ଆଠଗଡ଼ ୨୦।୭: ଆଠଗଡ଼ ଅବକାରୀ ବିଭାଗକୁ ସଫଳତା । ନରସିଂହପୁର ବାଗଧରିଆ ଛକ ନିକଟରୁ ୬୦ କେଜି ଗଞ୍ଜେଇ ଜବତ କରିଛି ଅବକାରୀ ବିଭାଗ । ଯାହାର ଆନୁମାନିକ ମୂଲ୍ୟ ପ୍ରାୟ ୬ ଲକ୍ଷ ଟଙ୍କା ହେବ । ଗଞ୍ଜେଇ ଚାଲାଣ ଅଭିଯୋଗରେ ନୟାଗଡ଼ ଶରଣକୁଳ ଅଂଚଳର ମାନସ କୁମାର ପ୍ରଧାନ  ଗିରଫ କରି କୋର୍ଟ ଚାଲାଣ କରିଛି । ଏହା ବ୍ୟତୀତ ଏହି ଚାଲାଣରେ ବ୍ୟବହାର ହେଉଥିବା ଏକ କାରକୁ ମଧ୍ୟ ଜବତ କରିଛି ଅବକାରୀ ବିଭାଗ ।

ଫୁଲବାଣୀରୁ ଲମ୍ବିଛି ବାହାର ରାଜ୍ୟ ପଶ୍ଚିମବଙ୍ଗକୁ ଚୋରା ଗଞ୍ଜେଇ ଚାଲାଣର ଚେର । ଫୁଲବାଣୀରୁ ପଶ୍ଚିମବଙ୍ଗ ହେଉଥିଲା ଗଞ୍ଜେଇ ଚୋରା ଚାଲାଣ । ଏସ୍କଟ କରି ଏକ କାରରେ ଯାଇଥିବା ସମ୍ପୃକ୍ତ ୩ ଜଣ ଅବକାରୀ ବିଭାଗକୁ ଚକମା ଦେଇ ଖସି ଯିବାରେ ସଫଳ ହୋଇଥିଲେ । ସେମାନଙ୍କ ଉପରେ ଅବକାରୀ ବିଭାଗ ନଜର ରଖିଥିବା ଆଠଗଡ ଡେପୁଟି ସୁପରିଟେଣ୍ଡଣ୍ଟ ପ୍ରମୋଦ କୁମାର ପଣ୍ଡା କହିଛନ୍ତି ।

ସେପଟେ ବେଆଇନ ଚୋରା ଦେଶୀ ମଦ ଚୋରା ଚାଲାଣ ବେଳେ ବିଶେଷ ସୂତ୍ରରୁ ଖବର ପାଇ ମାଡ଼ି ବସିଲା ଅବକାରୀ ବିଭାଗ । ଆଠଗଡ଼ ଥାନା ଅନ୍ତର୍ଗତ କୋରଙ୍ଗା ଗ୍ରାମରୁ ବାଙ୍କୀ ଅଞ୍ଚଳକୁ ଏକ  ବୋଲେରୋରେ ଚୋରା ଚାଲାଣ ହେଉଥିବା ବେଳେ ଧରିଲା ଆଠଗଡ଼ ଅବକାରୀ ବିଭାଗ । ଆଠଗଡ଼ ଅଂଶୁପା ତାରିଣୀ ଛକ ନିକଟରୁ ଏକ ବୋଲେରୋ ଗାଡ଼ି ସହିତ ୩୬୦ ଲିଟର ଚୋରା ଦେଶୀ ମଦ ଜବତ କରିବା ସହ ଡ୍ରାଇଭର ଗିରଫ କରିବାରେ ସଫଳ ହୋଇଛି ଅବକାରୀ ବିଭାଗ । ଗିରଫ ଗାଡ଼ି ଚାଳକ ଜଣଙ୍କ ହେଲେ ଢ଼େଙ୍କାନାଳ ସିଆରିଆ ଗ୍ରାମର ମାନସ ବେହେରା । ତେବେ ସମ୍ପୃକ୍ତ ବୋଲେର ମାଲିକକୁ ଖୁବ୍ ଶୀଘ୍ର ଧରାଯିବ ବୋଲି ଆଠଗଡ଼ ଡେପୁଟି ସୁପରିଟେଣ୍ଡଣ୍ଟ କହିଛନ୍ତି ।

You Can Read :