Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୩ କିଲୋ ଗଞ୍ଜେଇ ସହିତ ବୋଲେରୋ ଜବତ; ୨ ଚୋରା ଚାଲାଣକାରୀ ଗିରଫ
  • ||
  • ଦେଶରେ କମିଲା କରୋନା ଗ୍ରାଫ୍, ୨୪ ଘଣ୍ଟାରେ ବାହାରିଲେ ୮୮୧୩ କରୋନା ପଜିଟିଭ୍
  • ||
  • ନିୟନ୍ତ୍ରଣ ହରାଇ ଘରେ ପଶିଗଲା ଟ୍ରକ୍ : ସ୍ୱାମୀ-ସ୍ତ୍ରୀଙ୍କ ସମେତ ୪ ମୃତ
  • ||
  • ଭାରତକୁ ବଡ ଝଟ୍‌କା ଦେଲା ଫିଫା : ଏଆଇଏଫଏଫକୁ କଲା ସସପେଣ୍ଡ୍, ମହିଳା ବିଶ୍ୱକପ ଆୟୋଜନ ଅଧିକାର ବି ଛଡାଇ ନେଲା
  • ||
  • ଭାରତ-ପାକିସ୍ତାନ ମ୍ୟାଚ୍ ପାଇଁ ଉତ୍ସାହିତ ପ୍ରଶଂସକ : ଟିକେଟ୍ ବୁକିଂ ବେଳେ କ୍ରାଶ୍ ହୋଇଗଲା ଓ୍ୱେବସାଇଟ୍
  • ||
  • ମଙ୍ଗଳବାର ବିହାର କ୍ୟାବିନେଟର ସଂପ୍ରସାରଣ, ଶପଥ ନେବେ ୩୧ ମନ୍ତ୍ରୀ
  • ||

ଟ୍ରେନ ଧକ୍କାରେ ହାତୀ ଗୁରୁତର, ଆହତ ହାତୀକୁ ଘେରି ରହିଛନ୍ତି ୧୦ ସାଥୀ ହାତୀ

19/05/2022 at 8:58 PM

ବଡ଼ବିଲ, ୧୯/୦୫: ଟ୍ରେନ ଧକ୍କାରେ ଗୋଟିଏ ମାଈ ହାତୀ ସହି ୨ ଛୁଆ ହାତୀ ଗୁରୁତର । ଆଜି ସନ୍ଧ୍ୟା ପ୍ରାୟ ସାଢ଼େ ୬ଟା ରୁ ୭ଟା ମଧ୍ୟରେ କେନ୍ଦୁଝର ଜିଲ୍ଲାର ଯୋଡ଼ା ନିକଟବର୍ତ୍ତୀ ବେହେରା ହଟିଂ ନିକଟରେ ଏହି ଅଭାବନୀୟ ଦୁର୍ଘଟଣା ଘଟିଛି । ଦକ୍ଷିଣ ପୂର୍ବ ରେଳବାଇ ଅନ୍ତର୍ଗତ, ବାଂଶପାଣୀ – ଜୁରୁଡ଼ି ରେକପଥର ୪୦୪ ନଂ ପିଲ୍ଲାର  ନିକଟରେ ଏକ ଗୁଡ୍ସ ଟ୍ରେନ ହାତୀପଲକୁ ଧକ୍କା ଦେଇଥିବା ପ୍ରାଥମିକ ସୂଚନା ମିଳିଛି । ଏକ ୧୯ ଟିକିଆ ହାତୀପଲ  ସନ୍ଧ୍ୟାରେ ବୈତରଣୀ ସଂରକ୍ଷିତ ଜଙ୍ଗଲ (କ) ଦେଇ ଯାଉଥିବା ବେଳେ,  ରେଳ ଧାରଣା ପାରିହେଉଥିଲେ । ଏହି ସମୟରେ ବାଂଶପାଣୀ – ଜୁରୁଡ଼ି ରୁଟରେ ଯାଉଥିବା ଏକ ଖାଲି ଗୁଡ୍ସ ଟ୍ରେନ ହାତୀପଲକୁ ଧକ୍କାଦେଇଥିଲା । 

ମିଳିଥିବା ସୂଚନା ଅନୁସାରେ ଗୋଟିଏ ମାଈ ହାତୀ ସହ ଦୁଇଟି ହାତୀଛୁଆ ଗୁରୁତର ଆହତ ହୋଇଥିବା ଜଣାପଡିଛି । ଘଟଣା ଜଣାପଡିବା ପରେ ବନ ବିଭାଗର ଅଧିକାରୀ ଓ ରେଳବାଇର ରେସ୍କ୍ୟୁ ଟିମ ଘଟଣା ସ୍ଥଳରେ ପହଞ୍ଚିଛନ୍ତି । ତେବେ ଅନ୍ୟ ହାତୀମାନେ ସେମାନଙ୍କୁ ଘେରିରହିଛନ୍ତି । ଯାହାଫଳରେ, ରେସ୍କ୍ୟୁ କାର୍ଯ୍ୟ ହୋଇପାରୁନାହିଁ ।  ସେହିଁ ରୁଟ ଦେଇ ସମସ୍ତ ଟ୍ରେନ ଚଳାଚଳ ବନ୍ଦ ରହିଛି । ବନ କର୍ମଚାରୀ ଘଟଣା ଉପରେ ନଜର ରଖିବା ଛଡା ଆଉକିଛି କରିବା ସମ୍ଭବ ହୋଇପାରୁନାହିଁ । କିଛି ବର୍ଷ ପୂର୍ବେ ଏହି ରେଳ ରୁଟରେ ଟ୍ରେନ ଧକ୍କାରେ ୩ ହାତୀଙ୍କ ମୃତ୍ୟୁ ଘଟିଥିଲା ।

   Related Posts