previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାଟନା : ନୀତୀଶ କୁମାରଙ୍କ ଅଷ୍ଟମ ପାଳି, ମୁଖ୍ୟମନ୍ତ୍ରୀ ଭାବେ ନେଲେ ଶପଥ
  • ||
  • ରାଜ୍ୟରେ କମିଲା ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୬୫୩ କୋଭିଡ୍ ପଜିଟିଭ୍
  • ||
  • ବ୍ରହ୍ମପୁର: ଗଞ୍ଜେଇ ଚାଲାଣ ବେଳେ ଧରାପଡିଲା ସୁନା ତସ୍କରୀ, ୨୦ ସୁନା ବିସ୍କୁଟ ଜବତ
  • ||
  • ସୋର : ଭାରସାମ୍ୟ ହରାଇ ଓଲଟିଲା ତୀର୍ଥଯାତ୍ରୀ ବସ୍, ୩୦ରୁ ଅଧିକ ଆହତ
  • ||

ନିର୍ବାଚନରେ ନିଶା କାରବାର ରୋକିବା ପାଇଁ ଅବକାରୀ ବିଭାଗର ବ୍ୟାପକ ପ୍ରସ୍ତୁତି, ବିଭିନ୍ନ ସ୍ଥାନରେ ଚଢାଉ ଜାରି

17/03/2019 at 6:44 PM

କଟକ ୧୭|୩ : ନିର୍ବାଚନରେ ନିଶା କାରବାରକୁ ରୋକିବା ପାଇଁ ଅବକାରୀ ବିଭାଗ ପକ୍ଷରୁ ବ୍ୟାପକ ପ୍ରସ୍ତୁତି କରାଯାଇଛି । କଟକ ଜିଲ୍ଲା ଅବକାରୀ ବିଭାଗ, ଅବକାରୀ ଗୁଇନ୍ଦା ବିଭାଗ ଓ ଫ୍ଲାଇଂ ସ୍କ୍ବାର୍ଡ୍‌ ପୃଥକ ପୃଥକ ଭାବେ ନିଜର ମିଶନ୍‌ ଜାରି ରଖିଛନ୍ତି । ଜିଲ୍ଲା ଅବକାରୀ ବିଭାଗ ପକ୍ଷରୁ ୯ଟି ଚାର୍ଜରେ ଟିମ୍‌ ବିଭକ୍ତ ହୋଇଥିବା ବେଳେ କଣ୍ଟ୍ରୋଲ ରୁମ୍‌ ମଧ୍ୟ ଖୋଲାଯାଇଛି । ନିର୍ବାଚନକୁ ଦୃଷ୍ଟିରେ ରଖି ବ୍ୟାପକ ଚଢାଉ ଜାରି ରହିଥିବା କହିଛି ଅବକାରୀ ବିଭାଗ ।

ନିର୍ବାଚନରେ ନିଶା କାରବାରକୁ ରୋକିବା ପାଇଁ କଟକ ଜିଲ୍ଲା ଅବକାରୀ ବିଭାଗ, ଅବକାରୀ ଗୁଇନ୍ଦା ବିଭାଗ ଓ ଫ୍ଲାଇଂ ସ୍କ୍ବାର୍ଡ୍‌ ନିଜ ନିଜ ତରିକାରେ ଆରମ୍ଭ କରିଛନ୍ତି ଅପରେସନ୍‌ । ନିଶା କାରବାର ସମ୍ପର୍କରେ ଖବର ପାଇବା ପାଇଁ ବିଭାଗ ପକ୍ଷରୁ ଏକ କଣ୍ଟ୍ରୋଲ୍‌ ରୁମ୍ ମଧ୍ୟ ଖୋଲାଯାଇଛି । କଟକ ଜିଲ୍ଲା ଅବକାରୀ ବିଭାଗ ପକ୍ଷରୁ ୫୫ ଜଣ ସଦସ୍ୟଙ୍କୁ ନେଇ ୯ଟି ଚାର୍ଜ ଗଠନ କରାଯାଇଛି ଓ ୨ଟି ମୋବାଇଲ୍ ୟୁନିଟ୍‌ ମଧ୍ୟ କରାଯାଇଛି ।ଅବକାରୀ ବିଭାଗ ପକ୍ଷରୁ ଆଠଗଡ, ସଦର, ବାଙ୍କି ଓ ଚୌଦ୍ବାରକୁ ସମ୍ବେଦନଶୀଳ ଭାବେ ନିଆଯାଇଛି । ନିର୍ବାଚନକୁ ଦୃଷ୍ଟିରେ ରଖି ଗତ ପାଞ୍ଚ ଦିନ ଭିତରେ ଜିଲ୍ଲା ଅବକାରୀ ବିଭାଗ ପକ୍ଷରୁ ୧୦ ଜଣଙ୍କୁ ଗିରଫ କରିବା ସହ ୧୭ ଲିଟର ବିଦେଶୀ ମଦ, ୪୯ ଲିଟର ଦେଶୀ ମଦ ଓ ୨୩୨ ଲିଟର ପୋଚ ଜବତ କରାଯାଇଥିବା ଜିଲ୍ଲା ଅବକାରୀ ବିଭାଗ ପକ୍ଷରୁ କୁହାଯାଇଛି ।

ସେହିଭଳି କେନ୍ଦ୍ରାଞ୍ଚଳ ଅବକାରୀ ଗୁଇନ୍ଦା ବିଭାଗ ପକ୍ଷରୁ ମଧ୍ୟ ନିର୍ବାଚନକୁ ଦୃଷ୍ଟିରେ ରଖି ଏକ ସ୍ବତନ୍ତ୍ର ବ୍ଲୁ ପ୍ରିଣ୍ଟ ପ୍ରସ୍ତୁତ କରାଯାଇଛି । ଏହି ବିଭାଗ ଅଧୀନରେ ମୋଟ ୧୦ଟି ଜିଲ୍ଲା ରହିଛି । ତେବେ ୩ଟି ଲେଖାଏଁ ଜିଲ୍ଲାକୁ ଗୋଟିଏ ଟିମ୍‌ ଗସ୍ତ କରି ଅବକାରୀ ଚଢାଉ ଜାରି ରଖିଥିବା କେନ୍ଦ୍ରାଞ୍ଚଳ ଅବକାରୀ ଗୁଇନ୍ଦା ବିଭାଗ ପକ୍ଷରୁ କୁହାଯାଇଛି । ନିକଟରେ ବହୁ ପରିମାଣର ଗଞ୍ଜେଇ ଧରିବା ସହ ୨୨ ଲକ୍ଷ ଟଙ୍କାର ବ୍ରାଉନ୍‌ ସୁଗାର ମଧ୍ୟ ଜବତ କରିଛି କେନ୍ଦ୍ରାଞ୍ଚଳ ଅବକାରୀ ଗୁଇନ୍ଦା ବିଭାଗ । ଆଗକୁ ଆହୁରି ବ୍ୟାପକ ଚଢାଉ କରାଯିବ ବୋଲି କେନ୍ଦ୍ରାଞ୍ଚଳ ଅବକାରୀ ଗୁଇନ୍ଦା ବିଭାଗ ଇନିସ୍‌ପେକ୍ଟର ସୂଚନା ଦେଇଛନ୍ତି ।

ନିର୍ବାଚନ ସମୟରେ ବ୍ୟାପକ ନିଶା କାରବାର ହେଉଥିବା ପୂର୍ବରୁ ବହୁ ନଜିର୍‌ ରହିଛି । ହେଲେ ଆସନ୍ତା ନିର୍ବାଚନକୁ ନିଶାମୁକ୍ତ କରିବା ପାଇଁ ଚେଷ୍ଟା ଜାରି ରଖିଛି ଅବକାରୀ ବିଭାଗ ।

   Related Posts