ଜୟପୁର ୨୫।୯: ଜୟପୁରରେ ମାତିଛନ୍ତି ଏରାଗୁଲା ଗ୍ୟାଙ୍ଗ ସଦସ୍ୟ । ଆଖି ପିଛୁଳାକେ କରୁଛନ୍ତି ଲୁଟ୍ । ଯାହାକୁ ନେଇ ଏବେ ଚିନ୍ତାରେ ପୋଲିସ । ବ୍ୟାଙ୍କକୁ ଯାଉଥିବା ଲୋକଙ୍କ ଉପରେ ତୀକ୍ଷ୍ନ ନଜର ରଖୁଛନ୍ତି ଏହି ଗ୍ୟାଙ୍ଗର ସଦସ୍ୟ । ଆଉ ମୌକା ଦେଖି ଲୁଟି ନେଉଛନ୍ତି ଟଙ୍କା । ଜୟପୁର ଗୁପ୍ତ ଦାସ କଲୋନୀର ଜଣେ ବ୍ୟକ୍ତି ଜୋହରାଜ ପଟ୍ଟନାୟକ ଲୁଟର ଶିକାର ହେବା ପରେ ଏରାଗୁଲା ଗ୍ୟାଙ୍ଗ ଜୟପୁରରେ ସକ୍ରିୟ ଥିବା ସ୍ପଷ୍ଟ ହୋଇଛି ।
ଅଭିଯୋଗ ଅନୁସାରେ, ଜୋହରାଜ ଷ୍ଟେଟ ବ୍ୟାଙ୍କ ବଜାର ବ୍ରାଞ୍ଚରୁ ୩ ଲକ୍ଷ ଟଙ୍କା ଉଠାଇ ପାଓ୍ବାର ହାଉସ କଲୋନୀର ଜଣେ ସମ୍ପର୍କୀୟଙ୍କ ଘରକୁ ଯାଇଥିଲେ । ଏହି ସମୟରେ ସମସ୍ତ ଟଙ୍କା ତାଙ୍କ ଗାଡି ଡିକିରେ ଥିଲା । ସମ୍ପର୍କୀୟଙ୍କ ଘରୁ ଯାଇ ଫେରିବାର ୫ ମିନିଟ୍ ମଧ୍ୟରେ ତାଙ୍କର ସମସ୍ତ ଟଙ୍କା ଡିକି ଭାଙ୍ଗି ଦୁର୍ବୃତ୍ତମାନେ ଲୁଟ୍ କରି ନେଇ ଯାଇଥିଲେ । ତେବେ ବ୍ୟାଙ୍କରୁ ହିଁ ଏହି ଗ୍ୟାଙ୍ଗର ୬ଜଣ ସଦସ୍ୟ ୩ଟି ବାଇକ୍ରେ ଜୋହରାଜଙ୍କ ପିଛା କରୁଥିବା ସିସିଟିଭି ଫୁଟେଜରୁ ଜଣାପଡୁଛି ।
ତେବେ ପୋଲିସ ଏମାନଙ୍କ ଫୁଟେଜ ଭୁବନେଶ୍ୱର ପୋଲିସ ସହାୟତାରେ ଏହାକୁ ଏରାଗୁଲା ଗ୍ୟାଙ୍ଗର ଫୁଟେଜ ସହ ଯାଞ୍ଚ କରିବା ପରେ ଏମାନେ ସେହି ଗ୍ୟାଙ୍ଗର ସଦସ୍ୟ ବୋଲି ସ୍ପଷ୍ଟ ହୋଇଛି । ତେବେ ଏହି ଲୁଟ୍ ଘଟଣାକୁ ୧୦ଦିନ ବିତିଯାଇଥିଲେ ବି ପୋଲିସ ଏମାନଙ୍କ ସୁରାକ ପାଇପାରିନି । ତେବେ ଏନେଇ ପୋଲିସର ପ୍ରତିକ୍ରିୟା ମିଳିପାରିନାହିଁ ।
You Can Read :
wp:embed {"url":"https://www.prameyanews7.com/parshwa-parivartini-ekadashi-at-shree-mandir/","type":"wp-embed","providerNameSlug":"prameya-news-7"}
