ବାଲିଗୁଡା ୨୪|୮: କନ୍ଧମାଳ ଜିଲ୍ଲା କ.ନୂଆଗାଁ କିଲୁପଡା ଗାଁର ଜଣେ ଯୁବ ଚାଷୀ କୀଟନାଶକ ପିଅ ଆତ୍ମହତ୍ୟା କରିଥିବା ଅଭିଯୋଗ କରିଛନ୍ତି ପରିବାର ଲୋକ । ମୃତ ଚାଷୀ ହେଉଛନ୍ତି ଗୋବର୍ଦ୍ଧନ ମଲ୍ଲିକ ।
{"id":148167}![](https://www.prameyanews7.com/wp-content/uploads/2019/08/vlcsnap-2019-08-24-14h42m54s512.png)
ସୂଚନାଯୋଗ୍ୟ ଯେ, ଗତ ମଙ୍ଗଳବାର ଦିନ ସେ ବିଲକୁ ଯାଇ ପୋକ ଲାଗିଥିବା ଧାନ ଚାଷରେ କୀଟନାଶକ ସିଞ୍ଚନ କରିଥିଲେ । ଘରକୁ ଫେରିବା ପରେ ସେ କୀଟନାଶକ ପିଇଦେଇଥିବା ପରିବାର ଲୋକ ଜାଣିବାକୁ ପାଇଥିଲେ । ତୁରନ୍ତ ତାଙ୍କୁ କ.ନୂଆଗାଁ ମେଡିକାଲରେ ଭର୍ତ୍ତି କରାଯାଇଥିଲା । ସେଠାରେ ତାଙ୍କ ସ୍ବାସ୍ଥ୍ୟାବସ୍ଥା ଗୁରୁତର ହେବାରୁ ତାଙ୍କୁ ବାଲିଗୁଡା ମେଡିରକଲକୁ ସ୍ଥାନାନ୍ତର କରାଯାଇଥିଲା । ସେଠାରେ ଚିକିତ୍ସାଧିନ ଥିବାବେଳେ ଗତକାଲି ସନ୍ଧ୍ୟାରେ ତାଙ୍କର ମୃତ୍ୟୁ ହୋଇଛି ।
{"id":148168}![](https://www.prameyanews7.com/wp-content/uploads/2019/08/vlcsnap-2019-08-24-14h42m59s222.png)
ଲଗାଣ ବର୍ଷାରେ ତାଙ୍କର ୩ ଏକର ଚାଷ ଜମିରେ ବାଲି ଚରିଯାଇଥିଲା । ଧାନ ଚାଷରେ ମଧ୍ୟ ପୋକ ଲାଗିଯାଇଥିଲା । ଫଳରେ ଚାଷ କ୍ଷତିଗ୍ରସ୍ତ ହୋଇଥିଲା । ସେହି ଚିନ୍ତାରେ ସେ କୀଟନାଶକ ପିଇଦେଇଥିବା ତାଙ୍କ ସ୍ତ୍ରୀ ଏବଂ ତାଙ୍କ ବାପା ଅଭିଯୋଗ କରିଛନ୍ତି । ତାଙ୍କ ପରିବାରକୁ ସରକାରୀ ସହାୟତା ଯୋଗାଇଦେବାକୁ ଗ୍ରାମବାସୀ ଦାବି କରିଛନ୍ତି ।