କଟକ ୩୦\୧୦: ଓଡ଼ିଶା ପବ୍ଲିକ୍ ସର୍ଭିସ କମିଶନ ବା ଓପିଏସସିର ତୋଗଲକି ଶାସନ । ପରୀକ୍ଷାର୍ଥୀ ଉତ୍ତରଖାତା ମାଗିଲେ ଦେଉନାହାନ୍ତ କର୍ତ୍ତୃପକ୍ଷ । ଏପରିକି ସୂଚନା ଅଧିକାର ଆଇନ୍ ବଳରେ ତଥ୍ୟ ମାଗିଲେ ଦେବାକୁ ମନା କରି ଦେଉଥିବା ଅଭିଯୋଗ ହୋଇଛି । ଗତ ମାର୍ଚ୍ଚରେ ଡେଣ୍ଟାଲ ସର୍ଜନ ପରୀକ୍ଷାରେ ଓପିଏସ୍ ସି ଭୁଲ ପାଇଁ ବହୁ ପରୀକ୍ଷାର୍ଥୀ ଚାକିରିରୁ ବଞ୍ଚିତ ହୋଇଛନ୍ତି । ସବୁ ଜାଣି ମଧ୍ୟ କର୍ତ୍ତୃପକ୍ଷ ତ୍ରୁଟି ସୁଧାରିବାକୁ ନାରାଜ । …
![](https://www.prameyanews7.com/wp-content/uploads/2018/10/vlcsnap-5607-11-27-19h24m42s494.png)
OPSC ପିଛା ଛାଡୁନି ବିବାଦ । ଡେଣ୍ଟାଲ ସର୍ଜନ ପରୀକ୍ଷାରେ ବ୍ୟାପକ ଅନିୟମିତତା ଅଭିଯୋଗ ପରେ ଏବେ ସାମ୍ନାକୁ ଆସିଛି ଆଉ ଏକ ନୂଆ ଅଭିଯୋଗ । ଗତ ମାର୍ଚ୍ଚରେ ୧୯୮ ଡେଣ୍ଟାଲ ସର୍ଜନ ପଦବୀ ପାଇଁ ହୋଇଥିଲା ପରୀକ୍ଷା । OPSC ଦ୍ବାରା ନିର୍ଦ୍ଧାରିତ ପ୍ରଶ୍ନର ଉତ୍ତର ମଧ୍ୟରୁ ୧୫ଟି ଭୁଲ ଥିବା ଅଭିଯୋଗ ହୋଇଛି । ନିୟମ ମୁତାବକ ପରୀକ୍ଷାରେ ଆସିଥିବା ପ୍ରଶ୍ନର ଉତ୍ତର ଏକ୍ସପର୍ଟଙ୍କ ଦ୍ବାରା ନିର୍ଦ୍ଧାରିତ ହୋଇଥାଏ । ସେହି ଉତ୍ତର ଆଧାରରେ ହି ଖାତା ମୂଲ୍ୟାୟନ କରାଯାଏ । ଏଠି OPSC ଭୁଲ ପାଇଁ କିନ୍ତୁ ଦଣ୍ଡ ଭୋଗୁଛନ୍ତି ମେଧାବୀ ପରୀକ୍ଷାର୍ଥୀ ।
![](https://www.prameyanews7.com/wp-content/uploads/2018/10/vlcsnap-2867-10-20-21h39m21s518.png)
ନିୟମ ଅନୁସାରେ ପରୀକ୍ଷା ଫଳ ପ୍ରକାଶ ପୂର୍ବରୁ କଟ୍ ଅଫ୍ ମାର୍କ ଓ ଉତ୍ତର ଗୁଡିକୁ OPSC ୱେବସାଇଟରେ ଅପଲୋଡ୍ କରାଯାଏ । କିନ୍ତୁ ଡେଣ୍ଡାଲ ସର୍ଜନ ପରୀକ୍ଷାରେ OPSC କଟ ଅପ୍ ମାର୍କ ଓ ଉତ୍ତର ୱେବସାଇଟରେ ପ୍ରକାଶ କରିନି । ଏପରିକି ସୂଚନା ଅଧିକାରୀ ଆଇନ ବଳରେ କୌଣସି ସୂଚନା ଦେବାକୁ OPSC କର୍ତ୍ତୃପକ୍ଷ ମନା କରି ଦେଉଛନ୍ତି ।