scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ନରେନ୍ଦ୍ର ମୋଦି ହିଁ ଦେଶକୁ ରକ୍ଷା କରିପାରିବେ ବୋଲି ସୂଈସାଇଡ ନୋଟରେ ଲେଖି ଆତ୍ମହତ୍ୟା କଲେ କର୍ମଚାରୀ

20/12/2018 at 5:11 PM

ହାଇଦ୍ରାବାଦ ୨୦/୧୨ : ହାଇଦ୍ରାବାଦରେ ଏକ ଘରୋଇ କମ୍ପାନୀର ଜଣେ କର୍ମଚାରୀ ଆତ୍ମହତ୍ୟା କରିଥିବା ଘଟଣା ସାମ୍ନାକୁ ଆସିଛି | ଆତ୍ମହତ୍ୟା କରିଥିବା ସ୍ଥାନରୁ ପୋଲିସ ଏକ ସୂଈସାଇଡ ନୋଟ ଜବତ କରିଛି | ଯେଉଁଥିରେ ଲେଖା ହୋଇଛି କେବଳ ମୋଦି ହିଁ ଦେଶକୁ ରକ୍ଷା କରିପାରିବେ | 

ଘଟଣା ଘଟିଛି ହାଇଦ୍ରାବାଦ ଅନ୍ତର୍ଗତ ସାଇବରାବାଦରେ | ୩୦ ବର୍ଷ ବୟସ୍କ ନୂଥାଲାଙ୍ଗତି ନରସିଂହ ନାମକ ଜଣେ ଯୁବକ ଯେଉଁ କମ୍ପାନୀରେ କାମ କରୁଥିଲେ ସେହି ଅଫିସରେ ହିଁ ବେକରେ ରାଶି ଲଗାଇ ଆତ୍ମହତ୍ୟା କରିଦେଲେ | କମ୍ପାନୀରେ ତାଙ୍କର ଉପରୋକ୍ତ କର୍ମଚାରୀ ତାଙ୍କୁ ନିର୍ଯ୍ୟାତନା ଦେଉଥିଲେ | ଯେଉଁଥିପାଇଁ ସେ ବହୁତ ଚିନ୍ତିତ ଥିଲେ | ନିର୍ଯ୍ୟାତନା ସହିନପାରି ଶେଷରେ ସେ ଆତ୍ମହତ୍ୟା କରିବା ପାଇଁ ନିଷ୍ପତ୍ତି ନେଇଥିଲେ | ତେବେ ନରସିଂହ ମରିବା ପୂର୍ବରୁ ଏକ ସୂଈସାଇଡ ନୋଟ ଲେଖିଥିଲେ | ଏହି ସୁଇସାଇଡ ନୋଟରେ ସେ ଦର୍ଶାଇଥିଲେ ଯେ, ତାଙ୍କ ଉପରୋକ୍ତ କର୍ମଚାରୀ ତାଙ୍କୁ ସବୁବେଳେ ନିର୍ଯ୍ୟାତନା ଦେଉଥିଲେ | ଆଶ୍ଚର୍ଯ୍ୟର କଥା ହେଲା ସୁଇସାଇଡ ନୋଟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପ୍ରଶଂସା କରିଥିଲେ | ମୋଦି ହିଁ ଦେଶକୁ ରକ୍ଷା କରିପାରିବେ ବୋଲି ସେ ଲେଖିଥିଲେ | ମୋଦି ଲଗାତାର ପ୍ରତ୍ୟେକ ଥର ଦେଶର ପ୍ରଧାନମନ୍ତ୍ରୀ ହେବା ଉଚିତ ବୋଲି ସେ କହିଥିଲେ | ନରେନ୍ଦ୍ର ମୋଦିଙ୍କୁ ସବୁଥର ପ୍ରଧାନମନ୍ତ୍ରୀ ରୂପେ ଦେଖିବା ପାଇଁ ସେ ଇଚ୍ଛା ପ୍ରକାଶ କରିଥିଲେ | 

ପୋଲିସ ଖବର ପାଇ ଘଟଣାସ୍ଥଳରେ ପହଂଚି ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇଥିଲା | ଯେଉଁ କର୍ମଚାରୀଙ୍କ ବିରୋଧରେ ନରସିଂହ ନିର୍ଯ୍ୟାତନା ଅଭିଯୋଗ ଆଣିଥିଲେ ତାଙ୍କୁ ପୋଲିସ ଖୋଜୁଛି | ସେ ବର୍ତ୍ତମାନ ଫେରାର ଥିବା ଜଣାପଡିଛି | ପୋଲିସ ଏହି ଘଟଣାରେ ଏକ ମାମଲା ରୁଜ୍ଜୁ କରି ତଦନ୍ତ କରୁଛି | ଶବ ବ୍ୟବଚ୍ଛେଦ ପରେ ପୋଲିସ ମୃତଦେହକୁ ପରିବାର ଲୋକଙ୍କୁ ହସ୍ତାନ୍ତର କରିଛି | ଅଭିଯୁକ୍ତ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଦାବି କରି ମୃତକଙ୍କ ପରିବାର ଲୋକେ ଶବ ରଖି ବିକ୍ଷୋଭ ପ୍ରଦର୍ଶନ କରିଛନ୍ତି |

   Related Posts