ଓ୍ୱାଶିଂଟନ ୦୫|୦୩:  କରୋନା ଭାଇରସକୁ ନଜରରେ ରଖି ବିଶ୍ୱର ସବୁଠାରୁ ବଡ ସୋସିଆଲ ମିଡିଆ ପ୍ଲାଟଫର୍ମ ଫେସବୁକ ନିଜର ସିଟେଲ୍ ଅଫିସକୁ ମାର୍ଚ୍ଚ ୯ ତାରିଖ ଯାଏଁ ବନ୍ଦ କରିଛି। କମ୍ପାନୀର ଜଣେ କଣ୍ଟ୍ରାକ୍ଟର ଏହି ଭାଇରସ ଦ୍ୱାରା ଆକ୍ରାନ୍ତ ହେବା ପରେ କର୍ମଚାରୀଙ୍କୁ ଘରେ ବସି କାମ କରିବାକୁ କମ୍ପାନୀ ପରାମର୍ଶ ଦେଇଛି।

{"id":233559,"width":748,"height":489,"sizeSlug":"large"}

ଏହା ହେଉଛି ଆମେରିକାର ଦ୍ୱିତୀୟ ବଡ ମାମଲା ଯେତେବେଳେ କୌଣସି ବଡ କମ୍ପାନୀର କର୍ମଚାରୀ କରୋନା ଦ୍ୱାରା ସଂକ୍ରମିତ ହୋଇଛନ୍ତି। ପୂର୍ବରୁ ଆମାଜନର ଜଣେ କର୍ମଚାରୀ ଏହି ଭାଇରସ ଦ୍ୱାରା ସଂକ୍ରମିତ ହୋଇସାରିଛନ୍ତି।

ଫେସବୁକ ଷ୍ଟାଡିୟମ ଇଷ୍ଟ୍ ଅଫିସର ଜଣେ ମୁଖପାତ୍ର ଓ ଜଣେ କଣ୍ଟ୍ରାକ୍ଟରଙ୍କ ସ୍ୱାସ୍ଥ୍ୟ ପରୀକ୍ଷା କରାଯାଇଥିଲା। ସେମାନଙ୍କ ମଧ୍ୟରୁ ଜଣେ କରୋନାରେ ସଂକ୍ରମିତ ହୋଇଥିବା ରିପୋର୍ଟ ଆସିଥିଲା। ଏହାକୁ ନଜରରେ ରଖି କମ୍ପାନୀର କର୍ମଚାରୀଙ୍କୁ ସ୍ୱାସ୍ଥ୍ୟ ଓ ସୁରକ୍ଷାକୁ ଗୁରୁତ୍ୱ ଦେବାକୁ ପରାମର୍ଶ ଦିଆଯାଇଛି। ସଂକ୍ରମିତ ହୋଇଥିବା କଣ୍ଟ୍ରାକ୍ଟରଜଣଙ୍କ ଶେଷଥର ପାଇଁ ଫେବ୍ରୁଆରୀ ୨୧ରେ ଅଫିସ ଆସିଥିଲେ।