ଆଠଗଡ଼ ୧୧।୦୪ : ଆଠଗଡ ଅବକାରୀ ବିଭାଗ ପକ୍ଷରୁ ବଡ଼ଧରଣର ଚଢ଼ାଉ। ଯେତେ ଖୋଜିଲେ ସେତେ ବାହାରୁଛି ଚୋରା ଦେଶୀ ବିଦେଶୀ ମଦ ସହ ପୋଚ। ଏହି ଚଢାଉରେ ୪ ଗୋଟି ମାମଲା ରୁଜୁ କରାଯାଇଥିବା ବେଳେ କାହାକୁ ଗିରଫ କରାଯାଇ ନଥିବା ଅବକାରୀ ବିଭାଗ ପକ୍ଷରୁ ସୂଚନା ଦିଆଯାଇଛି।

ଖବର ଅନୁଯାୟୀ, ତିଗିରିଆ ଥାନା ଭିରୁଡ଼ା ଗାଁରେ ଅବକାରୀ ବିଭାଗର ହୋଇଛି ଚଢାଉ । ଏଥିରେ ୨୯୪୦ ଲିଟର ଚୋରା ଦେଶୀ ମଦ ଓ ୬୩୦୦ ଲିଟର ପୋଚ ଜବତ। ତିଗିରିଆ ଥାନା ଅନ୍ତର୍ଗତ ଭିରୁଡା ଗ୍ରାମରୁ ଦେଶୀ ମଦ ଚୋରା ଚାଲାଣ ବନ୍ଦ ହେବାର ନା ଧରୁନି l ବିଭାଗ ପକ୍ଷରୁ କେବଳ ଲୋକ ଦେଖାଣିଆ ଚଡାଉ କରାଯାଉଥିବା ବେଳେ ସବୁବେଳେ ମାଫିଆମାନେ ଖସି ପଳାଇବାରେ ସକ୍ଷମ ହେଉଛନ୍ତି। କଟକ ଜିଲ୍ଲା ଅବକାରୀ ବିଭାଗ ଏବଂ ଆଠଗଡ଼ ଅବକାରୀ ବିଭାଗର ମିଳିତ ଭାବେ ଚଢ଼ାଉ କରିଛି । ତେବେ ଏହି ଚଢାଉରେ ୪ ଗୋଟି ମାମଲା ରୁଜୁ କରାଯାଇଥିବା ବେଳେ କାହାକୁ ଗିରଫ କରାଯାଇନଥିବା ଅବକାରୀ ବିଭାଗ ପକ୍ଷରୁ ସୂଚନା ଦିଆଯାଇଛି।