ମୁମ୍ବାଇ ୦୩।୧୦ : ଥାଲାଙ୍କ ନୂଆ ଲୁକ୍‌ । ଷ୍ଟାଇଲିସ୍‌ ଲୁକ୍‌ରେ ନଜର ଆସିଲେ କ୍ୟାପେଟନ କୁଲ୍‌ । ଜବରଦସ୍ତ ହେୟାର ଷ୍ଟାଇଲ୍‌ ସହ ବ୍ଲାକ ସନ୍‌ଗ୍ଲାସ୍‌ରେ ମାହିଙ୍କ ଜଲ୍‌ଓ୍ୱା । ସୋସିଆଲ୍‌ ମିଡିଆରେ ଖୁବ୍‌ ଭାଇରାଲ ହେବାର ଲାଗିଛି ମହେନ୍ଦ୍ର ସିଂହ ଧୋନିଙ୍କ ନୂଆ ହେୟାର ଷ୍ଟାଇଲ୍‌ ।

Forever kind of love! ✨#WhistlePodu #Yellove 🦁💛 @msdhoni pic.twitter.com/1QoDM6DoI7

— Chennai Super Kings (@ChennaiIPL) October 3, 2023

ଚାରିଆଡେ ଏବେ ଦିନିକିଆ ବିଶ୍ୱକପ୍‌ ପାଇଁ କ୍ରେଜ୍‌ । ଫ୍ୟାନ୍ସମାନେ ନିଜ ନିଜ ଫେବରିଟ୍‌ ଖେଳାଳିଙ୍କ ଦମଦାର ପ୍ରଦର୍ଶନକୁ ଅପେକ୍ଷା କରି ରହିଛନ୍ତି । ଆଉ ଦିନକ ପରେ ଆରମ୍ଭ ହେବ ଦିନିକିଆ କ୍ରିକେଟ୍‌ ବିଶ୍ୱକପ୍‌ ୨୦୨୩ । ତେବେ ଚାରିଆଡେ ବିଶ୍ୱକପ୍‌ର କ୍ରେଜ୍‌ ଥିବା ବେଳେ ଭାରତୀୟ ଟିମ୍‌ର ପୂର୍ବତନ ଅଧିନାୟକ ମହେନ୍ଦ୍ର ସିଂହ ଧୋନିଙ୍କ ନୂଆ ଲୁକ୍‌ ନେଇ ଚର୍ଚ୍ଚା ଜୋର ଧରିଛି । ଧୋନି ନୂଆ ହେୟାର ଷ୍ଟାଇଲ୍‌ ସହ ଏକ ଫଟୋ ପୋଷ୍ଟ କରିଛନ୍ତି । ଯେଉଁଥିରେ ସେ ଏକ ବ୍ଲାକ ସନ୍‌ଗ୍ଲାସ ପିନ୍ଧି ଥିବା ବେଳେ ଏକ କଳା ରଙ୍ଗର ଟି-ସାର୍ଟ ପିନ୍ଧିଛନ୍ତି । ଯାହାକି ଧୋନିଙ୍କୁ କ୍ୟାମେରା ଆଗରେ ଖୁବ୍‌ ହ୍ୟାଣ୍ଡସମ୍‌ କରୁଛି ।

ତେବେ ଧୋନିଙ୍କ ଏହା ନୂଆ ଷ୍ଟାଇଲ କି କୌଣସି ବିଜ୍ଞାପନ ପାଇଁ ଏପରି ବେଶଭୂସା ତାହା ଏବେବି ଅସ୍ପଷ୍ଟ ରହିଛି । କିନ୍ତୁ ସୋସିଆଲ ମିଡିଆରେ ଧୋନିଙ୍କର ଏହି ଲୁକ୍‌ଟି ଖୁବ୍‌ ଭାଇରାଲ ହେବାର ଲାଗିଛି । କେହି କେହି ଭିନ୍‌ଟେଜ୍‌ ଧୋନି କହୁଛନ୍ତି ତ ଆଉ କିଏ ନିୟୁ ଲୁକ୍‌ ଥାଲା । ଏହାବ୍ୟତୀତ ଆଉ କିଏ ଲେଖିଛନ୍ତି କି ଭିନଟେଜ୍‌ ଲୁକ୍‌ ଅଫ ଥାଲା ଧୋନି ।

ସୂଚନାଯୋଗ୍ୟ ଯେ, ୨୦୦୭ ମସିହାରେ ଧୋନି ଭାରତୀୟ ଟିମ୍‌ର ଅଧିନାୟକ ଭାର ସମ୍ଭାଳିଥିଲେ । ଅଧିନାୟକ ଭାବେ ଧୋନି ପ୍ରଥମେ ୨୦୦୭ରେ ଟି-୨୦ ବିଶ୍ୱକପ୍‌ ଟ୍ରଫି ଜିତିଥିଲେ । ଏହାପରେ ୨୦୧୧ରେ ଆଇସିସି ଦିନିକିଆ କ୍ରିକେଟ୍‌ ବିଶ୍ୱକପ୍‌ ଟ୍ରଫି ଜିତିଥିଲେ । ଦୀର୍ଘ ୨୮ ବର୍ଷ ପରେ ଭାରତୀୟ ଟିମ୍‌ ଦିନିକିଆ ବିଶ୍ୱକପ୍‌ ଟ୍ରଫି ଜିତିଥିଲା । ଆଉ ଶେଷରେ ୨୦୧୩ରେ ଆଇସିସି ଚମ୍ପିଆନ୍‌ସିପ୍‌ ଟ୍ରଫି ହାତେଇଥିଲେ । ଫାଇନାଲରେ ଇଂଲଣ୍ଡକୁ ହରାଇ ଭାରତୀୟ ଟିମ୍‌ ଚମ୍ପିଆନ୍‌ ହୋଇଥିଲା । ବିଶ୍ୱରେ ଧୋନି ହିଁ ଏକମାତ୍ର ଅଧିନାୟକ ଯିଏ, ଆଇସିସିର ତିନୋଟି ଟ୍ରଫି ହାତେଇଛନ୍ତି । ଆଉ କୌଣସି ଅଧିନାୟକ ଏପରି କରିବାରେ ସକ୍ଷମ ହୋଇନାହାନ୍ତି ।