ଭୁବନ ୨୧।୨: ମହାଶିବରାତ୍ରିରେ ଭଗବାନ ଶିବଙ୍କୁ ଦର୍ଶନ କରିବାକୁ ଯାଉଥିବା ବେଳେ ମହୁମାଛିଙ୍କର ଆକ୍ରମଣ ଶିକାର ହୋଇଛନ୍ତି ବାପା ଓ ଝିଅ । ଫଳରେ ଉଭୟ ଗୁରୁତର ହୋଇଛନ୍ତି । ଉଭୟଙ୍କୁ ମେଡିକାଲରେ ଭର୍ତ୍ତି କରାଯାଇଛି ।

ସୂଚନାଯୋଗ୍ୟ ଯେ, ଢେଙ୍କାନାଳ ଜିଲ୍ଲା ଭୁବନ ବ୍ଲକ୍ ନିମେଇପୁର ଗ୍ରାମ ଶିବ ମନ୍ଦିରରେ ମହୁମାଛି ଆକ୍ରମଣରେ ବାପା ପଙ୍କଜ ଲୋଚନ ଦାସ ଓ ଝିଅ ମଧୁସ୍ମିତା ଦାସ (୫ ବର୍ଷ) ଗୁରୁତର ହୋଇଛନ୍ତି । ଉଭୟଙ୍କୁ ଗୁରୁତର ଅବସ୍ଥାରେ ଭୁବନ ଡାକ୍ତରଖାନାରେ ଭର୍ତ୍ତି କରାଯାଇଛି । ମହୁମାଛିଙ୍କର ଆତଙ୍କରେ ଗ୍ରାମବାସୀ ନିଜନିଜ ଘରେ ରହିଥିବା ବେଳେ ମନ୍ଦିର ଶୁନଶାରେ ପରିଣତ ହୋଇଛି ।