ପୁରୀ ୨୫|୧: କାଳିଆ ଯୋଜନା ଦ୍ବାରା ଉପକୃତ ହେବେ ଏ ରାଜ୍ୟର ଅନ୍ନଦାତା । ଚାଷୀମାନେ ସାରା ରାଜ୍ୟକୁ ଅନ୍ନ ଦେଉଛନ୍ତି । ଚାଷୀ ଦେଉଥିବା ଚାଉଳ ଓ ପରିବାରେ ମହାପ୍ରଭୁଙ୍କ ମହାପ୍ରସାଦ ପ୍ରସ୍ତୁତ ହେଉଛି । ଚାଷୀମାନେ ଏକ ମହାନ କାର୍ଯ୍ୟ କରୁଛନ୍ତି । ତେଣୁ ଚାଷୀମାନଙ୍କୁ ସହାୟତା ଯୋଗାଇଦେବା ଲକ୍ଷ୍ୟରେ ହୋଇଥିବା ଯୋଜନାର ନାଁ କାଳିଆ ରଖାଯାଇଛି । ଆଜି ପୁରୀ ମାଳତୀପାଟପୁରଠାରେ ଅନୁଷ୍ଠିତ ଚାଷୀ ସମାବେଶରେ ଏମିତି କିଛି ରାଜ୍ୟର ଲକ୍ଷ ଲକ୍ଷ ଚାଷୀଙ୍କୁ ପ୍ରଶଂସା କରିବା ସହ କାଳିଆ ଯୋଜନାର ଶୁଭାରମ୍ଭ କରିଥିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ପ୍ରାଥମିକ ପର୍ଯ୍ୟାୟରେ ୧୨ଲକ୍ଷ ୪୫ହଜାର ଚାଷୀଙ୍କ ବ୍ୟାଙ୍କ୍ ଖାତାକୁ ଆସିବ ଯୋଜନା ଟଙ୍କା ।
{"id":77952}![](https://www.prameyanews7.com/wp-content/uploads/2019/01/Screen-Shot-2019-01-25-at-1.16.49-PM-1769x1000.jpg)
ପ୍ରଥମେ ପୁରୀ ଯାଇ କାଳିଆ ଦର୍ଶନ । ତା’ପରେ ମାଳତୀପାଟପୁର ଠାରେ ଆୟୋଜିତ ବିଶାଳ ଚାଷୀ ସମାବେଶରେ କାଳିଆ ଯୋଜନାର ଶୁଭାରମ୍ଭ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏହି ଅବସରରେ ମୁଖ୍ୟମନ୍ତ୍ରୀ ରାଜ୍ୟର ଲକ୍ଷ ଲକ୍ଷ ଚାଷୀଙ୍କୁ ସେମାନଙ୍କ କାର୍ଯ୍ୟ ପାଇଁ ପ୍ରଶଂସା କରିଥିଲେ । କହିଥିଲେ, ଚାଷୀମାନେ ସାରା ରାଜ୍ୟକୁ ଅନ୍ନ ଯୋଗାଉଛନ୍ତି । ଚାଷୀ ଦେଉଥିବା ଚାଉଳ ଓ ପରିବାରେ ମହାପ୍ରଭୁଙ୍କ ମହାପ୍ରସାଦ ପ୍ରସ୍ତୁତ ହେଉଛି । ଚାଷୀମାନେ ଏକ ମହାନ କାର୍ଯ୍ୟ କରୁଛନ୍ତି । ତେଣୁ ଚାଷୀମାନଙ୍କୁ ସହାୟତା ଯୋଗାଇଦେବା ଲକ୍ଷ୍ୟରେ ହୋଇଥିବା ଯୋଜନାର ନାଁ କାଳିଆ ରଖାଯାଇଛି ।
{"id":77953}![](https://www.prameyanews7.com/wp-content/uploads/2019/01/q2-1775x1000.jpg)
ପ୍ରଥମ ପର୍ଯ୍ୟାୟରେ ଯୋଗ୍ୟ ବିବେଚିତ ହୋଇଥିବା ଭୂମିହୀନ, କ୍ଷୁଦ୍ର ଏବଂ ନାମମାତ୍ର ଚାଷୀଙ୍କୁ କାଳିଆ ଯୋଜନାରେ ଡିବିଟି ମାଧ୍ୟମରେ ୫ହଜାର ଟଙ୍କା ଲେଖାଏଁ ଦିଆଯିବ । ଏହି ଟଙ୍କା ଚାଷୀଙ୍କ ବ୍ୟାଙ୍କ୍ ଖାତାକୁ ଆସିବ । ପ୍ରଥମ ପର୍ଯ୍ୟାୟରେ ୧୨ଲକ୍ଷ ୪୫ହଜାର ଚାଷୀ ଏହି ଯୋଜନାରେ ଟଙ୍କା ପାଇବେ । ଆଜି ଠାରୁ ରାଜ୍ୟର ବିଭିନ୍ନ ପଞ୍ଚାୟତ କାର୍ଯ୍ୟାଳୟଗୁଡ଼ିକରେ ଏହି ଯୋଜନାରେ ଚୟନ ହୋଇଥିବା ଚାଷୀଙ୍କ ତାଲିକା ପ୍ରକାଶ ପାଇବ ।
{"id":77954}![](https://www.prameyanews7.com/wp-content/uploads/2019/01/Untitled-14.jpg)
କାଳିଆ ଯୋଜନାରେ ରାଜ୍ୟର ସବୁ ଚାଷୀ, ବିଶେଷ କରି କ୍ଷୁଦ୍ର ଚାଷୀ, ଭାଗଚାଷୀ, ଏବଂ କୃଷି ଶ୍ରମିକଙ୍କୁ ସୁବିଧା ଦିଆଯିବ । ଚାଷୀମାନଙ୍କୁ ଖରିଫ ପାଇଁ ଅକ୍ଷୟ ତୃତୀୟା ଦିନ ୫ହଜାର ଟଙ୍କା ଏବଂ ରବି ଫସଲ ପାଇଁ ନୂଆ ଖାଇ ଦିନ ମିଳିବ ୫ହଜାର ଟଙ୍କା । ଚାଷୀଙ୍କ ଋଣ ଚାଡ଼ ଯୋଜନାରେ ଓଡ଼ିଶା ସରକାର ସାମିଲ ନହୋଇ କାଳିଆ ଯୋଜନାରେ ଚାଷୀଙ୍କୁ ଆର୍ଥିକ ପ୍ରୋତ୍ସାହନ ଯୋଗାଇ ଦେବା ଲକ୍ଷ୍ୟରେ ଏହି ଯୋଜନା କରିଛନ୍ତି ରାଜ୍ୟ ସରକାର । ଏହା ଦ୍ବାରା ରାଜ୍ୟର ୬୨ଲକ୍ଷ ଚାଷୀ ଉପକୃତ ହୋଇପାରିବେ ବୋଲି କହିଥିଲେ ମୁଖ୍ୟମନ୍ତ୍ରୀ ।