ନୂଆଦିଲ୍ଳୀ୦୩।୦୨: ଫେସ୍‌ବୁକ୍‌ ପ୍ରାୟତଃ ସମସ୍ତେ ବ୍ୟବହାର କରିଥାଆନ୍ତି। କିନ୍ତୁ ଆପଣ ଜାଣନ୍ତି କି ଫେସ୍‌ବୁକ୍‌ ଆପଣଙ୍କ ଫୋନ୍‌ର ବ୍ୟାଟେରୀ ଲୁଚିକି ବ୍ୟବହାର କରେ। ଏଥିପାଇଁ ବ୍ୟାଟେରୀରର ଲାଇଫ୍‌ କମ୍‌ ହୋଇଯାଏ। ଏହା ଫାଇଦା କମ୍ପାନୀ ନିଜ ପାଇଁ କରିଥାଏ। କିନ୍ତୁ ଯଦି ଆପଣ ଜାଣିବେ ଯେ କିଛି ଆପ୍ ନିଜ ସ୍ୱାର୍ଥ ପାଇଁ ଏହା କରୁଛନ୍ତି ? ତାହାଲେ । ଏହା ଫେସ୍‌ବୁକ୍‌ର ପୂର୍ବ କର୍ମଚାରୀ ଦାବି କରିଛନ୍ତି।

କମ୍ପାନୀର ଜଣେ ପୂର୍ବ କର୍ମଚାରୀଙ୍କ ଅନୁଯାୟୀ ସୋସିଆଲ ମିଡିଆ ପ୍ଲାଟଫର୍ମ ଉଦ୍ଦେଶ୍ୟମୂଳକ ଭାବେ ସ୍ମାର୍ଟଫୋନର ବ୍ୟାଟେରୀକୁ ଶେଷ କରିଥାଏ। କମ୍ପାନୀ ଏହା ନେଗେଟିଭ୍‌ ଟେଷ୍ଟିଂ ପାଇଁ କରିଥାଏ । ରିପୋର୍ଟ ଅନୁଯାୟୀ, ଫେସବୁକ ନେଗେଟିଭ୍‌ ଟେଷ୍ଟ କରିଥାଏ, ଯେଉଁଥିପାଇଁ ବ୍ୟବହାରକାରୀଙ୍କ ଫୋନର ବ୍ୟାଟେରୀ ଶୀଘ୍ର ଶେଷ ହୁଏ।

ନେଗେଟିଭ୍ ଟେଷ୍ଟ କ’ଣ?

ଡାଟା ବୈଜ୍ଞାନିକ ଜର୍ଜ ହେୱାର୍ଡ ଏହାର ସୂଚନା ଦେଇଛନ୍ତି। ସେ କହିଛନ୍ତି ଯେ ସୋସିଆଲ ମିଡିଆ କମ୍ପାନୀ ଫେସବୁକ ନେଗେଟିଭ୍‌ଟେଷ୍ଟ କରେ। ଯେଉଁଥିପାଇଁ ଜଣେ ୟୁଜର୍ସଙ୍କ ମୋବାଇଲ୍ ଫୋନର ବ୍ୟାଟେରୀ ଦ୍ରୁତ ଗତିରେ ଚାଲିଯାଏ । ସୋସିଆଲ ମିଡିଆ ପ୍ଲାଟଫର୍ମର ବିଭିନ୍ନ ଫିଚର୍ସ ଟେଷ୍ଟ କରିବାକୁ ଏହିପରି ପରୀକ୍ଷା କରାଯାଏ । ଏଥିରେ, ଯାଞ୍ଚ କରାଯାଇଛି ଯେ ଆପ୍ କେତେ ଶୀଘ୍ର ଚଲାଇପାରିବ କିମ୍ବା ସେମାନଙ୍କ ଆପରେ କ’ଣ ଅସୁବିଧା ଅଛି। ଏହି ଟେଷ୍ଟ ଗୁଡିକର ସବୁଠାରୁ ଖରାପ କଥା ହେଉଛି ୟୁଜର୍ସମାନେ ଏହି ବିଷୟରେ ଅବଗତ ତଥା ଜାଣନ୍ତି ନାହିଁ ।  

ଅନୁସନ୍ଧାନରୁ ଜଣାପଡିଛି ଯେ ଏହି ପ୍ରକାର ଅଭ୍ୟାସ କ୍ଷତିକାରକ ଅଟେ। ସେ କହିଥିଲେ, ‘ମୁଁ ମ୍ୟାନେଜରଙ୍କ ସହ ଏ ବିଷୟରେ କଥା ହେଲି’। ସେ କହିଛନ୍ତି ଯେ କିଛି ଲୋକଙ୍କ କ୍ଷତି ସହିତ ଆମେ ଅନେକ ଲୋକଙ୍କ ପାଇଁ ଭଲ କରିପାରିବା। ୩୩ ବର୍ଷୀୟ ପୂର୍ବ କର୍ମଚାରୀ ଫେସବୁକ ବିରୋଧରେ ମୈନ୍‌ହେଟନ ଫେଡେରାଲ କୋର୍ଟରେ ମାମଲା ଦାୟର କରିଛନ୍ତି।

ଅନୁସନ୍ଧାନକାରୀ କହିଛନ୍ତି ଯେ ସେ ନେଗେଟିଭ୍‌ ପରୀକ୍ଷା କରିବାକୁ ମନା କରିଦେଇଥିଲେ। ତେଣୁ ତାଙ୍କୁ କମ୍ପାନୀରୁ ବାହାର କରାଯାଇଥିଲା। ସେ ଫେସବୁକ୍ ମେସେଞ୍ଜର ଆପ୍ ପାଇଁ କାମ କରୁଥିଲେ । ଜର୍ଜ କହିଛନ୍ତି ଯେ ନକାରାତ୍ମକ ପରୀକ୍ଷଣ ଦ୍ୱାରା କେତେ ଉପଭୋକ୍ତା ୟୁଜର୍ସ ପ୍ରଭାବିତ ହୋଇଛନ୍ତି ସେ ଜାଣି ନାହାଁନ୍ତି। ଫେସବୁକର ପ୍ୟାରେଣ୍ଟ୍ କମ୍ପାନୀ ମେଟା ଏ ସମ୍ପର୍କରେ କୌଣସି ପ୍ରତିକ୍ରିୟା ଦେଇ ନାହିଁ।