ଭୁବନେଶ୍ୱର ୨୩/୦୬: ବନ୍ଧାହେଲେ ଭଦ୍ରକର ପୂର୍ବତନ ଡିଏସ୍ଡବ୍ଲ୍ୟୁଓ(ଜିଲ୍ଲା ସମାଜମଙ୍ଗଳ ଅଧିକାରୀ) ଜୟନ୍ତୀ ବେହେରା ଗିରଫ । ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ବାନ୍ଧିଲା ଭିଜିଲାନ୍ସ । ଶୁକ୍ରବାର ଜୟନ୍ତୀ ବେହେରାଙ୍କୁ କୋର୍ଟ ଚାଲାଣ କରାଯିବ ବୋଲି ଜଣାପଡ଼ିଛି ।
ସୂଚନା ଥାଉକି, ଜୟନ୍ତୀଙ୍କ ଭଦ୍ରକ ଭଡା ଘର, ଭୁବନେଶ୍ୱର କାର୍ଯ୍ୟାଳୟ, ଫ୍ଲାଟ୍, ବାଲେଶ୍ୱର ସ୍ଥିତ ଘର, ସୁନହଟରେ ଥିବା ଝିଅଘର, ଚିଡ଼ିଆପୋଲ ନିକଟରେ ଥିବା ଛତୁଆ ପ୍ରସ୍ତୁତକାରୀ ଠିକାଦାର ଶଙ୍କର ଚଣ୍ଡଙ୍କ ଘରେ ଏହି ଚଢ଼ଉ ହୋଇଥିଲା । ମୋଟ ୧୧ଟି ସ୍ଥାନରେ ଏକା ସାଙ୍ଗରେ ଚଢ଼ାଉ କରିଥିଲା ଭିଜିଲାନ୍ସ । ଏହି ସମୟରେ ସାଢ଼େ ୫ କୋଟି ଟଙ୍କା ମୂଲ୍ୟର ସ୍ଥାବର ଅସ୍ଥାବର ସମ୍ପତ୍ତି ଠାବ ହୋଇଥିଲା ।
wp:embed {"url":"https://www.prameyanews7.com/vigilance-raid-at-ex-dswo/","type":"wp-embed","providerNameSlug":"prameya-news-7"}ଜବତ ସ୍ଥାବର ଅସ୍ଥାବର ସମ୍ପତ୍ତି ମଧ୍ୟରେ ରହିଛି, ବାଲେଶ୍ୱରର ପିରିଙ୍ଗିପାଟଣା ସ୍ଥିତ ୩ ମହଲା କୋଠା, ଗଣେଶ୍ୱରପୁରର ସିଦେ୍ଧଶ୍ୱର କଲୋନି ସ୍ଥିତ କଲୋନିର ୩ ମହଲା କୋଠା । ଉକ୍ତ ଘର ୨ଟି ଯଥାକ୍ରମେ ୪୦୦୦ ଓ ସାଢ଼େ ୫୫୦୦ ବର୍ଗଫୁଟର । ବାଲେଶ୍ୱରରେ ୧୧୪୦ ବର୍ଗଫୁଟ୍ ଅଞ୍ଚଳରେ ଆଉ ଗୋଟିଏ ୨ ମହଲା ନିର୍ମାଣାଧୀନ କୋଠା, ଭୁବନେଶ୍ୱର ଗୌତମ ନଗର ଉତ୍କଳ ରୟାଲ ରେସିଡେନ୍ସିରେ ଗୋଟିଏ ୩ ବିଏଚ୍କେ ଫ୍ଲାଟ୍, ପୁରୁଣା ଭୁବନେଶ୍ୱର ଷ୍ଟଲ୍ୱାଟ୍ ପାଲେସ୍ରେ ୩ ବିଏଚ୍କେ ଫ୍ଲାଟ୍, ବାଲେଶ୍ୱର ପ୍ରମୁଖ ଅଞ୍ଚଳରେ ୮ ପ୍ଲଟ ।
ଚଢ଼ଉ ସମୟରେ ତାଙ୍କ ଘରୁ ୨.୭୯ ଲକ୍ଷ ଟଙ୍କା, ୧.୬୧ କୋଟିର ବ୍ୟାଙ୍କ, ପୋଷ୍ଟାଲ ଜମା ଓ ବୀମା ପଲିସି, ଗୋଟିଏ କାର୍, ୨ଟି ବାଇକ୍, ୨ କେଜିରୁ ଅଧିକ ରୁପା, ସାଢ଼େ ୭ ଲକ୍ଷ ଟଙ୍କାର ସୁନା ଅଳଙ୍କାର ଓ ବହୁ କାଗଜପତ୍ର ଜବତ କରିଛି ଭିଜିଲାନ୍ସ । ତା’ଛଡା ଜୟନ୍ତୀଙ୍କ ଭାଇଙ୍କ ପରିବାର ଅନ୍ୟ ବ୍ୟକ୍ତିଙ୍କ ନାଁରେ ମଧ୍ୟ କୋଟି କୋଟି ଟଙ୍କାର ସମ୍ପତ୍ତି କରିଥିବା ଭିଜିଲାନ୍ସ ଜାଣିବାକୁ ପାଇଛି । ତାଙ୍କ କାର୍ଯ୍ୟକାଳ ସମୟରେ ସେ ବହୁ ଦୁର୍ନୀତିରେ ଲିପ୍ତ ଥିବା ଅଭିଯୋଗ ହୋଇ ଆସୁଥିଲା ।
