ନୀଳଗିରି ୨୯/୦୫: ବାପା ସାଜିଲା ସୈତାନ । ୨୦ ଦିନର ଶିଶୁକନ୍ୟାକୁ ଦେଲା ବିଷ ଇଞ୍ଜେକସନ୍ । ନୀଳଗିରି ଥାନା ସିଙ୍ଗିରି ଅଞ୍ଚଳରେ ଘଟିଛି ଏହି ଅଘଟଣ । ଗୁରୁତର ଶିଶୁକନ୍ୟା ଏବେ ବାଲେଶ୍ଵର ଆଇସିୟୁରେ ଭର୍ତ୍ତି ହୋଇଛି । ଶିଶୁ କନ୍ୟାଟିର ଅବସ୍ଥା ଗୁରୁତର ଅଛି । ସେପଟେ ନିଷ୍ଠୁର ବାପା କାର୍ତ୍ତିକ ମାହାର୍ଣ୍ଣାଙ୍କୁ ଥାନାରେ ଅଟକ ରଖିଛି ପୋଲିସ । ଝିଅ ଜନ୍ମ ହେବା ପରେ ଏଭଳି କରିଛି ବାପ ।

ସୂଚନା ଥାଉକି, ଗତ ୨୦ ଦିନ ତଳେ କାର୍ତ୍ତିକଙ୍କ ସ୍ତ୍ରୀ କନ୍ୟା ସନ୍ତାନଙ୍କୁ ଜନ୍ମ ଦେଇଥିଲେ । ଏଥିରେ ଉତକ୍ଷୀପ୍ତ ହୋଇ ବାରମ୍ୱାର ଶିଶୁ କନ୍ୟାକୁ ମାରିବାକୁ ଯୋଜନା କରୁଥିଲା । ଶେଷରେ ଉପାୟ ନପାଇ ଶିଶୁ କନ୍ୟାକୁ ଇଞ୍ଜେକସନ୍‌ରେ ଦେଇଥିଲା ବିଷ । ଏବେ ଶିଶୁଟିର ଅବସ୍ଥା ସଂକଟାପନ୍ନ ରହିଛି ।