ପିପିଲି ୩୦।୦୯: ପିପିଲି ଉପନିର୍ବାଚନ ପାଇଁ ଆରମ୍ଭ ହୋଇଛି ମତଦାନ । ସକାଳ ୭ଟାରୁ ବିଭିନ୍ନ ବୁଥକୁ ଆସି ମତଦାନ କରୁଛନ୍ତି ଭୋଟର । ତେବେ ଅନେକ ବୁଥରେ ଇଭିଏମ୍ ମେସିନ୍ ସମସ୍ୟା ଯୋଗୁ ମତଦାନ ଆରମ୍ଭ ହୋଇପାରିନାହିଁ ।

ଖବର ଅନୁଯାୟୀ, ପିପିଲି ନିର୍ବାଚନ ମଣ୍ଡଳି ଅନ୍ତର୍ଗତ କଣ୍ଟି ପଞ୍ଚାୟତ ୧୩୯- A ନଂ ବୁଥରେ ଇଭିଏମ୍ ଅଚଳ ଯୋଗୁ ମତଦାନ ଆରମ୍ଭ ହୋଇନାହିଁ। ମକପୋଲ ପରେ ମେସିନରେ ତ୍ରୁଟି ଦେଖାଦେଇଛି । ଯାହାଫଳରେ ଭୋଟ ଦେବାକୁ ଆସିଥିବା ଭୋଟରଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି । ଟେକନିକାଲ ଟିମ୍ ପହଞ୍ଚି ତ୍ରୁଟି ସୁଧାର କରିବାକୁ ଚେଷ୍ଟା କରୁଛନ୍ତି ।