ବଜେଟ୍ ୨୦୨୩ : ଏହା ମଧ୍ୟମ ବର୍ଗକୁ ବେଶ୍ ସହାୟକ ହେବ-ଫାରୁକ ଅବ୍ଦୁଲା
1/02/2023 at 1:59 PM
ନୂଆଦିଲ୍ଲୀ ୦୧।୦୨ : ୨୦୨୩-୨୪ ପାଇଁ ବଜେଟ ଉପସ୍ଥାପନ କରିଛନ୍ତି କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ । ସବୁ ଦିଗକୁ ଧ୍ୟାନ ଦେଇ ବଜେଟ ପ୍ରସ୍ତୁତ କରିଛନ୍ତି କେନ୍ଦ୍ର ସରକାର । ୨୦୨୪ ନିର୍ବାଚନ ପୂର୍ବରୁ ଏହା ଶେଷ ପୂର୍ଣ୍ଣାଙ୍ଗ ବଜେଟ୍ ।
ତେବେ ବଜେଟ ଉପସ୍ଥାପନ ପରେ ବିଭିନ୍ନ ମହଲରୁ ପ୍ରତିକ୍ରିୟା ଆସିଛି । ଏହିକ୍ରମରେ ଜାମ୍ମୁ-କାଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ଫାରୁକ ଅବ୍ଦୁଲା ବି ସାଧାରଣ ବଜେଟ୍କୁ ପ୍ରଶଂସା କରିଛନ୍ତି । ସେ କହିଛନ୍ତି ଯେ, ଏହି ବଜେଟ୍ ଟି ମଧ୍ୟମ ବର୍ଗକୁ ବେଶ୍ ସହାୟକ ହେବ । ସମସ୍ତଙ୍କୁ କିଛି ନା କିଛି ମିଳିଛି । ଦେଢ ଘଣ୍ଟା ପର୍ଯ୍ୟନ୍ତ ଆମେ ପୁରା ବଜେଟ୍କୁ ଶୁଣିଛୁ । ଯେତେବେଳେ ଏହି ଉପରେ ଆଲୋଚନା କରାଯିବ । ସେତେବେଳେ ଆମେ ଆମର ପ୍ରତିକ୍ରିୟା ରଖିବୁ ।
