scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଭାବପ୍ରବଣ କରି ଦେବା ପରି ସଫଳତା : ଶ୍ରମିକ, ତାଙ୍କ ପରିବାର ଓ ଉଦ୍ଧାରକାରୀଙ୍କୁ ପିଏମ୍ ମୋଦୀଙ୍କ ସଲାମ୍

28/11/2023 at 10:24 PM

ନୂଆଦିଲ୍ଲୀ: ଉତ୍ତରାଖଣ୍ଡ ସିଲକ୍ୟାରା ସୁଡ଼ଙ୍ଗରେ ଫସିଥିବା ଶ୍ରମିକଙ୍କୁ ୧୭ ଦିନ ପରେ ସୁରକ୍ଷିତ ଉଦ୍ଧାର କରାଯାଇଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏହି ସଫଳ ଅଭିଯାନ ଉପରେ ଖୁସି ବ୍ୟକ୍ତ କରିଛନ୍ତି । ପିଏମ୍ ମୋଦୀ ଏକ୍ସରେ ଲେଖିଛନ୍ତି, ‘ଉତ୍ତରକାଶୀରେ ଆମ ଶ୍ରମିକ ଭାଇଙ୍କ ରେସ୍କ୍ୟୁ ଅପରେସନର ସଫଳତା ସମ୍ଭିଙ୍କୁ ଭାବୁକ କରୁଛି’।

ପିଏମ୍ ମୋଦୀ ଲେଖିଛନ୍ତି, ‘ଟନେଲରେ ଯେଉଁ ସାଥୀ ଫସିଥିଲେ । ସେମାନଙ୍କୁ ମୁଁ କହିବାକୁ ଚାହୁଁଛି ଯେ ଆପଣଙ୍କ ସାହସ ଓ ଧୈର୍ଯ୍ୟ ସମସ୍ତଙ୍କୁ ପ୍ରେରଣା ଦେଉଛି । ମୁଁ ଆପଣ ସମସ୍ତଙ୍କ ଉତ୍ତମ ସ୍ୱାସ୍ଥ୍ୟ କାମନା କରୁଛି । ଏହା ଅତ୍ୟନ୍ତ ଖୁସିର ବିଷୟ ଯେ ଦୀର୍ଘ ଅପେକ୍ଷା ପରେ ଏବେ ଆମର ଏହି ସାଥୀମାନେ ନିଜ ପ୍ରିୟଜନଙ୍କୁ ଭେଟିପାରିବେ’।

ପ୍ରଧାନମନ୍ତ୍ରୀ ଲେଖିଛନ୍ତି, ‘ସମସ୍ତଙ୍କ ପରିଜନ ମଧ୍ୟ ଏହି ଆହ୍ୱାନପୂର୍ଣ୍ଣ ସମୟରେ ଯେଉଁ ଧୈର୍ଯ୍ୟ ଓ ସାହସର ପରିଚୟ ଦେଇଛନ୍ତି, ତାକୁ ଯେତେ ପ୍ରଶଂସା କଲେ ବି କମ ହେବ । ମୁଁ ଏହି ଉଦ୍ଧାର ଅଭିଯାନରେ ସାମିଲ ସମସ୍ତଙ୍କ ଉଦ୍ୟମକୁ ସଲାମ କରୁଛି । ସେମାନଙ୍କ ବାହାଦୂରୀ ଓ ସଂକଳ୍ପ-ଶକ୍ତି ଆମ ଶ୍ରମିକ ଭାଇଙ୍କୁ ନୂଆ ଜୀବନ ଦେଇଛି । ଏହି ମିଶନରେ ସାମିଲ ସମସ୍ତେ ମାନବିକତା ଓ ଟିମ୍ ୱାର୍କର ଏକ ଅଦ୍ଭୂତ ଉଦାହରଣ ସୃଷ୍ଟି କରିଛି’। ଉଲ୍ଲେଖଯୋଗ୍ୟ ଯେ ଟନେଲରୁ ବାହାର କରାଯିବା ପରେ ସମସ୍ତ ଶ୍ରମିକଙ୍କୁ ହସ୍ପିଟାଲ୍ ନିଆଯାଇଛି ।

ନଭେମ୍ୱର ୧୨ରେ ଦୀପାବଳି ଦିନ ଭୋର ପାଞ୍ଚଟାରେ ଭୂସ୍ଖଳନ ଯୋଗୁଁ ୪୧ ଶ୍ରମିକ ସୁଡଙ୍ଗ ଭିତରେ ଫସି ରହିଥିଲେ । ଦୀର୍ଘ ୧୭ ଦିନ ଧରି ଫସିଥିବା ଶ୍ରମିକଙ୍କୁ ଉଦ୍ଧାର କରିବା ପାଇଁ ଅଭିଯାନ ଚାଲିଥିଲା ।

Also Read: ବିଜୟର ନାୟକ : ରାଟ୍ ହୋଲ୍ ବିଶେଷଜ୍ଞଙ୍କଠାରୁ ବିଦେଶୀ ଇଞ୍ଜିନିୟର ଯାଏ, ୪୧ ଶ୍ରମିକଙ୍କୁ ଉଦ୍ଧାର କରିଥିବା ଟିମ୍‌କୁ ଜାଣନ୍ତୁ

   Related Posts