କାମାକ୍ଷାନଗର ୧୨/୦୧: ଶୋଇଥିବା ବେଳେ ଆକ୍ରମଣ କଲା ହାତୀ । ଜୀବନ ହାରିଲେ ମହିଳା । ଏଭଳି ଅଭାବନୀୟ ଘଟଣା ଘଟିଛି ଢେଙ୍କାନାଳ ଜିଲ୍ଲା ମହାବିରରୋଡ ରେଞ୍ଜ ମୋହନପଶି ଗ୍ରାମରେ । ମୃତ ମହିଳା ହେଲେ ସୁକାନ୍ତି ହେମ୍ବ୍ରମ ।
ସୂଚନାନୁସାରେ, ଦୀର୍ଘଦିନ ଧରି ମହାବିରରୋଡ ରେଞ୍ଜରେ ହାତୀ ଉପଦ୍ରବ ଲାଗି ରହିଛି । ମଙ୍ଗଳବାର କିଛି ଜଙ୍ଗଲି ହାତୀ ଗାଁ ମୁହାଁ ହୋଇଥିଲେ । ସୁକାନ୍ତି ହେମ୍ର୍ବମ ଓ ତାଙ୍କ ସ୍ବାମୀ ମଧୁ ହେମ୍ବ୍ରମ ଘରେ ଶୋଇ ଥିବା ବେଳେ ହାତୀ ପ୍ରଥମେ ସେମାନଙ୍କ ଘର ଭାଙ୍ଗି ଦେଇଥିଲେ । ସ୍ବାମୀ ନିଜର ଜୀବନ ବଞ୍ଚାଇ ଦୌଡି ପଳାଇଥିବା ବେଳେ ସୁକାନ୍ତି ହାତୀ ହାବୁଡରେ ପଡିଯାଇଥିଲେ ।
ଫଳରେ ହାତୀ ତାଙ୍କୁ ଶୁଣ୍ଡରେ ଟେକି କଚାଡି ଦେଇଥିଲା। ଘଟଣା ସ୍ଥଳରେ ସୁକାନ୍ତିଙ୍କର ମୃତ୍ୟୁ ଘଟିଥିଲା। ଖବରପାଇ ଘଟଣା ସ୍ଥଳରେ ବନବିଭାଗ ପହଞ୍ଚି ହାତୀକୁ ନିକଟସ୍ଥ ଜଙ୍ଗଲକୁ ଘଉଡାଇବା ସହ ଅଧିକ ତଦନ୍ତ ଜାରି ରଖିଛି ।