କେନ୍ଦୁଝର ୩୦।୫: ସିଦ୍ଧଜଗନ୍ନାଥଙ୍କ ମନ୍ଦିର ପାଚେରୀ ଭାଙ୍ଗିଲେ ୬ ଟିକିଆ ବଣୁଆ ହାତୀ ପଲ । କେନ୍ଦୁଝର ପୁରୁଣା ସହର ସ୍ଥିତ ବହୁ ପୁରାତନ ସିଦ୍ଧମଠର ସିଦ୍ଧଜଗନ୍ନାଥଙ୍କ ମନ୍ଦିର ବାହାର ପାଚେରୀ ଭାଙ୍ଗିବା ସହ, ଜଗନ୍ନାଥଙ୍କ ପାତାଳୀ କ୍ଷେତ୍ର ଓ ମନ୍ଦିର ଭିତର ପାଚେରୀ ମଧ୍ୟ ଭାଙ୍ଗି ଦେଇଛନ୍ତି ହାତୀ ପଲ ।
{"id":795141,"width":737,"height":327,"sizeSlug":"full","linkDestination":"none"}![](https://www.prameyanews7.com/wp-content/uploads/2023/05/vlcsnap-2023-05-30-16h33m18s147.png)
ସୋମବାର ଭୋର୍ ସମୟରେ ୬ଟିକିଆ ବଣୁଆ ହାତୀ ପଲରୁ ଗୋଟିଏ ଛୁଆ ହାତୀ ପଣସ ଖାଇବାକୁ ଆସି ସିଦ୍ଧ ଜଗନ୍ନାଥଙ୍କ ମନ୍ଦିର ମଧ୍ୟରେ ପଶି ବାହାରକୁ ବାହାରି ପାରିନଥିଲା । ଛୁଆ ହାତୀକୁ ମନ୍ଦିର ବାହାରକୁ ଆଣିବାକୁ ଯାଇ ଅନ୍ୟ ହାତୀମାନେ ମନ୍ଦିରର ପାଚେରୀ ଅନେକ ସ୍ଥାନରେ ଭାଙ୍ଗି ଦେଇଥିଲେ । ଶେଷରେ ହାତୀ ପଲରୁ ଏକ ବଡହାତୀ ମନ୍ଦିର ପାଚେରୀ ଭାଙ୍ଗି ଭିତରକୁ ଯାଇ ଛୁଆ ହାତୀକୁ ବାହାରକୁ ନେଇଯିବା ପରେ ହାତୀ ପଲ ସେଠାରୁ ଚାଲି ଯାଇଥିଲେ ।
{"id":795144,"width":737,"height":328,"sizeSlug":"full","linkDestination":"none"}![](https://www.prameyanews7.com/wp-content/uploads/2023/05/vlcsnap-2023-05-30-16h33m28s753.png)
ସିଦ୍ଧମଠ ଜଙ୍ଗଲରେ ୧୫ଦିନ ହେବ ୬ଟିକିଆ ହାତୀ ପଲ ଚଳପ୍ରଚଳ କରୁଥିବାରୁ ସ୍ଥାନୀୟ ଲୋକେ ଭୟଭୀତ ଅବସ୍ଥାରେ ରହିଛନ୍ତି । ସ୍ଥାନୀୟ କିଛି ଯୁବକ ହାତୀ ପଲଙ୍କୁ ଅଯଥା ଟର୍ଚ୍ଚ ମାରି ଭୟଭୀତ କରାଇଥିବାରୁ ହାତୀ ପଲ ଧନଜୀବନ ହାନୀ କରୁଥିବା ଅଭିଯୋଗ କରିଛନ୍ତି ସ୍ଥାନୀୟ ବାସିନ୍ଦା । ଲୋକଙ୍କୁ ସଚେତନ କରିବା ସହ, ହାତୀ ପଲଙ୍କୁ ସୁରକ୍ଷିତ ସ୍ଥାନକୁ ଘଉଡାଇବାକୁ ବନ ବିଭାଗ ଚେଷ୍ଟା କରୁଥିବା କହିଛନ୍ତି ରେଞ୍ଜର ।
You Can Read :
wp:embed {"url":"https://www.prameyanews7.com/another-two-hunter-arrested-in-baripada/","type":"wp-embed","providerNameSlug":"prameya-news-7"}