ବ୍ରହ୍ମପୁର ୦୪/୦୧: ଚାକିରୀ ଦେବା ନାଁ ଠକେଇ ଅଭିଯୋଗରେ ଜଣେ ମହିଳାଙ୍କୁ ପୋଲିସ ଗିରଫ କରିଛି। ରେଳ ବିଭାଗରେ ‘ସି’ ଗ୍ରେଡ଼ ପୋଷ୍ଟରେ ଚାକିରୀ ଦେବେ କହି ଅଭିଯୁକ୍ତା ମହିଳା ଜଣଙ୍କ ୧୧ ଲକ୍ଷ ଟଙ୍କା ମାଗିଥିଲେ। ସୋରଡ଼ା ଥାନା ଗୋବିନ୍ଦପୁର ଗାଁର ଏସ. ହିତେଶ ପାତ୍ରଙ୍କୁ ଏହି ମହିଳା ଜଣଙ୍କ ଠକିଥିବା ଜଣାପଡ଼ିଛି।
ରିତେଶ ପୂର୍ବରୁ ସେହି ମହିଳାଙ୍କୁ ସାଢେ ୭ଲକ୍ଷ ଟଙ୍କା ଦେଇଥିଲେ। ବୁଧବାର ମିଛ ଅଫର ଲେଟର, ପରିଚୟ ପତ୍ର, ନିଯୁକ୍ତି ପତ୍ର ଦେଇ ସମ୍ପୃକ୍ତା ମହିଳା ତାଙ୍କଠାରୁ ଆଉ ସାଢେ ତିନି ଲକ୍ଷ ଟଙ୍କା ଦାବି କରିଥିଲେ। ରିତେଶଙ୍କ ଠାରୁ ଅଭିଯୁକ୍ତ ମହିଳା ଟଙ୍କା ନେବାବେଳେ ପୋଲିସ ତାଙ୍କୁ କାବୁ କରିଛି।
wp:gallery {"linkTo":"none"}
ଗିରଫ ମହିଳାଙ୍କ ପରିଚୟ ଜେଏମଏସ ପ୍ରଭା। ସେ ଜଗତସିଂପୁର ଅଞ୍ଚଳର ବାସିନ୍ଦା। ଗିରଫ ପରେ ସମ୍ପୃକ୍ତା ମହିଳାଙ୍କ ଠାରୁ ନକଲି ଅଫର ଲେଟର, ଆଇଡି କାର୍ଡ, ନିଯୁକ୍ତି ପତ୍ର ଓ ମୋବାଇଲ୍ ଫୋନ ଜବତ ହୋଇଛି। ଏନେଇ ଆରକ୍ଷି ଅଧିକ୍ଷକ ସୂଚନା ଦେଇଛନ୍ତି।
