ଝାରସୁଗୁଡା ୧୪। ୧୨: କେନ୍ଦ୍ର ସରକାରଙ୍କ କୃଷକ ମାରଣ ନୀତି ଓ ସଂସଦରେ ଗୃହୀତ କୃଷି ବିଧେୟକୁ ପ୍ରତ୍ୟାହାର ଦାବିରେ ଝାରସୁଗୁଡା ଜିଲାରେ ମଧ୍ୟ ଗର୍ଜିଲେ ଚାଷୀ | ଆଜି ଝାରସୁଗୁଡା ଜିଲ୍ଲାପାଳଙ୍କ ଅଫିସ ସମ୍ମୁଖରେ ଜିଲା କୃଷକ ସଙ୍ଘ, ବିଭିନ୍ନ ଶ୍ରମିକ ସଂଗଠନ, ରାଜନୈତିକ ସଂଗଠନର ମିଳିତ ଆହ୍ୱାନରେ ଆଜି ଝାରସୁଗୁଡା ଜିଲାପାଳ ଧାରଣା ଦିଆଯାଇଥିଲା।
ଏହି ଧାରଣା କାର୍ଯ୍ୟକ୍ରମରେ ଚାଷୀଙ୍କ ସ୍ୱରରେ ସ୍ୱର ମିଳାଇ କଂଗ୍ରେସ ଓ ବାମପନ୍ଥୀ ଦଳର ନେତ୍ରୁ ବୃନ୍ଦ କେନ୍ଦ୍ର ସରକାରଙ୍କ ନୀତିକୁ ତୀବ୍ର ସମାଲୋଚନା କରି ତୁରନ୍ତ ସରକାର କ୍ରୁଷି ବିଲକୁ ପ୍ରତ୍ୟାହର ନକଲେ ଆଗାମୀ ଦିନରେ ଚାଷୀ ଆନ୍ଦୋଳନ ତୀବ୍ରତର ହେବ ବୋଲି ଚେତାବନୀ ଦେଇଥିଲେ | ଧାରଣା ଓ ବିକ୍ଷୋଭ ମଧ୍ୟରେ ରାଷ୍ଟ୍ରପତିଙ୍କ ଉଦ୍ଦେଶ୍ୟରେ ଅତିରିକ୍ତ ଜିଲ୍ଲାପାଳଙ୍କୁ ଦାବିପତ୍ର ଦେଇଥିଲେ ଆନ୍ଦୋଳନରେ ସମିଲ ସଂଗଠନ |
ଜିଲାର ୫ଟି ବ୍ଲକ ଓ ୩ଟି ପୌରାଞ୍ଚଳରୁ ବହୁସଂଖ୍ୟାରେ ଚାଷୀ, ପୁରୁଷ ଓ ମହିଳାମାନେ ଯୋଗ ଦେଇଥିଲେ| ଏହି ଆନ୍ଦୋଳନରେ ଚାଷୀନେତା ସୁରେନ୍ଦ୍ର ସାହୁ, ଗୋପୀନାଥ ମାଝୀ, ବିରଞ୍ଚି ସାହୁ, କଂଗ୍ରେସ ନେତା ସିୟରାମ ଦାସ, କମ୍ୟୁନିଷ୍ଟ ନେତା ସାରଂଗଧର ମିଶ୍ର, ପ୍ରଗତିଶୀଳ ଶ୍ରମିକ ମଞ୍ଚ ଆବାହକ ରକ୍ଷାକରଙ୍କ ସମେତ ବହୁ ଗଣ ସଂଗଠନର ନେତା ଯୋଗଦେଇଥିଲେ।