ସମ୍ବଲପୁର ୧।୪: ସମ୍ବଲପୁର ଶାସନ ଥାନା ଅନ୍ତର୍ଗତ ବିଶାଳଖିଣ୍ଡା କେନାଲରେ ଗାଡି ଓଲଟି ୭ଜଣଙ୍କ ମୃତ୍ୟୁ ଘଟଣାରେ ତଦନ୍ତ ଆରମ୍ଭ ହୋଇଛି l ଶନିବାର ଭୁବନେଶ୍ୱର ପରିବହନ ବିଭାଗ ଓ ପିଡ଼ବ୍ଲୁଡି ବିଭାଗର ଏକ୍ସପର୍ଟ ଟିମ୍ ଘଟଣାସ୍ଥଳରେ ପହଞ୍ଚି ତଦନ୍ତ କରିଛନ୍ତି l ଏହାସହ ଏକ୍ସପର୍ଟ ଟିମ୍ ଦୁର୍ଘଟଣା ବୋଲେରୋକୁ ତନ୍ନ ତନ୍ନ କରି ଯାଞ୍ଚ କରିଛନ୍ତି । ବୋଲେରୋ ଗାଡିର ସମସ୍ତ ପାର୍ଟଗୁଡିକ ଚେକ କରିବା ସହ ଗାଡିର କାଗଜପତ୍ର ଯାଞ୍ଚ କରିଛନ୍ତି ଏହି ଟିମ l

ଗାଡ଼ିରେ ସେହି ସମୟରେ କେତେ ଜଣ ବସିଥିଲେ, ଗାଡି ଚାଳକ ଓ ଗାଡିର ଅପରପାର୍ଶ୍ୱରେ ବସିଥିବା ବ୍ୟକ୍ତି ସିଟ୍ ବେଲ୍ଟ ପିନ୍ଧିଥିଲେ କି ନାହିଁ, କେଉଁ ପରିସ୍ଥିତିରେ ଏହି ଘଟଣା ଘଟିଲା ଏହି ଟିମ୍ ତାର ତଦନ୍ତ କରିଛନ୍ତି l ତଦନ୍ତ ପରେ ଏହି ଟିମ୍ ରାଜ୍ୟ ସରକାରଙ୍କୁ ସମସ୍ତ ତଥ୍ୟ ଦେବେ ବୋଲି କହିଛନ୍ତି l