ପାଟଣା, ୨୪/୦୨: କେନ୍ଦୁଝର ଜିଲ୍ଲା ଅବକାରୀ ଅଧିକ୍ଷକ ସୀତାକାନ୍ତ ମୁଦୁଲିଙ୍କ ନିର୍ଦ୍ଦେଶକ୍ରମେ ପାଟଣା ଅବକାରୀ ଥାନା ଅଧିକାରୀ ଜନାର୍ଦ୍ଦନ ପଲେଇଙ୍କ ଦ୍ଵାରା ପାଟଣା ଓ ତୁରୁମୁଙ୍ଗା ଥାନା ଅଞ୍ଚଳରେ ଚଢ଼ାଉ କରିଯାଇଛି । ବେଆଇନ ମଦ ବିକ୍ରି ଅଭିଯୋଗରେ ୪ ଜଣଙ୍କୁ ଗିରଫ କରି ମାମଲା ରୁଜୁ କରିଛି ପୋଲିସ୍। ଗିରଫ ଅଭିଯୁକ୍ତମାନେ ହେଲେ ପାଟଣା ଥନା ଉଦୟପୁର ଗ୍ରାମ କୁକୁଡ଼ିଆପଶି ସାହିର ବେଣୁଧର ମହାନ୍ତ, ତୁରୁମୁଙ୍ଗା ଥାନା ଅଞ୍ଚଳର ପଡିଆପଶି ଗ୍ରାମର ସଦା ନାଏକ, ଜାମୁଦାର ସୁଷମା ନାଏକ ଓ ଖୀରେଇ ଟାଙ୍ଗିରୀ ଗ୍ରାମର ରଞ୍ଜୁଲତା ନାଏକ । ଏମାନଙ୍କ ଠାରୁ ମୋଟ ୩୮ ଲିଟର ମହୁଲି ମଦ ଜବତ କରାଯାଇଛି । ଏହି ଚଢ଼ାଉରେ ଏଏସଆଇ ରଙ୍ଗାଧର ପାତ୍ରଙ୍କ ସମେତ ଅବକାରୀ ଥାନାର କର୍ମଚାରୀ ସାମିଲ ଥିଲେ।
ଲଣ୍ଡନରେ ପାଠପଢା,ଭାରତରେ ଲଢୁଛନ୍ତି ଭୋଟ୍,ଚର୍ଚ୍ଚାରେ...