ଭୋପାଲ ୦୧/୦୫ : କରୋନା ସଂକ୍ରମଣ ରୋକିବା ପାଇଁ ପୁରା ଦେଶକୁ ଲକଡାଉନ ରଖାଯାଇଛି | ଲକଡାଉନ ଯୋଗୁଁ ଅଧିକାଂଶ ସରକାରୀ ଓ ବେସରକାରୀ ସଂସ୍ଥା ବନ୍ଦ ରହିଛି | କର୍ମଚାରୀ ଘରେ ବସି କାମ କରୁଛନ୍ତି | ଗତ କିଛି ଦିନ ହେଲା ଧୀରେ ଧୀରେ ସରକାରୀ କାର୍ଯ୍ୟାଳୟ ଆରମ୍ଭ ହୋଇଥିଲା |
ମଧ୍ୟପ୍ରଦେଶ ରାଜଧାନୀ ଭୋପାଲରେ ଗତ ୩୮ ଦିନ ପରେ ଏପ୍ରିଲ ୩୦ ତାରିଖରେ ସଚିବାଳୟ ଓ ନିର୍ଦେଶାଳୟ ଖୋଲା ଯାଇଥିଲା | କିନ୍ତୁ ଅଧିକାଂଶ ଅଧିକାରୀ କାର୍ଯ୍ୟାଳୟ ବାହାରୁ ହିଁ ଫେରି ଯାଇଥିଲେ | କାରଣ କାର୍ଯ୍ୟାଳୟ ଭଲ ଭାବେ ସାନିଟାଇଜ କରାଯାଇନଥିଲା |
ପ୍ରଶାସନ କହିବାନୁଯାୟୀ, ସଚିବାଳୟରେ ଉପ ସଚିବ ଏବଂ ନିର୍ଦେଶାଳୟର ଉପର ଅଧିନସ୍ଥ ସଂଚାଳକ ପର୍ଯ୍ୟନ୍ତ ଅଧିକାରୀ କାର୍ଯ୍ୟାଳୟରେ ପହଞ୍ଚିଥିଲେ | ତେବେ କାର୍ଯ୍ୟାଳୟର ୩୦ ପ୍ରତିଶତ ହିଁ କର୍ମଚାରୀଙ୍କୁ ଆସିବାକୁ ଅନୁମତି ଦିଆଯାଇଥିଲା | ସାମାଜିକ ଦୂରତା ପାଳନ କରିବାକୁ ସମସ୍ତ କର୍ମଚାରୀଙ୍କୁ କାର୍ଯ୍ୟାଳୟକୁ ଆସିବାକୁ ମନା କରାଯାଇଥିଲା | ଅନେକ କର୍ମଚାରୀ କାର୍ଯ୍ୟାଳୟରେ ପହଞ୍ଚିବା ପରେ ଦେଖିଲେ ସେମାନଙ୍କ ଜାଗାରେ ଧୂଳି ଜମି ରହିଥିଲା, କାର୍ଯ୍ୟାଳୟ ସାନିଟାଇଜ ହୋଇନଥିଲା | ଯେଉଁଥିପାଇଁ ଏମାନେ ବାହାରୁ ହିଁ ଫେରି ଆସିଥିଲେ |
କାର୍ଯ୍ୟାଳୟ ଆରମ୍ଭ କରିବ ପାଇଁ ସରକାରଙ୍କ ଗାଇଡଲାଇନ-
- ୩୦ ପ୍ରତିଶତ କର୍ମଚାରୀ ହିଁ କାର୍ଯ୍ୟାଳୟକୁ ଆସିବେ | ରୋଷ୍ଟ୍ରର ସିଷ୍ଟମ ହିସାବରେ କର୍ମଚାରୀ ବଦଳିବେ |
- ଗାଡି ଠାରୁ ଆରମ୍ଭ କରି କାର୍ଯ୍ୟାଳୟର ପାହାଚ ସାନିଟାଇଜ କରାଯିବ |
ଲକଡାଉନ ଯୋଗୁଁ ଦେଶ ବର୍ତ୍ତମାନ ଆର୍ଥିକ ସଙ୍କଟ ଦେଇ ଗତି କରୁଛି | ଦେଶର ଅର୍ଥନୀତିକୁ ସୁଧାରିବା ପାଇଁ ବିଭିନ୍ନ ବ୍ୟବସାୟ ସଂସ୍ଥା ମଧ୍ୟ ଖୋଲିବାକୁ ଅନୁମତି ଦିଆଯାଇଛି | ମୁଖ୍ୟମନ୍ତ୍ରୀ ଶିବରାଜ ସିଂହ ଚୌହାନ କହିଛନ୍ତି ଯେ, ରାଜ୍ୟରେ ସକଳ ୬ଟା ରୁ ରାତି ୧୨ଟା ଯାଏଁ ଦୋକାନ ଖୋଲା ରଖିବା ପାଇଁ ଅନୁମତି ଦେବାକୁ ବିଚାର କରାଯାଉଛି |
