ଚୌଦ୍ବାର ୨୫।୧୨: ଚୌଦ୍ବାର ଶିଳ୍ପାଞ୍ଚଳରେ ହାତୀପଲଙ୍କ ଉପଦ୍ରବ । ବିଳମ୍ବିତ ରାତିରେ ୧୫ଟିକିଆ ହାତୀପଲ ଚୌଦ୍ବାର ସହରର ଶିଳ୍ପାଞ୍ଚଳ ମଧ୍ୟରେ ପ୍ରବେଶ କରି ଆତଙ୍କ ଖେଳାଇଛନ୍ତି । ଏଠାରେ ଥିବା ଏକ ପାଇପ୍ କାରଖାନାର ପାଚେରୀ ଭାଙ୍ଗି ଭିତରେ ପଶି ଭଙ୍ଗାରୁଜା କରିଛନ୍ତି ।
ଗତ କିଛିଦିନ ହେଲା କଟକ ବନଖଣ୍ଡ ଅଧୀନସ୍ଥ ଡାଳିଯୋଡା ରିଜର୍ଭ ଜଙ୍ଗଲରୁ ଚାଲିଆସିଥିବା ହାତୀପଲ ଚୌଦ୍ବାର ଆଖପାଖରେ ଉପଦ୍ରବ ଚଳାଇଆସିଛନ୍ତି । ଦିନବେଳେ ବାଣୀପଦା ଓ ଇନ୍ଦ୍ରାଣୀପାଟଣା ନିକଟବର୍ତ୍ତି ଛତିଶାପାଟ ଓ ଶିଳ୍ପାଞ୍ଚଳ ଆଖପାଖରେ ଓ ଜାତୀୟ ରାଜପଥ ୫୫ନିକଟରେ ଆତଙ୍କ ସୃଷ୍ଟି କରିଛନ୍ତି ।
ବନ ବିଭାଗ ପକ୍ଷରୁ ଶିଳ୍ପାଞ୍ଚଳ ଓ ଜନବସତି ମଧ୍ୟରୁ ହାତୀ ପଲଙ୍କୁ ତଡିବାକୁ ଉଦ୍ୟମ କରାଯିବା ପରେ ହାତୀପଲ ବଡି ଭୋରରୁ ଛତିଶାପାଟ ମଧ୍ୟକୁ ଘଉଡାଇବାରେ ସଫଳ ହୋଇଛନ୍ତି । ସହର ମଧ୍ୟରେ ହାତୀପଲଙ୍କ ଉପସ୍ଥିତି ଯୋଗୁଁ ରାତି ତମାମ ବିଦ୍ୟୁତ୍ ସରବରାହ ବନ୍ଦ ରହିଛି।
