ଭଞ୍ଜନଗର ୧୫।୨: ଗଞ୍ଜାମ ଜିଲ୍ଲା ତାରଶିଂଗ ବନାଞ୍ଚଳ ବଡ଼ଗୁଣ୍ଡୁରିବାଡ଼ି ଗ୍ରାମ ନିକଟ ଏକ ଅଝଡ଼ ଜଙ୍ଗଲରେ ଏକ ଦନ୍ତା ହାତୀର ମୃତଦେହ ପଡିଥିବା ଦେଖିବାକୁ ମିଳିଛି। ହାତୀଟିକୁ କିଛି ଦିନ ତଳେ ଶିକାର କରି ତାର ଦାନ୍ତକୁ କାଟି ନେଇ ଥିବା ଜଣାପଡୁଛି । ହାତୀଟି ପଚିଶଡ଼ି ଯାଇ ଥିବାରୁ ବନ ବିଭାଗ ପକ୍ଷରୁ ମୃତ୍ୟୁର ସଠିକ୍ କାରଣ ସଂପର୍କରେ ସ୍ପଷ୍ଟ ସୂଚନା ମିଳିନାହିଁ। ହାତୀର ମୃତଦେହ ଦେଖି ପ୍ରଥମେ ଗାଁ ଲୋକ ବନବିଭାଗକୁ ଜଣାଇଥିଲେ ।
ଏକ ମାସ ପୂର୍ବରୁ ମଧ୍ୟ ଶିକାରି ଗୁଳିରେ ଗୋଟିଏ ଦନ୍ତା ହାତୀର ମୃତ୍ୟୁ ହୋଇଥିଲା। ବନବିଭାଗ ସଠିକ ପାଟ୍ରୋଲିଂ କରୁନଥିବାରୁ ଏପରି ମୂଲ୍ୟବାନ ଜନ୍ତୁଙ୍କର ଅକାଳରେ ମୃତ୍ୟୁ ହେଉଛି। ତେବେ ବନ ବିଭାଗ ଏ ଘଟଣାର ତଦାରଖ କରିବ ବୋଲି ଜିଲ୍ଲାପାଳ କହିଛନ୍ତି ।