ନୂଆଦିଲ୍ଲୀ ୯।୩: ଟ୍ୱିଟରରୁ କର୍ମଚାରୀ ଛଟେଇ କରିବା ଯୋଗୁ ଏଲନ ମସ୍କ ଗୁରୁତର ସଂକଟରେ ଫଶି ଯାଇଛନ୍ତି। ବହୁ ସଂଖ୍ୟାରେ କର୍ମଚାରୀଙ୍କ ଛଟେଇ ଯୋଗୁ ମାଇକ୍ରୋ ବ୍ଲଗିଙ୍ଗ ପ୍ଲାଟଫର୍ମ ଆମେରିକୀୟ ତଦନ୍ତ ସଂସ୍ଥାଙ୍କ ରାଡାରକୁ ଚାଲିଆସିଛନ୍ତି। ଫେଡେରାଲ ଟ୍ରେଡ କମିଶନ(ଏଫଟିସି) କର୍ମଚାରୀଙ୍କ ଛଟେଇ ମାମଲାର ତଦନ୍ତ ଆରମ୍ଭ କରିଛନ୍ତି। ଆମେରିକା କଂଗ୍ରେସର ଏକ ରିପୋର୍ଟରେ ସାମ୍ନାକୁ ଆସିଥିବା କିଛି କାଗଜପତ୍ରରୁ ଏହା ଜଣାପଡିଛି।

ଏଫଟିସି ସୋସିଆଲ ମିଡିଆ କମ୍ପାନୀର ଗୋପନୀୟତା ଓ ସାଇବର ସୁରକ୍ଷା ପ୍ରାକ୍ଟିସର ପୂର୍ବରୁ ଯାଞ୍ଚ କରୁଥିଲେ। ଏହି ଯାଞ୍ଚରୁ ଭିତିରି ଆଲୋଚନାର ସୂଚନା ପ୍ରାପ୍ତ କରିବାକୁ ଉଦ୍ୟମ କରୁଛନ୍ତି। ଏଫଟିସି ଗତ କିଛି ବର୍ଷ ହେଲା ଟ୍ୱିଟର ଉପରେ ନଜର ରଖି ରହିଛନ୍ତି। ୨୦୧୧ ମସିହାରେ ସୋସିଆଲ ମିଡିଆ କମ୍ପାନୀ ଏଫଟିସିଙ୍କ ସେହି ଅର୍ଡରକୁ ସ୍ୱୀକାର କରିଥିଲେ ଯେଉଁଥିରେ ତାଙ୍କ ସିଷ୍ଟମରେ ଡାଟା ସିକ୍ୟୁରିଟିର ତ୍ରୁଟି ଥିବାର ଅଭିଯୋଗ କରାଯାଇଥିଲା। ତେବେ ଏଲନ ମସ୍କ ୨୭ ଅକ୍ଟୋବର ୨୦୨୨ରେ ଟ୍ୱିଟରକୁ କିଣି ନେଇଥିଲେ। ଏହି କାରବାର ପରେ ଆମେରିକୀୟ ଯାଞ୍ଚ ଏଜେନ୍ସୀର ଚିନ୍ତା ଆହୁରି ବଢି ଯାଇଥିଲା।

କଂଗ୍ରେସର ରିପୋର୍ଟ ଜବାବରେ ଏଫଟିସି କହିଥିଲେ ଯେ କଞ୍ଜ୍ୟୁମରଙ୍କ ପ୍ରାଇଭେସୀର ସୁରକ୍ଷା ଠିକ୍ ସେହିପରି ଯେପରି ଏଫଟିସିକୁ କରିବା ଦରକାର ବୋଲି କହିଥିଲେ। ୨୦୧୧ରେ ସହମତି ଆଦେଶ (କନସେଣ୍ଟ ଅର୍ଡର) ଉଲ୍ଲଂଘନ ଲାଗି ଟ୍ୱିଟର ମସ୍କଙ୍କ ଅଧିଗ୍ରହଣର ପ୍ରାୟ ୫ ମାସ ପୂର୍ବରୁ ମେ ୨୦୨୨ରେ ୧୫୦ ମିଲିୟନ ଡଲାର( ୧,୨୩୦ କୋଟି ଟଙ୍କା) ଜରିମନା ଦେଇଥିଲେ।