ଭଞ୍ଜନଗର ୧୫।୦୩ : ପୁଣି ଏକ ହାତୀର ମୃତଦେହ ଠାବ । ଗଞ୍ଜାମ ଉତ୍ତର ଘୁମୁସର ବନଖଣ୍ଡ ଅଧୀନ ମୁଜାଗଡ଼ ରେଞ୍ଜରେ ଏକ ହାତୀର ମୃତଦେହ ଠାବ ହୋଇଛି । ତିଲିକି ଗାଁ ନିକଟ ଜଙ୍ଗଲରୁ ମିଳିଲା ମାଈ ହାତୀର ମୃତଦେହ ।  ଘଟଣାସ୍ଥଳରେ ବନବିଭାଗ ପହଞ୍ଚି ତଦନ୍ତ ଆରମ୍ଭ କରିଛି ।

ସେହପିରି କିଛି ଦିନ ତଳେ ଭଞ୍ଜନଗର ଉତ୍ତର ଘୁମୁସର ବନଖଣ୍ଡ ମୁଜାଗଡ଼ ରେଞ୍ଜର ଗମ୍ଭାରୀଗୋଚ୍ଛା ନିକଟରେ ହାତୀର ମୃତ୍ୟୁ ହୋଇଥିଲା । ହାତୀ ମୃତ୍ୟୁର କାରଣ ଅସ୍ପଷ୍ଟ ରହିଥିବା ବେଳେ ବନ ବିଭାଗର ଅଧିକାରୀମାନେ ଅନୁଧ୍ୟାନ ଜାରି ରଖିଛନ୍ତି । ଏବେ ସୁଦ୍ଧା ହାତୀ ମୃତ୍ୟୁର ସଠିକ୍‌ କାରଣ ଜଣାପଡିନାହିଁ ।

ସୂଚନାଯୋଗ୍ୟ ଯେ, ଲଗାତର ଭାବେ ଗତ କିଛି ଦିନ ମଧ୍ୟରେ ଉତ୍ତର ଘୁମୁସର ବନଖଣ୍ଡ  ଅଧିନରେ ଦୁଇଟି ହାତୀର ମୃତ୍ୟୁ ହୋଇସାରିଲାଣି । ବନବିଭାଗରେ ଘଟଣାରେ ତଦନ୍ତ କରି ତୁରନ୍ତ କାର୍ଯ୍ୟାନୁଷ୍ଠାନ ନେବାକୁ ସାଧାରଣରେ ଦାବି ହୋଇଛି ।