ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚାନ୍ଦବାଲି: କଇଥଖୋଲା ବଜାରରେ ଭୟାବହ ଅଗ୍ନିକାଣ୍ଡ, ଜଳିଗଲା ୧୦ରୁ ଅଧିକ ଦୋକାନ
  • ||
  • ବ୍ରହ୍ମପୁରରେ ପୁଣି ରାଗିଂ ଅଭିଯୋଗ, ଘରୋଇ ସ୍କୁଲରେ ଜୁନିୟରଙ୍କୁ ପିଟିଲେ ସିନିୟର
  • ||
  • ଭୁବନେଶ୍ୱର: ଗୁମର ଖୋଲିଛି ଶ୍ରଦ୍ଧାଞ୍ଜଳୀ, ଇଡି ହାତରେ ଲାଗିଛି ବିସ୍ଫୋରକ ତଥ୍ୟ
  • ||
  • ଚାନ୍ଦବାଲି: କଇଥଖୋଲା ବଜାରରେ ଭୟାବହ ଅଗ୍ନିକାଣ୍ଡ, ଜଳିଗଲା ୧୦ରୁ ଅଧିକ ଦୋକାନ
  • ||

‘ମେଟା’ରେ ବଡ଼ ଧରଣର ଛଟେଇ, ୧୧ ହଜାର କର୍ମଚାରୀଙ୍କୁ ବାହାର କଲା କମ୍ପାନୀ, ଜୁକରବର୍ଗ କହିଲେ ‘Sorry’

9/11/2022 at 6:57 PM

ନୂଆଦିଲ୍ଲୀ: ସୋସିଆଲ୍ ମିଡିଆ ପ୍ଲାଟଫର୍ମ ଇତିହାସରେ ପ୍ରଥମ । କର୍ମଚାରୀଙ୍କୁ ଶକ୍ତ ଝଟ୍‌କା ଦେଲା ‘ମେଟା’ । ଫେସବୁକ୍ ମୂଳ କମ୍ପାନୀ ‘ମେଟା’ରେ ବଡ଼ ଧରଣର ଛଟେଇ ହୋଇଛି। ୧୧ ହଜାର କର୍ମଚାରୀଙ୍କୁ ଚାକିରିରୁ ବାହାର କରିଦେଇଛି କମ୍ପାନୀ । ଏନେଇ ଏକ ବ୍ଲଗ୍ ପୋଷ୍ଟ କରି ସୂଚନା ଦେଇଛନ୍ତି ‘ମେଟା’ର କାର୍ଯ୍ୟକାରୀ ଅଧ୍ୟକ୍ଷ ମାର୍କ ଜୁକରବର୍ଗ। ସେ ନିଜର କୁଶଳୀ କର୍ମଚାରୀଙ୍କୁ ବାହାର କରିଥିବାରୁ ଦୁଃଖ ପ୍ରକାଶ କରିଛନ୍ତି ।

ବୁଧବାର କର୍ମଚାରୀଙ୍କୁ ଛଟେଇ ନେଇ ‘ମେଟା’ରେ ପକ୍ଷକୁ ଯୋଜନା ହୋଇଥିଲା । ସୋସିଆଲ ମିଡିଆ ପ୍ଲାଟଫର୍ମରେ ନୂଆ ମାର୍ଗଦର୍ଶିକା, ବିଜ୍ଞାପନରୁ ରାଜସ୍ବ କମିବା ଓ ମେଟାବର୍ସ ପ୍ରକଳ୍ପ ପାଇଁ କମ୍ପାନୀ ପକ୍ଷରୁ ଏହି କଠିନ ନିଷ୍ପତ୍ତି ନିଆଯାଇଛି । କଷ୍ଟ୍ କଟିଂ ମାଧ୍ୟମରେ କମ୍ପାନୀର କର୍ମଚାରୀ ଅକାରକୁ ୧୩ ପ୍ରତିଶତ ହ୍ରାସ କରାଯାଇଛି । ଫଳରେ ୧୧ ହଜାରରୁ ଅଧିକ ପ୍ରତିଭାଶାଳୀ କର୍ମଚାରୀଙ୍କୁ ଚାକିରିରୁ ବାହାର କରିବାକୁ ନିଷ୍ପତ୍ତି ନେଇଛି କମ୍ପାନୀ ।  

ଜୁକରବର୍ଗଙ୍କ କହିବା ଅନୁଯାୟୀ, ଛଟେଇ ପୂର୍ବରୁ କର୍ମଚାରୀଙ୍କୁ ମୂଳ ବେତନ ହିସାବରେ ୧୬ ସପ୍ତାହର ଦରମା ଦିଆଯିବ । ଏହା ସହିତ କର୍ମଚାରୀ ଏବଂ ତାଙ୍କ ପରିବାରକୁ ୬ ମାସର ସ୍ବାସ୍ଥ୍ୟସେବା ଯୋଗାଇ ଦିଆଯିବ । ଅନ୍ୟପଟେ ‘ମେଟା’କୁ ଅଧିକ ପୁଞ୍ଜି କୁଶଳ କରିବାକୁ ଉଦ୍ୟମ ଚାଲିଛି । ‘ମେଟା’ରେ ଏଆଇ ଡିସ୍କଭରୀ ଇଞ୍ଜିନ, ଡିଜିଟାଲ ବିଜ୍ଞାପନ ବୃଦ୍ଧି ଓ ମେଟାବର୍ସ ପ୍ରକଳ୍ପକୁ ବିକଶିତ କରିବାକୁ ଧ୍ୟାନ ଦିଆଯାଉଛି । ୨୦୦୪ରେ ଫେସବୁକ୍ ଆରମ୍ଭ ପରଠାରୁ ଏହା ସବୁଠାରୁ ବଡ଼ ଛଟେଇ ।  କମ୍ପାନୀକୁ ପୁଞ୍ଜି ଦକ୍ଷ କରିବାକୁ ଏଭଳି ନିଷ୍ପତ୍ତି ନିଆଯାଇଛି । ‘ମେଟା’ରେ ମୋଟ୍ ୮୭ ହଜାର କର୍ମଚାରୀ ଚାକିରି କରୁଛନ୍ତି ।  

ପୂର୍ବ ସପ୍ତାହରେ ଟ୍ବିଟରରେ ମଧ୍ୟ ଛଟେଇ ହୋଇଥିଲା । କମ୍ପାନୀ ବିକ୍ରି ହେବା ପରେ ଏଲନ ମାସ୍କ କର୍ମଚାରୀଙ୍କ ସଂଖ୍ୟା ପ୍ରାୟ ୫୦ ପ୍ରତିଶତ ହ୍ରାସ କରିଛନ୍ତି । ସେହିପରି ସ୍ନାପଚାଟ୍ ମଧ୍ୟ ନିଜର ଶ୍ରମଶକ୍ତି ୨୦ ପ୍ରତିଶତକୁ ହ୍ରାସ କରିବା ବୋଲି ଅଗଷ୍ଟ ମାସରୁ ଘୋଷଣା କରିଛି କମ୍ପାନୀ ।    

   Related Posts