ରାଇରଙ୍ଗପୁର ୨୮/୧୧: ଏକ ଦୁଃଖଦ ଘଟଣା ଘଟିଛି। ଗଭୀର କୂଅ ଭିତରୁ ଏକ ହାତୀକୁ ଉଦ୍ଧାର କରାଯାଇଛି। ରାଇରଙ୍ଗପୁର ବନଖଣ୍ଡ ଅନ୍ତର୍ଗତ ବହଳଦା ରେଞ୍ଜର ତରିଙ୍ଗ ବିଟ୍‌ ବଡ ଭୁଣ୍ଡୁ ଗାଁ ନିକଟରେ ଏହି ଅଘଟଣ ଘଟିଛି। ମିଳିଥିବା ସୂଚନା ଅନୁସାରେ ତିରିଙ୍ଗ ବିଟ୍‌ ଅଞ୍ଚଳରେ ଆଠ ଟିକିଆ ହାତୀ ବୁଲୁଥିବା ସମୟରେ ଏହି ଅଘଟଣ ଘଟିଥିଲା।

ବହଳଦା ରେଞ୍ଜର ମାନସ ମହାନ୍ତଙ୍କ ସମେତ ବିନ ବିଭାଗର କିଛି କର୍ମଚାରୀ ନିରୀକ୍ଷଣ ପାଇଁ ଯାଇଥିଲେ। ସେଠାରେ ବୁଲିବା  ସମୟରେ କୂଅରେ ହାତୀଟି ପଡିଯାଇଥିବା ଦେଖିଥିଲେ।  ଡ୍ରୋଜର ମାଧ୍ୟମରେ ଦୀର୍ଘ ୪ ଘଣ୍ଟାର ପରିଶ୍ରମ ପରେ ହାତୀଟିକୁ ଉଦ୍ଧାର କରାଯାଇଥିଲା। ବନ ବିଭାଗର କର୍ମଚାରୀ ଏବଂ ସ୍ଥାନୀୟ ଲୋକଙ୍କ ସହାୟତାରେ ହାତୀଟି ଉଦ୍ଧାର ହୋଇଥିଲା।