ଭୁବନ ୫।୯: ଢେଙ୍କାନାଳ ଭୁବନ ବ୍ଲକ୍ ଅନ୍ତର୍ଗତ ଭୁଷଳ ପଞ୍ଚାୟତର କିର୍ତ୍ତନପୁର ଓ କଞ୍ଚନବାହାଳୀ ଗ୍ରାମରେ ଗୋଠଛଡା ଦନ୍ତାର ଉତ୍ପାତ । ଭୟରେ ଗ୍ରାମବାସୀ ।
{"id":840593,"sizeSlug":"full","linkDestination":"none"}
ସୂଚନାଯୋଗ୍ୟ ଯେ, ସୋମବାର ମଧ୍ୟରାତ୍ରିରୁ ଢେଙ୍କାନାଳ ଜିଲ୍ଲା ଗନ୍ଦିଆ ବ୍ଲକ୍ ଦଲାର ଓ ହରିପୁର ଗ୍ରାମ ନିକଟ ପାହାଡରୁ ବ୍ରାହ୍ମଣୀ ନଦୀ ପାର ହୋଇ ପଶିଆସିଛି ଗୋଠଛଡା ଦନ୍ତା । ପ୍ରଥମେ ଦନ୍ତାଟି ନଦୀ ପାର ହୋଇ ଭୁଷଳ ପଞ୍ଚାୟତର କିର୍ତ୍ତନପୁର ଗ୍ରାମରେ ପଶି କଦଳୀ ଗଛ ଭାଙ୍ଗିବା ସହିତ ଜଣଙ୍କ ଘରୁ ଧାନବସ୍ତା ଟେକି ନେଇ ଖାଇଥିଲା । ପରେ ସେହି ପଞ୍ଚାୟତର କଞ୍ଚନବାହାଳୀ ଗ୍ରାମରେ ପଶି ମୁନି ମୁଣ୍ଡାଙ୍କ ଆମ୍ବଡାଳ ଭାଙ୍ଗିବା ସହିତ ଘରୁ ଭାତ ହାଣ୍ଡି ଟେକିନେଇ ଗୋଡରେ ଦଳି ଦେଇଥିଲା ।
{"id":840594,"sizeSlug":"full","linkDestination":"none"}
ପରେ ଜଗନ ମୁଣ୍ଡାଙ୍କ ଘର ବାଡକୁ ଭାଙ୍ଗିବା ସହିତ ଦିଲ୍ଲୀପ ମୁଣ୍ଡାଙ୍କ ଘର ଶୁଣ୍ଢରେ ଠେଲିବା ଦ୍ବାରା ଘର କାନ୍ଥ ଫାଟିଥିବା ଦେଖିବାକୁ ମିଳିଛି । ତେବେ ଖବର ପାଇ ବନ ବିଭାଗ ହାତୀଟିର ଗତିବିଧି ଉପରେ ନଜର ରଖିବା ସହିତ ହାତୀଟିକୁ ଘଉଡାଇବାକୁ ଉଦ୍ୟମ ଚଳାଇଛି । ତେବେ ଗୋଠଛଡା ଦନ୍ତା ହାତୀଟି କଞ୍ଚନବାହାଳୀ ସଂରକ୍ଷିତ ଜଙ୍ଗଲ ମଧ୍ୟରେ ଥିବା ଜଣାପଡିଛି । ଭୁବନ ଅଞ୍ଚଳରେ ବହୁ ଦିନ ପରେ ହାତୀ ପଶିଥିବାରୁ ଗ୍ରାମବାସୀ ଭୟଭୀତ ଥିବା ଜଣାପଡିଛି ।
You Can Read :
wp:embed {"url":"https://www.prameyanews7.com/stf-checked-the-documents-at-house-of-accused/","type":"wp-embed","providerNameSlug":"prameya-news-7"}
