ନୀଳଗିରି ୦୬/୦୨: ମହୁମାଛି ଆକ୍ରମଣରେ ବାପ-ଝିଅ ଗୁରୁତର, ୧୦ ଆହତ । ବାଲେଶ୍ଵର ଜିଲ୍ଲା ସେରଗଡ଼ ଉଦଳା ୧୯ ନମ୍ବର ରାଜ୍ୟପଥ ପୋଡ଼ାଶୂଳ ନିକଟ ବାଉଁଶନାଳ ଠାରେ ଘଟିଛି ଏହି ଘଟଣା । ମହୁମାଛି ଆକ୍ରମଣରେ ୨ ଜଣ ଗୁରୁତର ହୋଇଥିବା ବେଳେ ୧୦ ଅଧିକ ଆହତ ହୋଇଛନ୍ତି ।

ସୋମବାର ଦିନ ଦ୍ଵିପ୍ରହରରେ ଜାମୁଡିହା ଗ୍ରାମର କାହ୍ନୁଚରଣ ପ୍ରଧାନ ତାଙ୍କ ଝିଅ ସୁଚିସ୍ମିତାଙ୍କୁ ବସାଇ ଘରୁ ନୀଳଗିରି ଆଡକୁ ଆସୁଥିଲେ । ତେବେ ବାଉଁସନାଳ ଠାରେ ବାଘୁଆ ମହୁମାଛି ହଠାତ ଆକ୍ରମଣ କରିଥିଲେ । ଫଳରେ ବାପ ଝିଅ ଗୁରୁତର ହୋଇ ନୀଳଗିରି ଡ଼ାକ୍ତରଖାନାରେ ଭର୍ତ୍ତି ହୋଇଛନ୍ତି । ସେହି ସମୟରେ ଯାଉଥିବା ପଥଚାରି ଓ ବାଇକ ଆରୋହୀଙ୍କୁ ମଧ୍ୟ ମହୁମାଛି ଆକ୍ରମଣ କରିଥିବାରୁ ୧୦ ଜଣ ଆହତ ହୋଇଥିବା ଜଣାପଡିଛି।