କେନ୍ଦୁଝର ୧୮/୦୮: କେନ୍ଦୁଝର ଜିଲ୍ଲା ଚମ୍ପୁଆ ରେଞ୍ଜକୁ ଧସେଇ ପଶିଲେ ହାତୀପଲ । ସେପଟେ ଗାଁ ନିକଟରେ ବୁଲୁଛି ଆଉ ଏକ ଗୋଠ ଛଡା ଦନ୍ତା । ଫଳରେ ଲୋକେ ଆତଙ୍କିତ ହୋଇପଡିଛନ୍ତି ।
ସୂଚନା ଥାଉକି, ସକାଳୁ ହାତୀପଲ ଆସି ବର୍ଦ୍ଧନା ଜଙ୍ଗଲରେ ଡେରା ପକାଇଛନ୍ତି ଏହି ହାତୀପଲ । ୨୧ଟି ହାତୀ ଥିବା ବେଳେ, ୫ ଦନ୍ତା ୯ ମାଈ ହାତୀ ଏବଂ ୭ଟି ଛୁଆ ହାତୀ ଥିବା ବନବିଭାଗ ସୂଚନା ଦେଇଛି । ହାତୀପଲ ଆସିବା ବାଟରେ ଭଣ୍ଡା, କାଶୀପାଳ, ନନ୍ଦପୁର ଉଚ୍ଚବାଲି ଆଦି ଅଞ୍ଚଳରେ ଧାନ ଫସଲ ମାଡି ଦଳି ନଷ୍ଟ କରିଛନ୍ତି ।
ଏଥିସହ ଆଉ ଏକ ଗୋଠଛଡା ଦନ୍ତା ସଦର ରେଞ୍ଜରୁ ଆସି ପଶି ମାଟିଆଳ ସାହି ନିକଟରେ ଡେରା ପକାଇଛି । ଗାଁ ନିକଟରେ ହାତୀପଲ ବୁଲୁଥିବାରୁ ଲୋକେ ଭୟଭୀତ ଅବସ୍ଥାରେ ରହିଛନ୍ତି ।