୍ଦି ଲାଇଷ୍ଟାଇଲ୍କୁ ଦେଇଥାନ୍ତି । ବିରାଟ କୋହଲି ତେଲ ଛଣା ଖାଦ୍ୟଠାରୁ କୋଶ ଦୂରରେ ରୁହନ୍ତି । ତାଙ୍କ ଡାଏଟ୍ରେ କେବଳ ସିଝା ଏବଂ ପ୍ରୋଟିନ୍ ଯୁକ୍ତ ଖାଦ୍ୟ ଅନ୍ତର୍ଭୁକ୍ତ ରହିଥାଏ । ଆସନ୍ତୁ ଜାଣିବା କଣ ଖାଆନ୍ତି କିଙ୍ଗ୍କୋହଲି…
କୋହଲିଙ୍କ ଖାଦ୍ୟର ୯୦ ପ୍ରତିଶତ ହେଉଛି ସିଝା ଖାଦ୍ୟ । ଏହା ସହିତ ସେ କେବଳ ଅଲିଭ୍ ଅଏଲ୍ରେ ରନ୍ଧା ହୋଇଥିବା ଖାଦ୍ୟ ଖାଇଥାନ୍ତି । କ୍ରିକେଟ୍ ପଡ଼ିଆରେ ଘଣ୍ଟା ଘଣ୍ଟା ଏନର୍ଜେଟିକ୍ ରହିବାକୁ ବିରାଟ ତାଙ୍କ ଖାଦ୍ୟରେ ପ୍ରୋଟିନ୍ ଯୁକ୍ତ ଜିନିଷ ଅନ୍ତର୍ଭୁକ୍ତ କରନ୍ତି । ଏହା ମାଂସପେଶୀ ଗଢିବା ଏବଂ ମାଂସପେଶୀ ଭାଙ୍ଗିବାକୁ ରୋକିବାରେ ସାହାଯ୍ୟ କରିଥାଏ ।
ବିରାଟ କହିଛନ୍ତି ଯେ ସେ ଖାଦ୍ୟ ଅପେକ୍ଷା ସାଲାଡ ଖାଇବା ଉପରେ ଅଧିକ ଧ୍ୟାନ ଦିଅନ୍ତି । ସାଲାଡରେ ସମସ୍ତ ଜରୁରୀ ପୋଷକ ତତ୍ତ୍ୱ ରହିଥାଏ । ଏଥିପାଇଁ ସେ ତାଙ୍କ ଡାଏଟ୍ରେ ସିଝା ଖାଦ୍ୟ ଏବଂ ସାଲାଡ୍କୁ ସାମିଲ୍ କରିଥାନ୍ତି । ଯାହା ତାଙ୍କୁ ଏନର୍ଜି ଦେବାରେ ସହାୟକ ହୋଇଥାଏ ।