scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ମୋର୍ଗାନଙ୍କ ଛକା ବର୍ଷାରେ ଦକ୍ଷିଣ ଆଫ୍ରିକା ଧରାଶାୟୀ, ଟି-ଟ୍ବେଣ୍ଟି ମ୍ୟାଚ୍‌ରେ ୪୪୮ରନ୍‌

17/02/2020 at 12:22 PM

ସେଞ୍ଚୁରିଆନ୍‌ ୧୭।୦୧: ଇଂଲଣ୍ଡ-ଦକ୍ଷିଣ ଆଫ୍ରିକା ମଧ୍ୟରେ ଚାଲୁଥିବା ଟି-ଟ୍ବେଣ୍ଟି ମ୍ୟାଚ୍‌ରେ ରନ୍‌ ଓ ରେକର୍ଡର ବର୍ଷା ହୋଇଛି । ଖେଳାଯାଇଥିବା ମ୍ୟାଚ୍‌ରେ ଅନେକ ରେକର୍ଡ ଭାଙ୍ଗିବା ସହ କେତେକ ନୂତନ ରେକର୍ଡ ମଧ୍ୟ ସୃଷ୍ଟି ହୋଇଛି । ମାଚ୍ୟରେ ସମୁଦାୟ ୪୪୮ରନ୍‌ ହୋଇଛି ।

ଟି-ଟ୍ବେଣ୍ଟି ମ୍ୟାଚ୍‌ରେ ଦକ୍ଷିଣ ଆଫ୍ରିକା ପ୍ରଥମେ ବ୍ୟାଟିଂ କରି ୨୨୨ ରନ କରିଥିଲା । ଇଂଲଣ୍ଡକୁ ୨୨୩ରନ୍‌ର ଟାର୍ଟେଟ ଦେଇଥିଲା ଦକ୍ଷିଣ ଆଫ୍ରିକା । ତେବେ ବିଶାଳ ରନ୍‌ର ପିଛା କରି ଇଂଲଣ୍ଡ ୧୯.୧ ଓଭରରେ ୫ଓ୍ବିକେଟ ହରାଇ ଟାର୍ଗେଟକୁ ହାସଲ କରିନେଇଛି । ଯାହାକି ରନ୍‌ ପିଛା କରି ଜିତିବାରେ ୪ର୍ଥ ସ୍ଥାନରେ ରହିଛି ଇଂଲଣ୍ଡ ।

ମ୍ୟାଚ୍‌ରେ ଇଂଲଣ୍ଡ ଅଧିନାୟକ ଇଆନ୍‌ ମୋର୍ଗାନଙ୍କ ଖେଳ ସମସ୍ତଙ୍କୁ ଚକିତ କରିଦେଇଛି ।  ମୋର୍ଗାନ ୨୨ଟି ବଲ୍‌ ଖେଳି ଅପରାଜିତ ୫୭ରନ୍‌ କରିଛନ୍ତି । ମୋର୍ଗାନଙ୍କୁ ଏହି ଧୂଆଁଧାର ପାରି ଦ୍ବାରା ଇଂଲଣ୍ଡ ୫ଟି ବଲ୍ ଥାଇ ବିଜୟୀ ହୋଇଯାଇଛି । ଇଆନ ନିଜ ପାଳିରେ ୭ଟି ଛକା ମାରିଥିବା ବେଳେ ଗୋଟିଏ ବି ହେଲେ ଚୌକା ମାରିନାହାନ୍ତି ।

ସବୁଠାରୁ ଦ୍ରୁତତମ ଅର୍ଦ୍ଧଶତକୀୟ କରିବା ତାଲିକାରେ ଇଆନ ମୋର୍ଗାନ ପୁଣି ନିଜ ନାମ ସାମିଲ କରିଛନ୍ତି । ଦକ୍ଷିଣ ଆଫ୍ରିକା ବିପକ୍ଷ ମ୍ୟାଚ୍‌ରେ ୨୧ବଲ୍‌ ଖେଳି ଅର୍ଦ୍ଧଶତକ ପୂରଣ କରିଥିଲେ ।  ଏହାପୂର୍ବରୁ ୨୦୧୯ରେ ମୋର୍ଗାନ ନାପିଅରରେ ନ୍ୟୁଜିଲାଣ୍ଡ ବିପକ୍ଷ ମ୍ୟାଚ୍‌ରେ ୨୧ଟି ବଲ୍‌ ଖେଳି ଅର୍ଦ୍ଧଶତକ ହାସଲ କରିଥିଲେ । ଆଜିର ମ୍ୟାଚ୍‌ରେ ବିସ୍ଫୋରକ ପାରି ସହ ଲଗାତର ୨ୟ ଥର ପାଇଁ ମୋର୍ଗାନ ଏହି ରେକର୍ଡ କରିଛନ୍ତି ।

ଇଂଲଣ୍ଡ ପାଇଁ ଖେଳୁଥିବା  ମୋର୍ଗାନଙ୍କ ପୂର୍ବରୁ ଜସ୍‌ ବଟଲର ଓ ଜେସନ୍‌ ରାୟ ସବୁଠୁ କମ୍‌ ବଲ୍‌ରେ ଅର୍ଦ୍ଧଶତକ ହାସଲ କରିବାର ରେକର୍ଡ ଥିଲା।  ଉଭୟ ୨୨ଟି ବଲ୍‌ରେ ଅର୍ଦ୍ଧଶତକ ହାସଲ କରିଥିଲେ । ମୋର୍ଗାନଙ୍କ ୨୧ବଲ୍‌ରେ ଅର୍ଦ୍ଧଶତକ ହାସଲ କରିବା ଦ୍ବାରା ଦୁଇ ଜଣ ( ବଟଲର ଓ ଜେସନ୍‌ )ଖେଳାଲିଙ୍କୁ ପଛରେ ପକାଇଛି

ମୋର୍ଗାନଙ୍କ ବିସ୍ଫୋରଣ ଅର୍ଦ୍ଧଶତକ ବଳୟରେ ନ୍ୟୁଜିଲାଣ୍ଡକୁ ୫ ଓ୍ବିକେଟ୍‌ରେ ପରାସ୍ତ କରିଛି ଇଂଲଣ୍ଡ । ମ୍ୟାଚ୍‌ ବିଜୟ ଇଂଲଣ୍ଡ ୨-୧ରେ ସିରିଜ ନିଜ ନାମରେ କରିଛି ଇଂଲଣ୍ଡ । ନିଜର ଟି-ଟ୍ବେଣ୍ଟି ଇତିହାସରେ ଇଂଲଣ୍ଡ ୨ୟ ଥର ପାଇଁ ୨୦୦ରୁ ଅଧିକ ରନ୍ ପିଛା କରି ବିଜୟୀ ହୋଇଛି ।

ତେବେ ଦୁଇ ଥର ଯାକ ଦକ୍ଷିଣ ଆଫ୍ରିକା ବିପକ୍ଷରେ ୨୦୦ରୁ ଅଧିକ ରନ୍‌ କରି ବିଜୟୀ ହୋଇଛି ଇଂଲଣ୍ଡ । ୨୦୧୬ରେ ଦକ୍ଷିଣ ଆଫ୍ରିକା ବିପକ୍ଷରେ ୨୩୦ରନ୍‌ର ପିଛା କରିଥିଲା ବିଜୟୀ ହୋଇଥିଲା ଇଂଲଣ୍ଡ । । ଏହାପୂର୍ବରୁ ୨୦୧୮ରେ ଅଷ୍ଟ୍ରେଲିଆ ନ୍ୟୁଜିଲାଣ୍ଡ ବିପକ୍ଷରେ ୨୪୪ରନ୍‌, ୨୦୧୫ରେ ଓ୍ବେଷ୍ଟ ଇଣ୍ଡିଜ୍ ଦକ୍ଷିଣ ଆଫ୍ରିକା ବିପକ୍ଷରେ ୨୩୨ରନ୍‌, ୨୦୧୬ରେ ଇଂଲଣ୍ଡ ଦକ୍ଷିଣ ଆଫ୍ରିକା ବିପକ୍ଷରେ ୨୩୦ରନ୍‌ କରି ବିଜୟୀ ହୋଇଛନ୍ତି ।

   Related Posts