ତେଲକୋଇ ୧୯/୧୨: ତେଲକୋଇ ରେଞ୍ଜରେ ଧସେଇ ପଶିଲେ ୩୭ ଟିକିଆ ହାତୀପଲ । ନଷ୍ଟ କଲେ ଏକର ଏକର ଧାନଫସଲ ସହିତ ପନିପରିବା ଫସଲ ।
ଗତକାଲି ବିଳମ୍ବିତ ରାତିରେ ତେଲକୋଇ ରେଞ୍ଜର ପୁରୁଣାପାଣି ଗାଁରେ ୩୭ ଟିକିଆ ହାତୀପଲ ଉତ୍ପାତ କରିଥିଲେ । ଧାନଫସଲକୁ ଖାଇବା ସହିତ ଦଳିମକଚି ନଷ୍ଟ କରିଥିଲେ । ଆଳୁ, କୋବି ଓ ମଟର ଫସଲକୁ ମଧ୍ୟ ମାଡିଦଳି ଖାଇଗଲେ । ଗାଁ ନିକଟ ଦଣ୍ଡାହୋଳିରେ ହାତୀପଲ ଥିବାରୁ ଲୋକେ ଆତଙ୍କିତ ଅବସ୍ଥାରେ ଅଛନ୍ତି ।
ସେପଟେ ଓରିଆ ଗାଁରେ ମଧ୍ୟ ହାତୀପଲ ଧାନଫସଲକୁ ଦଳିମକଚି ନଷ୍ଟ କରିଦେଇଛନ୍ତି । ଧାନଫସଲ ଅମଳ ସମୟରେ ହାତୀପଲଙ୍କ ଉପଦ୍ରବ ଯୋଗୁଁ ଚାଷୀ ମୁଣ୍ଡରେ ହାତଦେଇ ବସିଛି । ବନବିଭାଗ ହାତୀପଲଙ୍କୁ ଘଉଡ଼ାଇବାରେ ବିଫଳ ହୋଇଥିବା ଲୋକେ ଅଭିଯୋଗ କରିଛନ୍ତି ।