ନୂଆଦିଲ୍ଲୀ ୦୩।୧୦: ସମୟ ସହିତ ସବୁକିଛି ବଦଳିଥାଏ । ସେହିପରି କିଛି ବିଶ୍ବସ୍ତରୀୟ କମ୍ପାନୀ ଅଛନ୍ତି ଯେଉଁମାନେ କି ନିଜର ନାଁ ବଦଳାଇଛନ୍ତି । ଆଜିକାଲି ଅନ୍‌ଲାଇନ୍‌ ସପିଂର ଟ୍ରେଣ୍ଡ । ଇ-କମର୍ସ କମ୍ପାନୀ ମଧ୍ୟରୁ ଲୋକମାନଙ୍କର ବେଶ୍ ପସନ୍ଦ ଆମାଜନ ।

ଏହାର ନିର୍ମାତା ହେଉଛନ୍ତି ଜେଫ୍ ବେଜୋସ୍ । ସେ ତାଙ୍କ କମ୍ପାନୀକୁ ୧୯୯୪ରେ ଷ୍ଟାର୍ଟ କରିଥିଲେ । କିନ୍ତୁ ସେତେବେଳେ ଏହାର ନାଁ ଥିଲା କ୍ୟାଡାବ୍ରା । କିନ୍ତୁ କମ୍ପାନୀ ଷ୍ଟାର୍ଟର କିଛି ମାସ ପରେ ବେଜୋସ୍‌ ନିଜ କମ୍ପାନୀର ନାଁ ପରିବର୍ତ୍ତନ କରି ରଖିଥିଲେ ଆମାଜନ ।

 ସେହିପରି ଏହି ଲିଷ୍ଟରେ ରହିଛି  ଲୋକପ୍ରିୟ ସର୍ଚ୍ଚ ଇଞ୍ଜିନ୍‌ ଗୁଗୁଲ୍‌ । ୧୯୯୭ରେ ଏହାର ହୋଇଥିଲା ପ୍ରତିଷ୍ଠା । ନିର୍ମାତା ଏହାର ନାଁ ରଖିଥିଲେ ବ୍ୟାକ୍‌ରବ୍‌ । ପରେ ଏହାର ନାଁ ପରିବର୍ତ୍ତନ କରି ରଖିଥିଲେ ଗୁଗୁଲ୍ । କନ୍‌ଫିନିଟି ଏକ ସଫ୍ଟଓୟାର କମ୍ପାନୀ । ଏହା ଏକ ଅନ୍‌ଲାଇନ୍‌ ଟଙ୍କା ଟ୍ରାଞ୍ଜାକ୍ସନ କମ୍ପାନୀ । କିନ୍ତୁ ମସ୍କଙ୍କ କମ୍ପାନୀ ଏକ୍ସ ସହ ଯୋଡି ହେବା ପରେ ଏହାର ନାଁ ହୋଇଛି ପେପଲ୍‌ ।

ସେହିପରି ଭିଡିଓ ଷ୍ଟ୍ରିମିଙ୍ଗ୍ ଆପ୍‌ ନେଟଫ୍ଲିକ୍ସର ନାଁ ପୂର୍ବରୁ କିବଲ୍‌ ଥିଲା । କିନ୍ତୁ କମ୍ପାନୀର କୋ ଫାଉଣ୍ଡର ମାର୍କ ରାନଡୋଲ୍ଫଙ୍କୁ ଏହି ନାଁ ପସନ୍ଦ ଆସିନଥିଲା । ଏହାପରେ ସେ କିଛି ନାଁର ଚୟନ କରିଥିଲେ । ସେ ପ୍ରଥମେ ଓ୍ବେବଫ୍ଲିକ୍ସ, ଟେକ୍‌ଓ୍ବାନ୍, ଏବଂ ନେଟ୍‌ପିକ୍ସ ବୋଲି ଚିନ୍ତା କରିଥିଲେ । କିନ୍ତୁ ଶେଷରେ ସେ ଏହାର ନାଁ ରଖିଥିଲେ  ନେଟଫ୍ଲିକ୍ସ ।

ସେହିପରି ସର୍ଟ ଭିଡିଓ ଆପ୍‌ ଇଣ୍ଟାଗ୍ରାମର ନାଁ  ପୂର୍ବରୁ ଥିଲା । ନାମୀଦାମୀ ଜୋତା କମ୍ପାନୀ ନାଇକ୍‌ ୧୯୬୪ରେ ସ୍ଥାପନା ହୋଇଥିଲା । ଏହି କମ୍ପାନୀ ୧୯୬୪ରୁ ୧୯୭୮ ଯାଏଁ ବ୍ଲୁ ରିବନ୍‌ ସ୍ପୋର୍ଟସ୍‌ ନାଁରେ ଜଣା ଯାଉଥିଲା । ଏହାପରେ ଏହାର ନାଁ ପରିବର୍ତ୍ତନ ହୋଇ ହୋଇଥିଲା ନାଇକ୍ ।

You Can Read: