ଯାଜପୁର ୧୦।୦୮: ଗୁଣିଗାରେଡି ସନ୍ଦେହରେ ପରିବାର ଲୋକଙ୍କୁ ଗାଁରେ ଅଟକ । ଯାଜପୁର ସଦର ନାଥସାହି ଗାଁର ଜଗା ବାରିକ ଗୁଣିଗାରେଡି କରୁଥିବା ସନ୍ଦେହ କରି ପୁରା ପରିବାର ଲୋକଙ୍କୁ ଅଟକ ରଖିଛନ୍ତି ଗ୍ରାମବାସୀ । ଯାଜପୁର ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
ଖବର ଅନୁଯାୟୀ, ଗୁଣିଗାରେଡ଼ି ସନ୍ଦେହରେ ସଦର ଥାନା ନାଥସାହି ଗାଁର ଜଗା ବାରିକଙ୍କ ପରିବାର ଲୋକଙ୍କୁ ଅଟକ ରଖିଥିଲେ ଗ୍ରାମବାସୀ । ଘଟଣା ସଂପର୍କରେ ଖବର ପାଇ ଯାଜପୁର ସଦର ଥାନା ପୋଲିସ ସହ ପାଣିକୋଇଲି ପୋଲିସ ପହଞ୍ଚିଥିଲା । ଆଉ ଅଟକ ଲୋକଙ୍କୁ ଉଦ୍ଧାର କରି ଥାନାକୁ ଆଣିଥିଲା । ଥାନାରେ ଜଗା ବାରିକଙ୍କ ମାଆ ଏବଂ ସ୍ତ୍ରୀଙ୍କୁ ପଚରାଉଚରା କରୁଛି ପୋଲିସ । ଅନ୍ୟପଟେ ଗାଁରେ ଉତ୍ତେଜନା ପରିସ୍ଥିତି ଦେଖି ଗୋଟିଏ ପ୍ଲାଟୁନ ଫୋର୍ସ ମୁତୟନ କରାଯାଇଛି ।
