ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ରାଜ୍ୟରେ ମହିଳା ଉଦ୍ୟୋଗୀଙ୍କ ପାଇଁ ହେବ ଶିଳ୍ପ ପାର୍କ, ମେକ୍‌ ଇନ୍‌ ଓଡିଶା କନ୍‌କ୍ଲେଭ୍‌ରେ ମୁଖ୍ୟମନ୍ତ୍ରୀଙ୍କ ଘୋଷଣା
  • ||
  • ଭୁବନେଶ୍ୱର: ଇଡିରେ ହାଜର ହେଲେ ଶିବ ପ୍ରସାଦ, ଅର୍ଚ୍ଚନାଙ୍କ ସହ ଟଙ୍କା କାରବାର ନେଇ ଦ୍ୱିତୀୟ ଥର ହାଜିରା
  • ||
  • କୋଣାର୍କ: ଦର୍ଶକଙ୍କ ମନ ମୋହୁଛି ମହୋତ୍ସବ, ଦ୍ୱିତୀୟ ସଂଧ୍ୟାରେ ଦର୍ଶକଙ୍କୁ ଆକର୍ଷିତ କଲା ମଣିପୁରୀ ନୃତ୍ୟ
  • ||
  • ଉମରକୋଟ : ଗଛକୁ ପିଟିଲା କାର୍‌ , ତିନି ମୃତ, ଦୁଇ ଗୁରୁତର
  • ||

୫ ଦିନ ହେଲା ଘରେ ପଡିଥିଲା ବୃଦ୍ଧଙ୍କ ମୃତଦେହ, ମାନସିକ ବିକୃତ ପୁଅ କହିଲା- ‘ବାପା ଏବେ ଶୋଇଛନ୍ତି, ଖାଇବା ସମୟରେ ଉଠିଯିବେ’….

15/01/2021 at 9:19 AM

ଚଣ୍ଡିଗଡ,୧୫/୦୧:  ହରିୟାଣାର ଯମୁନାନଗରରେ ଏକ ଚକିତ କଲା ଭଳି ଘଟଣା ସାମ୍ନାକୁ ଆସିଛି । ଏଠାରେ ଭାରତୀୟ ସେନାରେ କ୍ୟାପ୍ଟେନ୍ ରହିଥିବା ୮୦ ବର୍ଷୀୟ ବୃଦ୍ଧଙ୍କ ଗଳିତ ମୃତଦେହକୁ ଉଦ୍ଧାର କରିଛି ପୋଲିସ । ତାଙ୍କ ପୁଅ କେବଳ ଘରେ ଏକା ଥିଲେ । ଘରୁ ଦୁର୍ଗନ୍ଧ ବାହାରିବା ପରେ ପଡୋଶୀମାନେ ପୋଲିସକୁ ସୂଚନା ଦେଇଥିଲେ ।

ପଡୋଶୀଙ୍କ କହିବାନୁସାରେ, ଘରେ କେବଳ ବାପା ଓ ପୁଅ ରହୁଥିଲେ ।ପୁଅ କିନ୍ତୁ ମାନସିକ ଭାବେ ଅସୁସ୍ଥ ଥିଲେ । ଅର୍ଥାତ ମାନସିକ ବିକୃତ ଅଟନ୍ତି ସେ । ସେ ଏହା ମଧ୍ୟ ଜାଣିନଥିଲା ଯେ ବାପା ଆଉ ଏ ଦୁନିଆରେ ନାହାଁନ୍ତି । ପୋଲିସ ମୃତଦେହକୁ ପୋଷ୍ଟମଟର୍ମ ପାଇଁ ପଠାଇ ତଦନ୍ତ ଆରମ୍ଭ କରିଛି । ପ୍ରାଥମିକ ତଦନ୍ତରୁ ପ୍ରବଳ ଥଣ୍ଡା ଯୋଗୁଁ ବୃଦ୍ଧଙ୍କ ମୃତ୍ୟୁ ଘଟିଥିବା ସୂଚନା ମିଳିଛି ।

ଏହି ଘଟଣା ସହରର ସେକ୍ଟର ୧୭ରେ ଘଟିଛି । ଏଠାରେ ଭାରତୀୟ ସେନାରେ କ୍ୟାପ୍ଟେନ୍ ରହିଥିବା ୮୦ ବର୍ଷୀୟ ରାମ ସିଂ ଓ ପୁଅ ପ୍ରବୀଣ କୁମାର ରୁହନ୍ତି । କିଛି ବର୍ଷ ପୂର୍ବରୁ ରାମ ସିଂଙ୍କ ପତ୍ନୀଙ୍କ ଦେହାନ୍ତ ହୋଇଥିଲା । ପରିବାରରେ ଏହି ଦୁଇଜଣଙ୍କ ବ୍ୟତୀତ ଆଉ କେହି ରହୁନଥିଲେ । ଗୁରୁବାର ପ୍ରବୀଣ ଛାତ ଉପରେ କିଛି ପୋଷାକ ପୋଡୁଥିଲେ । ପଡୋଶୀ ମହିଳା ଏହା ଦେଖି ପୋଲିସକୁ ସୂଚନା ଦେଇଥିଲେ । ପ୍ରବୀଣଙ୍କ ମାନସିକ ଅବସ୍ଥା ଠିକ୍ ନାହିଁ । ପୂର୍ବରୁ ସେ ଏପରି ଅନେକ କିଛି କାଣ୍ଡ କରିଛନ୍ତି । ପୋଲିସ ସେଠାରେ ପହଁଚି ପ୍ରବୀଣଙ୍କୁ ରୋକିବା ସହ ଘରେ ପ୍ରବେଶ କରିଥିଲା । ଘର ମଧ୍ୟରୁ ଦୁର୍ଗନ୍ଧ ଆସୁଥିଲା । ଏକ ବେଡସିଟ୍ ତଳେ ବୃଦ୍ଧଙ୍କ ଗଳିତ ମୃତଦେହ ପଡିଥିବା ପୋଲିସ ଦେଖିବାକୁ ପାଇଥିଲା ।

ପୋଲିସ ଏନେଇ ପ୍ରବୀଣଙ୍କୁ ପ୍ରଶ୍ନ କରିଥିଲା । ପ୍ରବୀଣ କହିଥିଲେ ଯେ, ବାପା ଏବେ ଶୋଇଛନ୍ତି । ଖାଇବା ପାଇଁ ସେ ଉଠିବେ । ଏହା ଶୁଣି ସେଠାରେ ଥିବା ସମସ୍ତେ ଭାବବିହ୍ୱଳ ହୋଇଯାଇଥିଲେ । ଏହାପରେ ପୋଲିସ ମୃତଦେହକୁ ଜବତ କରି ପଡୋଶୀଙ୍କୁ ପଚରାଉଚୁରା କରିଥିଲା । ଘଟଣାର ତଦନ୍ତ ଜାରି ରହିଛି । ତେବେ ପ୍ରାଥମିକ ରିପୋର୍ଟରୁ ପ୍ରବଳ ଥଣ୍ଡାରୁ ରାମ୍ ସିଂ ପ୍ରାଣ ହରାଇଥିବା କୁହାଯାଉଛି ।  

   Related Posts