ବଲାଙ୍ଗୀର ୨୫।୩: ନକଲି ସାର୍ଟିଫିକେଟ୍‌ର ଗୁମର ଖୋଲିଲା ପୋଲିସ । ବଲାଙ୍ଗୀରରେ ପୋଷ୍ଟାଲ ଚାକିରୀ ପାଇଁ ଜାଲ୍ ସାର୍ଟିଫିକେଟ୍ ଦେଇ ଆବେଦନ ଅଭିଯୋଗ ଘଟଣାରେ ୮ ଅଭିଯୁକ୍ତଙ୍କୁ ଅଟକ ରଖିଲା ପୋଲିସ ।

ବଲାଙ୍ଗୀର କଲେଜ ଛକରେ ଥିବା ରିଲାଏନ୍ସ କୋଚିଂ ସେଣ୍ଟରେ ଚଢାଉ କରିଥିଲା ପୋଲିସ । ଶହ ଶହ ନକଲି ସାର୍ଟିଫିକେଟ୍ ଜବତ ହୋଇଛି । ଏଠି ତିଆରି ହେଉଥିଲା ନକଲି ସାର୍ଟିଫିକେଟ୍ । ଗ୍ରାମୀଣ ଡାକ ସେବା ପଦବୀ ଆବେଦନରେ ଜାଲ୍ ସାର୍ଟିଫିକେଟ୍ ଦେବା ଘଟଣା ପରେ ସାମ୍ନାକୁ ଆସିଥିଲା ଜାଲ ସାର୍ଟିଫିକେଟ ତିଆରି କଥା I  ଡାକ ବିଭାଗର ଯାଞ୍ଚ ବେଳେ ୩୭ରୁ ଅଧିକ ଜାଲ୍ ସାର୍ଟିଫିକେଟ୍ ଜବତ ହୋଇଛି  I ପୋଷ୍ଟାଲ ଅଧୀକ୍ଷକ ରାଜେନ୍ଦ୍ର କୁମାର ପଟ୍ଟନାୟକଙ୍କ ଏତଲା ପରେ ପୋଲିସ କାର୍ଯ୍ୟାନୁଷ୍ଠାନ ଗ୍ରହଣ କରିଛି I ଏବେ ଜାଲ୍ ସାର୍ଟିଫିକେଟ ରାକେଟକୁ ଧରିବା ପାଇଁ ପୋଲିସ ସ୍ୱତନ୍ତ୍ର ଯୋଜନା କରିଛି ।